CLOSE WINDOW

D836
བོད་ཡིག

@#/ /rnying rgyud ga pa bzhugs so// @##/ /rgya gar skad du/ de bI dzA li ma hA mA yA tan+t+ra nA ma/ bod skad du/ lha mo sgyu 'phrul dra ba chen mo zhes bya ba'i rgyud/ bcom ldan 'das gsang ba chen po la phyag 'tshal lo//'di skad bdag gis gsungs pa nyid du gyur pa'i tshe na bcom ldan 'das de bzhin gshegs pa nam mkha' dang mnyam pa'i rnal 'byor chen po dang / rnal 'byor ma chen mo dang /shin tu mos pa chen mo dang / mos pa dang bcas pa srung bar byed pa/ rab tu rnam par srung bar byed nye ba mo dang bcas pa nye bar zhi ba chen po dang zhi bar mdzad pa chen po mdzes pa dang mdog tu ldan pa/shes pa dang skyabs su ldan pa ni 'di lta ste/ gtso bo rnal 'byor 'khor lo zhes bya ba dang / rnal 'byor chen po rdo rje nyid du 'dus pa zhes bya ba dang /rnal 'byor chen po btang snyoms zhes bya ba dang / rnal 'byor chen po dbang du mdzad pa zhes bya ba dang / rnal 'byor shin tu rnam par rgya gram gyi tshul 'dzin pa dang bcas pa ni cir yang ston pa'i gzugs kyis kha dog bzhi dang ldan te 'dug pa'i cha lugs kyis cod pan lnga dang ldan te/ma bsgribs mi sgrib bsgrib pa mi 'gog sgrib tu med pa'i dbyings nas yang dag pa'i gzhal yas chen po na mnyam pa chen po'i tshul rdo rjes sku ma bkag pas mdzad pa bsam gyis mi khyab pas bzhugs so//de yang 'di ltar so sor gsal bar mnyam pa chen po dang 'khor dang bcas pa mnyam pa chen pos yo byad chen po ni kun gyi gdung 'dzin pa'i rang bzhin du gnas pa ni brten pas phyin ci ma log pa dang gnyis su du ma med pa ni gzungs rnal 'byor ma chen mo ste/byang chub chen mo nam mkha' zhes bya ba dang / byang chub chen mo nam mkha' 'dzin ma zhes bya ba dang / byang chub chen mo sa srung ma zhes bya ba dang /byang chub chen mo rlan par byed pa chen mo dang / byang chub chen mo rnam par khengs pa spang ba zhes bya ba dang / byang chub chen mo las grub par mdzad ma zhes bya ba dang / byang chub chen mo rdo rje rab tu chags pa chen po 'dzin zhes bya ba dang / rab tu ma chags pa gsod ces bya ba dang / byang chub chen mo rab tu rmongs sel zhes bya ba dang / byang chub chen mo gsung gi 'khor lo ma zhes bya ba ste/ de dag kyang 'di lta ste/ shin tu ut+pa la lta bu'i mdog dang / shag kra dang / baiDUr+ya dang / pad+ma rA ga dang / asma gar ba la sogs pa rdzas kyi bsngags pas 'phags par 'tsher ba ma smin pa med par bzhugs pa ni rnal 'byor ma kun du bzang po 'khor dang bcas pa'o/ /de yang gus pa chen po gsang ba dang / gus pa chen po sna tshogs pa'i dri dang /gus pa chen po dbang sgyur ba ni gsang ba'i dbang po zhes bya ba dang / gsal ba 'dzin byed ma dang / rnam par dri yi gnas su gyur pa dang / rnam par sgra byed pa'i gzugs 'dzin pa'o/ /de nyid mthong bar byed pa'i dbang po dang / nyan par byed pa'i dbang po dang /bsung byed chen po'i dbang po dang / btar ba chen po'i dbang po dang / shin tu gtong bar mdzad pa dang / shin tu rtog par mdzad pa dang / shin tu 'dzin dbang chen po dang / shin tu grub par mdzad pa dang / cha lugs mi gtong ba'i btsun mo dang bcas pa'o//yod pa rnam par rtog par mdzad pa dang / med pa sel bar mdzad pa dang / rnam par 'du shes rgyal ba yin par mdzad pa dang / shin tu 'gog pa rnam par 'joms pa chen mo dang / mngon spyod kyi las kyis gnyis su med par 'khril nas chos kyi dbyings mnyam pa chen po'i gzhal yas na bzhugs so//de nas bcom ldan 'das gsang ba chen mo'i rnal 'byor ma'i gzhal yas su dgyes nas ma skyes pa'i dbyings shes rab kyi tshogs chen mo mu khyud kun dang ldan pa/ zla rgyas lta bu'i dkyil 'khor mtha' dbus med par khyab pa/rin po che kun dang ldan pa/ /grwa dang ngos dang kha dog dang dbyibs rgya khyon dpag tu med par gyur pa/ ye shes bsam gyis mi khyab pa cha lugs kyis rnam par mdzes pa/ yid bzhin chen po'i rgyan gyis rnam par spras pa/ sna tshogs pa'i bye brag gis rgyal ba rnams kyi gdung 'dzin pa/sgyu 'phrul chen po'i sgo bzhi dang ldan pa/ theg pa phyi'i rnal 'byor rnams kyi theg pa chen po 'bab gzhol dge sdig chen po'i mchog shin tu gsang ba chen mo dang bcas pa/ pad+ma chen po'i dbus na lce kha dog bzhi'i bye brag gis mdzes par gyur pa/phyogs bzhi bre ba rim pa gsum gyi cha lugs kyis gsang ba chen po'i dkyil 'khor du gyur pa'o/ /de bzhin gshegs pa thams cad kyi dkyil 'khor sgrib pa mchog tu sel ba ste le'u dang po'o// //de nas bcom ldan 'das longs spyod chen po gdung ba mchog tu sel bar mdzad pa'i ting nge 'dzin la snyoms par zhugs te/'dzum pa chen pos rab tu chags pa chen po la dbang sgyur bar dgyes te/ gsang ba chen mo'i mkha' la pad+ma dbang gi mdog gis rgyas par mdzad de/ oM su ra twa su khe zhes brjod pas rdo rje rigs bsam gyis mi khyab pa btsun mo dang bcas par gyur to/ /de nas rab tu 'di brjod par mdzad do/ /bzhi pa kha dog dkar la 'tsher/ /btang snyoms kun gyi spro bsdu yis/ /gsum pa rdzogs par gsal ba dang / /phyag rgya'i tshogs mchog de dag las//rgyal mo dag dang mnyam du dgyes/ /phyag rgya rdo rje dril bu 'dzin/ /bcu gsum pa yi cha lugs kyis/ /che chung med par gsal bar bsgom/ /dbu la gnyis pa'i yi ger ldan/ /gsal ba nyid kyi dus dag tu/ /cod pan lnga yi rin chen las//rgyan gyi rigs ni gsal ba yin/ /de bzhin gshegs pa thams cad kyi mchog tu gsang ba rgyan dam pa zhes bya ba'i phyag rgya'o/ /gsum pa mthing 'bar yi ge che/ /rigs kyi rin chen spro bsdu las/ /phyag rgyar gsal bas skur gsal ba//rgyal mo dag dang mnyam du dgyes/ /sgrib pa kun spangs sdig med sdoms/ /gnyis pa yi ni yi ge las/ /cod pan lnga ldan yi ger gsal/ /thams cad blo sbyangs yid bzhin gter/ /mnyam pa 'khril ba'i tshul 'dzin pa/ /rin chen rigs kyi phyag rgyar gsal//las thams cad kyi mchog rgyal mo rnam par rol pa'i phyag rgya'o/ /pad+ma rA ga 'dra ba'i mdog /chos sku zla tshes rab ldan pa/ /gsal ba'i kha dog mdzes pa ni/ /thams cad ma lus dbang du mdzad/ /sbyar dang bskyed dang bsdu ba yis//phyag rgyar gsal bas dbang gi sku/ /btsun mo dag dang mnyam du dgyes/ /gnyis su med par 'khril ba yis/ /dbu ru yi ge gnyis pa ldan/ /rin chen rigs kyi spro bsdu las/ /cod pan rigs lnga kha dog ste/ /ji bzhin pa yi ting 'dzin gyis//phyag rgya bzhugs tshul pad+ma'i tshul/ /mnyam par bsam pas dkyil 'khor yin/ /mi 'byed pa yi ting 'dzin gyis/ /rdzogs pa'i dkyil 'khor kun 'dus mchog /pad+ma rigs kyi phyag rgyar gsal/ /mun pa sel ba'i mar me bzhin/ / gsal ngag yid gnyis med par bsgom/ /chu skyes 'dzum pa'i 'od du ldan/ /steg dang sprod pa'i rol mo yis/ /dgyes shing mnyam pa'i mchod par bsham/ /'di ltar gsal bas dbang yang rdzogs/ /thams cad sdud pa zhes su bya/ /de bzhin dbang ste las thams cad kyi phyag rgya'i ye shes so//dus gsum pa yi mdzad pa che/ /rigs kun 'dus pa bde gshegs las/ /mnyam pa ji bzhin ting 'dzin te/ /yi ge 'bru gcig kun gyi mchog /bshad pas khyad par las kun rdzogs/ /chu skyes gsal ba'i 'dab ma steng //gnyis su med par gsal ba ni/ /rnam pa gnyis kyi bye brag gis/ /'dus pa gsal bas skur gyur pa/ /'dod cing chags pa ma yin zhing / /blo la yid gnyis med pa dang / /phyag rgyar gsal bas rgyal ba'i sku/ /rgyal mo dang ni mnyam du dgyes//dbu gnyis pa yi ger ldan/ /sbyin pa rgya chen khengs pa na/ /rang gi 'dod pa'i gnas su bsdu/ /bong tshod lo grangs khyad par med/ /gnyis su med par 'khril bar gsal/ /dus kun du ni mnyam ldan pas/ /gsang ba'i mchod pa rab tu rdzogs//zla rgyas lta bu'i gtso bo bsgom/ /chags pa med par 'dod sdud pa'i/ /yum dang lhan cig bsgom pa ni/ /A li kA li byed pa'i don/ /phyag rgya las kyi bye brag gis/ /bde ba chen po'i tshul gnas pa/ /rgyal ba kun kyang de bzhin mthun//phyag lag snol mar gnas pa yi/ /kun kyang sems dpa'i dkyil 'khor ro/ /phyag rgya thal mo rdo rje ni/ /kun kyang yum gyi rgyab tu bsnol/ /zhal gnyis mdzes par rab rgyas nas/ /zla gam pa yi ljags gnyis mdzes/ /dung gi phur bus mkhur tshos la//gdab cing sdebs pa'i tshul du bzhugs/ /bsnyen pa nye bsnyen dbang rdzogs pa/ /rgyal ba kun gyi sku yi mchog /bzhad dang 'dzum pa'i gtso gzungs bsgom/ /rnal 'byor dka' thub chen po'i don/ / gsang ba spyod la shin tu dgyes/ /gsang ba nyid du sems can 'dren/ /thams cad kun gyi rmongs pa sel/ /yum gyi las kyi khyad par ni/ /sa yi rim pa kun sbyong zhing / /zas la bgo la dbang med pa/ /nyan thos 'gog pa la sogs pa/ /byang chub sems kyi char chen gyis//dam por bcings pa tshar gcod mdzad/ /dam tshig chen po sdom pa ste/ /rgyal ba kun gyi dkyil 'khor yin/ /phyag rgya chen po'i tshogs mchog ni/ /dag pa don gyi rigs mchog yin/ /myur bar rtag tu ma yengs na/ / gdon mi za bar 'grub pa ni/ /'dod khams lha yi nyin phyed kyis/ /gsang ba kun dang mnyam par 'gyur/ /de bzhin gshegs pa'i gsang ba mnyam pa zhes bya ba'i phyag rgya'o/ /kun tu bzang po rnal 'byor mchog /gsang ba nyid kyi mkha' dbyings nas/ / yi ge a ldan tsheg drag bcas/ /rnal 'byor bde chen thugs kyi sras/ /gzugs khams la sogs byin brlabs nas/ /phyag mtshan 'khor lor gsal ba dang / /bde ba rnal 'byor de bzhin gshegs/ /btso ma gser gyi kha dog la/ /nyi ma zer gyi 'od bzhin du//gsal ba 'tsher ba bcom ldan 'das/ /dbu ru yi ge gnyis pa las/ /rin chen myu gu khang pa 'bar/ /sangs rgyas lnga yi dbu rgyan gyis/ /legs par brgyan pa mtshan rnams rdzogs/ /rdzogs pa chen po'i bzhugs tshul dang / /ting 'dzin mthun pas 'gro la dmigs//pad+ma ge sar dbus gnas pa'i/ /thig bzhi gsang ba bzhi dang ldan/ /mdun du lha mo chags pa mo/ /lo grangs nyi shu mdzes dang ldan/ /ma hA su ka'i gnas la dgyes/ /mdzes pa'i lag pa gar dang chas/ / gnyis su med pa'i bzhugs tshul ni/ /gtso la brten pa'i tshul du bzhugs/ /rgyab tu lha mo dgyes chen mo/ /sangs rgyas brten par mdzad tshul gyis/ /thal mos 'dzin pa sku brtan pa/ /sku tshe bcu drug rtsa dmar sku/ /sangs rgyas gdung 'dzin chags pas spyod//'dod chags can la mthun par mdzad/ /g.yas su zhe sdang gdul ba mo/ /rdo rje pad+mor sbyor la dgyes/ /ma dad pa rnams dbang med par/ /drag por sbyor mdzad zhe sdang sel/ /chags pa chen po bcom ldan 'das/ /gnyis su med par sbyor ba yis//gtong ba med par bstan pa'i tshul/ /sngo bsangs mdangs ldan khyad par che/ /khru tshad lnga chags pa can/ /dus mtha' med par sbyor la dgyes/ /steg dang sgeg pa'i cha lugs kyis/ /sems can kun gyi sdug bsngal 'khru//rab tu skams pa 'gog pa rnams/ /rlang nas rgyal ba'i sras su 'gyur/ /at+t+wo ma li'i phrin las kyis/ /thams cad byang chub chen por mdzad/ /mig gnyis 'dzums dang sbom po yis/ /dbang mor ldan par byas pa na/ /gnyis su med par sbyor 'dod yin//sna yi rtse mor mthe'u chung 'dzin/ /ma btang bzhugs la brtson byos pa'o/ /so rnams bsdams nas kha phye ba/ /dus la bab ces bya ba ste/ /ting 'dzin gsal bar rgyu ba na/ /dus la bab ces bya ba yin/ /'di ltar brda ldan ting 'dzin la//dam can bud med mi 'dud pa/ /dngos grub mi 'gyur dam tshig nyams/ /tshe rabs kun du brlag par 'gyur/ /'di ltar rtsen par byed pa na/ /g.yan pa bslang ba rnam bzhi yis/ /skyes bu na chung tshul bzhin du/ /rdo rje pad+ma'i mtshams nyid du//dbyings phyug lnga yi sbyor ldan pas/ /dal bus dal bus gzhug pa dang / /dal bus dal bus rab tu bsgul/ /drag po'i yi ge spros pa na/ /byang chub sems kyis pad+ma dgang / /sbom po dbang ngam lnga rnams kyis/ /yum gyis blangs te gtso la mchod//nye ba'i bsnyen pa la sogs pas/ /bsnyen pa che chung rdzogs par bsgom/ /byang chub sems kyi dkyil 'khor las/ /mchod pa brgyad kyis bstod par mchod/ /de ltar longs spyod rdzogs pa dang / /gnyis su med par lung bzhin du//mnyam par 'khril ba'i tshul du bstan/ /dus gsum kun du gdung 'dzin pa/ /g.yon phyogs brten pa'i skal dang ldan/ /bong tshod lo ni bcu dgu ba'i/ /sdong po dul ba dag la dgyes/ /g.yas par bzur ba'i spyan gyis gzigs/ / dril bu sgra snyan 'khrol la brtson/ /rdo rje rab tu sgrogs byed ma/ /sangs rgyas lnga yi dbu rgyan can/ /mngon du sbyor la rab brtson pa/ /brda dang bcas pa'i gar gyis ni/ /sangs rgyas kun la slong mdzad ma/ /byang chub sems kyi sprin chen gyis/ /mchod pa chen pos rab mchod mnyes//sprul pa bsam yas mtha' klas pa/ /dus gsum 'khor lo bskor bar bskul/ /ngo sor chags pa'i mdangs kyis ni/ /mnyes dang bcas pa'i gar gyis mchod/ /gru chad bzhi yi rim pa la/ /thos byed gsal gyed gsung ba che//dri dang ldan pa la sogs pas/ /btsun mo dag dang thabs cig tu/ /gnyis su med pa'i tshul du bzhugs/ /bar khyams bzhi la gnas pa ni/ /thos byed dbang dang nyan byed dbang / /dri mchog dbang du lta byed dbang / / dus ni bzhi rnams lha mo bzhi/ /btsun mo'i tshogs dang ldan par gnas/ /zhe sdang 'joms byed la sogs pas/ /sgo rnams kun du gnas pa ni/ /snying rje'i yum dang bcas par gnas/ /nyi ma zla ba pad+ma mchog /rin chen dung dang bcas pa ste//tshangs pa brgya byin gnyis gnyis kyis/ /bteg pa'i khri la rab tu bzhugs/ /rdzogs pa chen por kun kyang gnas/ /sems dpa' chen po'i bzhugs tshul du/ /kun kyang rab tu gnas par bstan/ /zhal ni kun du sal le ba/ / thugs ni kun du lhan ne ba/ /sku ni kun la khyab par gsal/ /e ma mi skye mi 'gag mchog /e ma mi sel mi len mchog /e ma tsham ngam drag shul spyod/ /e ma gshegs pa'i stabs dang bcas/ /e ma mtshan ma sel bar ston/ /e ma gsung rab rgya mtsho sgrogs//e ma byol song spro ba bskyed/ /e ma sprul pa bsam yas mchog /e ma mya ngan 'das par mdzad/ /e ma gsang ba nges don mdzad/ /e ma gzungs dang mnyam par sbyor/ /e ma ci yang mi mdzad mchog /ngo mtshar sprin las 'di dag gis//sa yi rim pa 'byongs par 'gyur/ /zhes sangs rgyas pa nyid mngon par sangs rgyas pa la gleng ste mnyes par gyur to/ /de bzhin gshegs pa thams cad kyi sku dang gsung dang thugs kyi gsang ba rnal 'byor ba de ba chos kyi 'khor lo zhes bya ba'i le'u ste gnyis pa'o// //de nas bcom ldan 'das bde ba chen po kun du bzang mo rnal 'byor ma la 'jug par dgyes te rab tu 'dris pa chen po dgongs pa dang / kun du bzang mo rnal 'byor mas/ zhal 'dzum pa dang bcas pa/ e ma sems dpa' thig le che//bag chags kun gyi gnyen por gsungs/ /'di las 'jug pa'i chos 'ga' med/ /zhes brjod do/ /de nas gsang ba chen mo dang gnyis su med par 'khril bar gyur te/ g.yon pa bskyed pa rnam pa mang pos mnyes pa dang pad+ma sbas pa la sogs pa 'byung ba spel bar mdzad nas rab tu dgyes te glu 'di blangs so//e ma bde ba mchog las skyes pa phyag na rdo rje can/ /chos kun dngos po med par gsal ba la/ /'byung gnas chen pos ya mtshan 