136a2 / de las byung ba'i dge ba yis// kun gyi rgyud 'di rtogs grol shog/// rgya gar skad du/ sarbA gra rA dzA ka sha dzA' la tan+t+ra/ bod skad du/ rgyud thams cad kyi rtse rgyal nam mkha'
136a3 'bar ba'i rgyud/ming med mtha' bral dngos med zang ka la phyag tshal lo// 'di skad ci yang ma thos bsam brjod dmigs pa'i yul las 'das pa'i dus mtha' med pa'i dus na/ gnas kyi rgyal po mu mtha'
136a4 grol ba na// ston pa'i rgyal po ming med kun grol bzhugs// bstan pa'i rgyal po gting mtha' yangs pa 'di// 'khor gyi dam pa rang byung ngang dngas snang tshad grol la bshad// dus kyi rgyal po thog mtha' med
136a5 pa'i dus// sdud pa po ni gsang bdag rin chen no// de nas 'khor gyi rgyal por rang byung ngang dngas kyis// ston pa'i rgyal po ming med kun grol la// pus btsug thal sbyar gus pas 'di skad zhus// phun sum
136a6 tshogs pa'i don ni de ltar na// sems kyi rang bzhin ji ltar gnas// sems kyi ngo bo ji ltar gsal// sems kyi thugs rje ji ltar 'char// sems la yon tan ji ltar mnga'// sems kyi phrin las ji ltar
136b1 mdzad// sems 'di ye nas yod dam med// sems ni sangs rgyas yin nam min// yin na sems can ji ltar 'khrul// sems la ye nas dngos po yod dam med// sems la 'khrul pa yod dam med// sems
136b2 can kun gyi sems 'di mnyam lags sam// sems la gti mug yod dam med// sems la dug lnga dug gsum yod dam med// sems la dbyibs dang kha dog yod dam med// sems 'di rtogs pas sangs
136b3 rgyas sam// sems nyid rtogs pas sangs rgya'am// sems dang rig pa yid dang gsum la khyad par yod dam med// dbyibs dang skye med ye shes gsum la khyad par yod dam med// sku lnga ye shes lnga dang nyon
136b4 mongs lnga la khyad par yod dam med// snying po stong pa rig pa gsum du chos rnams ji ltar grol// grol bar byed pa'i gdams ngag gang ltar bshad// sems kyi snang tshul sna tshogs pa// mdo don gcig tu ji
136b5 ltar bsdu// sems kyi thag ni gang du bcad// sems kyi la ni gang dang gang du bzla'// sems nyid phugs su ji ltar bskyal// skyol bar phyed pa'i gdams pa gang// sems kyi dpe ni gang du bstan// dpe
136b6 yi thog tu phebs tshe phebs mi phebs// mi phebs dpe bstan dgos pa med// sangs rgyas sems can gzhi gcig gam// gcig na gnyis su 'ong ba ci// mi gcig 'khor 'das 'brel med dam// ma rig ye
137a1 shes ngo bo gcig mi gcig/mi gcig 'brel pa med lags sam// 'khor 'das gnyis kyi gyes mdo gang tsam lags// blos btags chos rnams yod dam med// byar med blo 'das gang la
137a2 zer// blo 'das zhes pa tshig gis btags mi btags// btags na blos btags chos dang khyad par cang yod dam// ma btags zer na blos btags gang nas byung// snang btags chos rnams gang du
137a3 bsdu// chos med blo zad mtha' ru gang du bskyal// dngos po'i chos rnams la bzla ji ltar lags// zhes zhu tshig bzhi bcu rtsa gnyis po bdag cag 'dus pa'i 'khor rnams la shin tu zab par gsung du
137a4 gsol// zhes zhu ba phul lo// nam mkha' 'bar ba'irgyud las/ gling gzhi phun sum tshogs pa dang/ 'khor gyis gleng slong zhus pa'i le'u ste dang pa'o//// de nas rang byung ngang dngas kyis/ ston pa'i rgyal po
137a5 ming med kun grol la// sems kyi rang bzhin ji ltar gnas// zhes zhus pa dang// ston pas 'khor la bka' stsal pa// sems kyi rang bzhin bstan tu ma mchis te// 'khor gyis rtog pa sel ba'i phyir// mun
137a6 khung gser sgrom lta bur bshad// 'khor rnams ma yeng gus pas nyon// sems kyi rang bzhin gnas lugs bstan pa ni// rang bzhin stong pa lhun grub yin// rang bzhin rgyu rkyen med pa yin// rang bzhin 'pho
137b1 'gyur med pa yin// rang bzhin ci yang med pa yin// rang bzhin dngos po med pa yin// sems la dpe med zla med do yang med// sems kyi rang bzhin gnas lugs ni// stong gsal dngos med kha dog
137b2 dbyibs dang bral// skye med ka dag phyogs med mu mtha' yas// dngos med zang ka gtad med gting mtha' yas// thig le chen po ming med blo 'das te// ming med mtha' stongs sna tshogs kun gyi gzhi// rnam
137b3 pa kun ldan gang du'ang grub pa med// des na kun 'das blo yi spyod yul grol// zhes gsungs so// nam mkha' 'bar ba'i rgyud las/ sems kyi rang bzhin bstan pa'i le'u ste gnyis pa'o//// de nas rang
137b4 byung rang grol gyis// ming med ston pa kun grol la// sems kyi ngo bo ji ltar gsal// zhes zhus pa dang/ ston pas 'khor la bka' stsal pa// sems kyi ngo bo gsal bar bstan pa ni// sems kyi ngo bo ka dag
137b5 'od gsal yin// sems kyi ngo bo gsal dag yin// sems kyi ngo bo gting gsal yin// sems kyi ngo bo khong nas gsal// sems kyi ngo bo mkha' gsal yin// sems kyi ngo bo 'od du gsal// sems kyi ngo
137b6 bo rtsal du gsal// sems kyi ngo bo zer du gsal/// sems kyi ngo bo rol par gsal// sems kyi ngo bo snang bar gsal// sems kyi ngo bo dbang po lnga ru gsal// sems kyi ngo bo don snying lnga ru
138a1 gsal// sems kyi ngo bo yan lag lnga ru gsal// sems kyi ngo bo gzugs lnga yul lngar gsal// sems kyi ngo bo rnam shes tshogs brgyad gsal// sems kyi ngo bo dbang po lnga dang yid lngar
138a2 gsal// sems kyi ngo bo yul grol rig/ sems de gsal dag klong du dag/ ces gsungs so// nam mkha' 'bar ba'i rgyud las/ sems kyi ngo bo gsal ba'i le'u ste gsum pa'o//// de nas rang byung ngang
