CLOSE WINDOW

D684
བོད་ཡིག

oM su pra tiSh+Tha badzra ye swA hA// mang+ga laM// //shu b+haM// // @#/ rgya gar skad du/ nA rA ya na pa'i pr-its+tsh+wa Ar+ya mahA mAyA bidza ya bA hi nI nA ma d+hA ra NI/ bod skad du/ sred med kyi bus zhus pa 'phags pa sgyu ma chen mo rnam par rgyal ba thob par byed pa zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/'di skad bdag gis thos pa'i dus gcig na bcom ldan 'das gser gyi rwa zhes bya ba'i ri bo'i rtse na rnam thos bu'i khang pa na bzhugs te/ lha dang klu dang gnod sbyin dang dri za dang lha ma yin dang nam mkha' lding dang mi'am ci dang lto 'phye chen po dang rig pa 'dzin pa dang chu skyes ma la sogs pa mang po rnams kyis bstod par byed pa'i chos snang ba'i sgo zhes bya ba'i chos rnams grangs bstan bar mdzad do/de nas lha ma yin rnams kyis bcom pa pham pa kun tu nyams ba gzi brjid kyi stobs dman pa'i srid med kyi bu gang de bcom ldan 'das kyi drung du nye bar 'ongs so/nye bar 'ongs nas kyang bcom ldan 'das kyi zhabs gnyis la mgo bos mngon par btun nas mtha' gcig tu 'dug go/ mtha' gcig tu 'dug nas de nyid du gsol ba/ 'di ltar bcom ldan 'das thams cad mkhyen pa thams cad gzigs pa sems can thams cad la rjes su brtse ba can/chos kyi rnam grangs gang gis lha dang klu dang gnod sbyin dang srin po la sogs pa rnams sam mi rnams kyang rung ste/ g.yul 'khrugs pa'i tshe mtshon cha chen po ltung ba'am nye bar 'tsho ba'am rtsod pa thams cad las thams cad du rnam par rgyal bar 'gyur pa de lta bu bstan par mdzad du gsol/bcom ldan 'das kyis bka' stsal ba/ sred med kyi bu sgyu ma 'chang ba khyed/ sred med kyi bu sgyu ma dang ldan pa/ stobs chen po mchis pa g.yo sgyu mang pos sems can rnams slu bar byed pa khyed 'dir 'jigs nas g.yul du rnam par rgyal ba 'dri zhing yongs su 'dri bar byed pa ci yin/sred med bus 'di skad gsol ba/ bcom ldan 'das 'dod pa'i lha ma yi gyi dbang bos lha ma yin gyi sgyus 'dir bdag bcom ste lha rnams 'ga' zhig ni 'chi bar gyur/'ga' zhig ni pham bar gyur/ 'ga' zhig ni bcoms par gyur lags so/ bcom ldan 'das chos kyi rnam grangs gang gis sems can rnams g.yul du rnam par rgyal bar byed par 'gyur pa/ lha ma yin rnams pham par byed par 'gyur ba/lha ma yin gyi dregs pa snyil bar byed par 'gyur ba de lta bu bstan du gsol/ bcom ldan 'das kyis bka' stsal ba/ sred med kyi bu/ sngon byung 'das ba'i dus su ma ga ng+hA ro hi ta'i ri la rin chen dpal zhes bya ba'i rgyal po byung ngo / de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa bla na med pa skyes bu 'dul ba kha lo sgyur ba lha dang ni rnams kyi ston pa sangs rgyas bcom ldan 'das thams cad dbang phyug ces bya ba byung ngo /b com ldan 'das thams cad dbang phyug de'i zhal snga nas sgyu ma chen po rnam par rgyal ba thob par byed pa zhes bya ba'i rig sngags kyi tshig 'di rnams bdag gis legs par mnos te 'dzin pa dang klog pa dang kun chub pa dang rjes su yi rang par byas te gzhan rnams la'ang rgya cher yang dag par rab tu bstan to//sred med kyi bu gzungs 'di'i mthus nam du'ang dgra'i 'jigs pa med pa dang mi 'phrod pa'i 'jigs pa med pa dang chom rkun gyi 'jigs pa'ang 'byung ba med par lo stong phrag brgya'i par du chos bzhin gyi rgyal srid byas nas/ slad mar yang grong khyer dang grong khyer gzhan dang skyed mos tshal rnams su gzungs kyi mthus ltad mo bzhin du bde bar rgyu bar byed do/skye ba brjes nas mA ng+hA hA zhes bya ba'i byang chub sems dpa' 'khor los sgyur ba'i rgyal bo rin po che bdun dang yang dag par ldan pa/ 'jig rten gsum po mtha' dag la bka'i lung bsgyur ba byung ngo /sngon du sbyin ba'i pha rol du phyin pa ma nyams pas sems cad thams cad ji ltar 'dod pa bzhin du phan 'dogs par byed ba'i phyir