CLOSE WINDOW

D839
བོད་ཡིག

badzra lo ka/ badzra ba smi/ badzra shu la/ badzra ku lan/ badzra kang+ka/ badzra mu la/ badzra sri ta/ badzra ba mu/ badzra shu la/ badzra sma ra/ hu~M hu~M hu~M hu~M hu~M hu~M hu~M hu~M hu~M hu~M/ hu~M hu~M hu~M hu~M hu~M hu~M hu~M hu~M hu~M hu~M/ dzaHhU~M ba~M hoH b+h+yo b+h+yo b+h+yo b+h+yo/ /de nas yang bcom ldan 'das 'jam dpal ye shes sems dpa' khro bo'i rgyal po de la 'di skad ces gsol to//nges par bstan pa'i rgyud 'di la/ /tshe zhes bgyi ba ji ltar lags/ /yungs kar bsgrub pa ji ltar lags/ /de yis las ni ci zhig 'grub/ /phur bu zhes bgyi ji ltar lags/ /dang po dam bca' ji ltar lags//bcom ldan khro bo'i rgyal po la/ /de skad ces ni zhus pa dang / /gsung ni 'di skad bka' stsal to/ /tshe zhes bya ba'i don 'di yang / /chos nyid spros pa med pa la/ /kun du mi 'gyur nam mkha' 'dra/ /bskyod med dus kyis bshig tu med//'gro ba 'khrul pa'i ngo gang la/ /bag chags ngan pas bslus pa yis/ /tshe la bar chod 'ong bar gsungs/ /de phyir tshe yi bsgrub pa gsungs/ /yungs kar bsgrub pa'i mtshan nyid kyang / /bag chags 'khrul pas gnod 'gyur ba/ / mi mthun pa dang gnyen po ste/ /de dag 'dul ba'i don du bstan/ /de ni las kyi 'bras bu yang / /sngon nas las ngan mthu rtags te/ /mi mthun pa de 'gugs par byed/ /de nas yungs kar rgyal pos bya'o/ /phur bu zhes su bstan pa yang / / bdag nyid khro bo chen po ste/ /gnyis med mkha' la gnas bsams te/ /phur bu zhes ni de la bya'o/ /phyogs bcu'i thugs las skyes pa ste/ /de phyir phur bu zhes su bstan/ /dang bor dam bcas 'di ltar ro/ /lnga brgya dus kyi tha ma la/ /mtshams med lnga ni kun spyod cing //gos ngan re ba gon pa dang / /zas ngan lci ba za ba'i tshe/ /de tshe nga yi bstan pa 'byung / /dus ngan tha ma byung ba'i tshe/ /lha mo'i nang na 'od zer can/ /'phags pa'i nang na 'jam dpal gnyis/ /'di gnyis ma gtogs dngos grub gzhan//rigs 'dzin kun la ma yin no/ /khro bo'i rgyal po 'di yis ni/ /nges par dbang du ma gyur pa'i/ /dang po 'das dang da ltar gyi/ /phyis 'byung ba ni gang yang med/ /dgra bgegs 'bum mam stong yang rung / /de ma thag tu brlag par byed/ / khrag gi char yang 'bebs par byed/ /ces gsungs pas/ 'jig rten gyi khams 'di dag thams cad tshar bcad de/ drag po'i phrin las grub par gyur to/ /de nas 'khor rnams kyis/ 'jam dpal khro bo gshin rje gshed po la 'di skad ces bstod do//'phags pa khro bo 'jam dpal gshin rje gshed/ /chos sku byang chub sems kyi rang bzhin las/ /tshad med bzhi yi ngang nyid rnam dag pas/ /bdag nyid khro bo 'bar ba'i sku ston cing / /tshangs pa brgya byin lha chen drag po rnams/ / gnyis med byang chub sems kyis sgrol bar mdzad/ /ma he'i steng na zhabs ni brkyang bskum gnas/ /las kyi dbyug pa dag gis rdul du rlog /klu yi rgyal pos sku la brgyan pa ni/ /snyan cha mgur dang dbu dang phyag zhabs rnams/ /yan lag lnga la nges par dkris te gnas//dbu skra kham nag ral pa gyen du 'bar/ /spyan gsum gnyis med rnam thar don la gzigs/ /mgo bcad phreng bas dbu yi rgyan du byas/ /ljags dang mche ba glog ltar 'dril zhing 'bar/ /'jigs byed drag po'i zhal spyan rab tu bgrad//mi lpags rlon pa dag gis stod g.yogs shing / /stag lpags rlon pas sku yi rgyan du byas/ /de 'dra'i sku mdog 'bar ba'i cha lugs 'chang / /ngo mtshar rmad byung che la phyag 'tshal lo/ /zhes bstod nas gnyis su med par gyur to//'phags pa las bzhi 'khor lo gsang ba'i rgyud las le'u bcu bzhi pa'o// //'phags pa las bzhi 'khor lo gsang ba'i rgyud las/ rgyud phyi ma rim par bkod pa rdzogs // // @##/ /rgya gar skad du/ sarba ta thA ga ta bud tro pU na gu h+ya ba no shi a shwad da/ ma bin sa ma hA tan+t+ra nA ma/ bod skad du/ de bzhin gshegs pa thams cad kyi dgongs pa bla na med pa gsang ba rta mchog rol pa'i rgyud chen po zhes bya ba/ dpal rdo rje sems dpa' la phyag 'tshal lo//'di skad bdag gis thos pa'i dus gcig na/ bcom ldan 'das rdo rje bde ba chen po phyogs bcu dang dus gsum gyi sangs rgyas ma lus pa'i 'byung gnas/ sku gsung thugs yon tan phrin las rdo rje gsang ba gzhan las khyad par du gyur pa mtshan dang dpe byad phun sum tshogs pas spras pa/bkod pa rgyan gyi dkyil 'khor lhun po brtsegs shing yon tan rin po che'i 'byung gnas sna tshogs rnam par snang ba'i ngo bo/ /zab pa dang rgya che ba'i yan lag thams cad gsal bar byed cing ye shes kyi tshogs kyis chos ma lus pa mthar phyin pa/kun du phrin las rgya cher 'phrul pa'i bdag nyid/ dpal bde byed pad+ma gar gyi dbang phyug chags pa chen po'i ting nge 'dzin brnyes pa med pa'i chos nyid kyis thams cad la dbang bskur ba de nyid lha thams cad 'du ba'i gnas gzhal yas khang bar du gyur ba/'og min rdo rje lhun po'i gnas ye shes kyi snang ba rin po che sna tshogs ni 'od 'bar ba'i khang / 'dod pa'i yon tan gzugs sdug pa sna tshogs dang / dri zhim pa sna tshogs dang /ro bro ba sna tshogs dang / reg bya 'jam pa sna tshogs dang / chos kyi bde ba bskyed pa sna tshogs phyogs bcur 'phro zhing 'khrigs pa rtse mo mtho zhing khyams kyi rnam par phye bar sgo bzhi sgo khang dang bcas par bzhugs so/ /de'i tshe bde bar gshegs pa'i rol pa chen po kun du snang ba dang /'od kyi dpal dang / dga' ba'i dbang phyug dang / cho 'phrul bkod pa dang / rnam par gzigs dang / mi bskyod rdo rje dang / mngon par snang ba dang / brtan pa'i dbang phyug dang / 'brug sgra dang / dri ma med pa dang / rin chen phung po dang / nam mkha'i mdzod dang / rin chen dra ba dang / dkon mchog mtshan dang / rin chen tog dang / 'od zer snang ba dang / tshe mtha' yas dang / chos kyi dbang phyug dang / chags pa med pa'i 'od dang / dga' ba'i spyan dang / don thams cad yod pa dang /brtson 'grus shugs can dang / las chen 'phrul las dang / gnod sbyin 'dul ba dang / sna tshogs dbang phyug go/ /gzhan yang byang chub sems dpa' sems dpa' chen po bde ba'i blo gros dang / rgya mtsho'i sgra dbyangs dang / gzi brjid bkod pa dang / 'khor lo rnon po dang / shes snang ba dang / rdo rje rgyal mtshan dang / 'od zer 'phro ba dang / drag shul can dang / dri ma sems dpa' dang / sgyu ma'i sprul pa dang / rin chen rgyal po dang / dra ba can dang / lag dang /gser 'od 'phro ba dang / rin chen snye ma dang / chos kyi mtho ba dang / dri ma med pa dang / mun pa sel ba dang / dga' ba'i dbyangs dang / gzhon nu rin chen dang / rdo rje rnam par gnon pa dang / gar mkhan dang / bro'i rgya mtsho dang / thogs med bkod pa dang /pad+mo dga' ba dang / sa li dbang phyug dang / rin chen spungs pa dang / sprin gyi phreng ba dang / yid 'ong me tog dang / ye shes sgron ma dang / spobs pa brtsegs pa dang / kha lo sgyur ba dang / dran pa'i dbang phyug dang / pad+ma'i blo gros dang / las byed pa'i stobs dang / snying po blo gros rnams so//de dag kun kyang rang rang gi btsun mo'i tshogs dang 'khril ba'i tshul gyis bzhugs so/ /gzhan yang pad+mo 'phro ba dang / pad+ma 'dzin pa dang / pad+ma sgrogs pa dang / pad+ma bskyod pa dang / pad+ma tshim byed dang / pad+ma 'thor ba dang / pad+ma snang ba dang /pad+ma dbang byed rnams kyang rang rang gi phrin las kyis bkod do/ /gzhan yang 'jigs byed chen po byams pa'i dbang phyug brtse ba'i dbang phyug dang / pad grol dbang phyug dang / grol ba'i dbang phyug dang / sbyin pa'i dbang phyug dang / spyod pa'i dbang phyug dang /smra ba'i dbang phyug dang / mthun pa'i dbang phyug kyang rang rang gi rig pa bcas pas 'khod do/ /de dag la sogs pa'i 'khor gyi tshogs rnam par 'byed pa dang / 'byed pa med par snang ba'i sangs rgyas dang / byang chub sems dpa'i tshogs 'bum phrag bcu gnyis dang /thabs cig tu bzhugs so/ /de nas bcom ldan 'das ting nge 'dzin gyi rgyal po pad+ma chags pa'i spyan zhes bya ba'i ting nge 'dzin la snyoms par zhugs te/ thugs ka'i dpal be'u la sogs pa'i gnas rnams nas/'od zer gyi dkyil 'khor gsal bar byed pa bkye bas/ des phyogs bcu'i 'jig rten gyi khams thams cad gsal bar byas pa dang / ya mtshan gyi ltas chen po bco brgyad 'byung bar gyur to/ /de nas snod dang bcud du bcas pa'i gsal zhing 'bar bar gyur nas/phyogs bcu'i sangs rgyas dang byang chub sems dpa' rnams kyi thugs dam bskul te/ de dag gis kyang cho 'phrul rnam par 'khod pa zhes bya ba phyag rgya chen pos rang gis 'khor lo'i khyams dag tu spro bar byed mdzad do/ /de yang zhing khams rnam par sbyong zhing slar 'khor gyi 'khor dang bcas pa 'od zer 'phro ba'i gnas su 'dus so//de ltar 'chad pa'i rgya chen po'i rnam par rol 'phrul bas rol zhing zhal 'dzum pa dang bcas par gyur nas bzhugs pa las 'khor thams cad kyis the tshom skyes par gyur to/ /de'i dus na mthun par gleng ba ni/kye ma ho ya mtshan sna tshogs chos/ /rgyal ba'i mdzad pa ya mtshan che/ /cho 'phrul dpag med gyur pa yi/ /dgos pa'i don nyid ji lta bu/ /rgyu rkyen med par sangs rgyas ni/ /gsang gsum dam tshig spro mi mdzad/ /de yi mtshan nyid yang snang ba//gsang ba'i dbang po bskul bar mdzod/ /khyod ni rgyal ba kun gyi sras/ /dgongs don rgya mtsho don mnga' ba/ /bka' yi bdag po dgongs mdzod dag /legs par zhu zhing gsol gdab mdzod/ /de nas gsang ba'i bdag po lag na rdo rjes lnga brgya dang bcas pas gzhan dag gi the tshom rnam par gcod pa dang rang nyid kyi sgo gsal bar bya ba'i phyir mdun rol nas langs te/phyogs bcu nas 'khod nas mchod pa'i tshogs rgya chen po bkod cing rgyal ba kun la mchod de/ lan brgya rtsa brgyad du bskor ba byas shing rtse gcig tu gus pas phyag 'tshal nas/dga' ba'i bzhin gyis gsol ba btab pa/ e ma rgyal ba nyid kyi sku/ /rnam par 'phrul pa'i dkyil 'khor dag /ting 'dzin ye shes gnas las byung / /dga' mdzad dkyil 'khor 'dus pa dang / /byang chub sems sprin char chen gyis//nyon mongs la sogs sbyong mdzad cing / /thugs rje chen po ye shes kyis/ /tshogs pa'i 'bras bu legs smin mdzad/ /sku mdangs dga' ba'i bzhin bcas pas/ /gsang ba'i theg pa bstan du gsol/ /khyod kyi dgongs don gting dpag dka'//zab cing phra la rgya che bas/ /'khor rnams the tshom ri bos gnon/ /thugs rje che mnga' gsal bar mdzod/ /'di dag thams cad bstan pa'i snod/ /mgon po btang snyoms lhun mnga' mdzad/ /dus 'dir rtsom pa don che ste/ /smon lam 'bras bu mthar phyin mdzod//de skad ces gsol pa dang / /bcom ldan 'das rdo rje 'dzin pa de nyid kyis stong gsum gyi stong chen po'i brtan g.yo'i dkyil 'khor thams cad thugs mnyam pa nyid rtse gcig gi sgo nas gzigs so/ /rnam par gzigs kun du gzigs/ de ltar dgongs nas dkyil 'khor 'di dag thams cad smra bsam las 'das par sna tshogs rnam par smros shig /de nyid dngos po dang bar gzigs nas/ gzigs pa'i mtha' dang / dgongs pa'i mtha' dang / mdzad pa'i mtha' kun la snyoms pa'i ting nge 'dzin la snyoms par bzhugs te/bkod pa dang / rnam par bkod pa dang / rnam par bshad pa dang / dgongs pa dang / rnam par dgongs pa dang / rol pa dang / rol pa chen po dang / mdzad pa dang / sna tshogs mdzad pas kun du spro bar mi byed de/ 'jig rten drug gi rnam pas bsdus pa'i stong gsum gyi dngos po 'di dag /sangs rgyas kyi dkyil 'khor 'di las gzhan du snang bar mi dgongs so/ /de'i dus dang sa dang sa'i khyad par dang / dkyil 'khor bkod pa dag kyang rnam par mi gzigs/ kun du mi gzigs shing dgongs pa yang mi 'gog go//de dag ni mthar yang mi gnas shing nam mkha' lta bur bzhugs so/ /de nas ting nge 'dzin de la zhugs ma thag tu 'khor gyi dkyil 'khor de dag kyang chos thams cad kyi dkyil 'khor gyi rang bzhin nam mkha' lta bur rtogs par 'gyur ro/ /de nas yang gsang ba'i bdag po lag na rdo rje ngo mtshar gyi sgo nas bskul zhing gzhan dag gi don thugs g.yo bar mdzad pa'i glus g.yo slong bar mdzad de/tshul ban don gyi rgyal po che/ /'dren pa kun gyi rgyud nyid pas/ /nam mkha' lta bu'i rgyud nyid pas/ /nam mkha' lta bu'i dkyil 'khor nas/ / thugs rje chen po'i ya mtshan ston/ /kye ma'o mgon po don kun gnas/ /zhi ba'i las dam 'jug byed pa/ /byang sems thugs rje'i rlan bral lam/ /rdos can chos dang 'grang 'gyur cing / /zhes gsol ba btab pa las kyang ci yang mi gsung bar bzhugs so/ /de nas yang yum gzi ldan pad+mo zhes bya bas rnam par mi rtog pa'i ting nge 'dzin las slong ba'i glus skul bar mdzad de/mi dmigs ting 'dzin bsam 'das brjod dang bral/ /bde ba chen po ye shes byang chub sems/ /mi dmigs thugs rje mi 'da' dam tshig gis/ /rol ba'i cho 'phrul rgya chen bstan du gsol//de skad ces yang bskul ba'i rjes/ /mgon po'i gnas rnams la dgongs nas/ /'od zer rnams bkod 'dzum mdzad de/ /'khor ba legs sbyin skabs dbye mdzad/ /legs so legs so rdo rje can/ /pad+mo 'dzin pa'i grogs bcas pas/ / yang yang bskul bar mdzad pas na/ /gnang zhing bstan par mdzad pa la/ /dga' ba'i spyan rjes dang bar gyis/ /gang 'dod rtogs pa zhi bar mdzod/ /ma 'ongs rtogs pa mtha' dag rnams/ /thugs rje shugs kyis bzung mdzad de/ /don kun khyab pa'i snang ba yis/ / gzung bar bya ba'i skabs dbye mdzad/ /zhes gsungs so/ /de bzhin gshegs pa thams cad kyi dgongs pa bla na med pa'i gsang ba'i rta mchog rol pa'i rgyud chen po las rnam par sprul pa'i le'u ste dang po'o// //de nas dga' zhing 'khor 'dus pas/ /dga' ba'i bzhin rgyas mdzad de//gtso bos ji ltar bka' stsal bzhin/ /thugs rjes 'byung ba'i dkyil 'khor gzungs/ /de nas gzigs ldan pad+mo can/ /'dzum mdangs rgyas pas bskul mdzad de/ /'o byed 'khyud pa la sogs pa/ /dga' bzhin chags par rnam par 'gyur//e ma rig pa'i rgyal po khyod/ /thugs rje chen po nyi 'od bzhin/ /thugs rje 'byung ba'i dkyil 'khor gzungs/ /phyogs ris med pas go 'byed pas/ /yul du gyur pa kun rgyud dgongs/ /mi dmigs cho 'phrul nam mkha' las//bkod pa rgya mtsho sprin phung bzhin/ /thugs rje sprul pa'i char chen pos/ /sna tshogs las brgyad dag par mdzod/ /de nas gtso bo rdo rje 'chang / /ting nge 'dzin las bzhengs mdzad de/ /rang gi mtshan mos rab mdzes pas/ /rgyal po zil gnon gzi brjid can//phyag gi 'khor lo rab bskor cing / /phyogs rnams kun du gzigs mdzad de/ /mi dmigs nam mkha'i dbyings dag na/ /rdo rje sprul sku mngon phyung nas/ /gzi ldan pad+mo chen mo dang / /rol pa'i tshul du bzhugs mdzad de/ /'dzum mig chags pa'i bzhin dag gis//'khor rnams slong ba'i sngags brjod do/ /o~M AHhU~M ma hA b+hasmi sha ku ru bi na hr-i da ya a~M b+ha ba hi a la la ho/ /gnyis su med pa'i byang sems kyis/ /dkyil 'khor sbyor zhing bsdu bar mdzod/ /bsod nams ye shes tshogs rdzogs sku//rdo rje gar gyi rol mdzad cing / /dga' mchog rdo rje byang chub sems/ /'dzum zhing 'khyil ba'i pad+mo'i gnas/ /dkar 'tsher dag pa'i rang bzhin te/ /dmar po dbang dang gnyis med par/ /gsal khyab kun du spros pa las/ /dkyil 'khor sprul pa mtha' yas 'thon//zhi 'gog mya ngan 'das pa dang / /byang chub mgon gnas lam zhes dag /gnyis med gnyis su sbyor mdzad cing / /rang gi dkyil 'khor gnas la bkod/ /ngo mtshar sprul pa rnam par rol/ /brjid dang bcas pas gar mdzad cing / /'dzum par mdzad dang rol pa dang //kun du 'gying dang spyan mdzes bltam/ /smin ring bskyod cing bsgyur ba dang / /rdo rje phur pas g.ya' bas slong / /'dor zhing skum dang 'jog ldeg dang / /rnam par rol pa'i gar gyis kyang / /rigs kyi phrin las sna tshogs sprul/ /nam mkha' kun tu khyab par mdzad//rnam par rol pa'i bde 'byung bar/ /byang chub sems sogs zhi zhing gsal/ /rol pa'i char nyid mngon babs pas/ /'jig rten drug gi phyogs bcu na/ /brtan dang g.yo ba ma lus pa'i/ /sangs rgyas zhing khams dag byas nas/ /byang chub sems tshogs rol pa la//brdeg dang 'khyud dang sdom pa las/ /sbyor dang bstim dang mnyes pa dang / /kun du rab dgyes ye shes thig /sna tshogs snang ba nyi ma'i 'od/ /yang dag bde la rab gnas mdzod/ /de 'dus pa'i che tshogs pa'o/ /phyogs bcu kun nas bzhes mdzad de//thabs dang shes rab byin brlabs pa'i/ /byang sems rnam dag rgyun gyis mchod/ /rnga dang sil snyan sgra sgrogs shing / /dbang po tshim pa'i rol rtsed dang / /gar dbyangs glu drug sna tshogs kun/ /stong gsum gang bar gsung byas te/ / bcom ldan pad+mo bde yang bde/ /gzi ldan yum dang bcas par mchod/ /e ma 'dus pa'i tshogs dbus nas/ /thugs rje che mnga' nyi dkyil bzhin/ /'khor lo kun sgyur sgrol mdzad pas/ /rang gi dkyil 'khor rgyas par mdzad/ /rdo rje 'chang ba'i gsol 'debs kyis//dkyil 'khor dag la lhun grub rdzogs/ /pad+ma'i dpal ldan sems pa che/ /phrin las ye shes gnas kun sbyong / /khyod zhabs bskyed pa thugs rje'i stobs/ /khams gsum ma lus dag pa yi/ /de bzhin nyid kyi ye shes mchog /mgon po bka' drin mdzad pas legs//de skad gsol btab dgyes par 'gyur/ /phyag rgya chen po'i gnas la bzhugs/ /de nas dga' ba'i byang chub sems/ /sngon gyi rgyud dang lam bzhi las/ /sprul pa'i byang chub sems dpa' dang / /sngon gyi rgyud dang lam grogs rnams//dgongs shing thugs rje'i ye shes thugs/ /rang bzhin gnas nas kun dgongs te/ /phyogs bzhi nas ni bskul bar mdzad/ /kye kye mchog gsum bde ba'i sku/ /byams pa'i thugs mnga' sku gsal mdzad/ /rdo rje rgyal po byang chub sems//bdag dgongs 'gro ba'i don chen mdzad/ /kye kye yon tan rin chen tshogs/ /thugs rje mnyam nyid ye shes che/ /rgyal po 'khor lo byang chub nyid/ /dkyil 'khor sna tshogs sprul pa'i mdzod/ /kye kye rnam par dag pa'i sku/ / dga' ba rgya mtsho 'byung ba'i gnas/ /so so'i ye shes sna tshogs 'byed/ /chos rnams kun gyi de bzhin nyid/ /kye kye 'gro ba'i don chen bdag /btang snyoms mi 'dor sna tshogs dor/ /bya ba grub pa'i ting 'dzin mchog /phyogs bcu'i dkyil 'khor rnam dag ston//rang dga'i bskum pas g.yo mdzad de/ /phyogs bzhi byang chub dga' gnas 'jug /kye ma'i 'gro rnams de bzhin nyid/ /byang chub sems kyi rnam 'phrul las/ /nyon mongs gzung 'dzin sgrib pa yis/ /rang gi mtha' lam 'ges par byed/ /'di dag thugs rje'i gnas su rung //ye shes gsal ba'i thabs mang pos/ /thams cad dus gcig bsgral byas nas/ /rang gi bde chen don ston mchog /zhes gsungs pad+ma'i rig pa 'dzin/ /sangs rgyas sras bcas dga' bar mdzad/ /de bzhin gshegs pa thams cad kyi dgongs pa bla na med pa gsang ba dpal rta mchog rol pa'i rgyud las thugs rje sprul pa'i rol pa'i le'u ste gnyis pa'o// //de nas byang chub sems dpa'i gtso/ /rdo rje 'chang ba stan las langs/ /bde gshegs bsngags pa rjod byed cing / /bskum pas dbyangs kyis gsol ba btab//kye ma ho mchog gsum dam tshig sku/ /ye shes bla na med pa'i bdag /byang chub sems kyi dkyil 'khor nyid/ /rnam 'phrul thugs rje'i dus nyid pas/ /rigs kyi 'khor lo dpag med sku/ /de ring bkra shis phun sum tshogs/ /thugs rje chen po yal 'dor na//ci phyir theg chen mchog tu sngags/ /yang dag zhus pa'i tshig gsan nas/ /thugs rje'i dkyil 'khor gzigs par mdzad/ /mgon po'i pad+ma'i sku de nyid/ /gzi ldan yum dang rol mdzad cing / /dri med ye shes phyogs gzigs shing / / gnyis med byang chub sems kyi dkyil 'khor gsal/ /theg pa gsang chen cher 'byung ba'i/ /lam 'di dpal ldan rol mo'i mchog /sangs rgyas sras bcas sdud mdzad de/ /gzhan 'phrul gnas tshogs g.yo mdzad cing / /stong gsum 'di dag spyod mdzad cing //ting nge 'dzin la snyoms 'jug ste/ /sku las 'od zer spro bar mdzad/ /des khyab rigs kyi dkyil 'khor gsal/ /ye shes 'od mdangs sems dpa'i sku/ /gnas lngar gsang ba'i sngags kyis gzhug /phyag rgya chen po yongs rdzogs sku/ / zhal gsum phyag drug dga' ba'i mdangs/ /dmar gsal pad+ma rA ga'i mdangs/ /g.yas g.yon zhal gnyis sngo dang ser/ /rigs rgyan mtshan ma kun gyis mdzes/ /phyag na pad spong bum pa dang / /rdo rje rtse lnga dpal be'u dang / /mtha' mas mda' gsor gzhu 'dzin pa'o//rin chen sna tshogs na bza' dang / /phyag rgya'i yum bcas rol pa mdzad/ /gzhal yas khang pa sgo bzhi dang / /rin chen sna tshogs rta babs bcas/ /dra ba dra phyed mu tig phreng / /b+han d+ha dril bu sogs kyis spras/ /dbus kyi dkyil 'khor cher 'phags pa'i//pho brang ka ba gdung rnams la/ /pad+mo rdo rje sogs pas spras/ /'dod pa'i yon tan phun sum tshogs/ /gnas rnams kun du rin chen khri/ /pad+ma 'khor lo nyi zlas mtshan/ /phyi rol bar khyams 'khor ba dang / /snod rnams kun du pad+ma la//thabs dang shes rab bye brag gis/ /nyi ma zla ba rkyang pa'o/ /de nas pad+mo rnam dag kun/ /dbus kyi gdan la bzhugs mdzad de/ /dgyes pa'i gar dbyangs bskyod pa'i mthus/ /thabs dang shes rab rdzogs par mdzad/ /de tshe thugs mchog byang chub sems//mkha' klong rnam par dag pas na/ /rig pa bde ba chen po'i sku/ /sna tshogs sna tshogs shar ba de/ /gsung nyid yi ge 'khor lo'i tshogs/ /'bar ba 'od zer rtse lnga ba/ /cho ga'i yan lag rim bzhin du/ /thugs kyi mtshan ma dam tshig bya//sngags bcas 'phro zhing 'du ba'i tshul/ /rgyal po bder gshegs yab yum dang / /byang chub sems dpa' sems ma dang / /las mdzad khro bo yab yum dang / /phyag rgya chen po'i skur gyur nas/ /rigs kyi rgyal phreng mtshan mas mdzes//rang gi dkyil 'khor gnas bzhugs shing / /rdo rje gsang ba'i gral du 'khod/ /de tshe mgon po bde chen po/ /rigs kun bdag 'gyur zhes bya bas/ /pad+mo rnam par 'phrul ba yi/ /dkyil 'khor chen po 'byin par mdzad//byang sems kam las rnam 'phrul ba'i/ /bder gshegs 'od zer snang ba'i sku/ /zhal dang phyag la sogs pa'i rgyan/ /gtso bo'i cha lugs ci lta bar/ /rang 'od yum dang 'khril bar mdzod/ /bkra shis mtshan ldan bde ba la/ /rA ga pad+mo hU~M zhes pas/ / sngags mchog yi ge 'bru brgyad de/ /las kun grub par mdzad pa yin/ /gang gi pad+ma sha ri dang / /b+hu d+ha hU~M gis bsnan byas na/ /zhi rgyas dbang drag las kun dang / /grub chen brgyad kyi tshogs sog rnams/ /sbyor ba tsam gyis grub 'gyur zhing / /yun gnas pa gnas pa yin//'byin pa'i dus su gsang sngags la/ /yi ge dza yis gdags byas nas/ /rnam 'phro rigs kyi dkyil 'khor sbyor/ /rigs bdag sku gnas dgyes par bzhugs/ /thugs rje skul ba'i glu dang sngags/ /'od zer tshogs kyis skul ba mdzod/ / dam tshig gsum ston sngags kyi mthus/ /dgyes chags brtan pas gzi dang ldan/ /o~M rnam dag pad+mo bde ba'i dbyings/ /ye shes byin las gsal ba'i mchog /dkyil 'khor gsang gsum dam tshig che/ /mnyam nyid rigs bdag thub pa che/ /byin brlabs 'dor bar mi mdzad pas//sangs rgyas rnams kyi sku gsung thugs/ /gsal mdzad gnyis su med pa'i sku/ /rang gi ngo bos gnas pa yin/ /gtso bo sngags kyis bskul byas te/ /'od zer rgyan bcas thugs kar bsdus/ /yi ge A nas aH'i bar/ /bcu drug 'od zer 'phro byas pas//'gro kun sangs rgyas skur bkod cing / /rigs mthun dkyil 'khor kun gsal 'gyur/ /sngags kyi 'od zer sgrar bcas pas/ /chos rnams bcu drug dag pa'i dbyings/ /rang gi gnas su bkod byas pas/ /mtshan mchog sum cu rtsa gnyis rdzogs//de bzhin kA nas k+Sha yi bar/ /sum cu rtsa bzhi'i rim bzhin gsal/ /brnyan pa'i yi ge drug dang bcas/ /'od 'phros thams cad sangs rgyas sku/ /ye shes dkyil 'khor gsal byas nas/ /sngags kyi 'od zer sgrar bcas nas/ /chos mang ye shes zag pa med//slar nyid sku yi gnas zhugs pas/ /dpe byad bzang po brgyad cu rdzogs/ /gzhan yang rin chen sna bdun dang / /bkra shis brgyad sogs kun gyis spras/ /kha~M las rnam 'phrul che mtha' yas/ /zhal gcig phyag bzhi dkar dmar mdangs//pad+ma sogs dang ral gri 'dzin/ /chos kyi snang ba'i rgyan gyis bsgrubs/ /pad+ma rgyan 'bring rang bzhin mchog /shar gyi dkyil 'khor gnas la bzhugs/ /ga~M las sprul pa'i chos dbang phyug /dmar ser zhal gcig phyag gnyis pa/ /pad+ma'i phreng ba bum pa 'dzin//dkyil 'khor gnas su bzhugs pa'o/ /g+ha~M las sprul pa'i chags med 'os/ /zhal gcig phyag gnyis byu ru'i 'od/ /pad gnas glegs bam me long 'dzin/ /nub kyi dkyil 'khor gnas bzhugs pa'o/ /nga~M las sprul pa'i spyan dag ma//zhal gcig phyag gnyis btsod kyi mdog /rin chen phreng bas bsil yab 'dzin/ /byang gi dkyil 'khor gnas bzhugs pa'o/ /tsa~M las sprul pa'i mi bskyod pa/ /zhal gcig phyag bzhi chu shel mdog /rdo rje dril 'dzin 'khril pa'i tshul/ / dpal be'u bum sogs 'od phreng rgyan/ /tsha~M las sprul pa'i rta dbang phyug /zhal gcig phyag bzhi bai DUr+ya/ /rin chen snye ma dung phor 'dzin/ /lho yi dkyil 'khor gnas la bzhugs/ /dza~M las sprul pa'i 'brug sgra ni/ /zhal gcig phyag gnyis gur gum mdog /rin chen chag shing 'gu d+he 'dzin/ /nub kyi dkyil 'khor gnas la bzhugs/ /nya~M las sprul pa'i dri med dpal/ /zhal gcig phyag bzhi mar gad mdog /rin chen pad srungs za ma tog /byang gi dkyil 'khor gnas la bzhugs//ta~M las sprul pa'i rin chen dbyangs/ /zhal gcig