32a1 rgya gar skad du/ ma hA san+ti sarba dr-iSh+ti gar+b+ha tan+t+ra nA ma/ bod skad du/ rdzogs pa chen po'i lta ba thams cad kyi snying po'i rgyud ces bya ba/ bcom ldan 'das mnyam pa nyid kyi rgyal po dpal kun tu bzang
32a2 po la phyag 'tshal lo// 'di skad gsungs pa'i dus gcig na// kun rig sems kyi rgyal po des// 'og min chos kyi dbyings dag na// mnyam nyid don la rab bzhugs te// gsang sngags bdag po la sogs
32a3 pa'i// 'khor rnams 'dus nas rab tu 'khod// de nas sems dpa' rdo rje yis// 'dus pa'i tshogs la phan gdags phyir// gus pa'i tshul gyis thal sbyar te// bden pa'i tshig gis 'di skad gsol// rtsa ba
32a4 gcig pa'i sems nyid la// sangs rgyas chos rnams ci ltar gsungs// de don dgongs pa ci ltar yin// chos rnams gtan la ji ltar dbab// snod kyi rim pa ji ltar bstan// mnyam nyid rgyal pos lung bstan
32a5 gsol// de skad gsol bas tshig gsan nas// kun rig sems kyi rgyal po yis// 'dus pa'i tshogs la bka' stsal pa// legs so legs so sems dpa' rdo rje khyod// dad ldan bu la ngas bstan
32a6 gyis// legs par nyon la yid la zung// dus gsum sangs rgyas thams cad kyang// rtsa ba sems nyid rtogs pa'i phyir// gzi ldan nor bu rin chen bzhin// sangs rgyas nga yi sku gsung ste// chos sku nam mkha'
32b1 lta bu la// rang gi ngo bo brjod du med// zhing khams kun gzhi sems nyid la// thugs kyi sgo nas nges pa'i don// rgyu 'bras dbyer med lhun rdzogs chos// byin rlabs bde gshegs 'khor la gsungs// longs
32b2 sku 'ja' tshon lta bu la// ngo bo rigs lnga'i sangs rgyas te// zhing khams 'dus pa chen po la// dbus su phyi nang gsang ba'i chos// sku yi sgo nas ldem dgongs kyis// sku yi sgo nas 'khor la ngo bor
32b3 gsungs// sprul sku'i dpe ni nges med la// thub drug ngo bo shAkya thub// zhing khams khams gsum sems can la// rgyu 'bras dge sdig gnyis kyi chos// gsung gi sgo nas drang don gyis// sdeb sbyor legs pa'i
32b4 tshig tu gsungs// rdzogs pa chen po lta ba thams cad kyi snying po las/ man ngag 'byung ba'i rgyu sku gsum gyi gleng gzhi bstan pa'i le'u ste dang po'o//// de nas 'dus pa'i tshogs rnams la// kun rig
32b5 rgyal pos bka' stsal pa// sangs rgyas rnams kyi dgongs pa ni// shes rab blo yi khyad par las// sku gsum chos rnams cir gsungs kyang// dbyer med ngo bo nyid du gnas// 'khor dang mya ngan 'das pa'i
32b6 chos// thams cad rtsa ba gcig pa'i don// rang sems rtogs pa'i chos sku la// snang srid gzugs brnyan mi 'gog pa// sangs rgyas rnams kyi dgongs pa yin// ye nas dag pa ngos zin pas// bya ba med cing
33a1 sgrub tu'ang med// de yang sangs rgyas dgongs pa yin// gzhan nas mi 'byung rang gi sems// rgyu las ma byung bdag med pa// de yang sangs rgyas dgongs pa yin// ma bcos ma bslad don yin
33a2 pas// ma nor ji bzhin ma 'gags pa// de yang sangs rgyas dgongs pa yin// ma skyes mi nub ye shes ni// mi 'byung mi 'gro ye gnas pa// de yang sangs rgyas dgongs pa yin// kun la khyab pa mi 'byed
33a3 pas// blta ru med pa'i tha snyad med// de yang sangs rgyas dgongs pa yin// mtshon med dpe med rtog las 'das// bsam du med la bsam mi khyab// de yang sangs rgyas dgongs pa yin// rgyu las ma byung rkyen
33a4 med pas// dngos po ma yin rtag chad med// de yang sangs rgyas dgongs pa yin// spyod dang bral bas sgro skur bral// mtha' dbus med par rgyu 'bras gcig/ de yang sangs rgyas dgongs pa yin// da
33a5 yang sems dpa' rdo rje nyon// gcig la sarba rdzogs pa de// sangs rgyas rnams kyi dgongs pa yin// tshig tu mtshon na bslad cing bcos// thams cad rang byung ye shes nyid// rdzogs pa chen po lta ba thams cad
33a6 kyi snying po las/sangs rgyas thams cad kyi dgongs pa bstan pa'i le'u ste gnyis pa'o//// de nas 'dus pa'i tshogs rnams la// kun rig sems kyi rgyal po yis// chos rnams gtan la dbab pa'i
33b1 phyir// don gyi snying po 'di gsungs pa// rtsa ba bzhi yis mdor bsdus nas// 'phrang chen drug gis gtan la dbab// man ngag lnga yis la bzlas la// gtan tshigs bzhi yis yid ches bya// da yang sems
33b2 dpa' rdo rje khyod// rtsa ba bzhi yis mdor bsdus pa// gzhi nges lta ba phyogs med dang// don dang mi 'bral ting 'dzin dang// spang len med pa'i spyod pa dang// re ba med pa'i 'bras bu dang// rnam pa bzhi ru
33b3 bsdus pa yin// 'khor gyi snying po da nyon dang// gtan la dbab pa'i 'phrang drug ni// lta ba skye med don gyi 'phrang// btsal ba med par lhun gyis grub// rang snang 'gyur med ting 'dzin 'phrang// bsgom pa med
33b4 par ye shes gsal// nyams kyis rim pa'i gdams ngag 'phrang// go rim ma 'khrugs dbyings su sleb// lta ba shes rab rtogs pa'i 'phrang// chos rnams kun gyi khyad par dbye// lta ba gdeng med gol ba'i
33b5 'phrang// ci tsam bsgoms kyang don med 'khyams// phyir rgol rtsad gcod tshig gi 'phrang// dam tshig skyon la rang gzhung bas// de dag drug gis gtan la dbab// de yang sems dpa' rdo rje nyon// man ngag lnga
33b6 yi la bzla la// sangs rgyas sems can rgyu gcig phyir// gnyis su med par la bzla'o// 'khor 'das rtsa ba gcig pa'i phyir// lhun gyis grub par la bzla'o// gtsang dang mi gtsang gzhi gcig pas// blang dor
34a1 med par la bzla'o// skyon dang yon tan dbyer med pas// bsgom du med par la bzla'o// 'khrul dang ma rig dngos med pas// dug lnga ye shes la bzla'o// da yang 'dus pa'i tshogs rnams
34a2 kun// yid ches pa yi gtan tshigs ni// rang sems skye med gtan tshigs kyis// lhun gyis grub par yid ches bya// rol pa 'gag med gtan tshigs kyis// gang yang mi 'gag yid ches bya// mtshan nyid gnyis
34a3 med gtan tshigs kyis// chos rnams gcig par yid ches bya// ngo bo blo bral gtan tshigs kyis// rtsol ba med par yid ches bya// snying po'i don 'di rtogs 'dod pas// dam pa'i rgyud don gnas par
34a4 gyis// rdzogs pa chen po blta ba thams cad kyi snying po las/ chos rnams kyi rang bzhin gtan la dbab pa'i le'u ste gsum pa'o//// de nas kun rig rgyal po yis// 'dus pa'i tshogs la bka' stsal
34a5 pa// don bstan snod bcud rim pa ni// gsang sngags rnams kyi rtsa ba yin// dbang rnams rim par rdzogs byas nas// thos bsam bsgom la rab sbyangs nas// dam pa'i mdzod kyi gter ldan zhing// srid par
