CLOSE WINDOW

D478
བོད་ཡིག

@##/ /rgya gar skad du/ shrI maM ra k+ta ya mA ri tan+t+ra rA dza nA ma/ bod skad du/ dpal ldan gshin rje'i gshed dmar po'i rgyud kyi rgyal po zhes bya ba/ gshin rje mthar byed dmar po la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa thams cad gcig tu 'dres par gyur pa bdag med pa'i b+ha ga la bzhugs so//de la mgrin par dam 'khyud de/ /rang nyid sems can ched zhus pa/ /kyai rdo rjer gsungs pa dang / /thar pa de bzhin sdom par yang / /'dus pa la sogs rgyud du yang //slar yang ches mang du gsungs kyang / /sems can bsam pa yongs rdzogs byed/ /da ni bdag gis rab bshad bya/ /kha cig rgyal srid 'dod pa dang / /tshe ring nad med 'bras bu sbyin/ /zhi ba la sogs las rgyas pa/ /gang yang mngon par spyad pa dang / / dgra yi sde nyams byed pa dang / /skrod dang 'gugs dang gsod pa yang / /sna tshogs rgyud rnams su gsungs kyang / /sna tshogs rgyud du ma brjod pa'i/ /'khrul 'khor 'jig rten gsum rnyed dka'/ /khyod la phan pa'i skyes kyi phyir/ bshad bya lha mo gus bcas nyon/ / 'khrul 'khor gang gi mthu stobs kyis/ /rtag tu rgyal srid thob pa dang / /ji srid nyi ma zla ba bzhin/ /gal te 'tsho bar 'dod pa dang / /khu ba rengs dang sde 'gugs dang / /mkha' spyod nyid dang mchog tu myur/ /deng 'dir ming gi spyod yul du/ /de yi sman ni bshad par bya//dang por byams pa bsgom par bya/ /gnyis par snying rje de bzhin no/ /gsum par dga' ba bsgom par bya/ /bzhi par btang snyoms rnam bsgom bya/ /'jig rten chos rnams brgyad po ni/ /yongs btang stong par bsam par bya/ /slar yang stong nyid byang chub ste/ / gnyis pa la ni sa bon bsdu/ /bzhi par yi ge dgod pa'o/ /ra yig las byung nyi ma la/ /hU~M byung sna tshogs rdo rje'o/ /de nyid kyis ni rdo rje yi/ /ra ba zhes dang de bzhin du/ /sa gzhi rdo rje 'ching ba'o/ /dang por stong par bsgom par bya/ /de nas yi ge aM dmar po yongs su gyur pa las nyi ma'i dkyil 'khor ro//de'i steng du yi ge hU~M dmar po'o/ /de'i steng du brlan dang bcas pa'i mgo bos brgyan pa'i dbyug pa'i dbus su hu~M yig dmar po'o/ /der yang nyi ma la hU~M yig go /de las nges par byung ba'i 'od zer rnams kyis nam mkha'i phyogs su dpa' bo'i gzugs de la 'jig rten gsum po thams cad bsdus nas slar yang de nyid du bcug ste/dpal gshin rje'i gshed dmar po'i gzugs su bdag nyid bsam par bya'o/ /sku mdog dmar po g.yon brkyang zhing rnam par 'gyur ba'i zhal ma che ba gtsigs pa/ljags 'dril ba 'jigs par byed pa/ klu brgyad kyis rnam par brgyan pa/ dbu skra dmar ser gyen du 'bar ba/ rkedapa'i phyogs su stag gi pags pa 'dzag pas rnam par brgyan pa/ mi'u thung gsus pa 'phyang zhing 'jigs pa/ spyan gsum pa shin tu 'jigs par byed pa dmar po 'bar ba'i rgyun mi zad pa 'od zer sna tshogs kun tu 'khrugs pa/g.yon par sred med kyi bu la sogs pa'i khrag gis gang ba'i mi'i thod pa dang / g.yas par bdud bzhi rnam par 'joms par byed pa'i dbyug pa dkar po dang klu'i rgyan la sogs pas spras pa/rdo rje ro langs mas phrag par 'khyud pa/ 'dod chags chen po gcig tu nges par rgyas pa/ rje btsun gyi rang bzhin ji lta ba de bzhin du rje btsun ma yang ste mgo bo skam po'i rgyan gyis khyad par du byas pa'o/ /bcom ldan 'das dang bcas pa 'dzag pa'i mgo bo'i rgyan yang ste/ska rags 'og pag sa kyang grol bar gyur pa'o/ /ma he dmar po la gnas pa'i g.yon brkyang gi zhabs kyis bzhugs pa'o/ /phyi nas bcom ldan 'das las skyes pa'i rtse gsum pa'i dbyug pa dkar po'i dbus su slar yangs bon kha dog dmar por bsam par bya'o/ /phyi nas bcom ldan 'das kyi rdo rje yang hU~M yig las skyes pa'o//slar yang bcom ldan 'das ma'i gsang ba'i pad+ma 'dab ma brgyad pa sbal mig 'gyus tsam dang bcas pa aHyig gis rdzogs par mtshan pa'o/ /de'i rjes su gsang sngags rgyal ba'i bdag nyid can ni/ o~M sarba ta thA ga ta a nu rA ga Na badzra swa b+hA ba At+ma kou0f85 haM/ lte ba'i 'og tu brjod pa de 'dab ma brgyad pa kha dog dmar po'o/ /der yi ge hriHdmar po nges par son pa'o/ /spyi bor son pa'i re kha dkar po slar yang bsam par bya zhing bcom ldan 'das kyi dbu la gzhug par bya'o/ /slar yang rdo rje'i lam der son par blo bzang pos bsam par bya'o/ /phan tshun gnyis gnyis snyoms par zhugs pas ro mnyam pa'i sa bon gyi gzugs can no//sa bon de lha mo bzhes rang bzhin las bslang ba ni/ shar la sogs pa'i phyogs bzhi rnams na gnas pa'i lha mo thams cad yid gtsigs pas rang gi bdag po la blta zhing bslang ba'i ched du glu'i mchod pa byed par blta'o/ / thugs rje'i khro bo rje btsun nyid bzhengs shig /sa gsum mtha' dag rmongs pa sol mdzod cig /rdo rje tsartsi kA yis so/ /jo bo bdud bzhi po ni las rgyal ba/ /sems ni g.yengs so rje btsun nyid bzhengs shig /phag mo yis so/ /'jig rten mgron gnyer stong nyid bzhugs sam ci//rje btsun 'jig rten bsod nams nyid kyis bzhengs/ /dbyangs can ma yis so/ /byang chub rang bzhin 'jig rten mgron gnyer nas/ /khyod nyid stong nyid sems shing ci la bzhugs/ /gau rI yis so/ /rab tu sad par byas nas slar yang de la rab tu bzhugs so//de nas der khu ba las byung ba'i bdag nyid lha'i bdag nyid can ma he dmar po la gnas pa gar gyi nyams dgu dang ldan pa ban d+hu ka'i me tog lta bu drag po zhal gcig pa/ phyag gnyis pa mche ba rnam par gtsigs pas mi bzad pa/ dmar la zlum pa'i spyan gsum pa/sma ra dmar ser 'jigs par byed pa/ mi'u thung gsus pa 'phyang zhing 'jigs pa/ dbu skra dmar ser gyen du brdzes pa/ ljags 'dril zhing khrag 'dzag pa/ smin ma 'khyog cing drag tu bzhad pa/ mgo bos mtshan pa'i dbyug pa dkar po g.yas pa'i phyag gis 'dzin pa/g.yon pas myos byed dang khrag gis gang ba'i thod pa 'dzin pa/ nyi ma bye ba'i gzi brjid dang mnyam pa/ g.yon brkyang ba'i zhabs kyis gnas pa/ ma he'i rgyab nas gshin rje 'jigs shing bsdigs par mdzad pa/ brgyad gnyis lon pa'i rnam pa can/klu brgyad kyis rnam par brgyan pa/ mgo bo'i phreng ba dbu la bcings pa/ mgo bo'i phreng ba rab tu 'phyang ba/ stag gi pags pa'i sham thabs can gyi lha'o/ /rdo rje phag mos 'khyud pa ni bcom ldan 'das kyi gzugs dang kha dog 'dra ba la gri gug dang thod pa can phyag rgya lngas rnam par brgyan pa'i lus can mar brtson pa'i sems kyis bsgom par bya'o//de nas nga rgyal byas na bdag nyid grub par 'gyur bar the tshom med do/ /de nas badzra swa b+hA wa At+ma kou0f85 hAM gi gsang s ngags bklag par bya'o//de nas bcom ldan 'das mas rjes su chags pa chen pos yan lag dang nying lag thams cad rnam par bltas nas pad+ma ra rdo rje gsor te gnyis ka'i stag lpags kyi na bza' 'phyar bar bsgom par bya'o/ /de la 'di dag rjes su chags par byed do zhes byas nas rdo rje pad+ma dag sems la byin nas hU~M yig dmar po yongs su gyur pa las rdo rje rtse mor oM yig ser pos byin gyis brlabs pa rab tu bsgom par bya'o//AHyig dmar pos pad+ma de'i ze'u 'bru la AHyig gis byin gyis brlabs pa'o/ / de nas o~M sarba ta thA ga ta a nu rA ga Na badzra swa b+hA wa at+ma kou0f85 haM zhes bklags nas/ rdo rje pad+ma mnyam par sbyor ba las bzhengs par ba dag nyid bsgom par bya ste/ phyi rol gyi gnyis gnyis bzhin no/ /de nas 'pho ba'i gnas skabs na bdag nyid du bsgoms pa'i lha mo'i pad+ma'i khongs su dus mnyam par 'dzag pa'i khams gnyis 'dres par bsgom par bya'o//dkar po dang dmar po de dag yongs su gyur pas gti mug gshin rje'i gshed la sogs pa rnams bdag nyid ji lta ba bzhin du pad+ma'i dbus su bsams nas bcom ldan 'das ma las skye bar bsgom par bya'o//de'i 'og tu de rnams mdun du bltas nas rang rang gi gnas su so sor gnas par bsam par bya'o/ /de nas shar gyi 'dab ma'i nyi ma la gti mug gshin rje'i gshed tsartsi kA nag mos 'khyud pa'o/ /lho'i 'dab ma'i nyi ma la phra ma gshin rje'i gshed ser po phag mo ser mos 'khyud pa ste de yang phag pa'i gdong pa can no//nub kyi 'dab ma'i nyi ma la 'dod chags gshin rje'i gshed dmar po dbyangs can ma dkar mo dang sbyor ba'o/ /byang gi 'dab ma'i nyi ma la phrag dog gshin rje'i gshed sngo bsangs gau rI ma dang snyoms par 'jug pa'o//yang na thams cad kyang gshin rje'i gshed dmar po dang / ro langs ma dang mtshungs par bsgom par bya'o/ /me ru mu men gyi bum pa bzhi mnyam sbyar bas gang ba'o/ /bden bral du gser gyi bum pa gla rtsis gang ba'o//de bzhin du rlung du byi ru'i bum pasiklas gang ba'o/ /dbang ldan du dngul gyi bum pa ga pur gyis gang ba ji lta ba bzhin no/ /thod pa gang ba bltas nas nyi ma dang zla ba kun rdzogs pa dag la'o/ /'di nyid bde ba chen po dang zung du 'jug pa mchog las gzhan pa ma yin pa'o//de nas rang gi snying gar pad+ma dang / nyi ma la gnas pa'i hU~M yig las skyes pa de'i 'od zer rnams kyis dkyil 'khor gyi 'khor lo la mchod pa kun gyis mchod nas/ dzaHhU~M ba~M hoHzhes pas bden par dgug pa dang / gzhug pa la sogs pa dang mchod par bya'o//sems can rnams thams cad bla ma'i man ngag ji lta ba las so zhes pas rnal 'byor gnyis so/ /des na phyogs bcur ba zhugs pa'i rnal 'byor pa dang rnal 'byor ma'i tshogs rnams blo dang ldan pas snga ma bzhin du bkug nas mchod cing dbang bskur ba la sogs pa rnams so//de bzhin gshegs pa rnams dang spyan ma la sogs pa rnams kyis kun tu dga' ba'i thugs kyis sna tshogs par gyur pa'i glu la sogs pa dang gar gyis bdud rtsi lnga yis gang ba'i bum pa rnams kyis dbang bskur bzhin du/ dbang bskur rin chen chen po la//khams gsum pa yis phyag byas pa/ /sangs rgyas kun gyi gsang gsum gyi/ /gnas las byung ba sbyin par bya/ /zhes gsung zhing bstod pas/ dkyil 'khor ba thams cad kyi dbu la khu ba steng du byung ba las/ rdo rje sems dpas rgyas btab par bsam mo//zhes pa yang dag par skyed pa'i cho ga'o/ /gti mug dang / phra ma dang / 'dod chags dang / phrag dog rnams kyis/ gsol ba 'debs par byed pa ni/ kye kye gshin rje'i gshed dmar po/ /bla ma srin po'i gzugs rang bzhin//kho bos khyod mthong rnam par 'jigs/ /bla ma khro bo'i rang bzhin spongs/ /khyod kyis gar mdzad sa stengs dang / /sa bla dang ni sa 'og ga g.yo/ /chags pas brgyan pa'i khro bo yi/ /gar mdzad khyod ni ro langs lags/ /sku ni sbom thung dmar po ste//rnam pa sna tshogs sku sprul pa/ /rdo rje dbyangs can ma yis btud/ /gar mdzad khyod ni bde ba che/ /hrIHSh+T+riHgsang sngags dag gis ni/ /khyod ni sa gsum 'khrul pa sel/ /rje btsun snying rje'i khro bo lags/ /gar mdzad khyod ni 'gro la gzigs//o~M sarba ta thA ga ta pU dza badzra swa b+hA ba at+ma kou0f85haM zhes so/ /de nas sngar bzhin du rlung gi dkyil 'khor gyi steng du me'i dkyil 'khor/ de'i steng du oM yig yongs su gyur pa'i gsang ba'i dkyil 'khor gsum gyi steng du AHyig yongs s u gyur pa las thod pa bsgom par bya'o zhes so//de'i dbus su bdud rtsi lnga dang / sgron ma lnga dang / zho dang / 'o ma dang / sha dang / nya la sogs pa dbyug pas dkrugs pas ro mnyam par byas la tshos nas rgya skyegs kyi khu ba lta bur blta'o/ /oM AHhU~M zhes pa 'dis bsil bar gyur par byas nas hU~M yig yongs su gyur pa'i lce sbu gu can bsams nas btung bar bya'o//rang rang gi kha yis ni lha mo'i kha ru sbyin par bya'o/ /dkyil 'khor pa rnams kyis kyang bsams nas kun tu spyad par bya'o/ /de nas bdud rtsi myongs pas yang dag par dgos par gyur nas phyi nas gsang sngags bzlas par bya'o//snying gar gnas pa'i sa bon dang mtshan ma bstan par byas nas gsang sngags bzlas par bya'o/ /oM hrIHSh+T+rIHbi kr-i tA na na hU~M hU~M phaT phaT swA hA/ zhes pas ji srid 'dod par bsams nas bzlas par bya'o/ /ldang bar 'dod na rang gi lus kyi 'od zer gyis sems can gyi don byas nas thams cad bdag la rab tu bcug ste yid kyis gshin rje'i gshed lhan cig skyes pa'i rnal 'byor dag gis ji ltar bde bar gnas par bya'o//lhan cig skyes pa'i gshin rje'i gshed kyi rnal 'byor gyi gnas skabs ni bdag nyid kyi gzugs lta bu rang bzhin gyis grub pa'i gshin rje'i gshed du nga rgyal byed par brjod par bya ste/rang bzhin gyis grub pa'i zhal gcig pa phyag gnyis pa gshin rje'i gshed kho na nga'o zhes so/ /rnal 'byor chen po'o/ /rnal 'byor bzhi dang ldan pa 'dis thun gnyis kyis sam/ thun bzhes kyang rung ste/ da ltar mngon par 'dod pa'i dus su rtag tu yongs su rdzogs pa'i bar ji srid du'o//de nas 'bum phrag gi mthar mtshan thog thag tu bzlas par bya ste/ sngon du bsnyen pa byas par 'gyur ro/ /de nas las thams cad pa'i thab kyi cho gas mar dang sbrang rtsi dang me tog dmar pos stong phrag bcur sbyin sreg bya ste/re re zhing gsang sngags bklags nas so/ /o~M hrIHSh+T+rIHbi kr-i tA na naman+t+ra sid+d+him+me de hI ti hU~M hU~M phaT phaT swA hA/ de nas las thams cad pa'i dngos grub kyi gsang sngags 'grub par 'gyur ro/ /dmar po zhes pa'i lha la sogs pa'i le'u ste dang po'o// //'dir bcom ldan 'das mas gsol pa/ bcom ldan 'das kyi phyag rgya che'i/ /dngos grub ji ltar 'gyur ba dang / /rnam pa ci yis bsgrub bya ba/ /de yang bcom ldan 'das gsung gsol/ /kha yis kha la 'o byas nas/ /phan tshun dam po yis ni 'khyud//mchog tu dga' ba'i gzugs kyis ni/ /dga' ma bshad par bya yis nyon/ /gar byed pa'i rnam pa'i rnal 'byor ba dag nyid kyi gzugs gang yin pa/ bcom ldan 'das mchog tu rnam par ma chad par 'bab pa ste/ dper na chu klung gi rgyun rab tu 'bab pa bzhin no//'dir ji srid du bsgoms pa las skyo na sngags bzlas par bya'o/ /bcom ldan 'das kyi gzugs gal te myur du grub par 'gyur gyi gzhan du ma yin no/ /ji srid du/ 'di'i dngos grub kyang phyag rgya chen po'i dngos grub kho na de'o/ / 'di rnams kyang rnal 'byor goms pa kho nas thams cad sgrub par byed kyi gzhan du ma yin no/ /skyes bu'i goms pa'i sbyor bas thar pa'i don dang 'dod pa'i don byung ba dang ma byung ba dang sngon du gnas pa rnams rnam pa sna tshogs pa dang sangs rgyas nyid kyi dngos grub kyang skye ba 'di nyid la 'gyur ro//las thams cad yongs su spangs nas der son pa'i yid du gyur nas/ ji srid rang nyid 'ongs nas smra bar byed de/ kye kye sgrub pa po mchog ci yin pa de stsal bar bgyi'o/ /de nas mchod yon byin nas phyag byas te dngos grub blang bar byas pa de sbyin par byed do//o~M hrIHSh+T+rIHpi kr-i tA na na A gats+tsha A gats+tsha hU~M hU~M phaT phaT swA hA/ de nas rdo rje ro la ngas ma sgrub par 'dod na/ rdo rje ro langs ma'i gzugs brnyan bya ste/ ras sam 'bras bu la bya'o/ /rje btsun gyi kha dog dang dbyibs mdun du yang dag par bzhag nas/ji ltar 'byor pa'i mchod pa byas te/ de dag rang rang so so'i gzugs ma 'dres pas kun tu mthong ba de srid du bzlas par bya'o/ /ji srid du 'ongs nas sgrub pa po la 'khyud de smras pa/ kye sgrub pa po khyed kyi bka' bsgo ba ci lags/sgrub pa pos mchod yon byin nas smra bar bya ste/ bdag gi chung mar 'gyur ba'o zhes pas chung mar 'gyur ro/ /de la longs spyad pas gshin rje'i gshed kyi gzugs su grub par 'gyur ro/ /o~M dwe Sha ra ti A gats+tsha A gats+tsha nu da nu da tru Ta tru Ta hU~M dzaHswA hA/ yang na o~M badzra bet+ta li A gats+tsha A gats+tsha hU~M dzaHswA hA/ gzhon nu ma lo bcu drug lon pa yan lag bzang mo bag mar blangs pas sam/ yang dag par bzung nas/ bskyed de skal ldan mar byas te/ dbang bskur ba'i rnal 'byor ma sngags kyi sgom pa'i tshul gyis yang dag par mchod de/lag pa g.yon pas 'khyud la rnal 'byor ma'i gzugs su bsams nas ji srid du 'bar bar gyur pa de srid