phyag bzhi gser gyi mdog /rin chen dril bu yum dang 'khril/ /rin chen mdzod spungs 'khor lo sogs/ /tha~M las sprul pa'i nam mkha'i mdog /zhal gcig phyag bzhi sngo skya'i mdangs/ / rin chen gling bu pad+mo 'dzin/ /shar gyi dkyil 'khor gnas la zhugs/ /da~M las sprul pa'i dra ba can/ /zhal gcig phyag bzhi mthing ga'i mdog /rin chen phreng dang pad+mo 'dzin/ /lho yi dkyil 'khor gnas la bzhugs/ /d+ha~M las sprul pa'i dkon mchog rgyan//zhal gcig phyag bzhi dmar skya'i mdangs/ /chos kyi rgyal mtshan rgyud 'dzin/ /nub kyi dkyil 'khor gnas la bzhugs/ /na~M las sprul pa'i rin chen tog /zhal gcig phyag bzhi ma ra ta/ /dgos 'dod bum pa dpag bsam shing / / byang gi dkyil 'khor gnas la bzhugs/ /Ta~M las sprul pa kun du snang / /zhal gcig phyag bzhi gser gyi mdog /'khor lo dril 'dzin yum dang bum pa 'dzin/ /gtsug tor dri med rdo rje 'dzin/ /tha~M las sprul pa'i 'od kyi dpal/ /zhal gcig phyag bzhi shel gyi mdog /'khor lo dra ba ral gri 'dzin/ /shar gyi dkyil 'khor gnas la bzhugs/ /da~M las sprul pa'i dga' dbang phyug /zhal gcig phyag bzhi nyi ma'i mdangs/ /'khor lo rgyal mtshan dga' ba'i mdzod/ /lho yi dkyil 'khor gnas la bzhugs//ta~M las sprul pa'i cho 'phrul bkod/ /zhal gcig phyag bzhi dmar skya'i mdangs/ /nyi ma'i 'od phreng rdo rjes spras/ /nub kyi dkyil 'khor gnas la bzhugs/ /na~M las sprul pa'i rnam par gzigs/ /zhal gcig phyag gnyis ljang skya'i mdangs/ / ku sha'i chun po'i a mra'i mdangs/ /byang gi dkyil 'khor gnas la bzhugs/ /pa~M las sprul pa'i don yod pa/ /zhal gcig phyag bzhi ljang sngo'i mdog /rgya gram dril bcas yum dang 'khril/ /rdo rje gdengs pos ral gri 'dzin/ /pha~M las sprul pa'i brtson 'grus 'khyugs//zhal gcig phyag bzhi kar ti ka /rgya gram phreng ba rtse gsum 'dzin/ /shar gyi dkyil 'khor gnas la bzhugs/ /ba~M las sprul pa'i las chen po/ /zhal gcig phyag bzhi ser skya'i mdog /pad+ma'i phreng ba nor bu 'dzin/ /lho yi dkyil 'khor gnas la bzhugs//b+ha~M las sprul pa'i gnod sbyin 'dul/ /zhal gcig phyag bzhi pad+ma'i mdangs/ /phyag na rdo rje mche ba 'dzin/ /nub kyi dkyil 'khor gnas la bzhugs/ /ma~M las sprul pa'i sna tshogs dam/ /zhal gcig phyag bzhi ljang ser mdangs/ / zla ba rin chen dbyug pa 'dzin/ /byang gi dkyil 'khor gnas la bzhugs/ /bder gshegs rgyal ba de dag kyang / /tsakra sgyur rgyal ma lus dang / /mtshan dang dpe byad sna tshogs rgyan/ /rigs btsun btsun mo mdzes par bya/ /yang sprul byams pa'i dbang phyug ni//zhal gcig phyag bzhi gangs ri mdog /rdo rje gdengs dbyug ral gri dang / /tri shUl thod bcas pad+ma'i lcug /rngam brjid 'khor bcas yum dang 'khril/ /drag po'i rgyan cha shar gyi sgo/ /khwa las sprul pa rtse ba'i dbang / /zhal gcig phyag bzhi gser gyi mdog /rin chen dbyug pa pad+mo dang / /thod rnga rdo rje myu gu'o/ /ra~M las sprul pa'i rnam grol dbang / /zhal gcig phyag bzhi dmar mdangs gsal/ /pad+ma dang ni dril bu dang / /thod sprul ras sngon ba dan 'dzin/ /la~M las sprul pa'i 'gro dbang phyug / zhal gcig phyag bzhi ljang gu'i mdog /rdo rje rgya gram pad+mo dang / /gri gug gtun shing phreng ba can/ /rin chen phreng bas mdzes byas nas/ /'khor bcas rngam pa'i mdangs bcas pas/ /lho la sogs pa'i sgo bzhi ru/ /gzhan 'jigs drag po'i las kyis 'khod//sha~M las sprul pa'i byin dbang phyug /zhal gcig phyag bzhi dkar dmar 'od/ /rtse gsum b+han d+ha rin chen 'khril/ /mi yi thod pa ri mos mtshan/ /Sha~M las smra ba'i dbang phyug ste/ /zhal gcig phyag bzhi ser skya'i mdangs/ / rin chen rtse dgu bgrad phreng dang / /pad+ma'i lcug ma sdigs mdzub mdzad/ /sa las sprul pa'i spyod dbang phyug /zhal gcig phyag bzhi dmar skya'i mdangs/ /dbyug pa rtse gcig pad+ma dang / /dgra sta zhags pa phyag na 'dzin/ /ha~M las sprul pa'i dbang phyug ste//zhal gcig phyag bzhi ljang gu'i sku/ /ral gri lcags kyu dgra sta dang / /me yi phreng ba 'khor lo 'dzin/ /gzhan 'joms 'jigs pa'i khro bo'i mchog /rang 'od rigs mthun yum dang rol/ /drag po'i rgyan tshogs ma lus 'gengs/ /pad+ma'i 'dab ma bzhin du 'khod//ka las bde ba'i blo gros dang / /zhal gcig phyag bzhi nam mkha'i mdangs/ /yum bcas rdo rje dril bu dang / /nam mkha'i mdzod kyi 'od kyi dkyil 'khor dang / /kha las khang pa rgya mtsho'i sgra dbyangs can/ /zhal gcig phyag bzhi bu sha ra/ / rin chen pi bang phreng ba dang / /rnga yab rdo rje cod pan thogs/ /ga las gzi brjid bkod pa ni/ /zhal gcig phyag bzhi rgya skegs mdog /pad+ma'i lcug ma zla ba dang / /'khor lo yid bzhin bum pa dang / /g+ha las sprul pa'i 'khor lo gnon pa ni/ /zhal gcig phyag bzhi ma ra dang //'khor lo dbyug pa ma mo shing / /rgya gram rin chen lcug ma 'dzin/ /tsa las shes rab snang ba ni/ /zhal gcig phyag bzhi ljang skya'i mdangs/ /rin chen phung po pad+ma dang / /rtse gsum dril thabs 'od dkyil 'khor/ /tsha las rdo rje rgyal mtshan te//zhal gcig phyag bzhi gser gyi mdog /rin chen gdugs mdzes nyi ma dang / /dpa' bo longs spyod pad+ma'i spyan/ /dza las 'od zer 'phro ba can/ /zhal gcig phyag bzhi mdangs dmar gsal/ /pad+ma 'khor lo mchod sdong bu/ /mu tig chun po za ma tog / dz+ha las sprul pa'i drag shul can/ /zhal gcig phyag bzhi ljang ser mdog /'od kyi me phung me 'od dang / /ral gri 'bar ba g.yas dang g.yon/ /ta las sprul pa'i dri ma sel/ /zhal gcig phyag gnyis dmar skya'i mdangs/ /nyi ma'i phreng ba gaN DI rdeg /chos kyi tsakra rdzogs byed pa'o//tha las sgyu ma'i 'phrul pa ni/ /zhal gcig phyag bzhi pa la sha/ /seng ge rgya mtsho rin chen phreng / /rin chen bum pa de bcud bcas/ /las kyi rin chen rgyal po ni/ /zhal gcig phyag bzhi rA ga'i mdangs/ /ri bo pad+ma chu dri dang / /gser nya 'phyo ba'i rdzing bu yin//d+ha las 'phros pa'i dra ba can/ /zhal gcig phyag bzhi ljang gu'i mdog /rgya gram dril bu 'phro ba dang / /b+han d+ha sbrang yab 'dzag pa'i rgyun/ /ta las sprul pa'i lag ni/ /zhal gcig phyag bzhi kar ta'i 'od/ /pad+ma'i rgyal mtshan dkar dmar mdangs//dri yi gzhong pa ku sha'i tshul/ /tha las gser 'od 'phro ba 'dzin/ /zhal gcig phyag bzhi mthing ga'i mdog /glegs bam mdzes pa'i sku gzugs dang / /rin chen mdzod dang zla ba'i 'od/ /Da las rin chen snye ma ni/ /zhal gcig phyag bzhi pad rA ga /pad+ma'i sdong bu dpag bsam shing / /b+han d+ha rtse gsum zla tshes gzugs/ /d+ha las chos kyi mthong ba ni/ /zhal gcig phyag bzhi sna tshogs sku/ /go cha ye shes sgron ma dang / /dpal be'u zur brgyad nor bu tog /sna tshogs sprin phung ser gra bcas/ /mche ba dril bu ngang pa 'dzin//b+ha las gzhon nu rin chen ni/ /zhal gcig phyag bzhi ljang ser mdog /rgya gram 'khor lo'i phreng ba dang / /'od zer rtse gsum sngags pa'i bum/ /sems dpa' chen po de dag rnams/ /rgyan phreng cha lugs 'od zer dang / /yum gnas 'khril zhing rang gnas kyi//gtso la 'khril ba'i tshul du bzhugs/ /nyam na las 'phrul ba yi/ /rdo rje rnam par gnon la sogs/ /rigs kyi mtshan ma ci bzhin du/ /pad+ma rA ga rak+ta mdangs/ /be'u gser mdog in dra bzhin/ /pad+ma rdo rje rims sogs mtshan//zhal gcig phyag bzhi yum dang 'khril/ /'og ma'i phyag mtshan mthun pa yi/ /rang rtags mtshan ma sna tshogs dang / /pad+ma'i lcug mas mtshan byas pa'i/ /me tog 'bras bu rnams kyis mdzes/ /shar la sogs pa'i phyogs bzhi ru//byang chub sems dpa'i cha lugs kyis/ /rang gi dkyil 'khor gnas su 'khod/ /ya wa ra las sprul pa yi/ /pad+ma 'phro ba la sogs bzhi/ /zhal gcig phyag gnyis dkar dang ser/ /dmar ljang pad+mo me long dang / /rin chen phreng ba bi bang gar/ /mchod pa las mdzad nang gi mtshams//Sha sha sa ha las 'phrul pa'i/ /pad+mo tshim byed la sogs bzhi/ /zhal gcig phyag gnyis rigs gnyis gzugs/ /bdug spos me tog dung dang dri/ /'gying tshul tri shUl las kyi tshul/ /mchod pas phyi yi mtshams na gnas/ / de dag gi gsang sngags ni/ o~M d+he hi rA ga pad+ma shi ri bu ta hU~M hU~M swA hA/ o~M pad+ma ma hA d+ha ba ra bu na si ta ma hA d+ha ma hr-i da yA hU~M hU~M/ brad tang ya dza swA hA/ dbus kyi dkyil 'khor gyi'o/ /o~M tsakra a lo ka na ma rak+Sha sa~M b+ha ra da na hri ti ba ya ba ti dza swA hA/ nub phyogs pa'i dkyil 'khor ro//o~M badzra da ra ba kr-i ta ya ni sha~M ra ti ba sha~M ni dza swA hA/ shar phyogs kyi dkyil 'khor la'o/ /o~M rat+na ku ti du man ta b+han d+ha b+han d+ha du na du na bi dza swA hA/ lho phyogs kyi dkyil 'khor pa'o/ /o~M pi sha tsi na d+ha ma ma du ru ha ha ha ha sarba gurba ni hU~M phaT swA hA/byang gi dkyil 'khor ba'o/ /o~M ma ma a ba lo ka na ru ru yu ru si de b+h+yo de satwa ma ma hU~M dza swA hA/ rigs kyi byang chub sems dpa' rnams kyi'o/ /o~M bi lo ka nA ma si ta na ma ku ru ku ru bo d+hi sa twa b+ha ra bu na dza hU~M dza swA hA/ rigs las sprul pa'i byang chub sems kyi'o//o~M bin d+ha bin d+ha sarba karma si de de pi ku ru bu ta sa~M bo ha hU~M o~M a~M dza swA hA/ lha mo rnams kyi'o/ /o~M a pa sma ra kro d+ha sni/ yak+sha hU~M hU~M hU~M bi ta~M pa ka phaT swA hA/ khro bo rnams kyi'o/ /gsang sngags rgyal po mi bzad pas/ /rnam par sprul pa sku yis ni/ /stong gsum gnas nas g.yo mdzad de//rang gi lha la gsal bar mdzod/ /de nas mgon po rdo rje 'dzin/ /bde chen gar gyi dbang phyug gis/ /dkyil 'khor rnam gsum gsal byed pa'i/ /ting nge 'dzin la snyoms zhugs nas/ /dkyil 'khor byin brlabs dbang bskur zhing //rigs kyi bdag pos gsal bar mdzod/ /gnas kun mtshan ma yongs dag nas/ /rnam gsum snang ba gnyis med 'gyur/ /o~M na ma sarba ta thA ga ta kA ya bA ka tsit+ta ma hA bo d+hi h+ya su tra~M tri sha shu d+he so nA khya hU~M hU~M hU~M/ o~M rin chen dbu rgyan gyi sngags sarba bu ta ku ru rat+na ma ma ku ta/a a bIr+ya sad ma ma ku a b+hi Shiny+tsa o~M AHhU~M swA hA/ o~M pad+ma a mo ka sa ma ya shri ha ha ha tshin d+ha ma ni a smi sha bi ma ma ya hU~M hU~M/ sngags gsum gyi gsal bar phyed pa'o/ /o~M bi sha tsin d+ha ma ni a ba sa~M bo da ma ma ku ru si la la ta si na bi bud pa pa~M da hU~M hU~M hU~M/rnam par spro ba'i sngags so/ /o~M ma ta la ni bi sha tsakra ku ma ta bu ta na ma si la du tri si hU~M phaT swA hA/ dkyil 'khor gsal ba'i sngags so/ /o~M a~M a a min du she ma la shan dun d+he ta thA ga te b+h+yod ti pad+ma ku ru AHhU~M swA hA/rbad pa'i sngags so/ /o~M pad+ma mu kha~M pad+ma pa ba sa bo ti di ra ya~M gu ru hU~M hU~M hU~M ha~M ha~M dar sha swA hA/ snying po'i sngags so/ /o~M na ma su tra~M b+ho ga ga na gu ma le sa~M sA ra hU~M phaT swA hA/ rig pa mchog gi sngags so/ /o~M ba ga ga ba sa~M po pad+ma d+ha a h+ye h+yi ma hA kA ru ma da a ma d+hu na dza dza/spyan drang ba'i sngags so/ /o~M pad+mo sa~M ga ga su ra ta ra ga sa ma ye s+t+wa~M/ gdan gyi sngags so/ /o~M a mu ka si nam sarba b+h+yo ga ga ta pU tsa me da na da hU~M tri swA hA/ mchod pa'i sngags so/ /o~M pad+ma bi lo ku ma la su na~M tu tra~M swA hA ba sa~M hi hi/dgyes par bya ba'i sngags so/ /de nas gsang ba'i bdag po mchog /rdo rje gsang ba rmad 'byung ba'i/ /sku dang gsung thugs gsang sngags che/ /byin gyis brlabs pa don bshad mdzad/ /bde bar gshegs pa'i ye shes mchog / de dag dkyil 'khor rnam 'phrul mchog /dri ma med pa'i byang chub sems/ /de ni dkyil 'khor snying po mchog /rdo rje gsang ba'i gnas chen po/ /thabs dang shes rab rol pa'i tshul/ /rang bzhin byang chub sems nyid las/ /rang bzhin lhun grub rdzogs chen po//'gro ba'i snang ba dam pa'i mchog /rang bzhin dag pa dri med chos/ /dkyil 'khor gnas mchog gnyis med pa'o/ /phung po khams sogs rnam dag sku/ /e ma'o chos sku mya ngan 'das/ /e ma'o chos rnams ye shes sku/ /e ma'o chos kun rnam par 'phrul/ /rgya che sngags kyi tshul ldan pa'i//dkyil 'khor gsang gsum ngo mtshar che/ /thabs lnga mdzad pa sna tshogs kyis/ /sngon dang da lta 'brel don 'byung / /thabs mkhas pha rol phyin bcu rdzogs/ /bsod nams ye shes dag pa'i shugs/ /sa dang sa 'das don chen po/ / ta thA ga ta'i byin brlabs dbyings/ /la la sku dang gsung dang thugs/ /zab pa de nyid rang gi mthus/ /gsang gsum gnas la phyag 'tshal lo/ /ya mtshan chos la phyag 'tshal lo/ /rnam 'phrul sku la phyag 'tshal lo/ /byang chub sems la phyag 'tshal lo/ /zhes so/ / de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las dkyil 'khor rnam par 'phrul pa'i le'u ste gsum pa'o// //de nas 'dus pa'i 'khor tshogs rnams/ /dga' ba chen po ngo mtshar gyis/ /rgyud gsum rnam dag tshim gyur nas//dgyes pa'i dbyangs kyis gsol ba btab/ /e ma'o ngo mtshar ya mtshan che/ /gnyis med rol pa ya mtshan che/ /dri med dag pa ya mtshan che/ /'od 'phro 'du ba ya mtshan che/ /byang chub sprin phung ya mtshan che/ /sangs rgyas 'byung ba ya mtshan che//'phrul pa 'byung pa ya mtshan che/ /khro bo 'byung ba ya mtshan che/ /byin brlabs cho 'phrul ya mtshan che/ /tha ba rlan mdzad ya mtshan che/ /'gog pa rlung mdzad ya mtshan che/ /bdag cag 'khor tshogs 'dus pa rnams/ /dam tshig can du byin brlabs mdzad//za 'og rim pa ci bzhin du/ /rdo rje gsang ba'i gral du 'god/ /de nas bcom ldan bde chen pos/ /chags pa chen po rdo rje'i sku/ /sku dang gsung thugs gnyis med pa'i/ /'khor rnams rab tu sbyang ba'i phyir/ /rdo rje rgyan gyi ting 'dzin gyis/ /rang gi dkyil 'khor gsal bar mdzod//de tshe byang chub sems chen po/ /'od zer kun du khyab pa des/ /dga' ba chen po'i mchod pa yis/ /gnas kyi mtshan ma gsal bar mdzod/ /'du shes med dang 'gog gnas sogs/ /rang gi rtog pa'i mtha' zhes rnams/ /dri ma med pa'i byang chub sems/ / rin chen chu des dbang bskur nas/ /rang gi ye shes dbang thob ste/ /'gro ba'i don byed nus dang ldan/ /las la spyod pa'i gnas rnams dang / /rang skyob pa yi sems dag gis/ /thugs rje chen po'i byang chub sems/ /sangs rgyas bstan pa 'di gnyer ro/ /byang chub sems kyi mtshan ma yis//'dus pa'i gnas lnga rig par bya/ /o~M gu h+ya badzra sa ma s+t+wa~M/ a la la ho/ /rdo rje ro langs bsdus pa yis/ /gsang ba'i dam tshig chen po rnams/ /rigs kyi dgongs pa ji lta bar/ /rdo rje gsang ba'i las la gnas/ /skal bzang dam tshig chen po ste//de las 'das na rlag par 'gyur/ /bka' yi bsgo ba'i don chen pos/ /'das pa'i 'khor tshogs bsam yas pas/ /dam tshig thob pas gral 'khod do/ /de nas gsang ba'i bdag po nyid/ /dbang thob las mdzad chen po des/ /bcom ldan 'das la gtsug gi phyag /rnal 'byor lugs su byas nas ni/ /phyi nang gsang ba'i mchod pas mchod/ /mnyam 'gyur gsol ba rab tu gdab/ /'di ltar ma byung ngo mtshar khyod/ /sangs rgyas rnams kyi dbang phyug che/ /mngon spyod ya mtshan ston par spyod/ /bka' yi 'khor lo dam pa nyid//smra bsam yul las rab 'das kyang / /dpes mtshon snang ba la brten nas/ /yi ge ming tshogs la sogs kyis/ /gsal bar mtshon te go bar mdzod/ /ston pa dbang phyug dam pa des/ /gsol ba btab pa'i don dgongs nas/ /brjod bsam 'das ba'i ting 'dzin las//mnyam par bzhugs nas mi gsung bzhugs/ /de nas 'dus pa'i 'khor tshogs kyis/ /stobs mchog seng ge chen po la/ /logs su btud de phyag 'tshal nas/ /rmad 'byung mchod pa sna tshogs byas/ /gsol btab blo mchog seng ge khyod//bdag cag zhu ba'i gnas skabs phye/ /stobs mchog seng ge gsang bdag gis/ /gsol ba btab pa'i don dgongs nas/ /'dus pa'i 'khor tshogs khyod nyon cig /bdag la zhus shig spobs par byos/ /slar nyid gsol ba btab pa'i don//kun gyis mthun pa'i tshig smras pa/ /mgon po rgyal ba kun gyi mdzod/ /sangs rgyas rnams kyi sras kyi mchog /byang chub sems dpa' rje btsan la/ /chos rnams ston pa'i gnas la gsan/ /bcom ldan gsang mchog dam pa des/ / gsang sngags lam rnams mi ston cing / /dgongs mdzad 'brel pas mi mdzad pa/ /rgyu dang rkyen gyis gang lags pa/ /'khor ni tshogs la bstan du gsol/ /gsal zhing dbye bar mdzad par rigs/ /zhus pa'i don nyid slar gsungs pa/ /rgyal ba kun gyi gsang ba'i mdzod//sku gsung thugs kyi rdo rje dngos/ /sna tshogs snang zhing gsal bar mdzod/ /de nyid rdzogs pa'i gsang sngags can/ /bshad las 'das pa'i don de ni/ /dgongs don rgyal bas gsung mi mdzad/ /de ltar ston pa rgyal mchog gis//rnam par brjod pa mi mdzad pas/ /yang dag don gyi snying po nyid/ /rgya cher bka' ni gsal ba yin/ /'dus pa'i 'khor tshogs rnams nyon cig /byang chub dam pa'i snying po ni/ /smra bsam las 'das brjod med pas/ /tshig tu brjod pa legs ma yin/ /gnyis mtha'i rtog pa las gzhan dag /tshig gi snang bas the tshom skyed/ /grol ba nyid kyis 'ching 'gyur zhes/ /'das dang ma byon thams cad dang / /da ltar byung ba'i dgongs pa'i don/ /ma gsungs mi gsung gsung du med/ /de nas sems dpa'i snying po ni/ /spros dang bral ba'i byang chub sems//kun rdzob bden pa'i tshig dbang du/ /mtshan ma'i tshig gis rnal 'byor rnams/ /don dam rtogs dka' 'gro ba'i phyir/ /rgyal bas tshig skor bstan pa yis/ /'dus tshogs 'khor gyis yang zhus pa/ /stobs mchog seng ge de ltar na/ /bdag sogs ma 'ongs rnal 'byor pas//tshig gi rjes 'brangs don dag tu/ /gsang ba'i las brjod gsal byed pa/ /ji lta bu yis mtshon par 'gyur/ /dpa' bo khyod ni rgyal ba'i sras/ /dbang bskur thob par zhu ba spobs/ /bcom ldan dbang mchog dam pa la/ /zhus shing stobs mchog seng ge khyod//des kyang 'khor gyis zhus pa bzhin/ /rgyal ba rdo rje 'dzin pa la/ /phyag 'tshal rmad 'byung mchod rdzas nas/ /rdo rje tshig tu 'di skad gsol/ /kye ma ston pa thugs chen po/ /phyogs bcu rgyal ba kun 'dus pa/ /byang chub sems kyi mtshan nyid de//tshig tu brjod pa ma mdzad na/ /ma 'ongs sgra la brten pa dag /don la reg par mi 'gyur phyir/ /mtshon bya mtshon par byas nas ni/ /snying po byang chub don 'di la/ /dpes mtshon 'thad par grub byed pa/ /gsang ba de nyid bstan du gsol/ /de nas mgon po rdo rje 'dzin//ye shes lnga dang rtags ldan pa'i/ /phyag gi mtshan ma gsor mdzad cing / /rmad 'byung ya mtshan ston par mdzad/ /thams cad pad+mor 'gyur ba yi/ /rmad 'byung chos kyi sgra yang sgrogs/ /o~M AHhU~M swA hA/ bo d+hi tsit+ta gu h+ya/ sa ma ya a sa/a nu bo d+hi tsit+ta a nan ta gar b+ha/ ma hA sa twa pra ta a hU~M/ 'di ni gsungs ma thag tu yang / /sangs rgyas grags chen thams cad dag /rab tu drag cing brgyal 'gyur nas/ /gzhan lta ma lus smos ci dgos/ /bcom ldan 'das kyis yang dag bka'/ / bshad kyis rigs kyi bu rnams nyon/ /don dam kun rdzob gnyis med par/ /yang dag bden pa'i don bstan pa/ /de ni dngos po mtshan nyid de/ /mkha' ldan chen po rnams kyi gdeng / /ji srid blo yi chos dag tu/ /gnyis su snang ba'i mtshan ma la/ / bsam brjod kun rdzob zhes bya ste/ /de las 'das pa don dam yin/ /sku gsum gnyis su med pa yi/ /snang ba'i dngos po ma 'gags pa/ /dus gsum bstan pa chen por gnas/ /yid bzhin pa yi don nyid do/ /thams cad sgyu ma lta bu'i tshul//thams cad rang bzhin stong pa nyid/ /zung du 'jug pa'i ye shes ni/ /de nyid bla med mchog dam pa/ /de skad ces ni bka' stsal nas/ /a la la yi sgra brjod do/ /stobs mchog seng ge dri ba dris/ /de ltar lags so bcom ldan 'das/ /sngags kyi lha la blo gnas gang //spyod la gnas pa gang dag gis/ /phan tshun 'brel 'gyur ci lta bur/ /blo yi rim pa 'jug bya 'am/ /bcom ldan 'das kyis bka' stsal pa/ /gsang ba'i bdag po khyod nyon cig /sangs rgyas rnams kyis bstan pa'i don/ /mtshan nyid rnam dag dus lags pa//bgrang dang bgrang ba las 'das pa'i/ /dngos po mtshan nyid de bzhin no/ /legs spyod bden pa'i lam 'jug cing / /rnam gsum sngags kyi don spyad na/ /'brel pa shugs kyis sgrub byed na/ /lta spyod gnyis ldan bden pa'i mchog /rnal 'byor sa la legs gnas shing //bden gnyis 'brel pa'i don bsgrubs nas/ /yang dag rtag pa'i don gsal 'gyur/ /rnal 'byor sa spyod sa thob shog /ma skyes thabs kyi ye shes ldan/ /thams cad mnyam pa nyid kyi dbyings/ /bden gnyis dbye ba med pa yis/ / yang dag don mchog sgyu ma'i sku/ /kun rdzob sgyu ma thabs kyi gsung / /phyag rgya sgyu ma'i tshul nyid de/ /med pa ma yin mtshan med de/ /rnal 'byor gnyis dang ldan phyir ro/ /slob pa'i rnal 'byor gnyis brten nas/ /lhun gyis grub pa'i sa goms nas/ /bden 'gyur bden pa gnyis la gnas//che chung mthu yis grub pa yin/ /sgra yi rjes 'brangs rnal 'byor pas/ /don med spyod la gnas par 'gyur/ /yang dag kun rdzob bden gsal bas/ /gnyis med don dam bden par gnas/ /sna tshogs chos kyi g.yul ngo zlog /rig pa'i skyes bu rnam par grags/ /zhes pas dgyes par gyur to/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las/ de kho na nyid bstan pa'i le'u ste bzhi ba'o// //de nas rig pa'i skyes bu mchog /gsang ba'i bdag pos yang zhus pa/ /bcom ldan snying po byang chub sems/ /dgongs pa'i don ni ci lta bu/ /las dang nyon mongs dag byed pa'i/ /ye shes sgron ma ci ltar lags/ /rgyal bas dgongs pa'i byang chub sems/ /rdo rje lta bur mnyam bzhag nas//mi rtog ye shes gsal mdzad de/ /sna tshogs rnams kyang byang chub sems/ /bde ba che las gzhan med do/ /lus ngag yid gsum rnam pa'i tshogs/ /chos rnams kun gyi rgyu yin te/ /rnam gsum rdo rje lta bu nyid/ /sku gsum gsal ba rnam par snang //dngos po gsal ba'i chos med de/ /gcig las rnam 'phrul sna tshogs nyid/ /phyag rgya gar thabs dbang bsgyur bas/ /'ching ba'i tshogs las rnam par grol/ /dngos po thams cad bral ba yi/ /phung khams skye mched rnam par dben//gzung 'dzin rtog pa'i yul bral bas/ /dpag med pa yi ngo bo nyid/ /rnam gsum mchog gi don las byung / /'od gsal chen po'i rang bzhin no/ /ngo mtshar rmad du byung ba'i don/ /rgyal ba kun gyi gsang ba'i thugs/ / skye dang skye med sna tshogs dngos/ /phyogs 'dzin mtha' yis bcing bar byed/ /de dag chos las rnam grol ba'o/ /bden pa chen po'i ting 'dzin rgya/ /ngo mtshar ya mtshan rmad kyi chos/ /me long gsal ba'i rang bzhin can/ /rgyal ba rnams kyi gsang ba'i mdzod/ /'gag pa med pa'i chos rnams la//byang chub sems nyid skye bar 'gyur/ /mnyam nyid de bzhin gshegs pa'i sku/ /ya mtshan rmad du byung ba'i chos/ /sna tshogs snang byed gnas grol ba/ /rang bzhin zhi ba'i byang chub sems/ /gnyis kyi mtha' las grol ba'o/ /gnas dang gnas med byang chub sems//ya mtshan rmad kyi don byung ba'o/ /rgya cher so sor gsal ba'i ngang / /kun rtogs byang chub sems chen po/ /dmigs med gsang ba las byung ba'i/ /dmigs dang mi dmigs sna tshogs ni/ /bde ba'i ye shes gsal ba'o//ma 'gags pa yi chos nyid do/ /bya ba grub pa'i tshul can du/ /spros med spros pa sna tshogs snang / /spro bsdu 'dun dang spros bral ba'i/ /mdzad pa'i byang sems brtan pa las/ /ngo mtshar cho 'phrul bla na med/ /ye shes rgya mtsho rmad du byung / /rang gi de nyid gsal bar 'gyur//rgyal bas bshad pa'i dgos don la/ /'khor rnams ya mtshan ngoms par 'gyur/ /mchod dang zhal dag sgra 'byin cing / /rang gi de nyid gsal 'gyur nas/ /byang sems de nyid bstod par bya/ /e ma'o stong nyid byang chub sems/ /e ma'o dag pa dri ma med//e ma mi sgrib gsal ba che/ /e ma'o mnyam nyid dbyer med chos/ /e ma'o so so rang rig sems/ /e ma'o bya byed lhun gyis grub/ /de bzhin nyid la phyag 'tshal bstod/ /bcom ldan 'das nyid byang chub sems/ /byang chub sems nyid thugs kyi mchog /bdag cag rig 'dzin tshogs pa rnams/ /byang chub sems nyid smon pa dang / /'jug dang ldang dang gnyis med de/ /rang gi byang sems g.yo bar gyis/ /reg par bgyi zhing nye bar bgyi/ /nyams su myong bar 'tshal lags na/ /thugs rje che dgongs byin gyis rlobs//bde bar gshegs pas byin gyis rlobs/ /de skad tshig tu gsol btab pas/ /bcom ldan snying po 'di skad gsung / /sna tshogs rnam dag ngo bo nyid/ /chos rnams 'phro ba'i tshogs rnams kun/ /rang bzhin brjod bral rtog pa med/ / rang gsang rtogs pa'i dka' ba'i don/ /srid gsum ye nas rnam dag chos/ /bdag rtog 'khrul pa'i nyes dmigs kyis/ /dus ring 'khyams 'gyur 'gro ba rnams/ /rang rtog dngos po'i las la spyod/ /log pa'i sems kyis kun brtags kyang / / rang bzhin nyid la 'gyur ba med/ /ye nas don gyi sangs rgyas la/ /'khrul pa'i bde sdug 'khor los 'khyams/ /log rtog dngos med byang chub sems/ /'khrul rtog mi gnas rgyan gyi mchog /tha ba'i gnas nyid byang chub zhing / /srid dngos sangs rgyas mngon rdzogs sku//'dzin rtog byang chub snying por gsal/ /brtan g.yo dngos po thams cad dang / /bde chen sku las gzhan med do/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las de bzhin nyid kyi le'u ste lnga pa'o// //bcom ldan rgyal ba thams cad kyi/ /dkyil 'khor snying po bsdus pa'i don/ /de nas gsang ba'i bdag po yis/ /dkyil 'khor rnam par 'phro ba'i