34a6 zhus kyang zad med pa'i// bla ma rdo rje slob dpon de// dper na gangs kyi seng ge bzhin// gcig pur gnas kyang don ldan la// skal ldan slob ma'i mtshan nyid ni// bla ma la gus dad dang ldan// ser sna chung la
34b1 brtson 'grus che// don gsang thub la shes rab zab// tshul shes ngang bzang rnams la ster// de dang mi ldan 'di bstan na// sangs rgyas rnams kyi bka' bcag ste// mtshams med sdig pas char mi
34b2 phod// dmyal ba'i log gzhi byed par gsungs// rdzogs pa chen po lta ba thams cad kyi snying po las/ snod bcud bstan pa'i le'u ste bzhi pa'o//// de nas kun rig rgyal po la// zhen pa'i snyoms las
34b3 dman pa'i phyir// bag chags lnga la longs spyod nas// dmyal bas rang sems me sogs mthong// yi dwags mi gtsang mthong yul snang// mi yi mthong yul bzhi ru mthong// byol song ngam grog gyen thur
34b4 snang// lha ma yin gyi go mtshon snang// lha rnams rin chen sna bdun mthong// de dag 'gro drug sdug bsngal yin// rdzogs pa chen po lta ba thams cad kyi snying po las/ 'gro drug gi sdug bsngal bstan pa'i le'u ste
34b5 lnga pa'o//// de nas 'dus pa'i tshogs rnams la// kun rig sems kyi rgyal po yis// mu stegs 'khrul lugs bka' stsal pa// yod par 'dzin pa'i lta ba ni// 'gyur ba bzhi dang rtag pa
34b6 lnga// thams cad bdag gis byas par 'dod// rgyu 'bras logs pa'i brtul zhugs kyis// thar lam mi thob 'khor bar ltung// mar 'dod bye ma btsir ba 'dra// yod med 'chad par 'dod pa yin// phung pos
35a1 bsdus pa'i chos rnams kyang// rdul phran dag las byung ba'i phyir// 'byung ba lnga zhig rang thim nas// me shi thal ba rlung khyer 'dra// de yang sems dpa' rdo rje nyon// gnyis ka'i gzhir 'dod mu
35a2 stegs ni// rig byed gsang bar smra ba'i lta ba ni// gzhi ni nges pa med pa la// snang ba gang yang mi 'gog 'dod// gdon gyis zin pa'i nad pa bzhin// sems kyi rang bzhin ma shes nas// 'byung chen gtos
35a3 kyi mun pa bzhin// thugs rje'i zer zhags thag bcad nas// dmyal ba'i 'bras bur the tshom med// rdzogs pa chen po lta ba thams cad kyi snying po las/ mu stegs 'khrul pa'i tshul bstan pa'i le'u ste drug
35a4 pa'o//// de nas 'dus pa'i tshogs rnams la// kun rig rgyal pos bka' stsal pa// sems nyid ngo bo nyid kyi sku// mthun dpe me long lta bu la// gzugs brnyan theg pa rim dgu byung// de yang gang dang
35a5 gang zhe na// 'phags pa nyan thos lta ba ni// mdo sde bye brag rnam gnyis po// cho ga yul gyi khyad par las// lus gdung sems kyis btson bzung yang// rdul dang shes pa nyid 'dod pas// glang chen 'dam bu
35a6 bying ba bzhin// lus ngag yid kyi rtsol ba yis// 'bras bu med pa'i snying bor gnas// bla ma dag la mi brten par// rang sems don la blo sbyong phyir// rten 'brel phyi nang rtsad bcad nas// rang bzhin med la
35b1 rten bca' ba// brtson par mi 'gyur nyams pa'i phyir// nor bu rgyal srid bsgom pa 'dra// chos rnams sems kyi rang bzhin la// so sor rtogs pa'i shes rab kyis// bden pa gnyis su rnam par dbye// gcig
35b2 bshigs nas ni gcig tshol ba// chu zla zla bar ngos 'dzin 'dra// de yang sems dpa' rdo rje khyod// thams cad rtsa ba gcig pa'i phyir// rang gi sems kyi snying po'i don// bsam gyis mi khyab mi
35b3 shes par// bsam med ngang du gang 'dzin pa// byis pa de ni blun pa ste// mun pa'i skye mched nyid du 'gyur// rdzogs pa chen po lta ba thams cad kyi snying po las/ rgyu mtshan nyid kyi lta ba bstan pa'i le'u ste bdun
35b4 pa'o//// de nas kun rig rgyal po yis// 'dus pa'i tshogs la bka' stsal pa// chos nyid stong pa'i ngang las ni// dag pa bzhi yi sgor zhugs pas// yo byad phyi rol gtsor 'dzin pa// kun rdzob lha yi
35b5 dkyil 'khor du// rgyud dag pa yi ting 'dzin gyis// sku yi gzugs brnyan phyag mtshan dang// bzlas brjod gtsang sbra dus tshigs kyi// rgyu rkyen tshogs pa'i nus mthu yis// rigs gsum dkyil 'khor lhar
35b6 gsal yang// dngos grub gzhan nas re ba ni// khyi rgan 'dab chags brnyeg pa 'dra// rang sems dbye ba med pa la// u pa la yi theg pa ni// gong 'og lta spyod gnyis 'dzin pa// ne tsho mi skad smra ba 'dra// yo ga
36a1 rnal 'byor sems dpa' yis// phyag rgya bzhi yi sgor zhugs nas// yo byad gtso ru mi 'dzin par// don dam skye 'gag med pa yis// lha yi dkyil 'khor 'phags pa'i sku// rnam par snang mdzad
36a2 chen po yi// chos dbyings dag pas byin brlab pas// lha dang bdag tu mnyam pa yis// dam tshig ye shes lhar gsal kyang// rgyal srid med pas blon po 'dra// de yang 'dus pa'i tshogs rnams kun// bla ma'i
36a3 don min nan brtags kyis// dmigs pa can la sems gtad kyang// rnam par grol bar mi 'gyur te// nam mkha' dag la 'dzin pa 'dra// rdzogs pa chen po lta ba thams cad kyi snying po las/ phyi brgyud kyi lta
36a4 ba bstan pa'i le'u ste brgyad pa'o//// de nas 'dus pa'i tshogs chen la// kun rig rgyal pos bka' stsal pa// 'khor ba mya ngan 'das pa'i chos// sems kyi rnam rtog ci skyes kyang// mtshan ma'i dngos
36a5 po ma grub pas// dper na nam mkha'i bser bu bzhin// yod med dbus la mi gnas pas// sku dang ye shes lhun gyis grub// yul sems dbye ba med pa la// thabs dang shes rab sgor zhugs nas// ting
36a6 'dzin gsum gyis lhar bsgom pa// grib ma gzugs su rlom pa 'dra// phyi nang chos rnams ma lus kun// yid dang kun gzhi gnyis 'dus nas// kun gzhi'i mkha' klong rnam dag tu// rnam rtog mtshan ma
36b1 gang spyod kyang// nam mkha' gza' skar btsal med bzhin// kun bzang bde chen thabs kyi gtso// kun tu bzang mo gnyis med mkha'// 'du 'bral med pa'i chos sku ni// bde chen gnyis med rig pa'i
36b2 rtsal// nges pa'i gsang sgo ma shes pas// kun bzang spyod pas don mi rtog/ nyi ma sprin gyis bsgribs pa 'dra// sems nyid rtsol ba med pa la// bsam pa'i dbang gis bsgyur byas nas// 'khor ba'i rgya mtshor
36b3 g.yeng 'gyur te// mi shes pa la de ltar snang// rdzogs pa chen po lta ba thams cad kyi snying po las/ bskyed rdzogs gnyis med bstan pa'i le'u ste dgu pa'o//// de nas sems dpa' rdo rje yis// 'dus
