181a2 / thabs dang shes rab kyi rgyud// srog gi thigs pa/ bdud rtsi'i bum pa/ snang byed spu gri'i rgyud rdzogs so// // bcom ldan kun tu bzang po yis// 'khor gyi rdo rje sems dpa' la// phyi nang med pa'i
181a3 chos dbyings su// 'bras bu thob pa med pa'i dus// thams cad ye grol bstan pa la// yang ti nag po'i 'bru gcig shar// byin gyi rlabs kyis byung ba yi// 'bras bu ye grol chen po'i rgyud las// ngang la shugs
181a4 kyis shar ba'o// 'bras bu la yang rnam bzhi ste// phyi yi 'bras bu bstan pa dang// nang gi 'bras bu bstan pa dang// gsang ba'i 'bras bu bstan pa'o// phyi yi 'bras bu bstan pa ni// phyi yi 'byung ba lnga po ye shes
181a5 lnga// nang gi 'bras bu bstan pa ni// rtags kyi ye shes tshon gang la// yang gsang 'bras bu gnyis yin te// ngo bo rang bzhin thugs rje dang// rig pa'i ye shes kho na'o// re re la yang bzhi
181a6 bzhis bskor// mtshan nyid 'dzin pa dbus gnas te// thams cad ye shes chen por shar// thams cad mkhyen pa'i ye shes las// thams cad 'byung yang rang byung la// thams cad 'gags kyang rang 'gags
181b1 la// thams cad grol yang rang grol las// 'bras bu thob pa'i sa med de// dper na rgya mtsho'i nya mo bzhin// gar phyin rgya mtsho'i nang du gnas// lhun gyis grub pas thob pa med// pad ma nor bu rin po
181b2 che// thams cad gcig las rang byung bas// de ni lhun grub chos sku'o// dbang po rab kyi chos yin te// 'bring dang tha ma 'khyams par mchi'o// rdzogs chen gnad du ma phebs par// chos spyod gang dgar btang
181b3 ba ni// de ni rdzogs chen rgyun chad yin// rdzogs chen rtag cing ma chad par// dge sdig 'chol bar spyod pa ni// de ni rdzogs chen drang thad yin// rdzogs chen rgyud la ma thebs par// thos bsam bsgom sgrub mi
181b4 byed pa// de ni rdzogs chen phyal pa yin// ye shes gnad du mi 'dzin par// sems 'dzin phra mo brtsam pa ni// de ni sgron ma'i yid smon yin// sems 'dzin gcig la yid 'cha' ba// de ni long ba'i lam sna
181b5 yin// gdams ngag phyogs re ma rdzogs par// rgan mo mdzub tshugs bsgom pa ni// dam par zhen pa'i bsgom pa yin// zhe 'dod gcig la rten 'cha' bas// rgad po mkhar thogs bsgom pa ni// de ni long ba'i
181b6 lam rgyus yin// bde ba'i nyams myong la brten nas// gzhon pa bde ba bsgom pa ni// de ni gzhon pa'i rmi lam yin// zhes gsungs so/ kun tu bzang po srog gi thigs pa/ 'bras bu ye grol chen po'i rgyud
rdzogs so/

CLOSE WINDOW