138a3 dngas kyis// ming med kun grol ston pa la// sems la yon tan ji ltar mnga'// zhes zhus pa dang/ ston pas 'khor la bka' stsal pa// sems kyi yon tan bstan pa ni// yid bzhin nor las dgos 'dod
138a4 'byung ba bzhin// sems la yon tan 'byung lugs bsam mi khyab// yon tan rnam grangs bshad pas mi langs te// re zhig bsdus te yon tan 'di ltar bshad// ma rig ye shes gsal bar byed pa'i yon tan
138a5 mnga'// dug gsum sku gsum bsgyur ba'i yon tan mnga'// dug lnga ye shes bsgyur ba'i yon tan yod// sems can sangs rgyas bsgyur ba'i yon tan mnga'// 'khor ba myang 'das bsgyur ba'i yon tan
138a6 mnga'// rigs drug g.yang sa gcod pa'i yon tan mnga'// khams gsum zhing khams bsgyur ba'i yon tan mnga'// nyon mongs phyags mas 'debs pa'i yon tan mnga'// rnam rtog chos skur bsgyur ba'i yon
138b1 tan mnga'// snang ba rang sar grol ba'i yon tan mnga'// rig pa rang rlag byed pa'i yon tan mnga'// sems nyid ming med rtogs pa'i yon tan mnga'// ji snyed ma lus mkhyen pa'i yon tan mnga'// ji lta ba
138b2 bzhin mkhyen pa'i yon tan mnga'// rnam pa thams cad mkhyen pa'i yon tan mnga'// mchog mkhyen pa yi yon tan mnga'// ma spangs gnas su dag pa'i yon tan mnga'// ma bsgrubs yongs su grub pa'i yon
138b3 tan mnga'// 'khor ba'i 'dam nas 'dren pa'i yon tan mnga'// bu bzhin kun la snyoms pa'i yon tan mnga'// snying rje kun la sman mdzad yon tan mnga'// sdug bsngal bde bar shes pa'i yon tan
138b4 mnga'// nam mkha' bzhin du kun la yongs su khyab pa'i yon tan mnga'// thams cad ma lus sangs rgyas par// shes pa sems kyi yon tan yin// zhes gsungs so// nam mkha' 'bar ba'i rgyud
138b5 las// sems kyi yon tan bstan pa'i le'u ste bzhi pa'o//// de nas rang byung ngang dngas kyis// ming med kun grol ston pa la/ sems kyi phrin las ji ltar mdzad// ces zhus pas// ston pas 'khor la
138b6 bka' stsal pa// sems kyi phrin las mdzad lugs bsam mi khyab// re zhig phrin las mdzad lugs bstan pa ni// ma rig mun pa sel ba'i phrin las byed// gti mug bag chags sel ba'i phrin las byed// sgrib
139a1 g.yogs mun pa 'joms pa'i phrin las byed// dug lnga rang sar grol ba'i phrin las mdzad// sems can sangs rgyas bsgyur ba'i phrin las mdzad// 'khrul gzhi rtsad nas gcod pa'i phrin las
139a2 mdzad// 'khrul snang rang sar grol ba'i phrin las mdzad// snang ba'i dngos gzhi grol ba'i phrin las mdzad// 'khor ba'i gnas nas 'dren pa'i phrin las mdzad// sdug bsngal bde bar byed pa'i phrin las
139a3 mdzad// thams cad sangs rgyas yin shes phrin las chen po mdzad// zhi rgyas dbang drag lta bu 'di yin no// zhes gsungs so// nam mkha' 'bar ba'i rgyud las/ sems kyi phrin las bstan pa'i le'u ste lnga
139a4 pa'o//// de nas rang byung ngang dngas kyis// ming med kun grol ston pa la// sems 'di ye nas yod dam med// ces zhus pas/ ston pas 'khor la bka' stsal pa// sems 'di ye nas med mod
139a5 kyang// ma rig 'gyu ba'i rlung 'dis 'khor 'das gnyis// dper na nam mkha'i sprin dang me long g.ya'// gzhi la med kyang shugs las byung// zhes so// de nas 'khor gyis yang zhus pas// sems de ye nas
139a6 yod na rtag par thal// ye nas med na chad par thal// rtag chad mtha' 'di gang gis sel// zhes ston pa la zhus pa dang/ ston pas 'khor la bka' stsal pa// sems nyid gzhi la gzugs su grub pa med// de
139b1 yis rtag pa'i mtha' sel lo// rtsal la ma 'gags rol pa sna tshogs shar// 'od gsal yan lags rang snang bas// de yis chad pa'i mtha' sel lo// sems nyid gzhi la rtsal thim pas// rtag chad gnyis
139b2 med mtha' sel lo// zhes gsungs so// nam mkha' 'bar ba'i rgyud las/ sems yod med gnyis med du bstan pa'i le'u ste drug pa'o//// de nas rang byung ngang dngas kyis// ming med ston pa kun grol
139b3 la// sems 'di ye nas sangs rgyas yin nam min// yin na sems 'di ye nas ji ltar 'khrul// min na 'khor ba lte chad 'gyur// zhes zhus pas// ston pas 'khor la bka' stsal pa// sems 'di ye nas
139b4 sangs rgyas yin mod kyang// rtog pa'i dbang gis 'khor bar 'khyams// ma rig dbang gis 'khor bar snang// 'khor ba lte ba chad pa ma yin te// 'khor ba rtsad chod mya ngan 'das// zhes gsungs so// nam
139b5 mkha' 'bar ba'i rgyud las/sems ye nas sangs rgyas yin kyang dug lnga ma rig pa'i dbang gis 'khor ba'i le'u ste bdun pa'o//// de nas rang byung ngang dngas kyis// ming med ston pa kun grol la// ye
139b6 nas sangs rgyas yin na sems can ji ltar 'khrul// sangs rgyas 'khrul na thug pa med// sems de sangs rgyas min na sangs rgyas gang nas 'tshol// zhes zhus pa dang/ ston pas 'khor la bka' stsal
140a1 pa// sems de rtogs pa mngon du gyur ba'i sangs rgyas min// sems de gzhi nas lhun grub sangs rgyas yin// gzhi rang bzhin lhun gyis grub pa la// rtsal dang rig pa zer 'khrul bas// dug lnga
140a2 nyon mongs ma rig dbang gis sems can 'khrul// sus kyang ma lan rang ngo ma shes nyes// sangs rgyas gzhan nas mi 'tshol te// sems nyid rtogs pas sangs rgyas yin// 'khor bar ngo shes mya ngan
140a3 'das// sems nyid ngo shes 'khrul du med// ces gsungs so// nam mkha' 'bar ba'i rgyud las/ sems de ye nas sangs rgyas yin kyang ma rtogs pas gzhi lhun grub la 'khrul pa bstan pa'i le'u ste brgyad