du bzlas par bya'o/ /de nas de la bzung nas gshin rje'i gshed kyi gzugs su grub par 'gyur ro/ /oM badzra bet+ta li dz+wa la hU~M dzaHswA hA/ zhes bzlas par bya'o/ /de nas gti mug gshin rje'i gshed sgrub par 'dod na/ gti mug gshin rje'i gshed kyi cha lugs su byas nas g.yas pa dang cig shos kyi rkang pa'i mthil gyis pad+ma mnan te/ ji srid du kye sgrub pa po zhes bos nas bka' bsgo ba ci lags zhes smra bar byed pa dang /ci bgyi bar 'gyur zhes smra ba de srid du bzlas par bya'o/ /de nas brtsams te 'jig rten gsum gyi rgyal srid kyang ster ro/ /dngos grub gzhan lta smos kyang ci dgos/ de bzhin du phra ma gshin rje'i gshed dang / 'dod chags gshin rje'i gshed/ phrag dog gshin rje'i gshed sgrub par 'dod na de bzhin nyid du 'bras bu srub pa'i gsang sngags ni/ o~M mo hA ya mAn+ta kr-ita a gats+tsha A gats+tsha hU~M hU~M phaT phaT/ o~M pi shun ya mAn+ta kr-ita a gats+tsha A gats+tsha hU~M hU~M phaT phaT/ o~M rA ga ya mAn+ta kr-ita A gats+tsha A gats+tsha hU~M hU~M phaT phaT/ o~M Ir+Sha ya mAn+ta kr-ita A gats+tsha A gats+tsha hU~M hU~M phaT phaT swA hA/ zhes bzlas par bya'o/ /de nas gti mug dga' ma sgrub par 'dod na gti mug dga' ma lta bu'i sngar brjod pa'i lha mo'i gzugs ma he la zhon pa bdag nyid dang lhan cig pa byas nas sngar bzhin du mnan te/ ji srid du 'ongs nas ci bgyi bar 'gyur ro zhes smra ba de srid du bzlas par bya'o/ /de nas brtsams nas sgrub pa po mngon par 'dod pa phun sum tshogs par 'gyur ro/ /de bzhin du phra ma dga' ma dang / 'dod chags dga' ma dang / phrag dog dga' ma bsgrub par bya'o/ / de nas sngags ni/ o~M mo hA ra ti A gats+tsha A gats+tsha hU~M dzaH o~M pi shu nA ra ti A gats+tsha A gats+tsha hU~M dzaH o~M rA gA ra ti A gats+tsha A gats+tsha hU~M dzaH o~M Idz+ya ra ti A gats+tsha A gats+tsha hU~M dzaH zhes bzlas par bya'o/ /yang na/ o~M badzra tsartsi ke a gats+tsha A gats+tsha hU~M dzaH de bzhin du/badzra wA rA hI/ badzra swa ra swa sti/ badzra gau rI zhes bzlas par bya'o/ /de nas gnod sbyin sgrub par 'dod na/ de'i tshe 'jig rten gyi dngos grub sgrub pa'i 'du shes kyis gnod sbyin gyi gzugs brnyan byas te/ de mnan te bsgrub par bya'o/ / bka' bsgo ba thams cad phun sum tshogs par 'gyur ro/ /de bzhin du gnod sbyin mo dang / klu dang / klu mo dang / dang / mo dang / sha za dang / sha za mo dang / lha dang / lha mo dang / mi dang / mi mo yang ngo / /gzhan yang mngon du bsgrub par byas te/o~M hrIHSh+T+riHbi kr-i tA na na che ge mo sA d+ha ya sa d+ha ya hU~M hU~M phaT phaT swA hA/ zhes bzlas par bya'o/ /de nas rdo rje da byug pa sgrub par 'dod na/ skar ma rgyal la rdo rje'i dbyug pa shing las byung ba sor mo sum cu pa'i dbyug pa byas nas/ ba byung lngas byugs te/tsan+dan dang / me tog gi phreng ba sa nye bar mdzes par byas pa'am/ yang na gang zhig rtse mo ral gri'i tshul gyis bzung nas ji srid du 'bar bar gyur pa de srid du bzlas par bya'o/ /de nas dbyug pa 'dzin par 'gyur te/ gshin rje'i gshed dang mtshungs par pha rol gnon to/ / o~M hrIHSh+T+riH bi kr-i tA na na badzra da N+Da dz+wA la ya dz+wA la ya hU~M hU~M phaT phaT swA hA/ zhes bzlas par bya'o/ /de nas thod pa sgrub par 'dod na bdud 'joms pa'i gzugs thod pa sor mo sum cu so gnyis pa byas nas sngar bzhin du lag pa g.yon par bzhag ste/ lag pa g.yas pas bkab nas ji srid du 'bar bar gyur pa de srid du bzlas par bya'o//'bras bu ni de lta bu kho na'o/ /sngags la ni/ ka pA laM dz+wA la ya zhes pa khyad par ro/ /de nas dbyug pa'i phyag rgya bsgrub par bya ste/ de'i tshe lag pa g.yas pa khu tshur byas nas sdigs mdzub brkyang bar bya'o//de'i phyag rgya bcings nas ji srid du 'bar bar gyur pa de srid du bzlas par bya'o/ /de nas gshin rje'i gshed kyi gzugs kyi dngos grub tu 'gyur ro/ /sngags la ni/ daN+Da mu drAM dz+wA la ya/ zhes pa khyad par ro/ /'di ni 'dod pa lnga po thams cad la nye bar longs spyod pa nyid kyis thams cad bsgrub par bya'o zhes te/ji ltar rnyed pa'i dam tshig gi rdzas bsam pa rab tu rdzogs pa'i don du bza' bar bya zhing / btung bar bya'o/ /yang nas yang du gang ci 'ang rung / /de kun gdon mi za bar yang / /bza' bya thams cad btung bar bar bya/ / phud kun gshin rje'i gshed la dbul/ /zhes pa dngos grub chen po sgrub pa'i cho ga'i le'u ste gnyis pa'o// //de nas dngos grub phran tshegs sgrub par 'dod na/ de la zhi ba can la sogs pa bsgrub par bya ste/ gro ga la yang lan brgya rtsa brgyad du bsngags pa'i 'o mas rtsibs bcu gnyis pa'i 'khor lo so go tha dad pa mngon par bri bar bya'o//de'i shar sgo nas brtsams te/ g.yas skor gyis yi ge bcu gnyis bri bar bya'o/ /o~M hrIHSh+T+riHbi kr-i tA na na hU~M hU~M phaT phaT/ dbus su chu'i sa bon baM yig bri bar bya ste/ ra~M yig gnyis kyi kha sbyar la bsgrub bya'i ming de'i dbus su bri bar bya'o/ /phyi rol tu yi ges bskor bar bya'o/ /de nas kha sbyor du byas nas skud pa dkar pos dkris nas myos byed kyis dkris te brgya rtsa brgyad du byin gyis brlabs la 'o mas gang ba'i bum pa bcug ste/ sngags bzlas par bya'o/ /ji ltar 'byor ba'i mchod pa byas nas/ o~M hrIHSh+T+riHbi kr-i tA na na ba de ba dat+ta s+ya shAn+tiM ku ru hU~M hU~M phaT phaT swA hA/ zhes bzlas pa bya ste zhi bar 'gyur ro/ /'jig rten pa rnams kyisdig pa dang nad la sogs pa nye bar 'tshe ba la grong gi phyogs bcu rnams su/o~M hrIHSh+T+riHpi kr-i tA na na a mu ka gru ma s+ya sarbo pa dra wa shAn+tiM ku ru ku ru he he ba liM gr-ih+Na gr-ih+Na phaT phaT swA hA/ zhes pa 'dis lan bdun du byin gyis brlabs nas cho gas gtor ma sbyin par bya'o/ /phyi rol la sogs par mdun du byas te 'o mas sbags pa'i sbyin sreg grong gi dbus ji srid par byas na nye bar 'tshe ba thams cad zhi bar 'gyur ro//de nas rgyas par bya bar 'dod na sngar bzhin du rdo rje gnyis mngon par bris te/ yi ge bcu gnyis po rnams kyi dbus su b+h+ru~M yig dkyil 'khor gyi 'khor lo'i rdo rje bri bar bya'o/ /de'i dbus su bsgrub bya'i pau Sha Ta gnyis kha sbyar ba bri bar bya'o//phyi rol tu gur gum gyis gru bzhi pa'i ri mo gsum gyis bskor bar bya'o/ /de skud pa ser pos dkris nas brgya rtsa brgyad du mngon par bsngags te/ mar dang sbrang rtsis gang ba'i bum par bcug nas sngags bzlas par bya'o//ji ltar 'byor pa'i mchod pa byas nas sngags bzlas par bya ste/ o~M hrIHSh+T+riHbi kr-i tA na na b+h+ru~M pau ShaT lha sbyin gyi puSh+TiM ku ru pau ShaT hU~M hU~M phaT phaT swA hA/ zhes bzlas par bya'o/ /ji srid du nor 'phel zhing rgyas par gyur gyi bar du'o/ / sngags bzlas pa'i bar ma chad par zho'i zan gyis sbyin sreg bya'o/ /de nas dbang du byed par 'dod na sngar bzhin du 'khor lo gnyis la se na rtsi'i khu bas yi ge bcu gnyis po rnams mngon par bris te/ dbus su hriHyig ku ru kum+b+ha'i sa bon no/ /dbus su hoHyig gnyis kha sbyar ba kun tu bri'o//phyi rol tu gru gsum pa'i ri mos bskor bar bya'o/ /de nas srad bu dmar pos kun tu dkris nas brgya rtsa brgyad du byin gyis brlabs la mar dang sbrang rtsis gang ba'i kham phor la rgya skyegs kyi khu bas bris te bcug nas ji ltar 'byor pa'i mchod pa byas nas sngags bzlas par bya'o//o~M hrIHSh+T+riHbi kr-i tA na na hrIHhoH lha sbyin gyis lha byin la/ wa sha ma na ya hoHhU~M hU~M phaT phaT swA hA/ zhes ji srid dbang du gyur gyi bar du bzlas par bya'o/ /sngags bzlas pa'i mthar ni lan tshwa dang lhan cig pa'i me tog kha dog dmar po'i sbyin sreg bya'o//de nas gong bu dgug par sems na dur khrod kyisol ba dang sa'i gzugs brnyan gyi dbus su sngags dang de nyid kyi ming snying gar bcug ste/ rkang pa'i mthe bos man nas bzlas pa bya ste/ 'di kho na bsgrub bya'i gong bu zhes ji srid du gong bu khugs par gyur gyi bar du bzlas par bya'o//sngags la ni/ wa sha mA na ya'i gnas su A kaR+Sha ya hU~M zhes pa dang / hoHyig gi gnas su dzaHzhes pa ni khyad par ro/ /oM marme marmA a bi g+hA te oM tsartsi ke ha ra ha ra puk+kaM mA ra ya mA ra ya che ge mo'i ched du dzaH oM gaM b+hi re tsartsi ke pad+ma hU~M sho Ni ta prI ye gaM b+hI re che ge mo la dzaH/shing gcig gam/ dur khrod dam/ ri bo ru/ lhor mngon par phyogs pas gcer bur byung nas brgya rtsa brgyad du bzlas par bya'o/ /de nas 'grub par the tshom med do/ /bcom ldan 'das sngags kyi cho ga ji lta bu/ bcom ldan 'das kyis bka' stsal pa/dben par gcig pu can du gyur pas rje btsun gyi bris sku rab tu gsal ba dang phyogs bcur gnas pa'i bla ma dang / sangs rgyas dang / byang chub sems dpa' rnams mngon sum du byas nas mi'i rus pa bcad pas khrag chen po dang /bya rog gi khrag gis sor mo bcu gnyis pa'i rtsibs bcu gnyis pa'i rnam pa'i 'khor lo'i dbus su rlung gi sa bon no/ /de'i khongs su dgra'i ming rnam par bcad pa dang bcas pa kha sbyar la/ bya rog gi mgrin pa la bcings nas gal te ma bkrol ba de'i tshe tshar gcod do//de'i tshe tshar ma chod na de la sa bon bcu gnyis bri bar bya'o/ /phaT phaT hU~M hU~M na na ta kr-i bi Sh+T+rIHhrIHoM/ ji ltar 'byor pa'i mchod pa byas nas stobs po che yis bdug pa byin nas gal te rgyun la bskur bar bya'o/ /gal te ma yin na khwa ta'i gshog pa la lan bdun du bsngags te khyim gyi sgo ru ming nas smos na 'phral du skrod par byed de de tshar gcod do//de bzhin du rtsibs bcu gnyis pa'i 'khor lo'i dbus su tsha ba gsum dang / dug dang / ske tshe dang / rus pa chen po dang / bud shing gis me'i sa bon gyi dbus su rnam par bcad pa dang bcas pa'i ya yig gnyis kha sbyar la Tha yig gnyis kyis phyi rol nas bskor te me'i shing gi me la gdung bar bya'o//de'i skad cig la bu dang chung ma dang bcas pa dang / 'khor dang bcas pa 'chi bar 'gyur ro/ /gal te ma yin na mi'i rus pa sor bzhi pa la lan bdun du mngon par bsngags par byas nas dgra'i sgor sgor sba bar byas na//de yi rigs 'joms par byed do/ /de bzhin nyid du sa bon bcu gnyis yongs su gyur pas rtsi bas bcu gnyis pa'i 'khor lo'i dbus su tsan+danal 'tsho ba'i shing ngam/ gzhan gyis mi thub pa'i 'khri shing gis chu'i sa bon gyi dbus su'o//de nyid gnyis kyis kha sbyar la Tha yig gnyis kyis phyi rol du bskor bar bya'o/ /brgya rtsa brgyad bzlas pa'i 'o mas snga ma bzhin du me tog dmar po 'bum phrag gcig gis rgyal po 'chi bar byed cing de las gzhan du yang rgyal po bran gyi dngos por mi 'gro ba//de'i tshe bdag nyid mtshams med pa lnga byed par 'gyur te nges pa'o/ /yang na shing se pha li ka'am/ de dang 'dra ba'i me tog dmar po rnams kyis so/ /de bzhin nyid du sa bon bcu gnyis kyis yongs su gang ba'i kham phor du bzhag nas bzlas par bya'o//lha dang / lha ma yin dang / mi'am ci dang / lto 'phye chen po dang / sbrul gdug pa dang / mkha' 'gro dang / mkha' 'gro ma dang / gnod sbyin dang / srin po dang / gdul dka' ba'i mi dang / mi bdag rgyal po la sogs pa rnams 'bangs dang 'bangs mo'i dngos por 'gro bar byed do//gshin rje'i gshed dmar po'i rgyud du thun mong gi zhi ba can la sogs pa'i cho ga'i le'u ste gsum pa'o// //de nas mnga' bdag dam 'khyud cing / / tshems kyis ma mchu btsir mdzad nas/ /sems can don phyir phan pa'i dngos/ /bdag med ma yis zhus pa ni/ /bcom ldan ji ltar sems can rnams/ /ji ltar rgyal po rnams su 'gyur/ /bcom ldan 'das kyis bka' stsal pa/ /ngo ma chogs pa'i phyir lha mo khyod la bshad par bya'o//a yig dang ba yig dag las kyang gzhan du me tog bzhi la ba Ti ka byed du bcug la skar ma rgyal la sa gsum po bsgrub par bya'o/ /rgyal rigs kyi rigs kyi khyim lnga ru gsang sngags stong phrag bzlas par bya'o/ /rnal 'byor ma'i rdo rje nyi mas rang gi sngags kyis bsang gtor dang /rang gi gsang sngags sgrub pa ni sdon du khri bzlas pa'i sgrub pa las so/ /gser dang / dngul dang / byi ru dang / baiDUr+ya dang / mA li ka la bsnyen pa 'bum phrag gcig byas nas/ de bzhin du bcu'i cha shas kyi sbyin sreg bya'o//rdo rje'i sa la 'bad pa las slar yang / rta~M pa~M tsa~M pa~M ra~M/ phyogs rnams su rnam par gzhag par bya'o/ /dbus su rgyan thams cad kyis brgyan pa gsang sngags la brtson pa mnyam par bzhag pa'i rnal 'byor pas gang sngags kyi lha'i bdag nyid rnams la nyer spyod lnga'i mchod pa rnams kyis dang /phyogs bzhir rdo rje thod pa rnams su yang dag par gang ba'i gtor ma byas te phyi rol tu phyogs kyi gtor ma bcu byas nas de bzhin du mchod sbyin gyi shing las byung ba'i dbyug pa rnams kyis bgegs la phur bus 'debs shing 'gying ba dang bcas pas gsang sngags klog pa'am/phyi rol du yang de nyid kyi ngos bzhi'i phyi rol du a~M ya~M bra~M shra~M'o/ /gtor ma sbyin pa sngon du 'gro bas dril bu dkrol te/ de bzhin du klog par byed pa'i klog pa po dang / sgrub pa po bzhi yis gar byed pa la brtson pa'o/ / sha bkag pa'i phyir bza' ba ma yin pa med do zhes sa lu la sogs pa lnga bza'o/ /bsod nams rnam pa bzhi zhes shes par bya ste/ /dbye ba ji lta ba shes par bya'o/ /yongs su gang ba'i thod pa ru chang gi btung ba cung zad bya'o/ /thab tu yang blo dang ldan pas sbyin sreg bya'o/ /ji ltar gsang sngags mnyam par gzhag pas dpa' bo'i dbang po nyid bsgrub par bya'o//de nas sbyin sreg 'bum phrag gcig byas na gal te 'dod na thun mong du 'khor los sgyur ba'i rgyal srid thob bo/ /'di nyid kyis nyis 'gyur gyis 'gyur ba 'dir the tshom med do/ /de nas lha mos gsol pa/phra mo'i rgyal srid thob pa la dgra 'byung ste/ thabs ches mang po ci zhig gis lha'i dbang po yid kyi shing rta yang dag par gang bar 'gro ba lags/ bcom ldan 'das kyis bka' stsal pa/ gal te snying rje dang ldan pas sems can gyi bsam pa yongs su rdzogs par byed par 'gyur ba dang /gal te dge 'dun mchod pa'i tshogs kyi bza' bar bya ba yang rjes su nyin rer byed pa dang / de'i don yang bya ste sems can mchod par byas par 'gyur ro/ /sngags kyi bsam gtan la brtson pas dang por dbang bskur bar bya ste/rang gi snying po dang nye ba'i snying po'i gsang ba'i sngags rab tu sbyin par bya'o/ /thun mtshams gsum du gtor ma drug cu rtsa bzhi pa byin nas ji lta ba bzhin du bya'o/ /bya ba'i rang bzhin des sems can mchod pa ji lta ba bzhin du 'gyur ro/ / bkad sa lnga byas te/ gsang bar byas nas rang gi mchod sbyin gyi mthar gtor ma dbul bar bya'o/ /sngags kyi bsam gtan la brtson pas slob dpon bzhi dang rnal 'byor ma mang po dang ldan pas legs par dbang bskur bar yang bya'o/ /rgyan lnga dang ni yang dag ldan//rtag tu myos byed mang po dang / /gri gug dang ni thod par ldan/ /kun tu stag lpags sham thabs dang / /sA li rnams kyis kha bkang nas/ /kha nas kha yi nang du sbyin/ /sgrub po gcig ni rgyan kun brgyan/ /g.yon pas dril bu dkrol byed cing //g.yas nyid rdo rje gsor bar byed/ /khru lnga yi ni tshad kyis ni/ /bris sku lnga po bri bya ste/ gti mug phra ma 'dod chags dang / /phrag dog kha dog dbye bas bri/ /dkar po ser dmar sngo bsangs rnams/ /rang rang gzugs kyis bri bar bya/ /dbus su gshin rje'i gshed bri'o//sngags la mchog tu gzhol ba yis/ /sbrang chen snag tsha byas nas ni/ /mchog gi rus pas bri bar bya/ /a yig dang ni ba yig dag /'bum phrag bzhi po yang dag rdzogs/ /thab khung gru gsum pa'i dbus su/ /sbyin sreg sngags la mchog gzhol ba sa//phyi rol tu ni slob dpon gzhan/ /bzhi po rnams kyis de bzhin du/ /thab tu 'khrul 'khor gsum yang bya/ /phyi nas sa bon bcu gnyis dang / /de bzhin 'khor