60b1 / 'di mtshams phy-i ma gsang ba'i rgyud dang mthar thug gi rgyud 'dzud//// rgya gar skad du/ dz+nyA na tsakra tan+t+ra/ bod skad du/ ye shes 'khor lo'i rgyud/ bcom
60b2 ldan kun tu bzang po yis// 'og min brdal ba'i pho brang du// 'khor gyi rdo rje sems dpa' la// yang ting nag po 'chad pa'i dus// byin rlabs bstan pa rang shar dus// thig le gcig tu bsdus pa'i tshe// ngo
60b3 sprod bzhi yi gdams ngag gsungs// me mar me long dkyil 'khor dang// rin chen man shel bzhi po la// rdo rje sems dpar ngo sprad pas// rang grol nyid du mngon sangs rgyas// glur blangs pas le'u las
60b4 kyang// tshig bden bden par smra ba ste// bden pa bzhi ni ston pa po// phyir mi ldog pa phyir mi 'ong// zhes gsungs so// rtsa ba mdor bsdus pa'i le'u ste dang po'o//// bcom ldan ro langs bde ba
60b5 yis// bcom ldan rdo rje sems dpa' la// ngo sprod bzhi yi rgyud zhus par// legs par nyon la thugs la chongs// glur blangs pa'i le'u las kyang// khyod ni rtse gcig yid kyis nyon// zhes gsungs so// ngo
60b6 sprod bzhi po ma lus par// bdag la gnang bar mdzad du gsol// bcom ldan de ni legs zhes gsol// zhes gsungs so// rdo rje sems dpas bka' stsal pa// mar me ngo sprad rnam gsum ste// tshogs
61a1 drug yul ngo sprad pa dang// snying po ye shes la ngo sprad pa dang// thugs rje sku gsum du ngo sprad pa dang// lung las gsum rig gtsang ma dag pa ste// zhes gsungs so// ngo sprod dang po'i le'u ste
61a2 gnyis pa'o//// rdo rje sems dpas bka' stsal pa// me long gsum gtugs ngo sprad pas// sku gsum gcig pa'i rol pa la// 'khrul snang longs sku'i ngo sprod dang// bde chen chos sku'i ngo sprod
61a3 do// lung las kyang// ye shes sku ste rang byung ba// zhes 'byung ngo// ngo sprod gnyis pa'i le'u ste gsum pa'o//// rdo rje sems dpas bka' stsal pa// rin chen man shel ngo sprad pas// rig pa
61a4 gos dang dbral ba dang// rig pa rkyang pa zang thal dang// lhag mthong rig pa'i 'khor lo dang// gzung 'dzin zhags pa bcad pa dang// yid kyi phu thag bcad pa'o// lung las bdag rigs gzhan
61a5 rigs thams cad pa// kun la phan pa'i gang zag mchog/ yid bzhin nor bu chen po 'chang// zhes gsungs so// ngo sprod gsum pa'i le'u ste bzhi pa'o//// rdo rje sems dpas bka' stsal
61a6 pa// dkyil 'khor bzhi la ngo sprad pa// snang byed phyi yi dkyil 'khor ni// gdul bya'i don du gsungs pa yin// rang lus dkyil 'khor bstan pa ni// rdzogs pa'i don du bstan pa yin// ye shes dkyil 'khor
61b1 bstan pa ni// thig le chos skur bshad pa yin// gnyis med chos skur bshad pa yin// lta ba'i don du bstan pa'o// lung las kyang/ dkyil 'khor chen po yangs pa yin// gnyis med gnyis su med par
61b2 ston// yang dag mtha' la rnam par grol// zhes gsungs so// ngo sprad bzhi pa'i le'u ste lnga pa'o//// rdo rje sems dpas bka' stsal pa// ngo sprod bzhi yi don chod nas// rtags kyang rnam pa gsum
61b3 'byung ste// phyi yi rtags dang nang gi rtags// gsang ba'i rtags dang gsum du 'byung// phyi yi rtags la rnam gsum ste// snang bas gnod par mi nus na// de ni rtags kyi dang po yin// lus la 'byung bas
61b4 mi tshugs na// de ni rtags mchog gnyis pa yin// rkyen rnams thig ler shes pa ni// de ni rtags mchog gsum pa yin// phyi rtags kyi le'u ste drug pa'o//// nang gi rtags la rnam gsum ste// mkha'
61b5 'gro'i lung ston dang po yin// chos kyi skang ster gnyis pa yin// rig pa'i dbang thob gsum pa yin// zhes 'byung ngo// gsang ba'i rtags la rnam gnyis te// gsang ba'i rtags dang yang gsang rtags// gsang
61b6 ba'i rtags la rnam lnga ste// rig pas gzung 'dzin mi nus te// rig pa ye shes rang shar la// dug lnga ye shes thug phrad shes// shes pa rkyen gyis 'gyur mi nus// ye shes zang thal skye ba ni// de ni gsang rtags
62a1 rnam lnga yin// yang gsang rtags la brtag tu med// sangs rgyas rtags dang sems can rtags// de rnams sems can rtags su bstan// sangs rgyas rtags la su rtogs pa// de yang sems can blo
62a2 yi chos// sdug bsngal bde chen ye shes la// rtag tu dug lnga rang shar 'byung// rang las 'byung zhing rang las grol// rang gis byas shing rang gis shes// rtogs dang ma rtogs blo dang dngos// 'khor dang
62a3 myang 'das dbyings ye shes// sangs rgyas sems can gnyis med na// yang gsang rtags su bstan pa'o// kun tu bzang po'i srog len pa// rdo rje sems dpa'i srog gi yang snying/ dga' rab rdo rjes zhus pa/ ye
shes 'khor lo'i rgyud le'u ste bdun pa rdzogs so/

CLOSE WINDOW