'byung bar mkhyen pa e ma ngo mtshar che//rgyu nyid stong pas 'bras bu btsal med pa'i/ /rgyu dang 'bras bu nyid kyang rgyal bas yong mi rnyed/ /stong pa nyid la dga' ba'i chags pa'i cho 'phrul ba/ /de phyir skye 'gag med ces rgyal ba rnams kyis 'di la brjod/ /chos kun dbyer med ma rnyings pa nyid las//kun gyi dga' ba 'byung ba rgyal ba kun bas shin tu 'phags/ /zhes brjod pas gsang ba'i mkha' la kun du bzang po rnal 'byor 'jug par mdzad de shin tu rngam pa'i glu 'di blangs so/ /sgyu ma kun las 'phags pas dbyer med rnam par 'phrul byed pa//kun du bzang po rnal 'byor de ni bder gshegs yum chen kun gyi gsos/ /sdug bsngal kun sbyong bder gshegs yum la 'jug pa thugs dam yin zhes rgyal bas gsungs/ /o~M hU~M mi 'gog ji yang mdzad pa nyid ni mi mdzad mnyam pa yin zhes rgyal bas gsungs//'di ni glu ru blangs pa yis/ /mya ngan 'das kun 'gro ba'i mgon/ /stong pa chos kyi dkyil 'khor la/ /dka' thub chen po thob par 'gyur/ /zhes gnyis su med par glengs so//de nas snying po mchog gi yi ge ni/ /dang po'i gnas su bsgom par bya/ /de snying yi ge bzhi pa ste/ /rdo rje chen po gsal ba mchog /yi ge a ldan thig le che/ /chos kun 'dus par rnam par bsgom/ /dang por me long lta bu ste/ / mnyes pa'i kha dog shin tu 'bar/ /phyag lag 'khyud pa sprod pa yis/ /thams cad de dang 'dra bar gsal/ /o~M hU~M su ra ta su ke dz+nyA na da o~M A~M hU~M/ bder gshegs rgyal mo mkha' dbyings su/ /gsal dag las rnams 'grub par bsgom/ /chu skyes pad+ma 'dab ma stong //bshad pa'i sgras ni rnam par brgyan/ /de steng chos kyi sku ru gsal/ /zla rgyas lta bu'i mkha' dbyings nas/ /thams cad bsdu ba gsum gyis bsdus/ /o~M su ra twa su khe d+harma d+hA tu swa b+hA ba o~M AHhU~M/ gnyis su med pa'i yi ge mchog /mi skye ba ni a dang ldan/ /byin brlabs rgyal ba kun gyi gnas/ /mchod pa brgyad dang gsal bar ldan/ /so sor gsal ba'i mkha' dbyings la/ /hU~M gi zer gyis reg par mdzad/ /o~M su ra twa su khe na pra dz+nyA b+ha k+Sha na swa b+hA ba o~M AHhU~M/byang chub sems kyi char chen ni/ /yi ge gnyis pa rtsa dmar sku/ /gnyis su med par ldan pa na/ /bdud kun rnam par btul ba dang / /dbyings kyi bde la gsal ba ni/ /sgo dbye ba yi tshul gyis ni/ /pad+ma dbye ba sna tshogs bya/ /spro ba dang ni bsdu ba yis//bya ba nan tan ye shes bskyed/ /'di ltar rgyal ba kun mdzad pa/ /sprul pa bsam gyis mi khyab las/ /mchod pa mang po lha mor ldan/ /o~M su ra twa su khe na duSh+Ta dz+nyA na badzra swa b+hA ba o~M AHhU~M/ rnal 'byor skal ldan chen po ni/ /skal ngan kun gyi gsos su gsungs//gnyis su med pa'i byang chub sems/ /maM sa bshang gci rdzas rnams ni/ /dogs pa med pa'i dngos grub ste/ /rgyal ba nyid la rgyal bas mchod/ /de bzhin gshegs pa thams cad kyi gsang ba'i snying po las bag chags gtan la 'bebs pa gnyis su med par gleng ba'i le'u ste gsum pa'o// //de nas bcom ldan 'das gsang ba'i snying po rdo rje rnal 'byor ma dang gnyis su med pa'i phyag rgya'i mchog ni 'di lta ste/ sgyu 'phrul dra ba'i phyag rgya las/ /mdzes par gsal ba yab yum bcu//sor mo phan tshun spel legs pa/ /rdo rje thal mo byang chub rgya/ /gsang ba rnal 'byor thugs kyi mchog /dam tshig sdom pa 'da' bar dka'/ /rnal 'byor pa la a lI gsal/ /kun du bzang la ka ra byed/ /lnga char zur du ldan pa ni//gcig tu gyur pas gar gyi gzhi/ /o~M hU~M tra~M AHhU~M/ mA A kA hU~M rA/ thal mo btang snyoms tshul gyis ni/ /mdzes pa'i mtha' na gar gyis bya/ /snying gar bcings pas rnal 'byor don/ /gar gyi phyag rgya dang nyid pas/ /gar du byas pas thal mo bsnol//mjug tu dbul ba'i tshul gyis bstod/ /rdo rje gar gyi phyag rgya las/ /g.yon pa rtse gsum g.yas pas gzung / /de nyid gzhan du 'bigs par bya/ /rdo rje gar gyi phyag rgya las/ /dga' ba'i mdangs dang ldan pa yis/ / g.yas su 'dud pa'i tshul gyis ni/ /g.yas pa yi ni thugs kar bsgreng / /g.yon pa gsung nyan 'khril ba'i tshul/ /rdo rje gar gyi phyag rgya las/ /mdzes pa'i mtha' nas gar byas shing / /gzhan nas bsdus nas g.yas g.yon 'jog / rdo rje gar ni de dag las/ /lag pa g.yas pa 'degs pa dang / /dbul ba'i tshul du rnam par brtag /rdo rje gar ni de dag las/ /spyan dang dbu ni g.yon du 'dud/ /cang te'u thogs pa'i tshul gyis ni/ /mchod pa byed par rnam par bsngags/ /rdo rje gar gyi phyag rgya las//lus ni g.yas g.yon bsgyur ba dang / /gar las lag pa phral bskyed pa'o/ /rdo rje gar gyi phyag rgya las/ /g.yon pas g.yas pa'i gru mo gzung / /g.yas pa nyug pa'i tshul du bya'o/ /de nyid rdo rje gar dag las/ /dam tshig phyag rgya 'thor bar bstan//rdo rje gar gyi phyag rgya las/ /dam tshig phyag rgya steng du bsgyur/ /de nyid g.yon pa'i nang dag las/ /g.yas pa'i dam tshig phyag rgyas gtor/ /de nyid g.yas pas drangs par ldan/ /de nyid gnyis pas gzung ba yin/ /de nyid gnyis ka thal mo bsdam//de nyid dril bu 'dzin par bsgom/ /o~M sarba ta thA ga ta/ mu ka ka ra su khe na o~M/ o~M sarba ta thA ga ta sa ma rA ga s+t+waM su khe na hU~M/ o~M sarba ta thA ga ta dz+wa la ya nA nA ma ma hA su khe na trA~M/ o~M sarba ta thA ga ta d+harma b+ha shra su khe na hA hA hA/ de nyid gtso bo'i phyag rgyar bcas//o~M sarba ta thA ga ta sarba bud+d+ha lo tsA na At+ma naM/ su ra twa su khe na maN+Da la pU dza ya pU dza ya/ o~M o~M o~M/ o~M sarba ta thA ga ta ma hA d+hu dza dza/ o~M su ra twa su khe na b+han+d+ha b+han+d+ha/ pU dza ya pU dza ya/ hU~M hU~M hU~M A/ o~M su ra twa su khe na/ man sha mo ha/ pU dza ya pU dza ya/hri hri hri/ o~M su ra twa su khe na sarba ta thA ga ta d+harma dan+t+ra/ sA d+ha kan da ho ho/ o~M sarba ta thA ga ta shrI badzra lA s+ye/ badzra gar+b+he su khe na pU dza ya pU dza ya/ o~M hU~M hU~M hU~M a/ sarba ta thA ga ta shrI badzra gar+b+he su khe na pU dza ya pU dza ya/ tra~M hra~M lnga a/ o~M sarba ta thA ga ta shrI badzra gan+d+he/badzra gar+b+he su khe na/ d+he pa d+he pa/ pU dza ya pU dza ya/ hriM hriM hriM a/ o~M sarba ta thA ga ta shrI badzra nir te badzra gar+b+he ma hA ti la ka su ke na pU dza ya pU dza ya/ a a a/ o~M hU~M/ o~M sarba ta thA ga ta shrI badzra d+hU pe/ badzra gar+b+he su khe na pU dza ya pU dza ya/ o~M tang tang tang hU~M/ o~M sarba ta thA ga ta shrI badzra puSh+pe badzra gar+b+he su khe na pU dza ya pU dza ya/hA~M hA~M hA~M a~M/ o~M sarba ta thA ga ta shrI badzra a lo ka dz+tha na maN+Da la ti la ka/ bud+d+ha su khe na pU dza ya pU dza ya/ o~M hri hri hri o~M AHhU~M/ o~M sarba ta thA ga ta shrI badzra gan+d+he/ badzra gar+b+he ma hA maN+Da la ti la ka su khe pU dza ya bU dza ya/a a a/ o~M AHhU~M/ de bzhin gshegs pa thams cad mnyes pa'i mchog las gar gyi le'u ste bzhi pa'o// //de nas bcom ldan 'das dgyes pa chen mo dang bcas pa dam tshig bla na med pa'i rgyan bkod pa zhes bya ba'i ting nge 'dzin la snyoms par zhugs so//thams cad sdom pa la gnas par mkhyen no/ /dam tshig chen po 'di dag gsungs/ /so so'i theg pa bsam yas pa/ /so sor nyes pa med na bde/ /'jig rten pa la chad mdo btsan/ /'dul ba 'dzin la bsrungs na bde/ /gtsang sbrar spyod la gtsang sbrar spyad//mi dge bzlog na dge ba bcu/ /spyad pas lhag pa'i 'jig rten 'dzin/ /rang gi don gyi ting 'dzin gyis/ /byang chub sa la gnas pa'i rnams/ /nyams pa med de ma bcol na/ /nyams pa med de las kyang 'grub/ /rnal 'byor spyad pa spyod pas 'grub//tshig cis goms pas theg pa 'joms/ /gtso mchog bshes gnyen mi spong zhing / /bkur sti rim gro mchog kyang bskyed/ /ting 'dzin goms par cha lugs bsgom/ /tshig gi bzlas pa bar mi gcad/ /dam tshig mched la gdung ba bskyed//sku yi dam tshig bsam mi khyab/ /gsung gi dam tshig bsngags pa yin/ /thugs kyi dam tshig lhag par gsungs/ /rigs lnga bsrungs pa'i dam tshig rnams/ /nyams na shin tu bskang bar dka'/ /spyad pa'i dam tshig rdzas rnams ni//nyams na myur bar bskang ba yin/ /nyams pa ma bskangs le lo yis/ /sangs rgyas kun dang gcugs chen te/ /'khyam pa rnam pa bcu por ni/ /myur bar skye bar nges pa ste/ /de bas rigs kyi bu mchog ni/ /mchog dang tha ma 'bring gi rnams//rab kyis bar chad med par spyad/ /'bring gis lo zla dus drug ste/ /tha mas lo mtshams mi bzla zhes/ /rgyal ba rnams kyis shin tu gsungs/ /rdo rje dri dang byang chub sems/ /rak+ta dri chen tshe chen po/ /dag pa'i snod dang rab ldan pas/ /byin gyis brlabs te 'thung byed pa//dam tshig sdom la gnas pa ste/ /'das na brlag pa chen por 'gyur/ /mnyam par bzhag pa'i chos thams cad/ /mnyam par shes pas spyad pa dang / /mnyam pa nyid du gsal ba na/ /rnal 'byor sems dpa' yin zhes gsungs/ /rnal 'byor snod du bya ba gang //rdzas kyi bsngags pa yod pa rnams/ /rab tu bkru zhing byi dor bya/ /ka la ping ka'i mdog bzhin du/ /gzhong bu phur bu snod kyi rnams/ /dri ma bkru zhing mdzes par bya/ /dus gsum du ni sman sbyar ba/ /dang por dngul gyi gzhong par sbyar//de nas ra gan gzhong pa ste/ /zangs kyi gzhong par sbyar ba ni/ /srang re sbyar ba'i sman rnams las/ /zangs dang dngul dang ra gan nam/ /gser dang lcags su rab bsres la/ /rnam rtog nad la sman sbyar ba/ /man dA ra ba'i mdog bzhin sbyar/ /man dA ra bar ma gyur tshe//nam yang sbyar bar ma gsungs te/ /nyi zla dus gcig shar ba na/ /de nas rdzas kyi bsngags pa las/ /sman gyi sbyor ba rab tu brtsam/ /shin tu sman rnams 'byor pa na/ /'od kyi dkyil 'khor bsam yas su/ /ka la ping ka'i mdog tu brtag /'di la gang zhig mi brtson pa//dam tshig mi btsun sdom pa med/ /rdo rje spun las dben par gdon/ /lha dang rdo rje slob dpon la/ /bag med par ni brnyas pa dang / /rmongs pas ma mthong g.yel ba dang / /dam chos srog la mi lta ba/ /sangs rgyas rgyal ba bdun la brnyas//dkyil 'khor ba yi las byas pa/ /sems can dmyal ba chen po ste/ /tshe thung nad kyis btab pa dang / /'jig rten 'di ru gnod pa mang / /shi nas dmyal ba ngan song skye/ /de bas sdom pa 'di dag las/ /'da' bar mdzad pa gang yang med/ / 'di las 'das par mi byed pas/ /tshe 'di nyid la rgyal ba'i sku/ /lhun gyis grub pa'i sa la gnas/ /zhes de bzhin gshegs pa thams cad nyid la nyid dam tshig chen po'i sdom pa 'dis shin tu bsnyengs par mdzad do/ /de bzhin gshegs pa thams cad kyi gsang ba'i bde ba sdom pa thams cad kyi mchog gi le'u zhes bya ste lnga pa'o// //de nas bcom ldan 'das kun du bzang po chen po rnal 'byor ma dang bcas pa dgongs pa gcig tu gnas par mdzad do/ /rnal 'byor gyi dbang phyug chen po spyad pa mchog dang ldan pa'i spyod pa ma lus pa nyid dang zab mo'i don yin par mkhyen to//mkhyen nas sgyu 'phrul chen mo'i thabs 'di gsungs so/ /e ma chos dbyings rnam dag spyod yul las/ /sangs rgyas sems can gnyis ston ya mtshan 'phrul chen yin/ /de yang ye shes tshogs las sna tshogs snang mod kyi//bud med kun gyi sgyu ma las ni rab tu sprul te 'char/ /bden gnyis so sor snang ba nyid kyang yum gyi mkha' zhes rgyal bas gsungs/ /ma nor lam chen sgom na kun du bzang mo bsgoms pas lam du zhugs pa yin/ /sangs rgyas kun gyi dgongs pa kun shes rab bud med las ni mchod cing bsnyen pas ye shes chen por 'grub bo//dkyil 'khor gdon pa'i las kyi dngos grub mchog gi la rdo rje glu'i don de nyid kyis gnyis su med pa'i dgongs pa la gsal bar gyur te/ de nas de bzhin gshegs pa thams cad kyi bdag nyid dpal kun du bzang pos thabs dang shes rab kyi longs spyod 'di gsungs so//mngon spyod las kyi 'jug pa ni/ /phan tshun du ni dga' spyod pa/ /rnal 'byor sdom la gnas pa yin/ /de la mchod pa dam pa ni/ /sbyor ba rab tu sbyor ba ste/ / kun du khyab pa kun du sbyor/ /rjes su chags pa dam tshig mchog /de phyir kar sham mdog dang ldan/ /bcu drug bong tshod ring ba las/ /lugs su blugs pa lta bu ste/ /lus legs mdzes dang ldan pa dang / /dpral ba dbyes che kos ko phra/ /nu ma chung zhing sor mo ring //yid tsam bzur la mig dkyus ring / /dkar zhing rtsa dmar mdangs su chags/ /so dkar thags 'tshams thung zhing / /skad sbom gdangs dang ldan pa na pa ni/ /rdo rje sems dpa'i gnas mchog ste/ /'di la rtse bar byed pa ni/ /rigs kyi rdo rje gdon mi za//tshe 'di nyid la 'grub par 'gyur/ /gnas rab dben par rab brtag ste/ /sha dkar mdangs ldan mdog dang ldan/ /lus 'bring zlum pa cha byad can/ /so dkar thags dam mig dkyus zlum/ /skad phra mdog dkar spro ring ba/ /dpral dbyes la sogs bzang gnas pa//rma dag gnas pa la sogs ni/ /rtag par chos la 'dud pa yin/ /tshangs pa dbyangs kyi rigs can te/ /'di la brtson byas bsgrub pa yis/ /de bzhin rigs kyi ting 'dzin la/ /phan tshun du ni dga' spyad na/ /tshangs pa'i snga dro gcig tsam gyis//gdon mi za bar 'grub par 'gyur/ /rnal 'byor sbyor ba dga' ba ni/ /sbyor ba brtson pas 'grub par gsungs/ /bud med cha lugs legs pa ni/ /bong tshod mi ring lus phra zhing / /rkang lag chung zhing skad gsal ba/ /mig legs ngo zlum rtsa dmar che//lhun du chags la mi shes med/ /lus la mtshan gyi rma 'dras brgyan/ /tshig gsal rmi lam nyung ba dang / /so dkar mchu legs dad par ldan/ /chos sems pa yi ting 'dzin gyis/ /gsang ba'i mkha' la nyi zla'i 'od/ /rdo rje pad+mar ldan byas te//phan tshun du ni dga' spyad na/ /'dod khams lha yi skad cig gis/ /'grub par 'gyur ba gdon mi za/ /lus zlum brtun dang nga rgyal bcas/ /khong na tshig rnon sems la 'dzin/ /bya bar dran la mi gtong ldan/ /bslab pa blo rtul sha rus che//mdangs bkrag brtags na phyi phyir che/ /sbyin la dga' zhing chos la dad/ /rin chen rigs kyi ting 'dzin gyis/ /bag chags yi ges rtsad gcod cing / /ting 'dzin blo la gsal ba na/ /bsgrub pa dus la bab pa ste/ /de tshe rab tu brtson pa yis/ / yum gyi pad+ma kha phye ste/ /bde ba thugs kyi 'du 'phro yis/ /phan tshun du ni dga' spyad na/ /rigs kyi rin chen 'grub pa ni/ /tshe 'di nyid la thob par 'gyur/ /thugs rje mdzad spyod bye brag gis/ /'jig rten dag na dman pa'i rigs/ /rab tu bkug ste dga' spyod na/ / snying rje mchog dang thabs ldan pa/ /rnal 'byor spyod pa chen por gsungs/ /shan pa rigs ngan smad 'tshong ba/ /ngan pa'i rigs dang longs spyod rnams/ /'joms pa po yis ting 'dzin gyis/ /myur du spyad na 'grub par gsungs/ /gnod sbyin byol song dang //khyi dang rus sbal spre'u la sogs/ /mi dang lha yi gnas mchog kun/ /so sor 'tsham par dga' spyad na/ /dregs pa can la zhi ba che/ /brtson la dga' ba brtson par mdzad/ /thabs kyi mdzad spyod kun gyi mchog /sems can 'di dag don gyi phyir/ /phyin ci log tu gang spyod rnams//'dul ba'i mdzad pa sna tshogs kyis/ /mi mdzad pa ni ci yang med/ /shin tu gtum pa'i cha