| བོད་ཡིག | e-texts based on the Esukhia Input |
/nams kyang 'khor bar mi ltung zhing / /mya ngan 'das pa thob bya'i phyir/ /nyan thos sa rnams non pa dang / /rten 'brel bcu gnyis shes par bya/ /byang chub sems dpa'i sa rnams ni/ /rab dga' dri med 'od byed 'phro/ /sbyang dka' mngon 'gyur ring du song / /mi g.yo legs pa chos kyi sprin/ /sangs rgyas sa chen bla na med/ /bcu gnyis po yang thob 'gyur te/ /kun du 'od dang bdud rtsi 'od/ /nam mkha'i 'od dang rdo rje'i 'od/ /rin chen 'od dang pad+ma'i 'od/ /las kyi 'od dang dpe med sa/ /dpal ldan sa dang shes rab 'od/ /thams cad mkhyen dang rang rig ste/ /bcu gnyis sangs rgyas sa rnams kyang / /'di tshe byung na myur du thob/ /sa rnams ma thob par du yang / /'gro ba rnams la phan pa dang / /shes rab snying rje ldan gyur cing / /chos la dga' ba rnams kyis bsrung / /dngos grub thob ste de bzhin gshegs/ /rin chen las byung thob par 'gyur/ /dpal ldan byang chub sems dpa' dang / /dpal ldan lha mo nag mo yi/ /ming brgya rtsa brgyad gang 'dzin pa/ /yon tan brgya rtsa brgyad thob ste/ / sku gsung thugs ni grub nas kyang / /khams gsum chos kyi rgyal por 'gyur/ /zhes gsungs pa dang / byang chub sems dpa'i 'khor de dag dang / dpal lha mo nag mo chen mo rnams ngo mtshar du gyur te/ /bcom ldan 'das kyis gsungs pa la rjes su yi rang zhing mngon par bstod do/ / //dpal lha mo nag mo chen mo'i mtshan brgya rtsa brgyad pa yon tan dang bcas pa rdzogs so// @#/ /lha'i dbang po brgya byin gyis bstod pa/ /dus gsum 'khor ba'i sdug bsngal chen po dang / /'dod chags zhe sdang gti mug gsum gyi rgyus/ / //dpal lha mo nag mo chen mo'i mtshan brgya rtsa brgyad pa yon tan dang bcas pa rdzogs so// @#/ /lha'i dbang po brgya byin gyis bstod pa/ /dus gsum 'khor ba'i sdug bsngal chen po dang / /'dod chags zhe sdang gti mug gsum gyi rgyus/ /sdig smin las grub lha dang lha ma yin/ /dmyal tshogs me ltar 'bar ba'i gnas 'di ru/ /sha khrag dmar la rol pa'i lha mo khyod/ /lha yi g.yul ngo rgyal bar zhal 'ches la/ /lha ma yin gyi dpung rnams brlag par mdzod/ / /sdig smin las grub lha dang lha ma yin/ /dmyal tshogs me ltar 'bar ba'i gnas 'di ru/ /sha khrag dmar la rol pa'i lha mo khyod/ /lha yi g.yul ngo rgyal bar zhal 'ches la/ /lha ma yin gyi dpung rnams brlag par mdzod/ / ces bstod do rdzogs so// @##/ /oM badzra A yu she hU~M a/ 'phags pa tshe dpag med kyi snying po 'di rtag tu bzlas sam/ sngags chab kyis dbang bskur na tshe nur bar 'gyur ro/ /oM pu N+ye pu n+ye ma hA pu n+ye/ a pa ri mi twa A yur pu n+ya dz+nyA na sa~M b+ha ro pa tsi te swA hA/ ces bstod do rdzogs so// @##/ /oM badzra A yu she hU~M a/ 'phags pa tshe dpag med kyi snying po 'di rtag tu bzlas sam/ sngags chab kyis dbang bskur na tshe nur bar 'gyur ro/ /oM pu N+ye pu n+ye ma hA pu n+ye/ a pa ri mi twa A yur pu n+ya dz+nyA na sa~M b+ha ro pa tsi te swA hA/ @##/ /rgya gar skad du/ Ar+ya a pa ri mi ta A yur dz+nyA na nA ma ma hA yA na sU tra/ bod skad du/ 'phags pa tshe dang ye shes dpag tu med pa zhes bya ba theg pa chen po'i mdo/ /sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na/ /dge slong brgya phrag phyed dang bcu gsum gyi dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu bzhugs so/ /de nas bcom ldan 'das kyis 'jam dpal gzhon nur gyur pa la bka' stsal pa/ 'jam dpal steng gi phyogs na 'jig rten gyi khams yon tan dpag tu med pa la sogs pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas tshe dang ye shes dpag tu med pa shin tu rnam par nges pa'i gzi brjid kyi rgyal po zhes bya ba bzhugs te tshe 'dzin cing mthar phyin par gzhes te sems can rnams la chos kyang ston to/ /'jam dpal gzhon nur gyur pa nyon cig / 'dzam bu'i gling 'di'i mi rnams ni tshe thung ba las tshe lo brgya thub pa sha stag ste/ de dag las kyang phal cher dus ma yin par 'chi bar bstan to/ /'jam dpal sems can gang dag de bzhin gshegs pa tshe dpag tu med pa de'i yon tan dang bsngags pa yongs su brjod pa zhes bya ba'i chos kyi rnam grangs 'di yi ger 'dri'am yi ger 'drir 'jug gam/ ming tsam yang nyan tam klog pa nas glegs bam la bris te khyim na 'chang bar byed dam/ me tog dang / bdug pa dang / spos dang / phreng ba rnams kyis mchod par 'gyur ba de dag gi tshe yongs su zad pa las tshe lo brgya thub par 'gyur ro/
CLOSE WINDOW