don/ /mtshan nyid 'phro zhing rtogs pa dag /rgyal bas bshad phyir bskul 'debs mdzad//bcom ldan rgyal ba thams cad kyis/ /dkyil 'khor snying po bsdus pa'i don/ /rgya che mdzad pa'i mthu ldan pa/ /rdo rje gsang ba gsum gyi gnas/ /rab rgyas mtshan bzhin cho ga'o/ /yan lag bdag la bstan du gsol/ /de nas mgon po gsang ba'i bdag /gnyis med ye shes la 'gro ba'i/ /ting nge 'dzin la snyoms zhugs gnas/ /rgya cher sprul pa'i don bstan mdzad/ /stong nyid ye shes las byung ba'i/ /ri bo rgyud 'dzin rigs mtshan can/ /dbyangs kyi yi ge'i tshul 'jug pa'i/ /rta bdun 'od sogs gsal byed ldan//skar ma'i tshogs dang 'dra ba las/ /mnyam nyid 'od kyi gong bu'i gzugs/ /snang ba'i 'od zer lnga yi tshul/ /phyag rgya mtshan ma sngags dang bcas/ /rnam 'phros rang rig zhing khams sbyong / /de dag gong bu'i gzugs mtshungs bar//gtso bo rdo rje 'dzin pa'i sku/ /stong nyid snying rje chen po yis/ /ma lus rgyud rnams gsal mdzad nas/ /nam mkha' dang ba'i dkyil 'khor bzhin/ /thugs rje chen po skyon skyong mdzad/ /sa bon gsang ba'i las byung ba'i/ /mkha' snang gsal ba kun khyab las//sna tshogs kun nas so so nyid/ /'byung bzhi'i dkyil 'khor rim bzhin bkod/ /kun 'phrul sa bon las bskyed pa'i/ /ye shes rin chen sna tshogs gzugs/ /shar du do shal phreng ba dang / /gdugs dang rgyal mtshan rnga yab sogs/ / me long rol mo'i tshogs bsam yas/ /'khor lo rin chen rdo rje pad/ /twa ra na bzhi rgyan mdzes pa/ /sgra dbyangs sna tshogs nyi zla'i tshogs/ /tsakra bar khyams phreng ba dang / /dam pa'i 'dod yon lha mo 'khrigs/ /rin chen 'bar ba'i khri brtsegs gnas/ /nyi zla pad+ma'i rin chen rgyan//gnas rnams khyab par ci bzhin par/ /dkyil 'khor lhun gyis grub pa'o/ /a A/ i I/ u U/ e ai/ o au/ a~M aH/ r-i r-I/ l-i l-I/ ka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha/de bzhin nyid dbyings rmad 'byung ba'i/ /bder gshegs kun gyi thugs gsal ba/ /byin brlabs ya mtshan sprul pa'i sku/ /dkyil 'khor sna tshogs kun gyi gnas/ /sems can kun gyi sems chen po/ /rang bzhin dag pa dri ma med/ /phung po chos rnams sangs rgyas te//'byung lnga dbyings phyug yum gyi mkha'/ /khams dang skye mched sems dpa' dang / /sems ma'i tshogs dang khro mo'i sku/ /phyi nang srid gsum dngos snang ba'i/ /dkyil 'khor rigs kyi bdag nyid che/ /gzugs phung rnam par snang mdzad che//tshor ba rin chen 'byung ldan sku/ /'du shes snang ba mtha' yas sku/ /'du byed don yod grub pa yin/ /rnam shes rdo rje sems dpa' ste/ /thams cad bder gshegs lnga yi sku/ /sa khams sangs rgyas spyan yin te/ /chu khams lha mo mA ma kI//me khams na bza' dkar mo ste/ /rlung khams dam tshig sgrol ma'o/ /nam mkha' kun du bzang mo'i sku/ /'byung ba'i dkyil 'khor rnam dag pa'o/ /dbang po'i spyod yul ma lus kun/ /thams cad bder gshegs rigs kyi sku//mig la rnam par snang mdzad de/ /rna ba rin chen 'byung ldan che/ /sna la snang ba mtha' yas nyid/ /lce la don yod grub pa'i sku/ /lus nyid rdo rje sems dpa' yin/ /de ltar snang ba'i dkyil 'khor nyid/ /ye nas lhun grub gnas pas na/ /rnal 'byor gsang ba don shes bya//phyi rol don shes yul drug 'di/ /yum chen lnga yi phyag rgya'i dbyibs/ /gzugs khams sangs rgyas spyan ma ste/ /sgra tshogs lha mo mA ma kI/ /dri tshogs na bza' dkar mo'i dbyings/ /ro drug lha mo sgrol ma yin/ /reg tshogs lha mo kun du bzang mo'i sku//dus gsum mnyam sbyor 'du 'bral med/ /rdo rje pad+mo mnyam sbyor bas/ /rang rig dkyil 'khor gsal bar mdzod/ /thams cad ma lus sku gsung thugs/ /yon tan phrin las rol pa'i rgyan/ /nga nyid 'du 'bral med pa'i dbyings/ /thabs dang shes rab rol pa'i mchog /sa yi khyad par ma lus pa'ang / /rdo rje chos kyis sbyor mdzad dang / /yon tan phrin las mthar phyin pas/ /tshe 'di nyid kyi go 'phang mchog /rdo rje gsang gsum dam tshig che/ /rang gi mthu yi sbyor byed pa/ /rtag tu mnyam bzhag sbyor ba yis//dkyil 'khor chen po'i gnas bzhugs te/ /dri med byang chub sems kyi tshul/ /'gro rnams tshogs bcas dag par byas/ /rtag tu gsang sngags brjod byas shing / /rdo rje mgon po'i sgo gsal brtan/ /rtag tu gtor sbyin gtang byas te/ /khams kyi 'dzin pa med par grol//rtag tu lha la mchod byas te/ /rang gi bdud rtsis mchod cing rol/ /rtag tu mi gnyis bstod bya ba/ /rnam grol thams cad brag ca'i sgra/ /pha rol phyin bcu dus gcig tu/ /pad+ma cho ga rtogs par 'gyur/ /zag pa zad pas sku lnga dang //pad+ma'i rigs kun mnyam par sbyor/ /pad+ma'i dam tshig la gnas pa/ /gnas kun dkyil 'khor gsal bar 'gyur/ /pad+ma rang gi gnas su bsgom/ /'dod chags chos kun spyod pa yi/ /mgon po rang rang gnas na gsal/ /dri med dag pa'i thig le las//'od zer lnga yi snang ba bcas/ /rang gi gnas nas 'phro mdzad cing / /de nyid mgon po'i sku 'dod gzugs/ /kun tu pad+ma chags med pas/ /gnas kun dkyil 'khor gsal bar 'gyur/ /thub pa chen po'i mtshan rnams dang //dpe byad rdzogs par gyur nas ni/ /yon tan ma lus 'byung ba'i gnas/ /kun du dregs pa'i sangs rgyas mchog /rdo rje'i dam tshig la gnas pas/ /rdo rje rang gi gnas su bsgom/ /'od 'phros 'dus pa'i gnas phyag rgya'i/ /ye shes mnyam nyid kun don mdzad//thugs rjes rnam mang yul bral zhing / /'joms par mdzad pa'i khro bo'i sku/ /rang gi dkyil 'khor dri bral ba/ /mngon sum gsang ba'i ye shes sku/ /'khor lo'i dam tshig la gnas pas/ /'khor lo rang gi gnas su bsgom/ / rgyal ba kun gyi rin po che/ /'phro 'du nyi shu rtsa lnga'i tshogs/ /phung tshogs khams rnams rnam dag cing / /phrin las ye shes bla na med/ /byang chub dag pa'i cha lugs gnas/ /dkyil 'khor sprul pa'i byin brlabs sku/ /dga' ba'i thabs dang shes rab sbyor//phyag rgya chen po'i rigs 'dzin gnas/ /rnal 'byor dad brtson ting 'dzin ldan/ /'grub 'gyur ring por thogs med spyod/ /ces gsungs pas 'khor gyi byang chub sems dpa'i tshogs rnams mnyes par gyur to/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las ting nge 'dzin gyi le'u ste drug pa'o// //de nas byang chub sems dpa' phyag na rdo rje stan las langs te/ dga' ba'i mchod pa dang gar thabs kyis dkyil 'khor thams cad mnyes par byas nas/ / bcom ldan 'das la phyag 'tshal te gsol ba btab bo/ /kye ma rgyal ba kun gyi gtso/ /sangs rgyas tshogs rnams bskyed pa'i yab/ /khyed kyis dkyil 'khor sprul mdzad nas/ /gdul bya'i lam 'di grol byas na/ /phyi yi 'gro ba ci ltar gzung / /gang dag dbang po ma smin pa'i//dkar po chos rnams mthong mi 'gyur/ /de dag thugs rje chen po yis/ /bzung zhing las la gzhug par snang / /ma 'ongs 'gro ba la la dag /'di ltar dkyil 'khor mthong ba rnams/ /ji ltar dkyil 'khor brtan par 'dul/ /zhes gsol pa dang /bcom ldan 'das kyis bka' stsal pa/ rigs kyi bu ma 'ongs pa'i 'gro ba theg pa gsang sngags kyi lam du 'jug par 'dod pa dag gis ni/ rdo rje slob dpon la brten te gzugs brnyan gyi dkyil 'khor du gzhug par bya'o/ /rdo rje slob dpon blo gros mchog / dad brtson shes rab stobs dang ldan/ /bdag chos ma lus shes 'gyur nas/ /skyob pa byang sems sdom pa blangs/ /byang sems snying rje chen po dang / /dga' ba btang snyoms bzhi bzhag nas/ /sems can thams cad mgron du gnyer/ /slar nyid byang chub lam la dgod//pha rol phyin pa drug rnams dang / /bsdu ba bzhi la legs gnas pas/ /theg pa chen po'i lam gnyer zhing / /nyan thos la sogs blos pa med pa'i blos/ /gsang ba'i theg pa don gnyer zhing / /dkyil 'khor dbang thob dam tshig ldan/ /gsang ba'i rgyud rnams don shes shing //de nyid bcu las goms gyur pas/ /rang gi ye shes rnam grol zhing / /dngos po de nyid brtan par gnas/ /mu stegs la sogs mi bskyod cing / /theg dman la sogs 'gyur ba med/ /rtag tu 'gro ba bzung ba'i blos/ / dkyil 'khor la sogs las la brtson/ /mi gnas mya ngan 'das pa yi/ /grong khyer chen por 'gro byed dpon/ /'jig rten drag brtson chos brgyad dag /btang snyoms spong len med pa nyid/ /dmus long tshogs kyi mig bu bas/ /bla ma'i gtso bor gzung bar bya//'jug pa'i gang zag phun sum tshogs/ /zhi des gsong por smra ba dang / /'jam zhing 'gro ba'i yid 'ong ba/ /rtse gcig dang ba brtson 'gyur byed/ /blo gros yon tan kun la 'jug /lha dang bla ma la sogs bus/ / theg pa chen po'i lam dag pas/ /ngan pa'i tshogs spangs gzhan du gnas/ /de ni blo gros bzang po yon tan ldan/ /theg chen gsang ba 'dzin pa'i snod/ /sa mchog shin tu dben pa'i gnas/ /ri bo nags tshal 'bras bu dang / /me tog chu rgyun phun sum tshogs//gnod byed skye bo tshogs bral ba/ /rnal 'byor grogs bcas dga' 'gyur ba'i/ /bdag dbang bar chad med pa'i mchog /bsnyen pa ji bzhin rdzogs pa yis/ /dkyil 'khor bri sogs las rnams bya/ /phun sum tshogs pa bdun ldan pas/ /bdag gnas sa gzhi'i grogs bcas dang //mchod rdzas yo byad ma lus pa/ /bsrung zhing byin gyis brlab par bya/ /rdo rje sa gzhi ra ba dang / /gur dang bla re bcas pa yis/ /khro bo me 'od mtshon cha'i tshogs/ /bsrung zhing 'khor lo rim bzhin bsgom/ /sems can thams cad bsgral ba'i blos//bsod nams tshogs kyis dag par bya/ /phyag 'tshal mchod pa dbul ba dang / /sdig bshags bsod nams rjes yi rang / /sangs rgyas mya ngan mi 'da' zhing / /chos kyi 'khor lo bskor ba dang / /lus dbul byang sems bskyed pa dang //lam gnas dge ba'i rtsa ba bsngo/ /rgya cher yongs su bsngo byas shing / /sems can don du smon lam gdab/ /dmigs med pa yi rang bzhin gyis/ /de dag brtson bral nam mkha' bzhin/ /rnam thar gsum las 'das pa yi/ /de bzhin nyid kyi ye shes che//thams cad nam mkha'i mtshan nyid de/ /nam mkha' la yang mtshan nyid med/ /nam mkha' 'dra ba rnal 'byor pas/ /don kun mnyam pa nyid la gsal/ /de la rnam par 'phrul pa'i tshogs/ /dkyil 'khor chen po sprul byas pas/ /rigs kyi zhing khams spyod byed cing //rnal 'byor chen po las kun 'grub/ /sa phyogs dri med yid 'ong ba'i/ /grong ngam grong khyer dgon pa'am/ /ri phugs nags tshal gang rung bar/ /nyams dga' yan lag brtag par bya/ /gang du bzang ni 'bras bu bcas/ / ne'u gsing chu 'gram me tog bcas/ /dpal rdzogs yon tan 'byung ba'i gnas/ /de ni rab gus brtag par bya/ /nam mkha' 'khor lo dra ba dang / /sa gzhi pad+ma dra ba dang / /bkra shis phun sum sna tshogs gzhi/ /bar chad med pa'i mtshan nyid yin/ / sa gzhi zhom rdib med pa yi/ /dbus su mtho ba phyag rgya che/ /shar dang byang du gzhol ba ni/ /phrin las rnam bzhi'i dngos grub 'gyur/ /lho dang nub tu gzhol bas ni/ /'jig rten pa yi dngos grub 'gyur/ /nub dang byang du gzhol ba ni/ /ting 'dzin phro mo'i las gzhan 'gyur//gang zhig shar phyogs mtho ba dang / /dbus su dma' ba spang bar bya/ /sa de pus mo nub tsam du/ /brkos te slar yang dgang bar bya/ /mang 'phel gyur na dngos grub mchog /gang bar gyur pa shis pa yin/ /dma' zhing ma legs gyur pa yin//sol dum rus sogs byung na yang / /yang na chu yis dgang byas te/ /slob dpon rdo rje dril 'dzin pas/ /mnyam bzhag lha yi sngags brjod cing / /shar du mi drag gom pa brgyad/ /song ste slar ldog blta bar bya//'grib pa med na dngos grub 'gyur/ /snang dang mi snang sa yi bdag /mgu byas rin gyis nyo ba dang / /blangs te bar chad med pa'i phyir/ /bgegs gzhan phra mo bskrad par bya/ /bar chad med pa'i sa dbus su/ /rigs kyi bdag po 'byor ldan pas/ /chos gos la sogs rgyan thogs shing //pad+ma'i dkyil 'khor legs bzhugs te/ /'khor los sgyur rgyal cha lugs kyis/ /mchod sogs sbyang zhing byin brlabs te/ /rdo rje bsrung ba'i phyag rgya yis/ /phyogs bcu'i dkyil 'khor rig par bcas/ /sa yi lha mo srung ma rnams//spyan drangs mchod pas mnyes par bya/ /khyad par sa yi bdag po dang / /'gro drug bgegs rnams ma lus kun/ /dgug cing bu lon mchod sbyin gtang / /dri zhim chu yis kun gtor zhing / /sngags dang phyag rgyas sbyang bar bya/ /gang zhig dngos grub la sogs 'dod//rab 'bring tha ma grub don du/ /lto 'phye brtag pa'i cho ga bzhin/ /yan lag kun dbang rgya yang bya/ /de nas dkyil 'khor rgyar mnyam pa'i/ /sa gzhi khru la sogs tshad du/ /brkos te sa yi skyon bsal zhing / /sa zhag mdog bzang 'jam phyin pas//gang zhig dri zhim chur bcas pa'i/ /sngags btab gang zhig 'thas par bcag /bsgrub pa'i dkyil 'khor khru dor bstod/ /rgyar ni khru drug pa yi tshad/ /tshogs bsag khru gang 'phang du bstod/ /mtha' skor khru gang pa yi tshad/ / dbang bskur sor bzhi'i tshad bstod de/ /ji ltar gru bzhi rgyar bskyed cing / /dbyibs legs me long bzhin du gnas/ /tshad mnyam grog sbur la sogs pa/ /rin chen lnga dang sman lnga dang / /snying po lnga dang 'bru lnga dag /dri chu sngags kyis btab byas nas/ / dkyil 'khor snying por gzhag par bya/ /phyogs kun mnyam pa nyid dmigs te/ /stong pa nyid kyi sngags kyis sbyang / /dri zhim sngags kyis byin brlabs pa'i/ /chu rgyun phyogs bcur gtor byas shing / /sna tshogs gtor mas mnyes byas te/ /lha tshogs mgron rnams tshim par bya//slob dpon rigs kyi gtsor gnas pa'i/ /rgyan dang cha lugs rdzogs byas nas/ /sgrub pa'i grogs mchog blo gros ldan/ /tshul bzhin du ni gsol ba btab/ /dbus kyis yi char gnas pa/ /kun 'byung nam mkha' dag pa'i sngags//brjod cing 'byung ba'i sa bon las/ /dkyil 'khor ri brtsegs bsgom par bya/ /rdo rje bsdams pa sar gzhag cing / /byams pa'i rdo rje rnam dag cing / /rdo rje dkyil 'khor thugs dang bcas/ /phyag mtshan dran pa thog mthar rgyan/ /rdo rje sa gzhi ra ba dang //gur sogs khro bo me 'od bcas/ /gtso bo gar gyi dbang phyug skus/ /pad bcas thal mo lan gsum brdab/ /'od 'phros gnas kun g.yos pa la/ /lha mo gser mdog rgyan gyis mdzes/ /me tog phreng ba bum thogs pa'i/ /lus phyed sa las 'thon byas te//mthun na bka' nyan tshul du gnas/ /mchod bstod zhal bsil sogs 'bul zhing / /dri zhim las rnams ma rdzogs par/ /de srid mi 'gyur brtan bzhugs nas/ /bdud sogs bsgo ba'i ngag bcas mdzad/ /skyob pa sangs rgyas thams cad kyi//spyod pa'i tshul dang khyad par gyis/ /sa dang pha rol phyin pa las/ /lha mo khyod ni dpang du shog /ji ltar rgyal ba thams cad kyis/ /bdud kyi sde rnams 'joms mdzad pa/ /de bzhin bdag gis bdud las kyang / /rgyal bar byas pa'i dkyil 'khor brtsam//de nas slob dpon rgyan rdzogs pa'i/ /rdo rje dril 'gying bcas pa la/ /dam tshig nye bar bskul ba yi/ /glu dag phyogs bzhi'i gnas nas gdon/ /rgyal bas 'gro ba'i mgon gyur pa'i/ /chos kyi me long gsal ba sngon/ /bder gshegs rnams kyi gsang ba pa//rdo rje gsang gsum dam tshig mchog /ye shes dri ma med pa'i tshul/ /sgrib sogs ma lus bral byed pa'i/ /rdo rje pad+mo mnyam pa'i dbyings/ /dkyil 'khor chen po drug cu'i bdag /theg chen chos kyi 'khor lo'i mdzod/ /gsang gsum pad+mo dag pa'i dbyings//so sor gsal ba'i don bstan pa/ /rdo rje lta bus gnas kun sbyor/ /zab cing rgya chen sgra sna tshogs/ /chos kyi 'khor lo bshad pa'i dus/ /rgyal po yon tan dpe dang bral/ /rin chen lhun po'i mdzod mnga' ba/ /nyams dga' thugs rje'i zhing rnams dgongs//bdag med mnyam pa'i ye shes can/ /phrin las dag pas zad par mdzod/ /gsang gsum sna tshogs rdo rje'i bdag /rigs mchog shes rab brtson byed cing / /spyan bzang dag pas 'gro la gzigs/ /slar nyid khro bo chen po'i sku/ /zhal lnga phyag cha sna tshogs 'dzin//'jigs byed 'bar ba'i skur gnas te/ /mgur nas hU~M bsgoms sgra sgrogs shing / /rdo rje pad+ma lta bu yis/ /lha rnams bdag la bsdu byed cing / /ma dang ta las byung ba yi/ /mig gnyis nyi zla'i dkyil 'khor brjid/ /'bar zhing thams cad dag byas nas/ / slar nyid rang gi dkyil 'khor rdzogs/ /shangs kyi rlung sgrom 'bar ba nas/ /'jig rten thams cad 'bar byed pa/ /rdo rje'i 'gros las byung ba yi/ /sna tshogs sa gzhir brtan par byas/ /oM sum+b+ha ni sum+b+ha hU~M/ gr-ih+Na gr-ih+Na hU~M/ gr-ih+NA pa ya gr-ih+NA pa ya hU~M hU~M/A na ya ho b+ha ga bAn bid+yA rA dza ya hU~M hU~M hU~M phaT/ phyag gi mtshan ma kun 'khrol zhing / /khro bo'i dkyil 'khor spro bar byed/ /hU~M lha dbang rlung lha yi tshogs/ /gnod sbyin dri za srin po dang / /sha za gshin rje ma mo'i tshogs/ /mkha' 'gro gnod sbyin ma lus rnams//gang dag sa gzhi 'dir gnas pa/ /srung byed sa yi bdag por bas/ /thos pa tsam gyis myur bar dengs/ /nga yi bka' las 'da' ma byed/ /gang zhig gnas pa'i mthu bo che/ /pad+ma rdo rje kha T+wAM ga/ /thal ba'i tshogs bzhin rlag par byed/ / rab 'bar khro bo'i gnas 'joms pa'o/ /pad+ma'i 'bar ba'i gzugs 'di yis/ /gal te gang gi dam tshig bcag /'dod gsum skye gnas gsal byas te/ /'jigs par 'gyur zhing gzhan 'dis med/ /sa las yongs su bskor byas te/ /bgegs byed bya phyir phur bar gdab//o~M g+hA ta ya g+hA ta ya sarba duSh+Ta phaT/ hU~M hU~M hU~M badzra kI la ya/ badzra d+ha rod Adz+nyA pa ya ti kA ya bA ka tsit+ta badzra kI la ya hU~M phaT/ lag pa bskyod cing rkang pa bskyod/ /ngo mtshar khro bo'i zur mig bzhin/ /smin ma khro gnyer g.yon mdzad cing / /kha yi pad+ma 'dzum bcas pas//so so'i phyag rgya gnas su bsgyur/ /'gying bag bcas pas zhal la bstod/ /rta mchog khro bo'i gar thabs kyis/ /zhi rgyas dbang dang drag po'i tshul/ /ba yi rnam lnga dri bsres chus/ /dkyil 'khor sa gzhi nyer byugs nas/ /lha rnams gnas su dri yi chus//thig le gru bzhir zlum por bye/ /rang gi sngags dang me tog rnams/ /so so'i gnas su dgram par bya/ /dbu rgyan rol mo mchod pa'i tshogs/ /lha mgon gnas kyi nye 'khor mdzes/ /dkyil 'khor lha rnams nye ba'i sa/ / mchod cing bstod pas mnyes par bya/ /cho ga'i yan lag rdzogs pa dang / /bzod gsol bskang ba'i don ched du/ /rdo rje dril 'dzin dpa' bo yis/ /phyogs rnams kun tu bskor ba bya/ /o~M badzra sa twa sa ma ya/ ma nu pA la ya/ badzra sa twa twe no ba tiSh+Tha dr-i D+ho me b+ha ba/ su po Sh+yo me b+ha ba/ a nu rak+to me b+ha ba/ su to Sh+yo me b+ha ba/ sarba sid+d+hiM me pra yats+tsha/ sarba karma su tsa me/ tsit+taM shre ya ku ru hU~M/ ha ha ha ha hoH/ b+ha ga wan/ sarba ta thA ga ta/ badzra mA me muny+tsa/ bidzrA b+ha ba ma hA sa ma ya satwa AH/ gsang sngags rgyal po bla med pa'i//lan cig brjod pa tsam gyis kyang / /sdig pa ma lus zad byed cing / /las rnams thams cad 'grub par byed/ /pus mo sa la btsugs byas te/ /lag pa g.yas pa spos 'dzin cing / /g.yon pas dril bu dkrol byas te/ /tshig 'dis gsol ba gdab par bya//o~M bder gshegs stobs bcu brtson ldan 'gro ba'i mgon/ /mi 'jigs la sogs yon tan rtsal med ldan/ /rigs gnyis thabs kyis brgyud pa'i dkyil 'khor che/ /bsnyengs pa mi mnga' thugs rje shugs chen po/ / dga' mdzad dbang gi dkyil 'khor tshogs chen la/ /tshul khrims la sogs phung po mnyes gyur cig /pad+ma gar gyi dbang phyug gtsor byas pa'i/ /dri bral thugs rje'i dkyil 'khor 'di nyid ni/ /mnyes pa'i tshogs rnams kun las rnam grol zhing //bde legs yon tan thams cad 'byung ba'i gnas/ /'dod yon 'bras bu phun sum tshogs bsgrub dang / /'gro rnams ma lus thugs rjes bzung byed cing / /khyed rnams la yang mchod pa bya ba'i phyir/ /dkyil 'khor rnam dag rgya chen rtsom lags na//mgon po'i bka' drin rjes su brtse dgongs te/ /khyed kyis rab tu gnas par mdzad 'os lags/ /me tog dri phreng sogs 'di bzhes la/ /ji srid 'gro ba'i don rnams ma grub par/ /de srid thugs rjes bzung zhing bzhugs nas ni//bdag gi gnas sogs 'di dag byin gyis rlobs/ /de nas slob ma la bos te/ /kye rigs kyi bu khyod theg pa'i snod/ /rdo rje theg pa'i gzhung 'di nyon/ /dad gus dga' ba'i shugs phyung shog /sngon gyi de bzhin gshegs rnams kyis/ /cho ga bzang po 'di bstan bya//mgon po rdzogs sangs rgyas rnams dang / /ma byon de bzhin gshegs pa'i tshogs/ /de bzhin da lta'i sems can rnams/ /'gro la phan phyir gnas bzhugs te/ /gsang ba zab mo bla na med/ /cho ga bzang po 'di spyod pas/ /skyes mchog rang gi gnas nyid du//kun mkhyen ye shes bde chen brnyes/ /gsang sngags sbyor ba mnyam med par/ /pad+ma gar dbang dkyil 'khor gyi/ /bdud tshogs shin tu mi bzad pa'i/ /dpung rnams ma lus 'joms par mdzad/ /de phyir kun mkhyen ye shes kyi/ /blo gros mchog 'di khyod kyis kyang //sangs rgyas chos dang dge 'dun la/ /kun du skyabs su 'gro bar gyis/ /rnal 'byor mkha' 'gro gsang sngags can/ /rigs kyi dkyil 'khor so so yi/ /'khor lo bzhugs pa'i tshogs rnams la/ /kun nas skyabs su 'gro bar gyis/ /dpa' bo dpa' mo 'khor dang bcas//byang chub sems dpa'i bdag nyid che/ /khyad par du yang slob dpon la/ /khyod kyis skyabs su 'gro bar gyis/ /de nas legs spyod slob ma yis/ /skyabs 'gro byang sems sdom pa bzung / /dkon mchog gsum la phyag 'tshal lo/ /dkon mchog gsum po gzung bar bya//bdag gis sdig pa byas pa dang / /bgyid pa rjes su yi rang ba/ /mgon po'i spyan sngar mchis nas su/ /de dag thams cad bshags par bgyi/ /rgyal ba sras bcas 'khor rnams dang / /rang rgyal dgra bcom 'gro rnams kyis//bsgom bzlas la sogs bsod nams la/ /dad pas rjes su yi rang ngo / /sems nyid mngon par sangs rgyas dang / /chos kyi 'khor lo skor byed pa'i/ /tshogs spyod byang chub sems dpa' la/ /bdag ni rab tu skyabs su mchi/ /sangs rgyas rnams 'byung ci lta bar//skal ldan byang chub sems dpa' yis/ /byang chub sems mchog dri med pas/ /'gro ba rgya che tshogs la dmigs/ /dus gsum bzhugs pa'i 'gro rnams kyis/ /thugs kyi dkyil 'khor gsal mdzad pa/ /de bzhin nyid dbyings byang chub sems/ / dus gsum dag tu gtang mi bya/ /rdo rje slob dpon la gus shing / /dus kun du ni yon tan bzung / /rnal 'byor gsang ba smad mi bya/ /rdo rje spun la mig bzhin blta/ /gsang sngags phyag rgya'i rnam pa dag /brtson pas dus gsum dran par bya/ /de nas shis par bya ba'i phyir//rang dang mtshan ma'i yi ge sngags/ /byin brlabs ye shes bskyed par bya/ /slar yang bdug pa me tog dang / /mar me dri chab la sogs pa'i/ /rang gi gnas su 'dug cing dbul/ /bkra shis shing mchog 'o ma can/ /lo ma me tog 'bras bur bcas//rlon pa drang zhing 'bu rjes med/ /chag gas med pa'i tshems shing ni/ /sor ni bcu gnyis dri byug /rtse mo me tog phreng btags pa/ /sngags zlos dri chus bsang bar bya/ /rigs kyi mtshon char byin brlabs pas/ / o~M sarba pA pa da ha na badzra shi ta ni swA hA/ yi ge gsum bcas sngags brjod cing / /shar du kha bltas slob ma la/ /bden pa bdar zhing sbyin bya zhing / /des kyang mi smra blang bar bya/ /gri rtse lta bus lce bzhar zhing / /phra mo'i phyogs kyis so brud de/ /sa gzhi dri yis byugs pa ru//phan tshun mi lta dor bar bya/ /shar la sogs pa'i phyogs kun gyis/ /zhi sogs dngos grub mtshan ma brtag /gyen thur rab dang 'bring gis lta/ /mtshams kyis 'jig rten las rnams 'grub/ /las dag pa yi sngags bzlas nas//sbyang zhing byin gyis brlabs byas pa'i/ /chu gtsang dris sbyang khyor ba gsum/ /nye reg 'thor ba'i tshul du sbyin/ /o~M hri bi shud d+ha sarba d+harma pA pa ni tsA sha bi sho d+harma sarba kalpa na a pa na ya hU~M/ gtsang ma'i ras la legs bkal ba'i//srung skud mdud pa gsum ldan pa'i/ /yi ge gsum gyi sngags bzlas nas/ /de yi dpung pa g.yon par bcing / /ku sha rtse mo ma 'khrugs pa'i/ /bam po gnyis su sbams pa yis/ /yab yum gnyis su byin brlabs pa'i/ /sngas dang stan du sbyin par bya//o~M sarba du sti ku ru swA hA/ dga' ba'i gtam gyis gzengs bstod cing / /mchod pa gtor ma'i tshogs bcas pas/ /lha tshogs rnams la bsngo byas nas/ /bden pa brjod cing ci bder nyal/ /mi smra dge ba'i sems bcas pas/ /rmi lam mtshan ma brtag par bya//slar nyid slob dpon nang song ste/ /dkyil 'khor gsal ba'i ting 'dzin gyis/ /lha rnams mchod cing bstod bya ste/ /dge ba'i sems kyis nyal bar bya/ /de nas skya rengs shar dus su/ /slob dpon slob ma sngas 'ongs te/ /kye kye bzhin rnams longs shig /rmi lam mtshan ma ci mthong ba/ /bden pa brjod pa'i dus yin no/ /des kyang ci bzhin smra bar bya/ /rab 'bring mtshan ma'i ltas bstan cing / /ngan pa'i ltas rnams bzlog par bya/ /sbyin sreg gtor ma la sogs dang / /ba yi rnam lngas byug par bya//dngos rnams mtshan ma las grol ba'i/ /stong pa chen po ye shes bsgom/ /rin chen rgyu las byung ba yi/ /bum pa mgul ring lto ba zlum/ /kha khyer zhabs bteg 'phel ka che/ /dri zhim tshon dkar legs byugs te/ /pad+ma'i dkyil 'khor legs gnas te//so so'i mtshan ma'i yi ge rgyan/ /rnam rgyal bum pa la sogs rnams/ /mchod nas stan la dgram par bya/ /rin chen sna lnga 'bru lnga dang / /snying po lnga dang sman lnga dang / /bkra shis rdzas lnga gzhug par bya/ /mgul chings gzungs thag kha rgyan sogs//dam tshig lha rnams gsal byas nas/ /ye shes sku dang gnyis med par/ /mchod bstod sngags kyi bzlas pa bya/ /sngags bcas chu dang gnyis med gnas/ /dkyil 'khor grub pa'i dus dag tu/ /rang rang gnas kyi phyogs su dgram/ /dam tshig dkyil 'khor gsal byas nas//ye shes lha dang gnyis med pa'i/ /thabs dang shes rab 'brel byas pas/ /dkyil 'khor sa la thig gdab bya/ /shes rab spyan mdzes bcu drug lon pa'am/ /ji bzhin byin gyis brlabs nas kyang / /dkyil 'khor bsgrub pa gnas bya'o/ / gtsang ma'i rgyu las byung ba'i ras/ /kha dog nyi shu rtsa lnga'am/ /lnga las byung ba'i skud pa dag /byin gyis brlab cing bsgril bar bya/ /stong ba nyid kyis sbyang byas nas/ /rigs kyi lha ru gnas pa dang / /mchod bstod sngags bcas bsgril bar bya/ /a~M badzra sa ma ya mu tra ma ti kra ma hU~M/o~M AHhU~M/ dza gdags pa yi sngags brjod cing / /rdo rje slob dpon thugs ka nas/ /slob mas smin mtshams drang por then/ /de la gnas kyi nub dang shar/ /'od 'phros byang sems thugs rje che/ /nam mkha'i dkyil 'khor mngon par lta//rdo rje lte bas phyogs dang mtshams/ /dkyil 'khor chen po rdzogs par bstan/ /stobs mchog dpa' bo dgongs su gsol/ /rdo rje thig skud sgrar ldan pas/ /nam mkha'i dkyil 'khor legs grub cing / /'gro ba'i don la bskul bar mdzod/ / o~M a nu na a nu ga to sarba d+harma pa ra pa ra a nu ga ta sarba a nan ta/ a ba ta ra sarba d+harma hUM/ lha rnams mdun du bzhugs 'gyur nas/ /mchod bstod dbang po'i tshul du dgongs/ /rdo rje khu tshur sar bzhag cing / /shar nas nub tu brkyang ba yi/ / tshangs thig dang po gdab byas nas/ /de bzhin sgo nas tshad kyis ni/ /zur bzhi shin tu legs par gzhal/ /rdo rje lho byang gnyis pa dang / /mtshams kyi thig rnams gdab par bya/ /logs thig gru bzhi mnyam 'gyur nas/ /brgyad dang bcu drug dag tu bgo//bar khyams phyi khyams ma gtogs pa'i/ /gzhan dag cha phran bzhi bzhir bgo/ /thig gi cho ga rdzogs pa dang / /ye shes skud pas mchod bstod cing / /rdo rje khu tshur sngags bcas kyis/ /rang gi gnas su gshegs gsol bya/ /o~M badzra ga dzaH/dkyil 'khor bdag po'i nga rgyal gyis/ /mig gnyis ma dang ta las byung bar bsam/ /dkyil 'khor gnas rnams kun bltas te/ /sngags dang phyag rgya bcas pa yis/ /sgo dag bzhi po dbye byas nas/ /cha phran dag kyang blo yis brtag /rdo rje slong ba'i phyag rgya yis//ri mo'i mkhar ni bteg byas te/ /'byung 'jug gsang ba'i cho ga dag /rnal 'byor brtan pa yid kyis byas/ /o~M be gA kra ma hU~M/ pad+ma rang bzhin rnam dag pas/ /dkyil 'khor 'byung ba'i gnas chen po/ /thugs rje ye shes rnam 'phrul tshogs//khyab mdzad byin brlabs ston pa'i gtso/ /rgyal ba rnams kyi sku gsung thugs/ /yon tan phrin las rmad du 'byung / /ma lus sems can don gyi phyir/ /pho brang dag par byin gyis brlabs/ /phyogs mtshams ma lus rnam dag pas/ /byang chub ye shes gnas gsal 'gyur//nyon mongs nyes tshogs kun bcom pa'i/ /thugs rje chen po dri med shugs/ /ye shes byin brlabs las byung ba'i/ /dkyil 'khor gsang ba grub par mdzod/ /rin chen rnam lnga'i phye ma dang / /sa tshon la sogs gang 'byor pa/ / rin po che yi snod blugs te/ /dkyil 'khor gnas kyi phyogs lngar bzhag /sbyang zhing byin gyis brlabs byas na/ /rigs lnga'i skud tshogs yum bcas la/ /rigs kyi dkyil 'khor dbus sogs dang / /mchod bstod sngags kyis mnyes par bya/ /o~M badzra tsi ta ma ti sa ma ya hU~M/dkar mthing ser po ljang gu dang / /dmar po'i tshon rnams rim bzhin du/ /dbang ldan mtshams nas brtsam byas te/ /pany+tsa rA ga drang bar bya/ /g.yas pas pad+ma rdo rje bzung / /g.yon pas 'dren pa'i las bya'o/ /de la mchod 'bul sngags brjod cing //bden pa bdar te dgab par bya/ /'di ni chos dbyings rnam par dag /sems can khams ni rang sgrol byed/ /dpal ldan pad+ma gar dbang ni/ /de bzhin gshegs pa kun gyi gnas/ /yang dag bden pa'i byin brlabs kyis/ /dkyil 'khor las rnams shis par mdzad//dbus kyi lte ba nas brtsams te/ /dang po slob dpon gyis bri zhing / /phyis ni ci dgar shes par bri/ /mtho dman med snyoms drang por bya/ /de nas mtshan ma rtags bstan te/ /chad cing smra bas mi 'grub ste/ /yon pos gdung pa'i las rnams skye//chad pas slob dpon slob ma dag /shi tham ngan par 'gyur ba yin/ /ltag dang bcas pas g.yul 'khrugs shing / /phyogs 'khrul pa yis smyo bar 'gyur/ /dbus kyi dkyil 'khor gnas dag tu/ /re'u mig nyi shu rtsa lnga las//bder gshegs gtso bo'i rigs su bcas/ /phyag rgya'i yi ge mtshan ma bri/ /phyi rol pad+ma'i 'dab gnas la/ /nyi shu rtsa bzhi tshogs rnams la/ /byang sems khro bo bcas pa dag /shar nas rim bzhin bri bar bya/ /phyi dang nang gi mtshams rnams su//mchod pa'i lha mo brgyad rnams bzhag /bar khyams bskal sems dpa' rnams/ /sgo bzhir khro bo'i tshogs gzhag go/ /dbus kyi dkyil 'khor dbus song ste/ /bder gshegs 'od zer snang ba yi/ /pad+mo rdo rje dril bcas pas/ /rang gi kha dog tshon bcas bzhag /de yi shar phyogs re'u mig la/ /tshe mtha' yas dang chos dbang phyug /chags med 'od dang spyan dga' ba'i/ /pad brtsegs pad+ma'i phreng ma dang / /pad gnas rin chen glegs bam rin chen phreng / /rang mdog sngags kyis brgyan pa bzhag /shar kyi dkyil 'khor dbus gnas par//bde bar gshegs pa mi bskyod pa/ /rdo rje dril bu'i sngags bcas pas/ /rang gi 'od bcas gdan la bzhag /de yi shar phyogs re'u mig la/ /'brug sgra dri ma med pa'i rigs/ /mngon par snang mdzad bstan dbang phyug / chags shing rin chen pad spungs pa/ /rin po che yi dra ba ste/ /rim bzhin rang mdog sngags kyis brgyan/ /lho yi dkyil 'khor dbus gnas pa/ /bder gshegs rin po che sbyangs kyis/ /rin chen brtsegs dang dril bu la/ /rang mdog sngags kyis mtshan byas pa'o//de yi shar phyogs re'u mig la/ /nam mkha'i mdzod dang dra ba can/ /dkon mchog rgyal mtshan rin chen tog /rin chen gling bu rin chen phreng / /rin chen rgyal mtshan rin chen bum/ /rang gi 'od bcas sngags kyis brgyan/ /nub kyi dkyil 'khor dbus gnas pa//bder gshegs kun du snang ba'i 'od/ /'khor lo dril bum mtshan ma la/ /rang 'od sngags kyis mtshan pa bri/ /pad+mo rigs kyi 'khor lo'i tshad/ /byang gi dkyil 'khor dbus gnas pa/ /bder gshegs don yod grub pa yi//rdo rje sna tshogs dril bu bsnams/ /rang gi sngags dang kha dog gsal/ /de yi shar phyogs re'u mig la/ /brtson 'grus dang ni shugs chen po/ /gnod sbyin 'dul ba sna tshogs dbang / /rgya gram phreng dang pad+ma phreng / /rdo rje gdengs po zla kham can/ / 'od 'phros sngags kyis mtshan byas pa'i/ /mtshams kyi re'u mig bzhi rnams la/ /'od 'phros pad+ma 'dzin pa dang / /pad+ma gnon dang pad skyong dang / /me long rin chen phreng ba dang / /pi wang gar gyi phyag rgya la/ /rang 'od sngags kyis mdzes par bya/ /phyi rol pad+ma'i shar brtsams te//rigs kyi byang sems bzhi bzhir gnas/ /bde ba'i blo gros rgya mtsho'i sgra/ /gzi mdangs dang ni 'khor lo yi/ /nam mkha'i mdzod kyi 'khor lo rin po che/ /pad lcug 'khor lo dbyug pa rnams/ /rang 'od sngags kyi mtshan mar gnas//shes rab snang ba rdo rje rgyal/ /'od zer 'phro ba drag shul gyi/ /rin chen phung po rin chen gdugs/ /pad+ma'i sdong po 'od phung bri/ /dri ma'i tshogs dang sgyu ma 'phrul/ /rin chen rgyal po dra ba can/ /rin chen ri bo rgya gram bri/ /lag gser 'od 'phro ba dang //rin chen snye ma chos mthong dang / /pad+ma'i rgya gram glegs bam dang / /pad+ma'i sdong po'i go cha bri/ /dri med mun pa sel ba dang / /dga' ba dbyangs dang gzhon nu yi/ /chu shel nor bu'i phreng ba dang / /sprin phung rdo rje rgya gram bri/ /de ni rigs lnga'i sems dpa' ste//rang 'od sngags kyis mtshan byas pa'i/ /de mthar khro bo bzhi rnams kyi/ /phyag rgya'i mtshan ma bri byas te/ /sbyin bdag smra ba'i dbang phyug dang / /rtse gsum rin chen rtse dgu dang / /dbyig pa rtse gcig ral gri'o/ /gru chad mchod pa'i lha mo bzhi/ / bdug spos me tog mar me dri/ /phyi rol bar khyams gnas dag la/ /phyogs re sems dpa' bzhi bzhi ste/ /rdo rje rnam snang gar mkhan dang / /blo yi rgya mtsho thogs med bkod/ /rdo rje mtshan ma gsang sngags bcas/ /rang 'od gnas gdan dag la bri/ /pad+mo dga' ba'i sa la dbang //rin chen spungs pa sprin gyi phreng / /rin chen mtshan ma sngags dang bcas/ /rang 'od gdan la gnas pa bri/ /yid 'ong me tog sgron ma dang / /spos brtsegs kha lo sgyur ba dang / /pad+ma'i mtshan ma sngags dang bcas/ /rang 'od gdan la gnas par bri//dran dbang pad+ma'i blo gros dang / /las byed snying po'i blo gros dang / /rgya gram mtshan ma sngags dang bcas/ /rang 'od gdan la gnas par bri/ /shar sogs pa yi sgo rnams su/ /khro bo'i 'jigs pa'i rgyal po yi/ /rdo rje rgya gram rdo rje gdengs/ /rin chen dbyug pa pad+ma phreng //rang gi yi ge gdan gnas pa'i/ /phyag rgya'i mtshan ma bri bar bya/ /phyogs bzhi rgyan dang phreng ba dang / /'dod yon lha mo la sogs pa'i/ /rgyan rnams pad+ma rdo rje dang / /rin chen 'khor lo rgya gram bri/ /'phro bas mtshan ma kha dog lnga/ /nyi shu rtsa lnga'i 'od bcas pa'o//phyi rol rta babs dra ba sogs/ /b+han d+ha dril bu nyi shu bzhi/ /gdugs dang bum pa bya yi phreng / /dpag bsam rdzing bu dang ba dang / /nyi zla me long rgyal mtshan lnga/ /chos kyi 'khor lo rnams/ /mdzes byas phyi mtha' pad+ma dang / /rdo rje me 'od mtshon gyis bskor//dbus mig kha dog nyi shu lnga/ /pad phreng dmar po bar khyams dkar/ /sgo bzhi'i rin chen sna bzhi pa/ /gru chad gser gyi kha dog can/ /mchod pa lnga dang bum dgram zhing / /bla rgyan na bza' phyogs rgyan bri/ /me tog tshom bu sngags bcas pa/ / so so'i gnas su dgram par bya/ /gtor ma'i tshogs mang sbyar byas nas/ /phyi rol phyogs dang mtshams su dgod/ /lha yi ting 'dzin gsal byas pas/ /dkyil 'khor shis pa'i las 'grub 'gyur/ /de nas lha rnams bstod byas te/ /rdo rje pad+mo dam tshig gzhug /thugs ka'i sngags kyis dgug byas pa'i/ /mgron rnams tshim par 'gyur ba dang / /dam tshig sngags kyis bskul byas shing / /rang gi phrin las bcol bar bya zhes gsungs so/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las gzugs brnyan brtsam pa'i le'u ste bdun pa'o// //de nas byang chub sems dpa'i gtso/ /rdo rje 'chang sogs mgu 'gyur nas/ /rgyal ba sar yang bskul ba mdzad/ /kun don thugs rje chen po'i shugs/ / ma 'ongs gsang sngags spyod rnams kyis/ /dkyil 'khor chen por gang 'jug pa/ /dbang bskur tshul bzhin ji lta bur/ /de bzhin rab tu gnas pa gang / /bdag gzhan don gyi yan lag bsrung / /sbyin sreg rim pa ji ltar lags/ /gtso bo thugs rje cher ldan pas//ma lus gdul bya kun gyi phyir/ /dus 'di snang bar mdzad nas kyang / /cho ga'i yan lag rgyas pa gsungs/ /de nas byang chub sems tshogs kyis/ /gus par gzung ste spyad par bgyi/ /de nas bcom ldan 'das kyi dbang / /phyag rgya shes rab rab bskyod cing //rab tu dga' ba'i bzhin rgyas pa/ /rigs rnams kun la gzigs mdzad de/ /mchog gsum sbyin pa'i zhes bya ba'i/ /don 'di rab tu gnas par mdzad/ /byang chub sems dpa' blo ldan pa'i/ /ma 'ongs gdul bya gang dag gis//gnyis med gsang ba'i theg pa 'dir/ /smin pa'i lam la 'jug 'dod pas/ /gang gis mnyes pa'i las rnams kyis/ /rdo rje slob dpon mgu byas nas/ /yang dang yang du gsol btab ste/ /dkyil 'khor gsang ba'i don du gnyer/ /ma lus sdug bsngal las bsgral phyir//byang chub sems mchog rgya chen blos/ /phyi nang 'byor ba'i yo byad dag /thams cad byang chub don du bsngos/ /'dod chags rnam dag pad+mo'i dbyings/ /chos kun gyis ni de bzhin nyid/ /ye shes sprul pa'i dkyil 'khor mchog /de ring yid 'ong don chen gnyer//o~M u ta ka ta sa ma ya s+t+wa~M/ pad+ma dga' ba'i sku mchog mnyes/ /sna tshogs dkyil 'khor 'byung ba'i gnas/ /mtshan dpe phun sum tshogs pa yi/ /bder gshegs sku la phyag 'tshal lo/ /rdo rje chen pos gzhan rnams 'joms/ /mi shes dri ma kun sel ba'i//thugs mchog gsang ba'i chos mthar phyin/ /rdo rje thugs la phyag 'tshal lo/ /gsang sngags snying po gsang ba'i chos/ /rab snang pad+ma'i dbyings nas 'phrul/ /byang chub nam mkha'i mtshan nyid can/ /rdo rje gsung la phyag 'tshal lo/ /yon tan rin chen char 'bebs shing //de bzhin gshegs pa'i rgyal 'gyur ba/ /dpal mchog bkra shis phun sum tshogs/ /theg pa che la phyag 'tshal lo/ /kun du gnas 'gyur khyab pa po/ /las mdzad rdo rje dam tshig mchog /mi mthun gnas rnams rab 'joms mdzad//rdo rje 'joms la phyag 'tshal lo/ /dngos grub kun gyi dbang phyug rgyal/ /dkyil 'khor chen po'i gnas nyid du/ /dbang bskur gsang ba las byung ba/ /dam tshig ye shes rab grub mdzod/ /shes rab chos nyid las 'phrul ba'i/ /rjes su 'jug pas snying rje'i tshogs//yang dag bden pa las byung ba'i/ /byin brlabs 'dod pa thams cad rdzogs/ /bder gshegs sprul pa'i tshig tshogs ni/ /dbang bskur rdzogs mdzad pa yi rigs/ /me tog phreng ba la sogs pas/ /slob ma brgyan par byas nas ni/ /phyir phyogs stegs bu la bzhag ste//gtor ma phyogs kun las byin nas/ /kun la gsol 'debs bsgo bya zhing / /slob ma gzhug pa nyid du bya/ /ras gtsang dmar po'i rgyu las byung / /gnas gzhan ma spyad ma nyams par/ /rang gi sngags kyis byin brlabs nas/ /legs par gdong ni g.yog par bya//pad+mo'i thal sbyar rin chen phreng / /sngags brjod gzungs 'dzin rtse gcig tu/ /brtan por byang chub don gnyer bas/ /dkyil 'khor gnas su mos pa bskyed/ /de nas slob dpon blo ldan pas/ /theg chen lam la zhugs pa'i phyir//slob ma dag la slar smras pa/ /gsang sngags lam mchog zab pa 'di/ /shin tu bzung ba dka' ba yin/ /khyod kyis bzung bar 'dod pa rnams/ /mi snyems pa yi blo bskyed nas/ /lta spyod mchog la gnas dgongs so/ /kye ma rdo rje gsang ba'i don/ / theg chen snying po bla na med/ /tshe 'dis byang chub 'grub byed kyang / /rmongs rnams the tshom skye bar 'gyur/ /ngang tshul bzang po 'di rtogs pas/ /dus gsum bzhugs pa'i sangs rgyas rnams/ /byin brlabs ngo mtshar mchog brnyes te/ /sems can don phyir tshul dang ldan//khyod kyis sgro skur dang bral zhing / /dad brtson the tshom med par zung / /de nas slob mas slar gsol pa/ /yang dag thugs rje cher mnga' ba'i/ /mgon mchog rnams kyis bdag la gnong / /'di dag bdag la gtol med pas//khyod kyis gsungs bzhin gsol bar 'tshal/ /slar yang rab gus dang ba'i yid/ /tshul chen mi nyan dam tshig mchog /slob dpon che la skyabs su mchi/ /sangs rgyas dkyil 'khor sras bcas tshogs/ /thugs mchog dri med bdag la dgongs//bdag gis byang chub don gnyer bas/ /dkyil 'khor gnas su mos pa bskyed/ /gar gyi dbang phyug bde chen mchog /mgon 'gyur rnams la skyabs su mchi/ /mya ngan las 'das pho brang 'dir/ /bdag nyid zhugs par mdzad pa legs/ /de nas las kyi rdo rje yis//gsang ba'i mthe bo nas bzung ste/ /yol ba'i nang du gzhug par bya/ /o~M pad+mo sarba ta thA ga ta sa ma ya yo ga tsit+ta u ta pA ta yA mi hU~M swA hA/ de nas gsang ba'i gnas zhugs pas/ /mchod brnyes rgyun bshags la sogs kyis/ /snod du rung bar gyur pa dang //dam tshig gsum sgrogs chu blud cing / /rdo rje gsang ba'i dam sgrogs shing / /phyag rgyas sngags kyi gnas gsum sbyang / /o~M rgyal ba kun gyi khyod nyid ni/ /byin gyis brlab cing brtan mdzad pas/ /pad+ma gar dbang dkyil 'khor 'dir/ /bdag med dam tshig spangs pa dang //dad med brtson 'grus nyams pa dang / /blo dman shes rab chung ba dang / /blo dman rtog 'dzin la gnas la/ /srog gi phyir yang brjod mi bya/ /bde chen mgon po pad 'chang sku/ /khyod kyi snying la zhugs pa na/ /gsang ba'i ye shes gzhan brjod dus//snying khrag 'thung zhing gzhan du shes/ /bdag ni gar gyi dbang phyug sku/ /khyod la thugs rjes bzung byed pas/ /nga yis bsgo ba'i tshig 'di dang / /'da' bar rung ba ma yin no/ /bdag la brnyas shing 'khu byed na/ /rab gtum khro bo chen po'i sku/ /klad pa tshal pa brgyar 'gas shing //lus sems ngal sogs rdul du byed/ /gnas bzhi 'byung ba'i dkyil 'khor la/ /rang sngags sa bon 'od zer bcas/ /dbab pa'i gsang sngags lan stong du/ /dri zhim bdug spos dril dkrol zhing / /ye shes sems dpa' gzhug par bya//des ni mtshan ma'i rtags mthong 'gyur/ /sku yi ye shes phyogs bcur g.yos/ /gsung gi ye shes gsang ba brjod/ /thugs kyi ye shes mngon shes gsal/ /sngags gsum phyag rgyas brtan par gnas/ /bden pa'i ye shes byin brlabs kyis/ / dkyil 'khor rigs kyi lha gang yin/ /bdag gis bskal ba ci lta bar/ /dus 'dir dbab par mdzad par rigs/ /nor bu phreng ba gar bab pa/ /rigs de rang gi dam tshig nyid/ /sngags dang phreng ba ma lus pa/ /slar nyid de la sbyin par bya/ /gser gyi thur ma byin brlabs pas//ma rigs ldongs pa'i ling tog bsal/ /phyogs bcu'i sangs rgyas thams cad kyis/ /khyod kyi mig 'byed brtson par mdzad/ /ma rig bsgribs g.yogs bsal mdzad nas/ /pad+mo spyan bzang dri ma med/ /o~M pad+ma tsuk+Sha dz+nyA na pra be sha phaT/rdo rjes gdong g.yogs bsal byas nas/ /dkyil 'khor gsal ba bstan par bya/ /legs par ltos cig blo gros che/ /sngon gyi rgyal ba la sogs rnams/ /gsang sngags snying po dkyil 'khor 'dir/ /legs par zhugs te grub pa bzhin//me tog gang la bab pa yi/ /lha de rigs kyi dam tshig yin/ /shar gyi sgo srung nas brtsams te/ /gtso bo'i bar du dkyil 'khor bstan/ /zhal zas na bza' la sogs pas/ /bla ma blo ldan mnyes par bya/ /yi dam lha sku phyag rgya sogs/ / gsang ba'i ming dang bcas par bstan/ /de ring dus nas bzung byas te/ /rdo rje 'dzin pa'i gnas thob par/ /rab rib tha ma'i blo ldan pas/ /dus kun du ni gzung bar bya/ /kye ma ho blo gros rgya mtsho'i gnas/ /'gro la bskyab pa'i don brtson la/ /khyod zhabs pad+ma la btud de//pho brang grong mchog nyams dga' 'dir/ /dbang bskur ba yi rin chen mdzod/ /snang mdzad lus la bab pa lags/ /rigs bzhin thugs rje brtse dgongs pas/ /dri ma'i skyon sol byin brlabs mdzod/ /gnang bar mdzad pa'i dus lags pas//skyob pa'i sku mchog thob par mdzod/ /shar gyi sgo phyogs khru do'i rgyab/ /dbang bsten dkyil 'khor dbus kyi tshad/ /pad+ma 'dab brgyad sgo dang bcas/ /dmar po'i tshon gyis legs byugs te/ /seng ge'i khri bshams pad+mor bcas/ / 'khor los sgyur rgyal tshul gyis gzhag /spyi bor gdugs mdzes rgyal mtshan g.yas/ /dung dang zangs dung sil snyan rnams/ /rol cha mchod cha phyogs mtshams dgod/ /rgyan phreng gos kyis legs bklubs pa/ /dri chu sngags bcas yungs kar dang / /ku sha'i chu yis dag par bya//o~M ma hA bin ta ha na ha na hU~M phaT/ de nas rigs kyi lhar bskyed de/ /bkra shis dag pa'i glu blangs shing / /rol mo rgyan phreng bkod byas te/ /bum pa'i chu yis dbang bskur bya/ /de yi phyir na sgrib tshogs dang / /bag chags nyon mongs gnas dag nas//lha yi chu rgyun dag pa'i mthus/ /ye shes phung po dbang phyug mchog /oM lha yi chu ni dag pa'i chu/ /rdo rje gsang gsum gnas las byung / /byang sems chu yis tshogs rnams dag /dbang bskur ba yis don thob mdzod/ /yon tan rin chen rnam dag mchog /rigs lnga'i sku rgyan byas pa yi//dbu rgyan bzang po'i cod pan bcas/ /kun 'byung rin chen phung po mchog /tra~M yon tan ma bcas pa yi rgyan/ /rigs kyi dkyil 'khor gsal bar byed/ /khams gsum chos kyi rgyal po che/ /mtshan dang dpe byad kun rdzob kun/ /ye nas rdo rje rtse lnga pa//'od phreng sngags kyis brgyan byas pa'i/ /rtogs bcas tshogs rnams kun las rgyal/ /bder gshegs thugs rje rtse gcig pas/ /khams gsum gnas rnams dor mi mdzad/ /byang sems rdo rje rtse lnga pa/ /rang rig ye shes gnas gsal byed/ / chos rnams skye ba med pa'i don/ /sgra brjod dngos po brag ca bzhin/ /stong pa'i dril bu gsung rang bzhin/ /de las sna tshogs rgya chen tshogs/ /ho~M chos kun rgyu las rnam grol zhing / /de bzhin rkyen med 'bras bu'i tshogs/ /rang bzhin pad+ma dag pa'i dbyings/ /nges pa'i theg pa ston byed gsung //kye ho rdo rje che ge mo/ /rigs kyi mtshan gyis dbang bskur te/ /chos sku 'od gsal bde ba che/ /pad+ma'i sgra dbyangs ming dang bcas/ /o~M phyag rgya chen po gsang ba'i gnas/ /rdo rje lta bu'i ting 'dzin gyis/ /mi mthun la sogs bcom byas te/ / rnam par snang mdzad de bzhin gshegs/ o~M badzra pad+mo a b+hi Shiny+tsA mi/ o~M rat+na mu ku Ta a b+hi Shiny+tsA hU~M/ o~M a ti pa ti tra~M a b+hi Shiny+tsA ha~M/ o~M na ma che ge mo a b+hi Shiny+tsA mi/ slob dpon lha la rab gus pas/ /tshogs bcas yon tan bzung byed cing / /rdo rje dam tshig pa yi spun//mig gi 'bras bu bzhin du bskyang / /'di dag la gus smod byed pa/ /tshe srog rdo rje gtum pos 'phrog /sngags rnams dus su brjod bya zhing / /phyag rgya rgyun du bcing bar bya/ /gsang ba'i tshig dang mtshan ma'i tshogs/ /dus kun dag tu sba byas te//bdud rtsi lnga po sha sogs rnams/ /mnyam par shes pas rgyun du spyad/ /bro drug glu drug stabs pa yi/ /brtul zhugs gnas skabs dag tu bya/ /nyon mongs chos lnga 'dod yon lnga/ /dam tshig nyams pas shes par spyad/ /rdo rje dril bu'i phyag rgya che//gnas gsum brtul zhugs la gnas shing / /lung bstan rjes gnang dbugs 'don pa'i/ /cho ga bzang po spyad par bya/ /de ni rdo rje slob dpon mchog /yon tan bza' ba'i gnas thob 'gyur/ /rdo rje dril bu'i phyag rgya sku/ /yang dag sngags kyis byin brlabs te//ma 'ongs bzung ba'i blo gnas pas/ /gsang ba'i dam tshig rjes su zung / /o~M sarba ta thA ga ta swa ra pad+ma sa ma ya s+t+wa~M/ /o~M da du shrI pad+mo g+hAM d+ha a/ o~M ma hA pad+mo swA hA sarba ta thA ga ta kA ya bA ka tsit+ta hU~M phaT/ /mchod pa bkra shis bzang la klags//brtul zhugs mchog tu gyur pa yin/ /bdag dang gzhan gyi don spyod pa'i/ /dngos grub thun mong cho ga'i las/ /zhi rgyas dbang dang dgug pa dang / /dbye rmongs bskrad pa'i cho ga dang / /gsad pa la sogs las rnams kun/ /gsang ba'i dkyil 'khor 'di yi tshul//khyod kyis gang 'dod grub par gyis/ /de nas rang bzhin 'od gsal ba'i/ /pad+ma'i dkyil 'khor rab sbyor bas/ /'khor ba'i chos rnams zil gnon cing / /phyogs bcur dam chos gsung sgrogs shing / /pha rol phyin drug gnas 'phags te//sgro 'dogs the tshom gcod par byed/ /lung bstan bder gshegs sras bcas kyis/ /rigs mchog mdzad pa bla na med/ /rgyal ba kun gyis lung bstan mdzad/ /khams gsum 'dzin bcas kun las grol/ /'dod chags bral ba lta bu'i sdig / khams gsum kun na gzhan med de/ /des na 'dod la chags bral bar/ /khyod kyis nam yang ma byed cig /o~M ma hA sa ma ya hU~M phaT/ /gsang sngags rgyun rnams 'dzin bya dang / /lha dang slob dpon gzung bar bya/ /'di ni sangs rgyas thams cad kyis/ /gsung gcig sgo nas gsungs pa yin//'gro rnams kun la phan pa'i blos/ /dkyil 'khor la sogs brtson par gyis/ /dad brtson shes rab blo ldan pas/ /gang 'dod 'bras bu'i tshul la sbyor/ /mchog tu gsang ba'i grong khyer 'dir/ /gang gis 'dod don gang gnyer ba//des ni sgrib sogs kun spangs shing / /mchog gnas ye shes gsal bar sbyor/ /bde chen gsang ba'i theg pa che/ /tshe 'di byang chub 'grub par byed/ /nyon mongs dgra sogs las grol ba'i/ /bde ba chen po'i gnas thob pa'o/ /de nas lha dang bzhugs gnas pa'i//rnam dag de nyid bstan bya ste/ /mchod sbyin gtong tshogs mgron gnyer cing / /bkra shis 'gro ba'i tshogs bsags bya/ /slar yang slob ma blo ldan pas/ /yon mchog bla ma la phul te/ /maN+Dal mchod pa'i tshogs rnams kyis/ /mnyes byas gsol ba gdab par bya//shes rab yan lag phun sum tshogs/ /bcu drug yang na nyi shu bzhi/ /rdo rje bla ma la phul te/ /byin gyis brlabs pa'i cho ga bya/ /khrus byas dri zhim rgyan gyis bklubs/ /sna tshogs sngags dang phyag rgyas sbyang / /rigs kyi lha dang ldan byas pas//dam tshig bskul ba'i brdas mtshon te/ /gnyis med ye shes snyoms 'jug bya/ /byang chub sems kyi chu rgyun gyis/ /rang gi dkyil 'khor mchod byas pas/ /slob dpon tshogs la dbang yang bskur/ /ji ltar rgyal ba sras mchog gis/ /'jug pa po rnams tshim mdzad pa'i//gnyis med ye shes gsang ba'i don/ /dbab pa'i phyag rgya las byung ba'i/ /a la la ho/ /o~M AHhU~M/ a ho su ka rang gi gnas/ /a ho ra ti tshim par mdzad/ /dkyil 'khor kun la rang bzhin gnas/ /shes rab mchog ldan byin brlabs pa//slob ma'i lag tu gtad par bya/ /rang bzhin bde ba'i ye shes nyid/ /zag pa med pa'i don gsal 'gyur/ /rnam rtog med pa'i sems kyis ni/ /rang gi dngos nyid mthong bar 'gyur/ /e ma ho 'gro ba'i gnas 'di dag / de bzhin nyid las gzhan du 'khrul/ /de dag bde chen ye shes pas/ /gzhan du 'gyur ba ci yang med/ /ye shes 'di ni shin tu phra/ /rdo rje snying po mkha' 'dra zhing / /rdul bral thar ba zhi ba'i chos/ /rang gi rang bzhin de nyid do/ /de ni sbyin sreg gsang ba'i don//khyed rnams kun la phyir bshad de/ /dkyil 'khor chen po phyogs bzhi'am/ /gzhan yang gnas gzhan gang 'thad par/ /zhi rgyas dbang dang mngon spyod dang / /las kun pa yi thab khung brtsam/ /zlum po khru gang