lugs kyis/ /gtum po thams cad dbang du mdzad/ /shin tu zhi ba'i cha lugs kyis/ /dregs pa can rnams dbang du mdzad/ /shin tu mdangs ldan cha lugs kyis//chags pa'i yid rnams dbang du mdzad/ /e ma shin tu ngo mtshar che/ /ci yang yin pas cir mi dgongs/ /zhes gsungs pas thams cad rab tu brtson pa chen po dang ldan par gyur to/ /bcom ldan 'das de bzhin gshegs pa bsam gyis mi khyab pa nam mkha' dang mnyam pa rdul phra mo'i rdul snyed rab tu 'dun pa'i thugs kyis mnyan pa brtson par mdzad do//rdo rje chos kyi mchog la sogs pa rigs bsam gyis mi khyab pa rab tu mnyan pa dang gus pa mchog dang ldan pas yongs su gzung ba'i le'u mdzad/ de nas bcom ldan 'das rnal 'byor chen mos rab tu brtson pa mdzad/ rab tu brtson pa'i yid kyis sprod pa dang 'khyud pa dang gyad kyi dgyes pa dang mgu ba bla na med pas phan tshun du dga' ba spyad do/ /de nas de bzhin nyid kyi dbyings nas sku dang gsung dang thugs rdo rje las 'di gsungs so//o~M hU~M ye shes rnal 'byor mchog ldan pas/ /skal bzang mchog gi dngos grub stsol/ /rab tu rmongs pa bsal phyir 'gog pa kun slong ba/ /rnal 'byor ba de mchog gnyis su med pa 'di dag shin tu ngo mtshar che/ /rin chen yid bzhin gzungs ni kun gyi dbang ldan pa//tshangs ma'i mdangs ldan gzungs ma drangs te de brtson pas/ /grub par 'gyur ba 'di la dga' spyod a la la/ /shin tu srid pa 'di dag bzhin du spyad pas 'grub par gsungs pas sa la gnas pas kun pas 'phags//rgyal ba kun gyi nang na kun du bzang po rgyal ba kun pas 'phags/ /de yang kun du bzang mo yin zhes sngon gyi rgyal ba kun gyis gsungs/ /mtshan ma kun bral rab tu dga' sbyor mi gtong bas/ /sems dpa' rdo rje nyid kyang de yin rgyal ba kun gyis gsungs/ / tshangs pa mchog gi glu 'di dag /brtson par byed cing len pa ni/ /dka' thub rnal 'byor ting 'dzin te/ /tshangs pa mchog gi dro gcig gis/ /gdon mi za bar 'grub par gsungs/ /zhes brjod do/ /de bzhin gshegs pa thams cad rab tu brtson pa chen pos gcig gi rang bzhin du gyur par mdzad do//de bzhin gshegs pa thams cad kyi gsang ba'i dkyil 'khor zhes bya ba'i le'u ste drug pa'o// //de nas dus gsum gyi ston pa thams cad bde bar gshegs pa'i rang bzhin te rab tu mchod pa chen pos mnyes shing ma rig pa brgyad khri bzhi stong 'dul bar mkhyen to//mkhyen nas ma rig pa grol bar mdzad pa dang zhe sdang rnam par grol bar dgyes te/ de dag mnyam pa chen po'i rang bzhin gyis 'dul ba'i thabs su sgrol ba dang / dbang gi rigs kyi sbyor bas rab tu bsrungs shing bsrung ba mdzad do//bdag gi rnal 'byor kun du bzang / /mtshan nyid kun brtags gnyis su med/ /rgyal ba kun dang mnyam sbyor na/ /mnyam pa'i sa la gnas pa yin/ /rang sems zla rgyas dbus gnas pa/ /rdo rje sems dpa'i ting 'dzin te/ / don rtogs gsal bar gyur ba yis/ /rab tu bsgral ba chen po ste/ /mchog gis la gnas rgyud yin/ /sku yi cho 'phrul rigs kun rdzogs/ /gsung gi ston pa bla na med/ /thugs kyi mdzad pa rtags dang ldan/ /ting 'dzin 'di ltar gsal ba yis/ /blo rmongs sdug bsngal sbyang ba'i phyir//gnyis su med par gsal ba yis/ /dzaHhU~M ba~M hos bsdu ba mdzad/ /mngon spyod las kyis sgrol ba mdzad/ /gnyis su med par 'grub par 'gyur/ /rtags dang shes pa phun sum tshogs/ /byams pa mdzad pa rnal 'byor thugs/ /gzungs kyi mchod pa mnyam ldan pas//rgyal ba mnyes par sbyor shes na/ /mnyes pa chen pos bdag nyid mchod/ /bden pa'i tshul du dbyer med pa'i/ /sems nyid rtogs pa rnam sbyang phyir/ /ting 'dzin shugs kyis kun bsgral te/ /mngon spyod las kyis sgrol bar mdzad/ / gsang ba'i mkha' la kun tu sbyor/ /de bzhin gshegs pa thams cad kyi mdzad spyod bsam gyis mi khyab pa las mchod pa de kho na nyid de le'u bdun pa'o// //de nas bcom ldan 'das 'khor rab tu skyong ba la dgyes te/ slob ma mchog dang 'bring dang tha mas yon gyi dbul ba mang po byas te dkyil 'khor du gzud pa mdzad do//bgegs tshar gcad pa'i phyir rdo rje sems dpa'i ting nge 'dzin gyis gdong par bstan rin po ches lag sor bkang ste snying po 'di zlos su gzhug go/ /o~M sarba ta thA ga ta pU dzi d+hi d+ha tiSh+Tha hU~M/ o~M ma hA maN+Da la de ba ka ra pU dza ya bU dza ya hU~M a/zhes brjod de me tog 'thor du gzhug go/ /gang la bab pa'i bshes gnyen bstan/ /sngags dang phyag rgya dam tshig bstan/ /de nas dam tshig chu blud cing / /tshig 'dir rab tu go bar bsgo/ /sems can gyi ni gzugs chen po/ /las la sogs te dbang bskur ba//rgyal ba'i sras su dbang bskur yin/ /de ring phan chad bu khyod kyis/ /dam tshig gnyen po 'di dag ni/ /srog gi phyir yang mi gtong zhing / /slob dpon ma btang grogs la mchod/ /bka' la gus par mnyan par byos/ / gal te bka' las 'das gyur na/ /gzhom dang gzhig dang dam rtsal dang / /spro dang spar dang dmyal bar skye/ /sems la chu 'di gnas pa ni/ /phrin las rnam bzhi 'tsham par bya/ /zhes brjod nas/ rdo rje slob dpon dkyil 'khor dang / /kun du bzang dang mched la sogs//zhabs la gtugs dang gus par bya/ /rgyud kyi mnyan pa thams cad bya/ /bsgrub pa'i gzugs la brten pas 'grub/ /de nas rigs kyi bu mchog la/ /gsang ba'i ming gi dbang yang bskur/ /gus par ldan pa'i bu mchog des/ /rgyal po dbang yod rgyal po srid//rang lus gnas dang 'khor yul dang / /bu dang chung ma tsha rgyud dang / /rin po che dang shel dang dngul/ /sna bdun rin chen nor gyi dbyig /rta dang glang po shing rta dang / /ma he ne'u le ci yod rnams/ /gter dang dbyig dang yid 'thad pa//sems la the tshom med pa yis/ /bkur sti rim gro mchog bskyed la/ /phul na rgyal ba mnyes par 'gyur/ /de nas dbang mnod theg pa'i tshad/ /rim pa bzhin du mnod par bya/ /mnyan pa grub pa la sogs dang / /las dang ging dang rgyal 'theb dang / / spyan dang rdo rje tshad 'dzin pa/ /bye brag mngag pa la sogs rnams/ /gsang ba'i dbang rnams gang nod pa/ /nyi shu'am bcu gnyis lon pa la/ /gos dang dbu rgyan bza' btung dang / /phyag rgya dril bu la sogs pa/ /dkyil 'khor 'di ltar gsal bsgoms te/ /rgyal ba kun gyis byin gyis brlabs//mngon du stan bting dga' spyod cing / /steng nas rgyal pos dbang bskur na/ /gdon mi za bar dngos grub thob/ /tshig gi legs pa bstod ra bya/ /de nas rigs kyi bu mchog des/ /zhabs la gtugs te gtang rag gtong / /rdo rje spun dang gzungs ma yis//rgyal ba'i rgyal ba yin zhes brjod/ /dus gsum kun gyi sras chen po/ /dus gsum kun gyi spyad pa spyod/ /khams gsum kun gyi sgrol ba bo/ /sgrol ba mchog gi spyad pa spyod/ /shin tu rnal 'byor skal ldan pa/ /dam tshig sdom la gnas pa dang //mtshan ma med pa'i chu 'thung zhing / /ji ltar bsgo ba'i las byed pa/ /kun la phyad par rab grags yin/ /phyi rabs 'dren pa'i gdung 'dzin pa/ /sgyu 'phrul dra ba'i sa la gnas/ /de bzhin gshegs pa'i sku dang gsung dang thugs kyi gsang ba de kho na nyid las mchod yon dam pa dang snying rje'i le'u ste brgyad pa'o// //de nas bcom ldan 'das gsang ba rdo rje bkod pa'i rgyan ces bya ba'i ting nge 'dzin la snyoms par zhugs te gnas par mdzad do/ /mdzad nas snrel zhi dang bya byed yan man mang po mi 'gog pa la snyoms par zhugs so//de nas yang las la ltos pa rang thad kyi sdug bsngal rnams mi g.yo ba'i ting nge 'dzin gyis 'jog par mdzad do/ /de nas yang mu stegs rtag par lta ba ther zug pa la rtag pa ther zug gi cha lugs kyis 'dul bar mdzad do/ /chad pa phyis mi 'dod ces bya ba la cha lugs des mnyam pa la 'dzud par mdzad do//mdzad nas rab tu 'gog pa'i dka' thub kyis myur ba bde ba la gnas par mi ster ba rnams la dka' thub 'gyur ba chen po'i tshul gyis 'dul dbang chen po mdzad do/ /drag shul gyi btsan thabs la dga' ba de thags zangs ris kyi cha lugs kyis 'dul bar mdzad do//gzhan la snying rjer ma gyur pa'i phyogs gcig pa'i sa rgyal rnams la yid bzhin gyi ting nge 'dzin gyis 'dul bar mdzad do/ /gling bzhi'i dge sdig cha mi shes pa la 'khor los sgyur ba chen por mdzad nas 'dul bar mdzad do//sbrebs pa chen po dang gtub pa chen po dang / btso ba dang rab tu so tham tham che chung rnams gnyen po dang zangs kha dang / gshed po chen po'i tshul gyis 'dul bar mdzad do/ /de dag kyang chos mnyam pa chen po byang chub kyi tshul rdo rje theg pa kun gyi mchog rang bzhin gyi tshul gyis gnas pa thabs dang shes rab dbyer med de rol pa bsam gyis mi khyab pa la gnas par mdzad do//thabs kyi mdzad pa khro bo rnam par 'phrul pa zhes bya ba'i phyag rgya'o/ /de nas bcom ldan 'das kun du bzang po chen po bdud 'dul ba zhes bya ba'i rnam par 'phrul pa'i ting nge 'dzin la snyoms par zhugs par mdzad do//de nas bdud zhe sdang chen po zhes bya ba de bskal pa stong gi dus na sdug bsngal bsam gyis mi khyab pa blangs pas byang chub tu sems ma bskyed pa/rab tu gdug pa/ skyi bung ba/ bong che zhing tshor sang che ba/ mtshon cha dang khrag gi gdug pas sems can la gnod pa/ mtshon gyi mche ba dang bcas pa dpag tshad nas dri tshor te rab tu gsod gcod za 'thung byed cing me dpung gi dkyil na gdug pa'i mda' 'phen cing g.yo ba chen pos bab drag po dang tsham ngam du gnas par gyur to//de nas bcom ldan 'das cang mi gsung bas kun du bzang mo la 'dzum pa mdzad do/ /yab yum gyi byang chub kyi sems kyi sprin las/ o~M d+hu d+hu d+hu d+hu ra d+hu ra d+hu ra ho ho/ hU~M hU~M hU~M/ hriM hriM hriM/ ho ho zhes brjod pas tshangs pa'i chung ma dang / dbang po'i chung ma dang / khyab 'jug gi chung ma dang / tsakra'i chung ma dang / de ba'i chung ma dang / ru tra'i chung ma dang / ga ru Da'i chung ma dang / yul 'khor srung gi chung ma dang / rnam thos kyi chung ma dang / 'phags skyes kyi chung ma dang /mig mi bzang gi chung ma rnams rab tu chags pa'i 'du shes rang dbang med par skyes te 'du bar mdzad do/ /de yang byang chub sems kyi sprin las/ sa twa badzra he ru ka/ ma hA sa ma ya sarba sid+d+hi/ hU~M hU~M hU~M/ ho ho ho zhes brjod pas de bzhin gshegs pa'i gzugs mang pos mdzes pa dang ldan par gyur te bzhugs pa la tshangs pa'i chung ma la sogs pa 'dus pa thams cad kyis so so re re shin tu chags pa chen po'i yid skyes te 'khril bar gyur to//'khril nas kyang rol pa'i byang chub kyi sems las chu'i dkyil 'khor bsam gyis mi khyab pas 'jig rten 'khru zhing 'jig par mdzad do//me'i dkyil 'khor mang pos 'jig rten rab tu sreg par mdzad do/ /rlung gi dkyil 'khor mang pos 'jig rten sems can gtor bar mdzad do/ /de nas byang chub sems kyi sprin gyis rigs nges par dbang bskur bar mdzad do//de nas gnyis su med pa las bzhengs te/ o~M o~M sarba bi si du shash+tha dza dza dza zhes brjod pas tshangs pa dang khyab 'jug gi chung ma la sogs pa/ gzungs las bran mor dam mnos te slar gnas su phyin par gyur to/ /de nas sku'i cha lugs de las mnyam pa chen po la gnas par mdzad de/o~M b+ha rA mu trA ma hA tsaN+Da tsa tur yo gi ni maN+Da la kro d+ha ha la ha la hU~M hU~M hU~M phaT ces brjod pas so so'i chung ma dang bu sring rdo rje gsod byed ma chen mor gyur te/ bdud gdug pa chen po zhe sdang can la sogs pa la jo bo dam mnos bzhengs zhes smras te/bdud gdug pa'i lus la khrag bzhibs nas gnas so/ /'on kyang dam nyan par ma btu ba ste g.yo bag med par shin tu sngo bar gnas par gyur to/ /de nas bcom ldan 'das sprul pa thams cad gcig tu sdu ba mdzad de dbu gsum phyag drug zhabs bzhi tho ba dang rdo rje dang /rde'u chung dang / mda' gzhu dang / zhags pa dang / sdigs pa'i mdzub mo dang / b+han d+ha 'khrug pa'i rol pas kun tu bzang mo dang 'khril nas dbu gsum gsigs te/ sarba b+ha tha hU~M hU~M phaT ces brjod pas zhabs kyi 'og tu bdud bzhi dang /tshangs pa dang brgya byin la sogs pa rgyal chen chos skyong bsdus te/ khA hi khA hi phaT phaT ru lu ru lu ru lu hU~M hU~M zhes pas bsgral te/ b+han+d+ha ra bkang nas gsol te mi gnas par mdzad do//yang zhabs g.yas pa 'phen cing 'greng sbyor gyi tshul gyis/ o~M sarba ta thA ga ta ma hA dz+nyA na gar b+ha ho d+hu ho d+hu ho d+hu/ tsaN+Da la b+ha la ma hA shrI he ru ka hU~M hU~M hU~M/ trU~M trU~M trU~M/ hriM hriM hriM/ phaT phaT phaT ces brjod pas so so'i chung ma bu mos rang dbang med par bteg ste phyin to//de nas bdud zhe sdang chen po de yang dregs pa'i chung mas bteg ste phyin to/ /phyin nas bcom ldan 'das dpal he ru ka sku gsung thugs kyi yon tan chen pos/ o~M sarba ta thA ga ta ma hA sa ma ya shrI he ru ka duSh+TaM d+ha ka ha na/ da ha da ha da ha/ pa tsa pa tsa pa tsa/ hA hA hA hA hA zhes brjod pas rdo rje rnal 'byor gyi dbang phyug chen mo rnal 'byor ma skul byed ma dang / rnal 'byor ma gsod byed ma dang / za byed ma dang / rnal 'byor ma gtum mo dang / las la grub pa chen mo dang / rdo rje sreg byed ma dang /dbang sdud chen mo rnams yum gyi gsang ba'i mkha' las byang chub kyi sems kyi sprin las 'thon nas gdug pa'i tshogs bdud mgo nas bzung ste mtshon cha dang phral nas bsgral te lhu sug phral nas bsnams shing bstabs so/ /de nas bcom ldan 'das dgyes pa chen po'i dpal rdo rje khrag 'thung chen pos 'gro ba gnod sbyin bdud kyi rigs kyi 'khor dang kyi lus rta'i lus can gyi srin mo chen mo dang /'ug pa mo chen mo dang / dur bya chen mo dang / stag dang / seng ge ba glang / wa dang / khyi dang / pha wang dang / spre'u dang / bya rog dang / bya rgod dang / rnga mo dang / phag la sogs pa ma tang ru tra dang chas te gnas pa la mtshan mar ma chags pa'i sbyor ba mdzad nas/ he he he he he/ hU~M hU~M hU~M hU~M hU~M/ phaT phaT phaT ces brjod pas byang chub kyi sems kyi sprin las seng ge stabs chen po dang /stag gi cha lugs chen mo dang / myos byed rta mgo chen mo dang / 'ug pa'i mgo can dang / bya rog dang / bya rgod dang / mchu la sogs pa srin mo'i cha lugs dang ma bral ba'i mdog gis 'thon nas/ phaT phaT phaT tsaN+Da ma hA maN+Dal hU~M phaT zhes brjod pas gdug pa'i tshogs bsgral bar mdzad de bya dang /mche ba can dang / sder chags kyi za stangs kyis 'phrog cing gsol ba mdzad do/ /de bzhin gshegs pa dpal sgyu 'phrul chen mos yang phyis bstan pa la mi sgrib par bya ba'i ched du las kyi 'das pa 'di bka' stsal to//'jig rten drug gi phyogs bcu ru/ /khor yug dur khrod chen po ste/ /'bar ba'i dkyil 'khor gsal 'gyur nas/ /drag po 'dul ba'i don ched du/ /dkyil 'khor 'bar ba de dbus su/ /khrag 'thung ye shes chen po ste//dbu gsum phyag drug zhabs bzhir bgrad/ /ser nag 'jigs pa chen po'i sku/ /sangs rgyas khros pa'i rgyal mo dang / /ma hA su kha'i tshul du 'khril/ /rnam par thar pa'i zhal gsum gyis/ /khams gsum ma lus rngub cing gsol/ / thugs dam snying rje chen po yis/ /sku yi dkyil 'khor chen