36b4 pa'i tshogs la phan gdags phyir// kun rig sems kyi rgyal po la// yid kyis dran pas 'di skad gsol// chos rnams sems su 'dus pa yi// lhun gyis grub pa'i lta ba gang// mtshan ma zil gyis ji ltar
36b5 gnan// 'gro drug g.yang sa ci ltar bcad// ye shes don la ji ltar bsgom// mnyam pa'i rgyal pos bshad du gsol// de skad zhus pa'i tshig gsan nas// kun rig sems kyi rgyal po yis// 'dus pa'i 'khor
36b6 la bka' stsal pa// sems su chos rnams gcig pa la// 'khor ba mya ngan 'das pa'i chos// sgyu ma rnam gnyis spyod yul te// log rtog ye shes tha dad kyang// sems kyi chos nyid ngang du gcig/ de yis de nyid
37a1 mtshon pa'i dpe// nam mkha' 'ja' tshon ji bzhin du// yul gyi tha snyad mtshan ma rnams// rang gi sems kyis brtags pa'i phyir// phyi nang chos rnams ma lus pa// rigs rgyud med phyir sems su
37a2 gcig/de nyid lhun gyis grub pa ni// 'gro la sems nyid gnyis med de// ji ltar dmigs shing bsam par snang// dper na yid bzhin nor bu bzhin// de ni lhun grub kun gyi gzhi// de yang sems dpa' rdo rje
37a3 khyod// kun la khyab pa'i rig pa yis// 'dus ma byas pa'i don rtogs pas// ye shes rig pa gcig yin te// de yang gang dang gang zhe na// kun gzhi mnyam nyid rgyal ba'i thugs// ma lus sems can thams
37a4 cad la// chos sku khyab pas brdal ba'i sku// mtha' dbus med pas nam mkha' 'dra// rig pas ma bslad gnyug mar gnas// 'dzin med shes pa ngang gis gsal// dngos po med la shes par yod// nam
37a5 mkhar nyi ma'i 'od shar 'dra// 'dus ma byas pa'i ye shes kyi// rten 'chang med par nyon mongs sel// 'byung ba lnga la rag ma lus// mi 'gyur 'joms byed rdo rje 'dra// bla mas don bstan rnal 'byor pas// the
37a6 tshom med par sems nyid rtogs// thams cad gcig la ma 'dres pa// ka shi'i ras kyi rin chen 'dra// de yang sems dpa' rdo rje khyod// snying po 'di yi don rtogs nas// sems su snang ba'i mtshan ma
37b1 rnams// rang byung ye shes yang dag shar// spros med ngo bo lhun gyis grub// srid pa gsum ni rang gi rkyen// ma bcos rig pa'i ye shes yin// btsal du med pa'i chos nyid la// rgyu 'bras gnyis ka mya ngan
37b2 'das// khams gsum spros med dbyings su gcig/ yul du snang ba thams cad kyang// ye nas dbyer med mnyam par gnas// thams cad rang byung 'gag pa med// gdod nas ma skyes lhun gyis grub// thams
37b3 cad ye nas dbyer med par// dbyings nyid nam mkha' lta bu'i ngang// de yi ngang du thams cad 'dus// rgyu dang rkyen la mi ltos shing// dus gsum dbyer med mnyam par blta// dper na nam mkha'i nyi ma
37b4 bzhin// ma rig mun pa thams cad 'joms// de nyid rtogs par bya ba'i phyir// lta ba yin pa'i don nyid la// ma nor rig pa gcig yin te// lhun grub 'bras bu gcig tu blta// rdzogs pa chen po lta ba thams
37b5 cad kyi snying po las/lhun grub lta ba bstan pa'i le'u ste bcu pa'o//// de nas sems dpa' rdo rje la// kun rig sems kyi rgyal po yis// mtshan ma zil gyis gnan pa'i phyir// ma rig mun pa lta bu
37b6 la// rig pa ye shes bstan pa'i thabs// rig pa'i dbang chen bka' stsal pa// de la dbang gi dpe bstan pa// bram ze gtsang mas khrus gsol te// rgyal srid dag la dbang bskur bzhin// don gyi snod nang
38a1 rang byung 'char// de don shes rab dran thad kyis// 'dus ma byas pa'i dpe nyid la// rang gi tshad dang ldan pa yis// sems ni drag tu gtad par bya// dper na gyi ling rta 'dul bzhin// rang gi
38a2 shes pa ma yengs pa// drag gzhan bar na rtsol bas non// chad zin don la gnas par bya// de yang khams dang sbyar byas la// khams bde thun ni ring bar bya// yang na langs la cung zad bcag/ rtags ni lus
38a3 sems gnyis 'byung ste// lus ni 'dar dang 'chi ma 'byung// sems ni bde la gtang dka' ste// rang sems rtsal gyi rtags rnams 'byung// rtog pa med par gnas par ni// bya ba btang ba'i skyes bu
38a4 bzhin// ci la mi gnas rang bzhin la// ma yengs gsal bar lhug par bzhag/ gdod nas nam mkha'i sprin bzhin du// byung yang gzhi la gnod med ltar// sems kyi rtsol ba 'chad zin na// rtog med mi sgrib
38a5 bcos su med// de yi sems nyams bstan pa ni// dmigs pa'i don la sems gtad kyang// shes pa gtan du mi chud par// yul la mi rtog bde bar gnas// zhen pa'i rtog pa skyes na yang// ba mo dag la nyi
38a6 shar bzhin// rjes su mi 'brangs lhan gcig 'gro// de tsam nyid na mtshan ma rnams// snang med 'khrul snang log tsa na// snang bcas don zin ting 'dzin nyams// de nyid soms pas lam du bde// sems dpa'
38b1 rdo rje snying po khyod// nga yis byas pa'i chos nyid 'di// sangs rgyas kun gyi lam yin te// chos rnams kun gyi mtshan nyid ni// rgyas 'debs bzhi yis rang bzhin gyis// 'du shes rtogs pa thams cad sa// rkyang ba
38b2 dus mnyam yul 'dzin pa// nyi zla gzas zin ji bzhin du// phyi nang gsang ba gsum bstan pa// thabs kyi lam du bstan pa yin// rdzogs pa chen po lta ba thams cad kyi snying po las// nam mkha'i mtshan nyid la
38b3 rig pa rtsal gyi dbang bskur ba'i le'u ste bcu gcig pa'o//// de nas 'dus pa'i tshogs rnams la// kun rig sems kyi rgyal po yis// 'gro drug g.yang sa bcad pa'i phyir/ rtsa ba sems las
38b4 'das pa'o// ye shes ngos bzung bka' stsal pa// kun gzhi dge sdig rnam bzhi la// chos sku ngos bzung mthun dpe ni/ rtsa chu brtags nas ngos 'dzin pa'i// sman pa mkhas pa ji bzhin du// nor bu chu 'dang dpe
38b5 bzhin du// byang chub sems kyi rig pa'i don// snga ma'i bag chags yid yin te// phyi ma skye ba nyon mongs yin// rtog pa skye ba sgo lnga ste// gsum du ma song gnyug mar gnas// dmigs 'dzin med la ngang gis
38b6 gsal// ye shes zang thal gcig yin te// rang gi ngo bo chos kyi sku// shes pa rtsis med drang por 'jug/ dper na thi bya tshang 'jug bzhin// rang gi sems kyi chos nyid la// bsgom du med pas bsgom pa bya// de
39a1 don rtogs na ngang la bde// shes pa mi 'gyur bkrir mi btub// chu las mi 'da' nya bzhin du// don las mi 'da' chos nyid rtogs// de dang mi ldan rnal 'byor pas// rgyal pos mnga' byas