zla kham dang / /gru gsum sna tshogs dbyibs can no//de dag dkar ser dmar dang nag /sna bzhi kun gyis mtshan pa'o/ /rdo rje 'khor lo pad+ma'i rgyan/ /sna tshogs rdo rje mtshon cha can/ /khru gang bzhi dang gnyis med dang / /khru gsum de yi zhabs su phyed/ /bud shing yam shing so so yi//mtshan nyid lo 'bras kha dog ro/ /rtse mo cha las sor bzhi dang / /sor brgyad bcu drug nyi shu'i tshad/ /sbams pa'i so so'i mar gyis byug /rim bzhin rtsa ba bud khang ni/ /zlum dang gru bzhi zla gam dang / /gru gsum tshul du brtsig par bya/ / lha rnams kun gyi khang pa nyid/ /me yi gnas su gzhag byas te/ /so so'i las dang mthun pa ste/ /ag ne rA tsa bod bar bya/ /g.yas pa mi 'jigs phyag rgyas g.yab/ /g.yon pa bgrang phreng gzung bar bya/ /o~M e h+ye hi ag ne ye ma hA ba ba hi swA hA/ /khro bo rgyal pos gsung bya ste//me lha'i gdan mchod pad+ma dbul/ /de rjes mchod pa rnam lnga dang / /sreg rdzas ma lus dbul byas nas/ /lha rnams mchod pa'i phyag tshang du/ /bstod cing gsol ba gdab par bya/ /g.yas g.yon dgang gzar blugs gzar gyis/ /khu bcud 'dzag pa'i rnam grangs dbul//o~M ma hA a na la ma hA b+hu tA badzra la basmi ku ru hU~M sar+b+ba du Sh+Tan hU~M phaT/ /me lha mchod pa'o/ /o~M ma hA ku ru pany+tsa hU~M/ dgang blugs dbul ba'i sngags so/ /o~M sarba ba d+ha ha na badzra swA hA/ til gyi'o/ /o~M badzra buSh+pe hU~M/ me tog gi'o/ / o~M sarba ag+na ye hU~M swA hA/ /yam shing ngo / /o~M badzra pU dza me g+ha ga lo ke shwa ra hU~M/ 'jig rten dbang phyug bya ba'i mchod pa'o/ /o~M d+hu be ti ba bu sha g+han d+he sbyar ba'i mchod pa rnams so/ /o~M a pra ti badzrA a swA hA/ /ku sha'i'o/ /o~M badzra A yu She swA hA/ /dUr ba'i'o/ / gzhan yang rdzas rnams gang tshogs pa/ /rang ming yi ge gsum sngags dbul/ /de nas dkyil 'khor kun mchod cing / /'dod pa'i don la gsol ba gdab/ /sdig bshags bag chags kun byas pas/ /lha yi dngos grub thob par 'gyur/ /tha ma me lha mchod byas nas//phrin las so so'i sngags brjod cing / /o~M badzra na ma sarba ta thA ga ta hr-i da ya ma ku ru hU~M/ /lha rnams gshegs su gsol zhing / dam tshig lha la bsdu bar bya/ /de nas rab gnas bzang po ni/ /'gro la phan phyir bshad par bya/ /sa phyogs nyams dga' mdzes pa ru//gzugs brnyan dkyil 'khor legs byas te/ /mchod rdzas rdzas kyis mnyes byas nas/ /slob dpon chas su gzhug par bya/ /dkyil 'khor gsal bar bsgrubs byas nas/ /rten tshogs sbyang ba'i cho ga bya/ /ji ltar rdzogs pa'i sangs rgyas kun//dga' ldan gnas nas gshegs mdzad de/ /lha mo sgyu ma'i lhums zhugs nas/ /de bzhin 'dir yang bzhugs su gsol/ /dkon mchog gnas 'dir bzhugs nas kyang / /me tog la sogs mchod bzhes la/ /'di don gzung bar bya ba dang //byang chub sems mchog spel bar mdzod/ /nang par rab gnas bgyid par 'tshal/ /slob ma rnams la brtse ba dang / /khyed rnams la yang mchod pa'i phyir/ /bcom ldan bdag ni grub pa la/ /bka' drin cho ga mdzad par 'os/ /de nas gnas rnams kun sbyangs nas//'gro drug gnas kun sgrol byed pa/ /thams cad dus 'dir dgongs su gsol/ /byang chub sems dpa' dgra bcom dang / /gsang ba'i sngags ldan lha rnams kun/ /'jig rten mchod pa'i don phyir ro/ /rab gnas bzang por 'os pa lags//de nas gnas rnams kun sbyangs nas/ /byin gyis brlabs pa rdzogs byas te/ /rang gi dkyil 'khor ji lta bar/ /dbang bskur cho ga rdzogs byas nas/ /sbyin sreg gtor ma la sogs gtang / /zhes gsungs so/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las lam khyad par du 'phags pa'i le'u ste brgyad pa'o// //de ltar de bzhin gshegs pa'i mthus thams cad 'dul bar mdzad pa de'i tshe/ bdud kyi rgyal po shin tu mya ngan skyes te/kye ma'o ho sangs rgyas 'dir ni bdag gi gnas la sogs pa bcom zhing rlag par byed na thabs ji lta bur gdul bar bya/ /'on kyang 'di nyid la ni bdag ci yang bya ba'i gnas med/ shin tu dman par gyur pa dag dang mtshungs par 'gran nam/de bzhin du 'jig rten gsum pa 'di dag ni/ srid pa mi sreg brlag par bya ba'i phrin las yin pas/ thams cad la bka' bsgo zhing / las ngan pa 'di dag la bzlog par bya'o zhes bsam mo/ /de nas 'jig rten gsum gyi gnas na mthu che ba dang /dbang dang gzi brjid thams cad 'dus nas/ kye khyed rnams bdag la nyon cig /'jig rten gyi khams 'di dag ni/ rgyal po gcig gi dbang du ma gnas na/ thams cad srid pa 'jig par 'gyur ro/ /des na phyogs thams cad 'khor dang bcas pa 'dus la/bdag gi bka' nyan par mdzod cig ces bsgrags so/ /de'i tshe 'jig rten gyi drag byed chen po'i tshogs kyis rang rang gi rdzu 'phrul bstan cing smras pa/ khyed ji lta bu'i nga rgyal can cig yin/ nged rnams re res kyang 'khor dpag tu med pa skyong ba'i rgyal po chen po yin pas/yul 'khor grangs med pa la dbang byed cing / gzhan gyi reg nas dam par gyur pa lags pas khyod rang zhi ba la gnas na legs so zhes mthun par brjod pas/ bdud kyi rgyal po yang shin tu nyon mongs pas rgyas te gzhan dag la smras pa/ lhar bcas 'jig rten 'di dag kun//nga yi bka' las gnas pa yin/ /skye 'gro ma lus gang dag kun/ /rgyal po'i bka' gsang nyan par gyis/ /khams gsum bdag po lha yi lha/ /sa rnams kun gyi sa steng pa/ /bdag ni mthu dang rdzu 'phrul tshad/ /kun gyis 'gran par nus ma yin//nga yi bka' las 'da' byed na/ /srog srid brlag cing gnas kyang 'thor/ /zhes brjod do/ /de nas tshangs pa'i rgyal pos/ rang gi 'khor dpag tu med pa bsdus te/ de dag gi dbus nas srin po chen po'i gzugs 'dzin pa'i khro bor gnas nas/ rang gi mthu las sprul pa'i khro bo dang /mtshon cha'i tshogs spro bar mdzad do/ /de bzhin du khyab 'jug dang / dbang phyug chen po dang / brgya byin dang / tshogs kyi bdag po dang / b+h+r-ing gi ri ti dang / gzhon nu gdong drug pa rnams kyis kyang rang rang gi 'khor dang dpag tu med pa bsdus te/de dag gi dbus na 'gying zhing sprul pa bsam gyis mi khyab par spros te/ dbang dang rdzu 'phrul ston to/ /ri rab kyi kha khyer la gnas pa'i rgyal po chen po bzhis kyang rang rang gi 'khor gyi dbus na 'gying zhing mthu dang rdzu 'phrul ston par mdzad do//gser gyi ri la gnas pa'i phyogs skyong brgya byin dang / dbang ldan dang / gshin rje dang / bden bral dang / chu lha dang / gnod sbyin dang / nyi ma dang / sa'i lha rnams kyis kyang rang rang gi gnas dang bcas par 'jigs pa'i mtshon cha dang bcas par 'khod do//nyi ma dang / zla ba dang / mig dmar dang / phur bu dang / pa ba sangs dang / spen pa dang / gza' chen po rnams kyis kyang rang rang gi 'khor dang bcas pas 'jigs pa'i khro bo'i tshogs dang / mtshon char bcas pas 'khod do/ /mtha' yas dang / 'jog po dang / stobs kyi rgyu dang / rigs ldan dang / nor rgyas dang / dung skyong dang / pad+ma dang / chu lha rnams kyis rang rang gi g.yog 'khor rnams dang / 'jigs pa'i sprul pas 'khod do/ /de bzhin du khams gsum gyi dregs byed kyi tshogs gnas pa'i gnod sbyin dang /dri za dang / grul bum dang / 'gro ba drug gtso bo dbang che zhing mthu yod pa rnams dang / ma mo rnams dang / gshin rje dang / lha ma yin rnams dang / 'dab dang / srin po dang / nam mkha' lding dang / rgyu skar gyi tshogs su bcas pa rnams kyis kyang rang rang gi 'khor gyi dkyil 'khor gyi dbus na 'jigs pa'i gzugs kyi mtshon cha dang nga ro dang bcas pas rnam par 'phrul zhing 'khod do//de nas bdud kyi rgyal po yang nyon mongs pa skyes te/ rang gi 'khor rnams 'du bar mdzad cing rdzu 'phrul gyi nus pa ci yod pa dus 'di dag gcig tu ston nas/mtshon cha sna tshogs 'bar ba'i gzhal yas khang nas drag po 'bar bar 'jigs pa'i skur ston to/ /khro mo'i tshogs dang rol pa mdzad pa lags/ 'khor ba'i tshogs mtshon cha me 'od bcas pa phyogs bcur spros te nam mkha' thams cad gang bar byas nas thog ser nad dang tshub ma thams cad skyes so/ /des 'jig rten gyi lha kun myos shing rmongs par gyur pa dang / /'jigs pa'i tshogs kyis phyogs thams cad nas/'khor ba'i me 'od 'bar ba'i mtshon chas bsad cing gtubs pa las/ so so'i tshogs bred par gyur te/ rang gi snying po phul zhing skyabs su gsol lo/ /de nas lha thams cad 'du bar byed pa'i bdud kyi sde de dag la mnas dor zhing dam tshig byin te/so so'i snying po blangs te/ 'khor tshogs thams cad rje dpon dang bral te/ lha chen po brgyad ni rang gi rtse la 'khod do/ /rgyal po chen po bzhi ni shar gyi gling la 'khod do/ /gnod sbyin dang / phyogs skyong dag ni shar gyi gling phran gnyis su 'khod do/ /'gro ba ris drug gi sems can rnams ni lhor dgod do//dri za dang ma mo rnams ni lho'i gling phran la dgod do/ /lha ma yin rnams ni nub tu dgod do/ /gshin rje dang 'dab dang srin po rnams ni nub kyi gling gi gling phran gnyis la dgod do/ /gza' dang rgyu skar rnams ni byang du dgod do//de bzhin gshegs pa thams cad kyi dgongs pa gsang ba bla na med pa las/ bdud kyi sprul pa bstan pa'o/ /de nas bdud kyi rgyal po de nyid shin tu dga' zhing 'khor thams cad la bka' bsgo ba/ /rgyal po gcig gi 'khor du gnas pas ni/ / yid dang mthun par spyod pas gnas pa yin pas/ khyed rnams kyis kyang ngas ci ltar bsgo ba'i bka' bzhin nyon la/ thar pa'i lam 'di chod la/ ston pa gzhan la gus par ma byed cig /kho bo'i 'jig rten stongs par 'ong ngo / /bsam pa rgya chen po med pa'i 'gro ba 'di dag ni/gti mug can gyi rang bzhin te/ /byol song lta bu yin pas/ bde legs kyi gnas thob pa'i don med pa yin no/ /yang tshigs su bcad de smras pa/ kye 'du shes med pa'i 'gro ba dag /rang gi bde ba spong byed cing / /thar pa'i lam gzhan sgrub byed pa//de dag 'khrul pas rang rgyud brlag /nyes 'dod bde legs spong byed pa/ /rmongs pas 'gro rnams snying re rje/ /re zhig thugs rje skal ldan pas/ /bdag gi 'khor du 'dus pa yin/ /gnas gzhan gong ma thob 'dod pas/ /bdag la dad sems gus par gyis shig ces bsgo'o//de dag gis kyang de ltar nyan te/ /rang rang gi gnas shor zhing mya ngan gyi sems skyes kyang ci ltar bya ba'i thabs med de/ de ltar 'khod cing gnas so/ /de nas bdud kyi rgyal po rang gi gnas su song ste/ 'khor dang bcas pa rnams dga' ba'i longs spyod 'dod pa'i yon tan la spyod cing //dgyes pa'i glu gar dang rol mo la spyod do/ /ji ltar khams gsum kun gyi bdag po ni bdag yin pas 'di las lhag pa'i bsgrub bya ni gzhan dag yod par bdag gis ma mthong ngo //da sangs rgyas kyi tshogs dang byang chub sems dpa' dag kyang bdag gi dbang du bsdu na thabs ci ltar brtsam zhing / /rang gi 'khor dag la yang 'dri bar byed do/ /de nas bdud kyi grong khyer kun la bsgo ste/ sangs rgyas kyi 'khor rnams la mi dge ba'i ltas dang mtshan ma ngan pa'i cho 'phrul sna tshogs kyi bsgrub pa thams cad du rab tu 'chad cing //ci 'dod pa rnams la grub par bya na bdag cag la mos pa byed do/ /de'i rjes la de dag gi gtso bo rnams bdag gi 'khor du 'dus pa'i tshe thabs sna tshogs kyi sgo nas gdul bar bya'o//gal te 'ongs par ma nus pa bdag ni kho rang gi gnas de nyid dang bcas pa gzhom par bya'o zhes brjod do/ /de'i stong gsum g.yo bar byed pa'i tshogs kyi khro bo'i mtshon cha'i tshogs dang bcas pa sprul nas/ dkar po'i rigs la dga' ba'i 'gro ba rnams ma lus bcom zhing /sa la gnas pa'i byang chub sems dpa' rnams kyang brlag par bshams pa las/ bden pa'i mthu gang la gnod par ma gyur to/ /de nas rab tu khros te/ bdag gi khams gsum 'di dus gcig tu gdul bar bya spyod pa la/ngan pa'i tshul can g.yo sgyu dang bcas pa 'di dag mi 'dul lam/ de rang gi sde tshan 'og ma la gnas pa kun bskul te/ thar pa'i lam la gnas pa 'di dag rigs kyis gdul bar bya'o zhes brjod do/ /de nas tshangs pa la sogs pa bsgo bar mdzad pa dang /de dag gis kyang rang rang gi sprul pa dang / mtshon cha rnams phyogs kun du spro zhing / rang gi gsang sngags drag po'i tshogs dag kyang rjod par byed do/ /des 'jig rten 'khrugs shing g.yos nas thams cad bred par gyur to/ /bla na med pa'i gsang ba dpal rta mchog rol pa'i rgyud las/bdud kyi sde dang bcas pa shugs 'byung ba'i le'u ste dgu pa'o// //de nas bcom ldan bde chen mchog /sangs rgyas kun gyi bdag nyid kyis/ /stong gsum so sor 'dul mdzad phyir/ /rnam 'phrul ting 'dzin gnas la bzhugs//de bzhin nyid las ma g.yos kyang / /thugs rje che dang smon lam mthus/ /so so'i las rtog mthun bzhin du/ /sna tshogs rtog pa'i tshul ma ston/ /'dod chags la zhen smon pa dag /chags pa chen pos 'dul bar mdzad/ /de bzhin zhe sdang gti mug dang //nga rgyal phrag dog 'dul don du/ /mthun byas snang ba sna tshogs dang / /mi mthun sgo nas 'dul bar mdzad/ /pad+mo bder gshegs rdo rje don/ /rin chen rin chen las sna tshogs/ /phyag rgya che sogs 'khor lo sgyur/ /ji lta ba bzhin dag par mdzad//thabs chen rnam dag pad+mo'i don/ /shes rab sprul pa'i mchog 'gyur bas/ /gar gyi dbang phyug bde ba che/ /rdo rje lta nyid sprul par mdzad/ /gzhan yang mdzad pa rgya chen po/ /sna tshogs mthu yis 'dul mdzad de/ /dag pa'i 'gro ba mthun byas sku//gser 'od mtshan dang dpe byad ldan/ /go byed theg pa bla na med/ /zab mo gsang sngags ji bzhin par/ /rgyal ba bder gshegs phyag rgya'i sku/ /rab sprul dkyil 'khor sna tshogs pa'i/ /la las byang sems rgya chen mchog /la lar lam lnga dag par sbyor//la lar pha rol phyin bcu rdzogs/ /la lar 'bras bu'i don la sbyor/ /la lar dga' ldan lha yul 'phags/ /lhums su zhugs dang bltams pa dang / /'jig rten spyod mthun rol rtsed sogs/ /gzhan gyi skur spang bya ba rnams/ /bcas ka'i can gyi bsam 'phrul pa//mthun 'jug thabs kyi bya ba mchog /dka' thub mdzad dang dka' ba spyod/ /rdo rje gdan la yang sangs rgyas/ /bdud 'dul mngon rdzogs sangs rgyas shing / /rtse gcig ting 'dzin bskul nas bzhugs/ /cho 'phrul mdzad pa kun 'dul zhing //chos kyi 'khor lo rim bzhin bskor/ /mya ngan 'da' tshul ring bsrel ston/ /zhi tshogs khro bor 'khyil pa dang / /rang byung dud 'gro'i gzugs sna tshogs/ /snod kyi 'jig rten kun mthu sku/ /tshangs pa khyab 'jug 'jig rten skyong //bdud dang srin po gzugs sogs kyis/ /'gro ba'i las rtog dag mdzad cing / /rang gi ye shes don bkod bya/ /de tshe 'gro ba'i gnas mtshon tshogs/ /las kyi stobs tshogs mthus brdabs rnams/ /de bzhin nyid mthus tshogs chen pos/ /yang dag lam las rab grol zhing //nga rgyal chen po'i dregs tshogs skyes/ /rang gi mthu dang rdzu 'phrul ston/ /nyon mongs las kyi lam la zhen/ /rang gi rigs tshogs bsdu bar byed/ /'jig rten gsum 'jig a la la/ /khams gsum gtso bo bdag cag rnams//su zhig sprul pa a la la/ /'jig par mdzad pa'i 'os ma lags/ /rang gi dka' thub bde gnas pas/ /mya ngan 'das pa'i lam mchog ste/ /gzhan gyi bstan pa ci zhig bya/ /bde tshogs 'jigs pa'i yan lag go/ /su zhig rang gi bde spong zhing //gzhan nas sdug bsngal don gnyer ba/ /gzugs mang sprul pa bsam yas kyang / /rang gi sku mdzes bsgyur ba dka'/ /sgra mang sprul pa bsam yas pas/ /rang gi gsung nyan 'phro byed dam/ /sems rtog bya ba'i 'od bcas kyis//ting 'dzin rtse gcig 'gyur ba med/ /drag po'i stobs mchog gzi ldan rnams/ /rang gis rang spyod bde bar sdod/ /de nas bdud dpung dang po dang / /dbang phyug tshangs pa khyab 'jug che/ /rgya byed glu dang dregs byed rnams/ /rab tu khros te rang gi mthus//ston zhing drag po'i gsang sngags dang / /gtum tshig nga ro 'bod sgrogs byed/ /de tshe rgyal po'i byin brlabs mthus/ /mthun 'jug thabs kyis 'dul mdzad de/ /theg pa gsang ba bla med mchog /khyad par sgo gsum gsang byed cing / /yang dag don la bde bkod phyir//thugs rje chen pos mthun mdzad de/ /'jug pa'i lam ring bde bstan zhing / /dga' ba'i sgo nas bde mdzad kyang / /rang gi nyon mongs dregs pa'i mthus/ /don 'jug mthun pa'i spyod sgo 'jig /gti mug chen po mun gtibs nas/ / nga rgyal ri bo kun du bkod/ /zhe sdang me lce 'bar bsregs shing / /phrag dog rlung gis bskyod byas nas/ /'dod chags chu bos 'byin par 'gyur/ /dregs pa'i mthu yis rab khros te/ /tshogs rnams gcig la gcig bsgo zhing / /gsang sngags rdzu 'phrul stobs phyung nas//rab tu bsgrags pa'i mthu yis ni/ /'jig rten gsum dag 'khrug par byed/ /mi nad mu ge 'khrug pa dang / /mtshon cha lo tog 'bras bu 'phrog /'byung po'i 'jigs gzugs nyes tshogs rnams/ /rgyun mi 'chad du 'khor bar 'byung / /sa gzhi me 'bar chu bdag byed//dug dang dbyig dug rlung bzhin g.yos/ /bde lam mtho ris thar lam gcod/ /mi dag sems kyis non 'gyur zhing / /'gro rnams sdug bsngal bskyed byas pas/ /sangs rgyas rnams kyis thugs khral bskyed/ /de nas byang chub sems bcas pa'i//'khor rnams dus gcig bstan par bzhengs/ /gtso bo'i phyogs su 'dud byed cing / /lan grangs bskor zhing phyag kyang 'tshal/ /mgon po bde ba mnyes byed cing / /mchod nas gsol ba gdab par bya/ /thugs rje che mnga' lha yi lha/ /byams sogs dga' ba'i bdud rtsi chus//gdos bcas thal bar brlag mdzad pas/ /thim 'gyur rdo rje ye shes tshogs/ /cho 'phrul dkyil 'khor bstan du gsol/ /mdzad pa'i byin brlabs bstan du gsol/ /de dag nyon mongs rlabs 'khrugs pas/ /rang gzhan thar lam bde bar 'joms//byang chub sems nyid rlan bral lam/ /srid gsum yal bar dor byed na/ /thugs rje chen po gang la gdags/ /e ma ho 'bras bu mya ngan 'das/ /e ma ho byang sems pad+ma'i rdzing / /e ma ho brjod bral ku mu da/ /e ma ho me tog 'bras bcas shing //'di dag dkyil 'khor rnam dag pas/ /rigs mchog mtshan nyid yon tan gnas/ /dus 'dir dag par ga la mdzad/ /thugs rje chen po ga la gdags/ /'di dag skal ldan gsung ba'i snod/ /rdo rje theg pa'i bstan pa 'dzin/ /da ltar rnam rtog ri bos non//thabs kyis 'dul bar mi 'gyur bas/ /shugs kyis bsgral bar bya ba'i phyir/ /dkyil 'khor sna tshogs bstan du gsol/ /zhes gsol to/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las mdzad pa chen po'i le'u ste bcu pa'o// //de nas bcom ldan 'das kyis lha chen po rnams 'dul bar byed pa zhes bya ba'i ting nge 'dzin la snyoms par zhugs te/ /rdo rje bkod pa'i dkyil 'khor chen po 'di nyid sku gsung thugs kyi dbyings nas phyung ste sprul pa mdzad do//gru bzhi pa la sgo bzhi pa'i/ /rta babs rgyan tshogs kun gyis spras/ /rin chen nor bu'i phreng sogs dang / /b+han d+ha dril bu 'dod pa lnga yi tshogs/ /mchod pa bla re rgyal mtshan gdugs/ /kha dog nyi shu rtsa lngas spras//'khor lo re'u mig dgu pa las/ /seng ge la sogs gdan khri spras/ /ka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha/ ye shes ma 'dres bde chen gsal/ /rnam 'phrul rigs mchog gzungs kyi dam tshig dang //khro zhing 'dren pa'i mdangs kyis gnas/ /rigs gnyis lung gis rgyud pa'i sku/ /dmar nag zhal gsum phyag drug pa/ /ser dkar dmar ba'i zhal gnyis dag /bzhin mdangs tshangs pa'i tshul gyis gnas/ /dbus ma khro 'dzum brjid bag dang //pad+ma rdo rje 'khor lo dang / /dril bu rin chen rtse gsum 'dzin/ /rin chen phreng ba'i chun 'phyang dang / /mu tig do shal dpung rgyan spras/ /stod g.yogs smad dkris na bza' bklubs/ /dbu rgyan snyan cha sor gdub tshogs/ / mtshan bzang dpe byad mdzes par brgyan/ /rigs kyis mchod pas dbu skra sil/ /rang 'od btsun mo'i sku bcas pa/ /phyung nas phyogs bcu'i sngags kyis spros/ /hU~M phaT pad+mo g+h+r-i ga dza swA hA/ o~M du~M dru~M b+hin d+ha dza pra mo ha~M/ /mdzad pa'i phrin las rdzogs byas nas//slar 'dus bdag po'i sku la thim/ /shar du rnam snang phyag rgya che/ /gser mdog zhal gsum phyag drug pa/ /rtse gsum be con pad+mo ral gri b+han d+ha 'dzin/ /lho ru rin chen 'byung ldan nyid/ /mthing ga zhal gsum phyag drug pa/ /rin chen pad+ma gri gug dang //shu la bum pa rtse gsum 'dzin/ /nub tu snang ba mtha' yas sku/ /dmar po zhal gsum phyag drug pa/ /thod dbyug rtse gsum pad+mo dang / /dgra sta 'khor lo ral gri 'dzin/ /byang du don yod grub pa nyid/ /ljang gu zhal gsum phyag drug pa/ / ral gri rdo rje dbyug pa mdung / /pad+mo rtse gsum gshin rje'i rkang / /kun gyi g.yas dkar g.yon pa ni/ /dmar ljang ser dang le brgan mdog /rang gi btsun mo'i mgul nas 'khyud/ /zhal gcig phyag gnyis bdag po lhar/ /sku mdog gsang ba'i mdangs dang ldan//phyag dang cha lugs kun gyis brgyan/ /o~M dzi na dzi ga laM/ dwe Sha ra ti/ swa rat+na d+h+r-i ga /ma~M mo ha ra ti/ o~M A ro li ka /pa~M rA ga ra ti/ ha pra dz+nyA d+h+r-ig /tA~M badzra ra ti/ hU~M phaT swA hA/ /'od zer 'phro ba'i tshogs bcas pas/ /rigs kyi dkyil 'khor gsal bar mdzad//'khor lo sgyur rgyal cha lugs dang / /dgyes pa'i skyil krung tshul gyis bzhugs/ /khyams kyi phyogs dang mtshams rnams su/ /sems dpa' brgyad dang sems ma brgyad/ /thugs kyi ye shes yi ge las/ / rang gi gsang sngags dag gis gdon/ /sa snying dkar ser rin chen 'dzin/ /nam snying mthing ga ral gri 'dzin/ /spyan ras dmar skya pad+ma 'dzin/ /gsang bdag ljang skya rdo rje 'dzin/ /g.yon pa pad+mo yu ba can/ /bsnyems pa'i tshul gyis phyogs su 'dud//sgeg mo phreng ba dbyangs dang gar/ /dkar ser dmar ljang 'od 'phro mdog /me long rin chen phreng ba dang / /dbyangs snyan gar thabs mdzes pa'i tshul/ /o~M k+shi ra dza ya/ hU~M lA s+ye sa ma ya sta~M/ /trA~M mA le sa ma ya ho/ hrIHpad+ma b+han d+ha hri/ gi rti ra ho ha~M/ a nr-i ti ra ga yA mi hU~M phaT/ byams pa dkar ser klu shing 'dzin/ /sgrib sel 'khor lo mthing ga ste/ /'jam dpal dmar skya ut+pal/ /kun bzang ljang ser rin chen snye/ /g.yon pa pad+mo lcug ma 'dzin/ /sems dpa'i stabs kyis gdan la bzhugs/ / bdug spos me tog 'thor ba dang / /mar me dri chab lha mo rnams/ /ser dkar dmar ljang bzhin/ /mtshan dang mthun pa'i rdzas kyis mdzes/ /o~M me ra ni/ dza d+hU pa pra be sha /thi ling swa ra ma pa ya/ hU~M pug pa A be sha hU~M swa ra tsa ya/ ba~M dI pa bu gi ni/mu~M shi ra tsa ya/ ho gan d+he tsi ta ya hU~M phaT/ /shar sgor gshin rje gshed po che/ /mthing nag be con rtse gsum phreng / /lho sgor stobs chen ser skya'i mdangs/ /rdo rje zhags pa rin chen phreng / /nub sgor rta mchog 'jigs byed rgyal/ /thod sbrul dril bu lu gu rgyud//byang sgor rdo rje 'khyil pa ste/ /ljang skya rdo rje rtse gsum mthu/ /khro bo cha lugs rngam brjid dang / /dur khrod rim pa'i chas kyis brgyan/ /lcags kyu zhags pa lcags sgrog dril/ /spyan dmar 'jigs byed 'od dpung dang / /rdo rje mche sogs khro gnyer can//yab yum 'khyil pa brkyang bskum sku/ /hU~M phaT ru lu'i gsung 'don cing / /las kyi 'khor lo gnon pa'i tshul/ /o~M ru lu pad+mAn ta kr-id hU~M phaT/ /dza badzra kro d+hI shwa ri hU~M pra dz+nyAn+ta kr-id phaT/ /hU~M rat+na kro d+hi shwa ri/ /hU~M pad+mA na ta kr-id phaT/ baM pad+ma kro d+hi shwa ri hU~M bi ga nAn ta kr-id/ho karma kro d+hi shwa ri hU~M phaT swA hA/ /phyi nang med par dkyil 'khor chen po ste/ /thugs rje ye shes che las sprul/ /phyag rgya bzhi yi rgyas btab cing / /dbu la rigs kyi bdag pos brgyan/ /'od dpung sprul pa'i lha 'khor gyis/ /'jig rten gsum po snang byed cing //tshangs pa la sogs lha chen brgyad rnams 'gugs/ /rdo rje brjid gnon sngags kyi mthus/ /de dag dran pa med par 'gyur/ /mtshon cha'i tshogs kyis sgrol byas te/ /dug gsum phung po gsol bar mdzad/ /phrin las khro bo brjid glu yis//lha chen 'khor rnams dbang du sdud/ /dkyil 'khor chen por gzhag byas nas/ /snga ma'i sha rus gnas nas ston/ /rdo rje bdud rtsi'i ting 'dzin gyis/ /lha chen rnams kyis slar lus gsol/ /'khor bcas pa yi dbang bskur zhing / / rdo rje 'chang gi gral la dgod/ /dam tshig gsang ba'i brdas bsgos shing / /phrin las bka' nyan gnyer gtad de/ /gzhal yas khang gi rgyan du bzhag /kun kyang tshig dbyangs mthun pa bsgos/ /dam tshig mna' srog thal myong 'gyur zhes brjod do/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las rdo rje bkod pa'i dkyil 'khor sprul pa'i le'u ste bcu gcig pa'o// //de nas pad+mo chags pa'i skus/ /gsung gi gzi mdangs rgyas mdzad do/ /phyag rgya rdzu 'phrul gnas sbyor bas//gser mig 'dab grong khyer dang / /lang ka'i gnas tshogs srin po'i sde/ /klu rgyal dbang du bsdu ba'i phyir/ /rdzu 'phrul kun stobs 'khor lo yis/ /lha chen la sogs gdul bar dgongs/ /ting nge 'dzin la snyoms zhugs te//pad+mo rta mchog sprul pa mdzad/ /de bzhin nyid dbyings snyoms 'jug las/ /sems dpa' rgyal ba kun gyi yab/ /rdo rje 'dzin thub dbang nyid dang / /rigs nyid sprul pa'i lung las grub/ /sku mdog dmar po rA ga'i mdog /zhal gsum rta mgo ljang gu can//phyag ni gri gug kha T+wA~M ga/ /thod pa khrag me dpung sprul lnga/ /gnas brgyad klu bdag thod phreng dang / /glang chen stag gi pags pa gyon/ /sgra skad drag po phyogs bcur sgrog /bgegs la sogs pa'i cha lugs can/ /drang