por bsdus/ /rdo rje b+han d+har ldan pa yis/ /khrag chen po dag 'khrug cing gsol/ /'jigs pa'i ral pa gyen du 'khyil/ /bskal pa'i me dpung chen po'i dbus/ /gshog sgra drag pos stong gsum g.yo//rkan sgra drag pos srog chags brgyal/ /spyugs pas bsod nams lus 'jig cing / /yum chen mo dang mnyam par sbyor/ /sdig pa rde'u chung tri shU zhing / /phyag na bsnams shing ril mid mdzad/ /stabs glu phyag rgya sngags tshig gis//zhing bcu gsod cing tshul bzhin du/ /ha ha ha sa ni dgyes par mdzad/ /he he hes ni yum dang rol/ /hU~M hU~M hU~M gis char chen 'bebs/ /phaT phaT phaT kyis za byed che/ /zhabs nga zhi bdud bzhi sgrol zhing gnon/ /gzhal yas mthing nag chen pos ni//'jig rten khams gsum gyur pa ste/ /klu chen rgyal po mang po rnams/ /khyad par chen po'i sku la brgyan/ /srog chags chen po'i pags chen yang / /tsham ngam chen po'i na bzar gsol/ /ci yang sgyur yang gzugs can te/ /'jigs byed sku ste cho 'phrul ba//drag shul gsung gi nga ro yis/ /gsod cing 'thung ba'i tshogs chen po/ /snying rje mngan sems khrag chen 'thung / /gsod cing sbyor ba'i mchod pa la/ /shin tu dgyes pa chen por ston/ /hU~M hU~M hU~M/ ha ha ha ha ha/ khA hi khA hi khA hi/ha ha ha sa/ ru ru rak+ta/ ka ka kar ma/ yo gi ni/ ru lu ru lu ru lu hU~M/ rdo rje rigs chen mi bskyod thugs/ /rdo rje khrag 'thung chen po ste/ /dbu gsum phyag drug zhabs bzhir bgrad/ /zhing chen gshibs pa'i gdan stengs na/ / zhabs bzhi bdud bzhi rab tu gnon/ /smug nag 'jigs pa chen po'i sku/ /rdo rje khros pa'i rgyal mo dang / /ma hA su kha'i tshul du 'khril/ /rnam par thar ba'i zhal gsum gyis/ /khams gsum ma lus rngub cing gsol/ /thugs dam snying rje chen po yis//thugs kyi dkyil 'khor chen por bsdus/ /snying rje b+han d+har ldan pa yis/ /khrag chen po dag 'khrug cing gsol/ /'jigs pa'i ral pa gyen du 'khril/ /bskal pa'i me dpung chen po'i dbus/ /gshog sgra drag pos stong gsum g.yo/ /rkan sgras rigs kun brgyal zhing 'bub//spyugs pas bsod nams lus 'jig cing / /yum chen mo dang mnyam par sbyor/ /sdig pa'i ri rab tri shUl zhing / /phyag na bsnams shing khrag 'thung ba/ /sangs rgyas kun du bzang mo dang / /rol pa'i tshul gyis mnyam sbyor zhing //stabs glu phyag rgya sngags tshig gis/ /zhing chen gsod cing phung mdzad pa/ /ha ha has ni dgyes par mdzad/ /he he he sa ni yum dang rol/ /hU~M hU~M hU~M gis char chen 'bebs/ /phaT phaT phaT kyis za byed che/ /gzhal yas smug nag chen po ste//'jig rten stong gsum gyur pa ste/ /klu chen rgyal po mang po rnams/ /khyad par chen po'i sku la brgyan/ /srog chags chen po'i pags chen yang / /tsham ngam chen po na bzar gsol/ /cir yang sgyur ba'i gzugs chen po/ /che'o che'o dpal chen po/ / sangs rgyas sku yang chem chem gsol/ /srog chags gzhan lta smos ci dgos/ /'jigs byed sku ste cho 'phrul ba/ /drag shul gsung gi nga ro yis/ /gsod cing 'thung ba'i tshogs chen po/ /snying rje mngan sems khrag chen 'thung / /gsod cing sbyor ba'i mchod pa la//shin tu dgyes pa chen por ston/ /khrag 'thung 'bar ma ma gtogs par/ /gcig kyang gson par mi mdzad de/ /de bzhin thugs dam nyid pas na/ /gsad pa'i rgyu la shin tu dgyes/ /hU~M hU~M hU~M/ ha ha ha ha ha/ khA hi khA hi khA hi/ ha ha ha sa/du ru rak+ta/ ka ka kar ma/ yo gi ni/ ru lu ru lu ru lu ru lu ru lu hU~M/ rin chen rigs chen yon tan sku/ /rin chen khrag 'thung chen po ste/ /dbu gsum phyag drug zhabs bzhir bgrad/ /sti ra che chung gdan la bzhugs/ /bdud bzhi steng du brkyang bskum pa//nyon mongs lnga dag tshar gcod cing / /mthe'u chung srin lag rtse gnyis kyis/ /a mr-i ta la sogs pa yi/ /bdud rtsi zil dngar chen po dag /dang ba'i sku la rab brgyan cing / /sngo gnag 'jigs pa chen po'i sku/ /rin chen khros pa'i rgyal mo dang //ma hA su ba'i tshul du 'khril/ /rnam par thar pa'i zhal gsum gyis/ /khams gsum ma lus rngub cing gsol/ /thugs dam snying rje chen po yis/ /yon tan dkyil 'khor chen por bsdus/ /rdo rje b+han d+har ldan pa yis/ / khrag chen po dag 'khrug cing gsol/ /'jigs pa'i ral pa gyen du 'khyil/ /bskal pa'i me dpung chen po'i dbus/ /gshog sgra drag pos stong gsum g.yo/ /rkan sgras yon tan rigs kun brlag /spyugs pas bsod nams lus 'jig cing //yum chen mo dang mnyam par sbyor/ /ste ra'i glo snying 'byin cing gsol/ /dgra sta tri shUl rgyu 'dren zhags/ /phyag na bsnams shing khrag 'thung ba/ /rin chen kun du bzang mo dang / /rol pa'i tshul du mnyam sbyor zhing / /stabs glu phyag rgya sngags tshig gis//thams cad thams cad gcod par mdzad/ /rol pa chen po'i tshul bzhin du/ /khrag chen po yang zhal gyis 'jib/ /ha ha has ni dgyes par mdzad/ /he he hes ni yum dang rol/ /hU~M hU~M hU~M gis char chen 'bebs/ / phaT pha ru phaT kyis za byed che/ /gzhal yas sngo nag chen por ni/ /'jig rten stong gsum gyur pa ste/ /klu chen rgyal po mang po rnams/ /khyad par chen po'i sku la brgyan/ /srog chags chen po'i pags pa yang / /tsham ngam chen po'i na bzar gsol//ci yang sgyur ba'i gzugs can te/ /che'o che'o dpal chen po/ /sangs rgyas sku yang chem chem gsol/ /gzugs khams lha tshogs mang po yang / /mgo yi phreng bas rgyan du byas/ /'jigs byed sku ste cho 'phrul ba/ /dag shul gsung gi nga ro yis//gsod cing 'thung ba'i tshogs chen po/ /snying rje mngan sems khrag chen 'thung / /gsod cing sbyor ba'i mchod pa la/ /shin tu dgyes pa chen por ston/ /khrag 'thung 'bar ba ma gtogs par/ /gcig kyang gson par mi mdzad de/ /de bzhin thugs dam nyid pas na//gsad pa'i las la shin tu dgyes/ /hU~M hU~M hU~M/ ha ha ha ha ha/ khA hi khA hi khA hi/ ha ha ha sa/ ru ru rak+ta/ ka ka ka ra ma/ yo gi ni/ ru lu ru lu ru lu ru lu ru lu hU~M/ drag po 'dul ba'i don ched du/ /dkyil 'khor 'bar ba'i phyogs dag tu//khrag 'thung pad+ma chen po ste/ /mtshungs pa med pa'i khyad par mnga'/ /dbu gsum phyag drug zhabs bzhir bgrad/ /dmar nag 'jigs pa chen po'i sku/ /pad+ma khros pa'i rgyal mo dang / /ma hA su kha'i tshul du 'khril/ /rnam par thar ba'i zhal gsum gyis//khams gsum ma lus rngub cing gsol/ /thugs dam snying rje chen po yis/ /gsung gi dkyil 'khor chen por bsdus/ /rdo rje b+han d+har ldan pa yis/ /khrag chen po yang 'khrug cing gsol/ /'jigs pa'i ral ba gyen du 'khyil/ / bskal pa'i me dpung chen po'i dbus/ /gshog sgra drag pos stong gsum g.yo/ /rkan sgra drag pos srog chags brgyal/ /spyugs pas bsod nams lus 'jig cing / /yum chen mo dang mnyam par sbyor/ /tri shUl rde'u rdung rgyu 'dren zhags/ /phyag na bsnams te sha khrag gsol//gzugs khams lha tshogs mang po dag /dgra bcom byang chub sems dpa' yis/ /mgo yi phreng bas rgyan du byas/ /dgongs nges btsan thabs chen pos myos/ /'dod chags bsnyengs pa'i dgongs pa yis/ /gzugs can bud med lus kun sdud//nga rgyal bsnyengs pa'i mthu yis ni/ /bsod nams can rnams thams cad gnon/ /phrag dog bsnyengs pa'i dgongs pa yis/ /gzugs kun kun bsdus 'phrog cing sbyor/ /gti mug bsnyengs pa'i dgongs pa yis/ /dbye bsal mi mdzad nges pa'i thugs//mchod do mchod do stobs chen po/ /bdag la bdag mchod mnyes pa che/ /khro mo pad+ma'i dkyil 'khor du/ /'jigs pa'i stabs dang gar mdzad pas/ /mi bzad mkha' 'gro'i klong chen 'byung / /stabs glu phyag rgya sngags tshig gis//zhing bcu gsod cing tshul bzhin du/ /dngos la longs spyod chen por mdzad/ /ha ha ha sa ni dgyes par mdzad/ /he he hes ni yum dang rol/ /hU~M hU~M hU~M gis char chen 'bebs/ /phaT phaT phaT kyis za byed che/ /zhabs bzhi bdud bzhi sgrol zhing gnon//gzhal yas dmar nag chen por ni/ /'jig rten khams gsum gyur ba ste/ /klu chen rgyal po mang po rnams/ /khyad par chen po'i sku la brgyan/ /srog chags chen po'i pags chen yang / /tsham ngam chen po'i na bzar gsol//cir yang sbyar ba'i gzugs chen te/ /'jigs byed sku ste cho 'phrul pa/ /drag shul gsung gi nga ro yis/ /gsod cing 'thung ba'i tshogs chen po/ /snying rje mngan sems khrag chen 'thung / /gsod cing sbyor ba'i mchod pa la/ /shin tu dgyes pa chen por ston//hU~M hU~M hU~M/ ha ha ha ha ha/ khA he khA hi khA hi/ ha ha ha sa/ ru ru rak+ta/ ka ka ka ra ma/ yo gi ni/ ru lu ru lu ru lu ru lu ru lu hU~M b+h+yo hU~M/ drag po'i dngos grub sbyin mdzad pa/ /dkyil 'khor 'bar ba'i phyogs dag tu/ / khrag 'thung las kyi sku gsung thugs/ /dbu gsum phyag drug zhabs bzhir bgrad/ /ljang nag 'jigs pa chen po'i sku/ /las kyi rgyal cing khros ma dang / /ma hA su kha'i tshul du 'khril/ /rnam par thar pa'i zhal gsum gyis/ /khams gsum ma lus rngub cing gsol//thugs dam snying rje chen po yis/ /stong khams rnam pa mang po rnams/ /sku yi dkyil 'khor chen por bsdus/ /rdo rje b+han b+har ldan pa yis/ /khrag chen po yang 'khrug cing gsol/ /'jigs pa ri ral pa gyen du 'khyil/ / bskal pa'i me dpung chen po'i dbus/ /gshog sgra drag pos stong gsum g.yo/ /rkan sgra drag pos srog chags brgyal/ /spyugs pas bsod nams lus 'jig cing / /yum chen mo dang mnyam par sbyor/ /rgya gram dbyug pa rde'u chung dang / /tri shUl zhing chon rgyu zhags 'dren//tshems rnon sti ra za byed che/ /stabs glu phyag rgya sngags chig gis/ /zhing bcu gsod cing tshul bzhin du/ /phrin las dkyil 'khor nyid la mchod/ /ha ha ha sa ni dgyes par mdzad/ /he he he sa ni yum dang rol/ /hU~M hU~M hU~M gis char chen 'bebs//phaT phaT phaT kyis za byed che/ /zhabs bzhi bdud bzhi sgrol zhing gnon/ /gzhal yas ljang nag chen por ni/ /'jig rten khams gsum gyur pa ste/ /klu chen rgyal po mang po rnams/ /khyad par chen po'i sku la brgyan/ /srog chags chen po'i pags chen yang //tsham ngam chen po'i na bzar gsol/ /cir yang sgyur ba'i gzugs chen po/ /che'o che'o dpal chen po/ /sangs rgyas sku yang chem chem gsol/ /srog chags gzhan lta smos ci dgos/ /'jigs byed sku ste cho 'phrul ba/ / drag shul gsung gi nga ro yis/ /gsod cing 'thung ba'i tshogs chen po/ /snying rje mngan sems khrag chen dang / /gsod cing sbyor ba'i mchod pa la/ /shin tu dgyes pa chen por ston/ /khrag 'thung 'bar ba ma gtogs par/ /gcig kyang gson par mi mdzad de//de bzhin thugs dam nyid pas na/ /gsad pa'i las la shin tu dgyes/ /hU~M hU~M hU~M/ ha ha ha ha ha/ khA hi khA hi khA hi/ ha ha ha sa/ ru ru rak+ta/ ka ka ka ra ma/ yo gi ni/ ru lu ru lu ru lu ru lu ru lu hU~M b+h+yo hU~M/ sangs rgyas khros pa'i rgyal mo ste//sangs rgyas kun gyi yum chen mo/ /kro d+hi shwa ri de bzhin rigs/ /dbu gsum phyag drug zhabs bzhir bgrad/ /khro gnyer spyan gsum mche gtsigs shing / /dbu skra muny+dzA rgya bcings te/ /thod rlon mang pos rgyan du byas/ /spyan gsum 'jigs pa'i sdong mig can//ser nag gyad kyi 'dor tshul du/ /b+han+d+ha rak+tar ldan pa yis/ /'khril ba'i tshul gyis gtso la stobs/ /dur khrod 'bar ba'i me chen dbus/ /zhabs bzhi brkyang bskum gnon tshul du/ /zhing chen gshibs pa'i gdan la bzhugs/ /rdo rje gshibs pa'i gshog rkyong zhing //srin lag mthe bong rtse gnyis kyis//a mr-i ta la sogs pa lnga/ /blangs te thugs dam skul bar mdzad/ /dgyes pas rdo rje pad+mar 'jog /rol phyir sta na mchog kyang mdzad/ /ka la gyi la dgyes pas rol/ /rdo dbyug tri shUl sti ra za//a a hi hi gad mos 'gengs/ /thugs dam sku yi dkyil 'khor du/ /'jig rten ji srid thams cad sdud/ /khams gsum kun gyi dbang sgyur mdzad/ /sangs rgyas kun gyi yum chen mo/ /pags chen brjid pa'i g.yang gzhi gsol/ / dpal chen 'bar ba ma gtogs par/ /kun kyang thal ba bzhin du rlog /khros pa'i snying rje g.yos pa na/ /thabs chen po yang chem chem gsol/ /zhe sdang chen po'i dgyes chen yang / /rol pas dbang du bsdus nas ni/ /khrag 'thung chen po'i zhal du stobs//zas su srog chags kun gsol ba/ /ma hA maM sas sku brgyan cing / /zla gam mchod pa chen po yis/ /khrag 'thung chen po 'dzum par mdzad/ /yid du 'ong ba'i gzugs ston cing / /nyams na rab tu brlag par mdzad/ /rnal 'byor dbang phyug chen mo ste//dam tshig can la dngos grub sbyin/ /khams gsum khrag tu bsgyur nas ni/ /hub hub hub kyis zhal du gsol/ /rdul gyi gong bu mang po rnams/ /chem chem chem gyis zhal du gsol/ /sod cig sod cig dpal gyi yum//choms shig choms shig dpal gyi yum/ /gtogs shig gtogs shig dpal gyi yum/ /sregs shig sregs shig dpal gyi yum/ /chings shig chings shig dpal gyi yum/ /gnod par byed pa'i bdud rnams kun/ /rab tu drongs la tshul bzhin du//khrag 'thung chen po'i zhal du stobs/ /khrag 'thung 'bar ba ma gtogs par/ /gcig kyang gson par mi mdzad de/ /de bzhin thugs dam nyid bas na/ /gsad pa'i las la shin tu dgyes/ /ha ha ha/ khA hi khA hi khA hi/ A ho sarba ta thA ga ta pra dz+nyA par mi tA/sid d+ha rU pe dza/ lo hi ni la sha ta ca ra na a khi ya me hu b+ho ga yo ka sa ma yo b+ha be/ ta ru la sarba yo gi ma hA na ra nri/ rak+ta dzA ya/ so khya ma nu bi la si/ ka ba sa ma le ma ku d+ha/ tri shU la rak+Sha b+ho ga yo gi ni/ ma hA sa hu maN+Da la ti la ka/ ban d+ha na/ a la la ho/ /rdo rje yum chen rgyal gcig ma/ /kro d+hi shwa ri dpal gyi yum/ /sangs rgyas lnga yi dbu rgyan can/ /nyi ma 'bum gyi gzi ldan ma/ /keng rus 'bum gyi gdan la bzhugs/ /smug nag gyad kyi 'dor tshul du/ /b+han d+ha rak+ta gtso la stobs//gdug pa'i tshogs chen mang po rnams/ /mnyes byed phyir na sku la 'khril/ /dbu gsum phyag drug zhabs bzhir bgrad/ /khro gnyer spyan bgrad mche gtsigs shing / /dbu skra muny+dzA rgya bcings te/ /thod rlon mang pos rgyan du byas/ /spyan gsum 'jigs pa'i sdang mig can//tsit+ta'i glo snying mang po rnams/ /zhal du gsol nas 'khril zhing bzhugs/ /chags pa'i gar thabs chen po yis/ /gdug pa chen po'i sprin 'phro zhing / /las su gsod la shin tu dgyes/ /dur khrod 'bar ba'i me chen dbus/ / zhabs ni brkyang bskum chen por bzhugs/ /rdo rje gshibs pa'i gshog rkyong zhing / /srin lag mthe bong rtse gnyis kyis/ /a mr-i ta la sogs pa lnga/ /dang ba'i sku la rab brgyan cing / /dgyes pas rdo rje pad+mar 'jog /rol phyir sta na mchog kyang mdzad/ /ka la ki las rol pas dgyes//rdo rje rde'u chung rdung ba dang / /tri shUl 'phen cing sti ra za/ /a a hi hi gad mos 'gengs/ /thugs dam sku yi dkyil 'khor du/ /'jig rten ji srid thams cad sdud/ /khams gsum kun gyi dbang sgyur mdzad/ /sangs rgyas kun gyi yum chen mo//pags chen brjid pa'i g.yang gzhi gsol/ /dpal chen 'bar ba ma gtogs par/ /kun kyang thal ba bzhin du rlog /khros pa'i snying rje g.yos pas na/ /thabs chen po yang chem chem gsol/ /zhe sdang chen po'i bgegs chen yang / /rol pas dbang du bsdus nas ni//khrag 'thung chen po'i zhal du stobs/ /se ral