CLOSE WINDOW

D837
བོད་ཡིག

//bod skad du/ gsang ba'i snying po de kho na nyid nges pa'i bla ma chen po'o/ /bcom ldan 'das dpal kun du bzang po ye shes bla ma chen po la phyag 'tshal lo//'di skad bshad pa'i dus gcig na/ /sgyu 'phrul bla ma chen po ni/ /sangs rgyas kun gyi bla ma ste/ /rnal 'byor kun gyi gsang mchog bde/ /gnas gsang ba na bzhugs nas su/ /snying po bla ma 'di skad bshad//de bzhin gshegs pa yang dag par rdzogs pa'i sangs rgyas bcom ldan 'das gsang ba bla ma'i longs spyod chen po phyogs bcu dus bzhi'i de bzhin gshegs pa thams cad kyi sku dang gsung dang thugs yon tan phrin las rdo rje'i bdag nyid can/ ma lus mi lus lus pa med pa thams cad kyang so so ma yin tha mi dad dbyer med pa'i rang bzhin te/shin tu gsang ba bla ma chen po'i dbyings 'og min gyi gnas mtha' dang dbus med pa na/ gzhi tshad med pa'i ye shes kyi 'khor lo gsal ba la ye shes rin po che 'bar ba'i gzhal yas khang nam mkha'i dbyings ltar rgya phyogs bcur yongs su ma chad pa/yon tan bla ma chen po dpag tu med pas rgyas pa'i phyir gru bzhir gyur pa/ lhag pa'i ye shes rin po che bla ma'i glo 'bur bzhis mdzes pa/ rtse mo phyogs bcu dus bzhi'i sangs rgyas kyi dkyil 'khor ma lus pa thams cad so so ma yin tha mi dad pa'i ngo bo nyid gcig pa'i ye shes bla mas kun du 'khyil ba/ye shes bla ma bsam gyis mi khyab pa'i dbyings dang / kha dog la sogs pa rnam pa tha dad pa'i bye brag dang khyad par du gyur pa/ spags pa/ tshad dpag tu med pa/ ye shes rin po che bla ma'i phreng ba dang / chun 'phyang dang / shar bu'i rgyan dang / gzugs dang sgra dang / dri ro reg bya la sogs pa mi sgrib par gsal bar rang byung la/ gsal ba'i rgyan khyad par can bla mas bklubs pa/ tshad med pa bzhi'i sgo nas 'jug pa'i sgo khyud can/rnam par thar ba brgyad kyi rta babs dang ldan pa/ phyi dang nang med pa kun yang bla ma chen po nang du gyur pa/ shin tu gsang ba bas khyab bdal ba'i bla ma chen po'i gzhal yas khang na pha rol tu phyin pa lnga'i khri/ mi 'jigs pa seng ge'i khri dang /stobs glang po che'i khri dang / rdzu 'phrul rta'i khri dang / dbang rma bya'i khri dang / thogs pa med pa nam mkha' lding gi khri dang / rang bzhin gyis 'od gsal ba nyi zla'i dkyil 'khor dang / gos pa med pa pad+ma rin po che'i gdan brtsegs pa ni/ye nas gsang ba bla ma'i phyir/ /yum gyi gzhal yas phyogs bcur 'bar/ /ye nas pha rol phyin pa'i phyir/ /thogs pa med pa'i khri rkang brtan/ /rang bzhin ye nas 'od gsal phyir/ /nyi zla brtsegs pa'i gdan 'bar zhing / /gdod nas dri ma med pa'i phyir//rnam par dag pa pad+mo gdan/ /re ba yid bzhin skong ba'i phyir/ /yid bzhin rin chen gter gyi gdan/ /ma bsags lhun gyis rdzogs pa'i phyir/ /sna tshogs dkyil 'khor chen po'i rgyan/ /yon tan chen po'i gdan stengs na//sku mdun dang rgyab med par thams cad tu zhal bla ma tha le bar gsal zhing mtshan dang dpe byad du ldan pas thams cad du bsam gyis mi khyab pa'i sku gsung thugs yon tan phrin las sna tshogs par snang ba/ thabs dang shes rab kyi zhabs gnyis mnyam pa'i brtul zhugs kyi skyil mo krung du bzhugs pa/ye shes drug gi phyag ye shes rin po che 'bar ba'i phyag rgya can/ sku gsung thugs bsam gyis mi khyab pa'i dbu gsum dang ldan pa/ bcom ldan 'das de bzhin gshegs pa rnam par shes pa'i rgyal po bla ma dang / btsun mo dam pa sra ba'i dbyings kyi bla ma dang / de bzhin gshegs pa gzugs kyi rgyal po bla ma dang / btsun mo dam pa snang ba'i dbyings kyi bla ma dang / de bzhin gshegs pa tshor ba'i rgyal po bla ma dang / btsun mo dam pa mnyen pa'i dbyings kyi bla ma dang / de bzhin gshegs pa 'du shes kyi rgyal po bla ma dang /btsun mo dam pa dro ba'i dbyings kyi bla ma dang / de bzhin gshegs pa 'du byed kyi rgyal po bla ma dang / btsun mo dam pa bskyod pa'i dbyings kyi bla ma la sogs pa ye shes rgyal po stangs dpyal kun kyang mthing ga dang / dkar po dang /ser po dang / le brgan dang / ljang gu'i mdog bla mar 'tsher ba ste/ gnyis su med par 'khril bas chos kyi dbyings kun tu mtha' yas par bla ma chen po'i spyod pas khyab pa ni 'di lta ste/ dper na til gyi gang bu'am mngar gyi sgrom bu bzhin kun du bde ba chen pos khyab par bzhugs so//de nas byang chub chen po rdo rje mthong dbang bla ma dang / btsun mo gzigs par bya ba'i bla ma dang / byang chub chen po rdo rje thos dbang bla ma dang / btsun mo gsan par bya ba'i bla ma dang / byang chub chen po rdo rje snom dbang bla ma dang / btsun mo mnam par bya ba'i bla ma dang / byang chub chen po rdo rje myang dbang bla ma dang / btsun mo myang bar bya ba'i bla ma dang / byang chub chen po rdo rje sogs shes bla ma dang / btsun mo sgron ma'i bla ma dang / byang chub chen po rdo rje gcod shes bla ma dang / btsun mo gdug pa'i bla ma dang /byang chub chen po rdo rje 'jug shes bla ma dang / btsun mo char 'bebs bla ma dang / byang chub chen po rdo rje 'dus pa'i bla ma dang / btsun mo rgyas pa'i bla ma dang / 'joms pa chen po rdo rje reg g.yas bla ma dang / btsun mo rtag par ma yin pha'i bla ma dang /'joms pa chen po rdo rje reg g.yon bla ma dang / btsun mo chad par ma yin pa'i bla ma dang / 'joms pa chen po rdo rje reg gsang bla ma dang / btsun mo bdag tu ma yin pa'i bla ma dang / 'joms pa chen po rdo rje reg 'dus bla ma dang / /btsun mo mtshan mar ma yin pa'i bla ma dang /de lta bu'i tshogs brjod kyis mi lang ba dang gnyis su med par gsang ba dgyes pa'i dbyings bla ma na bzhugs so/ /de nas de bzhin gshegs pa btsun mo'i tshogs dang gnyis su med pa'i dkyil 'khor bla ma de nyid kyi gsang ba bla ma 'di nyid kyi sku dang gsung dang thugs dang yon tan phrin las rdo rje las byung ngo //e ma'o de bzhin nyid kyi dbyings nyid dbang sgyur dkyil 'khor bla ma'i ngang / /ngang nyid rnam dag bde mchog gsang ba'i dbyings/ /dbyings nyid mnyam sbyor bde mchog rin chen gter//mi zad gter ldan bdud rtsi gsang ba'i bla/ /bla med byang chub thig le ya mtshan dkyil 'khor snang / /rang snang ba nyid ting 'dzin gzugs brnyan rnam dag snang ba ni/ /sku gsung thugs yon phrin las sel med pa'i yid bzhin rin chen mi zad par ldan pa rgyan gyi 'khor lo bla ma rdo rje mchog gi gnas nyid do//rdo rje gsang ba bla ma'i nges don du'o/ /gsang ba'i snying po de kho na nyid nges pa'i bla ma las dbyings dang ye shes gsang ba'i bde ba'i bla ma nges pa'i gleng gzhi'i le'u ste dang po'o// //de nas bcom ldan 'das yid byed pa bla ma rdo rje kun du bzang po thams cad ma lus pa'i tshul rdo rjes btsun mo bya ba mo kun du bzang mo'i bla ma la 'jug par gyur to//gsang ba'i bla ma'i tshig 'di ched du brjod do/ /o~M chos kyi chos nyid bya ba'i dbyings/ /kun du bzang mo bde ba'i yum//ma g.yos rang bzhin dkyil 'khor ni/ /bdag yin bdag gi spyod yul bas/ /phyag rgya sna tshogs so sor gsal/ /nub phyogs 'og min gnas mchog tu/ /ma chags pad+ma'i gdan bting ba/ /dus gsum rgyal ba bzhugs pa'i gnas/ / rnam par thar pa'i sgo bzhi la/ /phyag rgya bzhi dang yang dag ldan/ /dbang med skal ngan bsal ba'i phyir/ /nang gtan phyi rim lcags dang ldan/ /rgyal ba yongs kyi gsang ba'i chos/ /sus kyang gting dpag bka' ba ste/ /kun du bzang po nyid kyis gzigs/ /hoHde nas btsun mo bya ba kun du bzang mos gsang ba bla ma'i tshig 'di ched du brjod do//o~M sems kyi sems nyid byed pa'i gtso/ /kun du bzang po rdo rje yid/ /ye shes brgyad kyi rang bzhin te/ /shar phyogs mngon dga' bsam yas nas/ /nI la lta bu'i gter 'byin pa/ /gsang 'dus 'phrul gyi lde mig gis//rnam par thar pa'i sgo phye ste/ /byang chub mchog gi nang gtan bkrol/ /ma chags pad+ma'i gdan la bzhugs/ /'gro don byang chub sems bskyed de/ /'gro lnga skye bzhi dbang du bsdus/ /sku gsung thugs nas dbang bskur ro/ /zhes gleng ngo //de nas bya ba mo kun du bzang mos gsang ba bla ma'i mchod pa 'di ched du phul lo/ /o~M rin chen pad+ma'i dkyil 'jam 'di/ /'dzum pa'i mdangs kyis 'bul lags kyis/ /bla med 'phrul gyi lde mig ste/ /dgyes mchog rdo rje gsor nas ni/ /bdud rtsi char chen dbab tu gsol//zhes ched du gleng ngo / /de nas yang yid byed pa po rdo rje kun du bzang pos bdud rtsi bla ma'i char pas snod bcud kyi 'dzam bu'i gling tshim par bya ba'i phyir gsang ba bla ma'i tshig 'di ched du brjod do/ /o~M rdo rje bla ma'i dgyes rab 'di/ /gsor nas bdud rtsi'i char dbab phyir//'dzum zhing 'khyil ba'i gnas su gsor/ /mi dmigs bde dang spro ba 'di/ /kun du bzang mo dbyings su bskyil/ /zhes ched du gleng ste/ /gnyis su med pa las nyid kyi spyod yul thams cad gsang ba'i dkyil 'khor bla ma khyad par du spags pa rdul phra mo snyed 'thon nas sgyu ma'i cho 'phrul chen po bsam gyis mi khyab par mdzad pa ni/la la ni gsang ba bla ma'i dkyil 'khor du bzhugs te yan lag thams cad rdo rjer byin gyis rlob/ la la ni 'gro ba drug 'dul ba'i don du thub pa chen po drug tu bzhugs pa 'di lta ste/ lha yi gnas na brgya byin mgon/ /lha ma yin la thags zangs ris/ /mi la bdud 'dul shAkya mgon/ /gnas na kha 'bar bde/ /byol song seng ge nyid du smra/ /dmyal ba la ni gshin rje mgon/ /sku dang cha lugs tshul ston cing / / la la lhums zhugs sku la bltams/ /la la tshul bsrung rab tu byung / /la la bsnyen rdzogs dka' thub byed/ /la la dam nod 'gro ba sgrol/ /la la bcu drug chos la btsud/ /la la mer 'bar chur yang 'brug /la la nam mkha' sgra ru 'bar/ /la la rdo rje brag tu sra//la la gso gsod 'pham rgyal byed/ /la la bcing sgrol 'gug sgrol byed/ /la la bdud 'dul ngan song sbyong / /la la dkyil 'khor mchod sprin 'khril/ /kun kyang chos kyi 'khor lo skor/ /de ltar rtag tu chos kyi 'khor lo bskor ba ni 'di lta ste/theg pa dang po bcu drug mgon/ /gnyis pa bzhi yi lta spyod bsrung / /gsum pa bcu gnyis nges par bstan/ /bzhi pa gnyis kyi lta spyod sbyangs/ /bzhi pa'i theg pa mdor bsdus na/ /bla med theg pa'i dbyings su btsud/ /theg pa bzhi yi nges 'byung la//theg pa gcig gis 'bras bur gnas/ /kun 'byung dkyil 'khor sgyu 'phrul che/ /mang la 'brel bas dra ba'i don/ /thun mong min pas gsang ba'i don/ /theg pa'i bcud de snying po'i dbyings/ /zhes ched du gleng ste/ snod bcud kyi 'jig rten rgyal ba'i dkyil 'khor gsang bar gnas sgyur ba dang /phyogs bcu dus bzhi'i de bzhin gshegs pa thams cad gsang ba bla ma'i ting nge 'dzin gyi gzigs mos mnyes par gyur to/ /de nas snod bcud kyi 'jig rten thams cad dang / snyigs ma med par gsang ba bla ma'i dkyil 'khor du mngon par sangs rgyas nas ched du brjod pa 'di brjod do//e ma'o rdo rje phung po'i yan lag ni/ /rdzogs pa'i sangs rgyas lnga ru grags/ /skye mched khams rnams mang po kun/ /byang chub sems dpa'i dkyil 'khor nyid/ /sa chu can dang mA ma kI//me long gos dkar sgrol ma ste/ /nam mkha' dbyings kyi dbang phyug ma/ /srid gsum ye nas sangs rgyas zhing / /thams cad ma lus chos so cog /sangs rgyas nyid las gzhan ma yin/ /sangs rgyas nyid las gzhan pa'i chos/ /sangs rgyas nyid kyis mi rnyed do//zhes brjod pas de bzhin gshegs pa thams cad mnyes par gyur to/ /de nas de bzhin gshegs pa btsun mo'i tshogs thams cad kyis ched du brjod pa 'di gsungs so/ /e ma'o phyogs bcu'i stong khams ye nas dben/ /srid pa gsum nyid dag pa'i zhing //snyigs ma lnga nyid bde ldan gnas/ /phung po lnga nyid mngon sangs rgyas/ /thams cad mchog gi snying po bas/ /gzhan du rgyal bas chos mi btsal/ /nyid las gzhan zhes bya ba'i chos/ /btsal kyang rgyal bas mi rnyed do/ /zhes brjod pas chos thams cad ye nas sangs rgyas par de bzhin gshegs pa nyid kyis mkhyen to//de nas dbyings dang ye shes gnyis su med pa las ched du brjod pa 'di brjod do/ /e ma'o ye nas gsang ba'i chos/ /sna tshogs snang ba rang bzhin gsang / /gsang mchog snying po bla na med//thams cad gsang ba'i dbyings su nges/ /bla ma mchog gi snying po las/ /sangs rgyas sems can gnyis su med/ /ces brjod pas thams cad dbyings su nges par mkhyen to/ /de ltar yin na yang 'gro ba'i rnam par rtog pas 'gro ba'i rigs bsam gyis mi khyab par smin