177b2 /// 'jam dpal 'dus pa'i rgyud las bsdus pa rdzogs so// // sangs rgyas thig le nyag gcig la// chos sku brdal khyab la rtogs par bya ba dang btsal ba'i chos med
177b3 de// gang zag blo'i ngos nas gnyis su yod par rtogs dgos pa las/ rtsa rlung thig le'i gdams pa bshad par bya// de nas gdams pa ni// rtsa dang rlung dang thig le'i gnad gsum rang grol du shes dgos
177b4 te// thig le chen po'i rtsa 'di ni phyi nang gsang ba gsum du 'dus so// de la thig le phyi ltar bshad pa/ phyi 'byung ba lnga ni ngo bo gsal te rang gsal du gnas pa rang byung ye shes so// de ni phyi yi thig le'o// nang
177b5 gi thig le ni/ngo bo rig pa'i ye shes rang shar ngo shes pa'o// gsang ba'i thig le ni/ bsgoms pas ma rnyed/ ma bsgoms pas ma stor/ ye shes rang las ma gtogs pa med de// phyi gsal ba 'byung ba lnga ni rang
177b6 snang chen po'o// nang rig pa'i ye shes kyi mdangs te/ me long dang byad lta bu'o// gnyis su med pa'i thig le chos sku brdal khyab chen po dang/ ye shes brdal khyab gnyis su med pa'o// thig le gsang ba gsum
178a1 po 'di rtogs shig/rtogs pas sangs rgyas kyi dgongs pa khong du chud pa zhes bya'o// rlung la yang phyi nang gsang ba gsum ste/ thog ma'i gnas nas rig pa bskyod pa gzhi la gnas so// phyi yi rlung
178a2 ni gling bzhi 'degs pa dang/rang byung du bskyod pa'i rlung ngo// nang gi rlung ni 'gro dang skad 'don pa dang bskyod pa'o// gsang ba'i rlung ni 'gyu ba dang snyam byed dang dbugs 'byung ba'o// rlung gsum po de yang
178a3 ye shes kyi rlung du rtogs na sku gsum thob bo// rtsa la yang phyi nang gsang gsum ste// phyi yi rtsa ni chos nyid rang byung gi rtsa ste/ 'od lnga ste stong pa rang snang du shes pa'o// nang gi rtsa ni rnam rtog rang rig pa'i ye shes
178a4 rang shar ba ste/rig pa'i ye shes so// gsang ba'i rtsa ni dbugs dang 'gyu ba stong pa nyid kyi ye shes dbyer med pa'i chos sku zang thal lo// rtsa dang rlung dang thig le gtan la phab pa/ sku gsum lkog bzhengs kyi
178a5 dgongs pa/bstan ma thag tu lta sgom la rag ma lus pa las sangs rgyas kyi dgongs pa skad cig ma la thob pa zag bcas phung po'i nang du/ sangs rgyas kyi dgongs pa dang mjal ba/ lam ma bsgrod par rang sar
178a6 slebs pa/sku gsum gyi dgongs pa dus gcig la thob pa/ 'khor ba'i mngal kha dus gcig la rgyas theb pa zhes bya ba'i man ngag/ mdzod kyi gdams pa/ rtsa rlung gi thig le gtan la phab pa/ rtsa rlung gi rtsa ba
rdzogs so/

CLOSE WINDOW