140a4 pa'o//// de nas rang byung ngang dngas kyis// ming med kun grol ston pa la// sems la ye nas dngos po yod dam med// dngos po yod na sems de rtag par thal// dngos po med na chad par lhung// de
140a5 nyid ngo bo ji ltar lags// zhes zhus pas/ ston pas 'khor la bka' stsal pa// khyod kyis nga la dris pa ni// gzhi la 'dri 'am rtsal la 'dri// chos nyid gzhi la 'dri ba na// sems kyi gzhi la dngos po
140a6 med// sems kyi gzhi la gzugs su med// sems kyi gzhi la kha dog med// sems de cang med dngos med tha snyad med// ces gsungs so// rtsal la dri'o zer ba na// mtshan nyid ma 'gags sna tshogs 'char
140b1 ba'i phyir// snang srid dngos po'i chos rnams gzhi'i rtsal du shar// zhes gsungs so// nam mkha' 'bar ba'i rgyud las// sems kyi gzhi la dngos po med pa la/ rtsal la dngos po yod par bstan pa'i le'u ste
140b2 dgu pa'o//// de nas rang byung ngang dngas kyis// ming med ston pa kun grol la// sems la 'khrul pa yod dam med// 'khrul yod sems de skyon du 'gyur// sol ba nag po'i dpe bzhin no// sems la
140b3 'khrul pa med pa la// sems can thams cad grol bar rigs// de gnyis 'phrad de ji ltar bsal// zhes ston pa la zhus pas/ ston pas 'khor la bka' stsal pa// sems kyi gzhi la 'khrul pa med// rtsal la
140b4 'khrul snang ltar snang kyang// sems kyi gzhi la gos pa med// dper na man shel dag pa'i nang// dkar dmar sman dug bzang ngan gang snang yang// shel gyi gzhi la gang yang grub pa med// sman dug snang la
140b5 grub pa med// sman mi sgrub la dug mi spang// shel gong nang du gnyis ka dag/ de bzhin sems kyi gzhi la yang// 'khrul snang cir yang snang mod kyang// bzang po mi bsgrub ngan mi spang// sems nyid ka dag ngang
140b6 du 'khrul pa dag/'khrul snang rang bzhin med de sems su dag/ ces gsungs so// nam mkha' 'bar ba'i rgyud las// 'khrul pa gzhi la med par bstan pa'i le'u ste bcu pa'o//// de nas rang byung ngang
141a1 dngas kyis// ming med ston pa kun grol la// sems can kun gyis sems 'di mnyam lags sam// mnyam na bzang ngan 'ong ba dang// blo rno rtul shes pa che chung 'ong ba ci yis nyes// 'on te mi
141a2 mnyam sems bdag bzang ngan tha dad bdog lags sam/zhes zhus pas/ ston pas 'khor la bka' stsal pa/ 'khor gyi dri ba gnyis po de// chos nyid gzhi la dri 'am snang tshul zer la 'dri// sems kyi gzhi la
141a3 'dri ba na// ya tha rgyal ba'i dkyil 'khor nas// ma tha dmyal ba'i 'jigs tshogs su// sems can mtha' yas ma lus la// til la mar gyis khyab bzhin mnyam por gnas// dper na rgya zho mnan pa
141a4 'dra// sems la bzang ngan bye brag med// sems nyid gzhi la rno rtul med// shes pa gsal mi gsal du med// snang tshul zer la 'dri ba na// shes bya'i rang bzhin ma 'gags par// blo rno rtul bzang ngan shes
141a5 pa gsal mi gsal du shugs las 'khrul// dper na zhing sa gcig pa la sa bon mnyam por btab nas// chu lud mnyam por btab kyang/ bzang ngan nas rdog che chung shugs las 'byung/ lcags rdo bzhu btul
141a6 mnyam yang/rno rtul bzang ngan shugs las 'byung/ zhes gsungs so// nam mkha' 'bar ba'i rgyud las/ sems can thams cad la sems de mnyam par bstan pa'i le'u ste bcu gcig pa'o//// de nas
141b1 rang byung ngang dngas kyis// ming med kun grol ston pa la// sems la gti mug yod dam med// gti mug med na ye shes mi 'char ci yis nyes// yod na ye shes 'char ram zhes zhus pas// ston pas 'khor la
141b2 bka' stsal pa// 'khor gyi dri ba gnyis po de// shes dang ma shes gang la 'dri// shes pa dag la 'dri ba na// rang sems shes pa'i 'od gsal dang// gti mug ma rig ye nas med// ka dag ye shes 'od 'bar
141b3 gsal// de la bag chags sgrib g.yogs med// ma shes pa la 'dri ba na// rang ngo ma shes ma rig pas// gti mug bag chags sgrib pas bsgribs// ye gsal ma rtogs mun pa'i 'khor sgor chud// ces gsungs
141b4 so// nam mkha' 'bar ba'i rgyud las/ rang ngo shes pa la ma rig gti mug med par bstan pa'i le'u ste bcu gnyis pa'o//// de nas rang byung ngang dngas kyis// ming med kun grol ston pa la// sems la
141b5 dug lnga dug gsum yod dam med// yod na spangs kyang mi spong pa ru 'dug/ med na 'gro drug sems can 'khor bar 'khyams pa mi rigs so// zhes zhus pas/ ston pas 'khor la bka' stsal pa// 'khor gyi dri
141b6 ba gnyis po de// rtogs dang ma rtogs gang la 'dri// rtogs pa la ni 'dri ba na// dug lnga dug gsum ma spangs rang grol bas// dug gsum ka dag sku gsung thugs// dug lnga ming med ye shes lnga// zhes
142a1 gsungs so// ma rtogs pa la dri ba na// khams gsum sems can thams cad la/ dug lnga dug gsum rang chas ldan// de yis 'gro drug 'khor bar 'khyams// zhes gsungs so// nam mkha'
142a2 'bar ba'i rgyud las/dug lnga rtogs pa la med cing ma rtogs pa la yod par bstan pa'i le'u ste bcu gsum pa'o//// de nas rang byung ngang dngas kyis// ming med kun grol ston pa la// sems la dbyibs
142a3 dang kha dog yod dam med// ces zhus pas/ ston pas 'khor la bka' stsal pa// sems la dbyibs dang kha dog med// sems la gzugs dang mtshan ma med// sems la yod med rtsis gdab med// yod par
142a4 mthong ba 'khrul pa'i blo// zhes gsungs so// nam mkha' 'bar ba'i rgyud las// sems la dbyibs dang kha dog med par bstan pa'i le'u ste bcu bzhi pa'o//// de nas rang byung ngang dngas kyis// ming