pa la thugs rje chen po sangs rgyas kyi che ba'i ye shes bskyed pa'i phyir rdo rje bla ma'i tshig 'di ched du brjod do//e ma'o bde gshegs snying po las/ /rang gi rnam rtog las kyis sprul/ /sna tshogs lus dang longs spyod dang / /gnas dang sdug bsngal la sogs pa'i//bdag dang bdag gir so sor 'dzin/ /sus kyang ma bcings bcings med de/ /bcing bar bya ba yod ma yin/ /rnam rtog bdag tu 'dzin pa yis/ /nan gyis mkha' la mdud pa bor/ /bcings med rnam par grol med pa'i//ye nas lhun rdzogs sangs rgyas chos/ /bstan phyir spro ba sna tshogs mdzad/ /spros kyang 'phel 'grib med pa'i dbyings/ /de ltar yin na yang de ltar ma rtogs pa rnams la kun rdzob kyi phung po byang chub kyi sems bla ma'i dkyil 'khor du sems kyi ngo bo bskyed pa'i phyir/rdo rje gsang ba'i tshig 'di ched du brjod do/ /stong zhing dben pa'i sems nyid ni/ /rigs dang kha dog dbyibs med de/ /ci yang med la cir yang snang / /mi bskyod rdzu 'phrul sna tshogs 'byung / /rgyal ba'i dkyil 'khor sna tshogs kyang //sems kyi sgyu 'phrul chen po yin/ /gcig dang du mar mi dmigs te/ /mngon shes drug gis thams cad byed/ /bla ma'i ting 'dzin chen po yis/ /dkyil 'khor chen po byed par bstan/ /rgyu lnga rkyen bzhis bsdus pa la/ /rgyal ba'i dkyil 'khor che phra bsgom//bzhi yi rim pa tshul bzhin byed/ /rgyan dang phyag rgya'i tshul rnams kun/ /til 'bru'i nang du ri rab bskyed/ /sangs rgyas stong gi dkyil 'khor dang / /stangs dpyal gnyis kyi phyag rgya yang / /ri rab til 'bru'i tshul bzhin du/ /dpe byad rgyan gyis brgyan spras pa'o//nges pas bzhi bcu rtsa lnga bsgom/ /dbyings dang ye shes stangs dpyal gnyis/ /dkyil 'khor kun gyi byed pa po/ /hoHgzugs ni rnam par snang mdzad de/ /yul la kun du bzang mo'o hoH/ /tshor ba rin chen 'byung ldan te/ /yul la khams gsum byams ma'o hoH//'du shes snang ba mtha' yas te/ /yul la na bza' dkar mo'o hoH/ /'du byed don yod grub pa ste/ /yul la dam tshig sgrol ma'o hoH/ /rnam shes rdo rje sems dpa' ste/ /yul la yangs pa'i spyan can ma hoH/ /mig la sa yi snying po ste//yul la dkar mo sgeg chen no hoH/ /sna la nam mkha'i snying po ste/ /yul la me tog dpa' phreng ma'o hoH/ /lce la spyan ras dbang phyug ste/ /yul la chos kyi dbyangs can no hoH/ /rna bar phyag na rdo rje ste/ /yul la las kyi gar mkhan ma'o hoH/ /kun 'dus sgrib pa rnam sel te//yul la me tog char 'bebs hoH/ /kun shes kun du bzang po ste/ /yul la gsal ba'i sgron ma'o hoH/ /gcod shes byams pa'i bdag nyid de/ /yul la gdug pa'i sprin 'phro hoH/ /'jug shes 'jam dpal gzhon nu ste/ /yul la tsan+dan char 'bebs so//g.yas gnyis stobs chen khro bo ste/ /yul la gdong mo 'jigs tshul hoH/ /g.yon gnyis gshin rje'i gshed po ste/ /yul la sder 'phro 'jigs tshul hoH/ /gsang ba rta mgrin dpa' bo ste/ /yul la dur khrod bdag mo hoH/ /lte bar bdud rtsi 'khyil ba ste//yul la gtum mo 'jigs tshul hoH/ /rgyud drug 'khor ba'i gnas drug tu/ /thub drug phyag rgya chen po'o/ /kun du sku dang kun du gsung / /kun du thugs kyi phyag rgya yang / /lus ngag yid la de bzhin hoH/ /sems nyid sgyu 'phrul dra ba ste/ /sgyu ma'i cho 'phrul chen po las//dra ba'i dkyil 'khor bzhi bcu lnga/ /gsang ba'i dkyil 'khor nges pa las/ /snying po'i dkyil 'khor bla ma yin/ /zhes brjod pas sems can thams cad mngon par rdzogs par sangs rgyas nas de bzhin gshegs pa thams cad dang dbyer med par dgyes te mnyam pa nyid kyi dbyings na bzhugs so//gsang ba'i snying po de kho na nyid nges pa'i bla ma las dbyings dang ye shes gnyis su med pa'i ngang du sems kyi rang bzhin cir yang 'grub pa'i le'u ste gnyis pa'o// //de nas de bzhin gshegs pa thams cad rang bzhin gcig dang du mar dbyer med pa'i rang bzhin thams cad kyis 'jig rten drug gi phyogs bcu thams cad la nyid kyi che ba'i dkyil 'khor bla ma 'di dbyung bar bzhed nas ched du brjod pa 'di gsungs so//o~M ye shes bla ma rol pa yis/ /phyogs bzhi dbus dang lngar brtags na//dkyil 'khor bsam yas lhun gyis grub/ /rdzogs chen rtogs pa'i rnal 'byor pas/ /kun 'byung dkyil 'khor chen por spyod/ /'khor lo rtsibs bzhi mu khyud bcas/ /gru chad bzhis brgyan rdo rje'i khyams/ /kun du gru bzhi sgo khyud ldan/ /rol mo sna tshogs sprin phung bzhin//dkyil 'khor bzhi bcu gnyis kyis brgyan/ /seng ge glang chen rta dang khyung / /nam mkha' lding gi khri chen la/ /nyi zla pad+ma rin po che/ /gdan la rdzogs dang sems dpa'i tshul/ /'khor lo rgyal po rgyal mo dang / / g.yas nas mthong thos mnam pa dang / /myong dang btsun mo'i tshogs su bcas/ /gru chad la ni gcod byed dang / /snang byed sogs byed 'jug byed rnams/ /btsun mo'i tshogs dang bcas par gnas/ /bar khyams la ni thub drug dag /rgyud drug sbyong ba'i phyag rgyar gnas//de bzhin thig le chen po dag /mdun dang rgyab tu byed pa dag /bya ba dag ni gnas par bstan/ /sgo khyud bzhi la 'joms pa dag /btsun mo'i tshogs dang ldan par gnas/ /rdo rje 'khor lo rin po che/ /pad+ma'i ral gri nor bu 'bar/ /ut+pal klu shing la sogs mtshan//mdzes tshul mnyes pa'i yo byad 'dzin/ /mthing ga dkar po ser le brgan/ /ljang gu la sogs sna tshogs mdog /mnyen lcug 'khril ldem gzhon tshul can/ /gsal 'tsher lhun stug gzi byin 'bar/ /'od zer 'phro ba'i tshogs chen po/ /'bar ba'i phreng ba 'khrigs pa ste//mtha' dbus med par khyab pa yi/ /dkyil 'khor bsam yas lhun gyis grub hoH/ zhes brjod pas 'jig rten drug gi phyogs bcu mtha' yas mu med pa thams cad du dkyil 'khor bla ma chen po brjod kyis mi lang ba zhing gi rdul snyed du gsal bar gyur to//de nas de bzhin gshegs pa btsun mo'i tshogs dang gnyis su med pa'i dkyil 'khor de dag nyid kyi gsang ba bla ma 'di sku gsung thugs yon tan phrin las 'di dag phyung ngo / /a hoH/ bde mchog ngo mtshar byang chub sems chen po/ /thig le mnyam sbyor sgyu 'phrul bla ma'i dbyings//rnam dag thig le byang chub sems kyis rol/ /ngo mtshar rmad byung bla ma chen po'i dbyings hoH/ /dmigs bya dmigs byed mi dmigs gsang ba'i dbyings/ /ye shes rang rig dkyil 'khor bla ma bsam mi khyab/ /mnyam dang mi mnyam kun khyab gsang ba'i dbyings//ye shes kun gsal dkyil 'khor spros med bla ma'i ngang / /ho rdo rje gsang ba'i tshig tu'o/ /gsang ba'i snying po nges pa'i bla ma chen po las dkyil 'khor spros pa'i le'u ste gsum pa'o// //de nas ye shes rgyal po de btsun mo bla ma'i dbyings dang gnyis su med par gyur nas/bde ba chen po byang chub kyi sems rim par gsal ba zhes bya ba'i dgongs pa rtser chib nas ting nge 'dzin gyi rnam pa phyogs bcu dus bzhir dgos par bzhed nas sku gsung thugs bla ma'i dbyings nas 'di dag phyung ngo / /dang po bla ma'i lung bstan pa/ / mtshon du med pa'i byang chub sems/ /ye shes snying po gsal ba dang / /bsgom pa rnam gsum dus gcig rdzogs/ /byang chub sems kyi thig le la/ /ma bkag lhun gyis rdzogs pas na/ /de ni thig le chen po'i don/ /de ni de bzhin nyid kyi dbyings/ /de ni kun du snang ba'i dang //de ni rgyu yi rim par ldan hoH/ /gsang ba bla ma'i tshig tu'o/ /gsang ba bla ma'i nges don las/ /gsang ba gsung gi dkyil 'khor grags/ /b+h+rU~M bi shwa bi shud d+he badzra swA hA/ hU~M hU~M hU~M badzra tsit+ta o~M/ a a a badzra pa ta sa ma ya o~M/ hU~M badzra d+h+ri ka / mUM d+hA tu I shwa ri/ o~M dzi na dzika/ lA~M dwe Sha ra ti/ swA rat+na d+h+r-ika /mA~M mo ha ra ti/ a~MHa ro lika /bA~M ra ga ra ti/ ha pra dz+hA d+h+r-ika/ tA~M badzra ra ti/ k+Shi hi rA dzA ya/ hU~M lA se sa ma ya staM/ trA~M a gar+b+ha ya/ trA~M mA le sa ma ya hoH/ hrIHha ho pad+ma ban+d+ha ma/ hrIHgI ti ra hoH/ha~M dziM ku ru pa na hrIH/ AHnr-i t+ya rA ga yA mi/ mai d+hA ri Ni swA hA/ dzaHd+hU pa pra be sha/ th+l+hIM ni sa ra ma bA ya swA hA/ hU~M puSh+pa a be sha /hU~M sa rA dzA ya swA hA/ ba~M d+hU pi su k+Sha Ni/ mU~M shrI A ra~M gA ya swA hA/ hoHgan+d+he tsit+ta/ o~M mu ne kr-i swA hA/ o~M mu ne hU~M drU~M swA hA/ o~M mu ne pra~M swA hA/oM mu ne sru~M swA hA/ o~M mu ne k+Sha~M swA hA/ o~M mu ne ye swA hA/ hU~M ya mAn+ta kr-i ta phaT/ o~M ma hA badzra d+ha ra ma hA kro d+hI shwa ri dz+wa la ni hU~M phaT/ hU~M pra dz+nyAn+ta kr-ita phaT/ o~M ma hA rat+na d+ha ra ma hA kro d+hI shwa ri dz+wa la ni hU~M phaT/ hU~M pad+mAn+ta kr-i ta hU~M phaT/ o~M ma hA pad+ma d+ha ra ma hA kro d+hI shwa ri dz+wa la ni hU~M phaT/o~M big+h+nAn+ta kr-i ta hU~M phaT/ o~M ma hA karma d+ha ra ma hA kro d+hI shwa ri dz+wa la ni hU~M phaT/ o~M e h+ye hi b+ha ga bAn/ ma hA kA ru Ni ka dr-i sh+ya hoH/ sa ma ya s+t+wa~M/ dzaHhU~M ba~M hoH o~M A~MHhU~M swA hA/ badzra sa ma ya/ badzra sa ma ya/ badzra sa ma ya/ badzra sa ma ya/ badzra sa ma ya/ o~M A~MHhU~M swA hA/ o~M ye shes rgyal po sku gsung thugs/ /yon tan phrin las rmad po che/ /skyon bral byang chub sems chen po/ /de nyid du ni mnyam sbyor bas/ /phyag rgya bla mar bdag sbyor cig /o~M badzra sa ma ya hU~M/ o~M badzra sa ma ya s+t+wa~M/badzra sa ma ya hoH/ dzaHhU~M ba~M hoH zhes gsungs pas gsung gi dkyil 'khor bla ma chen pos 'jig rten drug gi phyogs bcu thams cad du grags/ rab tu grags/ kun tu grags so/ /grags pas snod bcud kyi 'jig rten thams cad kyi dkyil 'khor bla ma chen pos khyab par gyur to//de nas yang ye shes rgyal po stangs dpyal dag gnyis su med par rol pa mdzad pa bla ma la thim par gyur te/ de nas ye shes rgyal po de nyid dang byin bsdu ba zhes bya ba 'di sku gsung thugs rdo rje las byung ngo / /o~M chos dbyings mnyam pa chen po las//ye shes gsal ba rnam par dag /chos kyi dbyings kyi ye shes kyis/ /skye med chos la dbang sgyur shog /o~M ma hA gu h+ya ma shU n+ya tA d+harma dz+nyA na swa b+hA ba At+ma kou0f85 ha~M/ hU~M dag cing gsal ba'i rang bzhin te/ /skyon med sems nyid rin po che/ me long lta b u'i ye shes kyis//srid pa gsum la dbang sgyur shog /o~M ma hA gu h+ya ma hA A daR+sha dz+nyA na badzra swa b+hA ba At+ma kou0f85 ha~M/ swA~M khams gsum re skong rgyal po ste/ /yid bzhin rin chen gter gyi mchog /mnyam pa nyid kyi ye shes kyis/ /'gro ba re skong rgyal p or shog /o~M ma hA gu h+ya ma hA sa man+ta A be sha dz+nyA na badzra swa b+hA ba At+ma kou0f85 ha~M/ a~M nyes pa'i skyon bral dri ma med/ /skye 'gag med pa'i dngos grub ste/ /so sor rtog pa'i ye shes kyis/ /srid gsum nyes dmigs sel bar shog /o~M ma hA gu h+ya ma hA bra ti bra be sha dz+nyA na badzra swa b+hA ba At+ma kou0f85 ha~M/hA dbyings kyi dkyil 'khor mthar phyin cing / /grub pa las kyi bye brag las/ /bya ba nan tan ye shes kyis/ /skye 'gro dbyings su sgrol bar shog /o~M ma hA gu h+ya ma hA kr-i ta a nuSh+ThA na dz+nyA na badzra swa b+hA ba At+ma kou0f85 ha~M/ a ni s tong dang mi stong gnyis//dbu ma la yang mi gnas shing / /stong pa chen po'i ye shes kyis/ /mi 'gyur dbyings la dbang sgyur shog /o~M ma hA gu h+ya ma hA A be sha shu n+yA tA dz+nyA na badzra swa b+hA ba At+ma kou0f85 ha~M/ o~M bder gshegs sku yi ngo bo las/ /mi shigs rdo rje r gyal ba'i gtso//sngags dang phyag rgyar ldan pa yis/ /rdo rje sku yi gtso bor shog /o~M ma hA gu h+ya sarba ta thA ga ta kA ya badzra swa b+hA ba At+ma kou0f85 ha~M/ a~M bder gshegs gsung gi ngo bo las/ /mi shigs rdo rje chos kyi dbyings/ /sngags dang phyag rgyar ldan pa yis/ / rdo rje gsung gi ngo bor shog /o~M ma hA gu h+ya sarba ta thA ga ta bA ka badzra swa b+hA ba At+ma kou0f85 ha~M/ hU~M bder gshegs thugs kyi gtso bo las/ /mi shigs rdo rje rdo rje'i thugs/ /sngags dang phyag rgyar ldan pa yis/ /rdo rje thugs kyi byin rlobs shog /o~M ma hA gu h+ya sarba ta thA ga ta tsit+ta badzra swa b+hA ba At+ma kou0f85 ha~M/swa~M mi 'gyur ba yi zhing khams nas/ /ma bskyed pa yi 'bras bu lags/ /ma bsags pa yi longs spyod 'byung / /cir yang grub pa'i ye shes kyis/ /rang dbang thabs kyis sgyur bar shog /swa~M ma hA gu h+ya sarba ta thA ga ta ma hA pU dza badzra swa b+hA ba At+ma kou0f85 ha~M/zhes gsungs pas gsal la 'bar bas thim par gyur to/ /e ma ngo mtshar rab 'byam gyi/ /ngo mtshar ya mtshan gsang ba'i