kha yi tshul dag tu/ /kha T+wAM ga la rgyab brten byas/ /rol la rngam pa'i cha lugs kyis/ /bka' las 'das pa 'phrog cing gsol/ /zas su srog chags kun gsol ba/ /ma hA paM sas sku brgyan cing //zla gam mchod pa chen pos ni/ /khrag 'thung ba yi mdog skyed cing / /yid du 'ong ba'i gzugs ston cing / /nyams na rab tu brlag par mdzad/ /rnal 'byor dbang phyug chen mo ste/ /dam tshig can la dngos grub sbyin/ /khams gsum khrag tu bsgyur nas ni//hub hub hub kyis zhal du gsol/ /keng rus rdul gyi gong bu rnams/ /chem chem gyis ni zhal du gsol/ /sod cig sod cig rdo rje yum/ /choms shig choms shig rdo rje yum/ /gtogs shig gtogs shig rdo rje yum//sregs shig sregs shig rdo rje yum/ /chings shig chings shig rdo rje yum/ /gnod par byed pa'i bdud rnams kyang / /rab tu drongs la tshul bzhin du/ /khrag 'thung chen po'i zhal du stobs/ /khrag 'thung 'bar ba ma gtogs pa/ /gcig kyang gson par mi mdzad de//de bzhin thugs dam nyid pas na/ /gsad pa'i las la shin tu dgyes/ /o~M hU~M sa twa ka ra rU pa/ /rak+ta dzA la si pany+tsa ta thA ga ta sid d+ha kA ya rU pa/ pany+tsa tsit+ta ta thA ga ta rU po/ ta thA ga ta b+ha ga sid d+hi/ yo ga yo gi dzA la d+ha/ha na ban d+ha na A la la la ho/ /rin chen khros pa'i rgyal gcig ma/ /tshad med bzhi yi yon tan can/ /bkres skom phongs la gter sbyin mdzad/ /rang bzhin rnal 'byor yid bzhin gter/ /mi zad mdzod du gyur pas na/ /rnal 'byor ma zhes mtshan du gsol//ye shes khro mo khro rgyal gtso/ /dag pas mtshan rdzogs rgyal ba'i yum/ /mthing nag gyad kyi 'dor tshul gyis/ /b+han d+ha rak+ta gtso la stobs/ /nyi ma 'bum gyi gzi ldan ma/ /gdug pa'i tshogs chen mang po rnams/ /mnyes pa'i phyir ni sku la 'khril//nu 'bur stod smad dbye zhing 'gying / /dbu gsum phyag drug zhabs bzhir bgrad/ /g.yon du 'gying stabs sbyor ba yis/ /thal sgra drag pos gdug pa gsod/ /khro gnyer spyan bgrad mche gtsigs shing / /dbu skra muny+dzA rgya bcings shing / /thod rlon mang pos rgyan du byas//spyan gsum 'jigs pa'i sdang mig can/ /yan lag gcad gtubs phral nas kyang / /zhal du gsol nas chags pas 'khril/ /chags pa'i gar thabs chen pos ni/ /gdug pa chen po'i sprin 'phro zhing / /las su gsod la shin tu dgyes//dur khrod 'bar ba'i me chen dbus/ /zhabs ni brkyang bskum chen pos ni/ /zhing chen gshibs pa'i gdan la bzhugs/ /rin chen gshibs pa'i gshog rkyong zhing / /srin lag spar gyis khrag chen 'thung / /dgyes pas rdo rje pad+mar 'dzin//rol phyir sta na mchog kyang mdzad/ /ka la ki las dgyes pas rol/ /dbyug pa rje'u chung kha T+wAM 'dzin/ /glo sting yan lag kun gsol zhing / /a a hi hi bzhad mos 'gengs/ /rol pa'i rkan sgras thog thog g.yo/ /rdo rje spyugs pas dgyes mdzad pa'i//thugs dam sku yi dkyil 'khor du/ /gsad pa'i dur khrod kun gsol mdzad/ /khams gsum kun gyi dbang mdzad ma/ /sangs rgyas kun gyi yum chen mo/ /pags chen brjid pa'i g.yang gzhi gsol/ /dpal chen 'bar ba ma gtogs par//kun kyang thal ba bzhin du rlog /khros pa'i snying rje g.yos pa na/ /thabs chen po yang chem chem gsol/ /zhe sdang chen po'i bgegs chen yang / /rol pas dbang du bsdus nas ni/ /khrag 'thung chen po'i zhal du stobs/ /ro la brkam pa'i yum chen mo//bka' las 'das pa 'phrog cing gsol/ /zas su srog chags kun gsol ba/ /ma hA maM sas sku brgyan cing / /zla gam mchod pa chen pos ni/ /khrag 'thung pa yang 'dzum par mdzad/ /yid du 'ong ba'i gzugs ston pas//nyams na rab tu brlag par mdzad/ /rnal 'byor yum chen chen mo ste/ /dam tshig can la dngos grub sbyin/ /khams gsum khrag tu bsgyur nas ni/ /hub hub kyis ni zhal du gsol/ /sti ra che chung mang po rnams/ /chem chem gyis ni zhal du gsol//sod cig sod cig rin chen yum/ /choms shig choms shig rin chen yum/ /gtogs shig gtogs shig rin chen yum/ /sregs shig sregs shig rin chen yum/ /chings shig chings shig rin chen yum/ /gnod par byed pa'i bdud rnams kyang //rab tu rol la tshul bzhin du/ /khrag 'thung chen po'i zhal du stobs/ /khrag 'thung 'bar ba ma gtogs par/ /gcig kyang gson par mi mdzad de/ /de bzhin thugs dam nyid pas na/ /gsad pa'i las la shin tu dgyes//o~M hU~M sangs rgyas kun gyi mi zad rgyan dang ldan pa rang bzhin he ru dpal/ /dur khrod bdag po za byed yum chen mo/ /rgyal ba kun gyi yon tan gter ldan ma/ /byang chub snying po'i dgongs pa nges ldan bsnams shing gsol/ /rmongs pa log pa lnga dang ldan rnams drongs la tshul bzhin stobs//kun gyi dbang mo dbang dang ldan pa'i yum chen kun rol cig /sems dpa' khrag 'thung nyid kyang sku la thim par rol/ /khrag chen gsol zhing glo snying za la brkam pas rnal 'byor kun gyi las mdzod cig /bdag dang ldan pas dkyil 'khor ma lus thams cad rdzogs pa yin/ /a la la la ho/ /sku gsung thugs ldan rnal 'byor ma/ /pad+ma'i gsung gi sangs rgyas yum/ /chags pa'i pad+ma rgya tsig ma/ /yum chen kro d+hi shwa ri ste/ /sangs rgyas lnga yi dbu rgyan can//dmar nag sku yi cha lugs ma/ /dbu gsum phyag drug zhabs bzhir bgrad/ /rdo rje b+han d+har ldan pa yis/ /khrag chen po yang 'khrug cing gsol/ /chags pa'i thal mo brkyang nas kyang / /khrag 'thung pad+ma'i sku la 'khril/ /glog stong 'gyur ba'i 'od mnga' bas//mun pa nag po thibs po sel/ /sdang mig mche gtsigs tshems rnon gsod/ /rde'u chung rdung zhing stir chen za/ /sha khrag 'dzag cing ro la brkam/ /bya byed mang po'i nus mthu yis/ /lha chen po yi mgo yang 'gems/ /tshangs pa chen po'i pags chen yang //yum chen mo yin bzar gsol/ /muny+dzA cod pan ral pa can/ /gdug pa tshogs chen mang pos bskor/ /thod rlon rgyan gyi phreng bas brgyan/ /brkyang bskum sti ra'i gdan stengs na/ /gyad kyi dgyes pa'i 'dor tshul gyis/ /sta na byed cing ro la brkam//sangs rgyas kun gyi yum chen mo/ /bgegs chen kun la tshul bzhin du/ /khrag 'thung chen po'i zhal du stobs/ /bskal pa'i me dpung chen po'i dbus/ /tshogs la rol la tshul bzhin du/ /dang ba'i sku la rgyan du byas/ /tsham ngam drag shul sder tshogs dang //dur khrod las la shin tu dgyes/ /'di dag dgongs pa'i dam tshig ste/ /de bzhin ma byas nyid sgrol zhes/ /dbang phyug rgyal pos rab tu gsungs so/ /o~M pany+tsa rU pai b+hi ta rU pe b+hi ta rU la pad+ma ma ma kro d+hi shwa ri sa ma ya yod b+ha bad/sarba b+hi sha rU pe sa ma yo gi ni hU~M/ b+hi yu li ga tha pad+ma kro d+hi shwa ri sa ma yo gi ni/ a ha ha ma na sa ma ya yo gi ne/ /pany+tsu rU pe sid+d+ha hU~M/ ta thA ga ta dz+nyA na khA hi hi/ las kyi rigs kyi yum chen mo/ /sku mdog ljang gnag 'jigs pa'i sku/ / phyag gnyis gyad kyi 'dor thabs kyis/ /b+han d+har rak+tas gtso la stobs/ /snum chen ldan zhing ro la brkam/ /kro d+hi shwa ri yum chen mo/ /dbu gsum phyag drug zhabs bzhi bgrad/ /khro gnyer snang mig mche gtsigs shing / /nyi ma 'bum gyi gzi ldan zhing / / gdug pa'i tshogs chen mang po rnams/ /mnyes byed phyir ni sku la 'khril/ /nu 'bur stod smad dbye zhing 'gying / /g.yon du 'gying stabs sbyor ba yis/ /thal sgra drag pos gdug pa gsod/ /dbu skra muny+dzA rgya bcings shing / /thod rlon mang pos rgyan du byas/ /spyan gsum 'jigs pa'i sdang mig can//yan lag nang grol drangs nas kyang / /zhal du gsol nas chags pas 'khril/ /chags pa'i gar thabs chen po yis/ /gdug pa chen po'i sprin 'phro zhing / /las su gsod la shin tu dgyes/ /dur khrod 'bar ba'i me chen dbus//zhabs bzhi brkyang bskum snol mar yang / /keng rus tshogs chen gdan la bzhugs/ /pad+ma gshibs pa'i gshog rkyong zhing / /snyim pa sbar gyis khrag chen 'thung / /dgyes pas rdo rje pad+mar 'jog /rol phyir sta na mchog kyang mdzad//ka la ki las dgyes pas rol/ /ral gri dgra sta rde'u chung zhing / /'jigs pa'i gzugs kyis phyag na bsnams/ /sti ra'i zhags pa 'dren cing gsol/ /a a hi hi bzhad mos dgyes/ /rol pa'i rkan sgras stong gsum g.yo/ /rdo rje spyugs pas dgyes mdzad pa'i//thugs dam sku yi dkyil 'khor du/ /khams gsum ma lus kun 'dus pa/ /khams gsum kun gyi dbang mdzad ma/ /sangs rgyas kun gyi yum chen mo/ /pags chen brjid pa'i g.yang gzhi gsol/ /dpal chen 'bar ba ma gtogs pa//kun kyang thal ba bzhin du rlog /khros pa'i snying rje g.yos pa na/ /thabs chen po yang chem chem gsol/ /zhe sdang chen po'i bgegs chen yang / /rol pas dbang du bsdus nas ni/ /khrag 'thung las kyi zhal du stobs//ro la brkam pa'i yum chen mo/ /bka' las 'das pa 'phrog cing gsol/ /zas su srog chags kun gsol ba/ /ma hA maM sas sku brgyan cing / /zla gam mchod pa chen po stobs/ /yid du 'ong ba'i gzugs ston pas/ / nyams na rab tu brlag par mdzad/ /rnal 'byor yum gcig chen mo dang / /dam tshig can la dngos grub sbyin/ /khams gsum khrag tu bsgyur nas ni/ /hub hub kyis ni zhal du gsol/ /sti ra che chung mang po rnams/ /chem chem gyis ni zhal du gsol//sod cig sod cig las kyi yum/ /choms shig choms shig las kyi yum/ /gtogs shig gtogs shig las kyi yum/ /chings shig sdoms shig las kyi yum/ /sregs shig snoms shig las kyi yum/ /gnod par byed pa'i bdud rnams kyang //rab tu drongs la tshul bzhin du/ /khrag 'thung chen po'i zhal du stobs/ /khrag 'thung 'bar ba ma gtogs pa/ /gcig kyang gson par mi mdzad de/ /de bzhin thugs dam nyid pas na/ /gsad pa'i las la shin tu dgyes/ /ha ha khA hi khA hi//o~M hU~M las su gsod la dga' ba'i rnal 'byor ma/ /bde gshegs las kyi rigs kun sku la rdzogs par rab snang yum chen mo/ /tsham ngam brlang ba'i za stangs gar dang bcas te gtso la stobs/ /kun gyi dbang dang ldan pa bsod nams lus la dbang sgyur ma//sder chags mang po'i tshogs dang bcas te rol cing dgyes par mdzod/ /sha khrag dmar chen mchog la dga' bas dang du kun long la/ /rnal 'byor dam tshig can la byin gyis rlobs/ /a la la ho/ /dpal chen 'bar ba'i thugs ka nas//rnam par bsgyur ba'i gzugs byung ba/ /cir yang 'gyur ba'i sku mnga' ba/ /rnal 'byor sngo gnag ke'u ri ma/ /khro gnyer spyan bgrad mche gtsigs shing / /ral pa 'khyil pa'i muny+dzA la/ /thod rlon tshogs kyis rnam par brgyan/ /dbu gsum phyag drug zhabs bzhir bgrad//mi lpags rlon pa'i g.yang gzhi gsol/ /sti ra chung ngu mang bo'i tshogs/ /brgyus nas sku yi rgyan du byas/ /'jig rten sreg pa'i me dkyil nas/ /tsham ngam gzugs sku chen po yis/ /zhing chen gshibs pa'i gdan stengs na//bdud bzhi gnon pa'i tshul du bzhugs/ /rdo rje b+han d+har ldan pa yis/ /khrag chen po yang 'khrug cing gsol/ /sder chen glo snying 'dren tshul du/ /khrag 'thung chen po'i zhal du stobs/ /dbyug pa rde'u chung phyag na bsnams/ /'jigs su rung ba'i rkan sgra dang //dgyes pa chen po'i spyugs pa yis/ /se gol snol mar gtogs nas ni/ /zhing bcu drangs nas tshul bzhin du/ /khrag 'thung chen po'i zhal du stobs/ /sangs rgyas kun gyi yum chen mo/ /stabs glu phyag rgya sngags tshig gis/ /log par lta ba'i bdud rnams kun//tsham ngam skus ni tshul bzhin du/ /dbang du bsdu ba mdzad nas ni/ /ro la brkam pa'i stangs kyis su/ /khrag 'thung chen po'i zhal du stobs/ /rol cig sprul cig rnal 'byor ma/ /sod cig longs shig rnal 'byor ma/ gtor cig sbyongs shig rnal 'byor ma//choms shig choms shig rnal 'byor ma/ /de bzhin thugs dam nyid pas na/ /gsad pa'i las la shin tu dgyes/ /drongs shig drongs shig dza dza/ /chings shig chings shig hU~M hU~M/ /sdoms shig sdoms shig ha ha/ / rol cig rol cig phaT phaT/ /de bzhin ma byas de nyid brlag /sku yi dkyil 'khor mdzod stong pa/ /sangs rgyas kun gyi yum chen mo/ /rnal 'byor ser nag tsau rI ma/ /'jigs su rung ba'i gzugs 'chang ba/ /khro gnyer spyan bgrad mche gtsigs shing //ral pa 'khyil ba'i muny+dzA la/ /thod rlon tshogs kyis rnam par brgyan/ /dbu gsum phyag drug zhabs bzhir bgrad/ /mi lpags rlon pa'i g.yang gzhi gsol/ /sti ra chung ngu mang po'i tshogs/ /brgyus nas sku yi rgyan du byas//'jig rten sreg pa'i me dkyil nas/ /tsham ngam brkyang bskum chen pos ni/ /zhing chen gshibs pa'i gdan stengs na/ /bdud bzhi gnon pa'i tshul du bzhugs/ /rdo rje b+han d+har ldan pa yis/ /khrag chen po yang 'khrug cing gsol/ /stir chen glo snying 'dren tshul du//khrag 'thung chen po'i zhal du stobs/ /drag shul mda' 'phen 'gengs pa yis/ /dpal chen 'bar ba'i thugs kar gzo/ /rde'u chung tri shUl phyag na bsnams/ /'jigs su rung ba'i rkan sgra dang / /dgyes pa chen po'i spyugs pa yis//dpal chen 'bar ba'i thugs kar gzo/ /se gol snol mar gtogs nas ni/ /zhing bcu drangs te tshul bzhin du/ /khrag 'thung 'bar ba'i sku la stobs/ /sangs rgyas kun gyi yum chen mo/ /stabs glu phyag rgya sngags tshig gis/ /log par lta ba'i bdud rnams kun//se gol snol mar gtogs nas ni/ /zhing bcu drangs te tshul bzhin du/ /khrag 'thung 'bar ba'i sku la stobs/ /sangs rgyas kun gyi yum chen mo/ /stabs glu phyag rgya sngags tshig gis/ /log par lta ba'i bdud rnams kun/tsham ngam skus ni tshul bzhin du/ /dbang du bsdu ba mdzad nas ni/ /rol ba rkam pa'i za stangs kyis/ /khrag 'thung 'bar ma'i zhi la du stobs/ /rol cig sprul cig rnal 'byor ma/ /sod cig long shig rnal 'byor ma/ /gtogs shig sbyongs shig rnal 'byor ma//choms shig choms shig rnal 'byor ma/ /de bzhin thugs dam nyid pas na/ /gsad pa'i las la shin tu dgyes/ /drongs shig drongs shig dzaHdzaH/ /chings shig chings shig hU~M hU~M/ /sdoms shig sdoms shig ha ha/ /sgrol cig sgrol cig phaT phaT//de bzhin ma byas de nyid brlag /khro mo rnal 'byor dmar nag sku/ /khro gnyer spyan bgrad mche gtsigs shing / /'jigs su rung ba'i sdang mig can/ /ral pa muny+dzA rgya bcings shing / /thod rlon mang po'i cod pan can/ /sti ra'i phreng bas rgyan du byas//ko rlon mang po'i na bzar gsol/ /mi lpags g.yang gzhi sham thabs can/ /dbu gsum phyag drug zhabs bzhir bgrad/ /gsung gi dkyil 'khor mdzod gtong ba/ /sangs rgyas kun gyi yum chen mo/ /rnal 'byor chen mo pra mo ha/ /dur khrod mang po'i tshogs dang ni//bsur chen sreg pa'i me chen dbus/ /tsham ngam brkyang bskum chen pos ni/ /zhing chen gshibs pa'i gdan stengs na/ /bdud bzhi gnon pa'i tshul du bzhugs/ /rdo rje b+han d+har ldan pa yis/ /khrag chen po dag 'khrug cing gsol//stir chen glo snying 'dren tshul du/ /khrag 'thung chen po'i zhal du stobs/ /chu srin rgyal mtshan rde'u chung rdung / /'jigs su rung ba'i rkan sgra dang / /dgyes pa chen po'i spyugs pa yis/ /se gol snol mar gtogs nas ni/ /zhing bcu drangs te tshul bzhin du//khrag 'thung 'bar ba'i zhal du stobs/ /khams gsum za byed zhal du stobs/ /pad+ma gsung gi yum chen mo/ /gzhal yas dmar nag chen po nas/ /stabs glu phyag rgya sngags tshig gis/ /bar chad byed pa'i bgegs