39a2 btsun mo ltar// snga phyi gnyis po skyes pa'i tshe// snga rjes mi gcod byang chub sems// 'phros pa rkun po tshor ma thag/ sa bskrad rang bzhin dengs pa ltar// rang sems rtsol ba med pa yi// mi g.yo mnyam pa'i don
39a3 la bzhag/de ltar rtogs pa'i rnal 'byor nyams// shing bal lta bur lus 'jam pa// phyi nang 'byung 'jug dbugs rnams snyoms// sems dpa' chen po da nyon cig/ nga yi chos nyid 'bras bu 'di// ma bcos
39a4 nam mkhar nyi shar bzhin// mun pa med par gsal ba yis// lhangs kyis rtogs na lta ba'i mchog/ don la ma yengs bsgom pa yin// gang yang ma bkag spyod pa'i yul// de las mi 'da' dam tshig
39a5 yin// dbyings nas rig pa rang la shar// snga phyi nub pa ga la yod// nyon mongs bag chags rtog pa yis// ji bzhin pa la gnyis ka bsgribs// rang bzhin dbyer med nyid pas na// gnyis med shes pa gcig
39a6 tu rdzogs// snga phyi gnyis 'brengs rtog pa yis// mkha' la glo bur sprin gtib ltar// mkha' dag nang du sprin song ltar// nga yis ye shes ngos zin na// thog ma med par bsags pa yi// rnam rtog sprin phung
39b1 dpag med pa// stong nyid skad cig rig pa yis// rnam rtog stong pa'i ngang du sangs// sangs rgyas sems can la sogs pa'i// kun kyang rang byung ye shes nyid// stong nyid nam mkha'i ngang du gcig/ stong nyid
39b2 nam mkha'i ngang du sangs// mi mthun pa dang gnyen po gnyis// ye nas gnyis med gcig pas na// gdod nas 'jig pa ga la yod// sems dpa' chen po rig 'dzin khyod// 'jig rten 'khor ba'i kha brgyud
39b3 pa// ma rig ngo bo de bzhin pas// gzhi med pa yis skad cig par// de nyid rigs na bde chen gnas// bsam gyis mi khyab chos nyid rnams// de bzhin nyid du gcig pas na// gang gi ye shes don rtogs
39b4 pas// kun la dbang bsgyur thob pa yin// rdzogs pa chen po lta ba thams cad kyi snying po las sems kyi sems nyid las rig pa rtsal gyi dbang bskur ba'i le'u ste bcu gnyis pa'o//// de nas
39b5 'dus pa'i tshogs rnams la// kun rig sems kyi rgyal po yi// ye shes spyi blugs bka' stsal pa// thig le gcig tu rdzogs pa yis// ye shes chen po'i mthun dpe ni// mtha' dang dbus med nam mkha'
39b6 'dra// mi g.yo bas na rgya mtsho 'dra// phar 'joms pas na rdo rje 'dra// de don rang byung ye shes la// snang srid gsal ba sgo lnga'i yul// shes pa rang gsal chos kyi sku// 'dzin pa med pas lhun gyis grub// khyung
40a1 chen nam mkha' lding ba'i tshe// phur brlabs 'og tu kun chud ltar// rdzogs chen rtogs pas sku gsum rdzogs// 'byung 'jug med par bzhag par bya// ji bzhin nyams kyi gnas lugs ni// rnam
40a2 par mi rtog sa le ba// sa le ba la rtog pa med// de ni rang byung ye shes te// ming du mi thog nyams myong zhir// 'khur bar chu blugs ci bzhin du// ye shes snang ba'i don la phebs// nor bu rin chen yon tan
40a3 la// dgos 'dod thams cad shugs kyis 'byung// de bzhin ye shes ngos zin par// bying rgod mi 'byung ye shes gsal// dper na dug la sngags btab pas// nad rnams sel zhing smin 'gyur ltar// chags
40a4 sdang la sogs dug rnams la// de nyid gsal gdab blta ba'i stong// de dag sgra thos rmi lam bzang// gzugs rnams mthong zhing bskor ba byed// bdud rtsi 'dren dang chos ston pa// rtog pa bzang ngan ci skyes
40a5 kyang// blang dor dga' brod sems mi byed// snang ba mi 'gag rang byung nyid// khyad bro lan tsha nyid bzhin du// sems las mi rtog dag pa'i rtags// sems pa chen po da nyon cig/ gsal la mi rtog mi g.yo
40a6 ba'i// gnyid gsum bsres pa'i chos nyid ni// ye shes rang byung chen po'i don// rgyu dang 'bras bu dbyer med pas// mi rtog ye shes lhun grub ste// rtsol bsgrub 'das pa'i byang chub sems// gzung 'dzin 'das
40b1 pa'i ye shes gsal// gsal tsam nyid nas dmigs pa med// de bzhin nyid du kun rig pa// de khyab gar gnas sangs rgyas yin// yon tan rin chen sprin bkod pa// dmigs par bya ba ci yang med// chos sku
40b2 snying po byang chub la// mtshon du med pas rkyen dang bral// med pa ma yin chos nyid 'di// dka' dgu brdos pa'i dad ldan gyis// kun gyi rtsa ba 'di bcad pas// 'di don gang rig thos pa'i mchog/ thams cad
40b3 'di las byung ba yin// 'di shes pa kun shes pa'i mchog/ gsang ba'i nang nas gsang chen 'di// nyid kyi nyid kyang mi mthong bas// gzhan gyis mthong ba ga la 'gyur// ji snyed bsam gyis mi khyab
40b4 pa'ang// chos nyid rtogs par rab nges pas// sangs rgyas kun dang mnyam sbyor ba// rnal 'byor chen po'i bsam gtan yin// rdzogs pa chen po lta ba thams cad kyi snying po las/ ye shes spyi blugs kyi chos
40b5 kyi chos nyid la rig pa rtsal gyi dbang bskur ba'i le'u ste bcu gsum pa'o//// de nas kun rig rgyal po la// sems dpa' rdo rjes don zhus pas// ma bsgoms ye shes ji ltar gsal// phyi nang
40b6 chos rnams ji ltar rdzogs// dbang chen 'bras bu ji lta bu// che ba'i yon tan ji ltar 'byung// de skad gsol pas tshig gsan nas// 'dus pa'i tshogs la bka' stsal pa// ma bsgoms don dang mi 'bral
41a1 ba'i// thig le gcig tu rdzogs pa yi// kun gzhi ma bcos chos sku la// sna tshogs snang med 'gyur ba med// lha dang lha min mi rnams kyis// skye bar byed pa snga ma yin// dmyal ba yi dwags byol
41a2 song gis// skye bar byed pa nyon mongs yin// sgo lnga rjes 'brang rnam rtog ste// thag pa sbrul du blo snang ba// sbrul snang tsam nyid thag pa bzhin// yul du snang bzhi mtshan ma rnams// rang rig ye shes ngos zin
41a3 pas// thams cad rang byung nyid kyi don// mkha' ltar khyab cing nyi ltar gsal// gsal tsam nyid na nub pa med// khyad tsam nyid na dngos po med// med pa ma yin shes shing rig/ rig tsam nyid na ngang gis
41a4 stong// stong pa nyid na mtha' dbus med// ye shes lhun grub chen po la// bying rgod zhen 'dzin skyon bral bas// gsal bde stong pa chen po la// ngang du bzhag pa ci yang med// mnyam bzhag med pas rjes thob
41a5 med// sangs rgyas med pas sems can med// thams cad rang byung chen po la// gzhan du g.yo ba rdul tsam med// de yang sems dpa' rdo rje khyod// dper na nyi ma'i snying po la// gzhan gyis ma byas rang gsal
41a6 zhing// thams cad ye shes ngo bo la// ma rig mun pa gdod nas sangs// de yang 'dus pa'i snying po khyod// dge ba'i chos spyod mthong ba'i tshe// mnyam nyid gus pa'i blo skyes shing// chos nyid gsal bas rtog pa
