74a1 rgya gar skad du/ shrI many+dzu sa mu dA ya tan+t+ra/ bod skad du/ 'jam dpal 'dus pa'i rgyud/ 'jam dpal ye shes sems dpa' la phyag 'tshal lo// 'di skad bdag gis thos pa'i dus gcig na/ 'og
74a2 min du ni bzhugs gnas ni// sangs rgyas sems can rgyab gyes dus// 'khor gyi rdo rje sems dpa' la// yang ti nag po'i bstan pa shar// sdud byed ro langs bde bas bsdus// 'jam dpal 'dus pa'i rgyud
74a3 las/gleng gzhi'i le'u ste dang po'o//// de nas rdo rje sems dpa' yis// kye kye ston pa kun tu bzang po lags// rdzogs pa chen po'i don chen la// dbang la bskur ba'i don rnams dang// lam sbyangs
74a4 bgrod tshogs bsags pa dang// sgrib sbyang dam tshig dkyil 'khor dang// lha bsgom sngags bzlas ting 'dzin dang// sbyin dang tshul khrims smon lam dang// de rnams don kyang bshad du gsol// zhes zhus
74a5 so// 'jam dpal 'dus pa'i rgyud las/ zhus pa'i le'u ste gnyis pa'o//// kun tu bzang pos bka' stsal pa// nyon cig rdo rje sems dpa' che// dbang la bskur mi dgos pa ni// bum pa thob dang
74a6 gsang dbang dang// tshig gi dbang du thams cad 'dus// rang lus bum par shes pa ni// de ni dbang bskur dang po yin// rig snang gnyis su sbyor ba ni// de ni dbang mchog gnyis pa yin// ye shes sku yis
74b1 don mchod pas// de ni dbang bskur gsum pa yin// tshigs rnams thams cad don la bsdus// de ni dbang bskur bzhi pa yin// dbang rdzas rang la rab rdzogs pas// snang ba rdzas kyi khar ma lus// zhes
74b2 gsungs so// 'jam dpal 'dus pa'i rgyud las/ dbang gis le'u ste gsum pa'o//// lam sbyangs mi dgos pa'i don 'di'o// 'byung ba lnga la longs spyod pas// de ni tshogs kyi lam pa'o// de nyid 'od
74b3 gsal nyid du shar// de ni sbyor ba'i lam pa yin// gnyis snang med pa'i ye shes gsal// de ni mthong ba'i lam pa'o// de rnams gnyis su med par gnas// de ni mthar phyin lam pa'o/ zhes gsungs
74b4 so// 'jam dpal 'dus pa'i rgyud las/ lam gyi le'u ste bzhi pa'o//// sa lam mi bgrod don 'di'o// sa rnams mi bgrod rang la rdzogs// mnyam par shes nas sa rnams kun dang mnyam// bgrod
74b5 med don la gang gnas pa// de ni sa rnams non pa ste// gang zhig sa rnams bgrod 'dod pa// phyin pa'i dus med non pa'i thabs med de// dper na ri dwags smig rgyu bsnyegs dang mtshungs// zhes gsungs
74b6 so// 'jam dpal 'dus pa'i rgyud las/ sa'i le'u ste lnga pa'o//// tshogs rnams mi bsog don 'di'o// tshogs bsags don la rnam gnyis te// rgyu yis tshogs dang 'bras bu'o// rgyu ni thig le lhun
75a1 grub la// 'bras bu thams cad mkhyen pa'i ye shes so// gnyis su med pa'i chos sku la// tshogs gnyis rnam pa gnyis rdzogs pas// tshogs rnams mi gsog ye nas rdzogs// gnyis snang med pas
75a2 bsag tu med// ces gsungs so// 'jam dpal 'dus pa'i rgyud las/ tshogs kyi le'u ste drug pa'o//// sgrib pa sbyangs pa'i don 'di'o// sgrib pa la yang rnam bzhi ste// rig pa sprul pa'i skur grub
75a3 pas// shes bya'i sgrib pa de la med// snang ba rang snang longs sku la// nyon mongs sgrib pa sbyang du med// gnyis snang med pa'i thig le la// las kyi sgrib pa sbyang du med// chags pa rang byung ye shes la// bag
75a4 chags sgrib pa sbyang du med// thams cad thig le chos sku la// sgrib pa bzhi po gang du sbyang// sbyang ba'i sa dang sbyong ba'i rgyu// gnyis spyod phyir na yang ti min// ji snyed theg pa 'og mar gol// gol sa bcad phyir
75a5 don 'di bstan// zhes gsungs so// 'jam dpal 'dus pa'i rgyud las/ sgrib pa sbyang ba'i le'u ste bdun pa'o//// dam tshig bsrung du med pa'i don 'di'o// chos sku khyab pa'i gcig pa'i phyir// srung
