246a1 rgyal po khri sreng lde'u btsan la gdams te rin po che'i gter du sbas so// gter rgya/ sbas rgya/ gtad rgya/ gsang rgya//// rgya gar skad du/ ni d+hi hr-i da ya ran+ta kuT tan+t+ra/
246a2 bod skad du/ gter snying rin po che spungs pa'i rgyud/ bcom ldan 'das thog ma'i sangs rgyas 'od mi 'gyur ba la phyag 'tshal lo// 'di skad bdag gis rang bzhin rtogs nas bshad pa'i dus gcig na/ rang
246a3 bzhin gyis rnam par dag pa'i gnas/kun gzhi pho brang/ kun gzhi'i sems nyid khyab brdal chen po'i dkyil/ 'od gsal 'gag pa med pa'i klong/ rin po che rtsal zer kun 'byung gi mkha'/ sgrib pa med par
246a4 'od gsal ba/de nyid du rnam par dag pa/ rgyu rkyen 'pho 'gyur med pa/ rgya chad phyogs lhung med pa'i gnas de na/ sngon thog spyi phud kyi sangs rgyas 'od mi 'gyur ba bzhugs so// de'i tshe rtsal zer shes rig gi
246a5 'khor yang 'di lta ste// ma 'gags rtsal zer 'od mdangs 'gyu ba'i 'khor dang/ shes rig yid sems dran rtog blo yi 'khor dang/ rang bzhin gyi 'khor yang 'di lta ste/ rang bzhin gnas pa'i 'khor dang/
246a6 rang bzhin la lta ba'i 'khor dang/ rang bzhin rtogs pa'i 'khor ro// gzhan yang smin pa chen po'i 'khor yang 'di lta ste/ rgyu'i byang chub sems dpa' dang/ lam gyi byang chub sems dpa' dang/ 'bras bu'i byang
246b1 chub sems dpa'o// bstan pa'i rgyal po gter snying rin po che spungs pa'i rgyud 'di/ dus gsum dbyer med snga phyi med pa'i dus su gsungs so// gter snying rin po che spungs pa'i rgyud las/ gleng gzhi phun sum
246b2 tshogs pa'i le'u ste dang pa'o//// de nas shes rig rgyal po yis// sngon thog spyi phud sangs rgyas la// gzhi 'khrul rtsad gcod rtogs thabs gang// zhes zhus pa dang/ ston pas 'khor la bka' stsal
246b3 pa// gzhi ni ming ma thogs pa la// dngos med ka dag blo las 'das// dpe med tshig med tha snyad med// lhun grub kun ldan gang yang med// mi 'gyur kun gzhi phyogs med klong// zhes gsungs so// gter
246b4 snying rin po che spungs pa'i rgyud las/gzhi bstan pa'i le'u ste gnyis pa'o//// de nas shes rig rgyal po yis// sngon thog spyi phud sangs rgyas la// ka dag ma rtogs ci ltar 'khrul// zhes zhus pa dang/
246b5 ston pas 'khor la bka' stsal pa// gzhi la 'khrul dang ma 'khrul med// rtsal la 'khrul dang ma 'khrul byung// ka dag ma rtogs 'khrul pa yin// dngos med ma rtogs sdug bsngal myong// rnal ma ma rtogs 'khor
246b6 bar 'khyams// dbye bsal ma rtogs ma rig mun// rang sa ma zin 'gro drug 'khrul// tho yor thag pa smig rgyu gsum// mi sbrul chur 'khrul dpe dang mtshungs// gzhi la med de rtog pas bzung// nyes skyon sdug
247a1 bsngal zad mtha' yas// zhes gsungs so// gter snying rin po che spungs pa'i rgyud las/ 'khrul pa bstan pa'i le'u ste gsum pa'o//// de nas rig pa'i rgyal po yis// sngon thog spyi phud
247a2 sangs rgyas la// 'khrul pa rtsad nas ji ltar bcad// ces zhus pa dang/ ston pas 'khor la bka' stsal pa// gzhi 'khrul rtsad chod ma bu 'phrad// 'khrul chod klong gyur rgya yis thebs// khams gsum 'gro drug
247a3 rtsad chod pas// ma rig 'khor ba'i ming yang med// lan tshwa chu ru thim pa'am// dug la sngags kyis thebs pa 'dra// zhes gsungs so// gter snying rin po che'i rgyud las/ rtsad gcod bstan pa'i le'u ste bzhi
247a4 pa'o//// de nas rig pa'i rgyal po yis// sngon thog spyi phud sangs rgyas la// dngos med ka dag gang gis rtogs// zhes zhus pa dang/ ston pas 'khor la bka' stsal pa// dngos med ka dag
247a5 rtogs thabs ni// rtsol med bsam bral rtogs pa las// lta sgom spyod pas ma yin no// cang med cing snang dngos med kun gzhi de// 'dod bral blo 'das bsam med dngas sang nge// stong gsal ye gdangs
247a6 sang nge dngos med dbyings// gting gsal gdangs la gang gi tha snyad med// ka dag rnal ma blo 'das rtogs// zhes gsungs so// gter snying rin po che spungs pa'i rgyud las/ rtogs thabs bstan pa'i le'u ste
247b1 lnga pa'o//// de nas rig pa'i rgyal po yis// sngon thog spyi phud sangs rgyas la// la bzla chen po ji ltar lags// zhes zhus pa dang// ston pas 'khor la bka' stsal pa// ka dag dngos med rnal ma
