57b1 rgya gar skad du/ ma hA san+ti sa man+ta b+ha dra dz+nyA na pra ka Ta shastu stAn+t+ra pash+tsi ma nA ma/ bod skad du/ rdzogs pa chen po kun tu bzang po ye shes gsal bar ston pa'i rgyud phyi ma zhes bya ba/ bcom ldan 'das
57b2 dpal kun tu bzang po rdo rje 'chang gi sangs rgyas chen po la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje 'chang gi sangs rgyas kun tu bzang po nyid chos kyi dbyings kyi
57b3 pho brang nas/stong gsal chen po'i ting nge 'dzin la bzhugs so// de nas rdo rje 'dzin pas gsol pa// kye kye bcom ldan 'das bde chen kun tu bzang po nyid kyis// stong gsal bde chen bshad du gsol// de
57b4 skad gsol ba gsan nas kyang// kun tu bzang pos bka' stsal pa// stong gsal rig pa bshad kyis nyon// gzhi nyid stong pa gsal ba ste// de nyid ma rtogs 'khrul pa yin// des na stong gsal ngo yis
57b5 bzung// zhes gsungs so// gzhi gtan la dbab pa'i le'u ste dang pa'o//// de nas gzhan yang bka' stsal pa// lam ni rnam pa gnyis yin te// thun mong spyi ru bstan pa dang// khyad par lam du bkri
57b6 ba'o// de la spyi ru bstan pa ni// lta ba dbyer med rang grol yin// bsgom pa 'dzin med rang gsal te// spyod pa rang byung lhug pa'o// khyad par lam du bkri ba ni// rang bzhin gnas pa'i bar do la// dwa phrug ma
58a1 dang phrad pa bzhin// thig le stong gsal ngo yis sprad// ting nge 'dzin gyi bar do la// sgeg mo me long lta ba ltar// rtogs pa'i don la gnas par bya// rmi lam dag gi bar do la// bag chags
58a2 nying mtshams sbyor ba ni// chu bo'i gzhung ltar shes par bya// skye shi dag gi bar do la// ye shes ngo yis bzung ba ni// rkang chad pa la wa ni 'dzugs pa bzhin// lus dang sems ni gcun byas la// rab ni chos sku
58a3 dag la 'pho// 'bring ni gzugs sku dag par 'pho// tha ma zhing khams dag tu 'pho// de nas ye shes rgyun nyid de// srid pa dag gi bar do ru// mun par mar me bteg pa ltar// thams cad gsal bar mngon
58a4 shes 'char// yar 'gro mar 'gro tha mal gsum// rig pa nyid las log na med// zhes gsungs so// lam gtan la dbab pa'i le'u ste gnyis pa'o//// de nas gzhan yang bka' stsal pa// 'bras
58a5 bu'i rim pa 'di ltar 'byung// 'bras bu sangs rgyas nyid yin te// rig pa nyid ni sku dang ye shes dag tu snang ba ste// de yang rig pa sems nyid ni// bde ba chen por rab tu gnas pa'o// ma rtogs rig pa 'di
58a6 nyid rang// sdug bsngal dag tu 'gyur ba yin// gzhan nas thob pa'i gnas med do// zhes gsungs so// 'bras bu gtan la dbab pa'i le'u ste gsum pa'o//// de nas yang dpal kun tu bzang po rdo
58b1 rje 'chang la 'khor gyis bstod pa// kye kye bcom ldan rdo rje 'chang// stong gsal ngang las chos nyid ston// sku dang ye shes bdag nyid can// bde chen kun bzang nyid la bstod// ces bstod nas/ 'khor thams
58b2 cad kyang rdo rje 'chang gi ngang du sangs rgyas par gyur to// de nas yang kun tu bzang pos bka' stsal pa// rgyud 'di ston pa rdo rje 'chang// 'di thos sangs rgyas thams cad kyi// thugs kyi dngos grub dam pa
58b3 yin// de phyir rgyud 'di gzung bar bya// zhes gsungs so// rdzogs pa chen po kun tu bzang po/ ye shes gsal bar ston pa'i rgyud phyi ma las/ rgyud gzung zhing gtad pa'i le'u ste bzhi pa'o//// dus
58b4 gsum sangs rgyas thams cad kyis bka' bgros pa'i rgyud rdzogs pa chen po kun tu bzang po/ye shes gsal bar ston pa'i rgyud phyi ma zhes bya ba rdzogs so// rdo rje yang dbang gter gyis bsgyur//


CLOSE WINDOW