142a5 med kun grol ston pa la// sems 'di rtogs pas sangs rgyas sam// zhus pas/ ston pas 'khor la bka' stsal pa// sems 'di rtog pa dang bcas pa'i// dran sems 'di yis sangs mi rgya// sems nyid chos
142a6 sku yin pa'i phyir// sems nyid rtogs pas sangs rgyas so// sngon gyi rgyal ba rnams kyis kyang// sems nyid rtogs pas sangs rgyas so// zhes gsungs so// nam mkha' 'bar ba'i rgyud las/ sems nyid rtogs
142b1 pas sangs rgyas pa'i le'u ste bco lnga'o//// de nas rang byung ngang dngas kyis// ming med kun grol ston pa la// sems dang rig pa yid dang gsum la khyad par yod dam med/ ces zhus pas/ ston pas
142b2 'khor la bka' stsal pa// 'khor gyi dri ba gsum po de// gzhi la 'dri 'am rtsal la 'dri// gzhi la 'dri na de gsum ngo bo gcig ste khyad par med// rtsal la 'dri na khyad par yod// bzang ngan yod pa ma yin
142b3 te// tshogs pa rags mi rags su yod// rig pa skye med myong ba yod// yid du 'gyu bas dran pa 'byung// sems su gsal bas ming du btags// btags la zhen pas dga' mi dga' ru skye/ zhes gsungs
142b4 so// nam mkha' 'bar ba'i rgyud las/ sems dang rig pa yid dang gsum bstan pa'i le'u ste bcu drug pa'o//// de nas rang byung ngang dngas kyis// ming med ston pa kun grol la// snying po chos nyid chos
142b5 sku gsum la khyad par yod dam med// zhus pas/ ston pas 'khor la bka' stsal pa// de gsum gzhi la khyadapar med// yan lag rtsal dang ming 'dogs la// ming gi bye brag khyad par yod// snying po chos nyid
142b6 dbyings la khyad par med// ces gsungs so// nam mkha' 'bar ba'i rgyud las/ de gsum gzhi la khyad par med par bstan pa'i le'u ste bcu bdun pa'o//// de nas rang byung ngang dngas kyis// ming med
143a1 ston pa kun grol la// dbyings dang ye shes skye med gsum la khyad par yod dam med// zhes zhus pas/ ston pas 'khor la bka' stsal pa// de gsum don la khyad par med// ming dang bye brag
143a2 khyad par yod// dbyings ni chos nyid 'dus ma byas// skye med snying po chos kyi sku// ye shes ye shes zhes bya ba// ye nas yod pa'i shes pa yi// gsal 'grib med pa'i shes pa yin// zhes gsungs so// nam
143a3 mkha' 'bar ba'i rgyud las/dbyings dang skye med ye shes gsum la khyad par med par bstan pa'i le'u ste bco brgyadapa'o//// de nas rang byung ngang dngas kyis// ming med kun grol ston pa la// sku lnga ye
143a4 shes lnga dang dug lnga nyon mongs lnga la khyad par yod dam med// ces zhus pas/ ston pas 'khor la bka' stsal pa// rtogs shing grol ba'i dus na khyad par med// ma rtogs pa la khyad par che// zhes gsungs so/
143a5 de nas yang 'khor gyis zhus pa// rtogs pa'i sku lnga ye shes lnga ni ji ltar lags// zhes zhus pas/ ston pas 'khor la bka' stsal pa// sku lnga'i dbye ba bshad pa ni/ snying po gting mtha' yas pa'i sku dang/
143a6 sngon thog ming med mtha' bral gyi sku dang/ ye dag ka dag skye ba med pa'i sku dang/ dngos med zang ka'i sku dang/ byar med blo 'das kyi sku dang lnga'o// ye shes lnga la ka dag skye ba med pa'i ye shes dang/ 'od
143b1 gsal klong nas gsal ba'i ye shes dang/rang byung ngang dngas gsal ba'i ye shes dang/ rang gsal rang sangs rgyas pa'i ye shes dang/ rang snang rang sar grol ba'i ye shes dang lnga'o// de ni theg pa gzhan nas
143b2 ma bshad de/yang ti nyi zla'i snying po sku lnga ye shes lnga'o// rtogs ldan la dug lnga nyon mongs lnga med de/ ye shes klong na 'phyo zhes so// ma rtogs dug lngas khams gsum 'khor bar 'khyams/ zhes gsungs
143b3 so// nam mkha' 'bar ba'i rgyud las/ rtogs pa la dug lnga dang sku lnga dbyer med du bstan pa'i le'u ste bcu dgu pa'o//// de nas rang byung ngang dngas kyis// ming med kun grol ston pa la// snang ba rig pa
143b4 stong pa gsum du chos rnams ji ltar grol// zhes zhus pas/ ston pas 'khor la bka' stsal pa// snang tshad ye nas rang so la// dgag bsgrub spang len med par rang sar grol// 'gyu ba med pa'i rig yid
143b5 la// ji ltar snang ba'i dngos po'i chos rnams la// mi 'gyu ming gi mi dran sems mi 'char// rig yid rgya la 'gyu yang ngang dngas rang sar grol// gang skyes rang sar thims pas 'khrul pa rtsad nas bcad// rig
143b6 pas rtsad nas bcad pa'o// kun gzhi rtsad nas bcad pa ni/ stong gsal dngos med bag chags sgrib g.yog med// 'dod rlom rtsis gdab med de sems nyid rtsad nas bcad// de gsum dril nas bstan pa
144a1 ni// gang snang yul rnams rang grol sangs// gang skyes rig pa rang rlags dang// gang dran dran sems rtsis gdab med par zhi// de gsum ji ltar grol zhe na// snang srid chos rnams stong par
144a2 grol// yid rig dran blo rang byung rang sar grol// sems de kun gzhi'i klong na grol// zhes gsungs so// nam mkha' 'bar ba'i rgyud las/ snang ba stong pa rig pa gsum du chos rnams grol bar bstan pa'i
144a3 le'u ste nyi shu pa'o//// de nas rang byung ngang dngas kyis// ming med ston pa kun grol la// grol bar byed pa'i gdams ngag ji ltar bshad// ces zhus pas/ ston pas 'khor la bka' stsal pa/ snang ba rig
144a4 pa stong pa gsum du grol ba'i gdams ngag ni/de la snang ba'i chos rnams kun// rang gnas rang sor dbye bsal med par grol// rig skyes myang ba'i chos rnams kun// rig med 'dzin med zhen med gsum du