srong khros pa'i cha lugs kyis//klu yi 'gro ba rmongs mdzad pa/ /pad+ma'i gdan la brkyang bskum gyis/ /yum chen dpal ldan ma dang sbyor/ /o~M pad+mo gu ru he he ru lu hU~M phaT/ 'khor lo 'bar ba phyogs mtshams su/ /ye shes khro bo chen po brgyad/ /hrI las grub pa'i 'jigs gzugs can//rta mgo ljang gu brjid pa yi/ /shar du pad+ma'i dbang phyug ni/ /dkar po zhal gsum phyag drug pa'o/ /rdo rje pad+ma klu zhags dang / /rin chen dbyug pa ral gri mdung / /seng ge rgyal mo sku dang 'khril/ /sna tshogs mi mthun zhabs kyis gnon//nyi ma zla ba'i snyan chas brgyan/ /sbrul gyi phreng bas gnas kun brgyan/ /lho ru gzi chen drag po ni/ /mdog nag ral gri rtse gsum lnga/ /rdo rje rtse gsum mda' dang gzhu/ /drag po gnas kyi sku dang 'khril/ /me ri 'bar bas kun du khyab//stag mo bcings pas gzhan gnas 'jigs/ /sprul pa'i pho nya me 'brug gi/ /khro bo yi ni dkyil 'khor tshogs/ /nub tu rdo rje dra ba mchog /dmar ser rdo rje dbyug pa bri/ /'khor lo sbrul zhags me long chu/ /lha mo 'jigs chen zhabs kyis gnon/ / 'od 'bar glog gi phreng ba can/ /sprul pa'i pho nya ce spyang gdong / /'bum phrag gri dang thod khrag 'dzin/ /byang du 'od byed 'jigs chen sku/ /ljang gu rtse gsum mda' bo che/ /nor bu dung khrag lcug ma dung khrag 'chang / /ra ro mig dmar zil gyis non/ /rgyal bdag khro bo'i sku dang 'khril//cod pan klu mgo gdengs ka'i rgyan/ /dus mtshungs phud kyi sgra chen sgrogs/ /kun kyang thod phreng g.yang gzhi dang / /dur khrod gnas 'byung gtsang sme byed/ /mtshams kyi khro bo chen po bzhi/ /rigs kyi phyed gzugs thig les mtshan/ /zhal gsum phyag drug 'od mdangs can//rdo rje thod dbyug glu yi sgra/ /ce spyang bya khyung gnam lcags sprin/ /'od phreng thig le dbyu gu'i rgyan/ /rnam 'phrul klu thabs u ha ra/ /'dod yon lha mo'i tshogs kyis bskor/ /kun du spyan dmar rdo rje'i mtshan/ /gnas su 'jigs pa'i hU~M sgra sgrogs//klu yi rgyal po'i gnas na bzhugs/ /gzhan gyi rdzu 'phrul 'joms par byed/ /o~M ma hA ha ya grI ba pad+ma d+ha ru na~M bi d+ha ha ra hU~M phaT rtsa ba'i sngags so/ /o~M na mo ud ta~M he ru lu ru ka~M ba mu kha/ /A ka ra Sha ya rak+Sha na ga~M gu ru hU~M phaT snying bo'i sngags so//o~M pad+ma rag ma kur+ya ra ka~M ru lu ru lu hU~M phaT nye ba'i snying po'o/ /dkyil 'khor chen po'i phyogs bzhi ru/ /lcags kyu lcags sgrog zhags pa dril bu rnams/ /dkar dmar ser ljang 'od mdangs 'bar/ /seng ge ce spyang stag 'brug dang / / mgo brtsegs sprul pa'i 'khor dang bcas/ /rang gi las kyis 'khod pa dang / /'jigs pa'i cha lugs rngam gzugs gnas/ /las mdzad klu yi dkyil 'khor 'dul/ /klu chen brgyad sogs bsdus byas na/ /mthu dang rdzu 'phrul med par bya/ /rang gi dam tshig dran pa'i shugs//spyan rnams spyan ngar 'dod par byed/ /o~M na ga me ga na na ga ra tsa ya sa ma ya hU~M/ /dkyil 'khor gsang bar dbang bskur nas/ /'od bzang gzi mdangs me dpung 'bar/ /rigs kyi dbu rgyan gsal byed phye/ /ye shes 'od tshogs gnas bcas te//dkyil 'khor gsang bar goms zhugs kyis/ /tshul 'dzin dkon mchog mngon du dbye/ /tshogs rnams ma lus mgrin gcig tu/ /gar dbang sku la skyabs gsol zhing / /'dod yon gsol 'debs dam bcas pa/ /bsod nams phung po'i gter la spyod//kye ma dkyil 'khor ya mtshan che/ /bdag cag 'khor rnams rab sgrol mdzad/ /rgyal ba'i dkyil 'khor dpe bral bas/ /nyi ma'i dkyil 'khor bzhin du gnas/ /bde chen lam 'di sngon ma rtogs/ /da ltar thugs rje drin gyis rnyed//rnal 'byor gsang bar 'dzin byed kyis/ /ji ltar bsgos pa'i bka' bzhin 'gyid/ /rdo rje gsang ba'i dam 'di las/ /gal te nyams na 'das par shog ces dam bcas so/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las rta mgrin dbang gi dkyil 'khor sprul pa'i le'u ste bcu gnyis pa'o// //de nas bcom ldan pad+ma'i skus/ /yum la chags tshul 'dzum mdangs kyis/ /bka' yi bsgo bas dgyes mdzad de//mi shigs ting 'dzin la gnas mdzad/ /phyogs skyong dri za rgyal chen po/ /rang gi chung ma tshogs bcas pas/ /gnas gzhan 'jigs par mdzad pa dang / /rang gi mthus bcus 'dul bar mdzad/ /sku ni bai DUr+ya 'tsher ba'i mdangs/ / zhal gsum phyag rgya drug gis rol/ /rin chen mdzod bum sngags chen lcug /'khor lo phreng ba ma ga ta/ /rgyan dang cha lugs rin chen tshogs/ /dbyings kyi dbang phyug yum chen mo/ /dmar skya zab mo'i tshul du sbyor/ /'od 'phro sems dpa'i gdug pa'i 'phro//rigs lnga'i dbu rgyan rin chen phreng / /phyag rgya bzhi yis brjid pa'i lha/ /rin chen 'bar ba'i gzhal yas khang / /gru bzhi sgo bzhi rta babs brgyan/ /bar khyams 'khor gyi dbus nas 'gying / /pad+ma'i lte bar skyil krung bzhugs/ /shar du 'joms byed rdo rje'i sku//dkar gsal rdo rje dril bu 'dzin/ /lho ru rin chen blo gros sku/ /dpal be'u gdugs mdzes 'od mang ser/ /nub kyi phyogs kyi rgyal po rtog /dkar dmar pad+ma glegs bam 'dzin/ /byang du 'jig rten kun sgrol ba/ /ljang skya rdo rje rgya gram bri/ /shar lho dra ba'i dbang phyug ni//ser skya rin chen b+h+r-ing ga ra/ /lho nub chos kyi lhun po mchog /rtse gsum pad+ma'i lcug ma 'dzin/ /nub byang rgyal ba'i ye shes tog /sngo skya seng ge'i bum pa 'dzin/ /byang shar sgyu 'phrul dra ba brtsegs/ /ljang ser g.yung drung rdo rje mtshan/ /'di dag 'khor los sgyur rgyal byin//mtshan dang dpe byad 'od mdangs rgyan/ /skyes bu chen po'i longs spyod 'phel/ /cha mthun yum dang 'khril bar bzhugs/ /o~M bi ta dz+nyA na ta na sa~M bo ga ta hU~M phaT/ o~M d+harma mu ni nas nas hU~M/ o~M bi ha ra phra mo tha na hU~M phaT/ o~M dz+nyA na lo tra sa~M bo ga ya hU~M phaT/o~M rat+na ma ru d+he sa gru~M ba hU~M phaT/ o~M ma hA shu ti mu sa mo ha hU~M phaT/ o~M bud d+ha bud d+ha sar+ya na ku mA ra hU~M phaT/ o~M na ma ga ga na si ta yo ga hU~M phaT/ o~M ni sa ha he hi hu mu ga ra ba ri hU~M phaT/ 'khor lo'i gsang sngags rab brjod pas/ /lha rnams phyi yi gnas su spro//drag po'i rgyu 'bras sbyang byas te/ /gnas kun dag pa'i ye shes che/ /rigs mchog ye shes 'od gsal bas/ /shar gyi dbang po dri za sogs/ /gnas mgon skyabs dang dbang du mdzad/ /nyon mongs las kyi dregs pa'i tshogs/ /rang rgyud zhi nas byang sems bcas//bcom ldan 'das kyi spyan sngar 'khod/ /snying po mdongs gsol phul bar 'gyur/ /o~M trag sha ka sarba ra ma mas hU~M hU~M swA hA/ /bcom ldan 'das bdag cag gi rig pa 'di byin gyis brlab tu gsol/ /bstan pa myur du spel cig /rgya chad pa'i sngags kyis thams cad bsrung bar gyur pa bde legs su bya ba'i gnas pa bdag cag dus thams cad dkyil 'khor 'dir gnas shing de 'dzin pa'i rnal 'byor pa dag bsrung bar bya ba dang bran bzhin du gnas par bgyi'o//slar yang bdag cag rnams mgon pos bzhengs la byin gyis brlabs te dbang bskur ba dang grol bar mdzad du gsol zhes gsol ba btab pa dang //bcom ldan 'das kyis rig pa'i snying po 'di byin gyis brlabs so/ /o~M u o~M mr-i ta bi ga na shu ta hU~M phaT swA hA zhes gsungs pa dang / /de dag dang po'i sangs rgyas bzhin du 'od zer dang bcas par gyur nas gzhal yas khang gi rgyan du 'khod do//de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las thugs ye shes sems dpa'i dkyil 'khor 'phrul pa'i le'u ste bcu gsum pa'o// //de nas bde byed gar dbang phyug /pad+ma tshogs pa'i sku chen pos/ /yon tan rin chen sgyu ma'i chos/ /ting nge 'dzin la snyoms zhugs nas/ /mkha' 'gro tshogs bcas gshin rje rnams/ /rgyal po rgyal chen rgyal mor gnas//'khor bcas 'dul bar bya ba'i phyir/ /mkha' 'gro chen mo'i tshogs 'phrul mdzad/ /thabs dang shes rab gnyis med las/ /gzi ldan gar gyi dbang phyug ma/ /pad+ma rA ga nam mkha'i mdog /zhal gcig pa la phyag bzhi ste//pad+ma'i sdong po bdud rtsi'i snod/ /rdo rje kha T+wAM zhags pa thogs/ /rin chen phreng ba'i rgyan gyis bklubs/ /khyod bzhed 'jigs mdangs tshul 'dzin cing / /brkyang bskum zhing mchog nyi ma'i dkyil/ /g.yang gzhi nyi ma'i phreng ba sa brgyan/ /o~M pad+ma ma hA kro d+hi shwa ri hU~M phaT/dpal gyi lha mo mchog nyid dang / /o~M dang sprul te phyogs dang mtshams/ /pad+ma'i gdan la zhing gis mtshan/ /brkyang bskum sku mdog sngon mo'i tshogs/ /phyag na gri gug thod pa khrag /'bar ba'i cha lugs sga 'bar ma/ / phyi rol sprul pa'i tshogs bcas pas/ /dur khrod chen po'i gnas su rol/ /rdo rje rin chen pad+mo dang / /las dang sgyu 'phrul mkha' la bzhad/ /sna tshogs sgyu ma bzhin rgyas spyan/ /kha dog phyogs mtshams ji lta bu/ /gsal zhing mun pa'i rdul gyis gos/ /zhing gi dbyug pa rtse gsum dang //gser gyi mda' dang rdo rje dang / /chu srin rgyal mtshan zhags pa dang / /zhing chen rdo rje rtse dgu gdengs/ /gri gug rgyu ma'i zhags pa sdom/ /rdo rje gdengs pa rtse gsum khrag /zhing chen khog phyes snying 'dren cing / /de bzhin rlung yab thod pa 'chang //o~M badzra ta kr-id ma hA la ti ti hU~M hU~M phaT/ /o~M badzra ta tri me dar hU~M phaT/ o~M DA ki mad kum pa ya hU~M phaT/ o~M DA ki nI ti bre sha hU~M phaT/ o~M badzra DA ki bi la sa hU~M phaT/ o~M badzra DA ki dri ku Ta ma le hU~M phaT/ o~M badzra DA ki dz+wa la dz+wa la hU~M phaT/ /phyi rol pad+ma'i 'dab ma la//seng ge rta dang ce spyang wa/ /bya rgod kang ka bya rog 'ug /mgo brnyan mche gshog chen mo brgyad/ /hU~M las sprul te mdog dmar po/ /phyag na gri gug thod pa khrag /rdo rje ral gri rtse gsum mdung / /'khor lo dgra sta be con mda'/ / gtun shing zhing khog g.yang gzhi sprul/ /ne'u le gzhong pa rin chen khyung / /zhal gdangs so so'i phyogs mdangs bzhin/ /kun kyang khro bcas khyams par gnas/ /zhing lpags g.yang gzhi thod phreng sprul/ /khrag zhag thal ba'i tshom bus brgyan/ / mkha' 'gro rigs bdun ma sring sprul pa'i tshogs/ /mche gshog 'bar ba phyogs bcur 'khrugs/ /o~M se ra ba ra na hU~M phaT/ o~M ni ra~M te sha pa mu kha hU~M phaT/ o~M ka~M na ma du na hU~M phaT/ o~M mu ra na na~M hU~M phaT/ o~M sUr+ya sa mo ka hU~M phaT/ o~M badzra sni ga sha bru~M hU~M phaT/o~M ni sha kur+ya ra na hU~M phaT/ o~M re la~M su bag sha hU~M phaT/ mkha' 'gro bcu drug 'di dag kyang / /'od 'bar glog gi phreng ba can/ /'od kyi ru lu'i sgra 'byin cing / /spyan mur khro gnyer mche ba can/ /zhal gcig phyag bzhi rol pa'i stabs/ / dbyings dang shes rab rab rtogs la/ /so so'i phrin las mdzad pa'i phyag /zhal dang sku ni so so'i mdog /o~M ru khu sa~M ta gu na DA+e ta sa mo ra ga hU~M phaT snying po'i sngags so/ /o~M badzra DA ki dzA la sha~M ba ra ku ma ra hU~M phaT nye ba'o/ /o~M DA ki hU~M sa~M ba ra dzA li mu kha ma me hU~M phaT rtsa ba'i sngags so//mkha' 'gro ma yi dkyil 'khor spro ba'i mthus/ /de dag dran pa med par brgyal/ /slar nyid rang gi 'khor du bsdus/ /dam tshig dkyil 'khor chen por bkod/ /de nas mkha' 'gro'i tshogs dang bcas/ /gdul bya rnams kyi gnas dor nas//rgyal ba'i bstan pa bzung byed cing / /rdo rje theg pa sbyor bar mdzad/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las mkha' 'gro ma sprul pa'i le'u ste bcu bzhi pa'o// // de nas bcom ldan dgyes pa'i gtso/ /gar gyi dbang phyug de bzhin gshegs/ /gzi ldan yum dang zhal sbyor zhing / /phyogs bcu'i dkyil 'khor sprul pa'o/ /ting nge 'dzin la snyoms zhugs nas/ /phyogs kyi bgegs 'dul byed pa'o/ /khams gsum gnon pa'i dkyil 'khor sprul//sangs rgyas kun gyi rang bzhin gnas/ /rin chen 'bar ba'i khang na/ /rin chen pad+ma seng ge'i gdan/ /dri med nyi zla spras pa la/ /dbus kyi lha mchog chen po ni/ /zhabs brgyad phyag ni bcu drug dang / /dmar ser nyi ma'i dkyil 'khor bzhin//bgegs la sogs pa'i tshul dang ldan/ /pad+ma rdo rje 'khor lo gri/ /thod pa rin chen dgra sta ras/ /yum chen dbang phyug sgeg mo dang / /rgyan tshogs rin chen phreng ba can/ /dri med pad+mas bklubs pa'o/ /o~M ba ga ba te ru ka~M sa~M po ga ta ya hU~M phaT//mdun du rdo rje sems dpa' ni/ /dkar ser rdo rje dril bu 'dzin/ /g.yas su rin chen sems dpa' ste/ /ser po rin chen 'khor lo thogs/ /rgyab tu pad+mo'i sems dpa' nyid/ /dmar ser rtse gsum bum pa thogs/ /g.yon du las kyi sems dpa' ste//ljang ser dril bu tri shU la/ /o~M badzra swa t+ta hU~M phaT/ /o~M rat+na swat+ta hU~M phaT/ /o~M pad+ma swat+ta hU~M phaT/ /o~M karma swat+ta hU~M phaT/ /'khor lo pad+ma'i rtse mo la/ /yum dang 'khril ba'i tshul gyis 'khod/ /phyi rol pad+ma'i rigs bdun la/ /bder gshegs yab yum nyis stong tshogs//bder gshegs rdo rje rin chen dang / /pad+ma rgya gram sna tshogs mkha'/ /sku mdog pad+ma rA ga dang / /in+d+ra la sogs rim bdun la/ /ral pa rtse mdzod bum pa la/ /lcug ma dril bu glegs bam dang / /chos kyi rgyal mtshan phreng ba 'dzin//kun kyang zhal gsum phyag drug pa/ /rin chen rgyan phreng 'od mdangs can/ /phyag mtshan gri gug thod pa dang / /pad+ma'i phreng ba rtse gsum bsnams/ /lhag pa'i phyag bzhi 'dzin par mdzad/ /dang por rang rtags phyag rgya bsnams/ / o~M badzra du ki bi shi ka du ku~M di ka~M ma~M hri sa~M ga ta sU~M sra mo ta phaT swA hA/ /de bzhin gshegs pa rnams kyi'o/ /o~M badzra sa mo yo ga ta sa ra la su hU~M phaT/ /rin po che rnams kyi'o/ /o~M pad+ma bu~M si nyi ha~M he he ma~M ba~M hU~M phaT/ /pad+ma'i rigs rnams kyi'o/ /o~M karma b+h+yo tru~M hU~M rak+Sha mur+ya sa hU~M phaT//las kyi rigs kyi'o/ /o~M badzra tsakra bru~M si ti yo gI shwa ri hU~M phaT/ /'khor lo'i rigs kyi'o/ /de nas dkyil 'khor sprul pa'i tshogs/ /phyogs rnams kun du spros byas pas/ /rdo rje rigs kyi pho nya yin/ /phyogs kyi rgyal po'i gdon rnams 'gugs//skrag shing byed nas dgra 'gugs shing / /so so'i rigs dbyer 'khrug pa dag /rdo rje gsang ba'i sngags kyis gzer/ /rang gi dam tshig rjes su dran/ /srog gi snying po dbul bar bya/ /rdo rje gsang ba'i dam tshig gis/ /dbang bskur byin brlabs rdzogs byas nas//dkyil 'khor gsang ba'i gnas su 'khod/ /gsang ba 'dzin pa'i gnas 'dor nas/ /rang gi lus su gnas byas te/ /gzhal yas khang gi rgyan du gzhag /de dag gi snying po ni/ o~M sa mu dar dzin na ga su tra b+ha ba si tri sni sha hU~M pru~M phaT zhes pa'o//slar gso ba'i sngags ni/ o~M su mu ge Da~M sa~M myag he he ru tu pa la si ta~M dza hU~M phaT/ lha rnams kyi snying po bsdus pa ni/ /o~M sarba sa ka ra bru~M bag sha sa~M me bra~M mu rak+Sha hU~M zhes pa'o/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las khams gsum gnon pa'i le'u ste lnga pa'o// //de nas bcom ldan gar dbang sku/ /sangs rgyas thams cad 'dus mdzad nas/ /khro bo'i dkyil 'khor sprul byas te/ /gnod sbyin grul bum 'dul bar mdzad//gzhal yas gru gsum mthing nag la/ /dbus su 'khor lo nyi ma'i gdan/ /dpal chen pad+ma he ru ka /dur khrod chen po'i rgyan gyis brjid/ /zhal gsum pa la phyag drug ste/ /sku mdog pad+ma rA ga'i mdangs/ /rtse gsum gtun shing ral gri dang //pad+ma zhags pa thod rnga 'dzin/ /glang chen ko ba thod rlon sprul/ /yum dang zhal sbyor 'khril ba'i tshul/ /thabs dang shes rab sbyor ba las/ /yi ge las sprul khro bo'i rgyan/ /shar du rnam rgyal mdog dkar sngo/ /zhal gsum phyag drug rdo rje dung //'khor lo rin chen pad+ma dang / /ral gri me 'od kyis mtshan pa/ /lho ru gshin rje gshed po ni/ /sngo nag zhal gsum phyag drug pa/ /thod dbyug rin chen ne'u le dang / /rtse gsum me dpung thod rnga 'dzin/ /nub tu rta mchog khro bo'i sku/ /zhal gsum phyag drug dmar skya'i mdog /'khor lo sdigs mdzub rtse gsum dang / /ral gri thod pa Da ma ru/ /byang du bdud rtsi 'khyil pa ste/ /ljang sngon zhal gsum phyag drug pa/ /rgya gram gri gug pad+ma dang / /be con rtse gsum seng ge 'dzin/ /shar lhor dbyug pa sngon po ni//sngo skya zhal gsum phyag drug pa/ /dbyug pa tsakra pad+ma dang / /rnga yab b+han d+ha dril bu 'dzin/ /lho nub mi g.yo mgon po ni/ /zhal gsum ser skya phyag drug pa/ /rin chen ral gri gtun shing 'dzin/ /pad+ma thod khrag mdung rtse gsum//nub byang 'dod pa'i rgyal po ni/ /dmar skya zhal gsum phyag drug pa/ /rdo rje dbyug pa rin chen bum/ /thod pa bdud rtsi sting 'dzin pa'o/ /byang shar stobs chen dud ka'i mdog /zhal gsum phyag drug 'jigs pa'i mdangs/ /rdo rje rtse gsum bam chen khog /sna tshogs rdo rje bam chen khrag /'jigs pa'i cha lugs khro phreng dang / /gyad kyi dor thabs rol pa'i stabs/ /o~M badzra kro d+ha bi dza ya hU~M phaT/ /o~M badzra kro d+ha ya mA na ta ka hU~M phaT/ o~M badzra kro d+ha ha ya grI ba hU~M phaT/ o~M badzra kro d+ha a mr-i ta ku Na Da li hU~M phaT/ o~M badzra kro d+ha nI la daN+Da hU~M phaT/ o~M badzra kro d+ha Ar+ya a tsa la hU~M phaT/ o~M badzra kro d+ha Tak+ki rA dza hU~M phaT/ o~M badzra kro d+ha ma hA ba la hU~M phaT/ phyogs skyong rgyal po gnod sbyin dang / /grul bum tshogs rnams dbang bsdus te/ /gsang sngags drag pos bsgral byas na//slar gsol ye shes lhums su gyur/ /dkyil 'khor gsang ba'i dbang bskur zhing / /dam tshig la gzhan dkyil 'khor tshul/ /kun gyi srog snying phul ba ni/ /dam tshig chen pos byin brlabs mdzad/ /slar yang dam tshig 'dzin pa'i sngags/ / 'khor rnams kun la sbyin par mdzad/ /o~M badzra kra ka ra murda si na ba mu ka hU~M phaT/ o~M AHhU~M badzra su ka ta b+ha mo tra~M a la la hU~M phaT/ /lha rnams kun gyi dam tshig ni/ /rdo rje gsang ba gsum las byung / /rdo rje gnod sbyin drag po'i sku/ /khams gsum dus kyis dbang bskur nas//'khor ba'i chos las rgyal byed cing / /byang chub sems kyis de nyid gsal/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las khro bo phrin las rol pa'i le'u ste bcu drug pa'o// //de nas bcom ldan gar dbang skus/ /gzi brjid dgod pa'i rgyan bkod cing / /lha min grong khyer 'dul ba'i phyir/ /yum gyi dkyil 'khor 'phrul bar mdzad/ /chos dbyings sprul pa'i gnas bzang mchog /rgyal ba'i rang bzhin rin chen spros//gru bzhi khang pa sgo dang bcas/ /rta babs ka ba brgyad kyis mdzes/ /dbus kyi pad+ma'i gdan bzhugs pa/ /gnyis med rol pa'i yum gyi sku/ /mdog dmar rgyan du zangs chen gzugs/ /zhal gcig phyag bzhi mdzes pa'i mdangs/ /'khor lo dung khrag pad+mo dang //rin chen 'bar ba rtse dgu 'dzin/ /rin chen pad+ma'i phreng ba can/ /stod bzang na bza' dkyil bzang bzhugs/ /o~M pad+ma mu sha ra sa ma ka ta hU~M phaT/ /shar la sogs pa'i phyogs rnams su/ /pad+ma dbyings phyug gsal ba mo/ /rin chen phreng ba glu ma che//dkar dmar ser dang ljang gu'i mdog /rdo rje gsum pa pad+mo dra ba dang / /na ra si la'i snod rin tshogs/ /rang gi dkyil 'khor ma spros shing / /sna tshogs pad+ma'i gdan la bzhugs/ /o~M tsun d+he shwa ri hU~M phaT/ o~M Sh+Ni sha badzra sa~M bru~M ga hU~M phaT/o~M byi tsu swa te hU~M phaT/ mtshams kyi pad+ma'i 'dab ma la/ /de bzhin bde ba skyed byed yum chen bzhi/ /dra ba mo dang glog 'gyur rgyan/ /gshog pa can dang 'dod pa'o/ /dkar ser dmar skya sngo bsangs dang / /ljang gu mdog legs la bzhugs nas//rdo rje rin chen pad+mo dang / /ut+pal ljang gu legs mdzad pa'o/ /o~M nu te no tsa kru hU~M phaT/ o~M sa~M bo ga ta su he bya hU~M phaT/ o~M ma ma kri bru~M he he hU~M phaT/ o~M ta re ga ga na a ma la hU~M phaT/ /phyogs rnams kun du mkha' khyab pa/ /til gang bzhin du gnas gyur pa//ma mo gshin rje'i tshogs rnams kun/ /'khrug rngam rod rod por gyur nas/ /thugs rje can la skyabs su mchi/ /srog gi snying po dbul bar byed/ /de nas dkyil 'khor bsdus byas te/ /rang gi gnas su dbang bskur zhing / / dam tshig dga' ba'i sdom pa rnyed/ /bder gshegs ye shes gsal bar 'gyur/ /kun gyis mthun par khas blangs te/ /dam tshig bsrung zhing rnal 'byor skyong / /o~M me ma rak+ta sa bra ti id da~M sa bu ta phaT/ o~M trak+sha ra la si bad Ta ta phaT/ ma mo dang 'byung po rnams kyi snying po'o//o~M yu me si d+ha ru lu ru lu hU~M phaT/ gnod sbyin rnams kyi'o/ /o~M AHhU~M yo ga bri gu me/ ha sa ha sa/ ru lu ru lu hU~M phaT/ slar gso zhing byin gyis brlab pa'i sngags so/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las rin chen dbyings kyi dkyil 'khor 'phrul pa'i le'u ste bcu bdun pa'o// //de nas gar gyi dbang phyug nyid/ /dus gsum sangs rgyas thams cad kyi/ /sku gsung thugs kyi 'khor lo yis/ /sa 'og sa bla sa stengs rnams//'joms byed gza' dang rgyu skar dang / /bdud dang de yi rigs 'khor kun/ /'du bar bya ba'i ting 'dzin la/ /snyoms zhugs 'khor lo sprul pa mdzad/ /thabs dang shes rab bsgrub byas pa'i/ /'od zer gsal bas stong gsum gang / /rin chen 'bar ba'i gzhal yas khang //sgo bzhi rta babs phreng bas brgyan/ /'khor lo rim gsum gdan dang bcas/ /rdo rje pad+ma rin chen gyis/ /khor yug seng ge glang chen mchog /nyi mas mdzes pa'i pad+mo yi/ /dbus kyi dpa' bo yum dang bcas/ /zhal gcig phyag bzhi rdo rje rin//pad+ma ral gri 'dzin par mdzad/ /dmar ser kun du rgyu ba ni/ /ljang ser pad+ma dril bus 'khyud/ /mtshan dang dpe byad rgyan phreng bklubs/ /sangs rgyas 'dus pa'i dbu rgyan can/ /phyag rgya bzhi yis mdzes byas pa'o/ /rdo rje 'khor lo rtsibs rnams la//rigs kyi sems dpa' nyi shu bzhi/ /dkar dang dmar dang ser ba'i mdangs/ /rdo rje dril bu pad+ma bsgom/ /'khor lo rin chen snye ma bsnams/ /dang po'i phyag gnyis mtshan byas shing / /lhag ma gri gug thod pa thogs/ /khro zhing sems dpa'i cha lugs kyis//rgyan phreng rigs kyi dbang po gsum/ /rin chen 'bar ba'i rgyan gyis bklubs/ /o~M badzra swa ta kro d+ha he he ru lu hU~M phaT/ /rdo rje rigs rnams kyi'o/ /pad+ma te sh+tha swA da na ma ku ru ku ru hU~M phaT/ /pad+ma rigs kyi sems dpa' rnams kyi'o/ /o~M i ku ri tsag ban d+ha si d+hi phaT phaT/kro d+hi shwa ri hU~M phaT/ /de bzhin gshegs pa rigs kyi'o/ /sgo bzhi mdzes gzugs khro mo ni/ /mi mthun blo gros dpa' chen mo/ /ye shes mkha' dbyings bzhi rnams te/ /dkar ser dmar dang rim pa bzhin/ /rdo rje lcags kyu zhags pa dang //lcags sgrog dril bu mtshan ma'i phyag /o~M badzra a~M gu sha dzaHpA sha hU~M/ s+pho Ta pa~M/ g+hen+De hoH/ phaT/ dgug gzhug bcing ba'i las dag dang / /dbab pa'i cho ga mnyes par byed/ /dus gsum sangs rgyas thams cad kun/ /sku gsung thugs kyi dkyil 'khor 'dus//rigs gsum sems dpa' khro bor bstan/ /'jigs byed cha lugs rngam pa'i stabs/ /rdo rje gcod byed 'jigs pa che/ /rdo rje 'joms pa'i yid 'phrog byed/ /rdo rje rab bzang blo gros mchog /rdo rje'i bstan pa g.yul las rgyal//pad+ma'i sprin chen 'brug sgra'i dbyangs/ /pad+ma'i blo gsal mya ngan 'joms/ /pad+ma'i sdong po nga ro myos/ /pad+ma'i 'od zer bdud rtsi'i 'od/ /'khor ba brtsegs pa myur du bzlog /'khor lo dga' ba sbrang rtsi'i mchog /'khor lo sgrol dang rtse gsum 'ching //'khor lo rol pa dga' byed stobs/ /'di dag sprul pa 'khor tshogs skus/ /gnas gsum po dag 'dul bar mdzad/ /de nas gza' dang rgyu skar rnams/ /gdug pa'i nga ro chu ma shums/ /sgra chen sgrogs shing sprul nas kyang / / mthu dang rdzu 'phrul med par 'gyur/ /dkyil 'khor chen po skyabs gsol zhing / /bstan pa bzung bar dam bcas so/ /de dag so so'i srog snying dag /lus sems dad pas phul byas pas/ /dkyil 'khor chen po dbang bskur zhing / /rab gnas gdan la gzhag par bya//de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las rang sangs rgyas thams cad khro bor byung ba'i le'u ste brgyad pa'o// //de nas bcom ldan dbang gi lha/ / pad+ma bde chen yum bcas la/ /'gro drug rgyu 'bras bya ba'i phyir/ /bde chen byang sems dkyil 'khor sprul/ /dkyil 'khor chen po'i gnas 'bar ba/ /rin chen phreng sogs 'jigs byed brgyad/ /dur khrod chen po'i gnas bzhin brgyan/ /dbus kyi 'khor lo gdan bcas la//rigs lnga'i he ru ka bzhugs mdzad/ /yum chen lnga dang 'khril bar sbyor/ /kun kyang zhal gsum phyag drug pa/ /dmar nag dkar ser ljang gu'i mdangs/ /rdo rje kha T+wAM ral gri dang / /tri shUl zhing dbyug tho ba bsnams/ /g.yas par dung phor g.yon thod khrag /bar ma gri gug pad+ma ste/ /tha ma yum dang 'khril ba'i tshul/ /spyan dgu sdang mig dmar po bzlog /khro gnyer ral pa gyen du brdzes/ /thod sprul khrag dang thal bas brgyan/ /g.yang gzhi ri sha'i rgyan gyis mdzes/ /o~M badzra shrI he ru ka badzra kro d+hI shwa ri hU~M phaT/o~M b+hud+d+ha shrI he ru ka b+hud+d+ha kro d+hI shwa ri hU~M phaT/ o~M rat+na shrI he ru ka hU~M phaT/ rat+na kro d+hI shwa ri hU~M phaT/ pad+ma shrI he ru ka hU~M phaT/ o~M pad+ma kro d+hI shwa ri hU~M phaT/ o~M karma shrI he ru ka hU~M phaT/ karma kro d+hI shwa ri hU~M phaT/ /bde chen byang chub sems kyi rgyan/ /rol pa kun tu khyab mdzad de//khams gsum ma 'dres rnam par dbyings/ /bde ba chen po gnyis med 'gyur/ /dbang bskur byin brlabs rigs kyis bskur/ /bskyed de dbu la rang gi bdag pos brgyan/ /smon 'jug g.yo ldang bskyod pa yi/ /lha mo bzhi dang mnyam par sbyor//de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las bde ba chen po'i le'u ste bcu dgu pa'o// //de nas bcom ldan 'das dgongs pa nyid la bzhag ste bzhugs so/ /de'i tshe de'i dus na bdud kyi rgyal bo ma tra ru tras/rang gi rdzu 'phrul chen po bstan zhing / /'khor dang bcas pas phyogs bcur rgyug cing rig pa 'dzin pa dang / /rnal 'byor mtha' dag gi bar gcod byed cing bde 'gro'i bde ba thams cad rgyun gcod pa dang / /rang nyid kyi nyon mongs pa bskyed do//de nas bcom ldan 'das kyis thugs rnam par 'phrul pa zhes bya ba'i ting nge 'dzin la snyoms par zhugs nas/ /rigs kyi 'od zer mtha' yas pa zhes bya bas stong gsum gyi 'jig rten thams cad skad cig gis gsal bar mdzad do/ /rgyal ba'i dbang po stong gsum 'dir//khang mdzes par byin brlabs te/ /rin chen ka ba gdan phreng dang / /gzugs mdzes la sogs kun gyis spras/ /nyi ma zla ba rin chen khri/ /pad+ma seng ge la sogs gnon/ /sgo bzang khyams su bcas pa yi/ /rnam dag gzhal yas khang sprul//de nas bcom ldan bde chen pos/ /dpal ldan gar gyi dbang phyug skus/ /sangs rgyas dkyil 'khor rigs tshogs rnams/ /dga' ba'i sprin gyis bskul bar mdzad/ /bde ba chen po gnyis med mthus/ /rigs kyi dkyil 'khor gcig tu gyur/ /yongs rdzogs gsal ba rgya chen pos//dkyil 'khor rgya chen sprul par mdzad/ /dbus su pad+ma'i rigs rgyal po/ /gtso bo pad+ma rdo rje'i mdangs/ /zhal gsum phyag drug 'jigs byed sku/ /rdo rje dga' ba'i spyan 'dril zhing / /shar la sogs pa'i phyogs kun du/ /bder gshegs rdo rje sems dpa'i mchog /rnam snang rin chen don grub rnams/ /rin chen phyogs kyi mtshon mdangs gsal/ /rdo rje 'khor lo rin chen dang / /ral gri pad+ma sna tshogs dang / /gtso bo pad+ma'i drug mtshan can/ /stong pa'i sgra snyan dril bu g.yon/ /sangs rgyas spyan mdzes mA ma kI//dkar mo dam tshig sgrol ma dag /mdog bzang phyag mtshan gtso bo bzhi/ /sangs rgyas ting 'dzin rdzu 'phrul stobs/ /thabs dang shes rab nyis stong tshogs/ /'khor lo 'bar ba'i rtse mo la/ /rang gi mtshan ma so so'i tshul/ / dmar mdangs dkar dang gser gyi mdog /ni ra ka ta'i mdog 'tsher zhing / /pad+ma rdo rje 'khor lo rin/ /pad+ma tri shUl bcas pa 'dzin/ /g.yas na 'khor lo bzhin/ /rdo rje skyil krung legs brgyan brjid/ /gzhan yang khro bo'i tshogs 'bar ba//phyi rol 'khor lo'i bar khyams dang / /sgo la sogs pa'i 'jigs gzugs kyis/ /rngam pa'i mdangs bcas 'khod pa ni/ /khri tshogs yang sprul mtshon cha dang / /rigs kyi sprul pa'i don byed pa'i/ /khams gsum 'jigs byed khro bo dang / / mkha' 'gro'i dag pa'i tshogs bcas rnams/ /dur khrod rgyan gyis rab mdzes shing / /rigs kyi kha dog mtshon cha dang / /'od zer 'phro ba 'khrigs pa'i tshul/ /gsang sngags drag po brjod mdzad pa'o/ /de ltar dkyil 'khor khro zhi tshogs/ /skad cig gsal bar rdzogs byas nas//phyi yi gnas su spro zhing bya/ /gsang sngags rgyun gyi skal bar byed/ /hU~M a la la ho/ ma hA pad+ma hr-i da ya/ a A o~M AHhU~M/ ma hA pad+ma ku ru/ ha la ha la b+hi sha na hU~M hU~M phaT/ /stong khams sangs rgyas bzhugs pa'i gnas/ /rab 'khrug bred rgyas rmongs pa dag /'bar ba'i dkyil 'khor 'od kyis bder byas shing / /rang gi sangs rgyas zhing la bkod/ /dkyil 'khor gnas su bsdus byas nas/ /rang gi 'khor lo mdzes byas te/ /dbang bskur byin brlabs rdzogs 'gyur nas/ /dbu la rigs kyi bdag pos brgyan//o~M pad+ma kun d+hA li hr-i da ya na bi mu ku ru ha na da ha hU~M phaT/ /gsang sngags kun gyis brjod byas na/ /'jig rten gsum po sdud pa yi/ /pho nya rdo rje kI la ya/ /dregs byed gtso bo dag rengs bya/ /de nas bcom ldan bde chen skus/ / sangs rgyas thams cad bskul ba'i phyir/ /rdo rje se gol lan gsum brdab/ /dam tshig chen po'i sngags chen brjod/ /de bzhin gshegs pa'i rigs tshogs rnams/ /ting 'dzin bsdu ba'i rdo rje las/ /gcig tu gnas nas 'gro ba gzigs/ /dregs byed gtso bo ma rungs rnams//rgyu dang 'bras bu log 'khrul zhing / /sangs rgyas bstan pa log mi 'gyur/ /log pa'i lam la mngon zhen cing / /mngon pa'i nga rgyal mthus bsnyems nas/ /'jig rten gsum dag phung byed na/ /zhi bas 'dul bar mi 'gyur na//khro bo'i rol pa mdzad mod kyi/ /'dul bar gzigs nas bka' gros mdzad/ /kye ma 'dul ba'i tshogs chen dag /'das pa'i dus na sngon byung ltar/ /da lta'i dus 'dir byung ba ste/ /de bzhin gshegs pa'i gsung rab las/ /log pa'i lam du 'khrul pa ste//khro bo'i tshul du byung gyur pa/ /de tshe sems can thams cad kun/ /shin tu khro zhing gtum par 'gyur/ /de ltar gyur pa'i mtshan nyid kyis/ /mnar med la sogs gnas ngan len/ /mi bzad sdug bsngal mtha' la brten/ / ji lta bu yi thabs kyis 'dul/ /shin tu gti mug mdongs pa'i tshogs/ /de bzhin bag chags ngan pa yis/ /rig 'dzin bdun rgyud gcod byed cing / /bstan pa'i gsung rab 'jig par 'gyur/ /las kyi mun pas 'gro ba 'khyams/ /dus ngan rigs ngan phra men ma//gnod byed gdon dang log 'dren dang / /srid gsum 'jig cing dam tshig 'dral/ /'di lta bu yi thabs kyis ni/ /sangs rgyas thugs rje rnam 'phrul bstan/ /nga rgyal chen po mdongs pa yi/ /lta ba ri bo mthu brnyes tshogs/ / da lta'i tshe ni 'di byung 'gyur/ /rgyal ba 'das dus sbyor byed cing / /ji bzhin las la 'khrul bar byed/ /sangs rgyas kun gyi bdag nyid mdzod/ /mngon spyod rol pa'i thabs chen gyis/ /'di dag bstan pa'i dus la bab/ /srid gsum gdug cing gtum pa la//zhi bas phan par mi 'gyur te/ /shes rab thabs kyi ngo bo las/ /khro bo de bzhin gshegs kun mdzad/ /khro bo'i tshul can khros pa yi/ /'jig rten gsum dag sreg byed na/ /sangs rgyas thugs rje khros pa yis/ /khams gsum ma lus smos ci dgos//rang bzhin dag pa'i ngo bo las/ /phrag dog 'khrul pa'i rlung dag gis/ /'jig rten phyin ci log tu 'khyams/ /ji bzhin gnas pa lam bral bas/ /khams gsum brlag pa'i lam la zhugs/ /'jig rten 'di dag snying rje zhing //mngon shes gdul dka'i rmongs tshogs rnams/ /khro bo'i tshogs kyis sbyor bar mdzad/ /zhes bsgrags so/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las rnam par 'phrul pa'i dkyil 'khor bsgral bya'i le'u ste nyi shu pa'o// //de nas bcom ldan dgyes chen pos/ /pad+ma gar gyi dbang phyug skus/ /ma tang ru tra la sogs pas/ /bdud kyi tshogs bcas 'dul ba'i phyir/ /yum chen sku gcig rol mdzad de/ /byang chub sems sprin phyogs bcur spro//dkyil 'khor rnam gsum dkyil 'khor gsal/ /dkyil 'khor 'dus tshogs dkyil 'khor che/ /dkyil 'khor chen po'i bdag nyid che/ /dgyes bcas gar bcas gdan la bzhugs/ /zhal gsum gangs ri mdangs ldan pa//pad+ma gtun shing rtse gsum thogs/ /rin chen rgyan sogs dbu rgyan bcas/ /dkyil 'khor sprul pa'i ting 'dzin gyis/ /snod gcig dus gcig sprul pa mdzad/ /mtha' dang dbus med 'jig rten gnas rnams kun/ /drag po 'thing nag 'bar ba'i gzhal yas khang //'khor lo rtsibs drug bar khyams nyi rim ldan/ /kun du zla kham sgo khyud gru bzhir bcas/ /rin chen 'bar ba'i thod dbyug rgyan dang bcas/ /tshad med ye shes 'khor lo la bsten cing / /'jigs byed khro bo'i rgyan tshogs mang po bklubs//nam mkha'i mtha' mnyam lhun gyis grub pa'i gnas/ /smon lam dbang dang thugs rje'i byin brlabs kyis/ /'jig rten drug dang dus bzhi phyogs bcu na/ /gzugs khams ma lus dbang du bsdu ba na/ /drag po lha brgyad nga rgyal gzhom pa'i phyir//lha chen phyogs skyong tshogs kyis rtsig pa byas/ /sku bzhi dpal brgyad tshang bar bya ba'i phyir/ /rgyal chen rigs bzhi bzung nas ka ba byas/ /theg pa gzhan las 'phags pa'i don/ /glang chen ka la ling gis ka gtan byas/ /gling bzhi'i mi rnams dgos 'dod bskang ba'i phyir//gza' skar mig tshags byas pas 'gyur ldog med/ /'jig rten zil gyis gnon pa'i phyir/ /seng ge ka la sha yis ka zhu byas/ /'khor ba'i gcong rnying gtan nas sbyang ba'i phyir/ /seng ge'i kha nas bdud rtsi'i 'o ma 'dzag /thod rus bar khyams rdo rje'i gzer gyis brgyan//zhing chen rnga yab bla re 'phan gdugs dang / /thugs rje byang sems kun du khyab pa'i phyir/ /nyi zla 'bar ba'i rgyan chas gsal bar ldan/ /sprul pa'i me rlung 'brug gis dus bzhir phye/ /khro bo'i 'byung gnas thugs rje'i sgra dang bcas//rin chen khri dang pad+ma nyi zla gdan/ /gser gyi seng ge spyan gsum pa/ /drug bzhi rtsal 'phags nyi shu brgyad/ /khri rkang brgyad kyis bar khyams dag la gnas/ /thugs rje che bas nyi ma nyi shu brgyad/ /'jigs pa spangs pa'i seng ge nyi shu brgyad/ /sprul sku thob pas dbang mo nyi shu brgyad//kun du 'od kyis la rab gnas pa/ /rin chen khri rkang 'degs pa'i stobs dang ldan/ /mgon gnas dben par gzhan dag gis/ /mthong rkang sbas pa'i chos nyid lung / /phrin las rnam par rdzogs pa'i gnas/ /rigs bzhi khrag 'thung he ru ka /bzhugs gnas mi 'gyur chos kyi sku/ /de nyid kun du 'od kyi lung / /pad+ma le brgan phyogs bcu'i 'od/ /sangs rgyas thams cad bskyed pa'i tshul/ /chags par gyur pa pad+ma ste/ /che ba'am yon tan lung du ston/ /mkha' dbyings rnam dag dri med pas//ma chags pad+ma can gyi lung / /stong zhing gsal bas gzhan gang 'phags/ /nyi zla'i dkyil 'khor brtsegs pa yin/ /seng ge 'khor lo tshogs chen pos/ /thabs dang shes rab ya bral bas/ /spros med rang gis bzlums pa ni/ / ma skyes pa yi chos nyid lung / /'od zer gsal bas 'tsher bas na/ /yang gab sbas pa ye shes lung / /'phro 'du khyab par gyur pa'i tshogs/ /shes rab rigs kyi gsang ba'i yum/ /thabs dang shes rab dgyes pa'i ting 'dzin gyis/ / tshogs chen yongs rdzogs dkyil 'khor chen po ni/ /bdag po khro bo chen po'i sku nyid du/ /gsang sngags 'di yis yongs rdzogs bya/ /o~M pad+ma shrI he ru ka pad+ma kro d+hI shwa ri hU~M/ ma hA tsa Na Da sar+b+ba duSh+Ta na phaT/ /dkyil 'khor bdag po rngam brjid cha lugs dang / /'bar ba'i me 'od dmar gsal 'phro ba'i mdangs//dbu lnga phyogs bzhir las bzhi'i tshul du bzhugs/ /dbu ma mnyam nyid bde ba dbyings su gzigs/ /ral pa'i srid rtse me 'od bzhin du 'bar/ /smin ma khro gnyer sma ra sogs myur ba/ /lus thung sku rgyan gyad kyi cha byad la//lnga'i spyan gyis rang gi yul rnams gzigs/ /rdo rje rin chen khyung gi gshog pas gtams/ /bcu drug rol pa'i spyan dang phyag mtshan dang / /sgeg po'i zhabs brgyad chas dang 'chas par gnas/ /'jig rten gsum po zil gyis gnon pa'i phyir/ / khro bo'i tshogs bcas 'gying bag yum bcas gnon/ /'od zer sna tshogs 'phro ba'i rtse mo la/ /bder gshegs rigs lnga'i snang ba sna tshogs ston/ /rang gi zhing sbyong drag po'i gnas 'dul zhing / /thams cad rigs kyi dkyil 'khor che la dgod/ /phyogs bcu'i rgyal ba'i dkyil 'khor ma lus kyis//yab yum gnyis kyi dga' ba bskyed par mdzad/ /gnas su nyi zla pad dkyil zla ba la/ /sku gsung thugs kyi sa bon yongs rdzogs gsal/ /o~M sarba ta thA ga ta kA ya badzra swa b+hA ba Ata ma kou0f85ha~M/ o~M sarba ta thA ga ta bA ka b adzra swa b+hA ba Ata ma kou0f85ha~M/o~M sarba ta thA ga ta tsit+ta badzra swa b+hA ba At+ma kou0f85ha~M/ 'khor lo 'bar ba'i rtse mo drug rnams la/ /mkha' 'gro'i rgyal mo kham rgya chen mo drug /zhag gcig phyag gnyis 'jigs pa'i cha lugs can/ /rigs drug mtshan ma cha lugs c i lta bu//bud+d+ha badzra o~M/ satwa badzra hU~M/ rat+na badzra trA~M/ pad+ma badzra trI/ karma badzra ha/ g+hu na badzra phaT/ phyi rol dkyil 'khor khyab par spros byas te/ /'gro rnams dud sogs khams rnams dag byas nas/ /rdo rje 'khor lo rin chen pad+mo dang / /ral gri kha T+wA~M rtse gsum dril bu bcas//g.yon pa bdud rtsi thod pa gang ba thogs/ /mkha' 'gro rab gtum rigs kyi dbu rgyan can/ /rang gi phreng ba dur khrod rgyan gyis bklubs/ /las kyi kham rgya sna tshogs gzugs kyis bzhugs/ /dpal chen thugs kyi dkyil 'khor nas/ /long ba rgyab 'brel rgyan rnams rdzogs//sku mdog mtshan ma sna tshogs la/ /phyag sbrel zangs kyi thod pa thogs/ /o~M shrI khA'i o~M shwa ri khA'i/ tra~M/ shrI khA'i a/ dmus long 'khor ba bcu drug dag byung ste/ /thod rus bar khyams gnas su bkod par bya/ / o~M shrI khA'i hU~M/ shrI khA'i hU~M/ lcags kyi spyang mo brgyad rnams yang sprul bcas/ /ye shes sprul pa'i khyi bcu rngam par 'khod/ /me ri sprin ltar gtibs pa ril zhing 'khrugs/ /bar khyams phyi ma'i gnas la kun du 'khod/ /o~M tib ta tsakra shwa na mu mo ra kha~M hU~M phaT/ku ku ra yag+sha hU~M phaT/ /dpal chen thugs kyi dkyil 'khor nas/ /dzaHhU~M ba~M hoH phyag rgya las/ /mgo dgu brtsegs pa'i rkang gcig po/ /mgo brgyad lag brgyad rol pa dang / /mgo drug lag drug rkang drug dang / /mgo gsum rkang gsum lag gsum po//dkyil 'khor chen po sgo bzhi ru/ /tshad med sprul pa'i phyag rgyas rol/ /de dag rol pa'i byin brlabs las/ /steng 'og phyogs mtshams ma lus pa'i/ /thabs dang shes rab byang chub sems/ /me 'brug rlung 'brug phyag rgyas gsal//rab tu rdzogs pa'i tshul du byung / /o~M dzi na la to tsa ra~M yag+sha ku ru ban ts+tsha hU~M phaT/ /gzhan yang sprul pa'i dkyil 'khor tshogs/ /bse yi byan lag dmar po dang / /dung bya khrung khrung la sogs rnams/ /'jig rten tsam pa'i tshogs kyis bskor//o~M ha ha ru ru ma hA tsan+de shwa ri bi sha na ya hUM hUM phaT/ /kun gyi rtsa ba'i sngags so/ /o~M pad+ma bi ta si to he he tsakra b+h+yo phaT/ /snying po'i sngags so/ /o~M hu lu hu lu hU~M phaT/ e a ma ra li hU~M dza/ nye ba'i snying po'o/ /o~M b+h+yo e A ra li dza zhes brjod pas khro bo 'khor lo ma lus par byon zhing //rang gi dkyil 'khor gnyis su med par gyur nas/ /he ru ka chen po nyid kyi dkyil 'khor chen po'i rgyu'i dkyil 'khor du gnas shing / /rang gi dkyil 'khor rnams dam tshig bkod par mdzad do//de nas sprul pa'i 'khor lo tshogs/ /ma lus rol par byin brlabs shing / /bdud dang grags byed rmongs byed cing / /rang gi gnas su 'du bar mdzad/ /o~M hu lu hu lu ra~M dza la e a ra li dzaHhU~M ba~M hoH/ a la la ho/ /o~M ma tra ru tra ha la ha la hU~M phaT/ dug gsum dngos po sbyang ba'i phyir//rngam pa'i khro tshogs phyogs bcur spro/ /khro 'dzum phyag rgya bstan mdzad cing / /he he ru ru'i gsang sngags brjod/ /ha la rdo rje'i gad rgyangs kyis/ /bdud dang srin po la sogs brgyal bar mdzod/ /o~M sarba pa pa ka ra he ta pa byi sha ma ta ru tra hU~M phaT/o~M sarba pa pa he ta ba byi sha kha tang ru tra hU~M phaT/ o~M sarba pa pa ka ra he ta pa byi sha kha tang ru tra hU~M phaT/ dpal chen thugs kyi dkyil 'khor pho nya'i tshogs/ /dpal chen rdo rje thog thog ser chen 'bebs/ /hU~M dang phaT kyis srid gsum 'khor ba 'jig /hU~M dang phaT kyi byin brlabs bsam mi khyab/ /rdo rje khrag 'thung khrag gi rgya mtsho skems/ /rdo rje mtshon cha gnam lcags thu lum 'dril/ /gsang sngags log par lta ba'i bdud rnams 'joms/ /rdo rje ser chen thog bcas 'bar zhing 'khrugs/ /nyams pa'i snying dang dbang po thal bar rlog /ye shes thugs rje a la la/ /o~M ma hA shrI he ru ka b+han+d+ha b+han+d+ha/ gardza gardza/ ha la ha la hU~M phaT/ /de nas bdud dang ru tra bcas/ /rdo rje mtshon chas bsgral bsgral nas/ /'khor gyi longs spyod rol mdzad cing / /sha khrag nang grol bdud rtsi dang //rus rkang dbang por bcas pa la/ /tshogs kyi longs spyod ston mor mdzad/ /kun gyi dgyes pa rdo rje'i glus/ /mthun par sgra dbyangs gcig gis bstod/ /thugs rje rnam dag pad+ma'i rang bzhin las/ /thugs kar la~M las sprul pa'i byang chub sems//phyogs bzhi dbus lngar brjid pa'i sku mchog ni/ /grub pa'i sangs rgyas mkhyen pa'i ye shes lnga/ /dpal lus khyad par 'phags pa zhal gyi dbyings/ /dbang mchog lhun gyis grub pa'i rta skad can/ /thar lam thugs rje thabs mkhas sprul pa yi/ /ye shes byin brlabs khro rgyal 'bum du sprul//smin mdzad smon lam yun grub pa yi/ /dmigs pa'i mtha' bral pad+ma yum gyi tshul/ /chos rnams ma lus gsal bar gzigs pa'o/ /chags med thugs rje pad+ma'i tshul/ /sgra skad thams cad mtha' las grol//zab dang rgyang ring chos kyi don rnams mtshan nyid las/ /shangs kyi rlung sgrom dug gsum rtsad nas chod/ /zhal gyi ha~M la 'brel pas rgyud lnga gcod/ /rno dbal mche ba skye shi rtsad nas gcod/ /le brgan ljags kyi gsung sgra rgya mtshor 'chad/ / rol pa'i phyag gis 'gro ba 'dul la mkhas/ /gshog bzhi bskyod pas phrin las rnam bzhi mdzad/ /zhabs rol pas ni zil gnon mdzad pa'i tshul/ /sku che yan lag rags pa ri bo bzhin/ /thugs mchog ye shes stong nyid nyi ma bdal/ /ye shes lha mchog byin brlabs 'byung ba'i gnas//ngo mtshar rol pas khro bo kun gyi rje/ /dpa' bo sku mchog mnga' la phyag 'tshal bstod/ /de nas bde chen dbang gi skus/ /'khor lo dam tshig sgrogs mdzad cing / /rdo rje gsang ba'i sku gsung thugs/ /gsal bar byin brlabs bskyed par mdzad//o~M AHhU~M sarba pany+tsa a mr-i ta sa ma yo gi sid+d+hi hU~M/ pa ho ka ka ma la su ta sa hU~M/ o~M badzra sa ma ya kro d+ha sa ma ya o~M AHhU~M/ ma hA yo gi tsit+ta ra~M ba rak+ta ma la khA'i khA'i hU~M/ o~M kha kha le la ru lu ru lu hU~M phaT/ i d+ha na sa ma ya a la la ho zhes rdo rje'i glu blangs so//pad+mo gar mdzad do/ /bde ba chen pos mchod pas tshim par 'gyur ro/ /de'i dus na bdud la sogs pa rnams bsgral ba'i tshogs rnams byang chub sems bde ba chen po'i ye shes kyis brgyan te/ /dbang bskur ba'i mthu sogs kyis//bdag po rig 'dzin thams cad kyi bdag po zhes bya bar 'gyur ro/ /dkyil 'khor chen po'i phyi rol du 'khod cing gsang ba'i dkyil 'khor 'dzin par gyur to/ /de'i 'khor rnams kyang dam tshig gi snying po blangs na bran du mdzad par khas blangs so//snying po brjod pa ni/ /ma ma trag sha ru tra ma ma b+h+yo/ slar bsgo ba'i sngags ni/ o~M ru lu ru lu hU~M b+h+yo pad+ma hr-i d+d+ha ru ru hU~M b+h+yo hU~M/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las gsang chen 'dus pa'i le'u ste nyi shu gcig pa'o// //de nas bcom ldan gar dbang gis/ /rigs kyi dkyil 'khor bsdu mdzad nas/ /bdag dang gnyis med rol pa'i mthus/ /khro bo'i rgyal po sku chen dag /sangs rgyas kun gyi sku gsung thugs/ /gsang gsung dam tshig phyag rgya che//dkyil 'khor rgyu yi dam tshig sku/ /bkod pa'i dkyil 'khor mdzes pa'o/ /chos dbyings yon tan 'byung gnas gzhal yas khang / /rgyal ba'i dkyil 'khor rigs kyi cod pan can/ /rigs kyi dbang phyug skye 'gro ma lus sgrol/ /rdo rje bkod pa rgyan gyi dkyil 'khor che//dbang po yul tshogs rigs kyi sku lngar ldan/ /shes rab thabs dang mi gnyis 'du 'bral med/ /dus gsum cig char sgrol bas tshar gsum rgyan/ /khams gsum yongs sgrol mdzad kyi rgyan du che/ /mi gnas mya ngan gsung rab rgya mtsho sgrogs//ma bsgribs ma gsal go 'phang mdzes par mthong / /mi ldog yul sgrol stabs drug mdzes par mgyogs/ /gar yang thogs med byin brlabs shugs dang ldan/ /'tsher skad gdangs snyan ma sring spro ba 'gyed/ /kham dmar ral pa'i dbus nas dbugs 'byung ba//dpral ba zhur po brjid pa'i khyad par dang / /rta mgrin 'od 'bar gsal ba'i khyad par ni/ /don mchog khyad par yon tan rmad du byung / /ljang gu me 'bar rta mgo'i rang bzhin ni/ /'gyur med ye shes ji bzhin gsal/ / byams pa'i mdangs kyis khams gsum khyad par gzigs/ /rdog ma le brgan 'bar ba'i khyad par mchog /stug po bkod sogs zhing khams rab 'byam na/ /rdul gcig steng na rdul snyed khro bo kun/ /zhing khams gsum dag ma lus dbang du sdud/ /shes rab thabs su 'brel pa'i rta skad ni//grub pa'i dpal tshogs tshangs pa'i rta dbyangs yin/ /dang po'i gdangs kyis rgyal ba'i zhing khams sgrogs/ /gdangs skad gnyis pa ri rab rtse la 'tsher/ /gsung snyan gdangs gsum snyan pa'i khyad par ni/ /bcu drug slad ma'i ngan rtog thar lam ston//spyan mig glog ltar 'gyu ba cher 'phags shing / /sha khrag rlon pa za ba'i srin po 'joms/ /'tsher can yid la gdung ba'i rta skad ni/ /mun mthu'i 'gro ba ma lus gsal bar mdzad/ /rgyu dbyings grangs dang gzigs thabs rtog pa'i don/ / hU~M las dpal chen khro bo'i dkyil 'khor bskyed/ /gnas ni sna yi dbugs dro ba lags/ /phyag rgya'i dkyil 'khor rnam par 'phrul pa 'byung / /shangs kyi rlung sgrom yangs pas ye shes srog /gsang ba'i tshub mas sdug bsngal snying nas 'byin/ /rgya chen sprul pas bag chags tshar gcod de//'khor ba'i rgya mtsho lugs las bzlogs pa yi/ /rigs kyi rlung gis dug lnga dbyings su sgrol/ /zlum dkar gzangs rno dbal tshems/ /zhal du bdar ba'i byang chub sems/ /ma skyes chos nyid kun la rol/ /zhi rgyas dbang sdud drag po yi//cir yang 'gyur ba'i hom khung ste/ /las lnga 'brel ba'i zhal zhes bya/ /'khor ba yongs su smin pa dang / /las nyon mongs dbang btsan dang / /skye ba mi skye lung ma bstan/ /de smin mdzad pa chen po yi/ /'jog ldog cir yang gyur pa dang //rjod byed gnyis ka'i bstan gyur nas/ /'byar zhing bskyod pas ljags nyid do/ /yig 'bru'i rgyu nyid bder gshegs thugs/ /rdo rje myu gu ting 'dzin thugs/ /'od nyid nyon mongs rnam dag 'joms/ /rig byed ye shes phyag rgya dang / / yig 'bru sa bon phyag rgya dang / /yon tan rdzogs pa'i phyag rgya'o/ /srid pa gsum ste lta ba dang / /rgyud dang las kyi rim pa'o/ /de phyir ye shes rol pa'i dbyings/ /snying po phyag mtshan phya mo dag /bstan par gyur nas mkha' yi dbyings/ /chos sku chu yi zla ba bzhin//sna tshogs snang la rang bzhin med/ /dur khrod chen po'i gnas kun du/ /gar gyi dbang phyug rnam par rol/ /shar du rol pa'i phyag bzhi mtshan ma ni/ /khro chen snying 'byin kha T+wAM 'bar ba dang / /rdo rje lcags kyu sbrul gyi zhags pas rol/ /de bzhin lho la sogs pa'i phyag kyang bzhi//thod pa khrag bkang rdo rje lu gu rgyud/ /rdo rje be con thod rlon 'dzin par rol/ /me yi zhags pa dag dang khyung gi khra/ /sdigs 'dzub rtse la ye shes 'bar/ /rdo rje kha T+wAM ga ni rab tu 'khrol/ /rdo rje rtse dgu rtse lnga gdengs pa dang / / rtse gsum rtse gcig 'bar ba gsor zhing brdeg /ye nas ma skyes dang ba'i cho 'phrul ston/ /ye shes lnga yi yon tan khyad par ni/ /rin chen dra ba sangs rgyas stong gis brgyan/ /klu rgyal nag po 'dra ba'i thabs shes kyis/ /rtse ba rnam thar sgo gsum sku gsung thugs//sprul pa'i don mdzad dkyil 'khor sna tshogs ston/ /gsang ba'i yum bzhis sku la 'khril byed cing / /byang chub sems bzhi de nyid ston par byed/ /rdo rje dra bas rin chen glog 'gyu ba/ /khyung gshog a mo theb gshog sder mo can/ / sangs rgyas stong rtsa gnyis kyi thugs rje shar/ /thabs kyi rnam par 'phrul pas g.yas nas brkyang / /srid gsum ma rig mun pa sel byed pa'i/ /shes rab zla stong rtsa gnyis g.yon nas khyab/ /thabs dang shes rab 'brel pa'i byin brlabs che/ /sprul pa 'phros pas dug gsum rgyun mi 'chad//sna tshogs rol pa'i phyag rgya zhes pa yi/ /phrin las brgyad kyis bdag nyid sku che ba'i/ /dpa' bo stag gis steng phyogs 'dul zhabs brgyad/ /rgya bye'u lcags kyis shar lho'i zhabs brgyad de/ /rdo rje 'chol bas lho yi phyogs na brjid//bse khrab smug pos lho nub rkang pa brkyang / /sna tshogs brjid pas byang shar mtshams su gyon/ /shu kan dar gyis byang shar zhabs mdzes shing / /mche ba dmar pos nub byang brgyangs pa'i gdan/ /sbrul nag 'khril pa'i zhabs kyis 'og phyogs 'dul bar mdzad//khro brgyad gnon cing gzir bas zhabs brdebs shing / /dug chen bcom zhing sgal tshigs gnon/ /brang gnon ldan pa 'jom zhing 'jigs mdzad dang / /'khor gyi sku la sbas pas ye shes gsal/ /sku nyid 'khor la sbas pas dbyings kyis brgyan//thugs rje rol pas gzhal yas khang du bstan/ /phrin las rol pas hU~M mdzad hU~M gis brgyan/ /sa bcu zil gnon stobs bcu'i dbang dang ldan/ /de nas gar gyi dbang phyug che/ /dam tshig gar gyi byin brlabs kyis/ /rgyun gyi ting 'dzin la gnas nas//yum chen gzi ldan dgyes par mdzad/ /dam tshig chen po'i phyag rgya ni/ /mnyes mdzad gzi ldan dbang phyug ma/ /ji snyed bud med sna tshogs dang / /gsung gi rdo rje mi smad do/ /gtso bo rab tu gdungs pa la/ /rab tu smra bar gang byed pa/ /sgeg pa'i tshig gis brgyan nas su//sri zhu'i sems kyis gdungs pa la/ /ye shes tshogs kyis rab bskor ba'i/ /lha mo'i tshogs rnams bskor byas te/ /rang gi phyag rgya'i dkyil 'khor du/ /gnyis med mnyam pa'i rgya gzhi gdab/ /byang chub sems tshogs gsal ba'i rgyun//thim pa'i dkyil 'khor don chen gsal/ /dbyings phyug sprul tshogs bsam yas dag /nges pa'i ye shes rol pa'i sku/ /stong gsum dbang por gdon mi za/ /'jig rten gsum gyi 'byung gnas mchog /dus gsum kun gyi gnas dang rten//phyogs bcu dkyil 'khor thams cad na/ /dam tshig chen po de nyid mang / /phyi nang gsang ba'i mthar phyin pa/ /thams cad pad+mo rnam dag pas/ /cho 'phrul rnam kun de bzhin nyid/ /thugs rje chags pa'i phrin las kyis/ /dbang drag phrin las gnod sbyin