chos/ /sgra dang ming tshig kun las 'das/ /sna tshogs sgra rnams dbyings su gsal/ / gsung gcig yan lag dkyil 'khor ni/ /bsam gyis mi khyab khyab mchog dbyings/ /thams cad gsung gi phyag rgya mchog hoH/ gsang ba'i snying po nges pa'i bla ma chen po las dkyil 'khor bsdu ba dang gsang sngags kyi le'u ste bzhi pa'o// //de nas ye shes rgyal po de nyid de bzhin gshegs pa thams cad kyi yan lag thams cad dkyil 'khor bla mar lhun gyis grub pa'i dgongs pa rtser chib nas rdo rje bla ma'i tshig 'di ched du gsungs so//sgyu 'phrul dra bas mngon rdzogs pa'i/ /thams cad byang chub mchog gi rgya//gsang ba de nyid nges pa yi/ /snying po phyag rgya 'da' dka'o/ /mi bskyod nyi ma'i dkyil yi ge/ /rin chen zla ba'i dkyil yi ge/ /lnga gnyis zur du spros pa las/ /sbyar ba'i phyag rgya 'byung ba'i rgyu/ /hU~M dang mu~M gnyis rtse sbyar te/ /'bru brgyad bsnol nas thugs kar bkan//rgyal ba kun dang mnyam sbyor ba/ /bde ba chen po sbyin pa'i rgya/ /'bru bzhi sbas nas thugs kar bkan/ /hU~M bsgreng rtse mor rdo rje 'bar/ /zla brtul 'bru sbas dril gsil cing / /'khril ba'i tshul gyis chos la brtan/ /'bru bzhi sbas nas thugs kar bkan//mu~M bsgreng rtse mor dril gsil 'bar/ /nyi ma 'bru lngas las su 'khril/ /btud de 'dzum pa'i mdangs kyis lta/ /'khor lo 'bar ba'i lte dbus na/ /ston pa rdo rje sems dpa' dag /yum mchog yangs ma'i spyan dang ni/ /gnyis med dbyings kyi ngang du 'khril//'bru bzhi sbas nas thugs kar bkan/ /o~M bsgreng rtse mor 'khor lo 'bar/ /zla brtul 'bru sbas dril gsil cing / /'khril ba'i tshul gyis chos la brtan/ /'bru bzhi sbas nas thugs kar bkan/ /la~M bsgreng rtse mor dril gsil 'bar/ /nyi ma 'bru lngas las su 'khril//btud de 'dzum pa'i mdangs kyis lta/ /shar gyi 'khor lo'i rtsibs stengs nas/ /bde gshegs rnam par snang mdzad dag /yum mchog kun du bzang mo dang / /gnyis med dbyings kyi ngang du 'khril/ /'bru bzhi sbas nas thugs kar bkan//swa rtse 'bar ba rin po che/ /zla brtul 'bru sbas dril gsil zhing / /'khril ba'i tshul gyis chos la brtan/ /'bru sbas bzhi nas thugs kar bkan/ /ma~M bsgreng rtse mor dril gsil 'bar/ /nyi ma 'bru lngas las su 'khril/ /btud de 'dzum pa'i mdangs kyis lta//lho phyogs 'khor lo'i rtsibs stengs nas/ /bder gshegs rin chen 'byung ldan dag /yum mchog khams gsum byams ma dang / /gnyis med dbyings kyi ngang du 'khril/ /'bru sbas bzhi nas thugs kar bkan/ /A~M bsgreng rtse mor pad+ma 'bar/ /zla brtul 'bru sbas dril gsil zhing //'khril ba'i tshul gyis chos la brtan/ /'bru bzhi sbas nas thugs kar bkan/ /pa~M bsgreng rtse mor dril gsil 'bar/ /nyi ma 'bru lngas las su 'khril/ /btud de 'dzum pa'i mdangs kyis lta/ /nub phyogs 'khor lo'i rtsibs stengs nas//bde gshegs snang ba mtha' yas dag /yum mchog na bza' dkar mo dang / /gnyis med dbyings kyi ngang du 'khril/ /'bru bzhi sbas nas thugs kar bkan/ /ha bsgreng rtse mor ral gri 'bar/ /zla brtul 'bru sbas dril gsil zhing / /'khril ba'i tshul gyis chos la brtan//'bru bzhi sbas nas thugs kar bkan/ /trA~M bsgreng rtse mor dril gsil 'bar/ /nyi ma 'bru lngas las su 'khril/ /btud de 'dzum pa'i mdangs kyis lta/ /byang phyogs 'khor lo'i rtsibs stengs nas/ /bde gshegs don yod grub pa dang //yum mchog dam tshig sgrol ma dang / /gnyis med dbyings kyi ngang du 'khril/ /rin chen myu gu g.yas phyogs na/ /sgeg cing 'gying ba g.yon phyogs na/ /sa snying dkar po rdo rje'i rigs/ /yum mchog dkar mo sgeg chen dang / /dkyil 'khor bar khyams shar phyogs na//gnyis med dbyings kyi ngang du 'khril/ /ral gri 'byin pa g.yas phyogs na/ /phreng ba bgrang ba g.yon phyogs na/ /dkyil 'khor bar khyams lho phyogs na/ /nam snying ser po rin chen rigs/ /yum mchog dpal gyi phreng ba dang / /gnyis med dbyings kyi ngang du 'khril//pad+ma dkar po g.yas phyogs na/ /pi bang 'gyed pa g.yon phyogs na/ /dkyil 'khor bar khyams nub phyogs na/ /spyan ras le brgan pad+ma rigs/ /yum mchog chos kyi dbyangs mkhan dang / /gnyis med dbyings kyi ngang du 'khril/ /rdo rje rtse lnga g.yas phyogs na//bar gyi cod pan g.yon phyogs na/ /dkyil 'khor bar khyams byang phyogs na/ /phyag na mthing ga las kyi rigs/ /yum mchog gar gyi cod pan dang / /gnyis med dbyings kyi ngang du 'khril/ /mdzes pa'i klu shing g.yas phyogs na//bdug spos 'dren pa g.yon phyogs na/ /dkyil 'khor bar khyams shar lho na/ /byams pa dkar ser bder gshegs rigs/ /yum mchog bdug pa'i sprin 'phro dang / /gnyis med dbyings kyi ngang du 'khril/ /gser gyi 'khor lo g.yas phyogs na/ / me tog 'thor ba g.yon phyogs na/ /dkyil 'khor bar khyams lho nub na/ /sgrib sel dmar ser rin chen rigs/ /yum mchog me tog char 'bebs dang / /gnyis med dbyings kyi ngang du 'khril/ /rin chen snye ma g.yas phyogs na/ /sgron ma 'degs pa g.yon phyogs na//dkyil 'khor bar khyams nub byang na/ /kun bzang dmar ljang las kyi rigs/ /yum mchog gsal ba'i sgron ma dang / /gnyis med dbyings kyi ngang du 'khril/ /ut+pal sngon po g.yas phyogs na/ /tsan+dan 'thor ba g.yon phyogs na//dkyil 'khor bar khyams byang shar na/ /'jam dpal dkar ljang rdo rje'i rigs/ /yum mchog tsan+dan char 'bebs dang / /gnyis med dbyings kyi ngang du 'khril/ /thub drug phyag rgya chen po ni/ /rgyud drug gnas nas 'dren pa ste/ /gseg par phyag rgya tshul 'dzin pas//sku mdog ser pos mi rnams 'dren/ /pi bang phyag rgya tshul 'dzin pas/ /sku mdog dkar po lha rnams 'dren/ /go cha mdung thung phyag rgya yis/ /sku mdog mthing nag lha min 'dren/ /rin chen 'bar ba'i phyag rgya yis/ /sku mdog sngon po 'dren//po ti brtsegs pa'i phyag rgya yis/ /sku mdog ser nag byol song 'dren/ /me 'bar chu 'bebs phyag rgya yis/ /sku mdog sngon po dmyal ba 'dren/ /sgo bzhi phyag rgya tshul gnas pa/ /rdo rje gnod pa g.yas phyogs na/ /lcags kyu 'phen pa g.yon phyogs na//stobs chen khro bo chen po yang / /yum mchog rdo rje lcags kyu dang / /gnyis med dbyings kyi ngang du 'khril/ /nr-i mgo gdengs pa g.yas phyogs na/ /zhags pa 'phen pa g.yon phyogs na/ /khro chen gshin rje gshed po yang / /yum mchog rdo rje zhags pa dang //gnyis med dbyings kyi ngang du 'khril/ /sbrul mgo gdengs pa g.yas phyogs na/ /lcags sgrog sdom pa g.yon phyogs na/ /khro chen rta mgrin dpa' bo yang / /yum mchog rdo rje lcags sgrog dang / /gnyis med dbyings kyi ngang du 'khril/ /rgya gram gnon pa g.yas phyogs na//dril bu 'khrol ba g.yon phyogs na/ /khro chen bdud rtsi 'khyil pa yang / /yum mchog rdo rje dril 'khrol dang / /byang gi sgo nas dbyings su 'khril/ /kun bzang mnyam bzhag ye shes 'phro/ /yum 'gyur mnyam rdzogs pad+ma'i dkyil/ / gnyis med dbyings kyi gsang chen spro/ /bde mchog ngo mtshar thugs kyi dkyil/ /spro bsdu rdo rje thal mo dag /bsgyur bas rang sems ye shes gsal/ /de nyid shes rab thabs su rdzogs/ /sgyu 'phrul dra ba nges pa'i bla ma chen po las phyag rgya spros pa'i le'u ste lnga pa'o// //de nas ye shes rgyal po de rdo rje bkod pa'i gsang ba'i dam tshig rgyan rnam par spros pa'i dgongs pa la cig char bzhugs te/ rdo rje gsang ba'i tshig 'di brjod do/ /shin tu phra ba'i ting 'dzin mchog /dpe dang tshad du mi gzung zhing / /gzhal yas phyag rgya la sogs te//mtshon du med la snang bar bsgom/ /shin tu phra bas rnam sbyangs te/ /rig pas rgya khyon tshad med pa/ /gzhal yas phyag rgya la sogs pa'i/ /mtshon du med la snang bar bsgom/ /phyi nang gsang ba'i mchod pa dang / /tshogs chen gnyis las 'grub pa yi//'dod pa lnga yi yon tan rnams/ /nam mkha'i mtha' dang mnyam rdzogs te/ /rags dang phra dang 'bring la sogs/ /ji ltar 'dod pa rang gar bya/ /tsa ka li dang tshon rtsi dag /bya dang mi bya med pas na/ /de la dgag par ma gsungs so/ / 'gro don 'tsham pa de bzhin te/ /sna tshogs mchod pas rgyas par mchod/ /bdag nyid chen pos mchod pa yis/ /sangs rgyas dkyil 'khor ma lus mnyes/ /srid gsum 'gro ba ma lus kun/ /dga' ba chen pos tshim pa yin/ /sgyu 'phrul dra ba'i dgongs pa yis//rgyal ba'i dkyil 'khor ma lus dang / /rigs drug 'gro ba mngon du 'gyur/ /lus ngag sems dang chos thams cad/ /gang na'ang yod pa ma yin te/ /rnam dag ye shes sbyor ba yis/ /dbyings la dbyings nyid sgom pa yis/ /kun byas dbang phyug rig pas 'jug /de nas dad ldan gus 'jug pa/ /de nas rigs kyi bu mchog des/ /rgyal srid dang ni rang gi lus/ /bu dang chung ma nor gyi dbyig /rab tu gces dang yid 'thad dbul/ /snying yang yon gyi mchog yin te/ /bla ma mnyes phyir gus ldan dbul//dbang phyug longs spyod lngas mchod na/ /dkyil 'khor thams cad mnyes pa yin/ /gsal ba'i dkyil 'khor smos ci dgos/ /skyon rnams ma lus nges par 'byang / /dad ldan brtson 'grus bskyed byas na/ /phan pa'i dbang nod theg tshad sbyin//des na dbang phyug rgyal po yis/ /dbang gi rim pa rnams bstan to/ /'gro la phan phyir las rnams sbyin/ /grub pas 'dzin rgyal po sbyin/ /mi 'gyur rab 'byam bde chen no/ /gang 'dod rim gyis sbyin par bya/ /blo dang ldan pas theg tshad nod/ /yang na sras kyi dam pa ste//chud ma zos par rdzogs dbang sbyin/ /sems kyi rnam pa nyid gu blud/ /sgo 'byed bde bas gyen du bskyil/ /de nas dbang phyug chen po des/ /mi 'gyur sgron mar sku bskyod cing / /sems kyi thig le sgo phye ste/ /tshangs pa chen po'i dbyangs bzhed nas//go 'byed rdo rje'i ljags brkyang ste/ /dad ldan skyes bu dbang bskur ba/ /rdzogs pa chen po'i bde dbang ni/ /che mchog gong na med pa na/ /gsang ba'i dbu rgyan gyi dbang dang / /thabs mkhas byin brlabs che bas na/ /las rnams kun gyi dbang dang ni//khams gsum dbang du bsdus pas ni/ /slob dpon zhal chab kyi dbang ngo / /hU~M thabs mkhas thugs rje'i byin brlabs kyis/ /rigs kyi bu mchog dbang bskur phyir/ /gsang ba'i dbu rgyan 'di bcings pas/ /rigs kyi bu mchog deng phan chad/ / 'jig rten che ba kun gyi bla/ /che ba'i che ba zil gyis gnon/ /sangs rgyas che ba'i mchod gnas ni/ /rnal 'byor chen po khyod nyid yin/ /o~M sarba ta thA ga to gu h+ya badzra rat+na ma ku Ta trA~M trA~M/ badzra gu h+ya sid d+hi hU~M/ hU~M thabs mkhas byin brlabs chen po ni/ /sangs rgyas kun gyi thugs yin te/ /byin brlabs chen po rnam bzhi po//dbang bskur gnang phyir gtad pas na/ /rigs kyi bu mchog deng phan chad/ /sems can kun la snying brtse phyir/ /mu stegs rtag chad yan chad nas/ /sangs rgyas kun gyi mdzad spyod la/ /khyod kyis mi bya gcig kyang med/ /rdo rje sems dpa'i spyod pa yis//sems can kun gyi re ba skong / /o~M sa ma ya gu h+ya e ba~M ma ya a/ slob dpon zhal chab kyi dbang ni khams gsum kun la dbang yid bzhin du sgyur te/ hU~M nga ni rgyal ba kun gyi bla/ /thig le byang chub sems chen po/ /nga ni khro rgyal kun gyi rje/ /ye shes rol pa'i 'byung gnas gter//nga ni spyi dpal bla na med/ /skyon bral thabs kyi rgyal po yin/ /sems kyi dkyil nas drangs pa'i chu/ /khyod kyi lce la phab pa 'di/ /snying gi dkyil du gzung bar byos/ /rigs kyi bu khyod deng phan chad/ /rdo rje sems dpa'i thugs mchog zung //sangs rgyas kun gyi gtso bo yin/ /byang chub sems dang mnyam pa'i phyir/ /sems dpa' kun gyi mchod gnas yin/ /rigs kyi bu khyod deng phan chad/ /phyi dang nang dang gsang ba yi/ /bstan pa phyi nang zab mo kun/ /sems kyi dkyil du bsdus nas kyang //rdo rje lce yis sgo phye ste/ /bdud rtsi sman mchog dam pa 'dis/ /dad ldan skyes bu ngoms par byos/ /sems kyi thig le dkyil 'khor du/ /zhi khro 'byam pa'i gter sgoms la/ /srid pa gsum la dbang sgyur cig /dbang can thams cad bkol bar byos//skye 'gro kun la snying brtse'i phyir/ /gdul ba'i phyag rgya 'di yang spyod/ /dug gsum rtsa ba gcad par byos/ /phyi nang snod bcud rnam par dag /rnam dag chen po nyid kyi lam/ /byed spyod thabs tshogs gnyis rdzogs pa/ / 'gro don byang chub sems kyi dbyings/ /sems kyi chu 'di btung bar byos/ /rnal 'byor chen pos dam du zung / /hU~M de nas rigs kyi bu mchog des/ /mnyam pa'i don la gzhol ba'i phyir/ /ye shes rgyal pos 'di skad gsungs/ /snying gi dkyil du rnam sbyang ba//hU~M nyid ring pos mtshams sbyar te/ /thams cad bde