lo bcu gnyis la/ drug /sngags kyis bon bri bar bya//gro ga sor bcu drug nyid la'ang / /ming med kyi ni khrag nyid la/ /sen rtsi yis ni bsres pas sam/ /yang na rgya skyegs khu bas so/ /yam rA dza sa do me ya/ /ya me do ru Na yo da ya/ /ya da yo ni ra ya k+She ya/ yak+She yats+tsha ni rA ma ya//lha mo gsang sngags rnyed dka' 'a 'di/ /bdag gis ngo ma chogs pas bshad/ /'di yi sngags kyi mthu stobs kyis/ /bdag gis sangs rgyas nyid sgrub ste/ /'jig rten gsum gyi dbang phyug 'gror/ /gsang sngags brtson pas sbyar byas na/ / sde dang bcas pa bar snang la/ /'gro 'gyur 'di ni the tshom med/ /gshin rje'i gshed dmar rnal 'byor pa/ /kha cig rtag tu dam tshig brtson/ /rigs lnga'i bsnyen pa ldan pas kyang / /'bum du bzlas pas bri bar bya/ /shar du byas pa'i bkad sa ru//kham phor gnyis kyi dbus su mar dang sbrang rtsis yang dag par gang ba la bzhag nas zho'i zan dang / yungs kar dkar po dang / lan tshwa'i sbyin sreg bya'o/ /nub kyi 'dab ma la de dang mtshungs pa'i kham phor la/ me tog dmar po dang / sen rtsi dang / rgya skyegs kyi khu ba bsres bas sbyin sreg bya'o//byang phyogs kyi 'dab ma la sbrang chen gyis gang ba'i kham phor la yang dag par bzhag nas thab khung gru gsum du shing sit+tha ka shu dang / shing saM ko tsa kaN+Da ka dang / dug dang / ske tshe rnams kyis sbyin sreg bya'o/ / dgu yi bdag nyid can 'bad pas/ /dang por dam tshig byas nas ni/ /rgyan lnga yis ni brgyan pa yis/ /rnal 'byor ma yang de dang mtshungs/ /sna tshogs rin chen rang bzhin brgyan/ /rnga yab dkar pos brgyan pa yi/ /rdo rje dril bu'i lag dag gis//yang nas yang du gtor ma sbyin/ /ji ltar 'os pa'i yon phul bya/ /gang gis mnyes par 'gyur ba yin/ /dbus su'ang de dang mtshungs par bya/ /mtha' ru bzhi 'gyur du bya'o/ /dge 'dun bza' ba yang bya'o/ /dman dang zhan la rjes brtse ba/ / so sor ba dag ni dam tshig mchod/ /shes rab bcas shing yon dang bcas/ /rigs ni lnga po rnams kyi ni/ /bsgrubs pa'i bza' ba de dag gis/ /me la sbyin sreg bya ba ste/ /blo bzang 'bad pas bzhag mi bya/ /dbyug gur bab pas de sgo bzhir/ /rnga bo che yi sgra bya'o//gang dang gang du sgra thos pa'i/ /pha rol sde ni rab bros nas/ /rna ba rnams ni dgas par byed/ /mig gis mthong bar mi byed cing / /sde rnams dbang du byed pa dang / /mgo la zug rngur 'gyur ba dang / /skrid pa dag ni byed pa yin/ / yang na bya'i gshog pa la bcings nas gtong bar bya ste/ gang dang gang du 'gro ba de dang de nyid du pha rol gyi sde rnams ni rang gi chung ma yang yongs su dor nas smyo bar 'gyur ro/ /bdag nyid g.yul la mchog tu gzhol bar 'gyur ro/ / glang po che rnams dang / rta la sogs pa rnams ldog ste bdag nyid kyi sde yis 'gro bar byed do/ /gang gi tshe sde las brgal ba'i g.yul byas nas dum bu dum bur ltung bar byed do/ /pho nya gcig pus gnas pas ji lta ba bzhin du 'tsho bcom gyis 'tsho bar byed do/ /de'i thal bas pha rol gyi sde'i rgyal mtshan rlung gis kun tu bskor bas sgrib par byed do//klo bur du glang po che'i tshad kyi rdo ba 'beb par byed do/ /char chen po 'beb par 'gyur ro/ /klu'i tshul gyi sgrub pas sbyin sreg 'bum gyis 'dod pa rnyed do/ /shi ba'i pha rol tu yang dgra bo de rnams 'bangs su 'gyur ro//'dis ni sum 'gyur gyis sa dang 'jig rten gsum la dbang byed par 'gyur ro/ /de nas shing se phA li kA'i 'bras bu 'bum phrag gcig gis de'i 'bras bur 'gyur ro/ /zhes pa gshin rje'i gshed dmar po'i rgyud du dngos grub phran tshegs kyi las rab 'byams kyi le'u ste bzhi pa'o// //de nas bcom ldan 'das mas gsol pa/ de nas b+ha ga la rtags yang dag par sbyor ba'i khu ba 'di nu ma rab tu 'phel bar bya ba la nad nyams pa las dang / yid bud med kyi dbang du gyur pa med pa las dang /de 'ching bar byed pa las kyang khu ba yis nu ma la bsrung ba dang bskyab pa'i sbyor ba bshad du gsol/ de nas bcom ldan 'das kyis bka' stsal pa/ khyod kyis nga la zhus pa legs so zhes gnang nas/ dang por phung po sbyang bya ste/ / phyis nas rab 'byams las brtsam bya/ /'bras bu gsum gyi phye ma gzung / /ya bak+Sha ra pA lA sha/ /zos nas bu ram 'thungs pa las/ /srin dang 'khogs pa rab tu 'joms/ /til mar ka~M ta ka'i khu ba/ /hi la mo tse'i khu ba dang //rgyam tsha 'thungs shing byugs pa des/ /drag mo shig rnams 'joms par 'gyur/ /til mar kaM ta ka'i khu ba/ /tra lan tshwa yang dag ldan 'thung zhing / /drag mo b+h+ra ma Na sbyor bas/ /lan tshwa yi ni 'joms byed 'gyur/ /hi la mo tsi'i khu ba dang / / rgyam tsha cung zad yang dag ldan/ /grib mar rab tu bcug byas nas/ /'thungs na mkhris pa 'joms par byed/ /til mar ka ta ka'i khu ba/ /rgya skyegs rtsa bar sbas byas nas/ /'thung ba'i sbyor bas til mar 'joms/ /kuSh+mAN+Da yi rkang mar khu/ /lan tshwa yang dag ldan 'thungs na//phye ma 'joms shing 'thungs pa las/ /bad kan rnams kyi mngar ba 'joms/ /nyi ma re rer bya ba'o/ /phyi nas sman ni brtsam par bya'o/ /des ni 'bras bu brtan pa sbyin/ /gzhan du 'bras bu med la dga'/ /shA la ma lI shun phye ma ni//bskams pa nying khus bza' bar bya/ /rnam pa bdun du bsngags byas te/ /tho rangs bza' ba za byed na/ /slar ba dag ji srid 'tsho yi bar/ /khrag dang khu ba 'phel bar byed/ /o~M tsaN+Da ma hA ro Sha Na i maM di bya a mr-i rta~M me ku ru hU~M phaT/ sA Ta ti dang ma hi ShaM//na ri ke la dag la yang / /wA shI'i nying khu yang dag ldan/ /phag las byung ba'i chil bu yis/ /rtags dang rna ba nu ma dang / /b+ha ga yang ni rnam par mnyes/ /lus kun rnam par mnyes pa yis/ /'phel bar 'gyur bar the tshom med//sen mo med pa'i mdzub mo ni/ /bkru bar byas nas de nyid kyis/ /skye gnas dbus su rab gzhug bya/ /dgas pas skye gnas 'phel bar 'gyur/ /se 'bru'i pags pa snyigs ma ni/ /yungs kar snum la btso bar bya/ /nu ma mnyes pas 'phel bar byed//mgo skyes 'gyur ba nyams par byed/ /yungs kar dkar po shu dag dang / /dri bzang pr-i ha tI byas pa'i/ /snyigs mas mnyes pas ling ga 'phel/ /nu ma rna ba 'phel bar 'gyur/ /gzhan gyis mi thub dkar po dang / /lag ldan pi pi ling byas pas//ma he yi yang mar sar bcas/ /'thungs pas ling ga 'phel bar byed/ /da d+hur khu bar a shwa gan/ /rtsa ba bcug nas ma he yi/ /mar gsar dang ni bsres pa dang / /da d+hur 'bras bu go Da kar/ /nyin dang mtshan du gdung bar bya//de nas ma he'i saM gu D+ha mnyes nas sngar brjod pas mtshan mo gsum du byugs nas mnyes par bya ste 'phel bar 'gyur ro/ /lham bu chu shel gyi phye ma yis mar bsgrubs nas btsun mo'i skye gnas kyi nang du byugs par bya'o/ / skye gnas lhod pa dam por 'gyur ro/ /pad+ma'i sa bon dang / ut+pa la'i sa bon dang / pad+ma'i rtsa lag dang / pu shel tse dang / gla sgang rnams til gyi til mar la btso bar bya'o/ /des b+ha ga la bskus pa las dri ngan pa dang / lhod pa dang / nyam nga ba dang / gzir ba la sogs pa 'joms par byed do//ni m+ba'i shun pa bskol ba yis b+ha ga bkru bar bya'o/ /ni m+ba'i shun pas bdug par bya'o/ /gzhon nu ma bzang mo nyid dri bzang po can/ b+ha ga bzang mo la sogs pa'i yon tan dang ldan par 'gyur ro/ /ba bla cha shas lnga dang /ki shu ka'i shing gi 'gyur byed cha shas gcig dang / chu shing gi 'gyur byed cha shas gcig chu yis btags nas byugs pa tsam gyis b+ha ga dang / mchan khung dang / rtags rnams kyispu rnams 'byi bar byed do/ /ha lA ha la dang / gser gyi phud bu bsres pa tsha ba'i til mar du/zhag bdun du bzhag pa des ling ga la sogs pa la byug par bya ste/ slar yang sgra rnams 'byung bar 'gyur ro/ /ma he dang / phag pa dang / glang po che dang / khyim bya rnams kyi mar khu dag gis mnyes pas nu ma la sogs pa rnams 'phel lo//dzA ti'i me tog til mar gyis btags pas mnyes na b+ha ga 'phel bar 'gyur ro/ /ma he'i mar gsar dang / shu dag dang / shing ku Ta rnams lte bar mnye bar bya ste nu ma 'phel bar 'gyur ro/ /chu dron mos bkrus pa las ling ga 'phel bar 'gyur ba de dang 'dra 'o/ /da N+Dod pa la'i rtsa ba dang / ba las byung ba'i mar gyis btung bar bya ste/ sbrum par 'gyur ro/ /ba la dang / a ti ba la dang / sharka rA dkar po dang / til dang / sbrang bu'i sbrang rtsi dang ldan pa btung bar bya ste/ sbrum par 'gyur ro/ /ba lA'i rtsa ba'i chus btags nas 'thungs na/ khrag 'bab pa 'joms par byed do/ / nas kyi phye ma dang / ba lang gi gcin dang / sra rtsi pog dang / shing mngar dang / mar gyi dril phyis byas na lus thams cad bzang por 'gyur ro/ /zla mtshan gyi dus su phag gnon pa'i rtsa ba rna ba la bcing ba las sbrum par 'gyur ro/ /ka lam+bI'i ldum bu bza' bar byas na khu ba 'phel lo//li khri dang / zho zos pas khu ba 'phel lo/ /bud med kyi bshang ba dang / bud med kyi gci ba sbags nas btung bar bya ste khu ba 'phel lo/ /skyu ru ra 'i phye ma chu'am mar ram/ sbrang rtsis tha ma'i dus su bza' bar bya'o/ /mig la sdug pa dang /lang tsho dang / shes rab kyang skye bar byed do/ /skyu ru ra 'i phye ma dang / 'o ma la sogs pas bza' bar bya ste/ lo'i sbyor bas tshe brgya 'o/ /skyu ru ra 'i khu ba srang gcig dang / wA gu tsI'i phye ma zho gcig btung bar bya'o/ /'khogs pa la tho rang sa 'o ma zla ba gcig tu zos na lo lnga brgya'i tshe ru 'gyur ro//wA gu tsI zho gcig dang / dar ba dang / chu dang / phabs dang / 'o mas kyang rung ste 'thungs na zla ba drug gis lang tsho la sogs pa dang ldan no//muN+Di ra 'i phye ma mar gyis bza' bar bya ste/ nyi ma nyi shu rtsa gcig gis lo bcu drug gi rnam par byed do//Sha Na'i sa bon gyi phye ma srang gcig dang / sA lu dmar po srang gcig pa kha dog gcig pa'i 'o ma kham phor gnyis kyis bza' bar bya ste/ thog mar 'o ma kham phor gcig zad par 'thungs nas pa Na la sogs pa de la byin nas btung bar bya'o//de nas bza' bar bya'o/ /'khogs pas 'o mas btung bar bya ste/ nyi ma bdun phrag gsum gyi bar ji srid bar rlung dang tshad pa spang ngo / /bya ba ji lta ba'i bya ba phyi ma de lta bus de'i skra la sogs pa ltung bar byed do/ /de nas skra dkar dang gnyer ma spangs te lo brgya phrag lngar 'tsho bar byed do//khrag skrod pa'i rtsa ba mar dang sbrang rtsis byi la'i rkang pa tsam bza' bar bya ste/ 'bras bu ni de lta bu kho na'o/ /skyu ru ra dang / a ru ra dang / bung ba'i rgyal ba dang / pi pi ling dang / na le sham dang / lcags kyi phye ma rnams/sbrang rtsi dang / sha kha ra dag gis u dum bA ra'i 'bras bu'i tshad kyi ril bur bya'o/ /de nas ril bu bza' bar bya ste/ zla bas tshe lo sum brgyar 'gyur ro/ /ku mA rI'i 'bras bu srang gcig /mar dang / zho dang ldan pas bza' bar bya ste/ stobs chen por 'gyur ro/ /b+ha drA lI dang / li ga dur sum 'gyur gyi a ru ra/ chu cha gcig la sogs pas zos pas stobs chen por 'gyur ro/ /thams cad du bdag nyid lha'i rnam pas bza' bar bya'o/ /sngags kyis chu byin gyis brlab par bya'o/ / khu ba rengs pa'i le'u ste lnga pa'o// //de nas dan da'i shing gi rtsa ba phabs kyis btags nas mgo la mnye bar bya ste/ mgo bo'i gzer 'joms par byed do/ /sbrang dang / mar dag gis mig sman du bya ste/ mtshan mo long ba 'joms so/ / shing se phA li kA'i rtsa ba zos pa las lba ba 'joms par byed do/ /la phug gi sa bon dang / pri yang ku dang / tsan+dan dmar po dang / ru rta btags nas dril phyis byas pa las spre'u la sogs pa rnam par 'joms so/ /ri dwags kyi sha skam po ra 'i 'o mas btung bar bya ste/gza' rnams 'joms so/ /skyu ru ra dang / pi pi ling dang / tsi tra ka dang / sge'u gsher dang / bu ram rnying pa dang / mar dang sbrang rtsi mnyam par bza' bar bya ste/ dus ma yin pa'i lud pa dang dbugs mi bde ba 'joms so/ /sge'u gsher dang / zi ra nag po dag zho'i nying khus kyang rung ste/lan tshwa dang lhan cig tu btung bar bya'o/ /des khrag sri ba rnam par 'joms so/ /li khar dang / ya bak+ShA ra mnyam par bza' bar bya'o/ /so b+hAny+dza na bskol ba btung bar bya ba 'am/ yang na rde'u 'joms pa btung bar bya'o//a ru ra dang / tsi tra ka chus btung bar bya ste/ mchin pa'i nad 'joms so/ /zi ra nag po bu ram gyis bza' bar bya ste/ rims 'khor ma 'joms so/ /ya bak+ShA ra'am/ zho btung bar bya ste/ rlung nad rnam par 'joms so/ /tsha ba'i til mar la byi tang ka dang /rgyam tsha byin nas cung zad bsros pa'i nying khu btung bar bya ste/ me sbar zhing / srin bu rnams rnam par 'joms so/ /a ru ra dang bu ram gyis bza' bar bya ste/ khyi rngo rnam par 'joms so/ /a ru ra dang / sga skya bza' bar bya ste/ rlung nad 'joms so//rtswa dur ba la yung bas btags nas byug par bya ste rngo 'joms so/ /'di nyid kyis kuk+ka ra dang / shu ba dang / 'brum bu dang / ku rA 'joms pa la sogs pa rnams 'joms so/ /bu ram dang tsha ba'i til mar btung bar bya ste/ dbugs mi bde ba rnam par 'joms so//ardzu na dang / shing tsha mar la sogs pa rnams kyis bza' bar bya ste/ snying gi zug rngu 'joms so/ /bil ba bsregs pa bu ram gyis bza' bar bya ste/ khrag 'byams pa 'joms so/ /bu ram dang mar bza' bar bya ste/ rlung dang / mkhris pa dang / bad kan dang / mdze la sogs pa rnams 'joms par byed do/ /'bras bu gsum gyi phye ma dang / mar dang sbrang rtsi rnams btung bar bya ste/ nad thams cad 'joms so/ /a ru ra 'i phye ma dang / mar dang sbrang rtsi dus gsum kun tu bza' bar bya ste/ rlung dang / bad kan rnam par 'joms so/ /ba sha ka'i yan lag lnga dang / shu dag dang / tshangs ma'i shing dang / pi pi lingaskam po phye mar byas nas rgyam tsha dang sbrang rtsi yis wa D+hi ru bya ste/ de nas bza' bar bya'o/ /dus ma yin pa'i rlung dang bad kan 'joms so//shAl+mA li dkar po'i shing shun phye mar byas nas pad+ma'i sa bon dang / ku mu da'i 'bras bu lhan cig gcig tu byas nas btags te/ rtsa ba'i sngags stong phrag gcig tu bzlas nas la du'i ril bu'i tshad kyi ril bu byas te/ grib bskams byas nas ban po Du'i khu bas bskam par bya'o//tho rangs thos nas ji srid 'dod par btung bar bya ste/ rmongs byed med par 'gyur ro/ /dbyangs kyang snyan par byed do/ /tshangs ma'i shing dang / shu dag dang / sga skya dang / pi pi ling dang / a ru ra dang / ba sha ka dang /seng ldeng rnams sbrang rtsis ril bur byas nas bza' bar bya ste 'bras bu ni de kho na bzhin no/ /gshin rje mo dang / a ru ra dang / sga skya dang / rgyam tsha dang / mA nas ma na rnams bza' bar bya ste/ 'khogs pa thams cad 'joms so/ /sle tres kyi khu ba dang / sbrang rtsi btung bar bya ste gcin nad 'joms so/ /mA tra la 'o ma dang / pi pi ling gi phye ma dang / mar dang sbrang rtsi rnams btung bar bya ste/ rims phra mo dang ludapal sogs pa rnam par 'joms par byed do/ /ngo tsha can dang / de bzhin du mda' ltong dag gi rtsa ba mig chu'i chu yis btogs nas rab tu byug par bya'o//sle tres kyi rtsa ba yang bza' bar bya ste/ rtsa'i rma 'joms par byed do/ /sga skya ya bak+ShA ra yis bza' bar bya ste/ dang kha bde bar 'gyur ro/ /dza yan ti'i sa bon/ na le sham dang lhan cig btung bar bya ste/ sdig pa'i nad 'joms so/ /'bras bu gsum dang / bo li ka nag po dang / sa'i 'jim pa dang / d+h+r-ing+ga rA dza dang / sa ha kA ra 'i sa bon dang / lcags phye dang / tsab mo ste 'di rnams kyis bsdam par bya'o/ /de nas gu gul gyis skra la bdugs nas des des mnye bar bya'o//de nas nyi ma bdun du bcings nas gdung bar bya ste/ skra'i mig sman no/ /rma bya'i mkhris pa dang / b+h+r-ing+ga rA dza da ga /ba las byung ba'i mar la