41b1 med// rig pa rgyun chad rtag tu gnas// de yang sems dpa' rdo rje khyod// dper na nam mkha' sprin bzhin du// 'gyur yang gzhi la gnod med ltar// rnam rtog thams cad sems yin te// ye shes nyid
41b2 du thams cad gsal// de yang sems dpa' rdo rje khyod// dper na dgun zla 'bring po yi// spang la me mched ci bzhin du// rnam rtog mtshan ma thams cad kyang// thams cad ye shes nyid du
41b3 gsal// dper na rin chen gser gling du// sa rdo btsal gyis mi rnyed bzhin// thams cad sems su don rtogs pas// ting 'dzin dag la 'byung 'jug med// 'khor dang mya ngan 'das pa'i chos// thams cad
41b4 chos nyid 'gyur med la// bsgom pa'i tha snyad bral ba'i don// thams cad ye shes nyid du gsal// thugs las 'das pas bsam du med// sku las 'das pas bzung du med// sgra las 'das pas brjod du
41b5 med// rtog pa med pas lhun gyis grub/ de yang rdo rje snying po khyod// rnam rtog mtshan ma skyes pa'i tshe// chos sku rtog pa med pa'i ngang// 'byung ba'i yon tan lnga spyod tshe// longs spyod rdzogs pa sku yi ngang// 'gro
41b6 drug gzugs su snang ba'i tshe// sprul sku thub pa chen po'i ngang// sdug bsngal sna tshogs skyes pa'i tshe// ye shes bde ba chen po'i ngang// phyi nang sgra skad sna tshogs pa// gsang sngags gsung gi 'khor lo yin// rkyen
42a1 gyis chags sdang skyes pa'i tshe// rang byung ye shes shar ba yin// shwa dang ser ba la sogs pa// kun bzang thugs rje'i rol pa yin// ngam grog g.yang sa tsher dong g.yang// rnam par dag pa'i zhing
42a2 khams yin// mtshan ma spang ba'i pha rol na// bsgom pa bya ba logs na med// sdug bsngal spang ba'i pha rol na// bde ba bya ba logs na med// gti mug spang ba'i pha rol na// ye shes bya ba logs na
42a3 med// rang sems spang ba'i pha rol na// sangs rgyas bya ba logs na med// chos can spang ba'i pha rol na// chos nyid bya ba logs na med// gnod pa spang ba'i pha rol na// snying rje bya ba logs na med// 'khor
42a4 ba spang ba'i pha rol na// mya ngan 'das pa logs na med// de yang sems dpa' rdo rje khyod// dper na zangs lcags la sogs pa// gser 'gyur rtsi yis btab gyur na// thams cad gser du 'gyur ba
42a5 las// zangs dang lcags su mi 'gyur bzhin// ma rig rnam rtog mtshan ma la// ye shes chen po'i rgyas theb na// sku gsum ye shes rang bzhin las// khams gsum 'khor bar mi 'gyur te// gdod nas ma skyes
42a6 ye sangs rgyas// btsal ba med par ye nas grub// mi nub pa la don gsal ba// de nyid lhun grub don rtogs na// rtag kyang ye shes chen por rtag/ chad kyang 'khor ba rtsad nas chad// ldan na sku
42b1 gsung thugs su ldan// yin na ye nas sangs rgyas yin// med na khams gsum 'khor ba med// gol na chos kyi sku ru gol// 'phros na chos kyi dbyings su 'phros// bying na ye shes klong du bying// gsal na rang
42b2 sems chos skur gsal// de la yon tan skyon rnams kun// sems su 'dus pa'i don rtogs na// rnam rtog nyid kyang ye shes yin// yul du snang ba'i mtshan ma rnams// ma bsgoms ye shes chen po'i
42b3 don// brjod pa med pa'i shes rab la// dmigs pa med pa'i ting 'dzin gsal// shes rab drang thad so ma la// 'du shes mi bskul brtul shugs bskyed// ci yang mi bsgom ci yang min// ye shes zang thal
42b4 nyid du gzhug/thams cad ye nas mnyam nyid la// rgyu dang 'bras bu dbye ru med// tha snyad gang yang mi gnas pa// btsal du med pa'i dngos po med// de nyid mi gnas byang chub sems// sems zhes bya ba'i
42b5 don rtogs na// sems la gtad dang bzung du med// ji srid bar du gtad yod na// de srid bar du 'khrul pa yin// mi shes ma grol dran tsam na// de ltar rtogs pa'i rnal 'byor thugs// nga yi rig pa 'di spyod
42b6 na// rang byung ye shes rtsa ba ni// byang chub sems dpa' nyid yin pas// de nyid rtogs par bya ba'i thabs// phyi nang chos rnams ma lus pa// ji srid rang byung nyid kyi don// de las gzhan pa'i chos med
43a1 do// rdzogs pa chen po lta ba thams cad kyi snying po las/ ma bsgoms don dang bral ba'i le'u ste bcu bzhi pa'o//// de yang sems dpa' rdo rje la// kun rig rgyal pos bka' stsal
43a2 pa// chos rnams lhun gyis grub par ni// rnal 'byor chen po skal ldan te// snying rje'i rlan dang ma bral bar// sems bskyed rnams gnyis de la rdzogs// bying rgod gnyis kyi skyon bral bas// zhi gnas bde ba de
43a3 la rdzogs// sgyu ma lta bur nges shes pas// dngos med rtogs pas lhag mthong rdzogs// ser sna 'dzin pa'i sems med pas// sbyin pa'i pha rol phyin pa rdzogs// mi dge nyes byas mi 'byung bas// tshul khrims pha
43a4 rol phyin pa rdzogs// chos kyi dbyings la kun shong bas// bzod pa'i pha rol phyin pa rdzogs// lta ba'i don la ma g.yos pas// brtson 'grus pha rol phyin pa rdzogs// sems nyid don la mi g.yo pas// bsam
43a5 gtan pha rol phyin pa rdzogs// chos rnams lta ba thag bcad// shes rab pha rol phyin pa rdzogs// snang ba gang yang mi 'gog pas// thabs kyi pha rol phyin pa rdzogs// mi gnas bla med don rtogs pas// smon
43a6 lam pha rol phyin pa rdzogs// ma rig mun pa kun bcom pas// stobs kyi pha rol phyin pa rdzogs// 'khor 'das ye shes lhun rdzogs pas// ye shes pha rol phyin pa rdzogs// lus ngag de las ma nyams
43b1 pas// rdzogs chen ma lus thams cad rdzogs// de yang sems dpa' rdo rje khyod// dper na yid bzhin nor bu la// dgos 'dod thams cad rdzogs pa bzhin// chos nyid rig pa'i dbang thob pas// phyi nang
43b2 dbang rnams de la rdzogs// mi rtog ye shes bgegs bsal bas// phyi nang mtshams gcod de la rdzogs// ma rig rnam rtog sgrib med pas// don gyi bshags pa de la rdzogs// gnyis med don la rang gnas
43b3 pas// byin chen dbab pa de la rdzogs// nyon mongs bdud rtsi chen po la// ye shes byin rlabs don gyis rdzogs// 'byung ba lnga yis kun khyab pas// dbang chen rig pa don gyis rdzogs// phyogs bcu rang bzhin
43b4 lhun grub pas// gzhal yas khang chen de la rdzogs// rig tshor don gyi lha yin pas// ye shes lha rnams de la rdzogs// sangs rgyas sems can dbyer med pas// spyan drangs bstim pa de la rdzogs// chos nyid