ba chen po'i dbyings/ /dge sdig las kyis mi bcos shing / /sgom dang sgrub pas mi 'byangs pa'i/ /rnam dag sems nyid rin chen gter/ /rdo rje snying po ye shes kyis/ /khro rgyal kun gyi gtsor gyur cig /shrI ma hA su kha badzra bo d+hi hU~M ho/ /o~M a~M/ mi 'gyur ba yi ye shes gnas/ /ma btsal phyin pas bde ba'i mchog /ma bltas gsal bas ye shes spyan/ /gong na med pa'i kun gyi rje/ /ye shes rang gnas bdal ba la/ /mi 'gyur g.yung drung sa thob shog /o~M ma hA gu h+ya bru~M dz+nyA na maN+Dal/ /dz+nyA na gu h+ya sid d+hi swa b+hA ba At+ma kou0f85 ha~M/ gzungs dang ting 'dzin stobs dang mi 'jigs pa/ /'gyur ba med pa'i sman mchog thig le lnga/ /mtshan mchog rdzogs pa chen pos lus brgyan cing / /o~M sarba ta thA ga to gu h+ya At+ma a b+hi Shiny+tsa ho ha/khyung gi gshog pa g.yas g.yon gdengs pa yis/ /klu rnams zil gyis gnon par byed pa ltar/ /srid gsum yon tan mchog tu rdzogs pa yi/ /sangs rgyas kun la mdzes pa'i cod pan mchog /mchog tu che bas bdud bzhi zil gyis gnon/ /o~M sarba ta thA ga to ma hA gu h+ya badzra a b+hi Shiny+tsa ho//hU~M bde ba chen po'i rang gnas la/ /ye shes rgyal po stangs dpyal du/ /'gyur ba med par longs spyod cing / /thabs dang shes rab 'phro 'du yis/ /skye 'gro sras su 'dzin par shog /o~M sarba ta thA ga to gu h+ya a nu rA ga ta badzra swa b+hA ba At+ma kou0f85 ha~M//dbyings nas nyi shar mkha' la rdzogs sras 'gyur/ /rgyu 'phrul dra ba bla ma chen po las rdo rje bkod pa gsang ba dam tshig dang dbang sbyin pa'i le'u ste drug pa'o// //de nas bcom ldan 'das ye shes rgyal po des thugs rje chen po gdung ba'i dam tshig lu gu rgyud la snyoms par zhugs nas dam tshig sta na chen po'i phrin las mdzad do//e ma'o ngo mtshar rmad kyi chos/ /rdzogs pa'i sangs rgyas kun gyi gsang / /zhing bcur ldan pa'i longs spyod la/ /gsung gi 'phro 'du rnam sbyangs te/ /lnga yi tshom bu yang dag gsal//sgo lnga byin rlabs 'dren pa'i mchog /ngo mtshar ngan 'gro thar pa'i lam/ /gtsug tu snang mdzad sems dpa' che/ /skur skyed byin rlabs rmad po che/ /pho nya mang po'i 'phro 'du yis/ /zhing bcu gnas nas blangs nas su/ /nyi zla steng du de bzhag ste//shes pa gsum po dbyings su bstim/ /rang rgyud 'khor ba'i sa bon las/ /ljang gu ni ru 'phang bstod de/ /ni ljang hU~M du gnas bsgyur nas/ /yas 'dus mas 'dus hu~M la 'dus/ /hU~M ni bde gshegs ye shes lnga/ /dkar la gsal bar skur bskyed de//bde chen 'od zer 'phro bas brjid/ /rdo rje sngon po rtse lnga pa/ /yab yum bcu yi byin rlabs nyid/ /le brgan hU~M ni dbyings su sbyor/ /kun tu bzang mo bde ba'i mkha'/ /sangs rgyas sems can gnyi ga'i yum/ /rdo rje sems dpa' sangs rgyas gtso/ / sras su gyur pas bde ba'i mchog /zhing gyur mchog dang mchog phran rnams/ /gnas ni kun bzang yum gyi mkha'/ /sa ni rdo rje sems dpa'i sa/ /mi ldog nyi zla'i gdan stengs su/ /mkhas pas sku yi phyag rgyar bskyod/ /mtshan dang dpe byad yang dag ldan//rtag tu sku mchog g.yung drung sbyin/ /ho rdo rje gsang ba'i tshig tu'o/ /de nas ye shes rgyal po des/ /gsang mchog bde ba'i mchod sprin gyis/ /phyogs bcu'i zhing khams rdul snyed na/ /rgyal ba'i dkyil 'khor rdul phran snyed/ /de kun gsang mchog mnyes bya'i phyir//nyid kyi gsang ba'i rgyal mo de/ /'dzum pa'i mdangs kyis dbyings su thim/ /'khril nas gsang ba'i dgongs pa mdzad/ /brgyad phrag gnyis hU~M spros pas/ /klong du hU~M chen gcig tu 'khyil/ /kha dog rnam bzhi yang dag ldan//rigs bzhi lha mo rnam spros te/ /stong khams bkang nas mchod pa byed/ /la la gsang mchog dbyings su 'khril/ /la la 'dod lnga'i mchod pa byed/ /rin chen khang pa sna tshogs dang / /bla re rgyal mtshan 'phan gdugs dang / /rin chen do shal se mo do//dbyibs legs rin chen phung pos mdzes/ /bsam rdzogs rin chen sdong po yis/ /rgyal ba'i dkyil 'khor ma lus mchod/ /la la 'gro ba re ba skong / /la la bdud 'dul ngan song sbyong / /kun kyang gsang ba'i mchod 'bul byed/ /nyid kyi gsang ba'i rgyal mo dang //gnyis su med par 'khril nas su/ /'khril nas ga na'i mchod pa byed/ /stong khams nyungs 'brur gzhug tshul du/ /ga na'i mchod pa chen po yis/ /thams cad mnyes pa chen por gyur/ /de nas ye shes rgyal po de nyid kyi gsang ba'i rgyal mo dang gnyis su med par 'khril nas ched du brjod pa 'di brjod do//e ma'o bde gshegs spyod pa'i mchog /sna tshogs spyod la rang bzhin gsang / /ma chags pa yi ngo bo las/ /chags pa chen po'i spyod pa 'byung / /spyod pa chen po rnam gnyis la/ / rtogs nas chags pas su spyod pa/ /yang dag chags pa chen po ste/ /'di ni tshangs mchog rgyal po yin/ /sems kyi spyod pa rnam pa gnyis/ /zhing bcu mnyes pa'i las bya'o/ /zhes ched du gsungs so/ /de lta bus phyogs bcu dus bzhi'i de bzhin gshegs pa'i zhing khams kyis bsdus pa thams cad mnyes pa chen pos thim par gyur to//sgyu 'phrul dra ba bla ma chen po las thugs rje gdung ba'i le'u ste bdun pa'o// //de nas de bzhin gshegs pa ye shes rgyal po de mchod pa bla ma'i rgyan bkod pa'i ting nge 'dzin la snyoms par zhugs nas 'di skad gsungs so//sgyu 'phrul dra bas mngon rdzogs pa'i/ /dkyil 'khor bla ma dgongs pa'i mchog /bro gar 'du 'phro'i phyag rgya yis/ /'dzul lam nam mkhar 'gro bar nges/ /glu tshig sgra yi phyag rgya yis/ /chos kyi sems dpa'i dngos grub len//bza' dang btung ba'i phyag rgya yis/ /yid bzhin sems dpa'i dngos grub len/ /rgyan dang bgo ba'i phyag rgya yis/ /'od 'bar bla ma'i dngos grub len/ /A li kA li'i phyag rgya yis/ /thams cad grub cing rdo rje nges/ /rgyu 'bras dbyings su sbyor shes shing //bla ma'i dgongs pa gang sbyor ba/ /rig 'dzin rgyal ba'i zhing du nges/ /skye ba rnam bzhi rgyud sbyangs nas/ /mtshan rdzogs sa la gdon mi za/ /zhes gsungs pas tshogs chen po rnam pa gnyis rdzogs par gyur to/ /de nas nyid kyi bla ma'i mdzad spyod la dgyes pa chen pos glu 'di blangs so//o~M phyogs bcu dus bzhi rdzogs pa yi/ /ye shes dkyil 'khor thig le che/ /bsod nams dkyil 'khor sku yi tshogs/ /snang stong thig le kun du rdzogs/ /ho/ o~M rdo rje bsod nams thig le che/ /rdo rje ye shes dkyil 'khor ldan//rdo rje sgra chen mtha' yas pa/ /rdo rje rgyal po thig le che/ /ho/ o~M mi dmigs sgyu 'phrul mnyam pa'i dbyings/ /mtha' yas kun nas sna tshogs 'phro/ /mtha' yas kun nas lhun gyis thim/ /sna tshogs sku gsung thugs chen po/ /ho/ o~M sku gsung thugs kyi rdzogs pa che/ /yon tan phrin las kun tu rdzogs/ /ye nas lhun rdzogs kun tu bzang / /'dus pa'i rdzogs chen thig le che/ /ho/ o~M phyogs bcu 'jig rten rdul snyed du/ /rgyal ba'i don rnams rdul phran snyed/ /sprul pa rdul phran bsam yas kyi//skad cig yud la lhun gyis grub/ /ho/ o~M thams cad ma lus sku gsung thugs/ /sku gsung thugs kyi bdag nyid che/ /sku gsung thugs kyi kun tu khyab/ /sku gsung thugs kyi thig le che/ /ho/ o~M thams cad thig le bla ma'i don/ /sgyu 'phrul bla ma thig le'i dbyings//dbyings nyid byang chub sems chen po/ /snying po bla ma nges pa'i don/ /thig le gnyis las g.yos ba med/ /ho/ sgyu 'phrul dra ba bla ma chen po las tshogs chen po rnam pa gnyis mnyes pa'i le'u ste brgyad pa'o// //de nas de bzhin gshegs pa ye shes rgyal po de sgyu 'phrul bla ma chen po'i 'jigs pa chen po'i tshul gyis ting nge 'dzin mngon par 'du mdzad de/de ci'i phyir zhe na/ bdag tu lta ba dang / rmongs pa'i dbang gis gab pa'i gsang ba chen po ni ma rtogs/ sbas pa'i gsang ba la mngon par zhen pas chos mnyam pa nyid kyi don ni phyal bar bor//bram ze'i ngan sngags mang po ni blo'i gdeng du blangs nas snying rje chen po'i las dang ni bral gnas su ming btags nas zhe sdang sgrol ba'i las ni rgyun du byed/ thabs dang shes rab 'du 'bral med pa'i don ni ma rtogs/'dod chags spyod pa'i las dang skad cig tsam yang ma bral/ rang rig pa'i ye shes ni blo la nub/ don dam pa la kun du gti mug pas ni rgyun du khebs/ sangs rgyas kyi che ba'i yon tan ni ma rtogs/ nga rgyal khengs pa'i dregs pa'i las ni rgyun du byed/ tshad med pa bzhi'i las dang ni bral/ phrag dog gi tshub mas ni rgyun du khrid de/ bdag tu rmongs pa dang rtog pa la zhen te/ yang dag pa'i mtha' dang bral bas rgyu dang 'bras bu la rmongs te/ srid pa'i sa bon rtsub mos 'phangs nas mtshams med pa'i sems can dmyal ba rdo rje dmyal ba chen por bskal pa chen po stong phrag drug cur skyes so//de las thar nas nyi tshe ba'i sems can dmyal ba chen por bskal ba chen po drug tu skyes so/ /las kyi sgrib pa rtsub mo de las thar te sngon gyi srid pas mtshams sbyar nas srin po chen po lus gcig mgo bo brgya pa mgo bo sna tshogs pa/lus brgya pa mgo gcig pa lus dang yan lag mang po 'dug pa mtshon cha sna tshogs pa thogs shing gdug pa'i rdzu 'phrul mang po ston pas klu'i ris nas 'bras bu che ba man chad dbang du bsdus nas sa bon rtsub mos mang po 'debs so/ / de nas sngon legs par spyad pa'i 'bras bus bsod nams dang ye shes kyi tshogs kyis sku'i dbyibs legs par brgyan pa ye shes phyin ci ma log pa'i spyan gyis gzigs te/ las ngan pa'i srin po de nyon mongs pa'i bag chags sbyang ba dang / khams gsum gyi sems can bde ba la gzhag pa'i phyir thugs rje chen po'i ye shes skyes nas de bzhin gshegs pa thams cad kyi sku dang gsung dang thugs kyi bdag po dgyes pa chen po ye shes kyi rgyal po de nyid 'jigs byed chen po rgyal ba'i dkyil 'khor bla ma chen po sprin rnam par spro ba sgyu 'phrul bla ma'i ting nge 'dzin la snyoms par zhugs te/de bzhin nyid kyi bla ma chen po'i dbyings nas nyid kyi gsang ba'i bdag mo khro mo'i rgyal mo chen mo mngon du phyung ste/ hi hi zhes dgyes pa'i gzi mdangs kyis pad+ma rgyas par mdzad de/ gnyis su med pa'i dgyes pa chen pos thim nas gsang ba bla ma'i sprin las//hU~M hU~M hU~M badzra dz+wa bi Sha kro d+ha badzra dz+wa la maN+Dal phaT phaT ha la ha la hU~M zhes brjod pas 'jig rten drug gi phyogs bcu thams cad dur khrod bdal ba chen po'i rang bzhin khrag gi rgya mtsho dba' rlabs 'khrug pa'i dkyil na/keng rus chen po ri rab kyi steng na rdo rje me dpung du 'khyil ba'i dbus na 'og rdo rje rgya gram mig ris su bris pa/ phyogs bzhi ngos bzhi 'bar bar khyams gsum rdo rje rin po che'i glo 'bur du mdzes pa/ sgo bzhi rta babs mu khyud du bcas pa/ rdo rje rin po che rgya gram mthing ga 'bar ba'i rtsig pa dra ba ris su brtsigs pa/steng yid bzhin gyi rin po che 'bar ba/ rdo rje rgya gram 'bar ba'i bla re mig bres ba/ rtse mo dbyibs bla mas 'og min gyi gnas na srid pa'i rtse mo man chad bum pa'i tshul du dbyibs rdo rje rgya gram mig gcig tu 'khyil pa/ye shes rdo rje rgya gram gyi cho 'phrul bla ma'i 'od 'bar bas phyogs bzhir 'phros shing 'khrugs pas khams gsum thams cad bdal ba/ rgyal mtshan bla ma chen po dang / ru mtshon bla ma chen pos phyogs bzhi grwa bzhi nas bsgreng ba/gsang ba bla ma'i rtsig pas phyi rim bskor ba/ rdo rje rin po che'i phyi rol gyi shing ljon pa bla mas phyogs mtshams gtibs pa/ phyi dang nang med pa kun du yang bla ma chen po'i nang du gyur ba/ khams gsum thams cad rdo rje ra ba'i rtsig pa 'chor ba med pa'i gzhal yas khang na khro bo dang khro mo'i rol pa'i phyag rgya stong gi 'jig rten rdul phra mo snyed 'thon par gyur to//de nas 'jig rten drug gi phyogs bcu thams cad du 'ur 'ur dang chem chem dang / shig shig dang / thor thor dang / gtogs shig dang / choms shig dang / sod cig dang / drol zhig dang / sbyongs shig la sogs pas 'jig rten na dbang che zhing dpa' brtul che zhing brtul zhugs can rnams brgyal bar gyur to/ /de nas dgyes pa chen pos ye shes rgyal po de nyid dur khrod bla ma chen por dgyes nas khrag gi rgya mtsho'i dkyil keng rus chen po'i ri rab kyi steng na rdo rje me dpung 'bar ba'i klong dkyil na rdo rje ye shes kyi 'khor lo rtsibs bzhi pa la nyid kyi gsang ba'i rgyal mo dang mchod pa bla ma chen po mdzad de gnyis su med pa'i dbyings nas 'di phyung ngo //hU~M badzra du tri nan sUr+ya tsan+d+ra pad+ma maN+Da la de ba tiSh+Tha na~M zhes brjod pas ye shes rin po che'i 'khor lo rtsibs