phun sum tshogs pa'i skal ba can nor gyi rgyun 'bebs par byed pa/ sems can thams cad bde bar byed pa/thams cad la phan 'dogs par byed pa byung ngo / sred med kyi bu/ de ltar gzungs 'di'i mthus bskal pa brgya phrag mang por sbyin pa'i pha rol tu phyin pas tshogs yongs su rdzogs par byas so/ gang yang lha dang klu dang gnod sbyin dang dri za dang lha ma yin dang nam mkha' lding dang mi'am ci dang lto 'phye chen po dang rig 'dzin dang mi dang mi ma yin pa rnams bka' bzhin du gnas par byed de/de rnams bka' las phyir phyogs par mi byed do/ bskal ba stong phrag drug cu rtsa bzhi rnams su sngon du phyogs par byas te phyi nas skye ba gcig tu mkha' lding gi 'jigs pa las thar ba'i klu'i dbang po yang dag par gnas pa bzhin du bla na med pa yang dag par rdzogs pa'i sangs rgyas 'jig rten na bla na med pa'i dgra bcom pa lha'i bla mar gyur to/sred med kyi bu/ de'i phyir sgyu ma chen mo rnam par rgyal ba thob bar byed pa zhes bya ba'i gzungs sngags kyi tshig rnams khyed kyis zungs shig /tad+ya thA/ nam s+t+r+ya ng+hA nu ga ta pra ti Sh+Shi te b+h+yaH sarba bud+ng+hA bo ng+hi satA+e b+h+yaH sarba mu drA man+t+ra pa de b+h+yaHoM mA ye ma hA mA lA ng+hA ra Ni i yaM sA mahA mA yA man+te Na ma hA mA lA rA pe Na/b+h+ra ma b+h+ra ma ma sarba satwA nAny+tsa ye bi rU ng+ha kaM tsin+ta sarba duSh+Ta satwA stAn+t+rA/ ma ya maya/ mo ha ya mo ha ya/ mu r+ts+tshA pa ya mu r+ts+tshA ba ya/ mA ra ta mA ra ya/ bi ng+tAM sa ya bi ng+tAM sa ya/ma ra ma ra/ ma hA mA ye a la la la la ma hA mA yA dzA la sa ha sra mu khis ha sra shi re sa ha sra g+hu dze dz+wa li ta ne tre sarba ta thA ga ta hr-i da ya gar+b+b+he/ a si ng+ha nuHba ra shu bA sha to ma ra ka na ya sha k+ti mu buN+Di ha ste mung+gar tsakra ha ste e h+ye hi b+ha ga ba ti/ sarba ta thA ga ta sa t+ye na de bar+Shi ga Na sa t+ye na ma hA mA lA bi dza yA bA hi ni/sma ra sma ra sarba ta thA ga ta dz+nyA na rU pe Na/ ga ts+tsha ga ts+tsha sarbA ba ra Na k+Sha yaM ka ri ba ra si n+ya bi drA ba Ni mo ha la mo ha ya maM ma sarba sa twA NA b+hany+tsa sarba du Sh+DA r+sha/ rak+Sha rak+Sha mAM sarba satwA ny+tsa sak+sha b+ha yo ba dra be b+h+yaHswA hA/ oM ma hA mA yA ng+hA ra Ni ye swA hA/oM ma hI maN+Da lA ng+hiSh+Tha nA ng+hiSh+Thi te swA hA/ oM badzra ng+ha ra ban+di ta pU dzi tA yai swA hA/ oM pad+ma yA Ni bri yA ya swA hA/ oM sarba de ba na ma skr-i te swA hA/ oM mA tr-i ga Na ban+di ta pU dzi tA yai swA hA/ oM dza ye swA hA/ oM dza ye swA hA/ oM bi dza ye swA hA/ oM swA hA/ oM a bi ng+hi te swA hA/oM a ba rwa dzi te swA hA/ oM mo ha nI ya swA hA/ oM sta m+b+h+ra nA ye swA hA/ oM dzam+b+ha nI ye swA hA/ oM dza yan+ti ye swA hA/ oM b+ha ma NI ye swA hA/ oM b+h+ra ma NI ye swA hA/ oM sarbA su rad ma nI ye swA hA/ oM ma hA kA la ban+di ta bU dzi tA yai swA hA/ oM kA ma ru pi NI ye swA hA/ o mA yA rA k+Sha sI ye swA hA/ oM rar swA hA/ oM rU rU hU~M hU~M phaT he dza ye mA yA b+ha ga ba ti ma hA mA yA bi dza ya bA hi nI gr-i h+Na sh+Shi g+h+ra mA bi la mA swa ma ma sarba sa twA nA ny+tsa sarba kA R+Y+YaM ku ru ku ru huM huM phaT phaT swA hA/ sred med kyi bu/ 'di ltar sgyu ma chen mo rnam par rgyal ba thob par byed pa zhes bya ba'i gzungs kyi gsang sngags kyi tshig rnams zungs shig klogs shig gzhan rnams la'ang rgya cher yang dag par rab tu ston cig /sred med kyi bu/ de nas g.yul 'gyed pa de'i tshe dmag dpung gnyis kyi bar du gnas lnga rnams su gzungs 'di'i 'khor lo shing rta'i dbyibs su sbyar bar bya'o//sred med kyi bu/ gang gi tshe gnyis ka'i nang gi dbus su pha rol gyi dpung gi spyi bor shing rta'i dbus der sgyu ma chen mo rnam par rgyal ba thob par byed pa zhes bya ba'i rig pa'i rgyal mo