43b5 don las mi 'gyur bas// brtan par bzhugs pa de la rdzogs/ thams cad bzang ngan ming med pas// zil gyis mnan pa de la rdzogs// thams cad 'dres pa chen po la// nan tan phyag rgya de la rdzogs/
43b6 bsgrub spyod thams cad ye shes pas// phyag rgya'i mchod pa de la rdzogs// sems can chos nyid don 'byor bas// sbyor sgrol mchod pa de la rdzogs// yon tan thams cad lhun grub pas// mthar phyin smon lam de
44a1 la rdzogs// sku gsung thugs kyi don rtogs pas// bzlas brjod 'phro 'du de la rdzogs// tshogs rnams snod bcud yin pa'i phyir// tshogs kyi mchod pa de la rdzogs// bde chen gnyis med ngo bo
44a2 la// lhag ma'i mchod pa de la rdzogs// mi bzung ye shes chen po la// gtor ma'i mchod pa de la rdzogs// thig le gcig tu 'dus pa la// dkyil 'khor bsdu ba de la rdzogs// ye shes lhun grub go ldan
44a3 pas// bka' nan lus srung de la rdzogs// gnyis med don du sangs rgyas pas// dge ba bsngo ba de la rdzogs// mtshan dang dpe byad thams cad kyi// ye shes lhun grub de la rdzogs// rdzogs pa chen po'i lta
44a4 ba thams cad kyi snying po las/chos rnams lhun gyis rdzogs pa'i le'u ste bco lnga pa'o//// de nas sems dpa' rdo rje la// kun rig sems kyi rgyal po yis// dbang gi che ba bka' stsal
44a5 pa// sangs rgyas rnams kyi dgongs pa 'di// nam mkha' rgya mtsho nyi ma bzhin// ma spros ma bsdus rang snang bzhin// byang chub sems las ma g.yos pas// kun la khyab pa'i rig pa gsal// 'bab chu mar me
44a6 dug sngags bzhin// dmigs pa drug la sgo lnga gsal// rnam rtog nyid kyang ye shes gsal// gsal tsam nyid nas nub pa med// sa gzhi chu zla gang ba bzhin// sna tshogs snang la bzung du med// che ba ye shes
44b1 rgyun ma chad// med la mi zad 'byung ba'i rje// mtshan ma zil gyis gnon pa yis// sems kyi dbang chen dam pa yis// 'dod khams gnas ris zil gyis gnon// 'gro drug g.yang sa bcad pa'i phyir// ye
44b2 shes chen po ngos zin pas// gzugs khams bcu bdun de mi 'khor// ye shes spyi blugs don bsgoms pas// gzugs khams bzhi ru de mi skye// ye shes chen por la bzlos pas// sa bcu rim gyis de mi
44b3 bgrod// dbang gsum gcig tu rtogs pa yi// ma bcos pa yi chos nyid kyis// bcos pa'i mtshan ma zil gyis gnon// dmigs pa med pa'i nam mkha' yis// dmigs pa'i 'byung ba zil gyis mnan// skye ba
44b4 med pa'i ye shes kyis// skye ba'i phung po zil gyis mnan// rig pa'i chos kyi chos nyid 'di// dus gsum sangs rgyas thams cad kyi// dur khrod chen po nga yi sems// sems las ma rtogs sangs rgyas
44b5 med// rig pa sems kyi dbang chen ni// sangs rgyas kun gyi mes po yin// 'di las ma byung sangs rgyas med// de phyir dbang gsum rab tu bsngags// rdzogs pa chen po lta ba thams cad kyi snying po las/ rig
44b6 pa'i dbang gi che ba bstan pa'i le'u ste bcu drug pa'o//// kun rig sems kyi rgyal po yis// che ba'i yon tan bka' stsal pa// snying po don gyi 'bras bu'i chos// gang zhig snod dang ldan pa yis// shes
45a1 nas de la gang gnas pa// rang rig nyid la dbang thob nas// skye ba gzhan du mi len par// sangs rgyas rig 'dzin chen po thob// sems dpa' chen po nga yi don// ji bzhin ma bcos de nyid
45a2 la// ji bzhin pa yi rang bzhin bzhag/ ye shes de nyid ma yin par// bsgrub dang bsgrub bya ga la yod// de la ye shes mngon gyur na// med la mi zad 'byung ba'i gter// khams gsum rin chen rnyed pa'i
45a3 mi// ci ltar 'dod pa bzhin du 'byung// ye shes chen po 'di rtogs pas// che ba'i yon tan rgyun mi chad// ming yang kun 'byung rin chen gter// de bzhin nyid du kun rig na// 'khor ba dang ni mya ngan
45a4 'das// so sor snang ba ma yin te// ji bzhin pa de rtogs nges na// de la 'khor ba'i rang bzhin med// rdo rje snying po de nyon cig/ ma bcos pa yi man ngag gi// lta ba yangs pa'i nam mkha' la// 'dzin rtogs
45a5 med pa'i ye shes gsal// gang yang ma spangs lhun gyis grub// mun pa 'thib pa de dag gis// mi g.yo mi rtog ye nyid blta// de mthong mun pa rnam dag sangs// sangs rgyas kun gyi mchog tu bshad// rdzogs pa
45a6 chen po lta ba thams cad kyi snying po las/byang chub sems kyi che ba bstan pa'i le'u ste bcu bdun pa'o//// de nas sems dpa' rdo rje yis// 'dus pa'i tshogs la phan gdags phyir// kun rig
45b1 sems kyi rgyal po la// de ltar rtogs pa'i rnal 'byor la// gol sa sgrib pa ci ltar med// bsgom du yod med ji lta bu// 'byung ba nyon mongs ji ltar dag/ yon tan gdul bya ci ltar 'byung// la bzla ba yis
45b2 gtan tshigs gang// mnyam pa'i rgyal pos bshad du gsol// de skad gsol ba'i tshig gsan nas// kun rig rgyal pos bka' stsal pa// lta ba lhun grub chen po la// gol sgrib med par bstan pa yis// bcu
45b3 gnyis gsum dang bdun bstan pa// yid la mi byed gol sgrib med// de don rnam par dbye ba ni// byung tshor rjes su mi 'brangs bas// 'jig rten phal pa'i sar mi gol// yod med yul du mi bsgom
45b4 pas// rtag chad mthar ni de mi gol// shes rab zab mo'i don zin pas// lung du ma bstan de mi gol// zhi gnas ro la ma chags pas// 'jig rten bsam gtan sar mi gol// sgo lnga'i rnam shes mi 'gog
45b5 pas// 'du shes med par de mi gol// rnam rtog ma spangs ma zhi bas// nyan thos 'gog par de mi gol// rnam rtog stong par ma bsgoms pas// rang rgyal sems su de mi gol// rang rig gsal bar ma
45b6 bsgoms pas// sems tsam du ni de mi gol// mtshan ma stong par ma bsgoms pas// dbu ma nyid du de mi gol// thabs kyi bde ba ma bsgoms pas// chags pa'i lam du de mi gol// rgyu 'bras rkyen la mi ltos
46a1 pas// 'du byas chos su de mi gol// dge sdig re dogs rtsol med pas// las kyi dbang du de mi gol// sems la dben pa'i yul med pas// 'bras bu'i lam du de mi 'gro// lam lnga rim gyis
46a2 ma sbyangs pas// sa bcu bgrod par de mi gol// dag pa'i lha ltar mi bsgom pas// kri ya'i theg par de mi gol// lta spyod gnyis 'dzin mi bsgom pas// u pa yar ni de mi gol// byang chub rnam lnga mi bsgom
46a3 pas// yo ga'i sems dpar de mi gol// rnam rtog lhar ni ma bsgyur bas// ma hA yo gar de mi gol// 'du 'bral med 'dzom yod med pas// a nu yo gar de mi gol// chos nyid mtshon du med rtogs