bzhi pa 'od 'bar ba'i sdeng du dur khrod gdug pa'i tshogs seng ge la sogs pa bla ma chen po'i khri btsugs te/ gdan bla ma nyi zla dang pad+ma spel bar bting ba'o//de nas cho 'phrul bla ma chen pos btul ba/ bsam gtan bla ma chen po spags pa tshad med pa/ dmigs pa thams cad dang bral ba'i ye shes bla ma chen pos dregs pa thams cad dus gcig tu btul ba'i snam rten bla ma chen po la mtshon pa dang /dmigs pa'i yul las 'das pa'i phyag rgya bla ma 'od 'bar ba bzhugs pa ni bcom ldan 'das ye shes rgyal po chen po sku mthing nag cir yang 'gyur ba/ rdo rje ljags kyis gsung 'brug stong gi sgra sgrogs pas stong khams thams cad dus gcig tu 'jig pa/ye shes me'i thugs kyis snang srid kyi bud shing dus gcig tu bsregs pa/ steng 'og med par kun du skyi bung zhes byed pa/ dbu dgu phyag brgyad pa/ zhabs rnam pa brgyad du gtams pa/ phyag na mtshon cha sna tshogs bsnams pa/dur khrod kyi rgyan gyis brgyan pa/ spyan 'bar ba nyi shu rtsa bdun mnga' zhing rigs lnga'i dbu rgyan gyis brgyan pa/ rdo rje mthing ga khyung gi gshog pas 'jig rten gyi khams yog par bkab pa/ khros pa'i rgyal mo mthing nag 'bar ba dang gnyis su med par bzhugs so//gnyis su med pa'i dbyings nas shar phyogs kyi 'khor lo'i rtsibs stengs la khri dang nyi zla'i steng du ma hA de ba dang / 'dod pa'i lha gan rkyal du brtul ba'i steng du nyid kyi gzugs kyi phung po de bcom ldan 'das bud+d+ha he ru ka /sku mdog ser nag dbu gsum phyag drug zhabs bzhir gyur pa dur khrod kyi rgyan gyis brgyan pa'o//phyag na mtshon cha sna tshogs bsnams pa'o/ /bder gshegs khros pa'i rgyal mo dang 'khril ba chen po'i tshul du bzhugs so/ /lho phyogs kyi 'khor lo'i rtsibs stengs la khri dang nyi zla'i gdan stengs su gshin rje gan rkyal du bsgyel ba'i gdan la nyid kyi tshor ba'i phung po las bcom ldan 'das rat+na he ru ka sku mdog sngo nag dbu gsum phyag drug zhabs bzhir gyur pa/mtshon cha sna tshogs 'dzin pa/ dur khrod kyi rgyan gyis brgyan pa/ rin po che khros pa'i rgyal mo dang 'khril ba chen mo'i tshul gyis bzhugs so//nub phyogs kyi 'khor lo'i rtsibs stengs la khri dang nyi zla'i steng du chu bdag gi rgyal po dang 'khor lo nag po b+h+r-ing gi ri ti gan rkyal du bsgyel ba'i gdan la nyid kyi 'du shes kyi phung po de bcom ldan 'das pad+ma he ru ka sku mdog dmar nag dbu gsum phyag drug zhabs bzhir gyur pa/mtshon cha sna tshogs 'dzin pa/ dur khrod kyi rgyan gyis brgyan pa'o/ /pad+ma khros pa'i rgyal mo dang 'khril ba'i tshul du bzhugs pa'o/ /byang phyogs 'khor lo'i rtsibs stengs la khri dang nyi zla'i gdan stengs su gnod sbyin stongs gan rkyal du bsgyel ba'i gdan la nyid kyi 'du byed kyi phung po de bcom ldan 'das karma he ru ka sku mdog ljang nag dbu gsum phyag drug zhabs bzhi bgrad par gyur pa/mtshon cha sna tshogs 'dzin pa ste/ dur khrod kyi rgyan gyis brgyan pa/ las mchog khros pa'i rgyal mo dang 'khril ba chen po'i tshul gyis bzhugs so//de nas dreg pa chen po la sogs pas gdug pa'i sems kyis gtum pa'i rdzu 'phrul sna tshogs bstan pas mgrin gcig tu 'dug pa'i nga ros gtum pa'i brlang tshig tu smras pa/ thong thong snying rje'i bdag po ci 'di ltar byed dam zhes zer zhing shin tu gtum pas rngam mo//de nas bcom ldan 'das dgyes pa chen pos ye shes rgyal po de nyid sku gzi brjid chen po'i mdangs su gyur te/ thugs rje chen pos 'dul ba'i thabs kyis sgyu 'phrul dra ba'i gsang sngags bla ma'i rngam pa'i gdangs skad chen po 'di dag phyung ngo //hU~M hU~M hU~M/ ha ha ha/ khA hi khA hi khA hi/ zhes brjod pas dbang phyug chen po la sogs pa'i gdug pa'i tshogs de dag gi snying dang dbang po kun phyung nas nang grol kun drangs yan lag kun bcad btubs te sha zos/ khrag 'thungs rus pa kun 'chos so//de nas 'jigs byed chen po de nyid kyis hU~M hU~M hU~M b+h+yo e a ra li dzA dzA zhes brjod pas phyogs bcu'i 'jig rten gyi khams nam mkha' dang bcas pa yungs 'bru gcig tsam du chud par bsdus so/ /de nas 'byung po ma rungs pa thams cad kyi rje bo'i yang rje bo//dregs pa chen po la sogs pa'i chung ma 'byung mo thams cad kyi rje mo'i yang rje mo/ /srin mo chen mo mi srun mo dang / tshangs ma dang / khro mo dang / dbang mo dang / 'jug sred mo dang / gzhon nu mo dang / dmar po dang / bdud rtsi mo dang / zhi ba mo dang /be chen mo dang / srin mo dang / za ba mo dang / dga' ba mo dang / ra ro khrag 'thung mo dang / gcig pu spyod ma dang / yid 'phrog ma dang / grub mo dang / rlung mo dang / gsod byed mo dang / me mo dang / phag mo dang / rgan byed mo dang / sna chen mo dang /chu lha mo dang / nag mo chen mo dang / ra mgo dmar ser chen mo dang / bum sna sngo nag chen mo dang / gsus 'dzin sngo nag chen mo la sogs pa dang / yang bran dang / g.yog dang / yang g.yog la sogs pa 'khor zhing gi rdul kyang bsdus so/ / de nas yang dgyes pa chen po ye shes rgyal po de nyid dgyes pa bla ma'i gsang ba chen po sprin 'byung ba zhes bya ba'i ting nge 'dzin la mngon par 'du mdzad de sku gsung thugs bla ma las 'di dag phyung ngo / /o~M AHhU~M/ badzra pad+ma pra be sha pad+ma hU~M a la la ho zhes brjod pas 'byung po ma rungs pa thams cad shin tu chags pa'i yid g.yos nas gsang ba rgyas par byas nas khab lan gyi rdo la lcags 'du ba'i tshul du bcom ldan 'das ye shes rgyal po'i sku la mi srun mo la sogs pa brgyad 'khril lo//bcom ldan 'das ser nag chen po'i sku la tshangs ma la sogs pa lnga 'khril lo//bcom ldan 'das sngo nag chen po'i sku la bdud rtsi mo la sogs pa lnga 'khril lo/ /bcom ldan 'das dmar nag chen po'i sku la khrag gis myos ma la sogs pa lnga 'khril lo/ /bcom ldan 'das ljang nag chen po'i sku la me mo la sogs pa lnga 'khril lo//de nas dgyes pa chen po de dag gis hU~M zhes brjod pas pad+ma'i tshogs bsdus te shin tu bcum par gyur to/ /de nas dgyes te ha ha zhes brjod pas nyid kyi shes pa'i tshogs rnam par shes pa brgyad las dkar po la sogs pa brgyad rang gi lag cha dang ngo mtshar du chas te 'thon par gyur to//'thon nas kyang 'khor lo 'bar ba'i phyi rol shar phyogs nas 'khor bar khro bo'i gzugs kyis snying rje 'jigs tshul gyis stan la gnas so/ /de nas dgyes te he zhes brjod pas nyid kyi shes pa'i yul brgyad las seng gdong chen mo la sogs pa brgyad rang gi lag cha dang ngo mtshar du chas te 'thon nas yang 'khor lo 'bar ba'i bar khyams su snying rje 'jigs pa'i tshul gyis stan la shin tu rngam pa'i stabs kyis gnas so//de nas dgyes te phaT ces phyogs bcu'i zhing ma lus par bsgrags pas phyogs bcu'i zhing ma lus pa na 'gro ba rnams kyi don ma lus par mdzad pa thub pa chen po drug bcom ldan 'das drug 'gro ba rnams kyi don mdzad cing 'gro ba drug 'dul ba dang /yid chos dbyings nas rol te spor byed nyi zer zhags pa can la sogs pa brgyad du gyur te/'bar ba'i bar khyams gsum pa la zhing skam gsher spel ba'i gdan stengs su rang gi lag cha dang shin tu rngam pa'i stabs kyis shar phyogs nas 'khor bar gnas so/ /de nas dgyes te phaT ces brjod pas nyid kyi phyin ci log bzhi las rdo rje srings 'gro ma la sogs pa bzhi rang rang gi lag cha dang ngo mtshar du chas nas dkyil 'khor 'bar ba chen po'i sgo bzhir snying rje 'jigs tshul gyi stan la shin tu rngam pa'i gzugs kyis thabs dang shes rab kyi tshul du gnas so//de nas dgyes pa chen po'i sprin las/ bud+d+ha rol pa'i phyag rgya bzhi bcu rtsa gnyis kyis dus gcig tu phaT ces brjod pas thams cad khros nas 'byung mo thams cad kyang rang gi gnas su yud tsam gyis phyin par dgye'o/ /de nas bcom ldan 'das khrag 'thung chen po de nyid thugs rje chen pos bdud rtsi 'byung ba zhes bya ba'i dgongs pa cig char zhugs te sku gsung thugs rdo rje las 'di dag phyung ngo //o~M badzra a mr-i ta ma hA kro d+hi a~M a~M zhes brjod pas dbang phyug chen po la sogs pa thams cad bcom ldan 'das khrag 'thung chen po'i snam logs nas 'thon to//'dam khu blud de dran pa rnyed do/ /de nas khrag 'thung chen po de dag kun ya mtshan chen por gyur te cho 'phrul chen po mdzad pa mthong ngo / /de dag gi dus su 'jig rten drug na gnas pa'i dregs pa chen po rnams dus gcig tu btul bar mthong ste/shin tu zhum zhing bred nas mgrin gcig tu smras pa/ 'bangs su mchi 'bangs su mchi/ /'bangs su nan tan ma bgyis na/ /mgo dang lus kyang brgyar 'gas shing / /snying yang gas shing gtubs gyur cig /rul myags tshig nas rlag pa dang //dmyal bar lhung nas 'bod par shog /ces 'bangs su mchi bar rang rang gis dmod btsugs so/ /de nas de dag kun dkyil 'khor gyi gdan du bzhag go/ /de nas yang de thams cad kyis mgrin gcig tu smras pa/ rang rang gi chung ma dang /bu mo dang / rang rang gi ma dang / sring mo rnams dkyil 'khor du phul te/ bdag cag rnams kyi mchis brang dang / /ma dang sring mo bu mo rnams/ /dkyil 'khor chen por bzhes su gsol/ /dpa' bo lha rjes bzhes su gsol/ /bdag cag 'khor tshogs thams cad kyis//'bar ba'i dkyil 'khor chen po 'di/ /ming tsam 'dzin par su bgyid pa/ /nor bu rin chen 'bar ba ltar/ /de yi dgos pa rdzogs par bgyid/ /ces dmod btsugs so/ /de nas de'i ma dang / sring mo dang / chung ma dang /bu mo rnams yud tsam gyis phyin par 'ongs nas las kyi dngos grub stsol ba las/ /de nas khrag 'thung ye shes chen pos ming btags/ lag tu rdo rje byin nas rdo rje bran dang pho nyar dbang bskur ro/ /de nas dkyil 'khor 'bar ba chen po'i don phyogs bcu dus bzhi'i de bzhin gshegs pa rnams la gsal zhing 'bar bar bya ba'i phyir ye shes rgyal mo de nyid kyi gsang ba'i rgyal mo dang gnyis su med par gyur nas sku gsung thugs rdo rje bla ma las 'di dag phyung ngo //e ma'o ye nas gsang ba'i chos/ /mkha' dbyings gnyis su med pa las//mkha' la bla ma'i dkyil 'khor shar/ /khri btsugs nyi dkyil gdan stengs su/ /de la lha tshogs gdan du bting / /hU~M 'khor lo 'bar ba'i lte dbus su/ /khri bshams nyi dkyil ya bdud gdon/ /de yi steng du bsam bya ba//byang chub sems las sku bskyed pa/ /dpal chen bla med he ru ka /dbu dgu phyag kyang brgyad de/ /spyan yang 'bar ba nyi shu bdun/ /dbu la rigs lnga'i dbu rgyan gsol/ /zhabs kyang rnam pa brgyad du gtams/ /rdo rje mthing ga khyung gi gshog /'jig rten khams kyang yog par bkab/ /sbrul nag 'jigs su rung ba dang / /dur khrod rgyan gyis brgyan pa'o/ /dbu gsum dang la byung ba ni/ /g.yas dkar g.yon dmar dbus mthing zhal/ /rnam par thar ba'i dbu gsum gyis/ / khams gsum mya ngan zlo ba'i zhal/ /dbu gsum bar nas rngam pa ni/ /g.yas sngo g.yon ljang dbus mthing zhal/ /thabs dang shes rab sems kyi dbu/ /srid gsum dbyings su rdzogs pa'i zhal/ /dbu gsum mtha' nas rngam pa ni/ /g.yas mthing g.yon mthing dbus mthing zhal//khams gsum re ba skong ba yi/ /lung dang man ngag sems kyi dbu/ /'gyur ba med pa'i mthing nag zhal/ /skye shi rtsa ba gcod pa'i tshems/ /dbu dgu rol pa'i byin brlabs las/ /g.yas gsum glog stong lce 'byin cing / /g.yon gsum 'brug stong sgra sgrogs pa//dbu gsum rdo rje ser chen 'beb/ /spyan dgu dang la gzigs pa ni/ /chos dbyings kun du bzang po dang / /kun du bzang mo'i mkha' dbyings la/ /'gyur ba med pa'i tshul gyis gzigs/ /spyan dgu bar nas gzigs pa ni//rnam par grol ba'i ye shes kyis/ /srid pa'i sems can thams cad la/ /byams mgon snyoms pa'i spyan gyis gzigs/ /spyan dgu mtha' nas gzigs pa ni/ /g.yas gsum zhe sdang khros pa'i spyan/ /gzigs pas bdud dang mu stegs sgrol//g.yon gsum byams mgon snyoms pa'i spyan/ /gzigs pas mtha' yas bde la 'jog /dbu gsum ye shes rol pa'i spyan/ /gzigs pas skye 'gro gnas su stobs/ /dbu dgu rigs lnga'i dbu rgyan dgu/ /lnga dgu bzhi bcu rtsa lnga yang / /bud+d+ha bzhi bcu rtsa lngas brgyan//stong pa chen po'i ye shes kyis/ /khyab bdal chen po'i rtags su bsnams/ /brgyad phyag na rol pa yis/ /stong pa brgyad dbyings su sbyor/ /zhabs brgyad nga rgyal dregs pa 'joms/ /thabs dang shes rab ldan pa yis//rdo rje mthing ga gshog pa brkyang / /brgyad phyag na bsnams pa yis/ /rdo rje glo snying zhing chung g.yas/ /b+han d+ha zhing chen stir chen g.yon/ /nang