bcos nas sna la sbyin par bya ste/ skra'i mig sman no/ /sa'i rnam 'joms shing dang / tsha ba gsum cha mnyam par phye mar byas nas lug kong gi dbus su skur zhing rim pas lug kong kha sbub bo//ka pita'i til mar bzung nas rtag tu thigs pa gnyis snar blugs pas gnyer ma dang skra dkar po spong ngo / /'dis mnyes pa'i khu bas mdze la byugs pas zhi bar 'gyur ro//'phral gyi mar gsar gyis ma nyes pa'i mu zi dang / mA sa kA lhan cig pa'i khu ba to la gcig dang / 'bras sA lu dang / tsI lo ni A sa'i gong bus bum pa'i 'khrul 'khor gyi bum pa'i nang du mU Shi kA yis bkab la bye ma dang lhan cig me la byin pa las ro 'ching ngo //za ba las ni nyi ma'i tshogs kyi be'u'i brun bzung nas ril bur bya'o/ /rgya spos kyi rtsa bas bsab tags nas dkri bar bya'o/ /ril bu re re zos nas dug bza' ste/ dug rab tu med par 'gyur ro/ /zhes pa rgas pa 'joms pa'i le'u ste drug pa'o/ / kye bcom ldan 'das dbang du byed pa'i cho ga gsungs shig /bcom ldan 'das kyis bka' stsal pa/ gzhan gyis mi thub pa dkar po'i rtsa ba la khu bas ba D+hi kA byas pa'i thig les bud med dbang du byed par 'gyur ro/ /tshangs pa'i dbyug pa dang / shu dag dang / ru rta dang /sbrang rtsis btagasal dril phyis byas na gang 'dod pa de dbang du 'gyur ro/ /da N+Dod pa la'i rtsa ba dang tam+bu la yis sbyin par bya'o/ /de bzhin du tshangs pa'i dbyug pa dang / shu dag dang / ru rta dang / nag ge sar dang / tam+bu la byin na dbang du 'gyur ro/ / gi waM dang rang byung gi me tog gi thig les skal ba dang ldan pa dbang du 'gyur ro/ /gi waM dang / shi shu lo la dang / b+h+r-ing+ga rA dzas lhan cig skar ma rgyal la wa D+hi ka bya ste thig les dbang du byed par 'gyur ro/ /b+h+r-ing+ga rA dza'i rtsa ba la bdag nyid kyi khu bas mig sman bya'o//de bzhin du rma bya'i gtsug phud dang / shi ba'i phreng ba dang / khwa ta'i lce skam po'i phye ma gang gi mgo la byin pa de dbang du 'gyur ro/ /ba lang gi so dang bza' ba dang btung ba btags nas byin na dbang du 'gyur ro/ /khyab 'jug gnon pa'i rtsa ba rtagasal byugs nas dga' bar byed pas de bzhin no//skar ma rgyal la da d+hu ra 'i 'bras bu bzung nas skar ma skag la shing shun no/ /me bzhi la 'dab ma'o/ /nag pa la me tog go /snrubs la rtsa ba'o/ /cha mnyam pa'i phye ma la sbrang rtsis ba D+hi kA ru bya'o/ / ras bal la btums nas bskam par byas te/ tam+bu la la byin nas dung gi phye mas dbang du 'gyur ro/ /shing arka'i sol ba dang / khyi smyon gyi rkang pa g.yas pa'i mthe bos gang gi ming bris te che ge mo shog cig /ces brjod pas 'ong bar byed do//du ba med pa'i me la gdung bar bya'o/ /skar ma rgyal la mi'i snum gyis gzhan gyis mi thub pa'i rtsa ba bskyed de mar khus de la bskus nas thod pa ru dud pa chags par bya'o/ /mig sman des bud med dang skyes pa dbang du byed do/ /rgya spos dang / byi tang ka dang /seng ldeng dang ru rta byin na mi 'dod pa 'joms par byed do/ /pri yang ku dang / gi waM dang / ldong ros dang / nA ga ge sar gyis mig la mig sman du byas na dbang du byed do/ /gla rtsi dang / ngo tsha can dang / da d+hu ra dang / sa ha de ba rnams dang bcas/ tsha ba'i til mar gyis dbang du byed do//na mash+tsaN+DA lI che ge mo me wa sha mA na ya swA hA/ stong phrag bcu bcu bzlas pas sngon du bsnyen pa byas nas bsnyen pa khri'o/ /dur khrod kyi thal ba la bcu bzhi la brgya rtsa brgyad du mngon par bsngags te/ bud med kyi mgo la byin na dbang du 'gyur te/rtag tu nges par sems pas slar yang dga' bzhin pa'i sems dang ldan no//khu ba rengs pa'o/ /shing khu byug gi mig dang / shi ta'i rtsa ba dang / da d+hu ra dang / gzhan yang byang gi muk+ta shi kha rkedapal bcings na khu ba rengs par byed do//sra rtsi pog dang / wA mA dA ti dang / yang namada' ltong dkar po'i rtsa bas kyang 'khrig pa las khu ba rengs par byed do/ /'jam 'bras la sbubs byas nas dngul chus bkang ste srad bus rkedapal bcings na khu ba 'dzin no/ /phag pa'i snum dang /rgya skyegs dang / ra ny+dzi ta dang / arka dkar po'i shing bal gyis dkris nas sbar na khu ba rengs so/ /sa'i 'khri shing gi phye ma'i dbus su bcug nas til gyi til mar gyis bsreg par bya ste/ khu ba rengs so/ /til gyi til mar dang / sa'i 'khri shing phye mar byas nas sam/me tog gi mar khu btung bar bya'o/ /des rkang pa'i mthil la bskus na khu ba rengs so/ /khwa ta dkar po'i rje ngar gyi rtsa ba dang / pad+ma dkar po'i ge sar dang / sbrang rtsi rnams kyis lte bar byugs na khu ba rengs so/ /pad+ma'i 'dab mas khyab 'jug gnon pa'i rtsa bar 'dab mas dkris nas wa D+hi dkri bar bya ste/khu ba rengs so/ /pa bla'i khu ba'i mig sman dang / dngul chu dang / pi pi ling dang / rgyam tshwa dang / ru rta dang / phug ron gyi brun rnams kyis ling ga la bskus nas dril phyis byas pa las khu ba rengs so/ / glang gi rwa bzung nas byugs na steng du 'gyur ro/ /shing ka pi ta'i rtsa ba dang / darbi dang / ra'i gcin gyis btags nas ling ga la byugs nas pad+ma dbye bar bya ste/ lan gsum du steng du 'gyur ro/ /b+ha ga'i chu yis bkrus na rab tu zhi bar byed do/ /'gron bu'i nang du dngul chus bkang nas kha ru bzhag na khu ba rengs so//ra 'i gcin gyis dbang po chu lha mo la nyi ma bdun du bgo bar bya'o/ /des dril phyis byas pa las ling ga rengs par 'gyur ro/ /da d+hu ra 'i rtsa ba dang / ka mA tsI'i rtsa ba dang / o Sha Na'i rtsa ba dang / ga bur gyi khu bas bsab tags nas ling ga la byugs na 'dod pa'i bud med 'dzag par byed do//rgyam tshwa dang / tsha la dang / ga bur dang / g+ho Sha'i phye ma sbrang rtsis btags nas ling ga la byugs na'ang de bzhin no/ /phug ron gyi brun sbrang rtsis btags nas ling ga la bskus na 'dod pa'i bud med 'dzag par byed do//kA mA tsI'i rtsa ba dang / tamU la shin tu dga' ba'i dus su zos na bud med de 'dzag par byed do/ /tin+ti DI smin pa dang mal+li kA rgyam tshwa bsres par byas nas rang gi mdzub mo'i sor mor bgos te/ de'i b+ha gar bcug nas rdo rje dbyings kyi dbang phyug ma'i rtsa ji srid du de 'dzag par byed kyi bar du bskyod par bya'o//ga bur dang / dngul chu dang / tsha la dang / glang po'i pi pi ling dang / sbrang rtsi rnams kyis byugs na bud med 'dzag par byed do/ /shing dza yan+ti'i rtsa bas btags nas 'bras thug po che dang /chu bsres pa zla mtshan gyi dus su de'i skye gnas la rab tu byugs na bud med mo sham du 'gyur bar the tshom med do/ /pA la sha'i sa bon btags nas byug par bya zhing / mar dang / sbrang rtsi 'thungs pa las khrag gi mtshan ma'i bud med mo sham du 'gyur ro//cha ga pa dang / phye ma leb kyi phye ma skye gnas lho dpal byin na dam por 'gyur ro/ /khu ba rengs pa'i le'u ste bdun pa'o// //mgrin pa bteg nas dam 'khyud cing / /lha la yang yang 'o byas nas//rgyal po'i dngos por byas pa gcig /'khor los sgyur bar ji ltar 'gyur/ /gang zhig gis ni nyer zhugs nas/ /gnas cig tu ni rgyal srid 'gyur/ /dgra bo g.yo med 'gyur ba dang / /dga' zhing zhabs la 'dud pa 'am/ /kun du 'gugs shing 'dren pa dang //mnga' bdag de bzhin der rgyal ba/ /sems can don du bdag la shod/ /bcom ldan 'das kyis bka' stsal pa/ /bris sku dang ni gzugs brnyan la/ /nyer spyod lnga rnams kyis mchod nas/ /drug cu rtsa bzhi yongs rdzogs pa'i/ / gtor ma thun mtshams gsum du sbyin/ /gser bum de bzhin kham phor brgyad/ /'khrul 'khor rgyas pa'i sbyor ba yis/ /de bzhin bsngags la mchog gzhol ba/ /slar yang shing rta kham phor sogs/ /mar dang sbrang rtsis bkang byas nas/ /gtso bo dpal gyi khyim du ni//gtsug tu bcing bya rdzas med pa'i/ /pho brang du ni hrIHSh+T+rI sogs/ /sngags rig blo ldan dus gsum mchod/ /ka Da ka yi byang gi char/ /'dun khang lnga po byas nas ni/ /legs par dkri ba byin nas ni/ /'bad pas sa kun sbyang bar bya/ / sa gzhi yongs su bzung byas nas/ /dkyil 'khor mchog ni bya ba yin/ /rdul tshon mdzes pas bri ba'am/ /yang na 'bras ni thug po che/ /kha dog lnga po de bzhin ldan/ /de bzhin slob dpon lnga rnams kyis/ /cung zad myos byed 'thungs nas ni/ /steng gi ri mo'i steng du ni//dgu bdag dkyil 'khor yid 'ong ba/ /grwa bzhi ru ni thod pa'o/ /rang gi 'dod lha'i rnal 'byor ldan/ /srad bus thig gdab shes rab can/ /lha mo'i dkyil 'khor ches mang ba/ /rnam pa ji bzhin mngon bri bya/ /'dab bzhir de bzhin bri bya ba//khyad par dbyug pa dkar po'o/ /dbus su dbyug pa dkar po ni/ /sna tshogs rdo rje bzhin bri bya/ /rigs ni lnga po mtshungs par bya/ /skal ldan legs par bslab byas nas/ /rgyud la sogs pa'i sbyor bas 'dir/ /rab tu 'bad pas dbang bskur sbyin/ / slob dpon gsang ba shes rab dang / /bzhi pa de slar de bzhin no/ /slob dpon bzhi po rnams nyid kyis/ /yang dang yang du gtor ma sbyin/ /dril bu rdo rje mnyam par gnas/ /sna tshogs rgyan gyis brgyan pa yi/ /kun tu ser po'i gos nyid dang / /mi yi rgyan gyis brgyan pa'o//gser dngul zangs lcags bzhi yis ni/ /bum pa dkyil 'khor yang dag dgod/ /dbus su gser gyi bum pa yang / /sna tshogs rin chen legs par mdzes/ /gser dngul zangs lcags las byung ba/ /'khrul 'khor bzhi po rnams dang ni//dbus su gser gyi 'khrul 'khor ni/ /me tog dmar pos legs mdzes pa'o/ /slar yang phyir gzhan dkyil 'khor bzhir/ /sdong po bkod sogs 'bad pas bklag /phyi ru zas kyi khang pa mal/ /bza' ba 'dus pa'i longs spyod kyang //de bzhin khur ba dang bcas gzhan/ /yon bcas dge 'dun bza' ba yang / /blo bzang 'bad pas bya ba yin/ /shar du wa Ta lho ru ni/ /a shwa t+tha nub ba ku la/ /byang du nag ge sar ro/ /shar du me tog dkar lhor ser/ /de bzhin nub dmar byang du yang //ljang gu de bzhin steng du yang / /ma ru la Da rje rigs dang / /bram ze rdo rje rin chen dbyig /shar sogs g.yas bskor bgrod pa yis/ /'di dag sa ga zla ba la/ /sna tshogs rgyan kun gyis brgyan pa'i/ /mi bdag gis ni ngos bzhi ru/ / bzhi 'gyur 'dren pa rnams dang ni/ /lhan cig mchod sbyin 'dun sa ru/ /brgya rtsa brgyad du bskor byas nas/ /pus mo g.yas pa'i lha nga ni/ /sar btsugs lag pa sbyar byas nas/ /sna tshogs rin chen la sogs rgyan/ /spras pa'i snod ni gser gyis kyang //bkang ba'i snod bcas des brjod pa/ /sa steng thams cad gnod med pa'i/ /lha yi rgyal srid bdag la stsol/ /'khor los sgyur ba'i rgyal srid dang / /dbang po nyid kyang bdag la gsol/ /de nas dpal ldan gshin rje'i gshed/ / dmar po'i slob dpon bden pa yis/ /'di ltar rgyal po chen po yi/ /yid kyi shing rta rdzogs par bgyi/ /'on kyang blo ldan gus pas nyon/ /gshin rje'i gshed kyi rnal 'byor pa/ /sngags dang bsam gtan mchog gzhol bas/ /shes rab pha rol phyin pa bklag / dzam+b+ha la la chu sbyin dang / /yi dwags gtor ma de bzhin ston/ /brtse ba'i ngang tshul 'jig rten skyong / /des khyod la sogs brjod par bya/ /mi bdag bdag la bden par smros/ /mnga' bdag bden las gzhan min pas/ /mi bdag gis bden brjod par bya/ / mgo dang snying gar rdo rje ni/ /lan gsum byin nas rgyal srid bya/ /dkyil 'khor bstan par bya ba'o/ /sdug gu bdag la smra bar bar byos/ /deng bdag skye ba 'bras bur bcas/ /mi yi 'gro ba legs par thob/ /deng nas dpal ldan gshin rje'i gshed/ /dmar po'i rnal 'byor pa bdag ni//'jig rten gsum rgyal srid byas nas/ /phyis nas dbang po la sogs pa/ /bzlog pa bdag gis byed pa yin/ /de bzhin slar yang ki lA shar/ /bud med rgyal srid byas nas ni/ /rgyal srid 'byor grub ches mang dang / /mtha' dag rgyal srid khur bzung nas//mi bdag 'phrog byed zla ba ltar/ /sangs rgyas kun dang dngos grub kun/ /gang gis myur du 'byung 'gyur ba/ /da ltar lha yis de mdzod la/ /mnga' bdag bdag la mchog stsol cig /de bzhin kho nar bden dang bden/ / mnyen gshin pas ni phyag byas nas/ /bzod par gsol nas khyim 'gro bya/ /de bzhin sna tshogs glu dang ni/ /rol mo la sogs pa rnams kyis/ /spro bar bcas pas sbyin sreg bya/ /nyi ma so sor nyer spyod bcas/ /mtshan mo byed nas tshogs 'khor dang / / shes rab bcas shing yon dang bcas/ /rim 'dis nyi ma nyi shu ldan/ /zla ba drug gis mchod sbyin rdzogs/ /de bzhin mi bdag yang dag 'ongs/ /glang po rta la sogs pa'i yon/ /byin nas mchog ni slong bar byed/ /yang nas yang du mi bdag rnams/ /gang gang de la sogs pas so//gzhan du pho nyar rab tu 'jog /rgyal srid bdag gis bzung ba nyid/ /gal te min na chad pa la/ /rab tu bzhag nas sbyin par byed/ /sna tshogs rin chen la sogs pa/ /myur 'gro rnams ni 'bul bar byed/ /rang phan skal ba bzang po la//gal te 'jog par byed 'dod na/ /de yis rgyal srid sbyin par byed/ /gang gang 'ong bar mi byed na/ /de yi ming gis 'khrul 'khor ni/ /seng ldeng me la gdung bar bya/ /skad cig de la de rmongs te/ /gzhan gyi yul du 'gro bar 'gyur/ /gtso bo'i thab kyi thal ba gang //gang gi nad sogs la byin pa/ /de dag nye bar zhi bar byed/ /gal te gso sbyong byas pa yis/ /'di ltar bzhi 'gyur sbyin sreg gis/ /dbang po nyid ni thob par byed/ /bcom ldan 'das ma kya khyod la/ /ngo ma chogs pas bshad pa yin//ci zhig rgyud kyi mchog 'di ni/ /'jig rten gsum du rnyed par dka'/ /lha mo dpal ldan kye rdo rjer/ /thar pa mchog ni bstan pa ste/ /dpal ldan bde mchog rgyud du yang / /rnal 'byor ma yi 'khor lo rgyas/ /lha mo dpal ldan 'dus pa dang / / rnal 'byor rgyud du'ang rgyas pa'o/ /dga' ma gshin rje'i gshed dmar po'i/ /rgyud du gang+gA'i klung gi ni/ /bye snyed dngos grub ches mang ngo / /lha mo gus dang bcas pas nyon/ /lha mo bdag ni mya ngan 'das/ /dbang po sogs kyis mi mthong ngo / /bi rU pA k+Sha rnal 'byor dbang / / bram ze'i rigs su 'byung bar 'gyur/ /brtson 'grus chen po stobs chen ldan/ /bdag gi chos ni ston pa po/ /'ga' zhig gis ni sbas pa'i rgyud/ /'di ni thob nas legs sbed cing / /gsang sngags 'bum phrag gcig cig bzlas nas/ / bdag ni sgrub par byed par 'gyur/ /'dzamU'i gling na sna tshogs pa'i/ /dngos grub rab tu ster bar byed/ /kr-i shu bI dzaM mAs kaM/ /'di dag bdun gyi rnal 'byor pas/ /nye bar dmigs par byed par 'gyur/ /slar yang rtsodapa'i dus su ni/ /bA la'i rigs la sa spyod kyis//rnyed nas bran la sogs pa rnams/ /rnal 'byor can rnams 'byung bar 'gyur/ /ka ling+ga dang bang+ga dang / /go Da dang ni ma ga d+ha/ /su ra ka rgyal u bi kr-i/ /bi dzi ka la'i rgyal po dang / /go da ra ma ka ling+ga/ /bi mo dzi zhes bya sogs kyi/ / rgyal po dpal ldan gshin rje'i gshed/ /dmar po'i rnal 'byor pa 'byung 'gyur/ /'ga' zhig gzi brjid ldan pa dang / /'ga' yang brtson 'grus ldan pa dang / /'ga' yang pha rol gnon pa che/ /'ga' 'dir dang por 'jig rten pa/ /slar yang sngags la mchog gzhol pas//slar yang rgyal srid dbang po sogs/ /'khor los sgyur bar 'gyur ba yin/ /gsang sngags chen po legs sbas pa/ /byis pa'i rnal 'byor la mi bstan/ /bden par sangs rgyas nyid 'dod pa/ /rgyud la 'jug pa la bstan bya//bdag gis bshad pa'i rgyud 'di la/ /dang por dbang bskur bya ba ste/ /phyi nas 'di ni bstan par bya/ /rgyud rgyal rgyud kyi mchog gyur pa/ /sngags dang bsam gtan brjod nyung ba/ /bklag pa tsam gyis 'grub par 'gyur/ /gang sdig las la dga' ba dang //dad pa dman pas 'grub mi 'gyur/ /gang yang sdig pa byed pa yang / /bslab pa 'dzin par byed na ni/ /'bad med dngos grub nyid 'grub par/ /'gyur bar 'di ni the tshom med/ /dge ba bcu las brtsams nas ni/ /phyi nas chos ni rab gsal bya/ / de bzhin de yi bya ba ni/ /ji lta ba bzhin 'gyur ba yin/ /zhes pa rgyal srid kyi bslab pa'i le'u ste brgyad pa'o// //bcom ldan 'das kye rgyal po ru/ /gyur pa chos ldan legs 'gyur na/ /chos de yang ni bdag la gsungs/ /sngags kyi de nyid mi shes dang //'dir mi bsam gtan med nyid kyi/ sems can thams cad bsgral don du/ /sngags kyi de nyid rab gsal byas/ /bsam gtan med par 'grub mi 'gyur/ /bsam gtan med na de nyid las/ /rnam pa gzhan du rgyur 'gyur ba/ /byis pa rnams ni skyo bar byed//dang po lha yi gzugs kyis ni/ /lus ni rnam par dag par bya/ /gnyis par gsang sngags bzlas pa ste/ /A li kA li bzlas pa dang / /sku gsung thugs kyi dbye ba yis/ /blo ldan yi ge gsum bzlas bya/ /de bzhin blo ldan khri phrag gnyis/ /brgya phrag bcu drug bzlas par bya//nyin dang mtshan mo'i grangs kyis ni/ /gsang sngags bzlas pa byed pa yin/ /de nas de la sna yi rtse/ /kho nar sa bon mtshan ma'i rim/ /yungs kar du yang bsam par bya/ /rdo rje skyil krungasbyor ba las/ /sems ni brtan par byas nyid kyis//rang byin rlob par yang 'gyur ro/ /ji ltar sgyu ma ji ltar rmi/ /de bzhin slar yang chu'i zla ba/ /ji ltar bla ma'i man ngag las/ /'di lta bu yi rang bzhin bsgom/ /chu la chu ni 'phrad pa bzhin/ /chu dang chu 'dus gcig pa bzhin/ /sgyu ma stong pa gcig sbyor bas//gnyis po 'di dag sbyor ba yis/ /zung du 'jug pa rab sgrub byed/ /rnal 'byor cung zad bsam mi bya/ /btang snyoms mchog tu 'gyur ba yin/ /cung zad bsam pa med nyid las/ /rang gi de nyid gsal bar 'gyur/ /bsam bya med cing bsam med gang //de yang gang du yod ma yin/ /de 'dir bsam mi khyab par brjod/ /srid pa'i shing gi sta ri ste/ /la lar rgod dang brjod dang gnas/ /la lar rab tu 'jug par bya/ /sgom par mi nus pa'i sems ni/ /ji lta'i dbye ba shes ma yin/ / sna tshogs dngos grub sgrub byed pa/ /de bzhin rnal 'byor rim pas 'gyur/ /rang blo g.yo bas 'jig rten pa/ /'dod pas mtho ris rab tu skye/ /btsun mo thams cad dga' bar byed/ /srung ba sogs kyi nyi ma mchog /la lar rgyan mang zla ba yis//lus byugs kha cig 'dam gyis byugs/ /la lar rgyan mang ci sgrub ces/ /'di las gnas pa rab dga' dang / /the tshom byed rnams sdug bsngal dang / /bde bas gnod pa med pa yin/ /de rnams 'dod na rnal 'byor pas/ /rnam dpyod med par de bya'o//'dod pa lnga la longs spyod cing / /'dod pa'i yon tan lnga rnams ldan/ /rtag tu rtse bar bya ba ste/ /'khor bar 'grol zhing grol ba'o/ /dngos dang dngos med rnam par grol/ /ngo tsha'i bya ba rnam par spangs/ /blo gros sbyor ba las 'das pa//las rnams thams cad rig pa'i mchog /ces pa de kho na nyid kyi le'u ste dgu pa'o// //kye bcom ldan 'das/ mngon par dbang bskur ji lta zhig /mnga' bdag bdag la de gsungs shig /dga' ma dbang bskur rnam pa bzhi/ / sems can sgrol byed de nyon cig /gtor bas dri ma med byed phyir/ /rdo rje skyil mo krung 'ching byed/ /de ni yang dag 'dod pa yin/ /'dzag med la sogs bde bas gang / /'di dag ji srid dri med gyur/ /byang chub sems ni spong byed pa/ /ji srid rnal 'byor pas mi bya//skye gnas phyin pa rnam par gcod/ /ji srid kun tu dga' ba'i mchog /bde ba'i gzugs ni de nyid kyis/ /yang dag ldan pa'i sangs rgyas gzugs/ /ji srid khu ba brtan gyur par/ /bdag nyid rtag tu bsgom par bya/ /de ni 'jig rten bden par grag / dam pa'i don ni de ma yin/ /ci phyir bzhi pa slar sbyin phyir/ /'dir ni shes rab ye shes gang / /de nyid dbang bskur bzhi ba ru/ /byis pa'i skye bo sma bar 'gyur/ /de ni slar yang de bzhin zhes/ /bzhi pa de nyid gsum pa ru/ /de bzhin byas par mi 'gyur te/ / dang po'i yan lag las slar yang / /smos pa skyon 'gyur de bzhin du/ /byis pa rnams kyi rgyu gsum pa/ /gang yin 'bras bu bzhi pa ste/ /rgyu 'bras dbye ba med pa'i phyir/ /bzhi pa'ang gsum par grub po zhes/ /sngar brjod don dam bden pa nyid/ / gang las phyag rgya gsum gyis ni/ /'bras bu gsum ni sgrub pa'i phyir/ /gsang sngags tshul 'dir sbyin sreg 'bras/ /phyag rgya gnyis dang bral ba rmad/ /phyag rgya gnyis kyi 'bras sgrub la/ /las rgya ye shes phyag rgya ni/ /rgyu ru mi 'gyur ro zhes pa/ / las rgya ye shes phyag rgya ni/ /sgom pa yongs su spangs pa las/ /phyag rgya chen po nges par sgom/ /'di ni dbang po gnyis sbyor bde/ /'dod pa kun spyod bde ba zhes/ /'dzag dang mi 'dzag mtshan nyid/ /ngo bo'i kun spyod bder mi 'gyur/ / gsum pa rgyu yis bskyed pa yi/ /rigs kyi 'dzag pa gsum pa'i 'bras/ /don dam bzhi par mi 'gyur ro/ /zhes pas khong du chud par bya'o/ /dbang bskur ba'i cho ga'i le'u ste bcu pa'o// //bcom ldan 'das bris sku'i cho ga gsung du gsol//bcom ldan 'das kyis bka' stsal pa/ dmar zhing dkar ba'i bud med de la 'bad pas mched pa bya'o/ /skar ma rgyal la brtsam par bya ste/ de yang mngon par dbang bskur bar bya'o/ /de la dog pa dmar zhing dkar ba thag pas 'bad pas 'thag pa'i rgyu dang spun de la sbyin par bya'o//nyi ma so sor dam tshig bsten pas shes rab dang bcas pas btags nas/ ras de dmar zhing dkar ba'i bud med rdul dang ldan pa'i dus su ma la char sbyin par bya'o/ /nyi ma gsum gyi phyi nas ri mo mkhan dam tshig dang ldan pa mngon par bos te/dpa' bo'i tshong gi gang smra bar byed pa de/ de la sbyin par bya'o/ /sbrang rtsi chen pos snag tsha byas nas mi'i rus pa'i smyu gus bri bar bya'o/ /ji srid 'dri bar byed pa de srid du myos byed cung zad 'thungs nas nyi ma so sor thun mtshams bzhir gtor ma dang / gsang sngags brgya phrag gcig tu bzlas par bya'o//rigs rnams dam tshig gis gcig tu gdon mi za bar bya'o/ /dpa' bo'i rim pas shin tu gsang la rab tu gnas pa yang ngo zhes so/ /de'ang gshin rje'i gshed kyi rnal 'byor pa dam tshig dang ldan pas gro ga la glegs bam sor bcu gnyis pa bya'o zhes so//zhes pa bris sku dang glegs bam gyi cho ga'i le'u ste bcu gcig pa'o// //mnga' bdag rlungasbyor bdag la gsungs/ /bcom ldan 'das kyis bka' stsal pa//snying gar srog dang thur sel bshad/ /lte ba'i phyogs su mnyam gnas so/ /mgrin pa'i phyogs na gyen rgyu ste/ /lus kun son pa khyab byed do/ /'di rnams dbus su gtso bo gang / /srog rlung snying gar gnas pa'o/ /dbugs dbyung dbugs rngub dbye ba yis//'tsho ba 'pho ba bcu drug go /sbyor bas so so re re la/ /dkyil 'khor bzhi ste re re la/ /dbyu gu re re 'bab pa yis/ /nyi khri brgya phrag bcu drug go /g.yas nas reg cing 'bab pa yis/ /mi yi dkyil 'khor brjod bya ste/ /g.yon dang g.yas la reg pa las//dbang chen gyi ni 'khor lor 'gyur/ /brtan thob dal ba'i dkyil 'khor 'gyur/ /rkyang ma dang ni ro ma dag /g.yon dang g.yas su gnas pa'o/ /kun 'dar ma ni dbus phyogs su/ /lhan cig skyes pa rjes su byed/ /'jug par 'gyur dang 'byin pa dang //gnas pa g.yo med ngo bo la/ /rnam 'joms zhes pa srad bu'i rlung / /ji srid 'tsho bar 'jug par 'gyur/ /'jug pa bum pa can zhes bya/ /de yi 'dzin las gang ba can/ /dbyung ba re tsa kar shes bya/ /g.yo med bum pa can du 'gyur/ / rlung ni rab tu 'jug pa'i tshogs/ /stong phrag brgya la sogs pa'i grangs/ /sangs rgyas mgon po'i gsung ji bzhin/ /skad cig de las 'grub par 'gyur/ /rlung tshogs gcig gyur gang yin ni/ /shes rab la ni dam 'khyud pas/ /zla phyed tsam gyis 'grub par 'gyur//rang gi lhag pa'i lha sbyor bas/ /sangs rgyas ye shes yang dag ldan/ /mngon shes lnga ni shes par 'gyur/ /rang gi lhag pa'i lha sbyor bas/ /rang gi bud med dam du 'khyud/ /snying ga yis ni snying ga ru/ /gsang bar gsang bas yang dag sbyor/ / kha yis kyang ni khar byas nas/ /byed pa med pa lhur len pas/ /snying gar gnas pa'i sa bon bzhi/ /kun tu gang bar bsgom par bya/ /der ni brtan gang de nyid kyis/ /mis ni thams cad shes par 'gyur/ /kun tu dgongs pa tsam gyis ni/ /byung dang 'byung 'gyur da lta ba//pha rol sems kyang shes par byed/ /bden pa bden par smra bar byed/ /de bzhin sbyor ba de nyid kyis/ /rna ba la ni rnam bsgom bya/ /drung na gnas pa'i sgra ji bzhin/ /phyogs gnas thams cad nyan par byed/ /de bzhin mig la rab bsgoms nas/ / 'jig rten gsum yang nges lta byed/ /sna la de bzhin bsams nas ni/ /dri rnams thams cad shes par byed/ /lce la de bzhin bsams nas ni/ /thag myang bya rab rtogs byed/ /rang gi rtags rtser de bzhin bsam/ /reg bya thams cad shes par byed/ /de bzhin mgo bo'i dbus bsams nas//nus pa thams cad rab 'phel byed/ /gang dang gang du rlung gnas pa/ /ro mnyam gyur par byas pas ni/ /de dang de nyid la 'gags pa/ /de nyid so sor rtogs par byed/ /zhi dang rgyas pa can dang dbang / /de bzhin 'gugs dang gsod pa dang //skrod par byed dang thams cad nyid/ /sgom pa kho nas rab sgrub byed/ /bum pa can sogs rab sbyor bas/ /lta stangs bzhi ni nges sbyor bya/ /g.yon du'ang lta ba'i lta stangs ni/ /bum pa can gyis dbang du byed/ /g.yas nas dgug par shes bya ste//gang ba can gyis nges par sbyor/ /dpral bar gnas pa'i lta stangs gang / /re tsa ka yis gsod par byed/ /sna rtser gnas pa'i lta stangs ni/ /bum pa can gyis rengs par byed/ /g.yo ba'i me tog bum pa can/ /snu hI'i shing la'ang re tsa kas/ /mnyam par zos la re tsa kas/ / g.yo bcas rtsa la bum pa can/ /sngon du lta stangs nges sbyor ba/ /zla ba drug tu bsam par bya/ /kun gyi nus pa ldan pa ni/ /sems 'gog pa las 'grub par byed/ /sems 'gog pa las rlung 'gog ste/ /'gog las sems kyang 'gog par 'gyur/lta bas bcas mthong la zhes 'byung / phan tshun sems par byed pa'o/ /shes rab thabs kyi rdo rje dang / /pad+ma gcig tu 'phrad pa'i tsha/ /'gog pa'i bde ba longs spyad pas/ /thams cad yang dag grub par 'dod/ /tshangs pa khyab 'jug la sogs lha/ /sngags pa de yi grogs byed de//'jig rten pa kun slar yang ci/ /de rnams ci bgyir 'gyur ba yin/ /rnal 'byor rnal 'byor ma rgyud du/ /thams cad mkhyen pas gsungs pa yang / /rtsod ldan dus su rab tu spyod/ /dngos grub med par mi blta ste/ /rdzogs ldan gsum ldan gnyis ldan la'ang //dngos grub rab tu byung ba rnams/ /slar yang rtsodapa'i dus su de/ /lha mo mchog grub blta bar bya/ /sbas pa kun mkhyen spyod yul ba/ /de don khyod la nga yis bshad/ /gshin rje'i gshed dpal mi shes gang / /de yi ngal ba 'bras bu med//ces so/ /gshin rje'i gshed dmar po'i rgyud du rlung gi de nyid ces bya ba'i le'u ste bcu gnyis pa'o// //bcom ldan gshin rje'i gshed kyi ming / /dmar po brjod pa'i ming can la/ /ya yig gis ni ci zhig brjod/ /de bzhin ma yig gis kyang ci//slar yang de yi a yig gis/ /ri yig gis ci brjod par bya/ /rak+ta nyid ni ci yi ming / /mnga' bdag bden pas gsung du gsol/ /legs so legs so gang dris pa/ /de ni bshad kyis nyon cig dang / /ya yig gis ni rlung yang ste/ /gshin rje'i gshed dmar por brjod bya//de nas ya yig mchog tu dga'/ /ma yig gnyis par brjod par bya/ /A ri dga' ba gsum pa'o/ /rak+ta bzhi pa'i ming can no/ /yang na rlung dang ldan pa la/ /de yi thabs ni a yig ste/ /i yig reg pa'i dbang po'o/ / rak+ta gnyis med sbyor ba'o/ /yang na rak+ta 'dod chags rgyal/ /rlung gis mda' bskul der son sems/ /A ri stong nyid snying rje gcig /rak+ta ya mA ri zhes brjod/ /dga' ba bzhi yi ming lnga po/ /skad cig bzhi ru shes par bya/ /de nas gti mug la sogs pa'i/ / don ni mnga' bdag khyod gsungs shig /gti mug gshin rje mthar byed ni/ /rnam snang mdzad do phra ma yi/ /gshin rje mthar byed rin chen 'byung / /'dod chags gshin rje mthar byed ni/ /snang mtha' phrag dog gshin mthar byed/ /don grub dbus su mi bskyod pa//gshin rje mthar byed dmar po'o/ /tsartsi kA sogs ngo bo ci/ /sa khams spyan ma tsartsi kA/ /chu khams mA ma kI phag mo/ /me khams dkar mo dbyangs can ma/ /rlung khams sgrol ma gau rI'o/ /mkha' khams rdo rje ro langs ma/ /bcom ldan 'das la 'khyud pa'o//'dod chags chen po'i rjes chags las/ /bde ba chen po'i ro yis ni/ /gnyis med ngo bo dpa' bo ste/ /bcu drug cha rdzogs zla ba bzhin/ /zhes pa/ gshin rje'i gshed dmar po'i rgyud du ming mdor bstan pa'i le'u ste bcu gsum pa'o// //ro langs mas ni dam 'khyud nas/ /tshems kyis ma mchu btsir byas nas/ /sems can don phyir gtor ma che/ /lha mo de yis de la zhus/ /bcom ldan 'das kyis bka' stsal pa/ dpal gshin rje'i gshed dmar po'i nga rgyal byas nas/ steng du bla re dang / rnga yab dkar po dang / phyi rol tu gar dang / glus nye bar mdzes par byas pa/ rgyan thams cad kyis brgyan pa/ g.yon pa dang cig shos dril bu dang rdo rje'i sgra dbyangs kyis yongs su gang la 'bar zhing gsal la rgyas pa'i snod kyi gtor ma dor bar bya ste snod gnyis gzhag par bya'o//snod gcig tu go ku da ha na dang / bi ra shu mA mu bdud rtsi lnga dang bcas pa'i sha dang / zho dang / nya shas yang dag par gang bar bya'o/ /gzhan du khyim la sogs pa'i lha rnams gzhag par byas nas/ oM hrIHSh+T+rIHbi kr-i tA nan hU~M sarba big+hA ga NAM sa pa ri wA rA na A kaR+Sha ya dzaH/zhes pa'i sngags 'dis shar phyogs kyi cha pa rnams la bka' bsgo ba dang / rang nyid song nas bgegs kyi tshogs rnams kyi mgrin par zhags pas bcings nas/ snying gar lcags kyus phug ste 'gugs bzhin par bsam par bya'o//dbang po dkar po spyan stong pa phyag na rdo rje 'dzin pas srung dkar po la zhon pa'o/ /lho ru gshin rje nag po lag na dbyug pa can ma he la zhon pa'o/ /nub tu chu lha dkar po chu srin ma ka ra la zhon pa lag na ku mu da can no//byang gi 'dab mar gnod sbyin ser po mi la zhon pa lag na dpal 'bras thogs pa'o/ /'di rnams thams cad rgyan thams cad kyis brgyan pa rin po che'i cod pan can/ gshin rje ni nyi ma'i gdan dang nyi ma'i 'od can no//lhag ma rnams zla ba'i gdan dang zla ba'i 'od can no//dbang ldan gyi 'dab mar 'byung po'i bdag po dkar po mig gsum pa ral pa'i cod pan can khyu mchog la zhon pa/ lag na mdung thogs pa stag gi pags pa'i gos 'dzin pa lus thal bas byugs pa/ rus pa'i rgyan thams cad kyis brgyan pa/zla ba'i gdan dang zla ba'i 'od do/ /me'i 'dab ma la me lha ser po bong thung zhing gsus pa 'phyang bar la zhon pa bgrang phreng dang ril pa spyi blugs 'dzin pa/ ral pa'i cod pan can nyi ma'i gdan dang nyi ma'i 'od dpa' bo'i gos so/ /bden bral gyi 'dab ma la srin po skra grol ba can/lag na thod pa'i phreng ba 'dzin pa/ khros pa smin ma khro gnyer dang bcas pa nag po ro'i steng na nyi ma'i gdan dang nyi ma'i 'od mnga' ba'o/ /rlung phyogs kyi 'dab ma la rlung lha ljang zhing dmar ba lag na ba dan thogs pa/ rin po che'i cod pan can/ri dwags la zhon pa/ zla ba'i gdan dang zla ba'i 'od can/ rgyan thams cad 'dzin pa'o/ /lte ba la sa'i lha mo ser mo lha'i gos dang rgyan thams cad kyis brgyan pa/ zla ba'i gdan dang zla ba'i 'od can/ yi dwags dang sa'i lhas kun nas bskor te gnas pa'o//dbang po la sogs pa rnams g.yon na klu'i zhags pa 'chang ba thams cad kyang g.yon brkyang ba'i zhabs kyis gnas pa'o/ /steng du chos 'byung la gnas pa'i pad+ma 'dab ma brgyad la/ shar gyi 'dab ma la zla ba dkar po rta la zhon pa//rin po che dkar po'i cod pan can zla ba'i 'od do/ /lho'i 'dab ma la nyi ma dmar po phyag gnyis pa pad+ma 'dzin pa/ rta ljang gu la zhon pa/ rin po che'i cod pan dang rgyan thams cad dang ldan pa 'od sngo bsangs can no/ /nub kyi 'dab ma la lhag pa ser po khyu mchog la zhon pa/nyi ma'i gdan dang nyi ma'i 'od can rtse gsum 'dzin pa'o/ /rlung gi 'dab ma la sgra gcan dang mjug nyi ma'i gdan dang / nyi ma'i 'od can cher gnag pa dang du ba'i mdog can 'khor ba'i 'khor lo bkug nas za