brgya stong phrag du ma'i gzugs dang brgya stong phrag du ma'i phyag dang ldan pa spyan gsum pa dmar nag 'bar ba'i zhal bzhi rnams kyis pha rol gyi dmag dpung za bar byed pa bzhin du bsam par bya'o//rang nyid 'khor los sgyur ba'i rnam par byas nas gdugs la gzungs gur gum gyis bri bar byas te rgyal bo dang pha rol gyi dmag dpung rang bzhin gcig pa sgyu ma lta bus rab tu sgrib par byed cing snying bo du mas rgyal bor 'gyur ro//sred med kyi bu/ pha rol gyi dmag dpung rnams bcoms shing pham ste kha cig ni brgyal nas sa gzhi la ltung bar smra'o/ /sred med kyi bu/ de ltar ltung ba'ang ji ltar mi dge ba bcu'i las kyi lam gyi chad pas drang bar bya ba ste/de rnams kyi 'tsho ba la bar du gcod pa'i 'bras bu can ni ma yin no/ /sred med kyi bu/ bsngags par 'os pa'i gzungs kyi mthu ni de lta ba'o/ /sred med kyi bu/ yang gang zhig gzungs sngags kyi tshig 'di rnams gtsang bar byas pas sam gtsang bar ma byas pas kyang rung /bsnyung bar byas pas sam bsnyung bar ma byas pas kyang rung nyi ma so so la lan gsum du rjod par byed pa de nyid ni mtshams med pa lnga byas pa'ang sdig pa'i phung bo zad par byas nas bsod nams kyi phung po thob cing skye ba dran par 'gyur ro//sems can thams cad kun tu khyab pa'i nor la nye bar longs spyod cing dge ba'i chos rnams la mngon par dga' ste mi dge ba log par ltung ba rnams la ni ma yin no/ /sred med kyi bu/ yang gang zhing rigs kyi bu'am rigs kyi bu mo'am dge slong ngam dge slong ma'am dge bsnyen nam dge bsnyen ma'am rgyal bo'am rgyal bo'i bu'am bram ze'ang rung gzungs 'di 'dzin par byed pa 'chi ba'i dus la bab pa na dam pa'i chos kyi snang can du 'gyur zhing tshig pa'am thal bar gyur ba la'ang skyes pa'am bud med gang la la zhig gis reg par bgyid pa de nyid nges par skye ba dran par 'gyur ro//de nas sred med kyi bus byang chub sems dpa'i sdom pa la kye ma'o zhes ngo mtshar bar byas nas dung dang 'khor lo dang dbyug pa dang me tog gi phreng ba rnams bzhag ste stan las langs nas bcom ldan 'das la lan gsum du bskor zhing phyag byas te rab tu 'dzum pa dang bcas pa'i bzhin gyis bcom ldan 'das la tshigs su bcad pa'i dbyangs kyis bstod pa/e ma lha dang lha min 'jig rten gyi/ /gtso bo mchog gyur bla na med pa ste/ /zhi ba zhi bar gyur ba legs bzung nas//'jig rten 'das la phyag 'tshal bstod par bgyi/ /chos rnams thams cad dngos med par/ /byung ba'i chos ni rab tu ston/ /chos dang chos min rnam par grol/ /chos bden khyod la phyag 'tshal bstod/ /de nas sred med kyi bus bcom ldan 'das la rab tu btud nas bcom ldan 'das khyed ni bdag gi bya ba bdag go zhes byas nas song bar gyur to//bcom ldan 'das kyis gsungs pa 'di thos pa'i lha dang klu dang gnod sbyin dang dri za dang lha ma yin dang nam mkha' lding dang mi'am ci dang lto 'phye chen po dang rig pa 'dzin pa dang chu skyes ma la sogs pa thams cad dang ldan pa'i 'khor de rnams dang /lha dang mi dang lha ma yin dang nam mkha' lding dang dri zar bcas pa'i 'jig rten yi rang ste bcom ldan 'das kyis gsungs pa la mngon par bstod do/ / sred med kyi bus zhus pa'i 'phags pa sgyu ma chen po rnam par rgyal ba thob par byed pa zhes bya ba'i gzungs rdzogs so// //'di ni sngar bod du bsgyur bar ma grags pa'i gzungs rig byed kyi lo rgyus la brten pa'i log rtog sel byed khyad par du 'phags pa ste rab byung bcu gsum pa'i dngos po'i lor/rje btsun bla ma dpal rig pa 'dzin pa gang gis ne gA la'i yul nas rgya dpe btsal te bsgyur dgos pa'i bka' lung rta zam brgyud pheb par brten lo re'i khums zla'i yar tshes bzang par mdo smad sde dge'i mnga' ris dpal spungs dgon par chos smra ba bstan pa'i nyin byed kyis bsgyur cing zhus te gtan la phab pa shu b+haM dza yan+tu/

CLOSE WINDOW