zhags nyi ma khyung chen g.yas/ /zhing chen zla ba 'ug pa g.yon/ /me dang rgya mtsho ga'u g.yas/ / rlung dang rin chen ri rab g.yon/ /yon tan brgyad dbyings su rdzogs/ /dang po rdo rje dung chen ni/ /khams gsum dbang du bsdus nas kyang / /bdud dang mu stegs kun 'joms pa'o/ /gnyis pa stir chen glo snying ni/ /srid pa'i sems can thams cad kun//dam tshig sta na dbyings su sgrol/ /gsum pa stir chung ril mid ni/ /dug gsum rnam par sgrol ba'i rtags/ /bzhi pa stir chen nang zhags ni/ /rgyud lnga'i sems can dbyings su 'dren/ /lnga pa nyi zla zung du 'dzin/ /byang chub sems las g.yos pa med//drug pa khyung dang 'ug pa ni/ /mkha' 'gro thams cad 'khol ba'i rtags/ /bdun pa me dpung rlung gis 'thor/ /srid pa'i bag chags thal bar rlog /brgyad pa ri rab rgya mtsho rnams/ /thams cad ma lus g.yeng gnas shing / /'byung ba lnga la mnga' brnyes pa'o//dgu pa rin chen ga'u ni/ /dngos grub sprul pa 'byung ba'i rtags/ /dgu gnyis zung du ldan pa las/ /stong pa brgyad dbyings su rdzogs/ /dur khrod rgyan gyis brgyan pa ni/ /thod skam 'bar ba phreng ba yis/ /zhi ba phyogs gcig mya ngan zlo//mngon par rdzogs pa'i sku brnyes pa'o/ /thod rlon 'bar ba'i phreng ba 'di/ /khams gsum dbang du bsdus nas su/ /sprul pa'i sku la mnga' brnyes pa'o/ /thod pa phyed tshal phreng bas ni/ /dug lnga bdud rtsir sbyor ba ste/ /longs spyod sku la mnga' brnyes pa'o/ / zhing chen rlon pa'i na bza' ni/ /chos dbyings mnyam pa chen po ste/ /chos kyi sku la mnga' brnyes pa'o/ /stag lpags g.yang gzhi'i sham thabs ni/ /phrin las rnam bzhi'i rang bzhin te/ /rdo rje'i sku la mnga' brnyes pa'o/ /sbrul nag chun 'phyang mang po ni/ / ye shes thams cad 'byung ba'i rtags/ /rtags chen sku la mnga' brnyes pa'o/ /zhabs brgyad lha brgyad brdzis pa ni/ /nga rgyal can rnams tshar gcod pa'o/ /sangs rgyas khros pa'i rgyal mo ni/ /kro d+hi shwa ri yum gyi gtso/ /mthing nag 'bar ba'i ral pa can//rgyan dang cha lugs gtso dang mthun/ /'khril ba chen po'i tshul gyis su/ /b+han d+ha rak+ta gtso la stobs/ /'khril ba chen po'i tshul du bsam/ /shar phyogs 'khor lo'i rtsibs stengs na/ /khri dang nyi dkyil nyi zla'i gdan/ /de yi steng du bsam bya ba//gzugs kyi phung po gnas gyur pa/ /khrag 'thung bud+d+ha he ru ka /dbu gsum phyag drug zhabs bzhir bgrad/ /g.yas ljang g.yon sngo dbus ser zhal/ /phyag drug mngon par rol pa las/ /'khor lo dgra sta zhags pa g.yas/ /b+han d+ha rde'u chung kha T+wA~M g.yon//ser nag dur khrod rgyan gyis brgyan/ /bde gshegs khros pa'i rgyal mo dang / /'khril ba chen po'i tshul du bsam/ /lho phyogs 'khor lo'i rtsibs stengs na/ /khri dang nyi dkyil gshin rje'i gdan/ /de yi steng du bsam bya ba/ /tshor ba'i phung po gnas gyur pa//khrag 'thung rat+na he ru ka /dbu gsum phyag drug zhabs bzhir bgrad/ /g.yas ser g.yon dmar dbus sngo zhal/ /phyag drug mngon par rol pa las/ /rin chen gshol dang gtun shing g.yas/ /b+han d+ha dgra sta rde'u chung g.yon//sngo nag dur khrod rgyan gyis brgyan/ /rin chen khros pa'i rgyal mo dang / /'khril ba chen po'i tshul du bsam/ /nub phyogs 'khor lo'i rtsibs stengs su/ /khri dang nyi dkyil klu yi gdan/ /de yi steng du bsam bya ba/ /'du shes phung po gnas gyur pa//khrag 'thung pad+ma he ru ka /dbu gsum phyag drug zhabs bzhir bgrad/ /g.yas sngo g.yon dmar dbus ljang zhal/ /phyag drug mngon par rol pa las/ /pad+ma rde'u chung spu gri g.yas/ /b+han d+ha kha T+wAM so phreng g.yon/ /dmar nag dur khrod rgyan gyis brgyan//pad+ma khros pa'i rgyal mo dang / /'khril ba chen po'i tshul du bsam/ /byang phyogs 'khor lo'i rtsibs stengs na/ /khri dang nyi dkyil gnod sbyin gdan/ /de yi steng du bsam bya ba/ /'du byed phung po gnas gyur pa/ /khrag 'thung karma he ru ka/ dbu gsum phyag drug zhabs bzhir bgrad/ /g.yas dmar g.yon ser dbus ljang zhal/ /phyag drug mngon par rol pa las/ /ral gri zhags pa rde'u chung g.yas/ /b+han d+ha thod dbyug kha T+wAM g.yon/ /ljang nag dur khrod rgyan gyis brgyan/ /las mchog khros pa'i rgyal mo dang //'khril ba chen po'i tshul du bzhugs/ /'khor lo 'bar ba'i phyi rim na/ /me dpung 'bar ba'i gzhal yas na/ /mkha' dbyings gnyis su med pa las/ /mkha' las skyes pa'i phra men ma/ /shar phyogs su ni bsam bya ba/ / sa bdag bsgyel ba'i gdan stengs su/ /kun gzhi gnas gyur phra men ma/ /rnal 'byor sngo nag go'u ri ma/ /ral pa kham nag gyen du 'khyil/ /mche gtsigs rkan brdabs g.yang gzhi gsol/ /spyugs par glu blangs ha has bzhad/ /sti ra dbyug pa g.yas pa na//b+han d+ha rak+ta g.yon pa na/ /skye shi ma la brkyang bskum bzhugs/ /lho phyogs ngos su bsam bya ba/ /gsod skyen bsgyel ba'i gdan stengs su/ /rnam shes gnas gyur phra men ma/ /rnal 'byor ser nag tso'u ri ma/ /ral pa kham nag gyen du 'khyil//mche gtsigs rkan brdabs g.yang gzhi gsol/ /spyugs pas glu blangs ha has bzhad/ /thabs kyi mda' drangs g.yas pa na/ /shes rab bzhu bdungs g.yon pa na/ /ya ma ye la brkyang bskum bzhugs/ /nub kyi phyogs su bsam bya ba//nyi ma bsgyel ba'i gdan stengs su/ /nyon mongs gnas gyur phra men ma/ /rnal 'byor dmar nag pra mo ha/ /ral pa kham nag gyen du 'khyil/ /mche gtsigs rkan brdabs g.yang gzhi gyon/ /spyugs pas glu blangs ha has bzhad/ /chu srin rgyal mtshan g.yas pa na//b+han d+ha rak+ta g.yon pa na/ /sUr+ya ye la brkyang bskum bzhugs/ /byang gi phyogs su bsam bya ba/ /zla ba bsgyel ba'i gdan stengs su/ /reg bya gnas gyur phra men ma/ /rnal 'byor mthing nag pe ta li/ /ral pa kham nag gyen du 'khyil//mche gtsigs rkan brdabs g.yang gzhi gyon/ /spyugs pas glu blangs ha has bzhad/ /rdo rje rtse lnga g.yas pa na/ /stir chung mgo gcod g.yon pa na/ /tsan+t+ra ye la brkyang bskum bzhugs/ /shar lho mtshams su bsam bya ba/ /me lha bsgyel ba'i gdan stengs su//lta byed phra men gnas gyur pa/ /rnal 'byor dmar nag puk+ka si/ /skra 'bar mche gtsigs rkan brdabs shing / /dur khrod g.yang gzhi slag pa gyon/ /spyugs pas glu blangs ha has bzhad/ /sti ra chen po g.yas pa na/ /tshems bar rgyu 'dren g.yon pa na//ag+ne ye la brkyang bskum bzhugs/ /lho nub mtshams su bsam bya ba/ /bden bral bsgyel ba'i gdan stengs su/ /nyan byed gnas gyur phra men ma/ /rnal 'byor mthing nag sma sha ni/ /skra 'bar mche gtsigs rkan brdabs shing //srog chags chen po g.yang gzhi gyon/ /spyugs pas glu blangs ha has bzhad/ /sti ra chung ngu g.yon pa na/ /tsit+ta phyung ba g.yas pa na/ /ni ri til brkyang bskum bzhugs/ /nub byang mtshams su bsam bya ba/ /rlung lha bsgyel ba'i gdan stengs su//snom byed gnas gyur phra men ma/ /rnal 'byor ser nag tsaN+Da li/ /skra 'bar mche gtsigs rkan brdabs shing / /'jigs su rung ba'i slag pa gsol/ /spyugs pas glu blangs ha has bzhad/ /sti ra chung ngu g.yas pa na/ /b+han d+ha bcad pa g.yon pa na//ba ya be la brkyang bskum bzhugs/ /byang shar mtshams su bsam bya ba/ /dbang ldan bsgyel ba'i gdan stengs su/ /myong byed gnas gyur phra men ma/ /rnal 'byor ljang nag g+has ma ri/ /skra 'bar mche gtsigs rkan brdabs shing / / sti ra chen po'i shun pa gsol/ /spyugs pas glu blangs ha has bzhad/ /b+han d+ha rak+ta g.yas pa na/ /rtse gsum 'khrug pa g.yon pa na/ /i shwa ra la brkyang bskum bzhugs/ /dkyil 'khor de yi phyi rim du/ /smug nag 'bar ba'i bar khyams na/ /gsang ba'i mkha' las skur bskyed pa//shar gyi phyogs su bsam bya ba/ /dri za bsgyel ba'i gdan stengs su/ /kun gzhi yul las gnas gyur pa/ /phra men thogs med seng ge'i gdong / /rnal 'byor ser nag seng ge ma/ /mche gtsigs rkan brdabs g.yang gzhi gyon//phyag gnyis bsnol nas shin tu 'gying / /sti ra chen po sprug cing gsol/ /in+d+ra ye la brkyang bskum bzhugs/ /lho yi phyogs su bsam bya ba/ /grul bum bsgyel ba'i gdan stengs su/ /rnam shes yul la gnas gyur pa/ /phra men dpa' bo stag gi gdong //rnal 'byor dmar nag bya g+h+r-i ma/ /mche gtsigs rkan brdabs g.yang gzhi gyon/ /phyag gnyis gyad kyi 'dor tshul gyis/ /stir chung bskyur nas 'bru tshugs lta/ /ra tri'i gdan la brkyang bskum bzhugs/ /nub kyi phyogs su bsam bya ba/ / bsgyel ba'i gdan stengs su/ /nyon mongs yul la gnas gyur pa/ /phra men rtog 'dul wa yi gdong / /rnal 'byor dmar nag sri ka ma/ /mche gtsigs rkan brdabs g.yang gzhi gyon/ /phyag gnyis stir chen nang grol 'dru/ /hri 'di gdan la brkyang bskum bzhugs//byang gi phyogs su bsam bya ba/ /gnod sbyin bsgyel ba'i gdan stengs su/ /reg bya yul la gnas gyur pa/ /phra men btang snyoms spyang mo'i gdong / /rnal 'byor mthing nag shwa na ma/ /mche gtsigs rkan brdabs g.yang gzhi gyon/ / phyag gnyis rol pa chen po yis/ /sti ra phyed mar btsal nas gsol/ /yak+Sha'i gdan la brkyang bskum bzhugs/ /shar lho mtshams su bsam bya ba/ /srin po bsgyel ba'i gdan stengs su/ /lta byed yul la gnas gyur pa/ /phra men gzi brjid bya rgod gdong / / rnal 'byor dmar nag kri ta ma/ /mchu brdar rkan brdabs g.yang gzhi gyon/ /zangs gri rnon po g.yas pa na/ /rgyu zhags drang ba g.yon pa na/ /rak+Sha sa la brkyang bskum bzhugs/ /lho nub mtshams su bsam bya ba/ /srin po bsgyel ba'i gdan stengs su//nyan byad yul la gnas gyur pa/ /phra men gsal byed dur bya'i gdong / /rnal 'byor rnal ma kang+ka ma/ /mchu brdar rkan brdabs g.yang gzhi gsol/ /stir chung stod smad g.yas g.yon na/ /rngam pa'i tshul gyis phrag la bkal/ /rak+Sha sa la brkyang bskum bzhugs//nub byang mtshams su bsam bya ba/ /srin po bsgyel ba'i gdan stengs su/ /snom byed yul la gnas gyur ba/ /phra men sa le bya rog gdong / /rnal 'byor dmar nag kha khwa ma/ /mchu brdar rkan brdabs g.yang gzhi gyon/ / zangs gri dmar po g.yas pa na/ /b+han d+ha rak+ta g.yon pa na/ /rak+Sha sa la brkyang bskum bzhugs/ /byang shar mtshams su bsam bya ba/ /srin po bsgyel ba'i gdan stengs su/ /myong byed yul la gnas gyur pa/ /phra men rdzogs byed 'ug pa'i gdong / /rnal 'byor ljang nag hu lu ma//mchu brdar rkan brdabs g.yang gzhi gsol/ /rdo rje lcags kyu g.yas pa na/ /stir chung spyi 'joms g.yon pa na/ /rak+Sha sa la brkyang bskum bzhugs/ /'bar ba'i bar khyams tha ma la/ /thod skam 'bar ba'i gzhal yas na//zhing chen bsnol ma'i gdan stengs su/ /shar gyi phyogs su bsam bya ba/ /nyul byed yul la gnas gyur pa/ /sbor byed chen mo mi zad ma/ /sna tshogs 'gyur ba'i sku mdog ma/ /zhing chen rol pa'i slag pa gsol/ /ral pa kham nag gyen du 'bar//spyugs pas glu blangs srid gsum 'bar/ /ha ha gad mos ye shes rol/ /nyi zer zhags pa g.yas pa na/ /b+han d+ha rak+ta g.yon pa na/ /ro rlon steng du brkyang bskum bzhugs/ /lho yi phyogs su bsam bya ba/ /mi mgon thub pa gnas gyur pa//spor byed chen mo mdung thung 'phen/ /rnal 'byor ser nag nyul chen ma/ /ral pa kham nag gyen du 'khyil/ /mi yi g.yang gzhi gos su gyon/ /spyugs pas glu blangs srid gsum sbyangs/ /ha ha gad mos mi rnams spor/ /rdo rje mdung thung g.yas pa na//b+han d+ha rak+ta g.yon pa na/ /ro rlon steng du brkyang bskum bzhugs/ /nub kyi phyogs su bsam bya ba/ /chos kyi dbyings las gnas gyur pa/ /spor byed rdo rje dril 'khrol ma/ /rnal 'byor mtshon du med pa'i sku/ /ral pa kham nag gyen du 'bar/ /chos nyid dbyings kyi na bza' gsol//spyugs pas glu blangs stong khams spor/ /ha ha gad mos dbyings su sbyor/ /gsung bsgrags dril bu g.yas pa na/ /b+han d+ha rak+ta g.yon pa na/ /ro rlon steng du brkyang bskum bzhugs/ /byang gi mtshams su bsam bya ba/ /lha min thub pa gnas gyur pa//spor byed thod phreng skar mda'i gdong / /rnal 'byor sngo nag nyul chen ma/ /srog chags chen po'i g.yang gzhi gyon/ /ral pa kham nag gyen du 'bar/ /spyugs pas glu blangs khams gsum sbyangs/ /ha ha gad mos lha rnams spor/ /rdo rje skar mda' g.yas pa na//b+han d+ha rak+ta g.yon pa na/ /ro rlon steng du brkyang bskum bzhugs/ /shar lho mtshams su bsam bya ba/ /lha 'dul thub pa gnas gyur pa/ /spor byed khyung thogs gnod sbyin ma/ /rnal 'byor mthing nag nyul chen ma/ /'jigs byed g.yang gzhi gos su gyon//ral pa kham nag gyen du 'bar/ /spyugs pas glu blangs stong