46a4 pas// mtshan ma'i skyon du de mi gol// brtul zhugs phyi nang mi gol pas// blang dor med par de mi gol// gnyis med don la mi gtod pas// phyogs can lta bar de mi gol// sems nyid don la mi rtsol
46a5 bas// mnyam nyid don las de mi gol// de las gzhan par gol sa med// de yang sems dpa' rdo rje khyod// sgrib pa gang yin mtshan nyid ni// ye shes chen por ngos zin pas// skabs 'byed sgrib pa de
46a6 la med// snga phyi rjes su mi 'brangs pas// bslab pa'i sgrib pa de la med// snga phyi glo bur dngos med pa// phyogs lhung sgrib pa de la 'byung// lta ba nges pa'i gdeng zin pas/ tshogs kyi sgrib pa de la med// bya ba
46b1 med pa'i don rtogs pas// lam bzhi'i sgrib pa de la med// bag chags mi g.yo'i stobs ldan pas// mchod pa'i sgrib pa de la med// nges pa'i lung la yid ches pas// lung gi sgrib pa de la med// de dag gol
46b2 sa sgrib pa kun// ngang du rdzogs nas rang yan la// brgya dang brgyad cu la sogs pa// gol sa'i sgrib pa mu mtha' yas// rdzogs pa chen po lta ba thams cad kyi snying po las/ gol sgrib med par bstan pa'i le'u ste
46b3 bco brgyad pa'o//// de nas kun rig rgyal po yis// 'dus pa'i tshogs la bka' stsal pa// nga yis byas pa'i chos rnams la// bsgom du yod med mtha' yis chos// sems can sangs rgyas tshul
46b4 gcig phyir// rgyu 'bras dbyer med lhun gyis grub// de yang 'dus pa'i snying po khyod// skyon dang yon tan rnam gnyis kyis// chos nyid 'khrul pa gzhir bzhag na// gnyis ka ltar yang mi 'gal phyir// kun kyang
46b5 yin pa thams cad min// dper na nyi ma'i snying po la// mun snang gnyis ka mi 'gal bzhin// gzhi gcig gang yang ma 'gags pa// de nyid dus na ngos bzung med// de yang rdo rje snying po khyod// chu phran rgya mtshor
46b6 ro gcig phyir// snang srid ye shes chen po la// byis pa rnams kyis tha dad bzung// de phyir blo yi rnam pa yin// 'byung ba nam mkhar gcig pa bzhin// chos rnams sems su gcig pa la// blo bzhag theg pa
47a1 rim dgu byung// 'byung ba lhun grub gcig las med// de yang sems dpa' rdo rje khyod// rang byung ye shes rtsa ba ni// dngos po med la shes par yod// yid snang sems kyi rang bzhin la// nges
47a2 don drang don bstan pa las// ngo bo gzhi gcig ma 'gal yang// shAka thub rnam snang mi 'gal bzhin// drug ni snang ba tha dad pas// gnyen po gzhi yi rang bzhin las// snang ba zhen pa gang 'gog pa// blta
47a3 ba'i yul ni rnam bzhi ste// gnyis med snang stong khas mi len// thams cad blo yi snang ba ste// de bas sems nyid rtogs pa'i thabs// rang rig rgyal pos shes pa 'phyo// da yang 'dus pa'i tshogs rnams
47a4 nyon// ma rtogs log rtogs dag pa'i phyir// mdo sde dang ni rgyud sde la// tshad ma bzhi yi gtan tshigs kyis// theg pa gong 'og khyad par gyis// ming dang tha snyad bsam yas kyang// zhen pa bzlog pa'i thabs su
47a5 zad// rdo rje theg pa 'di las med// de bzhin rtogs pa'i rnal 'byor pas// yal bar 'dug pa nam yang med// de don rgyud du ma yengs na// dgongs pa kun bzang nga dang mnyam// da yang sems dpa' rdo rje
47a6 khyod// snang ba mi 'gag rang bzhin las// zhen pa med pa'i ye shes te// thams cad rang byung ma bcos pa// de nyid don dang gang ldan pa// dman pa'i lus las sangs rgyas yin// chos nyid 'bras bur ye
47b1 rdzogs pa// re dogs gnyis med de kho na// dor bar bya ba'i dngos med par// blang bar bya ba ga la yod// sems dpa' rdo rje nga la ni// lam med lam ltar ma sbyor cig/ sa med sa bcur ma bgrod cig/ rten
47b2 med dmigs kyang ma 'cha' zhig/sgrib med sgrib gnyis ma sbyongs shig/ yul med tshogs gnyis ma gsog cig/ sems la gnyen po med par sbyor// lung las ma btus man ngag gis// sems las ma rtogs
47b3 sangs rgyas brnyes// rgyu las ma byung 'bras brtson 'dra// de yang sems dpa' rdo rje khyod// ji bzhin pa yi de nyid la// sangs rgyas nyid kyis byar med pas// blo dang blo yi snang ba yis// gang gis bcos te su
47b4 yis byas// byed pa po yang ga la yod// rdzogs pa chen po lta ba thams cad kyi snying po las/ the tshom bsal ba'i le'u ste bcu dgu pa'o//// kun rig sems kyi rgyal po yis// 'dus pa'i tshogs la
47b5 bka' stsal pa// sems dpa' rdo rje nga yi chos// 'byung ba lnga dag nyon mongs dag pa ni// snang stong go 'byed kun khyab mkha'// theg chen po la kun gnas pas// zhi gnas rnam dag chu chen po// lhag mthong ye
47b6 shes 'od 'bar me// shes bya thogs med ye shes rlung// kun la khyab pas nam mkha'i dbyings// 'byung ba ye shes lnga ru dag/ de yang sems dpa' rdo rje khyod// ma 'dres yongs rdzogs gsal stong
48a1 gzugs// khams gsum rang bzhin go ba'i sgra// dam pa'i tshim byed chos kyi dri// snod bcud nyams su myong ba'i ro// bde mchog don la reg pa'i thugs// de yang 'dus pa'i tshogs rnams
48a2 kun// ci yang mi sems gti mug la// dngos po kun bcom zhe sdang nyid// ye shes nga rgyal bdag nyid che// rang bzhin snying rje 'dod chags che// sems nyid mi 'gyur gzhan phrag dog/ 'byung ba 'dod yon dug
48a3 lnga yang// thams cad ye shes chen por dag/ kun gyi rang bzhin de shes pas// de nyid dbang du thams cad 'dus// kun la dbang bsgyur thob pas na// ye dbang chen po rdzogs pa yin// ye shes sems dpa'
48a4 chen po khyod// 'jig rten ma lus khams rnams kyang// bsam gyis mi khyab tshim gyur kyang// nam mkha' tshim par mi 'gyur bzhin// chos sku ngo bo 'gyur med pa// blo yi snang ba sna tshogs pa// rtogs pa'i don
48a5 la dbyer med pas// de nyid ye shes lhun grub te// bdag dang gzhan du snang ba med// med pa ma yin rig cing tshor// chad par ma song rig cing gsal// rtag par ma song dngos po med// gnyis su ma song zla
48a6 bo med// gcig tu ma song kun la khyab// stong nyid rnam dag nam mkha' 'dra// gtsang sme bya ba rdul tsam med// rdzogs pa chen po lta ba thams cad kyi snying po las/ 'byung ba 'dod pa'i yon tan lnga dang chags
48b1 sdang la sogs dug lnga yang ma spangs gnas su dag par bstan pa'i le'u ste nyi shu pa'o//// de nas 'dus pa'i tshogs rnams la// kun rig rgyal pos bka' stsal pa// nga yis bshad pa'i chos rnams