144a5 grol// stong pa kun gzhi'i chos rnams kun// bag chags snyoms byed sgrib g.yogs med par grol// zhes gsungs so// nam mkha' 'bar ba'i rgyud las/ grol bar byed pa'i gdams ngag bstan pa'i le'u ste
144a6 nyi shu rtsa gcig pa'o//// de nas rang byung ngang dngas kyis// ming med kun grol ston pa la// sems kyi snang tshul sna tshogs pa// mdo don gcig tu ji ltar bsdu// zhes zhus pa dang/ ston pas 'khor la
144b1 bka' stsal pa// sems kyi snang tshul bsam mi khyab// de yi snang tshul bsdus te bshad// snang tshul de rnams ni/ gzhi la rlung lnga sems kyi snang tshul yin// 'byung lnga 'od lnga sems kyi snang tshul yin// 'od lnga zer
144b2 lnga sems kyi snang tshul yin// shes dang ma shes sems kyi snang tshul yin// rig dang ma rig sems kyi snang tshul yin// stong pa gsal ba 'gag med sems kyi snang tshul yin// rang bzhin stong pa thugs rje sems
144b3 kyi snang tshul yin// dug gsum sku gsum yid 'khor rnams gsum sems kyi snang tshul yin// 'char sgo 'khrul sgo sems kyi snang tshul yin// yid rig so sor 'khrul pa sems kyi snang tshul yin// 'khrul
144b4 'bras gzugs lnga sems kyi snang tshul yin// rtogs dang ma rtogs sems kyi snang tshul yin// sangs rgyas sems can sems kyi snang tshul yin// 'khor ba myang 'das sems kyi snang tshul yin// snang srid snod
144b5 bcud sems kyi snang tshul yin// skyes pa bud med rtsi shing nags tshal sems kyi snang tshul yin// yod med dngos po'i chos rnams sems kyi snang tshul yin// zhes gsungs so// mdo don gcig tu bsdu ba
144b6 ni// brgyad khri bzhi stong theg pa rnams// rdzogs pa spyi gcod spyi tir 'dus// blos btags chos rnams thams cad kun// blo 'das ming med chen por 'dus// bsam gyis mi khyab chos 'di rnams// bsam med
145a1 chen po'i ngang du 'dus// snod bcud snang srid dngos po'i chos rnams kun// mu med gting mtha' grol bar bsdus// zhes gsungs so// nam mkha' 'bar ba'i rgyud las/ mdo don gcig tu
145a2 bsdus pa'i le'u ste nyi shu rtsa gnyis pa'o//// de nas rang byung ngang dngas kyis// ming med ston pa kun grol la// sems kyi thag ni gang du bcad// ces zhus pas/ ston pas 'khor la bka' stsal pa// skye
145a3 med mtshon du med par thag bcad do// snying po 'pho 'gyur med par thag bcad do// chos sku rkyen dang bral bar thag bcad do// dngos med zang kar thag bcad do// byar med blo 'das thag bcad do// ming
145a4 med brjod las 'das par thag bcad do// mu mtha' grol bar thag bcad do// gting mtha' yas par thag bcad do// chos nyid ka dag chen por thag bcad do// dngos po med par thag kyang bcad// ngos
145a5 gzung med par thag kyang bcad// yul sems med par thag kyang bcad// dgag bsgrub spang len med par thag bcad do// zhes gsungs so// nam mkha' 'bar ba'i rgyud las/ sems kyi thag bcad pa'i le'u
145a6 ste nyi shu rtsa gsum pa'o//// de nas rang byung ngang dngas kyis// ming med kun grol ston pa la// sems kyi la ni gang du bzla// zhes zhus pas/ ston pas 'khor la bka' stsal pa// sems kyi la ni chos nyid
145b1 klong du bzla// sems kyi la ni snying po'i klong du bzla// sems kyi la ni dngos med zang kar bzla// sems kyi la ni ma bcos rnal mar bzla// sems kyi la ni dngos gzhi med par bzla// sems kyi la ni skye ba
145b2 med par bzla// sems kyi la ni ming med blo 'das chen por bzla// sems kyi la ni sangs rgyas chos dang dge 'dun med par bzla// sems kyi la ni sku lnga ye shes lnga yang med par bzla// rig pa yid sems
145b3 med par la bzla'o// theg chen chos med grub mtha' med par la bzla'o// snang med rig med 'gyu sems med par la bzla'o// zhes gsungs so// nam mkha' 'bar ba'i rgyud las/ sems kyi la bzla bstan
145b4 pa'i le'u ste nyer bzhi pa'o//// de nas rang byung ngang dngas kyis// ming med kun grol ston pa la// sems nyid phugs su ji ltar bskyal// zhes zhus pas/ ston pas 'khor la bka' stsal pa// 'khrul chod
145b5 rtog sangs phugs su skyol// blau zad dran med phugs su skyol// chos med theg med phugs su skyol// nyams rtags mngon shes med pa'i phugs su skyol// rigs med sems rlag 'od gsal phugs su
145b6 skyol// sngon thog dang po'i phugs su skyol// chos nyid gsang ba'i phugs su skyol// snying ngo chos sku lhun grub phugs su skyol// sngon thog ka dag phugs su skyol// thog ma 'od mi 'gyur ba'i phugs su skyol// 'od
146a1 bkol pa med pa'i phugs su skyol// 'od 'phro 'du dang 'phel 'grib med pa'i phugs su skyol// ming med mtha' stong phugs su skyol// mu mtha' grol ba'i phugs su skyol// gting mtha' yas pa'i
146a2 phugs su skyol// mtha' bral blo 'das kyi phugs su skyol// yengs med gt-ing med dngos med stong pa'i phugs su skyol// zhes gsungs so// nam mkha' 'bar ba'i rgyud las/ sems nyid phugs su skyol ba'i
146a3 le'u ste nyer lnga pa'o//// de nas rang byung ngang dngas kyis// ming med kun grol ston pa la// phugs su skyol bar byed pa'i gdams pa gang// zhes zhus pas/ ston pas 'khor la bka' stsal pa// phugs su
146a4 skyol bar byed pa'i gdams pa ni// mu mtha' grol ba'i gdams ngag yin// gting mtha' yas pa'i gdams ngag yin// ming med mtha' stong gdams ngag yin// skye med ka dag gdams pa yin// dngos med
146a5 zang ka'i gdams pa yin// gshis kyi 'dug tshul gdams pa yin// dngos po'i gnas lugs shes bya'i babs kyi gdams pa yin// snying po nges pa de kho na nyid kyi gdams pa yin// ma nor ma bcos de kho na