ba'i tshul 'dzin pa'i sgra gcan dang thal mo sbyar ba 'dzin pa'i mjug //de'i dbus kyi lte ba la tshangs pa gdong bzhi pa lag pa bzhi pa dbyu gu gsum 'chang ba dang / mi 'jigs pa'i phyag can phyag lhag ma dag gis bgrang phreng dang ril pa spyi blugs 'chang ba ser po ngang pa la zhon pa/ zla ba'i gdan dang zla ba'i 'od can mchod phyir thogs pa can ral pa ser po/ gzugs thung ba tshangs pa'i bu yis bskor ba ste/ tshangs ris kyi lha dang / tshangs pa mdun na 'don dang / mtshe ma dang / dga' ldan dang / 'phrul dga' dang / 'og min la sogs pa'i ming can rnams so//'og gi chos 'byung gi phyogs kyi 'dab ma la/ nor rgyas kyi bu ser po/ klu pad+ma dkar po/ klu stobs kyi rgyu dmar po/ klu 'jog po nag po/ klu dungaskyong rnams mi'i gdong pa can/ rgyan thams cad 'chang ba/ mgo bor gdengs ka dang bcas pas mtshan pa/lha ma yin dang dmyal ba'i sems can dang lhan cig pa'o/ /lte ba la lhag ma can dkar po rin po che'i cod pan can/ mi'i gdong pa can no/ /'di ltar gdengs can 'di dag brtan par byas nas slang de dag yongs su gyur pas dpal gshin rje mthar byed kyi gzugs kyis rdzogs par byas te/sku gsung thugs kyi rab tu sbyor ba las steng du gnas pa ni sku'i rnam pa'o/ /dbus su gnas pa ni slar yang mi bskyod pa'i rnam pa'o/ /'og tu gnas pa ni gsung rdo rje'i rnam par blta bar bya'o//las thams cad kyi don du slar yang phyag dang zhal ji lta ba de lta bu'i nga rgyal ji ltar rigs par bya'o/ /yang na thams cad du bdag nyid kyi gzugs ji lta ba de bzhin no/ /de'i rjes su/ o~M ar+g+haM pra tIts+tsha swA hA/ mche ba'i phyag rgyas zhabs dag la zhabs bsil phul nas sngar brjod pa'i bdud rtsi myang bas gtor ma'i kun spyod bya'o//o~M ra k+ta mu ku TA ya/ rak+ta dza TA ya/ rak+ta mu khA ya/ ra k+ta b+hu dzA ya/ ra k+ta sha rI rA ya/ rak+ta muN+Da mA lA b+ha ra NA ya/ ra k+ta pad+mA sa nA ya/ rag+tA b+hA ra Na b+hu Sha NA ya/ i maM ba liM gr-ih+Na gr-ih+Na tsa tu r+m+mA rAn+nibA ra ya ni bA ra ya/trA sa ya trA sa ya/ ts+tshin+da ts+tshin+da/ b+hin+da b+hin+da/ nA sha ya nA sha ya/ sho Sha ya sho Sha ya/ ts+tshe da ts+tshe da/ b+he da b+he da/ hU~M hU~M phaT phaT swA ha/ oM in+dA ya hrIH/ ya mA yaSh+T+riH/ ba ru NA ya bi/ ku be rA ya kr-i/ I sha nA ya ta/an+ga ye A/ nair-i t+yA ya na/ bA ya be na/ tsan+dA ya hu~M/ arka ya hU~M/ brah+ma Ne phaT/ ba sun+d+ha rA yi phaT/ be ma tsi tri Ne swA/ sarba b+hu te b+h+yo hA/ hA hA hA hI hI hI hU~M hU~M hU~M/ pheM pheM pheM phaT swA hA/ o~M mo ha ya mAn+ta kA ya swA hA/ o~M pi shu na ya mAn+ta kA ya swA hA/o~M rA ga ya mAn+ta kA ya swA hA/ o~M Ir+Sh+ya ya mAn+ta kA ya swA hA/ o~M badzra tsartsi kA ye swA hA/ oM badzra bA rAh+yi swA hA/ o~M badzra swa ra swa t+yai swA hA/ o~M badzra gau r+yai swA hA/ o~M badzra bet+tA li ba li pra tIts+tsha swA hA/ gti mug rdo rje'i rang bzhin khyod/ / gshin rje'i gshed po shin tu 'jigs/ /ston pa sangs rgyas kun rang bzhin/ /sku yi rdo rje khyod phyag 'tshal/ /phra ma rdo rdo rje'i rang bzhin khyod/ /gshin rje'i gshed po shin tu 'jigs/ /thugs kyi rdo rje rab gsal ba/ /rdo rje rin chen khyod phyag 'tshal/ / 'dod chags rdo rje'i rang bzhin khyod/ /mnga' bdag chags pa'i chos 'byung gnas/ /dbyangs mchog kun gyi mchog gi mchog /gsung gi rdo rje khyod phyag 'tshal/ /phrag dog rdo rje'i rang bzhin khyod/ /gshin rje'i gshed po las kun byed/ /sku yi rdo rje rab gsal ba//phyag na ral gri khyod phyag 'tshal/ /sangs rgyas kun gyi rang bzhin khyod/ /sangs rgyas thams cad gcig bsdus pa/ /sangs rgyas kun rab mchog gi mchog /dkyil 'khor dbang phyug khyod phyag 'tshal/ /ho b+ha ga wAn twe no pa tiSh+Tha dr-i D+ho me b+ha ba/su to Sh+yo me b+ha ba/ su po Sh+yo me b+ha ba/ a nu ra k+to me b+ha ba/ sarba sid+d+hi m+me pra yats+tsha sarba karma su tsa me tsit+taM shre yaHku ru hU~M/ ha ha ha ha ho/ b+ha ga bAn/ bcom ldan 'das sku bzhi po gsung du gsol/ bcom ldan 'das kyis bka' stsal pa/ /nyon cig b+ha gar 'jig rten 'das//sangs rgyas kyi ni sku bzhi po/ /'jig rten rnams la phan don du/ /he ru ka ngas bstan pa yin/ /bla ma dam pa'i gdams pas dman/ /sangs rgyas sku ni rnam par spangs/ /rdo rje theg pas rnam dman pa/ /de rnams rgyud 'dir kha phyir phyogs//gang gis ho yig mi shes pa/ /srid par 'dus pa'i rnal 'byor pas/ /bshad pa'i rgyud kyi rjes 'brangs nas/ /rnal 'byor pa nyid gshin rje'i gshed/ /dmar po'i rgyud chen tshig nyung ba/ /mi shes gang de yongs su ngal/ /ci phyir de yi bde ba che//bde ba thams cad kun bsdus pa'o/ /pad 'dab drug cu rtsa bzhi pa/ /rgyu bcas ched du rnal 'byor ma'i/ /longs spyod rdzogs las bde ba thob/ /spyod cing spyod la de rtse'o/ /skad cig gcig mngon rdzogs byang chub/ /srid gsum spyod pas spyod par byed//'di ni sku ni bzhi bo ste/ /sangs rgyas rnams kyi 'angaspyod yul min/ /'jig rten 'das pa'i tha snyad kyis/ /rnal 'byor dam pa'i rnam pas bstan/ /'khor lo bzhi yi rnam pa yis/ /kye yi rdo rjer bdag gis bstan/ / sgom pa'i sbyor ba 'dus pa ru/ /rtsa rnams mkha' 'gro ma kun gyis/ /'bras bu'i sgrub thabs kye rdo rjer/ /gang du rlung gi sgrub thabs ni/ /nyin dang mtshan mo'i rab dbye las/ /'dab ma drug cu bzhir dbyu gu/ /zhes pa 'di dag thun mong gi /rab tu dbye bas brjod par bya/ /lha yi gzugs kyi bdag nyid can/ /slar yang sku gsung thugs dbye bas/ /yig gsum nyid kyi mnyam bzhag pa'i/ /yid kyis khong du chud par bya/ /oM yig gis ni 'jug pa dang / /AH yig gis ni de bzhin gnas//hU~M yig gis ni dbyung ba yang / /rnal 'byor man ngag las bya'o/ /o~M AHhU~M zhes bya ba 'dis/ /g.yo zhing g.yo ba brtan par 'gyur/ /de las sa bon mtshan ma'ang slar/ /sna rtser mchog tu bsam par bya/ / 'od gsal ba yi rang bzhin bya/ /de bzhin bdag gzhan mnyam pa nyid/ /byed med gzugs ni kun dmigs na/ /yang yang skad cig skad cig ma/ /gcig las slar yang ldang nas ni/ /sngags pas grib ma sgyu ma lta'i/ /dbye bas kun tu bsam par bya//dag pa'i sku 'di yis ni gang / /ye shes brtson pas bsgom par bya/ /des ni sems can thams cad la/ /chos nyid du ni byed pa ste/ /lha yi rnal 'byor 'di nyid ni/ /bla ma'i man ngag las rtogs bya/ /slar yang sngags pas 'jig rten don//slar yang yi ge bsgom par bya/ /lan grangs kun tu rgyun chags su/ /bcing bya longs spyod rdzogs pa'i sar/ /lag pas nges sbyar steng gi ni/ /yi ge brtan pa'i 'khrul 'khor las/ /rkyang ma dang ni ro ma yi/ /dbus su g.yo med 'jug par gyis//sku gsung thugs su nges sbyar nas/ /phyag rgya mchog tu bsam par bya/ /skad cig de las lhan skyes 'char/ /bsgom bya 'dir ni the tshom med/ /don 'di gang gis shes byed pa/ /blo bzang yid ni mnyam par gzhag / chos rnams thams cad des shes byed/ /sangs rgyas lam gyi man ngag go /'jug ngogs chen por des bkrus te/ /de bzhin gshegs pas mngon dbang bskur/ /de yang gang dang gang 'gro ba/ /der ni sangs rgyas 'ong bar byed/ /kun tu byang chub sems dpa' nyid//sna tshogs sems can phan par byed/ /hA hA'i yi ge sgrogs byed cing / /yang nas yang du ci zhes pas/ /phyogs bcur rnam par gnas pa yi/ /bdud rnams kun tu 'bros par byed/ /thal mo sbyar bar byas nas de'i/ / zhabs la kun gyis 'dud par byed/ /sna tshogs gzugs 'chang bud med ni/ /sna tshogs 'dod pas glag tshol te/ /chu shing til mchog ma la sogs/ /bkug nas rdzogs par longs spyod byed/ /ces pa gshin rje'i gshed dmar po'i rgyud du rlung gi de nyid de le'u bcu bzhi pa'o// //de nas rlung gi rnam grangs ni/ /bcom ldan 'das kyis bstan du gsol/ /rab tu phye nas bshad kyis nyon/ /rigs kyi dbyu gu so gnyis la/ /thun tshod bzhi ru 'gyur ba yin/ /bcu drug gnyis kyis rnam par 'gyur//thun gcig dbyu gu lhag pa la/ /thun phyed dbyu gu bzhi yin te/ /des na rim pa bzhin 'gyur ro/ /nyin dang mtshan mor rim pas kyang / /'pho ba bcu drug rab tu brjod/ /me dang rlung dang chu dang ni/ /dbang chen dkyil 'khor bzhi po ni//'bab pas dbyu gu bzhir rab grags/ /rlung ni bzhi po rnam 'phel las/ /'khor lo bzhi ru rab tu brjod/ /rnam pa sna tshogs la sogs bzhi/ /skad cig thang cig sogs dbye las/ /rnam pa bzhi ru de brjod do/ /de bzhin dga' ba bzhi pa ste/ / gnas ni bzhir yang rab tu brjod/ /sku gsum de la sku bzhi pa/ /de bzhin thams cad bzhi ru yang / /phyi sogs rim pa de bzhin no/ /rnal 'byor bzhi dang bzhi pa ni/ /sku ni bzhi ru yang dag brjod/ /'dis ni dbyu gu bzhir 'gyur te/ /rab tu dbye bas drug cu bzhi/ / kye yi rdo rjer bstan dang 'dir/ /de bzhin nges bstan lus kyi ni/ /gzhi la 'khor lo bzhi yod de/ /de yang sku ni bzhi po yin/ /dga' ba bzhi yis dga' ba yang / /sku bzhi por ni rab tu brjod/ /dpal gshin rje'i gshed dmar po'i rgyud mdor bstan pa ste le'u bco lnga pa'o// //bcom ldan 'das kyis bka' stsal pa/ /srid pa'i 'khor lor brjod bya ci/ /lha yi gsang las ches gsang dris/ /srid gsum sems can rmongs pa rnams/ /nyams byed snying po 'di nyon cig / 'dis ni bdud rnams nges 'joms zhes/ /rtag tu sangs rgyas nyid sgrub pa/ /de ltar rnal 'byor 'khor bar 'khyam/ /'khor bar mchog tu rtse bar byed/ /chu la pad+ma'i 'dab ma bzhin/ /skyon gyis ci yang gos pa med/ /bcu gnyis rnam pa'i 'khor lo 'di//bcu gnyis don zhes rab tu gnas/ /'khor lo 'di nyid kho na yang / /yan lag bcu gnyis rab tu grags/ /gang gis 'khor lo 'di shes byed/ /sangs rgyas kun gyis rab grags pa'i/ /chos rnams ma lus shes byed cing / / chos kyi 'khor lo rab bskor byed/ /de phyir yan lag bcu gnyis pa'i/ /chos kyi 'khor lo rab bskor ba/ /bdag gis bshad par bya yis nyon/ /ma rig pa dang / 'du byed dang / rnam par shes pa dang / ming dang gzugs dang / skye mched drug dang /reg pa dang / tshor ba dang / sred pa dang / nye bar len pa dang / srid pa dang / skye ba dang / rga shi zhes bya ba yan lag bcu gnyis rnams so/ /ma rig pa ni sngon gyi nyon mongs pa'o/ /'du byed ni sngon gyi las rnams so/ /rnam par shes pa ni sngon gyi so sor kun tu rtog pa'o//ming dang gzugs ni nur nur po dang / mer mer po dang / gor gor po dang / na ra na ra po dang / rkang lag 'gyus pa'i gnas skabs lnga'o/ /skye mched drug ni mngal nas nges par byung ba'i mig la sogs sogs pa'i dbang po drug rdzogs pa'o//reg pa ni yul dang / dbang po dang / rnam par shes pa gsum 'dus pa las so/ /tshor ba ni bde ba dang / sdug bsngal dang / btang snyoms kyi mtshan nyid las don rnam pa gsum du dbye'o//sred pa ni 'khrig pa'i 'dod chags so/ /nye bar len pa ni 'dod pa'i yul yongs su 'dzin pa'o/ /srid pa ni 'byung 'gyur gyi srid pa las kyi 'bras bu'o/ /skye ba ni slar yang phung po la nying mtshams sbyor ba'o/ /rga shi ni ming dang gzugs la sogs pa'i yan lag bzhi'o zhes so//yan lag bcu gnyis khyad par las/ /thub pas rten cing kun 'byung bstan/ /ji srid nyon mongs las dang ni/ /sdug bsngal gsum du de rnams 'dus/ /dang po brgyad pa dgu nyon mongs/ / gnyis pa bcu pa las su 'gyur/ /lhag ma bdun ni sdug bsngal yin/ /bcu gnyis po ni gsum 'dus phyir/ /chos gsum po ni bstan par 'gyur/ /zung dang zung las de 'byung ste/ /bdun bdun dag tu 'byung ba yin/ /de nyid yang yang de 'khor zhing //'khor bas srid pa'i 'khor lo'o/ /'gro ba phan tshun rgyu dang 'bras/ /'ga' zhig 'dir med sems can stong / /de ltar stong las chos rab 'byung / /chos las 'pho ba'ang yod min te/ /legs par klog dang mar me rgya//me long sgra dang me shel dang / /sa bon las ni phung po 'di/ /mtshams sbyor pa dang 'pho ba med/ /rig ldan rnams kyis gzung bya ba/ /'dul ba yang dag rtogs nas ni/ /yan lag bcu gnyis khyad par gang / /'di ni thub pas mdor bstan bshad//ji ltar rten cing yang dag 'byung / /de rnams bsdus par shes par bya/ /so sor nges bstan nyan par 'dod/ /de de sangs rgyas spyod yul zhes/ /slob dpon 'di brjod snyingasdug der/ /nyon mongs las dang sdug bsngal rnams/ /zhes pas ji srid bsdus pa'o/ / de la gnyis dag gis lhag pa'i bcu so sor bstan pa la/ yan lag ces pa 'di dag gi cha shas kyi khyad par ro/ /dper na aM ga dang baM ga'i dngos po bzhin no/ /khyad par gsum zhes pa yan lag gi khyad par te/ lus dang / ngag dang / yid sbyor bas thub pa ste/thub pa des bstan cing gsungs pa'o/ /rab grags pa zhes pa ni rnam grangs so/ /de rnams kyang gtso bo dang / rang bzhin dang / dbang phyug tu nges pa dang / phyogs skyong ba dang / ngo bo nyid la sogs pa ma yin gyi/ gang zhig yan lag bcu gnyis kyi khyad par ro//de lta mod kyi nyon mongs pa rnams la/ las dang sdug bsngal rnams su ste/ phan tshun brten pa dbyug gu gsum gyi tshul gyis gsum rnams su ji srid du 'dus nas 'gro ste/ dper na chu bzhin no/ /slar yang nyon mongs pa rnams dang / las rnams dang /sdug bsngal te de rnams ji lta ba bzhin du 'di gsum bsdus nas ji ltar 'gro zhe na/ brjod par bya ste/ dang po brgyad pa dgu nyon mongs/ zhes pa ste/ yan lag bcu gnyis po 'di rnams kyi khyad par gyi nang nas/ dang po ma rig pa dang / brgyad pa sred pa dang / dgu pa nye bar len pa zhes pa gsum po 'di rnams rkyen nyon mongs pa rnams su rtogs par bya'o/ /gnyis pa bcu pa las su 'gyur/ /zhes pa ci zhe na/ 'du byed ni gnyis pa'o/ /srid pa ni bcu pa'o/ /'di dag las su bsdus par rig par bya'o/ /lhag ma bdun ni sdug bsngal yin//zhes pa/ nyon mongs pa dang las su bsdus pa 'di rnams kyi lhag ma gang yin pa'i yan lag gi khyad par bdun ni sdug bsngal du bsdus par rig par bya'o/ /'di lta ste/ rnam par shes pa dang / ming dang / gzugs dang / skye mched drug dang / reg pa dang /tshor ba dang / skye ba dang / rga shi yang ngo zhes pa ste/ yang gi sgra rab tu sbyor ba ni bsdu ba yang dag par rab tu sbyor ba ste/ ma rig pa la sogs pa rnams sdug bsngal du yang dag par sdud par byed do/ /de bzhin chos bcu gnyis po 'di rnams thams cad ni nyon mongs pa dang /las dang / sdug bsngal zhes bya ba gsum du bsdus te/ dman pa dang lhag pa yod pa ma yin par shes par byed pa'i don las so/ /ni'i sgra ni re zhig 'di rnams mdo ru nges par bstan pa ste/ 'di las gzhan yod do zhes yongs su bgrangs pa 'dir med pas 'di brjod do//'di rnams las dang nyon mongs pa rnams kyis dang / las dang / sdug bsngal rnams kyis ci'i phyir ci zhig tu 'gyur zhe na/ brjod par bya ste/ gsum po rnams zung ngu 'gyur zhing / zung las bdun du 'gyur ro/ /nyon mongs pa zhes bya ba gsum las zung 'byung ste/las zhes bya ba ni zung yin no/ /zung las sdug bsngal zhes bya ba bdun po nyid rab tu 'byung ste/ sngar bzhin du nges par bstan pa las bdun las gsum 'byung ngo / /sdug bsngal zhes bya ba rnams su nyon mongs pa zhes bya ba gnyis po de nyid ni rab tu 'khor bar byed pas srid pa'i 'khor lo'o//de la las kyi gzugs kyis bsgrags pa'i srid pa de rnams gsum gyi ming can gyi 'khor lor gyur nas de bdun du 'jig rten yongs su 'khor bar byed do/ /ni'i sgra ni nges pa'i dono/ /dper na zla ba shar du yongs su 'khor bar byed pa bzhin/srid pa'i 'khor lo'o/ /de bzhin du rdzogs par 'byung ba ni ma yin no/ /de lta mod kyi nges pa ni med do/ /zhes pas ni'i sgra'o/ /de nas da ni lus thams cad kyi dbang phyug sems can su zhig /su zhig gis byas zhe na brjod par bya ste/'gro ba thams cad phan tshun du rgyu dang 'bras bu yang 'ga' zhig kyang sems can 'dir med de/ gzhan du nye bar btags pa las so/ /rgyus kyang 