48b2 la// gang zag blo yi rab 'bring gis// sa dang lam gyi khyad par dang// dbang dang dam tshig lta ba dang// bsgom pa spyod pa la sogs pa// tha dad spros kyang gcig las med// gcig las spros pa kun gyi
48b3 ming// sems nyid rnam pa sna tshogs pas// sna tshogs snang yang ngo bor gcig/ dper na gser rgyu gcig pa la// dbyibs su gzugs rnams tha dad pa// byas pa de dag ming rer grags// grags kyang gser
48b4 dang ngo bor gcig/'dus pa'i rdo rje snying po khyod// shes rab thabs kyi spyod pa yis// chos sku ye nas dag pa la// klong gsum ldan pa'i skyes mchog gis// rgyun du ma yengs rgyal ba'i sras// de la skyon gyis
48b5 gos mi 'gyur// de yang 'dus pa'i snying po khyod// ngang sems chos skur rtogs pa yis// mang la mi zad 'byung ba'i gter// gzhan don smon lam mthar phyin pas// thogs med gzugs sku rnam gnyis
48b6 po// gser sbrul mig bzhin dus gcig 'byung// rdzogs pa chen po lta ba thams cad kyi snying po las/ yon tan gyi gdul bya bstan pa'i le'u ste nyer gcig pa'o//// de nas kun rig rgyal po yis// 'dus
49a1 pa'i tshogs la bka' stsal pa// la bzla ba yis gtan tshigs ni// sangs rgyas thugs dang sems can sems// so sor snang ba ma yin te// rtsa ba chos skur gcig pa yis// gnyis su med par la
49a2 bzla'o// 'khor ba dag gi sdug bsngal dang// sangs rgyas rnams kyi bden pa dang// gnyis ka rtsa ba gcig pa yis// lhun grub dag tu la bzla'o// gtsang dang mi gtsang gnyis ka bzhin// lud pa la sogs gang
49a3 rung la// bya khyi yis ni zas su mthong// de phyir blang dor med pa'o// mtshan dang dpe byad yon tan dang// lus dang bag chags skyon rnams kun// ngang 'jog med par la bzla'o// gzhi la 'khrul pa ma rig
49a4 med// thams cad byang chub sems su gsal// dug lnga byang chub lam yin pas// spang du med par la bzla'o// da yang rdo rje sems dpa' khyod// rang bzhin skye med spros bral bas// brjod du med par yid ches
49a5 bya// rgyu rkyen med pa'i don go bas// lhun gyis grub par thag chod do// phyi nang 'byung ba sna tshogs pa// kun bzang rol pa yin pas na// gang yang mi 'gal yid ches pas// gtan tshigs chen por bzhag pa
49a6 yin// chos can rang gi mtshan nyid ni// gdod nas gnyis su med pa yis// chos rnams rtsa ba gcig pa'i don// gtan tshigs dag gis yid ches bya// ngo bo nyid du rang grol bas// gtan tshigs dag gis yid
49b1 ches bya// de yang sems dpa' rdo rje nyon// chos rnams kun gyi rtsa ba ni// ye shes lhun grub dag tu bstan// rdzogs pa chen po lta ba thams cad kyi snying po las/ man ngag gtan tshigs kyi le'u ste nyer gnyis
49b2 pa'o//// de nas kun rig rgyal po la// 'khor rnams gus pa'i tshul gyis ni// rang rang rtogs pa brjod pa'i phyir// spyan sngar 'dug nas 'di skad gsol// ring nas 'dus pa bdag cag ni// rtsa ba
49b3 rang sems don gsal bas// btsal bas mi rnyed rang sems ni// dmigs su med pa'i chos sku la// gang yang ma bkag nam mkha' bzhin// ma bsgoms ma yengs 'bras bu rnams// zhal mthong sprul pa bdag
49b4 gis ni// dus gsum rang sems 'gyur med don// med la mi zad mtha' bral bas// gang yang ma spangs gnas su dag/ ma btsal rnyed pa nor bu bzhin// rang sems chos kyi dbyings su dag/ dad nyan 'khor
49b5 gyi rtogs pa 'di// 'gro drug sems can thams cad kyis// chos sku rang chas de rtogs na// rtsol zhing bsgrub pa'i nad bral bas// ye shes ngo bor sangs rgyas te// re dogs med par lam du rtogs// de skad
49b6 brjod pa'i don rtogs nas// kun rig rgyal pos bka' stsal pa// legs so dad ldan 'khor rnams nyon// tshig tu mtshon pa sna tshogs kyang// don la dbyer med ngo bo gcig/ gcig las spros pas kun gyi
50a1 ngang// dbyer med don du sangs rgyas na// 'pho zhing 'gyur ba'i chos med do// rdzogs pa chen po lta ba thams cad kyi snying po las/ 'khor gyi rtogs pa brjod pa'i le'u ste nyer gsum
50a2 pa'o//// de nas 'dus pa'i tshogs rnams la// kun rig sems kyi rgyal po yis// lta ba snying po'i don gtad pa// theg pa'i rgyal po lhun rdzogs 'di// skal ldan 'dus pa rnams kyis kyang// yid la
50a3 btag cing bcang bar gyis// de yang rdo rje snying po khyod// nga yi bstan pa'i snying po 'di// log sred zhen chags ma nges par// nam yang bstan par ma byed cig/ nyan thos la sogs lta dman la// bstan kyang go
50a4 bar mi 'gyur te// mi theg khal chen bkal ba bzhin// don ma go bas ngan song ltung// de bas rang sems sngon sbyangs pa'i// rnal 'byor gang zhig dad ldan la// snying po 'di yis don mtshon nas// lta ba'i snying
50a5 po rtogs par gyis// de yang 'dus pa'i snying po khyod// tshul 'chos byed cing slob dpon smad// nor phangs gzhog ngoms kha bsags can// g.yo rgyu thabs kyis chos 'dod pa// rgyud kyi snying po lta ba ni// nam
50a6 yang bstan par ma gsungs so// gal te snying po'i don bstan na// 'phags pa rnams kyang dgrar ldang na// mkha' 'gro dam can smos ci dgos// thar pa'i srog bcad mnar med ltung// da yang 'dus pa'i snying
50b1 po khyod// gsang ba rgyud kyi snying po 'di// mar mer 'chi kha'i 'od bzhin du// bstan pa 'jig ka'i dus dag tu// kun bzang thugs rje'i byin rlabs kyis// rnal 'byor skal ldan rnams la 'byung// de tshe rgyud kyi
50b2 snying po 'di// gu lang gser bzhin mi nub tsam// snod ldan 'ga' la gtad pa las// snang dgu rnams kyi spyod yul min// kun kyang nges pa de ltar zhog/ de yang sems dpa' rdo rje khyod// de ltar ma rtogs
50b3 dman rnams kyis// lam lngar sbyangs shing tshogs bsags kyang// mnyam par ma bzhag 'bras bu chung// 'gro ba'i mgon pos de skad gsungs// rdzogs pa chen po lta ba thams cad kyi snying po las/ rgyud kyi snying
50b4 po gtad pa'i le'u ste nyi shu bzhi pa'o//// sangs rgyas thams cad kyi dgongs pa/ rdzogs pa chen po mi nub pa'i rgyal mtshan/ rdo rje sems dpa'i man ngag dgongs don/ lta ba thams cad kyi snying po'i
50b5 rgyud/rin po che bkod pa snying po'i rgyud ces bya ba rdzogs so//// man ngag thams kyi snying po'i yang snying rin po che gter gyi sgron ma/ gsang ba yang snying gi rgyud/ snod med rnams la gsang ngo// a+thi+-i/
50b6 rgya rgya rgya////


CLOSE WINDOW