chen kun//tsham ngam skus ni tshul bzhin du/ /dbang du bsdu ba mdzad nas ni/ /gar mkhan chen mo'i stobs tshal gyis/ /khrag 'thung chen po'i zhal du stobs/ /khro mo rnal 'byor khyod kyis rol/ /khro mo rnal 'byor khyod kyis sod/ /khro mo rnal 'byor khyod kyis ni//longs shig chings la tshul bzhin du/ /gtogs shig sbyongs la bsnams su gsol/ /de bzhin thugs dam nyid pas na/ /de bzhin ma byas de nyid brlag /ha ha ha/ khA hi khA hi khA hi/ rnal 'byor khro mo mthing nag sku//stir chen za ba'i be ta lI/ /khro gnyer spyan bgrad mche gtsigs shing / /'jigs su rung ba'i sdang mig can/ /ral pa 'khyil pa'i muny+dzA la/ /thod rlon tshogs kyis rnam par brgyan/ /dbu gsum phyag drug zhabs bzhir bgrad//mi lpags rlon pa'i g.yang gzhi gsol/ /sti ra chung ngu mang po'i tshogs/ /brgyus nas sku yi rgyan du byas/ /'jig rten sreg pa'i me dkyil na/ /tsham ngam brkyang bskum chen pos ni/ /zhing chen gshibs pa'i gdan stengs na/ /bdud bzhi gnon pa'i tshul du bzhugs//rdo rjes gdug pa'i glang chen 'gems/ /'khril bas gyad kyi 'dor tshul du/ /b+han d+ha rak+tas zhal du stobs/ /stir chen za zhing rde'u chung rdung / /stir chen glo snying 'dren tshul du/ /khrag 'thung chen po'i zhal du stobs/ /'jigs su rung ba'i rkan sgra dang //dgyes pa chen po'i spyugs pa yis/ /se gol snol mar gtogs nas ni/ /zhing bcu drangs te tshul bzhin du/ /khrag 'thung chen po'i zhal du stobs/ /sangs rgyas kun gyi yum chen mo/ /stabs glu phyag rgya sngags tshig gis/ /log par lta ba'i bdud rnams kun//tsham ngam skus ni tshul bzhin du/ /dbang du bsdu ba mdzad nas ni/ /ro la brkam pa'i za stangs kyis/ /khrag 'thung chen po'i zhal du stobs/ /rol cig sprul cig rnal 'byor ma/ /sod cig longs shig rnal 'byor ma//gtor cig sbyongs shig rnal 'byor ma/ /choms shig choms shig rnal 'byor ma/ /de bzhin thugs dam nyid pas na/ /gsad pa'i las la shin tu dgyes/ /grongs shig drongs shig dzaHdzaHdzaH/ /chings shig chings shig hU~M hU~M hU~M/ / sdoms shig sdoms shig ha ha ha/ /sgrol cig sgrol cig phaT phaT phaT/ /de bzhin pa byas de nyid brlag /rnal 'byor khro mo ljang nag sku/ /stir men za ba'i g+ha sma rI/ /khro gnyer spyan bgrad mche gtsigs shing / /'jigs su rung ba'i sdang mig can/ / ral pa 'khyil pa'i muny+dza la/ /thod rlon tshogs kyis rnam par brgyan/ /dbu gsum phyag drug zhabs bzhir bgrad/ /mi lpags rlon pa'i g.yang gzhi gsol/ /sti ra chung ngu mang po'i tshogs/ /brgyus nas sku yi rgyan du byas/ /dur khrod chen po'i me chen dbus//tsham ngam brkyang bskum chen pos ni/ /zhing chen gshibs pa'i gdan stengs na/ /bdud bzhi gnon pa'i tshul du bzhugs/ /rdo rje b+han d+har ldan pa yis/ /khrag chen po yang dkrug cing gsol/ /stir chen glo snying 'dren tshul du/ /khrag 'thung chen po'i zhal du stobs//tri shUl 'phen tshul rde'u chung zhags/ /'jigs su rung ba'i rkan sgra dang / /dgyes pa chen po'i spyugs pa dang / /se gol snol mar gtogs nas ni/ /zhing bcu drangs te tshul bzhin du/ /khrag 'thung chen po'i zhal du stobs//sangs rgyas kun gyi yum chen mo/ /stabs glu phyag rgya sngags tshig gis/ /log par lta ba'i bdud rnams kun/ /rab tu drongs la tshul bzhin du/ /ro la brkam pa'i za stangs kyis/ /khrag 'thung chen po'i zhal du stobs/ /rol cig sprul cig rnal 'byor ma//sod cig longs shig rnal 'byor ma/ /gtogs shig sbyong sa shig rnal 'byor ma/ /choms shig choms shig rnal 'byor ma/ /de bzhin thugs dam nyid pas na/ /gsad pa'i las la shin tu dgyes/ /drongs shig drongs shig dzaHdzaHdzaH/chings shig chings shig hu~M hu~M hu~M/ /sdoms shig sdoms shig ha ha ha/ /sgrol cig sgrol cig phaT phaT phaT/ /de bzhin ma byas de nyid brlag /hU~M hU~M hU~M hU~M hU~M/ khA hi khA hi khAhi khA hi khAhi/ rnal 'byor khro mo ser nag sku/ /stir chen za ba'i tsaN+Da lI//gtum mo chen mo zhe sdang 'joms/ /khro gnyer spyan bgrad mche gtsigs shing / /'jigs su rung ba'i sdang mig can/ /stir chen nang grol 'byin cing gsol/ /ral pa 'khyil pa'i muny+dza la/ /thod rlon tshogs kyis rnam par brgyan//dbu gsum phyag drug zhabs bzhir bgrad/ /zhing lpags sar pa'i g.yang gzhi gsol/ /sti ra chung ngu mang po'i tshogs/ /brgyus nas sku yi rgyan du byas/ /dur khrod chen po me chen dbus/ /tsham ngam brkyang bskum chen pos ni//rin chen gshibs pa'i gdan stengs na/ /bdud bzhi gnon pa'i tshul du bzhugs/ /rdo rje b+han d+har ldan pa yis/ /khrag chen po dag 'khrug cing gsol/ /tri shul rde'u chung phyag na bsnams/ /'jigs su rung ba'i rkan sgra dang / / dgyes pa chen po'i spyugs pa yis/ /se gol snol mar gtogs nas ni/ /zhing bcu drangs te tshul bzhin du/ /khrag 'thung chen po'i zhal du stobs/ /sangs rgyas kun gyi yum chen mo/ /stabs glu phyag rgya sngags tshig gis/ /log par lta ba'i bdud rnams kun//rab tu drongs la tshul bzhin du/ /ro la brkam pa'i za stangs kyis/ /khrag 'thung chen po'i zhal du stobs/ /rol cig sprul cig rnal 'byor ma/ /de bzhin thugs dam nyid pas na/ /gsad pa'i las la shin tu dgyes//drongs shig drongs shig dzaHdzaHdzaH/ /chings shig chings shig hU~M hU~M hU~M/ /sdoms shig sdoms shig ha ha ha/ /sgrol cig sgrol cig phaT phaT phaT/ /de bzhin ma byas de nyid brlag /rnal 'byor khro mo mthing nag sku/ /stir chen za ba'i yum chen mo//chags pa chan mo sma shA nA/ /khro gnyer spyan bgrad mche gtsigs shing / /'jigs su rung ba'i sdang mig can/ /rol pas stir chen 'dren tshul du/ /khrag 'thung chen po'i zhal du stobs/ /ral pa 'khyil pa'i muny+dza la/ / thod rlon tshogs kyis rnam par brgyan/ /dbu gsum phyag drug zhabs bzhir bgrad/ /zhing lpags sar pa'i g.yang gzhi gsol/ /sti ra chung ngu mang po'i tshogs/ /brgyus nas sku yi rgyan du byas/ /dur khrod chen po'i me dkyil dbus/ /tsham ngam brkyang bskum chen po yis//zhing chen gshibs pa'i gdan stengs na/ /bdud bzhi gnon pa'i tshul du bzhugs/ /rdo rje b+han d+har ldan pa yis/ /khrag chen po yang dkrug cing gsol/ /spu gri 'debs shing rnge'u chung rdung / /'jigs su rung ba'i rkan sgra dang //dgyes pa chen po'i spyugs pa yis/ /se gol snol mar gtogs nas ni/ /zhing bcu drangs te tshul bzhin du/ /khrag 'thung chen po'i zhal du stobs/ /gzhal yas mthing nag chen mo nas/ /sangs rgyas kun gyi yum chen mo/ /stabs glu phyag rgya sngags tshig gis//log par lta ba'i bdud rnams kun/ /ro la brkam pa'i za stangs kyis/ /khrag 'thung chen po'i zhal du stobs/ /rol cig sprul cig rnal 'byor ma/ /sod cig sod cig rnal 'byor ma/ /gtogs shig sbyongs shig rnal 'byor ma/ /choms shig choms shig rnal 'byor ma//choms shig choms shig rnal 'byor ma/ /de bzhin thugs dam nyid pas na/ /gsad pa'i las la shin tu dgyes/ /drongs shig drongs shig dzaHdzaHdzaH/ /chings shig chings shig hU~M hU~M hU~M/ /sdoms shig sdoms shig ha ha ha/ /sgrol cig sgrol cig phaT phaT phaT//de bzhin ma byas de nyid brlag /rnal 'byor khro mo dmar ser sku/ /gsod byed stir chen za ba mo/ /rol pa'i rnal 'byor puk+ka si/ /khro gnyer spyan bgrad mche gcig sa shing / /spyan gsum 'jigs pa'i sdang mig can//rol pas stir chen 'dren tshul du/ /khrag 'thung chen po'i zhal du stobs/ /ral pa 'khyil pa'i muny+dza la/ /thod rlon tshogs kyis rnam par brgyan/ /ma ha rak+tas sku brgyan cing / /dbu gsum phyag drug zhabs bzhir bgrad/ /ye shes sku yi cha lugs kyis//mi 'jigs sbyor ba'i g.yang gzhi gsol/ /sti ra chung ngu mang po'i tshogs/ /brgyus nas sku yi rgyan du byas/ /srin lag mthe bong rtse sprad de/ /a mr-i ta la sogs pa lnga/ /ljags lam dbang por sku brgyan cing / / a hoHsra kas dgyes shing 'khril/ /dur khrod chen po'i me dkyil dbus/ /tsham ngam brkyang bskum chen pos ni/ /zhing chen gshibs pa'i gdan stengs na/ /bdud bzhi gnon pa'i tshul du bzhugs/ /bka' las mi 'da' thugs dam skong //'das na lha yang brlag pa'i phyir/ /lha chen mang po'i klad 'gems shing / /bsod nams sku yang chem chem gsol/ /rdo rje b+han d+har ldan pa yis/ /khrag chen po yang dkrug cing gsol/ /zangs gri rnon pos yan lag gcod/ / rnge'u chung rdung zhing kha T+waM 'phen/ /sha khrag za ba'i rnal 'byor ma/ /'jigs su rung ba'i rkan sgra dang / /dgyes pa chen po'i spyugs pa yis/ /se gol snol mar gtogs nas ni/ /zhing bcu drangs te tshul bzhin du/ /khrag 'thung chen po'i zhal du stobs/ / gzhal yas dmar nag chen po nas/ /sangs rgyas sku yi yum chen mo/ /stabs glu phyag rgya sngags tshig gis/ /log par lta ba'i bdud rnams kun/ /ro la brkam pa'i za stangs kyis/ /rab tu drongs la tshul bzhin du/ /khrag 'thung chen po'i zhal du stobs//rol cig sprul cig rnal 'byor ma/ /sod cig longs shig rnal 'byor ma/ /gtogs shig sbyongs shig rnal 'byor ma/ /choms shig choms shig rnal 'byor ma/ /khrag 'thung 'bar ba ma gtogs par/ /gcig kyang gson par mi mdzad de/ /de bzhin thugs dam nyid pas na//gsad pa'i las la shin tu dgyes/ /drongs shig drongs shig dzaHdzaHdzaH/ /chings shig chings shig hU~M hU~M hU~M/ /sdoms shig sdoms shig ha ha ha/ /sgrol cig sgrol cig phaT phaT phaT/ /de bzhin ma byas de nyid brlag /oM hU~M ta thA ga ta su pa u go ba/kro d+ha ki li/ sa ma ya yo gi ni/ ma hA maN+Da la/ ar+g+haM pra tits+tsha/ kA la kriSh+Na pi ta lo hi ti dzA la su khe na yA mi/ yo ga kA ya/ sarba bud+d+ha la/ ma hA he ru ka /sa ma ya yo ga ru lu yot+ta ma dz+wa la ni/ ha na d+ha ha rU pe pa dzaH/ sarba sid+d+hi kA ru NI ka /ma ha su khe na/ ba tha ra su khe nas ma ya yo ga dzA la a su A/ /bo ga yo gi sid+d+hi/ a la la hoH/ mu khA gsod byed seng ge'i mgo/ /ser nag gyad kyi 'gying stabs kyis/ /phyag gi thal mo bsnol nas ni/ /khrag 'thung chen po'i zhal du stobs//khro gnyer spyan bgrad mche gtsigs shing / /spyan gsum 'jigs pa'i sdang mig can/ /mche tshogs mang po'i 'khor du byas/ /zhe sdang 'joms ma'i za byed ma/ /ma hA rak+tas sku brgyan cing / /dbu gsum phyag drug zhabs bzhir bgrad/ /mthing nag seng ge'i ral pa phyar//thod rlon tshogs kyis rnam par brgyan/ /ye shes sku yi cha lugs na/ /mi 'jigs sbyor ba'i g.yang gzhi gsol/ /sti ra chung ngu mang po'i tshogs/ /brgyus nas sku yi rgyan du byas/ /dur khrod chen po'i me dkyil nas/ /tsham ngam brkyang bskum chen pos ni//zhing chen gshibs pa'i gdan stengs bzhugs/ /bka' las mi 'da' thugs dam skong / /srog chags mang po'i snying 'dren cing / /bsod nams lus kyang chem chem gsol/ /b+han d+ha rak+tas zhal du stobs/ /rdo rje klad 'gems rnge'u chung rdung //zhing chen za ba'i mu khA ste/ /'jigs su rung ba'i rkan sgra dang / /dgyes pa chen po'i spyugs pa yis/ /se gol snol mar gtogs nas ni/ /bgegs chen drangs te tshul bzhin du/ /khrag 'thung chen po'i zhal du stobs/ / khrag 'thung chen po'i mkha' 'gro ma/ /stabs glu phyag rgya sngags tshig gis/ /bar chad byed pa'i bgegs chen rnams/ /ro la brkam pa'i za stangs kyis/ /rab tu drongs la tshul bzhin du/ /khrag 'thung chen po'i zhal du stobs/ /de bzhin ma byas de nyid brlag /mu khA gsod byed stag gi mgo/ /dmar nag gyad kyi 'gying stabs can/ /phyag gnyis bdud rtsi thal sbyar zhing / /shin tu dga' ba'i mdangs kyis 'khril/ /khro gnyer spyan bgrad mche gtsigs shing / /spyan gsum 'jigs pa'i sdang mig can//mche tshogs mang po'i 'khor du byas/ /nga rgyal 'joms pa'i za byed ma/ /ma hA rak+tas sku brgyan cing / /dbu gsum phyag drug zhabs bzhir bgrad/ /thod rlon tshogs kyis rnam par brgyan/ /ye shes sku yi cha lugs ni//mi 'jigs sbyor ba'i g.yang gzhi gsol/ /se ral kha yi tshul dag tu/ /thod rlon phreng bas lus brgyan cing / /dur khrod chen po'i me dkyil dbus/ /tsham ngam brkyang bskum chen pos ni/ /zhing chen gshibs pa'i gdan la bzhugs/ / bka' las mi 'da' thugs dam skong / /srog chags mang po'i snying 'dren cing / /bsod nams lus kyang chem chem gsol/ /b+han d+ha rak+ta zhal du stobs/ /dgra stas klad 'gems lcags kyus 'dren/ /rnge'u chung rdung zhing stir chen za/ /'jigs su rung ba'i rkan sgra dang //dgyes pa chen po'i spyugs pa yis/ /se gol snol mar gtogs nas ni/ /bgegs chen drangs te tshul bzhin du/ /khrag 'thung chen po'i zhal du stobs/ /khrag 'thung chen po'i mkha' 'gro ma/ /stabs glu phyag rgya sngags tshig gis/ /rab tu gcod pa'i bgegs chen rnams//ro la brkam pa'i za stabs kyis/ /rab tu drongs la tshul bzhin du/ /khrag 'thung chen po'i zhal du stobs/ /de bzhin ma byas de nyid brlag /mu khA gsod byed dur rkun mgo /sngo gnag gyad kyi 'gying stabs kyis/ /stir chung za zhing gtso la stobs//khro gnyer spyan bgrad mche gtsigs shing / /spyan gsum 'jigs pa'i sdang mig can/ /mche tshogs mang po 'khor du byas/ /'dod chags 'joms ma'i za byed ma/ /thal chen rak+tas sku brgyan cing / /dbu gsum phyag drug zhabs bzhir bgrad//thod rlon tshogs kyis rab tu brgyan/ /ye shes sku yi cha lugs ni/ /mi 'jigs sbyor ba'i g.yang gzhi gsol/ /se ral kha yi tshul dag tu/ /thod rlon mang po'i phreng bas brgyan/ /dur khrod chen po'i me dkyil dbus/ /tsham ngam brkyang bskum chen pos ni//zhing chen gshibs pa'i gdan la bzhugs/ /bka' las mi 'da' thugs dam skong / /srog chags chen po'i snying 'dren cing / /bsod nams lus kyang chem chem gsol/ /spu gris mgo gcod rnge'u rdung zhing / /kha T+wAM 'phen cing b+han d+ha 'thung / /gsod la dga' ba'i mu khA ste//zhags pas 'ching ba'i mkha' 'gro ma/ /'jigs su rung ba'i rkan sgra dang / /dgyes pa chen mo'i spyugs pa yis/ /se gol snol mar gtogs nas ni/ /stabs glu phyag rgya sngags tshig gis/ /bar chad byed pa'i bgegs chen rnams/ / ro la brkam pa'i za stangs kyis/ /rab tu drangs te tshul bzhin du/ /khrag 'thung chen po'i zhal du stobs/ /de bzhin ma byas de nyid brlag /mu khA gsod byed shwa na'i mgo/ /mthing nag gyad kyi 'gying stabs can/ /glo snying 'dren cing gtso la stobs/ /khro gnyer spyan bgrad mche gtsigs shing //spyan gsum 'jigs pa'i sdang mig can/ /mche tshogs mang po'i 'khor du byas/ /phrag dog 'joms pa'i za byed ma/ /thal chen khrag gis sku brgyan can/ /dbu gsum phyag drug zhabs bzhir bgrad/ /thod rlon tshogs kyis rnam par brgyan//ye shes sku yi cha lugs ni/ /mi 'jigs sbyor ba'i g.yang gzhi gsol/ /sti ra chung ngu mang po'i tshogs/ /brgyus nas sku yi rgyan du byas/ /dur khrod chen po'i me dkyil dbus/ /tsham ngam brkyang bskum chen pos ni//zhing chen gshibs pa'i gdan la bzhugs/ /bka' las mi 'da' thugs dam skong / /srog chags mang po'i snying 'dren cing / /bsod nams lus kyang chem chem gsol/ /b+han d+ha rak+tas zhal du stobs/ /kha T+wAM 'phen cing rnge'u chung rdung / /zhing chen za ba'i mu khA