'di yongs su bsdus pa la rgyur nye bar btags pa tsam mo/ /de'i phyir rdzas gzhan la don las sems can du yod do zhes so//de nas da ni gnas pa'i 'jig rten las pha rol gyi 'jig rten du rjes su 'gro ba ci zhe na brjod par bya ste/ 'jig rten pha rol gyi don tsam yang dngos por 'pho ba ni med do/ /'on kyang stong pa kho na las stong pa'i chos rnams rab tu 'byung ste/ 'pho ba yang med do/ / bdag gi ba med pa'i chos nyon mongs dang las kyi ming can lnga po rnams las bdag dang bdag gi bas stong pa'i 'bras bu'i ming can bdun po'i chos rnams rab tu 'byung ste/ 'pho ba yang med do/ /zhes pa de lta bur 'dzin pa'i rang bzhin du bdag tu gnas pa rnams las rang bzhin dang bral ba'i stong pa'i chos bdun po rnams rab tu 'byung ste/'pho ba yang med do/ /de'ang 'di dag bstan pa ci zhe na/ 'dir brjod par bya ste/ legs par klog dang mar me rgya/ /me long sgra dang me shel dang / /sa bon las 'di nges bstan pa/ /zhes pa ste de kho na nyid las 'gro ba med pa nyid dang / rang bzhin gyis bdag kyang med de/tha snyad du 'jig rten pha rol yod do/ /zhes pa'o/ /dper na bla ma las klog par byed pa ni 'pho ba yang med de/ de'i dngos po bla ma las klog par byed pa ma yin la/ slob mas klog par byed pa yang ma yin no/ /slob mas klog pa las gzhan yang ma yin no//de bzhin du kun tu 'byung bar byed na rgyu med pa can gyi nyes par thal bar 'gyur ba'i phyir ro/ /de bzhin du 'chi bar byed pa'i tha ma'i sems ni 'jig rten pha rol tu 'gro ba med de/ rtag pa'i nyes par thal ba'i phyir ro/ /'jig rten pha rol gzhan kho na las 'byung ba ma yin te/rgyu med pa'i nyes par thal ba'i phyir ro/ /dper na bla ma las klog par byed pa'i rgyu mtshan can ni slob ma'i klog par byed pa'o/ /de nyid de las gzhan ma yin pa de bzhin du de'o zhes mngon par brjod par nus so/ /de bzhin du de 'chi ba'i mthar thug pa'i sems la brten nas skye ba'i cha shas can gyi sems de nyid gzhan ma yin no//de bzhin de yang mngon par brjod par nus so/ /dper na mar me las mar me'o/ /rgya las phyir rgya'o/ /bzhin las me long gi gzugs brnyan no/ /sgra las sgra brnyan no/ /nyi ma dang / nor bu'i 'od dang / bud shing rnams las me'o/ /sa bon las myu gu'o/ /dper na shu ka'i 'bras bu zos pa'i rgyu mtshan gyis gzhan gyi kha 'dzag pa ni gzhan la gzhan 'phrad pa ma yin no/ /zhes rab tu shes par bya'o/ /de bzhin du phung po las phyir phung po 'phong pa med pa yang mkhas pa rnams kyis nges par bzung ngo //zhes so/ /de la phung po ni gzugs dang / tshor ba dang / 'du shes dang / 'du byed dang / rnam par shes pa'i ming can rnams so/ /'di rnams kyi phung po nying mtshams sbyor ba 'di dag phung po lnga po rnams su nges par brtag par bya ste/rgyu med pa can yang ma yin la gzhan las 'byung ba yang ma yin no/ /'jig rten 'di las 'jig rten pha rol ma yin no/ /de nas 'dir yang ma yin la dngos po 'pho ba med do/ /'di ni re zhig 'khor ba'i 'khor lo'i rim pa'o/ /yang gi sgras ni ldog pa yang ste/de las phyin ci log tu rtogs par bya'o/ /gang gi phyir rtag tu sdug bsngal stong pa'i bdag nyid can gyi dngos po yin pa de'i phyir/ so sor kun tu rtog pa'i dngos po la/ kun tu rmongs par mi 'gyur ro/ /rmongs pa med pa'i yid rtag tu skye bar mi byed do//srung ba med pas nyes par mi 'gyur ro/ /gdug pa med pas rtag tu sdig pa'i las su mi 'gyur ro/ /las su gyur pa'i dngos po nye bar mi len no/ /nye bar len pa med pa dang mngon par 'du byed pa med do/ /dngos po dang dngos po med pa gdags pa med do/ / ma skyes pa'i phung po la yid rnams sdug bsngal rnams su mi 'gyur ro/ /de bzhin du 'dir rnam pa lnga po 'di'i rgyu rjes su byin pa las 'dir 'bras bu rnam pa bdun thob kyi gzhan med pa las mi 'byung ngo / /de yang thar pa zhes brjod par bya'o/ /de bzhin du dad pa dang / rtag pa dang / chad pa dang / 'pho ba la sogs pa'i lta ba ngan pa dang gya nom pa rnams mi 'byung ngo / /bcom ldan 'das kyis kyang 'dir tshigs su bcad pa/ rkyen las 'byung ba ma mthong zhing / /don nyid kyis ni byas pa med/ /phra mo la yang rnam bsgoms pa/ gang gis 'byung bar rnam par brtags/ /'di la bsal bya ci yang med/ /gzhag par bya ba cung zad med/ /yang dag nyid la yang dag lta/ /yang dag mthong na rnam par grol/ /rten cing 'brel par 'byung ba'i le'u ste bcu drug pa'o// //kha sbyor gyi tshul gyis kyang gnas pa la 'dzam+bu'i gling pa'i 'jig rten 'dzag pa'i bde ba can de rnams lo brgya'i tshe rnams so//bcom ldan 'das bud med med pa las ci ltar khu ba rengs par 'gyur/ khu ba rengs pa dang bral bas tshe ring por rjes su 'gro ba med do//lha mo de'i phyir 'og dang steng du rlung gi rgyu ba rjes su bcing bar byed pa las/ srog brtan par byas pa la lus la rgas pa dang 'chi ba mi 'byung ngo / /dang por lus dag par gyur nas chos kyi phyag rgya rab tu bsgrub par bya'o/ /phyi'i dga' ba ji 'dra ba de dang 'dra bar bsgom par bya'o//de bzhin du slar yang rnal 'byor pas las kyi phyag rgya'i dga' ba rtsom par bya'o/ /rkang pa g.yon pas tshangs pa'i skud pa kun tu btsir nas kha steng du byas nas hA yig rnam par bsam par bya'o/ /slar yang sI ta yig byas nas hU~M yig snying gar gnas pa'o//AHyig slar yang bsgom par bya'o/ /'dab ma brgyad pa ge sar dang bcas pa de'i dbus su hrIHyig 'bar ba de la 'od zer dang bcas pa'o/ /de las 'thon pa'i ri mo dkar po nges par byung ba slar yang 'ongs te pad+ma 'dab ma drug cu rtsa bzhi pa'i dbus su so na par bsam par bya'o//slar yang aHyig bsam par bya ste/ rnal 'byor pas srog gi rlung slar yang bcing bar bya'o/ /de'i phyogs su lha mos phye ba'i tshangs pa'i mdud pa nges par byung nas b+ha ga dang snying gar yang ldan par bsam par bya'o//pad+ma 'dab ma brgyad pa de la phyogs su dmar por bsam par bya'o/ /me'i zur du me dang de bzhin du slar yang rlung du'o/ /dbang ldan du sngon po yang ngo / /de bzhin du srin po'i thur du'o/ /de'i dbus su son pa'i hU~M yig kha dog nag po 'od zer dang bcas pa'o//de las nges par byung ba'i ri mo spyi bor son pa rnam par bsam par bya'o/ /'og dang steng du hU~M yig kha dog nag po 'od zer dang bcas pa der son par bsam par bya'o/ /ri mo 'bar bar byed pa ni yang nas yang du de bzhin no/ /de'i tshe khyo gis bya ba'i sgom pa bla ma'i man ngag las so//de'i tshe gtum mo 'bar bas de bzhin gshegs pa thams cad bsregs te/ ri bo can 'dzag pa 'og gi b+ha ga la dga' ba chen po'i bde bar 'gyur ro/ /slar yang gnyis gnyis steng du 'gro ba'i don du srog dang thur sel 'gog pa las sems stong pa la nges par sbyar nas myos par byed do//slar yang sems myos par gyur pa ji srid du 'khyil ba bcing ba'i sbyor ba las so/ /de'i tshe bcud g.yo ba 'bad pas g.yas su bskor te/ slar yang khe Ta'i sgras nye bar gnas so/ /chos kyi 'khor lo la hU~M yig gi nA das slar yang gnas su rab tu bkug nas longs spyod rdzogs pa'i 'khor lo la rtsa gnyis rab tu g.yo bar byas nas/slar yang brtan par bcing bar bya'o/ /g.yon pa gnyis po de zhu bar gyur pa de'i tshe 'ong bar 'gyur ro/ /de la yang dag par sbyong bar 'gyur ro//slar yang ye shes kyi 'khor lo la srub par byed pa dang / 'o byed pa ni bla ma'i man ngag las so/ /slar yang 'khor lo gsum po rmyos par byed pa'i sbyor bas sbyang bar bya'o/ /steng du song ba de la bde ba chen po brtan par 'gyur ro//'di rnams lam gyi mchog ste lha'i gtso bo rnams kyi yang spyod yul ma yin no/ /gang zhig shes pa bsod nams dang ldan pa dang / 'jig rten gsum dang bcas pas mchod par 'gyur ro/ /lo gcig tu goms pas ches phra ba'i lus su 'gyur zhing / sgra chen po'i rang bzhin rab tu smra ba dang / de bzhin du sems phra ba'i rang bzhin du 'gyur ro/ /'dod pas sgrol zhing / dus su rgya mtsho dang nam mkha' la yang 'gro'o/ /gang 'dod pa de byed do/ /blo bzang rtse bar byed cing dga' bar byed do/ /zhes gshin rje'i gshed dmar po'i rgyud du goms pa'i le'u ste bcu bdun pa'o// //bcom ldan 'das mas gsol pa/ bcom ldan 'das kye ltad mo la sogs pa mnga' bdag gsung du gsol/ sbyor ba sna tshogs ma lus nyid/ /de bzhin dus kyi mtshan nyid dang / /rang gzugs lus kyi 'khrul 'khor ni//da lta bka' drin mdzad du gsol/ /de nas bcom ldan 'das kyis bka' stsal pa/ lha mo legs so legs par byas/ /ma brjod pa de nges bshad bya/ /o~M dz+wA la ka rA la ba dane sarba satwa ha lA ha la badzre su badzre s+pha ra s+pha ra s+pha ra ya s+phA ra ya sarba me g+ha bA ta/br-iSh+Ti stam+b+ha ya s+pho Ta ya s+pho Ta ya g+haHg+haHg+haH/ sarba pA nI yaM sho Sha ya hU~M phaT/ gsang sngags 'di dag bzlas par bya zhing khro bo'i lta stangs kyis nam mkha' la blta bar bya'o/ /rlung dang sprin la sogs pa 'joms par byed do//o~M pheT kA ra pheM ha ha hA hA phaT phaT/ oM hrIHSh+T+rIHbi kr-i tA na na sarba kro d+hA na kI la ya kI la ya badzra daN+De na A ko Ta ya A ko Ta ya hU~M hU~M phaT phaT swA hA/ hrI~M brjod nas lha'i bdag nyid kyi rdul rnam pa bdun sbyin par bya ste sbrul 'bros par byed do/ / o~M ya mAn+ta ka hrIHSh+T+rIHhU~M hU~M phaT phaT trA sa ya trA sa ya tsaN+Da tsaN+Da pra tsaN+Da pra tsaN+Da hU~M phaT/ ces pas ma he 'bros par byed do/ /o~M ya ma marda ne marda ya marda ya tsaN+Da ma hA ro Sha Na hU~M phaT/ ces pa 'dis sdig pa'i nad 'joms so/ /o~M kro d+ha ne saM kro d+ha ya saM kro d+ha ya swA hA/zhes pa gshin rje'i gshed dmar po'i rgyud kyi rgyal por sngags kyi las rab 'byams kyi le'u ste brgyad pa'o// //lha mos gsol pa/ kye bcom ldan 'das gtum po chen po khros pa zhes bya ba'i khro bo chen po'i dbang phyug de'i sngags kyi las rab 'byams gsung du gsol/bcom ldan 'das kyis bka' stsal pa/ mig yon po/ 'jigs pa'i yang 'jigs par byed pa/ rgyan thams cad kyis brgyan pa'i dpa' po/ ral gri dang sdigs mdzub 'chang ba gtum po khros pa chen po'i nga rgyal du byas nas sngags bzlas par bya'o//o~M tsaN+Da ma hA ro Sha Na hU~M phaT/ ces pa'i gsang sngags chen po gang gi dpung par so na cing gnas pa de bdud thams cad las nges par rgyal bar 'gyur ro/ /oM kro d+ha ne saM kro Sha Ne b+he da ne hU~M phaT/ chu la mngon par bsngags nas sbyin par bya ste gzer sel bar 'gyur ro//oM san+t+rAs ne o hA ya hU~M phaT ces pa 'dis spyi gtsug tu bcings na srung ngo / /oM a tsa le sany+tsa le che ge mo'i mu khaM kI la ya hU~M phaT/ rmyos byed la gzugs brnyan byas nas gro ga la ba blas bris nas de'i khar bcug ste/phur bus btab la lam bzhi mdor sba bar bya ste/ phyir rgol ba'i kha la phur bus gdab bo// //oM sar+b+ba mA ra b+hany+dza ne che ge mo'i pA dau kI la ya hU~M phaT/ sngar bzhin du snying gar bcug nas rkang pa dag la phur bus gdab par bya ste/ 'gro ba dang 'ong ba rengs par byed do//o~M bi kr-i tA nane par ba la b+hany+dza ne dzam+b+ha ya dzam+b+ha ya/ stam+b+ha ya stam+b+ha ya badzra pA she na che ge mo se n+yaM ban+d+ha ban+d+ha/ o~M hU~M phaT khaHshaHhA hA hI hI pheM pheM o~M tsaN+Da ma hA ro Sha Na hU~M phaT/ sngar bzhin du bcug nas sde'i bdag po'i mtshon cha la phur bus gdab pa ste/gzugs brnyan kha 'og tu byas te sba bar bya'o/ /pha rol gyi sde 'ong ba rengs par byed do/ /o~M da ha da ha/ pa tsa pa tsa/ ma tha ma tha/ dz+wa la dz+wa la/ dz+wA la ya dz+wA la ya/ gr-ih+Na gr-ih+Na dz+wa la dz+wa la hU~M oM tsaN+Da ma hA ro Sha Na hU~M phaT/ dur khrod kyi gos la dug dang ske tshes sor mo brgyad kyi tshad kyi lhas byin mngon par bris nas phreng ba'i sngags kyis bskor te myos byed gzugs brnyan gyi snying gar bcug nas re'u mig tu gzhag par bya'o//de nas oM tsaN+Da ma hA ro Sha Na che ge mo la dz+wa re Na gr-ih+Na pa ya hU~M phaT/ ces bzlas nas dur khrod kyi me la gdung bar bya'o//seng ldeng dang rgya shug gi me la'o/ /dgra rnams la rims byed do/ /o~M dza ya dza ya parA dza ya ni rdzi ta yan+t+re hI hI s+pho Ta ya s+pho Ta ya uts+tshA da ya uts+tshA da ya/ shI g+h+raM karma ku ru tsaN+Da ma hA ro Sha Na hU~M phaT/ dur khrod kyi ras la bris nas skud pa sngon pos dkris nas dpung pa'am/mgul lam/ mgo bo'am/ rked par 'chang bar byed na gzhan gyi sngags rab tu mi 'byung ngo / /o~M tsaN+Da ma hA se na gra sa gra sa kha kha khA hi khA hi/ sho Sha ya sho Sha ya/ ma ra ma ra mA ra ya mA ra ya che ge mo oM phaT/ dur khrod kyi ras la bris nas sngar bzhin du gzugs brnyan du bcug ste sor mo'i tshad kyi rus pa'i phur pas sam/lcags kyi phur pas phur bus btab nas dur khrod du kha 'og tu byas nas sbas na nyi ma bdun gyis 'chi bar byed do/ /o~M tsaN+Da ma hA ro Sha Na che ge mo u c+tsA Ta ya hU~M phaT/ni ma pa'i shing bya khwa ta'i tshang na gnas pa blangs te/ dur khrod kyi mes bsreg par bya'o/ /de'i thal ba la brgya rtsa brgyad du mngon par bsngags te/ khyim dang / gos la gtor ro/ /rnga mo la zhon pa g.yon par byed pa'i zhags pas bcings nas/ lho'i phyogs su drangs par yid kyis bsam par bya ste/skrod par byed do/ /o~M dwe Sha dwe Sha badzre che ge mo dang che ge mo pi dwe Sha ya o~M tsaN+Da ma hA ro Sha Na hU~M phaT/ 'thab bzhin pa'i glang po dag gi rdul bzung nas bsgrub bya'i gzugs brnyan gnyis byas nas bsnun par bya'o/ /phan tshun sdang bar byed do//o~M tsaN+Da ma hA ro Sha Na hri~M hri~M hro~M g+ho ra rU pe Na tsa Ta tsa Ta pra tsa Ta pra tsa Ta/ ha na ha na g+ha ta ya g+ha ta yA kaD+D+hA kaD+D+hA pra s+phu ra pra s+phu ra/ pra s+phA ra ya pra s+phA ra ya/ kI la ya kI la ya/ dzam+b+ha ya dzam+b+ha ya/ stam+b+ha ya stam+b+ha ya che ge mo la hU~M phaT/ gro ga la tA la'i smyu gus rus sbal sor drug par mnyam par bris nas rkang pa bzhi la hrIM gi yi ge dang /Sh+T+riM'i yi ges kha'i dbus su son par dkris par bris nas/ de nas sgrub pa pos de'i rgyab tu sngags kyi phreng ba gzhan gyis kun tu dkris te mchod cing / de nas brtsam par bya'o/ / so phag gi steng du bzhag nas rus sbal mang pos 'gebs so/ /srad bu dmar pos kun tu dkris nas rkang pa rab tu bsdus nas mi 'degs par byas la/ rkang pa g.yon pas brdeg par bya'o/ /che ge mo me bas mA na ya lan bdun gyis dgra'i kha rengs par byed do/ /o~M tsi li tsi li/mi li mi li mA li te hU~M phaT/ mig 'dzums pa nyams par byed do/ /oM ts+tsh+rIM ts+tsh+riM ts+tsh+ru+iM sho Sha ya sho Sha ya/ d+ha ra d+ha ra/ ban+d+ha ban+d+ha/ o~M tsaN+Da ma hA ro Sha Na hU~M phaT/ ba lang gi rus pa'i phur pa sor brgyad pa'i tshad la brgya rtsa brgyad du mngon par bsngags nas ba lang gi gnas su sbas na'o ma mi 'dzag go /o~M ba li pat+taM pa ta ya su ra pa ti mA dz+nyA pa ya ti dz+wA la ya dz+wA la ya/ o~M tsaN+Da ma hA ro Sha Na hU~M phaT/ grog mkhar gyi sa'i rdo rje la brgya rtsa brgyad du mngon par bsngags te/ tshong pa'i khyim du sba bar bya ste/ zong mi bri no/ /o~M hrIM hriM traM praM yam ma tha ne A kaD+D+h+yaA kaD+D+h+ya k+Sho b+ha ya k+Sho b+ha ya/sarba kA ma pra sA d+ha ne hU~M hU~M phaT phaT swA hA/ gro ga'i 'dab la gur gum dang yang dag par ldan pas lha phyag gnyis pa lag na zhags pa dang lcags kyu can 'dod pa drag cing 'jigs par byed pa bris la/ glang po che'i chang dang / zla mtshan dang / me tog gis sngags kyi yi gi rnams spel bar bya'o//o~M spyi bor ro/ /hU~M snying gar ro/ /hrIM lte bar ro/ /traM mig tu'o/ /de la phreng ba'i sngags kyis bskor nas phye ma dmar pos bgos nas/ skyes pa'i thod par bcug nas/ mar dang / sbrang