146a6 nyid kyi gdams pa yin// byar med blo 'das gdams ngag yin// re med rang gnas gdams ngag yin// ming med mtha' bral gdams ngag yin// rtsad chod blo 'das rig med chos phor gdams ngag
146b1 yin// snying po mu med mtha' bral gyi phugs su skyol// zhes gsungs so// nam mkha' 'bar ba'i rgyud las/ phugs su skyol bar byed pa'i gdams pa bstan pa'i le'u ste nyer drug pa'o//// de nas rang byung
146b2 ngang dngas kyis// ming med ston pa kun grol la// sems kyi dpe ni gang du bstan// zhes zhus pa dang/ ston pas 'khor la bka' stsal pa// sems kyi dpe ni nam mkha' bstan// dngos med stong gsal khyab la
146b3 phyogs ris med// ces gsungs so// de yang snying po yan lag snang tshul 'khrul pa'i dpe bstan pa dang/ zhing sa gser dang mtsho la dar chags gsum/ kun gzhi snying po chos nyid mtshon pa'i dpe ru bstan/
146b4 tsan dan gla rtsi sgog pa gsum/ shugs 'byung 'gags med rig pa'i dpe ru bstan/ 'od dang rtsal dang zer gyi dpe ru ni/ nyi ma'i snying po 'od dang zer gyi dpe ru bstan/ ma nges ngo bo mi 'gyur ga pur dpe bzhin
146b5 bstan// snang tshul dpe ni phug ron skad bzhin no// 'khrul dpe thag pa tho yor smig rgyu la// sbrul dang mi dang chur 'khrul dpe bzhin no// sems nyid rang grol sbrul gyi mdud pa'i dpe// 'khrul pa ldog pa'i dpe
146b6 ni/lan tshwa chur thim sha btson gdos grol 'dra/ sems dang chos 'dres dpe ni/ chu la chu bur rang thim rdo tshan kha ba 'dra/ ma bu dbye ba med pa'i dpe ni/ yur chus rgya mtshor slebs dang 'dra// chu dang 'o ma 'dres
147a1 pa 'dra// 'dra bzhi yod pas dpe yi thog tu babs// dngos gzhi med pas dpes kyang mtshon du med// 'dra ba'i sgo nas dpe dang tshul bstun dgos pa yod// ces gsungs so// nam mkha' 'bar
147a2 ba'i rgyud las/sems nyid dpe'i sgo nas bstan cing gtan la dbab pa'i le'u ste nyer bdun pa'o//// de nas rang byung ngang dngas kyis// ming med kun grol ston pa la// sangs rgyas sems can gzhi
147a3 gcig gam// gcig na 'khor 'das gnyis su 'ong ba ji ltar yin// mi gcig 'khor 'das 'brel med dam// zhes zhus pa dang/ ston pas 'khor la bka' stsal pa// gzhi lnga mkha' klong rnam dag kun gzhi spyi
147a4 sa ru// sangs rgyas sems can gzhi gcig pas// mnyam pa nyid du gnas pa yin// dper na mtsho la dar chags 'dra// zhes gsungs so// de nas 'khor gyis ston pa nyid la zhus pa/ gcig na gnyis su 'ong ba
147a5 ci yin zhus pa dang/ston pas 'khor la bka' stsal pa// sangs rgyas sems can gzhi gcig kyang// kun gzhi'i rnam shes gzhi de la// 'gyu ba rlung gi rgyu nyid las// ma rig sgrib g.yogs rkyen byas nas// mun
147a6 pa'i 'khor sgo gnyis su 'khrul// gzhi de rtogs dang ma rtogs rnams gnyis las// sangs rgyas sems can gnyis su byung// 'khor ba myang 'das gnyis su snang// snang yang 'khor 'das 'brel yin te// 'khor
147b1 ba'i rang bzhin shes pa mya ngan 'das// rtogs ldan rnams la 'khor 'das dbyer med cing// 'brel med ma yin chos nyid dbyings su gcig/ ces gsungs so// nam mkha' 'bar ba'i rgyud las/ sangs rgyas
147b2 sems can gzhi gcig par bstan pa'i le'u ste nyer brgyad pa'o//// de nas rang byung ngang dngas kyis// ming med kun grol ston pa la// ma rig ye shes ngo bo gcig mi gcig/ mi gcig 'brel pa med
147b3 lags sam// zhes zhus pas/ ston pas 'khor la bka' stsal pa// ma rtogs ma rig pa yin kyang// rtogs na ma rig ma yin te// de phyir rig pa'i ye shes yin// de phyir ma rig ye shes tha dad min// ma
147b4 rtogs rtogs pas lam 'dir gcig/'brel med tha dad ma yin ngo bo gcig/ dper na ga bur gzhi gcig la/ nad tsha grang rkyen gyis tha dad gnyis snang kyang// tha dad bye brag gnyis med ga bur ngo bor gcig/ ces
147b5 gsungs so// nam mkha' 'bar ba'i rgyud las/ ma rig ye shes ngo bo gcig la rtogs ma rtogs kyis tha dad par bstan pa'i le'u ste nyer dgu pa'o//// de nas rang byung ngang dngas kyis// ming med kun
147b6 grol ston pa la// 'khor 'das gnyis kyi gyes mdo gang tsam lags// zhes zhus pas/ ston pas 'khor la bka' stsal pa// 'khor 'das gnyis kyi gyes mdo ni// shes dang ma shes gyes mdo dang// 'gyu dang mi
148a1 'gyu'i gyes mdo dang// zin dang ma zin gyes mdo dang// rig dang ma rig gyes mdo dang// 'char sgo 'khrul sgo'i gyes mdo yin// rtogs dang ma rtogs gyes mdo yin// sangs rgyas sems can
148a2 gyes mdo yin// ldog bcas gnyis kyi gyes mdo dang// 'khrul ldog gnyis kyi gyes mdo yin// mdor na dbyings stong pa gsal ba 'gag med gyes mdo yin// ces so// nam mkha' 'bar ba'i rgyud las/
148a3 sangs rgyas sems can gyi gyes mdo bstan pa'i le'u ste sum bcu pa'o//// de nas rang byung ngang dngas kyis// ming med ston pa kun grol la// blos btags chos rnams yod dam med/ byar med blo 'das
148a4 gang la zer// zhes zhus pa dang/ ston pas 'khor la bka' stsal pa// 'khor gyi dri ba gnyis po de// rtogs dang ma rtogs gang la 'dri// ma rtogs pa la 'dri ba na// ji srid rnam rtog blo 'khrul ma zad par// blos
148a5 btags chos rnams zad pa med pa yod// rnam rtog 'khrul pa ma zad par// blos btags chos rnams yod par gsungs// rnam rtog 'khrul pa zad pa na// blos btags chos rnams gcig kyang yod ma yin// blo
