59a1 rgya gar skad du/ ma hA san+ti sa man+ta b+ha dra dz+nyA na pra ka Ta shA s+t+r-i tan+t+ra pash+tsi ma tsa pash+tsi ma nA ma/ bod skad du// rdzogs pa chen po kun tu bzang po ye shes gsal bar ston pa'i rgyud/ phyi ma'i yang phyi ma zhes
59a2 bya ba bcom ldan 'das dpal kun tu bzang po la phyag 'tshal lo// de nas bcom ldan 'das dpal kun tu bzang pos 'khor rnams la bka' stsal pa// kye nyon cig rdo rje 'dzin pa rnams// rig pa stong
59a3 gsal rtogs 'dod na// dang po sems nyid bzung ba dang// de nas lam du bslang bar bya// zhes bka' stsal to// de nas rdo rje sems dpas gsol pa// kye kye bcom ldan rdo rje 'chang// rig pa stong gsal
59a4 rtogs 'dod pa// sems bzung rim pa ji ltar lags// de skad ces ni gsol pa'i tshig gsan nas// rdo rje 'dzin pas bka' stsal pa// sems bzung rims pa 'di lta ste// mtho dang ri mo 'jam rlung
59a5 dang// thig le gdugs dang 'khor lo dang// yig 'bru dang ni shes rab ma// slob dpon 'gran rlung nam mkha'o// zhes gsungs so// rgyud phyi ma'i phyi ma las le'u ste dang po'o//// de nas gzhan yang
59a6 bka' stsal pa// dang po mtho la bzung ba ni// mdun du mtho la gtad de bzung// ri mo dag la bzung ba ni// bde ba'i stan la 'dug pa dang// mdun du ri mo'i nang du bzung// 'jam rlung dag la bzung ba
59b1 ni// steng 'og bar rlung gar bder bzung// thig le dag la bzung ba ni// smin mtshams dag gam sna rtse ru// thig le dag la gtad la bzung// de bzhin gdugs la bzung ba ni// 'og tu rgya gdugs 'khor lo
59b2 bzung// 'khor lo dag la bzung ba ni// sho gu'i gdugs bya bla na bskor// sna ru bdug pa rna bar sgra// ma yengs gtad la bzung bar bya// yig 'bru dag la bzung ba ni// sems kyi gnas pa bzhi ru yang// a
59b3 la sogs pa'i yig 'bru dag la gzung bar bya// shes rab ma la bzung ba ni// mkha' gsang brlabs shing dbang po sprad// thig le gcig shor gnyis la bzung// slon dpon dag la bzung ba ni// spyi bo'i
59b4 gtsug tu bsam la bzung// drag rlung dag la bzung ba ni// shes pa'i 'gren rten byas la bzung// nam mkha' dag la bzung ba ni// khru gang dag la gtad la bzung// zhes gsungs so// rgyud phyi ma'i phyi ma
59b5 las/sems bzung ba'i le'u ste gnyis pa'o//// de nas yang bka' stsal pa// nyon cig dpal ldan rdo rje 'dzin// sems 'dzin pa yi dus nyid du// yon tan skyon du snang ba'i phyir// skyon rnams bcos
59b6 pa 'di ltar bya// rlung skyes par ni gyur pa na// de nas rgod cing gnyid mi phebs// de la sku mnye bcud can bsten// ser po dmar po'i snang ba'o// de la bsil bar bsgom shing bsil// sman bsil zas ni
60a1 bcud can btang// bad kan skyes na cad 'khrog byed// dang ga mi bder gyur pa na// kha zas bsil btang bcag par bya// sems 'dzin pa yi bar du yang// g.yengs pa'i 'khrul pa thag bcad
60a2 la// ma yengs par ni bzung bar bya// sems ni ma zin bar du yang// mtshan mo'i sems 'dzin kha don dang// sems kyi rgyu 'grul bcad de yang// de nas sems 'dzin brtan pa dang// rig pa stong gsal lta
60a3 ba ste// de yis ngang gnas bsgom pa'o// de la ma yengs spyod pa yin// de las 'bras bu sku dang ni// ye shes lnga ru snang ba'o// de ni lam du bslang ba'i don zhes gsungs so// rgyud phyi ma'i phyi ma las/ skyon
60a4 bcos pa'i le'u ste gsum pa'o//// de nas dpal ldan kun tu bzang pos/ rdo rje sems dpa' la sogs pa'i 'khor rnams la bka' stsal pa/ rgyu 'di la ma tshang ba kha skong ba'i rgyud phyi ma'i phyi ma zhes
60a5 bya ste/'khor ba thams cad mya ngan las bsgral zhing/ sku dang ye shes su la zla ba'i phyir/ shin tu gces par gyis la bzung zhing bcang bar bya'o// zhes bka' stsal te/ stong gsal du sangs rgyas par gyur
60a6 to// rgyud phyi ma'i phyi ma las/ 'khor rnams la rgyud gtad pa'i le'u ste bzhi pa'o//// rdzogs pa chen po ye shes gsal bar ston pa'i rgyud phyi ma'i phyi ma zhes bya ba rdzogs so// shrI sid+ha dang yang dbang
gter gyis bsgyur/

CLOSE WINDOW