75a6 ba'i dam tshig sa ma ya// 'bum de bkod pa tshig yin te// tshig la mi brten rang byung bas// de rnams thig ler 'dus pas na// thams cad bsrung bya gang yang med// bsrung bya srung byed gnyis byung na// de ni
75b1 yang ti nag po min// yul dang yul can yin pa'i phyir// theg pa 'og ma'i khyu ru gol// de phyir ye bsrungs don 'di bstan// zhes gsungs so// 'jam dpal 'dus pa'i rgyud las/ dam tshig bsrung ba'i le'u
75b2 ste brgyad pa'o//// dkyil 'khor bskyed du med pa'i don 'di'o// lte ba mu 'khyud 'khor lo 'phags// zla gam rin chen zur gsum rnams// rang las snang ba phyi ru shar// de la dam par 'dzin pa
75b3 ni// theg pa 'og ma'i 'dod gzhung ngo// yang ti nag po 'di ltar 'dod// phyi yi dkyil 'khor rang snang yin// nang gi dkyil 'khor rang byung yin// gsang ba'i dkyil 'khor gnyis med yin// yang ti'i dkyil
75b4 'khor bstan pa ni// thams cad ye nas sangs rgyas yin// yin par shes pas bskyed du med// ces gsungs so// 'jam dpal 'dus pa'i rgyud las/ yang ti nag po'i dkyil 'khor gyi le'u ste dgu
75b5 pa'o//// lha la bsgom du med pa'i don bstan pa// dbyings phyug la sogs yul rnams ni// rang snang yul du gzung bas 'khrul// he ru ka sogs yab rnams ni// rang shar brtag te yab tu
75b6 gzung// thugs las skyes pa'i sras mchog ni// yab kyi rang byung cha las gzung// de yi yum rnams thams cad kyis// yum gyis snang ba'i cha las gzung// gnyis med zer gyis gnyis su bsgrub// des na
76a1 bsgrub pa'i gol sa yin/yang ti nag po'i lha bsgom ni// rig pa'i ye shes thams cad lha// rig pa'i lha la mdun rgyab med// yab yum gnyis su phyi nang med// phyi nang med pa'i thig le'o// de ni
76a2 don gyi dkyil 'khor yin// zhes gsungs so// 'jam dpal 'dus pa'i rgyud las// lha bsgom pa'i le'u ste bcu pa'o//// gsang sngags bzla' ru med pa ni// mi gsung mnyam par shes pa ni// de ni
76a3 sngags kyi ting 'dzin yin// thig le ru chug [ngo sprod dang po yod dam/ / 'khrul pa'i rtsa ba gting nas thon// lhag mthong rig pa'i 'khor lo bskor// de ni ngo sprod gnyis pa'o// ngo sprod gsum pa yod
76a4 dam// yid phung thag pa nag po rtsad nas chod// rig pa gos dang dbral ba'o// de ni ngo sprod bzhi pa'o/ yang ni bar do'i rkyen gsum bstan// snang ba ngo sprod bla ma'i ngag/ rig pa gcig pur bzung ba
76a5 dang// rig pa gos dang dbral ba dang// gzung 'dzin zhags pa bcad pa'o// 'bring dang tha ma'i man ngag go// rab kyi dpe yang rnam gsum ste// rgya mtsho'i lbu ba nam mkha'i sprin// ut+pa la yi mdog bzhin
76a6 no// yang na dpe gcig 'di lta ste// pa na sa yi 'bras bu bzhin// gzhi las 'das pa med pa'o// zhes gsungs so// 'jam dpal 'dus pa'i rgyud las/ gnas lugs la ngo sprad pa dang ma grol ba grol bar bya
76b1 ba'i le'u ste bco lnga pa'o//// de nas rdo rje sems dpa' yis// bcom ldan kun tu bzang po la// legs so zhes ni rab bstod nas// bdag cag shin tu yi rang ste// rgyud chen 'di la ming 'dogs
76b2 zhu// zhes gsungs so// kun tu bzang pos bka' stsal pa// nga yi byin bshad rgyud chen 'di// 'jam dpal ye shes 'dus par zung// thams cad gang yang ma lus rdzogs// thams cad 'dus pa'i rgyud du
76b3 zung// sangs rgyas rang 'khrungs bstan pas na// sangs rgyas 'dus pa'i rgyud du zung// ye shes rang la ston pas na// ye shes khong shar rgyud du zung// lta sgom spyod pa sun 'don pas// lhun grub rang chas rgyud
76b4 du zung// zhes gsungs so// zhu ba po rdo rje sems dpas zhus/ sdud pa po ro lang bde bas sdus so// 'jam dpal 'dus pa'i rgyud las/ mtshan gyi le'u ste bcu drug pa'o//// yang ti nag po 'bru gcig
76b5 pa rdzogs so////


CLOSE WINDOW