148a6 zad blos btags chos rnams zad// ces gsungs so// de nas 'khor gyi ston pa la zhus pa// byar med blo 'das gang la zer// zhes zhus pa dang// ston pas 'khor la bka' stsal pa// blo dang dngos po 'phrad
148b1 nas chos dang sems 'dres tsam na/rig rlag sems med yid kyi rnam rtog zad// bya ba'i yul med rtsol bsgrub sems dang bral// blo 'das don la blos btags chos rnams med// ces gsungs so// nam
148b2 mkha' 'bar ba'i rgyud las/blo btags chos rnams med par bstan pa'i le'u ste so gcig pa'o//// de nas rang byung ngang dngas kyis// ming med kun grol ston pa la// blos btags chos de tshig gis
148b3 btags ma btags/btags na blo 'das chos dang khyad par cang bdog gam/ ci ste zhe na gnyis ka tshig gis mtshon cing ming du btags pa'i phyir/ zhes ston pa la zhus pa/ ston pas 'khor la bka' stsal pa/
148b4 blos btags chos dang blo 'das ming med gnyis// de gnyis tshig dang don la khyad par che// tshig khyad don khyad bstan gyis 'khor rnams nyon// 'khor gyi blo 'das chos de tshig gis btags ma btags/ zhes
148b5 dris pa de khyed rang 'khor gyis dris shing nga yis mtshon pa las// 'khor gyi rtog pa bsal phyir go ba las// blo 'das tshig tu btags pa las// blo 'das nyid la mtshon bya mtshon byed med// blo 'das nyid la
148b6 tshig gis gdags su med// ming med blo 'das don la ming tshig brda' chad med// ming med mtha' bral blo yi spyod yul grol// mu dang mtha' grol gting mtha' brjod pa'i tha snyad tshig gi yul las
149a1 'das// 'khor gyi rtog pa bsal phyir las// blo 'das nyid la dngos med ming tshig btags pa med// de phyir blos btags chos las khyad par 'phags// de yang ji ltar 'phags zhe na// a ti
149a2 man chad blos btags chos rnams ni// blo yis rang rang grub mthar btags shing// blos btags grub pa'i mtha' la zhen// dngos med ming med blo 'das chen po la// de don ma rtogs theg pa rim dgu
149a3 yi// lta ba blos btags tshig la zhen// sgom pa blos bsgom ming tshig zhen dang bcas// spyod pa ched byas chags sdang zhen dang bcas// 'bras bu re dogs yid smon rtsol sgrub byed// rang ltar ming
149a4 btags blos btags tshig la zhen pa'i theg dgu yis// blos btags grub pa'i mtha' la zhen nas gzhan lta rgyab kyis phyogs// dngos med blos btags rtog pa'i tshig la zhen// snang btags gzung zhen blos btags theg
149a5 pa yis// rang gam bzhag nas rgyang du btsal// btsal bas bskal pa brgyar yang rnyed mi 'gyur// dmus long nam mkha'i mtha' 'tshol 'dra// blos btags chos rnams ma zad na// bskal pa brgyar yang rnyed mi
149a6 'gyur// med cing stong pa'i chos la mtshon pa btags pa'i blos btags nas// tshig gi mtha' la zhen cing ming btags chos la chags// ming med mtha' stong blo zad ma rtogs na// nams kyang 'khor ba'i
149b1 'dam nas thon dus med// de phyir blos btags blo 'das gnyis kyi khyad par ro// hril gyis dril nas bstan pa ni// blo 'das ming med rang la zhen kyang blo chos yin// blos btags chos zad zhen cing chags
149b2 pa med na blo 'das yin// blo 'das chos ni gting mtha' grol// blos btags chos ni blo yi btags shing grub pa'i mtha' la zhen// de phyir blo chos blo 'das gnyis kyi khyad par ro// zhes gsungs so// nam
149b3 mkha' 'bar ba'i rgyud las/blo 'das tshig tu btags kyang mu mtha' grol zhing ming med mtha' stong blo 'das klong du gyur pa'i le'u ste so gnyis pa'o//// de nas rang byung ngang dngas kyis// ming med ston
149b4 pa kun grol la// snang btags chos rnams gang du bsdu// zhes zhus pa dang/ ston pas 'khor la bka' stsal pa// snang ba'i chos rnams stong par bsdu// blos btags chos rnams ming med blo 'das ngang du
149b5 bsdu// yang na snang srid chos rnams rang sar grol bar bsdu// ming btags chos rnams bstan du med par bsdu// yang na snang ba'i chos rnams bzang ngan dgag bsgrub med par bsdu// btags chags mtshon
149b6 brjod med par bsdu// zhes gsungs so// nam mkha' 'bar ba'i rgyud las/ snang btags bsdu ba'i le'u ste so gsum pa'o//// de nas rang byung ngang dngas kyis// ming med ston pa kun grol la// chos
150a1 med blo zad mtha' ru gang du bskyal// zhes zhus pa dang// ston pas 'khor la bka' stsal pa// chos rnams grub mtha' med pa theg pa'i phugs su skyol// blo zad rnam rtog zad pa chos nyid phugs
150a2 su skyol// yid rig sems kyi chags sdang med pa ngang dngas phugs su skyol// theg med 'jug sgo med pa yang ti'i phugs su skyol// ces gsungs so// nam mkha' 'bar ba'i rgyud las/ chos rnams mu mtha'
150a3 yas la gting mtha' stong pa'i mtha' ru skyal ba'i le'u ste so bzhi pa'o//// de nas rang byung ngang dngas kyis// ming med ston pa kun grol la// dngos po'i chos rnams la bzla ji ltar lags// zhes zhus
150a4 pas/ston pas 'khor la bka' stsal pa// dngos po'i chos rnams dngos med chen por bzla// dngos po'i chos rnams stong pa chen por bzla// dngos po sna tshogs dngos po med par grol// zhes gsungs
150a5 so// nam mkha' 'bar ba'i rgyud las/ dngos po snang grags gi chos thams cad dngos med chen por la bzla ba'i le'u ste so lnga pa'o//// de nas rang byung ngang dngas kyis// ming med kun grol ston pa
150a6 la// kri yog man chad dgos pa med// bskyed rdzogs gsum dang spyi ti yang ti yi// ming gi nges tshig ji ltar lags// zhes ston pa la zhus pa dang/ ston pas 'khor la bka' stsal pa// kri yog nyan thos yan