khams grags/ /ha ha gad mos lha rnams spor/ /rdo rje khyung chen g.yas pa na/ /b+ha d+ha rak+ta g.yon pa na/ /ro rlon steng du brkyang bskum bzhugs/ /lho nub mtshams su bsam bya ba//thub pa gnas gyur pa/ /spor byed me khyer glog phreng 'dzin/ /rnal 'byor dmar nag nyul chen ma/ /mgrin g.yang gzhi gyon/ /ral pa kham nag gyen du 'bar/ /spyugs pas glu blangs snang srid sbyangs/ / ha ha'i gad mos spor/ /rdo rje glog phreng g.yas pa na/ /b+han d+ha rak+ta g.yon pa na/ /ro rlon steng du brkyang bskum bzhugs/ /nub byang mtshams su bsam bya ba/ /byol song thub pa gnas gyur pa/ /spor byed 'jigs chen slog sha rdebs/ / rnal 'byor smug nag nyul chen ma/ /ral pa kham nag gyen du 'bar/ /slag chen brjid pa'i g.yang gzhi gyon/ /spyugs pas glu blangs stong khams grags/ /ha ha'i gad mos byol song spor/ /rdo rje slag sha g.yas pa na/ /b+han d+ha rak+ta g.yon pa na/ /ro rlon steng du brkyang bskum bzhugs//byang shar mtshams su bsam bya ba/ /dmyal mgon thub pa gnas gyur pa/ /spor byed gshin rje ral gri sla/ /rnal 'byor sngo nag nyul chen ma/ /ral pa kham nag gyen du 'bar/ /gshin rje g.yang gzhi gos su gyon/ /spyugs pas glu blangs srid gsum sbyangs//ha ha'i gad mos dmyal ba spor/ /rdo rje ral gri g.yas pa na/ /b+han d+ha rak+ta g.yon pa na/ /ro rlon steng du brkyang bskum bzhugs/ /'bar ba'i dkyil 'khor sgo bzhi la/ /phyin ci log bzhi gnas gyur pa/ /shar gyi sgor ni bsam bya ba//phag chen po yi gdan stengs su/ /rta gdong srin mo'i g.yang gzhi gsol/ /rdo rje lcags kyu g.yas pa na/ /b+han d+ha rak+ta g.yon pa na/ /phag chen po yi gdan stengs su/ /stobs chen khro bo chen po dang / /'khril ba chen po'i tshul du bzhugs//rngam pa'i tshul gyis phyir bltas pa'o/ /lho yi sgor ni bsam bya ba/ /ra gdong chen mo'i gdan stengs su/ /phag gdong chen mo'i g.yang gzhi gyon/ /lcags kyi dril zhags g.yas pa na/ /b+han d+ha rlon pa g.yon pa na/ /ra gdong chen mo'i gdan stengs su//khro chen gshin rje gshed po dang / /'khril ba chen po'i tshul gyis su/ /rngam pa'i tshul gyis bltas pa'o/ /nub kyi sgor ni bsam bya ba/ /bum rna chen mo'i gdan stengs su/ /dred gdong chen mo g.yang gzhi gyon/ /lcags sgrog me 'bar g.yas pa na//b+han d+ha rlon pa g.yon pa na/ /srin po bum rna'i gdan stengs su/ /khro chen rta mgrin chen po dang / /'khril ba chen po'i tshul gyis su/ /rngam pa'i tshul gyis phyir bltas pa'o/ /byang gi sgor ni bsam bya ba/ /gsus po che yi gdan stengs su/ /spyang gdong chen mo g.yang gzhi gyon//dril bu thal chen g.yas pa na/ /b+han d+ha rlon pa g.yon pa na/ /gsus po che yi gdan stengs su/ /khro chen bdud rtsi 'khyil pa dang / /'khril ba chen po'i tshul gyis su/ /rngam pa'i tshul gyis phyir bltas pa'o/ /ho badzra gu h+ya tshig tu'o/ / gsang ba'i snying po'i de kho na nyid nges pa sgyu 'phrul bla ma chen po las bdud btul ba dang nyid kyi sku gsung thugs kyi che ba'i yon tan phyogs bcur gsal ba'i le'u ste dgu pa'o// //de nas dgyes pa chen po ye shes rgyal po de nyid gsung gi dkyil 'khor chen po 'di yang dag par grags shing dam tshig rjes su 'dzin pa'i dgongs pa rtser chib nas sku gsung thugs rdo rje las 'di dag phyung ngo //bru~M bi shwa kro d+ha badzra dz+wa la maN+Da la tsakra hU~M/ phaT phaT phaT/ ha la ha la du tri tsakra nAn/ sUr+ya tsan+d+ra pad+ma de ba tiSh+Tha nAn/ /hU~M hU~M ha ha hU~M hU~M badzra ma hA shrI he ru ka ma hA tsaN+Da sarba duSh+TA na ta ka ha na da ha pa tsa hU~M phaT/hU~M badzra d+ha ra ma hA kro d+hI shwa ri dz+wa la ni hU~M phaT/ o~M sarba ta thA ga ta ma hA shI he ru ka ma hA tsaN+Da sarba duSh+TA na ta ka ha na da ha pa tsa hU~M phaT/ o~M sarba ta thA ga to bud+d+ha/ ma hA kro d+hI shwa ri dz+wa la ni hU~M phaT/ o~M trA~M rat+na ma hA shrI he ru ka ma hA tsaN+Da sarba duSh+TA na ta ka ha na da ha pa tsa hU~M phaT/trA~M sUr+ya rat+na ma hA kro d+hI shA ri dz+wa la ni hU~M phaT/ o~M hrIH pad+ma ma hA shrI he ru ka ma hA tsaN+Da sarba duSh+TA na ta ka ha na da ha pa tsa hU~M phaT/ hrIHshwa pad+ma ba mu ka ma hA kro d+hI shwa ri dz+wa la ni hU~M phaT/ ha karma ma hA shrI he ru ka ma hA tsaN+Da sarba duSh+TA na ta ka ha na da ha pa tsa hU~M phaT/karma ma hA kro d+hI shwa ri dz+wa la ni hU~M phaT/ badzra ke'u ri ha/ badzra tse'u ri ha/ badzra pra mo hA ha/ badzra pe tA li ha/ badzra puk+ka si ha/ badzra g+hasma ri ha/ badzra sma sha ni ha/ badzra tsaN+Da li ha/ badzra sing ha mu kha he/ badzra byA g+h+r-i mu kha he/ badzra sri la mu kha he/badzra shwa na mu kha he/ badzra gr-i d+ha mu kha he/ badzra kang+ka mu kha he/ badzra gA ka mu kha he/ badzra hu lu ka mu kha he/ badzra Ar+ya te tsa te nga tsa/ badzra a mo g+ha hU~M/ badzra A lo ka ba~M/ badzra b+hasmi pA la ya ba to ho/ eh+ye hi phri ta Ar+ya ni tsa tu ra ba ya phaT/badzra be yo gi pra ti Ar+ya ni tsa tu ra thA ya hU~M phaT/ badzra mu a ni a pra ti Ar+ya ni pa shi ka ra phaT/ badzra mu ni a pra ti Ar+ya pa ni shi ka ra phaT/ badzra mu ni a suM ba a ni ba shi ka ra phaT/ badzra mu ni a pra ti Ar+ya ni pa shi ka ra phaT/badzra mu ni a du pri ti a ni pa shi ka ra phaT/ e h+ye hi A na ya ho/ o~M ru lu ru lu hU~M b+h+yo hU~M/ dzaHhU~M ba~M hoH badzra kro d+ha sa ma ya hU~M phaT ces gsung gi dkyil 'khor gyis stong gsum gyi dkyil 'khor khyab par dus gcig khyab par grags pa dang /dam nod pa bka' nyan gyi tshogs ma'i srin mo la sogs pa rnams kyis kyang so so'i srog gi snying po phul lo/ /badzra ma nu rAk+Sha si/ badzra pra ma ni/ badzra rau tri/ badzra baiSh+Na be/ badzra ping ga laM/ badzra ke ma ri/ badzra in+d+ra na/ badzra su ra ya tra/ badzra so hu mya/ badzra a mr-i ta/ badzra da na ta/ badzra rAk+Sha si/ badzra bak+Sha si/ badzra ra ti ha~M/ badzra ru ti ha~M/ badzra e ka tsa ra~M/ badzra ma no ha ra~M/ badzra sa na d+hi ha~M/ badzra ba ya bya/ badzra ma hA ma ram na/ badzra ag+ne ye/ badzra tsa mun+t+ri/ badzra pu tra na/ badzra ba ru Ni/ badzra ma hA kA la/ badzra tIk+Sh+Na ba~M/badzra laM po d+ha ra/ ye shes rgyal po dgongs su gsol/ /khro la khros pas zhi mdzad pa/ thugs rjes khro dpal rngam pa'i tshogs/ /'bar ba'i byin brlabs rmad po che/ de nyid du ni bdag la stsol/ /oM badzra sa ma ya s+t+waM/ o~M badzra sa ma ya hoH/ badzra sa ma ya phaT/a li u li ta li ta pa li da~M sta~M kho na rau tri kha ra yo ga ni kha ra~M hU~M ha he phaT ces brjod pas /'jig rten drug gi phyogs bcu kun/ /tshig cing 'bar bas thams cad khyab/ /gsung gi khro tshogs chen po yis/ /kun du khyab cing gang gyur to/ /de nas bcom ldan 'das dgyes pa chen po ye shes rgyal po de nyid kyi de dag gi dkyil 'khor bstan pa'i phyir nges par brjod pa 'di brjod do//'bar ba'i 'khor lo rtsibs bzhi pa/ /gru chad bzhis brgyan par khyams dang / /gru bzhi sgo khyud bzhi dang ldan/ /'bar ba'i bar khyams gsum gyis mdzes//thod sbrul sna tshogs nyi mas brjid/ /'bar ba'i phreng ba mang po 'khrug /khyu mchog ma he gzig dang stag /gtum pa dom gyi sbar bas ni/ /dbang phyug lha chen la sogs pa/ /dregs pa chen po gtum tshogs mnan/ /gdan du byas te sku bzhugs pa//smug nag sngo nag ser nag dang / /dmar nag ljang nag 'jigs pa'i gzugs/ /dbu dgu phyag ni brgyad dang / /dbu gsum phyag drug zhabs bzhir bgrad/ /rngam pa'i sgra chen 'jigs par sgrogs/ /stag lug sbrul dang nyi mar chas//sti ra che chung nang zhags dang / /khyung dang yid bzhin nor bu dang / /stong gi 'jig rten khor yug bcas/ /rdo rje dung chen gang ba dang / /ral gri dgra stang shol la sogs/ /rang gi lag cha sna tshogs dang / /btsun mo 'jigs pa'i tshogs dang bcas//gnas dang yul gyi phyag rgya dang / /spor byed chen mo brgyad rnams dang / /dbyug pa mtshon cha sna tshogs 'dzin/ /sgo bzhi'i phyag rgyar mdzes pa dang / /lcags kyu la sogs thod pas mdzes/ /slas dang byi mo bran mo'i tshogs/ /bcu gnyis dang ni brgyad kyis mdzes//rang gi stan dang lag char chas/ /ci bgyi zhes ni chas te gnas/ /zhes gsungs pa dang / 'jig rten drug gi phyogs bcu thams cad du/ sku gsung thugs bsam gyis mi khyab pa'i dkyil 'khor gyis gang zhing khyab par gyur to//de nas bcom ldan 'das ye shes rgyal po de nyid don yod pa'i 'bras bu chen po dam tshig chen pos gzung ba'i phyir 'da' bar dka' ba'i dam tshig rdo rje 'di gsungs so/ /bla med mi spong bla ma bkur/ /sngags dang phyag rgya rgyun mi gcad/ /yang dag lam du zhugs la byams//gsang ba'i don phyir smra mi bya/ /rtsa ba'i dam tshig chen po ni/ /gdong chen bcu yi don rtogs kyang / /rtsa ba gsum po mi 'da'o/ /yan lag dam tshig lnga gnyis ni/ /gti mug 'dod chags zhe sdang dang / /nga rgyal phrag dog mi spong ngo //dkar rtsi dmar rtsi dri sha chu/ /dag pa'i snod bcud mi dor ro/ /spyi dpal bcu yi mnga' brnyes kyang / /yan lag bcu po mi dor ro/ /gzhan yang yan lag dam tshig rnams/ /'da' bar mi mdzad rdo rje dam/ /sa ma ya ni rdo rje che/ /mi 'da' rgyal ba nyid kyi dam//bsam rdzogs lhun grub che mthar phyin/ /srid gsum dag pa dbang chen sgyur/ /mi 'jigs kun tu bzang por spyod/ /theg pa mtha' yas 'dul ba'i thabs/ /ji snyed sdom pa mtha' las pa/ /ma lus rnam dag lhun gyis rdzogs/ / nyams 'gyur nyes pa brjod mi lang / /tshe thung bsam pa log pa dang / /mya ngan sdug bsngal chen po dang / /dmyal ba nyid ni rdo rje byed/ /dgu rdzogs bcur ldan gsum gyis sbyangs/ /bskang ba la sogs mtha' yas mchog /ces gsungs pas de bzhin gshegs pa nyid de bzhin gshegs pa nyid kyis 'dul bar 'gyur ro//sgyu 'phrul dra ba bla ma chen po las 'jigs byed chen po gsung gi dkyil 'khor dang dam tshig rdo rje'i le'u ste bcu pa'o// //de nas bcom ldan 'das dgyes pa chen po ye shes rgyal po de nyid chos thams cad man ngag bla ma chen po'i snying po byang chub kyi sems bde ba chen po'i ngang du snyigs ma med par byung btab pa'i phyir sku gsung thugs bla ma chen po'i thig le chen po'i dkyil 'khor nas man ngag bla ma chen po'i snying po 'di phyung ngo // byang chub sems kyi bde chen la/ /rgyu rkyen rten dang len bcas pa'i/ /skyon med thig le chen po las/ /ma rtogs pa dang log par rtogs/ /phyogs rtogs yang dag nyid ma rtogs/ /'dul ba dgongs pa gsang ba dang / /rang bzhin gsang ba'i don rnams ni//yi ge tshig la rab brten te/ /khong nas gab sbas don 'byin pa/ /ston pa rdo rje'i thugs la gnas/ /dkyil 'khor ldan pa'i dkyil 'khor gyis/ /dkyil 'khor la ni dkyil 'khor bsgom/ /dkyil 'khor dkyil 'khor las byung ba/ /thugs kyi dkyil 'khor dkyil 'khor mchog /dkyil 'khor gsang ba'i thig le dbyings/ /'byung ba shes rab rigs kyi yum/ /byed pa rigs kyi gtso bo ste/ /byang chub sems kyi rdo rje'i tshogs/ /dbang po yul dus rig pa'i rnams/ /bdag nyid chen po lhag par rdzogs//thugs kyi ye shes lngas blta zhing / /snying po thig le mnyam sbyor bas/ /bde ba'i ye shes chen por rol/ /ye shes dgyes pa mchog tu 'bul/ /zad med zag pa med pa yi/ /bsod nams ye shes sgyu mar rol/ /rol mo'i dkyil 'khor mtha' yas mchog /gsang ba'i thig le nyid kyi dbyings/ /phyogs bcu dus bzhi rdzogs pa'i dbyings/ /sku gsung yon tan phrin las thugs/ /gsang ba'i dkyil 'khor thams cad kun/ /ma lus bdag gis dbang sgyur ro/ /dbang sgyur ye shes rol pa yis//dkyil 'khor la gnas dkyil 'khor rdzogs/ /rdzogs pa'i dkyil 'khor lhun gyis grub/ /rdzogs chen rtogs pa chen po yis/ /rgyan du dkyil 'khor ma lus thogs/ /rdzogs pa'i dkyil 'khor mnyam sbyor bas/ /thugs kyi dkyil 'khor ma lus 'byung //phyogs bcu'i dkyil 'khor 'dul ba'i mgon/ /sgyu ma'i dkyil 'khor ma lus sgrol/ /bya ba med pa'i dkyil 'khor spyod/ /ye shes rdzogs pa'i dkyil 'khor la/ /thos bsam bsgom pa'i mnyam sbyor bas/ /rang 'byung kun nas lhun gyis grub//'di ni sangs rgyas thams cad kyi/ /rang bzhin rdzogs pa'i dkyil 'khor yin/ /rgyu rkyen rten dang ldan pa yi/ /thams cad byang chub sems kyi dbyings/ /byang chub sems kyi bde chen gyis/ /dkyil 'khor thams cad dbyings su thim/ / thig le chen po bla ma las/ /sgyu ma byang chub lam du bstan/ /skyon dang yon tan thams cad kyang / /byang chub thig le nyid kyi ngang / /spyod pa rnam pa nyid kyi yang / /thig le chen po'i lam du nges/ /sgyu ma rol pa'i dkyil 'khor yang / /thig le chen po'i dbyings su sbyor//sdom pa rnam pa bcu gsum dang / /spyi yi dam tshig mtha' yas pa/ /thig le chen po'i ngang du gsal/ /snod bcud 'jig rten ma lus pa/ /thig le nyid kyi rol pa'i dbyings/ /tshogs chen rnam pa gnyis po yang / /byang chub sems kyi dbyings su nges//gzhal yas khang dang rgyan rnams dang / /cho 'phrul byang chub sems su thim/ /khro tshogs bdud 'dul rol pa yang / /byang chub sems su nges pa yin/ /'gro drug sems can gsum po yang / /ye shes drug dang sku gsum du//nges pa'i thig le chen po yin/ /lnga yi rten dang rkyen bzhi yang / /dbyings kyi ma dang dus kyi sring / /thig le chen po'i ngang du 'dus/ /snga phyi gsum dang yod med khams/ /sku gsung thugs su nges bstan pa'i/ /thig le byang chub sems su nges/ / phung po khams dang skye mched kyang / /phyag rgya bzhi bcu gnyis po yang / /thig le nyid las gzhan na med/ /bzhi yi las dang gcig po yang / /thig le sems kyi ngang du gsal/ /'gro ba'i don du 'byung ba yi/ /dgu dang stong phrag brgya bcu bzhi/ /byang chub sems las gzhan na med//bde skyid sdug bsngal mang po yang / /rtogs pa bde chen dbyings kyi don/ /ye shes ye shes rol pa yang / /rdo rje snying po'i dbyings su nges/ /kun bzang rdo rje sems dpa' dang / /dus gsum rgyal ba rgya mtsho rnams/ /nyag gcig yab tu nges par rdzogs//thar pa'i lam mchog dbyings kyi yum/ /kun du bzang mo la sogs kyang / /thig le ma yi ngang du gsal/ /gzhal yas khang dang dkyil 'khor dang / /bzhugs gnas khyad par mang po yang / /ye shes chen po'i gnas su bsdu/ / mchod pa'i rgyan dang longs spyod kun/ /rigs pa'i byang chub sems chen po/ /cho 'phrul chen po'i ngang du 'dus/ /rgyu 'bras gnyis kyi ngo bo dang / /chos so cog gi rang bzhin rnams/ /byang chub sems su nges pas na/ /dkar nag las kyis ma gsungs so/ /byang chub sems kyi bde chen ni//ci yang med las cir yang snang / /cis kyang ma bcos g.yung drung sku/ /cir mi mdzad la thams cad sgrol/ /dmigs pa med par kun la khyab/ /ma bskos rgyal po yang dag pa/ /ma sbyangs ye shes snying po che/ /ma bsgoms cig car don nyid rdzogs/ /ma bsgrubs rgyal ba kun gyi gtso//ma sbyangs skyon dang yon tan med/ /tshig dang yi ges mi mtshon te/ /sangs rgyas nyid kyis rnyed par dka'/ /kun bzang rdo rje sems dpa' yis/ /rnyed nas rdzogs pa'i dkyil 'khor spyod/ / spyod pas 'gro ba sgrol ba ste/ /de la nyes pa'i skyon mi mnga'/ /zhes gsungs pas/ phyogs bcu dus bzhi'i de bzhin gshegs pa thams cad dbyer med par dgyes nas stug pos brgyan pa'i rgyan nyid du bzhugs so/ /sgyu 'phrul dra ba bla ma chen po las man ngag snying po byang chub sems bde ba chen po'i le'u ste bcu gcig pa'o// //de nas yang ye shes rgyal po de nyid de bzhin gshegs pa rnams kyi dgongs pa yang dag pa'i phrin las chen po 'di ma byon pa'i de bzhin gshegs pa rnams kyi ched du sku gsung thugs yon tan phrin las rdo rje las phyung ngo //e yi tshogs kyi dkyil 'khor mchog /'bar ba gtum chen rngam pa la/ /khros pa'i yid kyis mchod sbyin bya/ /sangs rgyas bsod nams sku yang 'jig /bdud rtsi lnga 'am zas lnga la/ /mtshan ma ming du bcas par bya//bkug nas rdo rje'i phur pas gdab/ /rdul du byas nas tshogs la 'bul/ /e yi tshogs kyi dkyil 'khor du/ /lu gu rgyud du sbrel bsdams nas/ /bcings gyur bskyod nas phyogs bcur g.yos/ /myos 'gyur gas te tshig par 'gyur//pa~M gyi tshogs kyi dkyil 'khor mchog /'bar ba'i gzi brjid lhun chen la/ /chags pa'i yid kyis mchod sbyin bya/ /rdo rje gsum yang dbang du 'gyur/ /bdud rtsi lnga 'am zas lnga la/ /mtshan ma ming du bcas par bya/ /rdo rje chags pa'i phur bas gdab//chags pa'i tshogs la thim par dbul/ /ba~M gyi tshogs kyi dkyil 'khor du/ /lu gu rgyud du sbrel bsdams nas/ /ci 'dod de bzhin byed par 'gyur/ /ma yi tshogs kyi dkyil 'khor mchog /'bar ba'i 'du 'phro'i gzi chen la//dga' ba'i yid kyis mchod sbyin bya/ /yon tan nam mkha'i mtha' dang mnyam/ /bdud rtsi lnga 'am zas lnga la/ /yon tan yid bzhin gter du brtag /nga rgyal dga' 'phro'i phur bas gdab/ /rdo rje gzi brjid 'phel bar brtag /ma yi tshogs kyi dkyil 'khor du//lu gu rgyud du sbrel bsdams nas/ /gzi brjid 'bar ba'i 'phrul chen spro/ /yid bzhin nam mkha'i mtha' dang mnyam/ /ya yi tshogs kyi dkyil 'khor mchog /gsal ba'i gzi brjid 'tsher ba la/ /dang ba'i yid kyis mchod sbyin bya/ /gtum chen rngam po'ang lha ner 'gyur//bdud rtsi lnga'am zas lnga la/ /gtum chen 'khrug pa'i ngo bor brtag /lhan ner gsal ba'i phur bas gdab/ /'bar ba lha ne'i tshogs la 'bul/ /ya yi tshogs kyi dkyil 'khor du/ /lu gu rgyud du sbrel bsdams nas/ /'bar ba lha ne'i byin gyis khyab//thams cad g.yo ba med par 'gyur/ /a/ thams cad rdzogs pa chen po ste/ /las su ma gyur gcig kyang med/ /las kyi khyad par rdzogs pa yi/ /srid pa gsum du bsdus pa rnams/ /byin gyis ma brlabs gcig kyang med/ /rdzogs pa chen po'i phrin las kyis//sbyangs pas bsam rdzogs lhun gyis grub/ /ho/ slas dang byi mo bran mo'i tshogs/ /lhag ma kha chu 'dod pa sbyin/ /rang gi dam tshig rab bsgrubs te/ /gang 'dod las de byed par bsgo/ /khrag 'thung chen po la sogs te/ /bro gar glu tshig chen mos ni//ji ltar 'dod pa thams cad kun/ /thams cad ma lus byed pa yin/ /mdzod ldan chen mo la sogs te /bro gar glu tshig chen mos ni/ /'du bar 'dod na 'du bar byed/ /'phel bar 'dod na 'phel bar byed/ /lbos mo chen mo la sogs te/ /bro gar glu tshig chen mos ni//rmongs par 'dod na rmongs par byed/ /myos par 'dod na myos par byed/ /seng gdong chen mo la sogs te/ /bro gar glu tshig chen mos ni/ /thams cad kun la za bar byed/ /rdul cha tsam yang med par byed/ /bzhad gdong chen mo la sogs te/ / bro gar glu tshig chen mos ni/ /thams cad kun la 'byin par byed/ /kun la rab tu nyams par byed/ /a/ spor byed chen mo la sogs te/ /nyul byed chen mo brgyad rnams la/ /bro gar glu tshig chen mos ni/ /thams cad kun la nyul bar byed/ /ma lus gnas nas spor bar byed//slas dang byi mo bran mo'i tshogs/ /bro gar glu tshig chen mos ni/ /sbad cing gtang bar bya ba ste/ /thams cad ma lus byed pa yin/ /ljon shing dang ni lcug phran tshal/ /sdong gcig dang ni me reg tu/ /dang ba dga' ba chags pa dang / /khros pas ka li rab tu bya//zhes gsungs pas phrin las rnam pa bzhi sti ra'i rnga dang bcas par phyogs bcu 'jig rten gyi khams 'dul bar gyur te/ de nas bcom ldan 'das ye shes rgyal po 'jigs byed chen po de nyid dam tshig sti ra'i rnga bla ma rdung zhing sti ra rngam pa'i mdangs 'di phyung ngo //e yi tshogs chen 'byam pa ru/ /sti cha'i rnga chen sgra bsgrags pas/ /hU~M ha he phaT sgra 'byin cing / /yig 'bru brgyad kyi byin brlabs kyis/ /ru lu hU~M b+h+yo'i gsung sgrogs pa/ /khro bo rngam pa'i sgra skad kyis/ /srid pa gsum tshang bshig nas kyang //stong gsum bsgral ba'i sgra 'byin pa'o/ /sti ra rnga chen 'di brdungs pas/ /gnod sbyin srin po kun bsgral te/ /mu stegs kun gyi snying yang 'byin/ /sti ra'i rnga chen 'di bsgrags pas/ /steng gsum khro bo'i tshogs kyis bkang / /kun kyang rnga brdung di ri ri//rnga sgra chen pos stong gsum bshig /rnga sgra chen pos bdud dpung bsgral/ /rnga sgra chen pos srid gsum sbyangs/ /rnga sgra chen pos dgra bgegs 'dul/ /rnga sgra chen pos ngan song sbyangs/ /rnga sgra 'brug gi sgra bsgrags pas/ /na rag dmyal khams stongs bar byed//rnga sgra tug chem ri rab rnyil/ /sti ra rnga chen sgra phyung bas/ /phyin ci log rnams snying yang 'byin/ /rnga chen 'brug gi sgra sgrogs shing / /rnga thabs glog stong 'gyur ba bzhin/ /de bzhin gshegs pa'i thugs dam bskang / /ma mo mkha' 'gro'i dam tshig bskang //rnal 'byor rnam lnga'i dam tshig bskul/ /sti ra rnga chen 'di brdungs pas/ /nyan thos mdo sde gnas nas sbar/ /rang rgyal lta ba dbyings su sgrol/ /sti ra'i rnga chen 'di bsgrags pas/ /lha dang mi yi theg pa yang / /bla med theg pa'i dbyings su btsud//sti ra rnga sgra 'di bsgrags pas/ /stong khams sti ra'i rnga sgras bkang / /kun kyang rnga brdung di ri ri/ /rnga thabs glog stong lce 'byin cing / /rnga skad 'brug stong sgra sgrogs pas/ /byin brlabs lcags kyi ser chen 'bebs/ /stong gsum 'khrug cing srid gsum 'thor//rnga thabs g.yab mor bor ba dang / /kha dang ka yi du mtshon gyis/ /thams cad gnam lcags chen pos btab/ /ka la chen po la sogs te/ /rdo rje chags 'og ldegs pa'i rnams/ /dus gcig tu ni tsit+ta 'byin/ /sti ra chen po'i rnga sgra yis//srid pa khrag gi rgya mtshor bskyil/ /dus gcig tu ni dbang chen rdzogs/ /rnga sgra rin chen khang pa brtsegs/ /bsam rdzogs che la dbang thang thob/ /rnga sgras g.yo ba med par byed/ /chos la 'dzud pa'i sgra yang 'byin/ /rnga sgras ci 'dod dgongs pa rdzogs//byang chub sems ltar de ma thag /ces gsungs pas de bzhin gshegs pa thams cad de bzhin gshegs pa nyid kyi sbyor bar gyur to/ /de nas bcom ldan 'das dgyes pa chen po ye shes rgyal po de nyid kyi dkyil 'khor bla ma chen po man ngag gi snying po dang bcas pa de la shin tu rngam pa'i mdangs kyis dgyes pa chen po'i glu 'di blangs so//hU~M gtum chen dus mtha'i me ltar 'bar/ /'od zer nyi ma 'bum gyi gzi/ /khro gnyer glog stong 'gyu ba bzhin/ /mtshe ba zad yag za byed che/ / ho/ hU~M rngam pa'i nga ro 'brug stong ldir/ /tug chem ri rab 'bum rnyil skad/ /a la la yi gad rgyangs che/ /spyugs pa'i 'thor rlung g.yeng ba che/ ho/ hU~M khro bo'i shes rab 'od po che/ /ye shes dkyil 'khor kun du gsal/ /'bar ba'i ye shes kun du 'joms//sna tshogs ye shes thig le che/ ho/ hU~M khro bo'i rgyal po sprin chen po/ /khros pa'i dkyil 'khor char chen 'bebs/ /dkyil 'khor yid bzhin 'byung ba'i gter/ /sna tshogs khros pa'i thig le che/ ho/ hU~M bdud rnams kun gyi bdud chen po/ / bdud kyi bdud ste bdud rnams 'joms/ /'jigs pa'i tshogs kyang 'jigs byed pa/ /'jigs byed chen po bdal ba che/ /hU~M rdo rje brag chen sra ba po/ /rdo rje chu bo sdud chen po/ /rdo rje me ste kun 'bar che/ /rdo rje rlung ste 'thor rlung che/ ho/ hU~M stong gsum khro bo'i dkyil 'khor tshogs//'jigs byed mtshon du med pa'i sku/ /sna tshogs gsung dang sna tshogs thugs/ /'jigs byed rngam pa'i ye shes gter/ /ho zhes blangs pas stong gsum gyi de bzhin gshegs pa'i 'jigs byed chen po rnams dbyer med pas mnyes par gyur to//sgyu 'phrul dra ba bla ma chen po las lhun gyis grub pa'i phrin las dang yongs su mnyes pa'i le'u ste bcu gnyis pa'o// //rdo rje sems dpas gsungs pa'i don/ /gsang ba kun gyi bla ma ste/ /sgyu 'phrul dra ba'i rgyal po yin/ /nges don chos kyi snying po las//'dul ba mdo sde chos mngon dang / /dam tshig sgrub dang grub pa dang / /sku dang gsung dang thugs kyi rgyud/ /sgyu 'phrul dra ba las 'phros te/ /sde snod kun dang rgyud kun yang / /'byung nas gtan la nges par 'bebs/ /'gro drug sems can gsum po yang //sta na chen po'i dbyings su bstan/ /ling ga pad+mar bcas pa yang / /ga na chen po'i dbyings su sbyor/ /snang srid kha dog mang po yang / /ga na chen po'i lam du bstan/ /rang bzhin gsang ba'i snying po 'di/ /rtogs nas smra bar gang byed pa//de nyid nga yin dbang yang rdzogs/ /rtag tu byang chub sems la gnas/ /tshe 'di nyid kyis mngon sangs rgyas/ /nor bu rin chen 'bar ba ltar/ /bsam pa thams cad yid bzhin 'grub/ /ces gsungs pas phyogs bcu dus gsum gyi de bzhin gshegs pa thams cad dbyer med par dgyes te/mnyam pa nyid kyi dbyings na lhun stug po bkod pa'i rgyan nyid du bzhugs so/ /gsang ba'i snying po de kho na nyid nges pa'i sgyu 'phrul bla ma chen po las gdeng chen po'i le'u ste bcu gsum pa'o// // rtogs pa'i rgyal po sgyu 'phrul dra ba'i le'u stong phrag brgya pa las lung gi spyi sangs rgyas thams cad kyi gsang ba gsang ba'i snying po de kho na nyid nges pa'i bla ma chen po'i le'u las thams cad ma lus par 'phros pa de dag gi 'bras bu'i mchog rdzogs so// //

CLOSE WINDOW