ste//'jigs su rung ba'i rkan sgra dang / /dgyes pa chen po'i spyugs pa yis/ /se gol snol mar gtogs nas ni/ /bgegs chen drangs te tshul bzhin du/ /khrag 'thung chen po'i zhal du stobs/ /khrag 'thung chen po'i mkha' 'gro ma/ / stabs glu phyag rgya sngags tshig gis/ /bar chad byed pa'i bgegs chen rnams/ /ro la brkam pa'i za stangs kyis/ /rab tu drongs la tshul bzhin du/ /khrag 'thung chen po'i zhal du stobs/ /de bzhin ma byas de nyid brlag /mu khA gsod byed bya rgod mgo//dmar nag gyad kyi 'gying stabs can/ /zhing chen rgyu 'dren zhal du stobs/ /khro gnyer spyan bgrad zhal gdang sa shing / /spyan gsum 'jigs pa'i sdang mig can/ /gshog tshogs mang po'i rgyan du byas/ /gti mug 'dzoms pa'i za byed ma//thal chen khrag gis sku brgyan cing / /dbu gsum phyag drug zhabs bzhir bgrad/ /thod rlon tshogs kyis rab tu brgyan/ /ye shes sku yi cha lugs ni/ /mi 'jigs sbyor ba'i g.yang gzhi gsol/ /sti ra chung ngu mang po'i tshogs/ /brgyus nas sku yi rgyan du byas//dur khrod chen po'i me dkyil dbus/ /tsham ngam brkyang bskum chen pos ni/ /zhing chen gshibs pa'i gdan la bzhugs/ /bka' las mi 'da' thugs dam skong / /srog chags mang po'i snying 'dren cing / /bsod nams lus kyang chem chem gsol//b+han d+har 'thung zhing rnge'u chung rdung / /zhing chung ril mid zangs gris 'debs/ /zhing chen za ba'i mu khA ste/ /'jigs su rung ba'i rkan sgra dang / /dgyes pa chen po'i spyugs pa yis/ /se gol snol mar gtogs nas ni/ /bgegs chen drangs te tshul bzhin du//khrag 'thung chen po'i zhal du stobs/ /khrag 'thung chen mo mkha' 'gro ma/ /stabs glu phyag rgya sngags tshig gis/ /bar chad byed pa'i bgegs chen rnams/ /rab tu drongs la tshul bzhin du/ /ro la brkam pa'i za stangs kyis//khrag 'thung chen po'i zhal du stobs/ /de bzhin ma byas de nyid brlag /mu khA gsod byed snar mgo ring / /ser nag gyad kyi 'gying stabs can/ /zhing chen lag gis gtso la stobs/ /khro gnyer spyan bgrad zhal gdangs shing / /spyan gsum 'jigs pa'i sdang mig can//gshog tshogs mang po'i rgyan du byas/ /bka' las 'das pa za byed ma/ /ma hA rak+tas sku brgyan cing / /dbu gsum phyag drug zhabs bzhir bgrad/ /thod rlon tshogs kyis rab tu brgyan/ /ye shes sku yi cha lugs ni/ /mi 'jigs sbyor ba'i g.yang gzhi gsol//sti ra chung ngu mang po'i tshogs/ /brgyus nas sku yi rgyan du byas/ /dur khrod chen po'i me dkyil dbus/ /tsham ngam brkyang bskum chen pos ni/ /zhing chen gshibs pa'i gdan la bzhugs/ /bka' las mi 'da' thugs dam skong //srog chags mang po'i snying nas 'dren/ /bsod nams lus kyang chem chem gsol/ /b+han d+ha rak+tas zhal du stobs/ /dbyug pas klad 'gems rnge'u chung rdung / /zhing chen za ba'i mu khA ste/ /'jigs su rung ba'i rkan sgra dang / /dgyes pa chen po'i spyugs pa yis//se gol snol mar gtogs nas ni/ /bgegs chen drangs te tshul bzhin du/ /khrag 'thung chen po'i zhal du stobs/ /khrag 'thung chen po'i mkha' 'gro ma/ /stabs glu phyag rgya sngags tshig gis/ /bar chad byed pa'i bgegs chen rnams//ro la brkam pa'i za stangs kyis/ /rab tu drongs la tshul bzhin du/ /khrag 'thung chen po'i zhal du stobs/ /de bzhin ma byas de nyid brlag /mu khA gsod byed bya rog mgo/ /mthing nag gyad kyi 'gying stabs can/ /rdo rje klad 'gems spu gris gcod//b+han d+har khrag chen gtso la stobs/ /khro gnyer spyan bgrad zhal gdangs shing / /'jigs su rung ba'i sdang mig can/ /gshog tshogs mang po'i rgyan du byas/ /zhing bcu gso da cing za byed ma/ /ma hA rak+tas sku brgyan cing / /dbu gsum phyag drug zhabs bzhir bgrad//thod rlon tshogs kyis rnam par brgyan/ /ye shes sku yi cha lugs ni/ /mi 'jigs sbyor ba'i g.yang gzhi gsol/ /sti ra chung ngu mang po'i tshogs/ /brgyus nas sku yi rgyan du byas/ /dur khrod chen po'i me dkyil dbus//tsham ngam brkyang bskum chen pos ni/ /zhing chen gshibs pa'i gdan la bzhugs/ /bka' las mi 'da' thugs dam skong / /srog chags mang po'i snying 'dren cing / /bsod nams sku yang chem chem gsol/ /kha T+wAM 'phen cing rnge'u chung rdung //'jigs su rung ba'i rkan sgra dang / /dgyes pa chen po'i spyugs pa yis/ /se gol snol mar gtogs nas ni/ /bgegs chen drangs te tshul bzhin du/ /khrag 'thung chen po'i zhal du stobs/ /khrag 'thung chen po'i mkha' 'gro ma/ /stabs glu phyag rgya sngags tshig gis//bar chad byed pa'i bgegs chen rnams/ /ro la brkam pa'i za stangs kyis/ /rab tu drongs la tshul bzhin du/ /khrag 'thung chen po'i zhal du stobs/ /de bzhin ma byas de nyid brlag /mu khA gsod byed 'ug pa'i mgo/ /ser nag gyad kyi 'gying stabs kyis//lag gnyis b+han d+has khrag chen stobs/ /snying chen glo snying 'dren tshul du/ /khro gnyer spyan bgrad mche gtsigs shing / /'jigs su rung ba'i sdang mig can/ /gshog tshogs mang po'i rgyan du byas/ /sha khrag za ba'i mkha' 'gro ma//ma hA rak+tas sku brgyan cing / /dbu gsum phyag drug zhabs bzhir bgrad/ /thod rlon tshogs kyis rab tu brgyan/ /ye shes sku yi cha lugs ni/ /mi 'jigs sbyor ba'i g.yang gzhi gsol/ /sti ra chung ngu mang po'i tshogs/ /brgyus nas sku yi rgyan du byas//dur khrod chen po'i me chen dbus/ /tsham ngam brkyang bskum chen pos ni/ /zhing chen gshibs pa'i gdan la bzhugs/ /bka' las mi 'da' thugs dam skong / /srog chags chen po'i snying 'dren cing / /bsod nams lus kyang chem chem gsol//lcags kyis 'dren cing rnge'u rdung rol/ /'jigs su rung ba'i rkan sgra dang / /dgyes pa chen po'i spyugs pa yis/ /se gol snol mar gtogs nas ni/ /bgegs chen drangs te tshul bzhin du/ /khrag 'thung chen po'i zhal du stobs/ /khrag 'thung chen po'i mkha' 'gro ma//stabs glu phyag rgya sngags tshig gis/ /bar chad byed pa'i bgegs chen rnams/ /ro la brkam pa'i za stangs kyis/ /rab tu drongs la tshul bzhin du/ /khrag 'thung chen po'i zhal du stobs/ /de bzhin ma byas de nyid brlag / khA hi khA hi/ rdo rje bka' yi pho nya rnams/ /rdo rje bran mo gtum bag can/ /'jigs pa'i gzugs can mang po ste/ /sna tshogs las rnams grub par byed/ /dbang phyug tshogs kyi bka' nyan ma/ /'jigs su rung ba'i sdang mig can/ /dmar ser mi srin chags pas 'gying //dbu gcig pa la phyag drug gzugs/ /b+han d+has khrag chen gtso la stobs/ /g.yag chen mgo yi zhal gdangs shing / /sgra dang bcas pas bka' bzhin byed/ /zhing za lcags kyus tri shUl 'phen/ /spu gris gsod cing rgyu 'dren zhags/ /thod rlon g.yang gzhis rgyan du byas//brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ /dbang phyug tshogs kyi bka' nyan ma/ /'jigs su rung ba'i sdang mig can//dmar skya tshangs ma chags pas 'gying / /dbu gcig phyag drug 'jigs pa'i gzugs/ /b+han d+has khrag chen gtso la stobs/ /sbrul gdug mgo yi zhal gdangs shing / /sgra dang bcas pas bka' bzhin byed/ /rtse lnga rdo rje zhing chen za/ /kha T+wAM 'phen cing lcags kyu zhags//thod rlon g.yang gzhis rgyan du byas/ /brkyang bskum tshul gyis zhing chen gnon/ /rnal 'byor yongs kyi bka' bzhin byed/ /stabs glu phyag rgya sngags tshig gis/ /ci 'dod las de grub par mdzod/ /dbang phyug tshogs kyi bka' nyan ma//'jigs su rung ba'i sdang mig can/ /ser nag khro mo chags pas 'gying / /dbu gcig phyag drug 'jigs pa'i gzugs/ /dril 'khrol dbyug to stir chen za/ /b+han d+has khrag chen gtso la stobs/ /gzig chen mgo yi zhal gdangs shing //sgra dang bcas pas bka' bzhin byed/ /lcags kyus 'dren tshul spu gris 'debs/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis//ci 'dod las de grub par mdzod/ /dbang phyug tshogs kyi bka' nyan ma/ /'jigs su rung ba'i sdang mig can/ /dkar dmar khyab 'jug chags pas 'gying / /dbu gcig phyag drug 'jigs pa'i gzugs/ /b+han d+has khrag chen gtso la stobs//bya bang mgo yi zhal gdangs nas/ /sgra dang bcas pas bka' bzhin byed/ /sti ra khrag chen kha T+wA~M rde'u/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis//ci 'dod las de grub par mdzod/ /dbang phyug tshogs kyi bka' nyan ma/ /'jigs su rung ba'i sdang mig can/ /ser nag gzhon nu chags pas 'gying / /dbu gcig phyag drug 'jigs pa'i gzugs/ /zhing chen rgyu 'dren gtso la stobs/ / pha wang mgo can zhal gdangs shing / /sgra dang bcas pas bka' bzhin byed/ /b+han dmar kha T+wAM 'khor lo 'dril/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis//ci 'dod las de grub par mdzod/ /dbang phyug tshogs kyi bka' nyan ma/ /'jigs su rung ba'i sdang mig can/ /dmar ser dbang mo chags pas 'gying / /dbu gcig phyag drug 'jigs pa'i gzugs/ /zhing chen khog 'dren gtso la stobs//dred chen mgo yi zhal gdangs shing / /sgra dang bcas pas bka' bzhin byed/ /b+han dmar dbyug chen lcags kyus 'dril/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du//stabs glu phyag rgya sngags tshig gis/ /ci 'dod las de grub par byos/ /dbang phyug tshogs kyi bka' nyan ma/ /'jigs su rung ba'i sdang mig can/ /dmar mo 'phrog chen chags pas 'gying / /dbu gcig phyag drug 'jigs pa'i gzugs/ / zhing chen rgyu 'dren zhags pas stobs/ /dom chen mgo yi zhal gdangs shing / /sgra dang bcas pas bka' bzhin byed/ /dril 'khrol lcags kyu dung dmar dbyug /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du//stabs glu phyag rgya sngags tshig gis/ /ci 'dod las de grub par byos/ /dbang phyug tshogs kyi bka' nyan ma/ /'jigs su rung ba'i sdang mig can/ /sngo nag bdud rtsi chags pas 'gying / /dbu gcig phyag drug 'jigs pa'i gzugs/ / b+han d+has khrag chen gtso la stobs/ /chu srin mgo yi zhal gdangs shing / /sgra dang bcas pas bka' bzhin byed/ /kha T+wAM mda' 'phen rin chen yum/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du//stabs glu phyag rgya sngags tshig gis/ /ci 'dod las de grub par byos/ /dbang phyug tshogs kyi bka' nyan ma/ /'jigs su rung ba'i sdang mig can/ /sngo skya zhi ba chags pas 'gying / /dbu gcig phyag drug 'jigs pa'i gzugs/ /glo snying 'dren cing gtso la stobs//sdig chen mgo yi zhal gdangs shing / /sgra dang bcas pas bka' bzhin byed/ /dril 'khro rtse lnga dung dmar dang / /rin chen bum pa khros pas 'dzin/ /thod rlon g.yang gzhis rgyan du byas/ /brkyang bskum rkang gis zhing chen gnon//rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ /dbang phyug tshogs kyi bka' nyan ma/ /'jigs su rung ba'i sdang mig can/ /nag mo be con chags pas 'gying / /dbu gcig phyag drug 'jigs pa'i gzugs//stir chen glo snying 'dren cing stobs/ /khra chen mgo yi zhal gdangs shing / /sgra dang bcas pas bka' bzhin byed/ /khrag chen dung 'thung kha T+wAM 'phen/ /gris 'debs rgyu zhags dbang phyug ma/ /thod rlon g.yang gzhis rgyan du byas//brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ /dbang phyug tshogs kyi bka' nyan ma/ /'jigs su rung ba'i sdang mig can/ / ser nag khro mo chags pas 'gying / /dbu gcig phyag drug 'jigs pa'i gzugs/ /b+han d+has khrag chen gtso la stobs/ /wa chen mgo yi zhal gdangs shing / /sgra dang bcas pas bka' bzhin byed/ /zhing chen rgyu 'dren sti ra'i rde'u/ /rab tu gtum pas kha T+wAM 'phen//thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ /dbang phyug tshogs kyi bka' nyan ma/ / 'jigs su rung ba'i sdang mig can/ /mthing nag za byed chags pas 'gying / /dbu gcig phyag drug 'jigs pa'i gzugs/ /stir chen snying 'dren gtso la stobs/ /stag chen mgo yi zhal gdangs shing / /sgra dang bcas pas bka' bzhin byed/ /dung dmar dril 'khrol kha T+wAM gris//thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ /dbang phyug tshogs kyi bka' nyan ma//'jigs su rung ba'i sdang mig can/ /dmar mo khrag 'thung chags pas 'gying / /dbu gcig phyag drug 'jigs pa'i gzugs/ /bgegs 'dul lcags kyus zhal du stobs/ /rgod chen mgo yi zhal gdangs shing / /sgra dang bcas pas bka' bzhin byed//dung dmar zhing dbyug kha T+wAM 'phen/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ / dbang phyug tshogs kyi bka' nyan ma/ /'jigs su rung ba'i sdang mig can/ /dmar mo khrag 'thung chags pas 'gying / /dbu gcig phyag drug 'jigs pa'i gzugs/ /b+han d+has khrag chen gtso la stobs/ /rta chen mgo yi zhal gdangs shing / /sgra dang bcas pas bka' bzhin byed//rtse lnga dril dbyug kha T+wAM 'phen/ /zhing chen za ba'i dbang phyug ma/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos//dbang phyug tshogs kyi bka' nyan ma/ /'jigs su rung ba'i sdang mig can/ /dkar dmar gcig pu chags pas 'gying / /dbu gcig phyag drug 'jigs pa'i gzugs/ /b+han d+has khrag chen gtso la stobs/ /byi chen mgo yi zhal gdangs shing //sgra dang bcas pas bka' bzhin byed/ /rdo rje tri shUl dril dbyug zhing / /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos//dbang phyug tshogs kyi bka' nyan ma/ /'jigs su rung ba'i sdang mig can/ /dmar nag yid 'phrog chags pas 'gying / /dbu gcig phyag drug 'jigs pa'i gzugs/ /stir chung za zhing gtso la stobs/ /sbyang chen mgo yi zhal gdangs shing / / sgra dang bcas pas bka' bzhin byed/ /kha T+wAM dung dmar lcags kyu gri/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos//dbang phyug tshogs kyi bka' nyan ma/ /'jigs su rung ba'i sdang mig can/ /dkar dmar grub pa chags pas 'gying / /dbu gcig phyag drug 'jigs pa'i gzugs/ /stir chen glo snying gtso la stobs/ /bu shud mgo yi zhal gdangs shing //sgra dang bcas pas bka' bzhin byed/ /pad+ma kha twAM dung dmar zhags/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos//dbang phyug tshogs kyi bka' sdod ma/ /'jigs su rung ba'i sdang mig can/ /ljang ser klu mo chags pas 'gying / /dbu gcig phyag drug 'jigs pa'i gzugs/ /b+han d+has khrag chen gtso la stobs/ /sha chen mgo yi zhal gdangs shing / /sgra dang bcas pas bka' bzhin byed//rde'u rdung kha T+wAM gri 'debs zhing / /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ / dbang phyug tshogs kyi bka' nyan ma/ /'jigs su rung ba'i sdang mig can/ /dmar nag gsod chen chags pas 'gying / /dbu gcig phyag drug 'jigs pa'i gzugs/ /stir chen lo snying gtso la stobs/ /spang ti mgo yi zhal gdangs shing / /sgra dang bcas pas bka' bzhin byed//rdo rje ral gri rnge'u chung rdung / /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ /dbang phyug tshogs kyi bka' nyan ma//'jigs su rung ba'i sdang mig can/ /ljang dmar me mo chags pas 'gying / /dbu gcig phyag drug 'jigs pa'i gzugs/ /zhing chen rgyu 'dren zhal du stobs/ /skyin chen mgo yi zhal gdangs shing / /sgra dang bcas pas bka' bzhin byed//dung dmar kha T+wAM lcags kyu dril/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ /dbang phyug tshogs kyi bka' nyan ma//'jigs su rung