150b1 chod bshad mi bya// bskyed rdzogs gsum dang spyi ti yang ti bstan// 'khor rnams ma yengs gus pas nyon// de la bskyed pa ma hA yo ga ni// lha dang lha mor bskyed pa'i bskyed pa yin// ma ni skye med chos kyi
150b2 sku// hA ni chos rnams lha dang lha mor gsal// yo ni 'gag med thabs yin te// ga ni dmigs med shes rab yum// snang srid lha dang lha mo ste// de snang la rang bzhin med pa yis// thabs dang shes rab
150b3 gnyis med snang stong dbyer med do// rdzogs pa a nu yo ga ni// snying po dran pa tsam gyis lhar rdzogs pas// de phyir rdzogs pa zhes su bshad// a ni skye med dbyings kyi klong// nu ni 'gag med ye shes
150b4 gsal// yo ni dbyings dang ye shes dbyer med dang// ga ni snang ba dbyings dang ye shes gnyis su med// de phyir a nu yo ga'o// rdzogs chen a ti yo ga ni// snang srid rdzogs pas rdzogs chen yin// a ti yo
150b5 ga'i ming gi nges tshig ni// a a nu sarba d+harma na ta thA ga ta ya zhes pa ste// gza' gtad med pa'i lta ba bstan// ti ti ta zhes pa ni/ dmigs gtad med pa'i bsgom pa bstan/ yo yo ga tsar+YA ni// bya rtsol dang
150b6 dgag bsgrub med pa'i spyod pa bstan// ga gar+b+ha hr-i da ya ni// spang thob med pa'i 'bras bu bstan// de phyir a ti yo ga yin// de las khyad par 'phags pa ni// dgu rtse spyi ti yo ga ni// theg pa dgu yi dgu rtse
151a1 yin// a nu'i gong brgal a ti'i gnya' gcog yin/ spyi yis lta ba ti yis bsgom pa/ yo yis spyod pa/ ga yis 'bras bu yin no// de la a ti yo ga las khyad par gang gis 'phags zhe na/ spyi ti
151a2 yo ga 'phags tshul ni/spyi ni theg pa dgu yi spyi rdol te/ skye med ka dag lta ba bstan/ ti ni theg dgu'i ti ka 'di nas ston pa ste/ dngos med zang ka'i bsgom pa bstan// yo ni theg dgu'i spyod pa'i phyags shing
151a3 ste// byar med las zin spyod pa bstan// ga ni chos sku'i 'bras bu bcud bsdus te// re med rang gnas rang sangs rgyas pa'i 'bras bu'o// de bzhin 'og ma rnams las khyad par 'phags// de yang ngo mtshar che
151a4 na gang gis spags zhe na// spyi ti yo ga zhes pas 'phags// spyi ni bstan med lta ba yin// ti ni rtog med bsgom pa yin// yo ni byar med spyod pa yin// ga ni re med kyi 'bras bu yin// yang na spyi ti yo ga
151a5 ni// spyi gtad med zhe 'dod med pa'i lta ba'o// ti dmigs med rtog med bsam dang bral ba'i sgom pa'o// yo yo ga ji ltar snang zhing btags pa'i chos rnams la// gang la yang mi 'gyu mi spyod mi chags mi zhen
151a6 gzung 'dzin dgag bsgrub spang len bzang ngan dbye bsal rtsis gdab bcos med de/yo ni rnal 'byor skal ldan mos/ spyod pa rnal ma la// lhugs pa so ma zang ka lhod pa bag yang go bde ba'o// cir yang byar
151b1 med dal ba rang thang gyi na dngos po gshis kyi 'dug tshul gnas lugs gnas pa'o// gang snang rang grol dgag bsgrub med pa spyod pa'i mchog ces gsungs so// ga ni ngang gnas re med blo 'das kyi 'bras
151b2 bu'o// de phyir spyi ti yo ga ni// theg pa kun las khyad par 'phags// zhes gsungs so// nam mkha' 'bar ba'i rgyud las/ thog mar bskyed rdzogs spyi ti ming gi nges don bstan pa'i le'u ste so drug
151b3 pa'o//// de nas rang byung ngang dngas kyis// ming med kun grol ston pa la// spyi ti las ni yang ti yo ga gang gis 'phags// zhes zhus pa dang/ ston pas 'khor la bka' stsal pa// yang ti yo ga khyad par
151b4 'phags tshul bshad// yang ni mu mtha' grol ba'i lta ba'o// ti ni gting mtha' yangs pa'i sgom pa'o// yo ni ming med mtha' stong spyod pa'o// ga ni thig le spyi brtol 'bras bu'o// de phyir yang ti man chod theg
151b5 pa kun las 'phags// zhes gsungs so// nam mkha' 'bar ba'i rgyud las/ yang ti yo ga'i nges tshig bstan pa'i le'u ste so bdun pa'o//// de nas rang byung ngang dngas kyis// ming med ston pa kun grol
151b6 la// rgyud 'di'i mtshan ni ji ltar gzung// zhes zhus pa dang/ ston pas 'khor la bka' stsal pa// rgyud 'di'i mtshan gyi gzung thabs ni// rgyud rnams thams cad kun las khyad par 'phags shing rtse rgyal pas/
152a1 rgyud sde thams cad kyi rtse rgyal bya bar zung zhig/ grub mtha' blta bsgom kun las gong brgal phyir/ rgyud rnams kun gyi rgyal po bya bar gzung zhig/ nam mkha' lta bur go 'byed phyir// nam mkha'
152a2 'bar ba'i rgyud du zung// theg dgu'i rtse rgyal bcu yi gnya' gcog pas// dgu rtse bcu yi gnya' gcog bya bar zung// chos kun gnad ston gal 'gags 'phrang sel bas// gnad ston gal 'gags 'phrang
152a3 sel rgyud du zung// zhes gsungs so// nam mkha' 'bar ba'i rgyud las/ rgyud kyi mtshan bzung ba'i le'u ste so brgyad pa'o//// de nas rang byung ngang dngas kyis// ming med kun grol ston pa la// rgyud 'di
152a4 skal ldan gang la gtad// ces zhus pa dang/ ston pas 'khor la bka' stsal pa// rgyud 'di gtad pa'i gang zag ni// smras pa mi 'gyur dam tshig gzhung bzhin bsrung// bla ma gtsug khur 'dod yon nor
152a5 rnams 'bul// dge ba'i sems ldan sdig pa'i las mi byed// nga rgyal ser sna chung la shes rab che// gdams ngag gter 'chang zang zing khar mi gtang// snod ldan skal bar ldan la rgyud 'di gtod// dam
152a6 nyams snod med rnams la ma bstan cig/ces gsungs so// nam mkha' 'bar ba'i rgyud las/ rgyud gtad pa'i snod bstan pa'i le'u so dgu pa'o//// rgyud thams cad kyi rtse rgyal nam mkha' 'bar
ba'i rgyud rdzogs so/

CLOSE WINDOW