gnas//gnyis med 'bar bas thams cad sreg /las dang bag chags sgrib sogs kun/ /gnas nas gshegs mdzad ye shes tshogs/ /lhun gyis dang bas kun du 'joms/ /snyigs ma lnga brgya dus kyi mtha'/ /srid gsum sems can 'dul dka' ba//'phro 'du 'khyil ba'i 'od mdangs mdzad/ /'jig rten mkhyen dang mya ngan 'das/ /gnyis med thugs kyis sa le mkhyen/ /de ltar dgongs pa'i khyad par de/ /'gro ba mtha' dag 'dul don du/ /rnam par thar pa dbu gsum bstan/ g.yas dkar g.yon dmar dbus mthing ga /ye shes drug gi phyag mtshan ni/ /g.yas pas rdo rje rde'u chung dang / /mdung rtse gsum pa 'dzin pas rol/ /dril bu rgyu zhags thod rlon g.yon/ /bskal pa'i me ri sbrul zhags dang / /thod rlon phreng ba rgyan du byas//sgeg pa dpa' bo 'jigs su rung / /dgod dang gshe dang 'jigs par byed/ /snying rje rngam dang zhi ba'i sku/ /sku gsung thugs kyi gar thabs can/ /'jigs byed khro bo rnam par rgyal/ /skye ba med pa'i chos dbyings su/ /mtshan ma med pa'i chos bshad pas//chos kyi dbyings kyi ye shes rgyal/ /longs sku mtshan dang dpe byad kyis/ /mi 'jigs stobs mchog gdan stengs na/ /sangs rgyas zhing khams thams cad du/ /zab mo rgya chen chos ma bstan/ /dngos dang dngos med gsal byed pas//me long lta bu'i ye shes dang / /sprul pa 'gro mang don gyi phyir/ /phal mang bkod pa'i sa rnams su/ /dngos po mtshan ma rnam 'phrul gyis/ /bya ba grub pa'i ye shes tshogs/ /thams cad mtshan ma nam mkha'i dngos/ /de nyid sgro btags chos dang bral//kun ldan byams sems de kho na/ /rang bzhin dag pa dri ma med/ /he ru ka yi bde chen dbyings/ /chos rnams kun gyi rgyu yin de/ /'od gsal ba yi gnas 'jug pas/ /rnal 'byor chen po zhes bya bshad/ /de bzhin gshegs pa thams cad kyi dgongs pa gsang ba dpal rta mchog rol pa'i rgyud las/dkyil 'khor rgyu'i don phyung ba'i le'u ste nyi shu gnyis pa'o// //de nas bcom ldan dpal gyi skus/ /gar gyi dbang phyug lhun grub mchog /thugs rje brjid pa'i stobs ldan pas//yon tan khyad par bstan pa'i phyir/ /nam mkha'i ri mo phyag rgya'i rngom/ /cir yang 'gyur ba'i bzhugs pa'i rngom/ /zil gyis gnon pa'i gnas mchog rngom/ /tsham ngam chen po'i stang stabs rngom/ /sku mdog brgyad kyis brjid pa'i mchog /phyag rgya'i don dang ldan pa'i sku/ /ha~M lnga 'brel par gyur pa'i zhal/ /zla kham cir yang 'gyur ba'i ljags/ /skye shi rtsad nas gcod pa'i tshems/ /rnam pa'i 'brug ltar sgrogs pa'i dbyangs/ /ting 'dzin nam mkha'i skar tshogs bzhin/ / phrin las rgya mtsho rlabs tshogs ltar/ /byin brlabs cho 'phrul sprin phung tshogs/ /mdzad pa'i rol mo gar thabs rngam/ /bdud dang srin mo 'dzoms byed rnams/ /khams gsum zil gyis gnon pa'i gdan/ /stong gsum dus gcig bsgral ba'i zhing / / rtog pa 'joms pa'i brtul zhugs mchog /sku gsung thugs mchog yon tan ni/ /rngom brjid sum cu rtsa drug mnga'/ /rgya chen yan lag rags pas brjid/ /grangs ma rkyen dang 'tsham pas brjid/ /bkur gshog gtso bo mthong bas brjid/ /khyad zhugs bla ma yin pas brjid//gdangs chen stong gsum gang bas brjid/ /gsal bas mtha' gnyis yangs pas brjid/ /thugs rje thugs dam mthar phyin brjid/ /ma rmongs thabs kyis 'dul bas brjid/ /ma 'gags sa le mkhyen pas brjid//med la zad mi shes pas brjid/ /gcig la 'dod dgur sgyur bas brjid/ /gnod sbyin pham par mdzad pas brjid/ /thabs mkhas skyon gyis ma gos brjid/ /rims bral nyam thag rol pas brjid/ / 'khor ba yun mgon mdzad brjid/ /cig char zil gyis gnon pas brjid/ /bya ba'i ye shes rdzogs pas brjid/ /sku gsung yon tan phrin las thugs/ /zil gnon nga rgyal bcag par bya/ /de su ro yi nang nas ni/ /glog 'gyu lce ni lan gsum 'byung //so 'am sen mo gcad par bya/ /de nyid ral gri bzang por 'gyur/ /rnal 'byor pa yi grangs bzhin dbyung / /de thogs nam mkha' la song nas/ /rig pa 'dzin pa'i sngags brjod bya/ /o~M b+hU ru na ra sa ma ta ya hU~M phaT/ /gar gyi dbang phyug nga rgyal gyis//gang 'dod gnas su 'gro bya zhing / /dregs byed tshogs rnams zil gnon te/ /brtul zhugs spyod pas glu blang zhing / /brtul zhugs spyod pa sna tshogs pas/ /yud tsam gcig la gnas su dag par byed/ /bcom ldan pad+ma he ru ka'i//sku gsung thugs kyi dkyil 'khor ni/ /ji ltar sprul zhing cir yang snang / /mtshan nyid gcig tu ma nges pas/ /sku gsung thugs sprul bsam yas che/ /rang bzhin las dang yon tan gyi/ /byin brlabs ya mtshan sgrib med gsal/ /khams gsum kun las rtsal 'phags shing //rang gi dkyil 'khor rnam gsal las/ /byin brlabs 'gro la rgya cher ston/ /chos dang longs spyod rdzogs pa dang / /sprul sku sna tshogs 'dul ba'o/ /tshig gi gsung rab rig pa'i gsung / /bzhi la sum cu drug gis brjid//dug gsum sku gsung thugs kyis sbyangs/ /dug lnga bde ba chen pos spyad/ /dbyings las ye shes rol pa'i mthus/ /skye 'gro ma lus rgyas btab nas/ /rang bzhin dag pa'i dbyings su sbyong / /rgyal ba gang gi thugs rjes kyang / /'di la skyabs su yod ma yin//srid pa gsum du dag byas nas/ /srid pa'i phyag rgyas phyag rgya gsang bas 'debs/ /thig le chos sku rig pa'i mchog /gar gyi dbang phyug zhes su bsngags/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las/khro bo rngom brjid ston pa'i le'u ste nyer gsum pa'o// //de nas 'khor gyi gtso bo mchog /gsang ba'i bdag po la sogs pas/ /yang dang yang du phyag 'tshal lo/ /mchod pa rgya chen phul byas te/ /'gro ba brtse ba'i sems can las//bsgrub pa'i rim pa zhu bar mdzad/ /bcom ldan dngos grub kun gyi bdag /gdul bya kun gyi don gyi phyir/ /thun mong dngos grub ji lta bur/ /de bzhin mchog gi dngos grub dag /bsgrub par bya ba'i thabs ni gang / /las kyi cho ga ci lta bur/ / yan lag tshogs pa'i ldan byas nas/ /tshe 'di mchog tu gyur ram ci/ /thabs mang cho ga bshad par bya/ /de nas bcom ldan 'das kyi dbang / /rang gi dkyil 'khor gnas bzhugs te/ /ma 'ongs 'gro la phan pa'i phyir/ /sku gsung thugs kyi sbyor ba las//ngo mtshar 'phrul pa 'di gsungs so/ /rgyal ba kun gyi dam tshig che/ /rnam gsum phyag rgya la gnas nas/ /las kyi dngos grub bsgrub pa ni/ /gnas bzang dag tu brtsam par bya/ /phyag rgya'i grogs la brten pa na/ /bzlas brjod yan lag ma nyams par//gsang sngags yi ge bcu bzhi pa/ /sum 'bum dag tu brjod byas nas/ /rol pa mtshan ma bsgrub pa'i phyir/ /mchog chen mtshan ma mnyams pa/ /rab brtags dur khrod gnas nas blangs/ /khro bo chen po'i tsham ngam gyis/ /yungs kar thal ba la sogs pas//sum b+ha ni yi sngags brjod cing / /gshin rje bskrad par bya/ /de nas dri zhim sbyar ba yi/ /dag byed chu yis legs bkrus te/ /me tog phreng sogs rgyan gyis brgyan/ /gsung gi phyag rgya byin brlabs shing / /dpa' bos rang gi khyim du blang //glu drug dbyangs drug bcas pa yis/ /khro rgyal rol ba'i bro yis sbyangs/ /bsgrub pa'i dkyil 'khor nyams dga'i mchog /rgya khyon 'dom gang khru yis bstod/ /ci bzhin la sogs cho ga bzhin/ /rdzas dang sa gzhi dag bya zhing //sa bon gnas pa'i las rdzogs nas/ /bsrung zhing dkyil 'khor bri bar bya/ /yab yum bsgrub pa'i grogs bcas rnams/ /dkyil 'khor phyogs bzhir gnas bzung ste/ /mchog chen dkyil 'khor kha ru bzhag /bsrung ba'i 'khor lo legs ldan pas//stong nyid ting 'dzin nas brtsams te/ /dkyil 'khor mnyes sogs rdzogs byas nas/ /ro langs dgug cing gzhug bya ste/ /bar chad med par bzlas brjod bya/ /o~M bi ra na trag sha ta ha la ta'i lo ma ta ya man ta tsan tra hU~M phaT/ ting 'dzin 'od zer gsal ba'i rgyun/ /zur ma chag par brjod byas te/ /'bum tsho gcig gis g.yo 'gyur zhing / /gnyis kyis 'od dang bcas par snang / /'bum phrag gsum gyis sgra bstan zhing / /langs te kun du lta bar byed/ /de tshe rnal 'byor dbang po yis//skra nas bzung nas bsgyel byas la/ /rta mchog sngags kyis dbang du bya/ /rdo rje khyung gshog phyag rgya yis/ /don gyi gsung gis go bar spyod pas bro yang brdung / /ting 'dzin sngags dang yan lag rnams/ /ma bral rang gi gnas 'ongs te//dkyil 'khor mtha' ma bskor byas nas/ /mchod pa bro glu dang bcas pas/ /lha rnams mnyes pa'i cho ga bya/ /de nas brtul zhugs chen po yis/ /go la lang g+ha gnon pa yis/ /bro la sogs pa rdzogs byas nas/ /ro de gser du gyur ba yin//de ni mchod dang sbyin pa dang / /rang la dgos pa'i yo byad bya/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las/ ro langs bsgrub pa bstan pa'i le'u ste nyi shu bzhi pa'o// //de nas gar gyi dbang phyug gis//gzi ldan yum dang rol mdzad cing / /'khor gyis zhus pa'i tshig gsan nas/ /thun mong dngos grub bzang po nyid/ /ma 'ongs 'gro la phan gdags phyir/ /rim pa bzhin du phan gdags mdzad/ /dbang thob dam tshig la gnas pas//yid mthun gnas mchog bzang po ru/ /mig sman sbyor ba bsgrub byas te/ /byin brlabs ldan pas 'gro don byas/ /rang gi ting 'dzin la gnas pas/ /rang gi gsang sngags 'bum rdzogs nas/ /mtshan ma phra mo mthong ba dang / /bsgrub pa'i dkyil 'khor brtsam par bya//dkyil 'khor gang yang rung ba yi/ /phyag rgya gsang sngags ting 'dzin ldan/ /rin chen sngags kyi bzlas brjod ni/ /'bum phrag gsum du gsung bar bya/ /o~M pad+ma ma tsa ga hru a la sa ma ra si ti yo na hU~M phaT/ dkyil 'khor gnas kyi rtags mthong nas/ /grong mtha'i gnas su 'gro byas te/ /sus kyang ma mthong mtshan mo rung / /lha 'dre gtum po'i grong du bsdad/ /rang gi 'khor gyi tshogs rnams kyis/ /mi rgod btsan 'brang bsrung bar bya/ /der ni b+han d+ha mtshan ldan du//gzi chen mar ni bltas nas su/ /mtshan gcig yal bar sngags bzlas shing / /ting 'dzin ma nyams sbyor ba byas/ /skya rengs dang po 'char dus su/ /dud pas bdugs te bcang bar bya/ /glu dang bro yi brtul zhugs dang / /lha rnams kun gyi stang stabs kyis//gnas de'i bdag po dbang du sdud/ /rig pa 'dzin pa'i sngags ldan pas/ /slar nyid mig sman shas gcig byug /de nas 'khor gyi tshogs bsgo zhing / /skye 'gro kun la gsang bar bya/ /pad+ma bsgrub pa'i an rdza lis/ /ci 'dod dngos po mthong bar 'gyur//gzhan yang ril bu'i sgrub thabs ni/ /bdud rtsi lnga las 'byung ba yi/ /rdzas dag sha lnga dang bsres te/ /thod pa mtshan ldan nang bzhag nas/ /dkyil 'khor rgyan dang ldan gnas su/ /thabs dang shes rab ldan gnas su/ /gar gyi dbang phyug sku bsgoms shing //yi ge bcu bzhi gsang sngags kyis/ /'bum phrag gsum du bzlas byas te/ /mtshan ma phra mo mthong ba dang / /bdud rtsi gong bu bsgril byas te/ /rgya shug 'bras bu'i tshad tsam du/ /rin chen za ma tog tu gzhug /dkyil 'khor de yi dbus bzhag pas//bsrung ba'i tsa kras bsrung bya zhing / /rig pa 'dzin pa'i gsang sngags ni/ /'bum phrag lnga ru brjod par bya/ /'od zer lcags kyu 'byung bar 'gyur/ /o~M ma hA pad+ma sa~M bo ta hu lu hu lu hU~M phaT swA hA/ de nas ril bu de blangs te/ /kha'am lag tu bzung byas nas//gang 'dod gnas su 'gro byed cing / /ci 'dod pa dag grub par byed/ /lha yi gnas mchog nyams dga' bas/ /snga dro gcig gis 'khor bar nus/ /gzhan yang bcud len bzang po nyid/ /skyes bu gang gis bsgrub 'dod pas/ /bdud rtsi rgyal po a ru ra//gser gyi mdog tu 'dug pas mchog /nyi shu rtsa gcig ra bor sba/ /sul rangs rgyas par gyur pa dang / /ba gcin phur mo thal ba dang / /ser skya'i ba mar btso bar bya/ /de nyid sbrang rtsi dang sbyar bas/ /nyi shu rtsa gcig zhag gi bar/ / zho re'i tshad du bskyed cing bza'/ /dkyil 'khor gsang ba la brten nas/ /gar gyi dbang phyug skur bsgoms shing / /rig 'dzin pa yi sngags brjod cing / /mtshan rtags gsal bar ma mthong bar/ /yan lag ma nyams brtson 'grus bskyed/ /o~M pad+mo bi ha ra ha ra ta sa ni hU~M phaT swA hA//gsang sngags sum 'bum ma rdzogs par/ /a ru ra yi 'bras bzang stong gi tshad/ /legs par sbyar te zos pa'i mthus/ /nad dang zug rngu'i tshogs 'joms shing / /tshe ring bde ba phun sum tshogs/ /rgas la sogs pa'i skyon sel cing //rig 'dzin gnas su 'gro bar byed/ /de bzhin dbang po'i lag pa dang / /kha ra bu ram nye shing dang / /zur rngul mu zil sogs pas/ /rang gi cho ga shes pa yis/ /rig pa 'dzin pa'i sngags kyis 'grub/ /gar dbang dkyil 'khor la ni brten byas te//so sor mnyams sbyangs pa'i sa/ /ba yi 'o ma dang sbyar zhing / /ba yi mar gyis gzungs btab nas/ /mtshan ma ma byung bar du gzhag /de ni rig 'dzin dngos grub thob/ /o~M pad+mo i dra dra a he de bi na hU~M phaT/ o~M pad+mar rgya a gar ta dar sha hU~M phaT/ o~M pad+mo sa mon bi sha le hU~M phaT/ o~M g+hu li sa bo tam go ra na hU~M phaT/ o~M pad+mo me sha a nan da ta ya ka ra hU~M phaT/ de dag las rnams 'grub pa dang / /rtag tu rang gis 'char byas shing / /gsang ba'i sngags lam la brten nas//tshe 'di grub par gyur pa yin/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud las/ thun mong gi dngos grub bsgrub pa'i le'u ste nyer lnga pa'o// //de nas gar gyi dbang phyug nyid/ / phyag rgya rol pa'i skur bcas kyis/ /snod ldan byang chub sems dpa' dag /mchog gi dngos grub skyed byed pa'i/ /rig 'dzin gnas kyi mtshan nyid bshad/ /dmar po dbang gi dkyil 'khor du/ /b+han d+ha mtshan dang ldan pa brgyad/ /pad+ma'i 'dab ma la bkram nas//tshe 'das sngags kyis brgyan par bya/ /de ni bza' btung longs spyod tshogs/ /ma nyams phun sum tshogs par spyad/ /gar dbang lha la mos pa yis/ /gsang sngags rgyal po rjod byed cing / /sum 'bum bzlas pa'i grangs tshad nas/ /mtha' sngags gzhan gyis brgyan byas te//rtags mthong bar du bzlas brjod brtsam/ /o~M a su sha o~M a yu sha so ta bru~M/ /'od zer du ba lta bu dang / /phyag rgya'i dbyings dang 'byung ba'i dus/ /bro drug glu dang gar bcas pas/ /brtul zhugs chen po bdud rtsi spyad/ /sku gsung thugs mchog phyag rgya che//gsang ba'i yum bskyed snying po mchog /oM e ka te bi ga te ma tang ka te swA hA/ /ma nyams nyams pa'i phyag rgyar gsal/ /gnyis su med par sbyor ba yis/ /rdo rje pad+mor ldan byas pas/ /thabs kyi phyag rgya'i cho 'phrul la/ / gzi ldan gsang ba e gru gsum/ /nyi ma pad+ma shes rab ldan/ /so so gsal ba'i brdas mtshon te/ /o~M bru~M pad+ma A yu she/ /byin brlabs rnam par 'phro ba yis/ /phyogs bcu'i sangs rgyas thugs bskul zhing / /byang chub sems mchog tshe yi rgyun//sgrub pa po la gsal bar mdzad/ /pad 'dab brgyad pa nyi mar bcas/ /dbus su gsang ba'i rdo rje che/ /hU~M gis gsor zhing a yis bskyod/ /yang dang yang du bskul ba ni/ /sku gsung dbyings su gyur pa'o/ /de la byang chub sems mchog rgyun//b+han d+ha mtshan ldan nang du bcug /rnal 'byor gar dang legs bcas pas/ /bkra shis tshigs bcad glu blang zhing / /bkra shis gar dang dbyangs su bcas/ /longs spyod ston mo kun gsol zhing / /dngos grub don phyir gsol ba gdab/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las tshe bsgrub pa'i le'u ste nyer drug pa'o// //de nas gar gyi lha mchog gis/ /thams cad bdud rtsir byin brlabs nas/ /phyi nang snod bcud ma lus kun/ / rigs lnga'i sku ru bsgrub pa'i phyir/ /rang las byung ba'i rang bzhin dang / /dngos grub snying po kun bsdus bshad/ /chos rnams ma lus rnams brtags nas/ /rigs lnga'i dkyil 'khor tshul du gnas/ /de las 'byung ba'i dngos rnams kyis/ /de nyid lta bur sbyor ba bya//dang por bsod nams tshogs bsags shing / /rdo rje bla ma mnyes byas pas/ /phun sum tshogs pa'i gnas dag tu/ /lha nyid nye bar bsgoms byas pas/ /dkyil 'khor chen po brtsam par bya/ /rigs kyi lha yi dkyil 'khor gyis/ /rigs kyi phyag rgya bsgrub par bya//dri dbyibs kha dog ro la sogs/ /sha lnga bdud rtsir bcas pa dag /b+han d+ha mtshan ldan lnga ru ni/ /dkyil 'khor 'khor dang phyogs bzhir dgram/ /rdo rje bkod pa'i dkyil 'khor gyis/ /so sor spang ba sbyang byas te/ /phyag rgya sngags dang ting 'dzin mthus//rigs kyi dkyil 'khor mngon par bsgrub/ /mchod cing mnyes par byas nas ni/ /las kun grub pa'i gsang sngags brjod/ /o~M pad+mo badzra hri g+hu na sid+hi sarba pany+tsa a mr-i ta/ o~M AHhU~M swA hA/ de la 'od dang du ba dang / /dri dang lha mo rtags dag ni//bzlas brjod thun mong khyad par dag /'bum tsho gsum gyis 'grub par 'gyur/ /de nas grub pa'i rtags mthong nas/ /de dag btag tsam sbyang bya zhing / /mkha' 'gro rol pa'i brtul zhugs kyis/ /bsod nams sbyang zhing byin gyis brlabs//dkyil 'khor bkod pa rgyan dang bcas/ /khro bo 'bar bar zhal sgyur zhing / /yab yum gdung ba'i glu dbyangs dang / /byang chub sems dpa' 'phro 'du yis/ /dkyil 'khor dbus kyi gnas bzhugs par/ /bdud kyi gar gyi dbang phyug bskyed/ /slar nyid khro bo dkyil 'khor gyis//gzugs 'dul gtso bo'i thugs kar zhugs/ /ye shes dkyil 'khor kun bkug nas/ /dam tshig bdud rtsi gnyis med 'gyur/ /slar 'byung pad+mo'i rgyal po'i sku/ /dbus kyi dkyil 'khor gdan la bzhugs/ /mchod bstod dga' bas mnyes byas nas//bro gar glu yis thugs dam bskang / /khyad par gsang sngags rgyal po'i mthus/ /ye shes lngar ldan 'od zer can/ /o~M ma hA sarba ta thA ga ta pany+tsa a mr-i ta ru lu ru lu hU~M phaT swA hA/ ji srid mtshan ma ma byung bar/ /sngags kyi rgyal po brjod par bya//de nas rta mgrin phyag rgya yis/ /sgrub pa chen po gsang ba'i don/ /rdo rje rta mchog phyag rgya che/ /bdud rtsi rdzas kyis dbang bskur zhing / /rnal 'byor grogs bcas tshim par bya/ /phyogs rnams kun nas gdungs ba'i glus/ /dkyil 'khor lha dang bla ma mchod//dngos grub gsol ba'i tshig brjod cing / /dga' ba'i longs spyod rgya cher bya/ /lha rnams kun la dgyes 'dul zhing / /dam med dbang po sngags kyis bskrad/ /bdud rtsi gtor bas lus rlag 'gyur/ /rang gi ye shes las las skyes//de nas las mdzad srung ma dang / /mgron tshogs gtor mas mnyes byas te/ /bsod nams ye shes tshogs chen po/ /rab tshogs 'gro ba'i don phyir bsngo/ /de bzhin gshegs pa thams cad kyi dgongs pa dpal rta mchog rol pa'i rgyud chen po las bdud rtsi bsgrub pa'i le'u ste nyi shu bdun pa'o// //de nas rta mchog rol pa'i sku dbus su/ /dkyil 'khor dbus su dgyes tshul gyis/ /'gro rnams kun la bskul mdzad cing / /phrin las gsang ba'i don bshad mdzad/ /bsam gtan las kyis 'byung ba yi//zhi rgyas dbang drag mngon spyod dang / /mnan bzlog rengs dang bsad la sogs/ /ting 'dzin gsal nas goms pa'i mthus/ /bdag dang gzhan don las la sbyar/ /zhi ba zhi ba'i yi ge ste/ /bsgrub bya zla dkyil la bzhag nas/ /rnam par snang mdzad 'od sngags kyis//dus gsum lha dang mngon sbyar zhing / /byang chub sems kyi bde bskyed de/ /zug rngu rtog pa rnam par sel/ /yun goms par bstan pa'i mthus/ /me 'bar gnas kyang zhi bar nus/ /rgyas la rgyas pa'i gzugs bgyis te//rin chen 'byung ldan la 'byung ba'i/ /'khor los sgyur rgyal cha lugs kyis/ /ser po 'od dpung 'bar ba brjid/ /rang gi btsun mo'i tshogs dang bcas/ /bder gshegs byin brlabs kun bsdus shing / /sku gsung thugs kyi yon tan dang / / phrin las sgo nas brtsam par mdzad/ /sngags dang 'od zer gsang ba yis/ /rin chen sna bdun gser la sogs/ /mkha' mdzod char sprin bzhin du 'bebs/ /tshogs rnams rang gis longs spyod cing / /'gro rnams gzhan la sbyin par byed/ /thabs dang dbang du bsdus phyir ro//'od dpung dmar po mtha' yas sa sku/ /pad+ma'i dkyil 'khor dbus bzhugs shing / /chags pa chen pos 'gro 'dul ba/ /rigs kyi ting 'dzin sngags kyi mthus/ /lha tshogs 'gro rnams dbang sdud cing / /'khor bcas dang bar gyur pa yin//gang zhig sdang ba'i sems yod pa/ /'phrad pa bzhin rgyas chags par 'gyur/ /gang zhig gsad pa'i las grub mdzod/ /de ni mthing nag las kyi khro bo'i ting 'dzin las/ /khro bo sprul pa'i 'phro 'du yis/ /bsgrub bya dang phra zhing dgug pa/ / me yi dkyil 'khor la gzhag ste/ /shin tu ma rungs mtshon char ldan/ /dkon mchog gsum la sngo byed cing / /skye bo yongs la 'tshe ba dang / /slob dpon kun la bsngo ba dang / /sangs rgyas thugs rjes bzod mi mdzad/ /las kyi khro bo sna tshogs kyis/ / mtshon cha me 'od 'bar 'phros nas/ /sdig pa can de bsgral mdzad cing / /bya khyi ce spyang sha za dang / /khrag 'thung mang po 'dus pa yis/ /bstod pa'i tshul du rol zhing dgyes/ /til tsam med par zos pa dang / /sems nyid bde ba chen po'i gnas/ /de dag ting 'dzin gsang sngags dang //dkyil 'khor so so'i rnam pa bsgrub/ /o~M b+hU ta tsakra sam ba ga ti lo tsA na che ge mo shIn+taM ku ru swA hA/ o~M rat+na sa~M b+ha gu ru ma ma ki che ge mo puSh+TiM ku ru swA hA/ o~M yA mi te sa ra ba ra ho che ge mo pa sha~M ku ru swA hA/ o~M karma san+ti ba krota ni che ge mo hA yA swA hA/rang gi dkyil 'khor gnas bzang po/ /rang gi dkyil 'khor la gnas te/ /sngags dang ting 'dzin sbyor ba'i mthus/ /cho ga mngon du 'grub par byed/ /gzhan yang rmongs dang rengs pa dang / /dbye zhing dgug dang bskrad pa dang //gnon la sogs pa'i las rnams kyang / /rang gi lta ba'i sbyor ba yis/ /bsam gtan sngags kyis 'grub par 'gyur/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las bsam gtan gyi sbyor ba'i rim pa ste nyer brgyad pa'o// //de nas sbyor ba'i rgyal po dang / /phrin las kun gyi mchog gyur pa'o/ /rdzas rnams rten pa'i mtshan ma nyid/ /'dong 'dod 'bras bu sgrub byed pa'o/ /gar gyi dbang phyug phyag rgya'i sku/ / rnam spro lha yi dkyil 'khor gyis/ /so so'i 'dod don sgrub par byed/ /rdo rje tsakra rin chen dang / /pad+ma rgya gram la sogs te/ /las kun lha yi nga rgyal gyis/ /mtshan rtags ma byung bar du bsgrub/ /gzugs brnyan dkyil 'khor gzhir bzhag nas//lha yi dkyil 'khor sgrub byed cing / /mtshan ma'i rdzas la brten byas te/ /brten par mchod cing mnyes pa dang / /las kun pa yi gsang sngags brjod/ /o~M ma ma sarba bi ta ha ra ku ru swA hA/ /sarba sa mo ku ni/ la~M ba shAn+tiM ku ru da ni hU~M/ puSh+TiM rat+na ma ku ru swA hA/ /pa sha~M ku ru pad+mo hr-i da ya a~M/ sta~M ba na mo sha a karma pa ni hU~M phaT/ /cung zhig gzugs ni 'du ba'am/ /'od 'phros bskyod par gyur pa dang / /nga rgyal ldan pas lag thogs te/ /gsang sngags drag tu brjod par bya/ /gang zhig zhi dang rgyas pa dang //dbang la sogs ni sgrub 'dod pas/ /de dag de dang mthun pa dang / /las kyi dkyil 'khor la gnas bsam/ /phyag rgya'i mtshan ma bskul byas te/ /rang gi las la rnam par gnas/ /dgug la sogs pa'i las dag dang //lcags kyu la sogs las kyi bsgrub/ /rten gyi mtshan ma dang bral bar/ /ci 'dod bya ba mthar phyin 'grub/ /thabs dang sgrub byed gsang sngags la/ /so so'i las kyi mtha' brgyan te/ /yi ge bcu bzhi'i rjes thogs su/ /sum 'bum grangs kyis bsgrub par bya//o~M bi lo gi ma ma dush+Ta na ga ga na ru lu ru lu hU~M phaT/ dang po rtsa ba'i sngags ni/ gsum 'bum dag tu bzlas byas nas/ /slar yang de yi grangs mthun pa/ /gang 'dod las rnams 'grub par 'gyur/ /de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po las rten gyi sgo nas spyad pa'i le'u ste nyi shu dgu pa'o// //'gro gnas thams cad srung byed cing / /phan gdags cho ga bzang po nyid/ / rgyal ba'i byin brlabs gnas pa'i thabs/ /rnam pa yis ni brtsam byas te/ /grong khyer la sogs bsrung 'dod pas/ /chu dang bye ma la sogs la/ /gsang sngags rgyal po brjod par bya/ /o~M na mo ku ru sarba bi da ra ni mo sa de ni ra sha ni ra sha kra ra kra ta hU~M phaT/ /rang gi lha yi sbyor ldan pas//stong du brjod cing phyogs bcur gtor/ /gang srung ba dag shis 'gyur cing / /'byung po'i tshogs kyis mi tshugs 'gyur/ /gzhan yang ri'u cha dgu pa yi/ /'khor lo shing shun tshogs la bri/ /mu khyud dag gis mtha' bskor nas/ /gsang sngags rgyal po dgod par bya//dbus su dgod pa'i gsang sngags ni/ /yi ge bcu bzhi gsang sngags bsam/ /de'i mtha' mar o~M mthar he he dang / hu ru kaM pa bag sha ha ha ma mra bri hU~M phaT swA hA /de mthar dbyangs dang gsal byed gang / /bsrung ba'i sngags dang bcas pa ni//gur gum bzang pos byugs byas te/ /rdo rje rgya gram dbus su gzhug /gang gi ming bcas 'bum bzlas shing / /btags pa'i srung ba'i mchog tu 'gyur/ /gzhan yang bum pa bzang po ru/ /bdud rtsi 'o ma sbyar ba dag /rang gi gsang sngags yungs kar bcas//gar dbang chags pa'i skur bsgoms shing / /sngags thod bsrung bar 'gyur bar byed/ /de bzhin gshegs pa thams cad kyi/ /gsang ba 'di nyid bshad pa las/ /phyogs bcu'i byang chub sems bcas pas/ /de la thams cad dga' mdzad cing //lha rnams kun la slar bsgo mdzad/ /de dag dad pa'i shugs kyis ni/ /rgyud kyi rgyal po 'di bzung zhing / /de 'dzin gzhan la'ang byams par 'gyur/ /de bzhin gshegs pa thams cad kyi gsang ba dpal rta mchog rol pa'i rgyud chen po zhes bya ba las bsrung ba'i le'u ste sum cu pa'o// //de bzhin gshegs pa thams cad kyi dgongs pa bla na med pa'i gsang ba dpal rta mchog rol pa'i rgyud chen po'i rtsa ba rdzogs so// //

CLOSE WINDOW