ba'i sdang mig can/ /ljang ser phag mo chags pas 'gying / /dbu gcig phyag drug 'jigs pa'i gzugs/ /b+han d+has khrag chen gtso la stobs/ /phag chen mgo yi zhal gdangs shing / /sgra dang bcas pas bka' bzhin byed//rtse lnga zhing za kha T+wAM gri/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ /dbang phyug tshogs kyi bka' nyan ma//'jigs su rung ba'i sdang mig can/ /ljang nag sna chad chags pas 'gying / /dbu gcig phyag drug 'jigs pa'i gzugs/ /bdud rtsi dung dmar zhal du stobs/ /rnga chen mgo yi zhal gdangs shing / /sgra dang bcas pas bka' bzhin byed//kha T+wAM grangs gri zhags pa 'dzin/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ /dbang phyug tshogs kyi bka' nyan ma//'jigs su rung ba'i sdang mig can/ /sngo skya chu mo chags pas 'gying / /dbu gcig phyag drug 'jigs pa'i gzugs/ /zhing chen glo snying 'dren cing stobs/ /bya rog mgo yi zhal gdangs shing / /sgra dang bcas pas bka' bzhin byed//dung dmar dril 'khrol kha T+wAM gri/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ / dbang phyug tshogs kyi bka' nyan ma/ /'jigs su rung ba'i sdang mig can/ /dmar skya rgan mo chags pas 'gying / /dbu gcig phyag drug 'jigs pa'i gzugs/ /bdud rtsi dung dmar zhal du stobs/ /skeg chen mgo yi zhal gdangs shing / /sgra dang bcas pas bka' bzhin du//dbyug dril kha T+wAM rgyu 'dren cing / /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ / dbang phyug tshogs kyi bka' nyan ma/ /'jigs su rung ba'i sdang mig can/ /gnag cing nag mo chags pas 'gying / /dbu gcig phyag drug 'jigs pa'i gzugs/ /zhing chung za zhing gtso la stobs/ /khu byug mgo yi zhal gdangs shing / /sgra dang bcas pas bka' bzhin byed//lcags kyu dung dmar kha T+wAM gri/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ /dbang phyug tshogs kyi bka' nyan ma//'jigs su rung ba'i sdang mig can/ /sngon mo ra na chags pas 'gying / /dbu gcig phyag drug 'jigs pa'i gzugs/ /zhing chen rgyu zhags 'debs shing stobs/ /ra chen mgo yi zhal gdangs shing / /sgra dang bcas pas bka' bzhin byed/ / dung dmar kha T+wAM dril chen zhags/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ /dbang phyug tshogs kyi bka' nyan ma//'jigs su rung ba'i sdang mig can/ /dmar mo bum rna chags pas 'gying / /dbu gcig phyag drug 'jigs pa'i gzugs/ /b+han d+has khrag chen gtso la stobs/ /spre'u chen mgo yi zhal gdangs shing / /sgra dang bcas pas bka' bzhin byed/ / zhing chen kha T+wAM 'phen tshul du/ /lcags sgrog kun 'dzin zangs gris 'debs/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos/ / dbang phyug tshogs kyi bka' nyan ma/ /'jigs su rung ba'i sdang mig can/ /ljang nag gsus 'dzin chags pas 'gying / /dbu gcig phyag drug 'jigs pa'i gzugs/ /zhing chen glo snying gtso la stobs/ /sbyang chen mgo yi zhal gdangs shing / /sgra dang bcas pas bka' bzhin byed//dril chen sgra sgrogs dung dmar 'thung / /kha T+wAM 'phen cing rde'u chung za/ /thod rlon g.yang gzhis rgyan du byas/ /brkyang bskum rkang gis zhing chen gnon/ /rnal 'byor yongs kyi bka' bzhin du/ /stabs glu phyag rgya sngags tshig gis/ /ci 'dod las de grub par byos//pho nya rdo rje dbang phyug ma/ /cir yang 'gyur ba'i gzugs can rnams/ /'jigs pa'i gzugs can mang po yis/ /dam bcas bzhin du las kun byos/ /de bzhin gshegs pa khro bo'i sprin rnam par spros pa bdud btul ba'i le'u ste dgu ba'o// //de nas bcom ldan 'das dpal rdo rje he ru ka khrag 'thung chen po rnams byang chub kyi sems kyi sprin las/ oM ma hA tsit+tA maN+Da la/ kro d+ha ha ha ha/ he he he/ phaT phaT phaT/ tsa tur yo gI ni hring hring hring / tring tring tring / mring mring mring / kring kring kring / ha ha ha zhes brjod pas rdo rje he ru ka sku bsam gyis mi khyab pa khros pas rngam par gnas so/ /rat+na he ru ka sbyin pa'i khro ba mdzad do/ /chags pa'i he ru ka dang sku dbang gi tshul gyis shin tu khro ba mdzad do/ /las kyi he ru ka kun du mi mdzad pa med pa'i tshul gyis gdug pa'i khro bo chen po'o//de dag kyang rdo rje 'dzin ma khro mo dang / /rin chen dbyug to ma zhes bya ba'i khro mo dang / /pad+ma b+han d+ha 'dzin ma zhes bya ba'i khro mo dang / /las kyi dbyug to ma zhes bya ba'i khro mo dang bcas pa rnams brkyang bskum gyi stabs kyis dpal he ru ka la 'khril nas gnyis su med pa'i tshul kyis mnyam pa chen por gnas so//de'i phyi rim na rnal 'byor chen mo dkar mo dang / /rnal 'byor chen mo skul byed ma dang / gsod byed ma dang / za byed ma dang / rnal 'byor ma dang / gtum mo dang / rnal 'byor ma las grub par byed ma dang /rdo rje rigs byed ma dang / dbang sdud chen mo dang / drag po'i cha byad kyis khrag dang keng rus kyi dkyil na zhabs gnyis thabs dang shes rab kyi tshul du brkyang bskum gyi tshul du gnas so/ /de'i phyi rim na rdo rje phra men chen mo dang / seng ge mgo chen mo stabs dang ldan ma dang //stag mgo chen mo stabs dang ldan ma dang / myos byed rta mgo chen mo dang / 'ug pa'i mgo can dang / bya rgod mgo gsod byed stabs chen mo dang / mchu mgo can gcod byed chen mo dang / wa'i mgo can skul byed ma'i stabs chen mo dang /rab tu sgra 'byin gyi mgo can dang / rnam par rab tu sgyus gsod mdzad pha wang mgo can chen mo dang / mi gtong bar za bar byed ma phag gi mgo can zhe sdang chen mo rnams rang rang gi lag cha dang / gdug pa'i mtshon dang chas nas gnas par mdzad do//de bzhin gshegs pa thams cad kyi gsang ba las rnam par bsgyur ba'i ye shes kyi 'khor lo ste le'u bcu pa'o// //de nas bcom ldan 'das gtum pa chen mo dang / rnam par sgyur ba'i tshogs rmongs ba sel ba'i ting nge 'dzin gyis dgyes par mdzad de 'di dag phyung bas kun du g.yo ba chen po mdzad do//o~M sarba ma hA kA ru Ni kA ya/ ma hA shrI he ru ka sarba kha thaM/ du ba tsa ma hA tsaN+Da hU~M hU~M hU~M/ phaT phaT phaT/ o~M ma hA kA ru Ni kA ya/ ma hA rat+na he ru ka sarba kha taM d+hu/ pa tsa ma hA tsaN+Da trA~M trA~M trA~M/phaT phaT phaT/ o~M sarba ma hA kA ru Ni kA ya/ ma hA shrI pad+ma he ru ka sarba kha taM ma d+hu/ hrIM hrIM hrIM hrIM hrIM/ phaT phaT phaT/ o~M sarba ma hA kA ru Ni kA yA/ ma hA shrI karma he ru ka sarba kha taM d+hu/ pa tsa ma hA tsaN+Da ha ha ha/ hU~M hU~M hU~M/ phaT phaT phaT/ ha la ha la ha la hU~M/oM sarba ma hA kA ru Ni kA ya/ bud+d+ha lo tsa nA DA ki ni/ ha na ha na ha na/ hU~M hU~M hU~M phaT/ o~M sarba kA ru Ni kA ya/ badzra lo tsa na ma hA DA ki ni d+ha ka d+ha ka hU~M hU~M hU~M phaT/ o~M sarba ma hA kA ru Ni kA ya/ rat+na lo tsa na DA ki ni/ pa tsa pa tsa hU~M hU~M hU~M phaT/ o~M sarba ma hA kA ru Ni kA ya/ma hA pad+ma lo tsa na DA ki ni d+ha ha d+ha ha d+ha ha/ hU~M hU~M hU~M phaT/ o~M sarba ma hA kA ru Ni kA ya/ karma lo tsa na ma hA DA ki ni tshin d+ha tshin d+ha hU~M hU~M hU~M/ hrU~M hrU~M ha~M/ hra~M hra~M hra~M/ ha ha ha/ phaT phaT phaT/ o~M ru lu gau rI/ o~M ru lu tsau rI/ o~M ru lu pra mo hA/ o~M ru lu be ta lI/ o~M ru lu tsaN+Da lI/o~M ru lu g+hasma ri/ oM ru lu sma shA nI/ bin d+ha bin d+ha/ g+hu ma g+hu ma g+hu ma/ ha na ha na ha na/ hU~M hU~M hU~M phaT phaT/ o~M tsau ra ka ra sid+ha he he/ o~M gau ra ka ra byA g+h+ri he he/ o~M tsai ra ka ka ra sri gla he he/ o~M shwa na ka ra gr-i D+ha he he/ o~M kAng ka ka ra kA ka phaT phaT/ o~M ga tA ka ra pany+tsa ma he he phaT/ hasta ka ra U lu ka he he he/ hriM hriM hriM/ phaT phaT/ ma hA tsa tu ra yo gi ni ha ha ha/ he he he/ hU~M hU~M hU~M/ phaT phaT/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo/ ru lu ru lu ru lu ru lu ru lu ru lu ru lu ru lu ru lu ru lu ru lu ru lu/khA hi khA hi khA hi khA hi khA hi khA hi/ phaT phaT phaT/ sa ma ya sa ma ya/ yo ga yo gi ni phaT phaT phaT/ hU~M hU~M hU~M zhes brjod pas thams cad rab tu brgyal/ rab tu dngangs/ rab tu myos/ rab tu bsgral bar gyur to/ /bsnams shing gsol nas mi gnas par mdzad do//de bzhin gshegs pa thams cad kyi gsang ba mnyes pa las sngags kyi le'u ste bcu gcig pa'o// //de nas bcom ldan 'das sku gsung thugs rngam pa'i stabs kyis dzaHdzaHdzaH hU~M hU~M hoHhoHzhes par mdzad do/ /mngon spyod kyi las kyi sbyor ba sbyor ba chen po mdzad do//gsang ba'i rdo rje'i mdzod nas gsang ba'i yum gyi pad+ma yongs su yangs pa'i nang du sems can gyi tshogs byang chub sems su mdzad nas mkha' phab ste sras su bskyed par mdzad de mdzad nas dran pa rnyed do/ /sangs rgyas kyi sku bsam gyis mi khyab pa me dpung bsam gyis mi khyab pa mtshon cha dang dbu dang zhal mang zhing skyi bung zhes byed pa dngangs shing gsod par mthong ste smras pa/rab tu 'jigs pa'i khro bo rnams/ /shin tu bde ba'i gnas shig nas/ /bton pa skal ba rab tu chung //da ni ci mdzad la gor mdzod/ /lha cig rje cig 'o na zhes smras pa'i tshig gis sems can gyi mtshan ma 'byongs bar gyur par mkhyen to/ /de nas bcom ldan 'das dgyes pa chen pos rab tu smros la gnong long shig /rje la gus par dam nos la/ /'di la gnas phar skal med pas//phyi yi dkyil 'khor sa la 'dug /ces bka' stsal pas dngangs pa rtas par gyur te/ rdo rje bran mo'i mna' bor nas smras pa/ skyes mchog lha rjes su zhig lags/ /'bangs dang bka' stsal bdag cag nyan/ /phyi yi gnas su gnas su bgyi//ma sring bran g.yog 'khor yug rnams/ /'jigs pa'i skus ni gzhes su gsol/ /ci mdzad khyod mkhyen gzhes su gsol/ /yun du skal ldan gzhes su gsol/ /bdag cag 'jig rten skyong ba'i rnams/ /dam mnos slan chad du//'khor rnams skyong bar mi bgyid dam/ /bka' bzhin las kun mi sgrub bam/ /theg pa 'dzin la mi stong ngam/ /bzhugs pa'i dkyil 'khor mi zin na/ /da lta bzhin du 'jigs pa dang / /shi nas dmyal bar shog ces smras te mna' bor ro//de nas khrag 'thung chen pos cang mi gsung bar bzhugs pa las rab tu gsod byed ma dang / /tshangs ba mo dang / gzhon nu mo dang / dbang mo dang / grub mo dang / bskyod chen mo dang / rdo rjer gdong chen mo dang / mi mo rlag par byed pa chen mo dang //phag mo gsod byed ma dang / gtum par mdzad ma dang / brlan par mdzad ma dang / phag chen mo dang / nag mo ral pa chen mo dang / rdo rje 'dzin ma chen mo dang / rdo rje nag mo chen mo dang / rdo rje rgan byad chen mo dang / rdo rje yid 'phrog par byed ma dang /rab tu gcig tu zab mo dang / rdo rje srin mo'i cha byad chen mo dang / sngo gnag chen mo dang / ljang nag chen mo dang / be con chen mo dang / zhi ba bum sna chen mo dang / las la grub pa mo dang / bka' nyan par byed ma dang / tsham ngam gyi gzugs dang /drag shul ma dang / nyul ba mor tshul ston ma de dag la sogs pa ma dang sring mo bu mo rnams rab tu gus par bka' nyan te/ rdo rje bran mor bka' nyan te/ /rdo rje bran mor dam blangs nas/ /ci 'dod las rnams bdag cag bgyid/ /ces mna' bor te 'jigs pa'i gzugs dang /mtshon cha dang / gnas pa'i gzhir bcas te phyi'i snam bu la gnas pa'i las byed par gnas so/ /de dag gi dkyil 'khor bsgrub pa bshad de/ dkyil 'khor phyi rol gru bzhir bcas/ /dbus su zla gam rak+tar bcas/ / bA su twA yi maN+Da la/ /dri chu rak+ta'i tshom bur bri/ /hrIHlas dbus su brgyad gzugs/ /yang na dbu gsum phyag drug pa/ /thod pa b+han d+ha dmar chen bkang / /brgyad dam nyi shu dgu ru ldan/ /yang na lnga dang ldan pa la/ /lnga pa'i yi ges byin gyis brlab/ / zad 'phro phud dang ldan pa la/ /uts+tshuSh+Ta yi sngags kyis bzlas/ /thod pa dmar blugs btung bya zhing / /ming ngam b+h+yo 'am ru lu yis/ /mngon sum phyin par bos nas ni/ /kha nas rak+tas rab gtor te/ /he ru ka yi las rnams kun/ /gong nas 'byung ba'i las bzhin bya//sgeg mo na chung de dag la/ /dbang gi chags pas 'dod spyad de/ /ta ma la yi phur bus gdab/ /ci 'dod las rnams grub par sbyin/ /chags dang gsod dang rgyags pa che/ /mnyam pa nyid kyi ting 'dzin gyis/ /tsau ra ka ra'i 'khor rnams kyang / /bzhi yi las la 'jug par ni//ming tsam 'dzin pa'i rnal 'byor pas/ /bskul na rtse gcig las rnams 'grub/ /de nas kun du bzang mo chen mos ming tsam du chos thams cad gnas par mkhyen to/ /gsang ba sgyu 'phrul chen po 'di bsdu ba chen po mdzad do/ / de nas sems dpa' rnal 'byor mchog /kun kyang sems dpa' rnal 'byor mchog /chos kun ming tsam rnal 'byor yin/ /ming tsam rnal 'byor ma yin par/ /sems dpa' rnal 'byor 'ga' yang med/ /de nyid dus gsum rang bzhin te/ /de nyid kun du bzang mo mchog /sgyu 'phrul dra ba'i rgyud dag las/ /sems ma rdo rje de dag las/ /gsang ba'i nges don gang yang med/ /ces chos thams cad 'dus pa chen mor mkhyen to/ /de bzhin gshegs pa thams cad kyi he ru ka 'dus pa chen mo'i dkyil 'khor te le'u bcu gnyis pa'o// //a hoHrgyu nyid stong pas 'bras bu mngon sum pa/ /byin gyis brlab tu med pas byin gyis brlab pas 'grub/ /sangs rgyas mdzad pa nyid kyang sems can yin zhes rgyal bas gsungs/ /de nyid mi mdzad med par shes pa kun gyi nang na rab tu bsngags//chags pa mi gtong chags pa mngon sum dgongs pa yin pas dkyil 'khor gong ma kun gyi dang / /sgrub la dga' bas bsgrub tu med phyir bsgrubs pas 'grub ces rgyal bas rab tu gsungs/ /pho mo med phyir pho mo snang la dga' ba spyod brtson rgyal bas 'grub ces bsgrub pa kun gyis gsungs//stong par rtogs la spyod la g.yel ba rnal 'byor min zhes rgyal bas gsungs/ /med la gtod cing dge sdig 'chol ba sdig can yin par rab tu gsal/ /dge sdig yod phyir brtson pas 'grub ces theg pa kun las 'byung //bag dang mi ldan rang bzhin med par gnas pa la/ /gtso mchog mi bkur khungs phyin chos la mi brtson sems can yin par mngon sum gsal bar snang / /de bas sgyu 'phrul gsang ba mchog 'di bu rnams gang zhig nyan brtson pas/ / 'grus pa bslabs pa bag dang ldan pa lobs pa dang por ngo shes bya/ /skad cig gzugs la 'phangs pa med par gus ldan gsang ba'i sdud pa yin/ /rdo rje slob dpon mchog la dad pas sangs rgyas ma lus kun la mchod pa chen po yin/ /lam la mkhas pas rdo rje slob dpon bkur ba'o//de skad ces bka' stsal pa dang / rnal 'byor dang / rnal 'byor ma rnams rab tu 'dun pa chen po skyes te/ mchod pa chen po bkur stis mchod/ /dkyil 'khor dang po phun sum tshogs/ /gnyis pa gsang ba'i mchod pa la/ / gsum pa rol pa gleng slong ba/ /khros pa'i sprin las bdud rnams btul/ /don gcig sgyu 'phrul bka' stsal pa/ /tshogs kyi mchod pa dgyes pa che/ /dus gsum rtag tu ma byung ba/ /lam la mkhas pa yin par bsngags/ /brtson dang ldan pas rab mnyan dang / / gsang ba'i sgrub pa 'di bsgrub pa/ /kun kyang kun du bzang po yin/ /bcom ldan 'das rmongs pa sel ba zhes bya ba sgyu 'phrul chen po rdzogs so/

CLOSE WINDOW