247b2 la// sangs rgyas byang chub chos rnams med// sku dang rigs lnga lha bsgom med// nyams rtags mngon shes tha snyad med// 'khor 'das yod med rtag chad med// chags sdang 'khor ba'i bya ba la// yid ni 'brengs
247b3 kyang ma brtags 'khrul snang yin// 'khrul snang chags sdang nams kyang bslu// de bas 'khor ba'i bya ba thongs/ chags na lha la chags kyang ltung/ gang la'ang chags sdang ma byed cig/ ces gsungs so// gter
247b4 snying rin po che spungs pa'i rgyud las/la bzla ba'i le'u ste drug pa'o//// de nas rig pa'i rgyal po yis// sngon thog spyi phud sangs rgyas la// gzhi yi 'khrul pa rtsad chod pas// rtogs thabs
247b5 gdams ngag ji ltar bstan// ces zhus pa dang/ ston pas 'khor la bka' stsal pa// gsang sngags brdas bshad 'khor rnams nyon// nam mkha'i dbyings la ci 'dug ltos// zhes gsungs pa dang/ 'khor gyis
247b6 nam mkha'i dbyings su bltas// ci yang mi gda' gang ma mthong// de la ston pas bka' stsal pa// ma mthong ba de mthong ba yin// zhes gsungs so// ston pas 'khor la bka' stsal pa// nam mkha'i mthongs su
248a1 'ja' tshon shar ba de// dngos por 'dug zin nam mkha' nyid la dngas// zhes gsungs pa dang/ 'khor gyis bltas nas 'di skad zhus// gsal la dngos gzhi mi gda' mkha' la dngas// zhes
248a2 gsol pa dang/yang ston pas bka' stsal pa/ la ka'i la btsas mi la ltos// thag ring thang chad mgron po la// sngon na khang stong gnyis 'dug pa// sgo gnyis gang zhig phye nas 'gro// mgron po skyel med
248a3 'jigs sar phyin// mi byung dgra gnyen gang yin no// mi gcig 'gro la shol 'debs gnyis// thog mar gang du ldog lags na// long ma'i mig phyed mun nag nyi shar ram// sha btson gdos 'grol dug la
248a4 sngags thebs sam// lan tshwa chu thim gnad la mda' phog gam// gser 'gyur rtsir ldan nad pas sman sos sam// sdong po rtsad chod dwa phrug ma phrad dam// zas kyi bcud 'thungs nor gyi dbyigs rnyed
248a5 dam// zhes gsungs so// gter snying rin po che spungs pa'i rgyud las/ gsang sngags brdas bstan pa'i le'u ste bdun pa'o//// de nas rig pa'i rgyal po yis// sngon thog spyi phud sangs rgyas
248a6 la// gnas mchog bcud dgongs ji ltar lags// zhes zhus pa dang/ ston pas 'khor la bka' stsal pa// rnam dag 'od gsal dkyil 'khor mchog/ phyogs med ka dag dngos med lha yi mchog/ blo 'das
248b1 byar med mchod bstod bshags pa'i mchog/ka dag rnal ma dbang gi mchog/ snang srid dbyer med gtor tshogs mchog/ zhe 'dod rtsol med 'jug sgo'i mchog/ 'dzin med blo ni gang du'ang skye med bsgom pa'i
248b2 mchog/gang yang zhe 'dod rten med lta ba'i mchog/ yid sems gang yang mi rgyu bsgom pa'i mchog/ dran rig gang la'ang ma chags spyod pa'i mchog/ shes pa gang la'ang mi 'jug nyams kyi mchog/ dngos med ka
248b3 dag blo 'das 'bras bu'i mchog/smon pa'i sa non sa lam 'bras bu'i mchog/ btsal bsgrub byar byed med pas phrin las mchog/ snang srid yod med kun rdzogs rdzogs chen mchog/ ces gsungs so/ gter
248b4 snying rin po che spungs pa'i rgyud las/mchog bstan pa'i le'u ste brgyad pa'o//// de nas rig pa'i rgyal po yis// dngos med sangs rgyas spyi phud la// mtshan dang gtad rgya ji ltar lags// zhes
248b5 gsol pa dang/ston pas 'khor la bka' stsal pa// sna tshogs kun 'byung snying por 'dus// snying po gter snying rgyud du zung// dgos 'dod ma lus 'byung ba yis// rin po che yi rgyud du zung// don gyi bcud
248b6 rnams spungs pa'i phyir// rin chen spungs pa'i rgyud du zung// rgyud 'di gtad pa'i skal ldan ni// rgyud bzang ngang ring dad pa che// gus dang dam tshig shes rab ldan// de lta bu la rgyud 'di gtad// dam med nga
249a1 rgyal g.yo sgyu can// de lta bu la mi sbyin no// zhes gsungs so// gter snying rin chen spungs pa'i rgyud las/ mtshan dang snod bstan pa'i le'u ste dgu pa'o//// gter snying rin po che
249a2 spungs pa'i rgyud kyi rgyal po rdzogs so//// o rgyan pad+mas bshad cing lo ts+tsha ba ska ba dpal brtsegs kyis bsgyur nas/ rgyal po khri srong lde'u btsan la gdams pa'o//// gter rgya/ zab rgya/ gtad
rgya'o/

CLOSE WINDOW