179a6 / yang ti nag po'i bsgom pa'o// bsgom pa srog gi spu gri'o// srog gi 'khor lo'i rgyud rdzogs so// // bcom ldan 'das dpal kun tu bzang po la phyag 'tshal lo// 'di skad bdag
179b1 gis thos pa dus gcig na// chos kyi dbyings kyi pho brang du// ston pa kun tu bzang po yis// thugs kyi sprul pa chen po la// dus gsum khyad par med pa'i phyir// nyid las mi gzhan 'khor rnams la// rdzogs pa
179b2 chen po'i bstan pa shar// zhes gsungs so// lta ba la thal chen po'i rgyud nyid kyi zhal nas byin rlabs su/ rang bzhin dag pa rnams la babs// chos sku thig le nyag gcig la// 'khrul pa med pas sems
179b3 can med// sangs rgyas sems can gnyis su med// blo dang dngos po gnyis su med// chos can chos nyid gnyis su med// 'khor ba myang 'das gnyis su med// dbyings dang ye shes gnyis su med// rnam rtog
179b4 ye shes gnyis su med// sangs rgyas sems can gnyis med de// lam gyis bcos su ga la yod// ye nas grol ba'i chos sku la// lta sgom spyod pa 'ching ba'i rgyu// ye grol chen po phyogs med la// phyogs su
179b5 'dzin pa 'khrul pa'i lam// lta sgom spyod pa nor ba'i lam// 'bras bu thob 'dod ltos pa'i chos// ye grol chen por shar ba la// rtsol bsgrub byed pa 'khrul pa'i lam// thams cad rang snang chen po la// bsgom
179b6 du med par bsgom pa ni// de ni nam mkhar snyegs pa 'dra// ye nas chos skur gcig pa la// bar dor chos nyid skye 'dod pa// de ni lam gyi gol sa yin// thams cad ye nas lhun grub la// bar dor 'bras bu
180a1 'dod pa ni// de ni sa yi gol sa yin// rig pa rang byung ye shes la// rgan po mkhar thogs bsgom pa dang// rgan mo mdzub tshugs bsgom pa dang// gzhon pa bde ba bsgom pa ni// nyams myong re
180a2 la phyogs ltos med// nyams myong rkyen gyis bsgyur ba'i phyir// ye shes skye ba rkyen khar thal// phyogs la ltos nas rten 'cha' bas// de ni nyams myong gol sa yin// rdzogs chen yang ti nag po las// phyogs
180a3 'dzin mi spang mi 'geg la// ched du gang yang mi bsgrub pas// des na ltos pa'i chos med de// de yi ming ni lhun grub yin// de yis mtshan ni rdzogs chen yin// gsang mtshan yang ti 'bru gcig yin// yang
180a4 gsang lta ba la thal gyi rgyud/kun tu bzang po'i srog gi spu gri/ rdo rje sems dpa'i thugs kyi reg chod ro langs bde ba'i thugs kyi srog gi thigs pa/ brgyud pa gsum pa/ lta ba la thal gyi rgyud rdzogs
180a5 so// // thig le nyag gcig sku la phyag tshal nas// bcom ldan kun tu bzang po yis// chos nyid brdal ba'i pho brang du// 'khor gyi rdo rje sems dpa' la// rig pa phyi nang med pa'i dus// thabs dang shes
rab bstan pa shar/

CLOSE WINDOW