rtsi dang / myos byed kyis bkang ste srad bu dmar pos dkris nas/mgo bo'i gnas su sba bar bya'o/ /rkang pa g.yon pas mnan nas bzlas par bya ste/ stong phrag nyi shu rtsa lngas grong g.yo bar 'gyur ro/ /o~M A kaD+D+h+ya A kad+b+h+ya mo ha ya mo ha ya che ge mo me ba shI b+ha ba tu swA hA/ lto ba'i srin bu phra mo'i phyi ma dang /khu ba dang / ming med kyi khrag dag gis ba Di ka byas nas mngon par bsngags te/ bza' ba dang / btung ba la sbyin par bya'o/ /gyen du 'khor ba'i 'dab ma dag dang / bung ba'i gshog pa dag dang / rgyal po gnyis kyi so dag dang / shi ba'i phreng ba'i phye ma 'dis rnam par btags pas brgya la ba'i lus can lus can gyi rjes nas rjes su rgyug go /o~M shwe te gr-i d+h+r-i NI khA hi pany+tsa rU pI N+ya khaHkhaHhaH haHsaHsaHtsaN+Da ma hA ro Sha Na se na A dz+n+wa pa ya ti swA hA/ yang na o~M saM kA ri Ni tsaM baM hAM haM hU~M haH/ dug thams cad 'joms par byed do/ /o~M nA gA ri d+hA ma ne ha ra ha ra phaT phaT/sa las 'das pa'i sgo la tsI ra ka ra dza'i gos bzung nas 'jug go /o~M A ne kA Ne che ge mo ba shI ku ru swA hA/ dri bzang po can gyi me tog dkar po sbyin pa las dbang du byed do/ /na mo bI ta rA gA ya mai tri sid+d+ha lo tsi ni swA hA/ chu la mngon par bsngags nas des mig bkrus pa las rab rib 'joms par byed do//o~M sa ba na kha kha tsUr+Nu khA da nA tra na pra b+ha ba ti/ A dit+yar tha be ge na bA su de ba len tsa/ ga ru Da bAk+Shi pA te b+hU myAM gats+tsha bi ShaM swA hA/ sbrul dang / sdig pa dang / karka Ta la sogs pa'i dug 'joms par byed do//o~M tsA muN+De a dzi te a pa rA dzi te phu phu rak+Sha rak+Sha swA hA/ bong ba la lan bdun mngon par bsngags nas phyogs bzhir 'phang bar bya'o/ /de bzhin du gcig gzhag par bya'o/ /o~M dzam+b+ha nI sta m+b+ha nI mo ha nI sarba duSh+Ta pra sha ma nI swA hA/ chom rkun mi 'byung ngo //o~M namash+tsaN+Da kro d+hA ya hu lu hu lu tiSh+Tha tiSh+Tha ban+d+ha ban+d+ha mo ha ya mo ha ya ha na ha na hU~M phaT/ me tog la sogs pa la yongs su bzlas te/ byin pa las dbang du byed do/ /na mo ra t+na tra yA ya/ oM TaHsuHbisma re swA hA/ ke ta kI'i 'dab ma lus la bcangs na rims thams cad 'joms par byed do//zhes pa gshin rje'i gshed dmar po'i rgyud du dpa' bo gcig pa'i sgrub thabs la sogs pa 'khrul 'khor dang / sngags kyi le'u ste bcu dgu pa'o// //bcom ldan 'das mas gsol pa/ kye bcom ldan 'das ltad mo nyan par 'tshal lo//shA kho Ta ka'i rtsa ba dang / ba ru ra 'i rtsa ba gcig tu byas nas khyim du gzhag par bya ste rtsod par 'gyur ro/ /da d+hu ra'i me tog gi dbus su gnas pa'i guN+Da ka dri bzang po'i me tog gi dbus su bcug pa bsnoms pa tsam gyis mgo la gzer 'byung ngo / / rtsa ba mo snar bcug pas grol lo/ /khyi mo'i mngal gyi mal stan de yis bdugs te/ bskor la rma bya'i mjug mas g.yas su bskor bas ri mo 'phrog go /g.yon du bskor bas thar ro/ /khwa ta'i snying khrag gis shing a mra'i 'dab ma la de'i 'dab ma'i snyug gus bris pa'i 'khrul 'khor gang gi bshang ba la bzhag pa de khwa tas za bar byed do//b+ha ga'i rnam pa'i dong byas nas bu da med kyi bshang ba dang / sdig pa dang / bat+t+ri ka dang ldan pa bcug nas byug par bya ste/ de'i tshe lam du gnod par byed do/ /shing snu hi'i 'o mas bsgos pa'i til gyi til mar bskus pa las mgo skyes dkar por 'gyur ro//skra bzhar ba yis thar ro/ /byi la mo'i phru ma dang / mi mo'i phru ma dag gis bdugs pa las brtsigs pa'i ri mo mi mthong bar byed do/ /sbrang rtsi'i bdugs pas thar ro/ /rnga mo'i thod pa dang / dbyug pa dkar po dang / skud pa la bab las bsgos nas lag pa la ba skus nas bkug par byas na ri mo mi mthong ngo / /lag pa bkrus pa las thar ro/ /bud med kyi phru ma'i bdugs pa las ri mo 'gebs par byed do/ /gu gul gyis bdugs pa las thar ro/ /sbal ba'i zhun mar gyi mig sman las khyim du yod pa'i sbrul mthong ngo //mar me mnal ba'i me la mu zi'i phye ma byin pa las 'bar bar byed do/ /shing snu hi'i rtsa ba dang bu ram zos na gnyid med par 'gyur ro/ /kA mA tsi'i rtsa ba gtsug tor du bcing bar bya ste gnyid med par 'gyur ro/ /klu 'dul bar byed pa dang ka dro Ni'i me tog gi rtsa ba dang /yung ba dang / 'bras thug po che btags nas dril phyis byas pa la sa chu yongs su zad pa las rgyal lo/ /shing shA la ma li'i rtsa ba la mtshal dang ldan pa zos pa las me tog ltung bar byed do/ /kA kuSh+Tha dang / mA dir sbyin par bya ba 'am/ yang na tAm+bU la yis rdul dang bral bar 'gyur ro/ /shing snu hi'i lo ma dang / marka Ta'i sa bon dang / shing srin gyi phye ma bu ram dang lhan cig zos pa las khrag ltung ngo / /te'u lo'i phye mas rta'i sna la bkus na zas mi byed do/ /tsan+dan gyis bkrus pa las thar ro/ /shing ke ta kI'i rtsa ba mgo la bcing bar bya/shing 'bra go'i rtsa ba lag pa la/ tAm+bUla'i rtsa ba kha ru'o/ /skar ma rgyal la gdon par bya'o/ /byang phyogs su bltas te gcer bu skra grol bar gyur nas gsum po rnams cung zad btags nas btung bar bya ste/ mtshon chas 'joms par mi 'gyur ro//sho nA kA dang / bI dza bU ra ka rkang pa'i tshad gnyis po sha ba'i pags pa'i khud du mnyes te/ o Sha NI zos nas lce'i mthil du bzhag pa las/ 'bras bu gdung bar 'gyur zhing skye bar mi byed do/ /zhes gshin rje'i gshed dmar po'i rgyud du thun mong gi sman gyi le'u ste nyi shu pa'o// //kye bcom ldan 'das sems can rnams dus byed pa nges par byed pa'i mtshan ma rnams bcom ldan 'das kyis bstan du gsol/ rkang pa dang rkan la phug nas mig tu zug pa las zla ba gsum gyis grub bo//rna bar phug pas zla ba bzhes so/ /mdzod spur zug pa las nyi ma gcig gis so/ /rkang pa dang rkan la phug nas lte bar zug pa las zla ba gsum gyis 'chi'o/ /rkang pa dang rkan la phug nas sna la zug pa las zla ba gsum gyis so/ /bshang ba rab tu 'dzag pa'i dus mtshungs par sbrid pa byung na lo gcig gis so//chags pa spyod pa'i dbus sam/ mthar sbrid pa byung bas de dang 'dra 'o/ /mthe'u chung thams cad du zug pa las zla bas so/ /snying dang / mgrin par zug pa las phyogs gsum gyis so//mtshungs par rkan la gsum zug pa las nyi ma gsum gyis so/ /rkang pa'i mthe bong nas brtsams nas lte ba'i mthar thug par zug pa las zla ba drug gis so/ /sna'i rtse mo'i sha lhod par gyur na mtshan mo bdun gyis so/ /chags pa spyod pa'i dus su rna bdag gi dril bu'i sgra las zla ba gsum gyis so//rna ba'i rtsa ba dang / smin ma'i dbus dang / mgo bo'i rtse mo rnams su so so so sor zug pa las nyi ma gcig gis so/ /sen mo la dmar ba mi mthong ba las zla ba drug gis so/ /so bskams pa las zla ba drug gis so//'gog med ma ma mthong na zla ba drug gis so/ /lte ba phyin ci log pa las so/ /bu ga thams cad mthong ba las phyogs gsum gyis so/ /ha 'debs pa grang bar tshor na zhag bdun gyis so/ /ming med kyi rtsa bar ri mo nag po mthong ba las nyi ma brgyad na'o//yan lag thams cad bsil bar mthong ba las nyi ma bcu yis so/ /khrus byas pa byas ma thag bskams pa na zla ba gnyis na'o/ /lus dri ngan pa las mtshan mo gsum gyis so/ /gcin g.yon du 'khor ba las zla ba drug gis so//lus dang mig rengs na nyi ma gcig gis so/ /sna'i rtse mo ma mthong ba las zla ba phyed kyis so/ /'di dag de bzhin rnal 'byor pas/ /shes nas bsam gtan sgom la 'bad/ /rnal 'byor pas ni klog pa dang / /sngags bzlas pa la brtson par bya//srung ba lnga sogs bklag pa yang / /rang ngam gzhan gyis bya ba'o/ /nyin rer tshogs la zas dang ni/ /dge 'dun zas dang de bzhin gzhan/ /dman dang zhan la rjes brtse bas/ /sems can rnams la rtag tu bya/ /zhes pa sna tshogs rgyud du gsungs/ / zhes so/ /de nas bcom ldan 'das ma yis/ /bcom ldan 'das la dam po yis/ /'khyud nas pad+mas rdo rje ni/ /rgyas par byas nas rab gsol ba/ /rdzogs pa'i rim pa'i rnal 'byor la/ /sgom pa ji lta bu zhig 'gyur/ /rnal 'byor pa rnams phan don du/ / zhus pa 'bras bur bcas par mdzod/ /bka' stsal pa/ rdzogs pa'i rim pa'i rnal 'byor gang / /rnal 'byor brtson pa'i rnal 'byor pa/ /nyin mtshan mnyam pa'i tshul du ni/ /sems gcig gis ni bsgom par bya/ /re zhig rang gi bud med bsam/ /srid pa'i ngo bos nges par rgyas//shin tu brtan zhing mngon sbyor bas/ /ji bzhin kho nar gsal bar 'gro/ /de nas ma dang bu mo'am/ /rnal 'byor ma dang tsha mo dang / /gzhan yang nye du mo rnams kun/ /gtum mo de bzhin bram ze mo/ /de sogs mi mo'i tshogs pa kun//cho ga bzang pos bsnyen par bya/ /ji ltar dbye ba mi shes pa/ /dbye bas rje btsun chog shes pa/ /sgrub po mnar med 'khrid par byed/ /'jig rten 'dir ni 'gal ba nyid/ /'jig rten pha rol bden pa bcom/ /de phyir kun tu rab 'bad pas/ /blo bzang legs sbas yang dag brtsam//mkha' 'gro ma sngags bzhin sbas nas/ /ji ltar sangs rgyas kyis gsungs pa'i/ /yid dang rjes mthun phyogs su ni/ /nye bar 'tshe ba kun spangs te/ /rang sems dga' ba'i 'dod pa mo/ /rab dang de dag yang dag blangs//dben zhing dub pa med byas nas/ /ji ltar rnyed pa'i dngos po ni/ /gnyis kyis brtan pa bsgom par bya/ /blo bzang phan tshun sbyor ba las/ /bud med rang la mngon phyogs byas/ /zhugs nas gnyis dag phan tshun du/ / chags pas brtan por blta bar bya/ /de nas bzhin la blta bsams nas/ /rtse gcig yid kyis gnas par bya/ /de bzhin bde ba sbar byed pa'i/ /tshig ni de nyid la brjod bya/ /de yi bu dang khyim thab khyod/ /bdag gispun dang mes po'o/ / khyod nga'i ma dang chung ma ste/ /rnal 'byor ma dang tsha mo'o/ /skyes bu bdun gyi 'bangs pa yin/ /khyod zhal nyid kyi 'bangs dang bran/ /bde ba sbar bar byed pa'i mchog /de 'dra'i tshig ni brjod par bya/ /khyod nga'i pha ma chung ma dang / / rnal 'byor ma dang tsha mo ste/ /nga ni khyod kyi dus kun 'bangs/ /nus pa rnon por shin tu chags/ /brtse ba'i ma yis bdag la gzigs/ /mdza' ba'i lta bas nges bltas nas/ /der ba dag skyes bu la 'khyud de/ /yang dang yang du 'o byas nas//yi ge gsum ni ster bar byed/ /de nas de la brtan bltas nas/ /de mchu so yis btsir byas te/ /rnal 'byor pa shI ta sgrogs byed cing / /de la'angasta zur du bya ba sa/ /rang bde 'byung ba bcing bar bya/ /sa ma dam+b+ha ka nyid kyang //bcings pa 'angs tshogs ming can no/ /bung ba'i dra ba bcings pa yang / /rkang pa steng nas 'dzeg 'khrul 'khor/ /de bzhin kho nar rus sbal gyi/ /bcings pa 'ang kun tu bzang po nyid/ /de la skyil krung dbus su ni//lnga gsum tsog pu'i gdan du ni/ /byas nas dpung zung phrag par ro/ /rdo rjer khrag ni mnyam par te/ /pad+mas sbrang rtsi 'jibs par bya/ /de mthong nas ni mig g.yo zhing / /gdong yang dri yis byugs byas nas/ /de nas nu mar btsir bar bya//brtan par phyogs nas de yi khar/ /reg nas kha ru sbyin par byed/ /skyod cig ces kyang smra bar bya/ /de yis 'di 'drar brjod par bya/ /bdag gi bza' ba rnam snang mdzad/ /byas pa shes par 'gyur ba nyid/ /rdo rje skyes bde bdag la stsol//'dam skyes 'dab ma gsum pa ni/ /ge sar sbrang rtsis brgyan pa ltos/ /e ma bde ba ldan pa'i zhing / /chags pa sangs rgyas nye bar mdzes/ /chags can rnams kyi bde ster zhi/ /rtog pa thams cad rnam par spangs//yid ni 'dod chags kyis dkrugs pas/ /bud med gan rkyal bsgyel nas ni/ /phrag par rkang pa zung byin nas/ /'og dang steng du nges brtags nas/ /de yi pad+ma rgyas pa yi/ /pad+ma'i bu gar 'jug par byed/ /pad+ma'i 'dab mar sha'i snying po//ldan par rdo rje de bcug nas/ /ji ltar bdag gis bye ba ni/ /nyis stong 'bum dang dung phyur bar/ /dbus su sems la rab mchod bya/ /bdag la rlung pad snying po las/ /snying po bla med rdo rje'i rtser/ /rak+ta ban d+hu ka mtshungs pa//rdzogs pa'i sangs rgyas rjod par byed/ /blo ldan rtse gcig sems kyis der/ /yang nas yang du bsam gtan bya/ /g.yo med brtan pa'i sems kyis ni/ /'khor lo'i bde ba nyid bsgom bya/ /de las so sor mchog byin nas/ /dga' ba'i skad cig nyis 'gyur nyid//ji srid rab brjod 'di lta bu'i/ /gzugs su skad cig tsam bsam bya/ /bud med ri mo bskyed ma yang / /'gro gsum rnams kyi bde ba gcig /sbyin ma zhi ma 'dir sdang bas/ /tshig rtsub pa yi sdig pa'i las/ / yang dag gnas shing zad ma yin/ /de nyid kyis de gting dpag par/ /dka' ba'i dmyal ba ngu 'bod du/ /rtag tu sdug bsngal 'o dod 'bod/ /mang por lus ni sreg byed cing / /bskal pa gsum du gnas par 'gyur/ /bud med yon tan brjod ci dgos/ / snying rjes nyin mor byed pa las/ /sems can kun la yongs su 'dzin/ /bud med sems kyis so sor gnas/ /nub par gyur nas skye bo bzang / /'khor bcas zas kyis rnam par gso/ /gal te de lta'i gzugs gzhan min//rdo rje rnal 'byor ma dpal lo/ /sa dang sa la ring mo nas/ /de yi nub dang mthong ba ni/ /gang gis dran par byed tsam gyis/ /skad cig de las bde ba myong / /phyogs gcig yul la bud med rnams/ /lha rdzas gzugs kyis yang dag gnas//phyag rgya de la phan byas nas/ /mi rnams bde la gnas par byed/ /de phyir skyon las rnam par grol/ /yon tan dam pa kun la mkhas/ /bsod nams bsod nams bsod nams che/ /bdag gi 'dod la bka' drin gyur/ / gshin rje'i gshed dmar po'i rgyud du le'u nyi shu gcig pa'o// //kye bcom ldan 'das/ mu stegs byed pa rnams thams cad du snying brtse ba med par 'dod pa'i don lhur len pa dang / gang zhig ngag gdug pas thams cad du gsod pa lhur len pa de rnams kyi bsam pa la thugs brtse bar gyur pas de dag mnga' bdag gis bdag la gsung du gsol//dang por gso sbyong sbyin par bya/ /phyi nas bslab pa'i gnas lnga sbyin/ /bye brag smra ba 'bad pas bslab/ /mdo sde pa yang de bzhin no/ /dge ba bcu la goms gyur cing //bla ma la gus 'dul la mos/ /dbu ma'ang slob tu bcug nas ni/ /sngags 'di kun tu brtsam par bya/ /gsang las shin tu gsang ba'i rgyud/ /myur du phun sum tshogs pa'i rgyu/ /cho ga'i sbyor ba 'dis myur du/ /bslab pa thos nas spyod yul bzang //bdud bzhi rnam spangs rnal 'byor pas/ /lha yi sbyor bas gnas par bya/ /s+t+wa res gcod pa dang thod le kor byas nas nyi ma gzas zin pa'i dus su mi bskyod pas gtor te/ de nas rkang pa gnyis kyis mnan nas sngags bzlas par bya'o/ / gsang sngags 'bum phrag gcig bzlas nas thig le bya'o/ /stobs mtshungs par 'gro ste de gsal bar byed do/ /bdag gi lte bar bsgom pa'i man ngag go /gang gang skad cig las brtsams te/ /de don nyi mas bsgrub par bya/ /nyi ma lnga yi mthar thug bya/ / bdag gis log smra'i 'jig rten la/ /legs sbas rab tu gsal ba ni/ /de nyid 'dus pa'i rnal 'byor mchog /rnal 'byor ma kun de nyid bstan/ /bzlas brjod 'bum phrag gcig tu brjod/ /rtul po yis ni 'bum phrag lnga/ /gang zhig rgyud du gsungs rang gi//rang bzhin las ni 'bum phrag bzhi/ /de bas shin tu nyung ngu 'di/ /lha mo de kun gsal bar bstan/ /dpal ldan gshin rje'i gshed dmar po'i rgyud kyi rgyal po le'u nyi shu rtsa gnyis pa'o// //rang gi rgyud 'di mi shes par/ / rgyud dang rgyud du nges brjod pa/ /gal te 'tsho ba'i bsam pa yis/ /stong pa'i sa la de 'khor ro/ /dpal ldan gshin rje'i gshed dmar po'i rgyud kyi rgyal po rdzogs so// //skad gnyis smra ba chen po thar pa lots+tsha ba'i bka' drin gyis bskyangs pa/ bod kyi lo ts+tsha ba shAkya'i dge slong rin chen grub kyis/ chos kyi rje khro phu lots+tsha ba'i gdan sa gnas gsar dgon par bsgyur cing zhus te gtan la phab pa// //rgyud 'di 'gyur las 'bad pa'i bsod nams kyis/ /nag po'i rtsa lag ma lus kun bcom ste/ / bstan pa'i bya ba yid bzhin 'grub pa dang / /mthar thug 'jam pa'i rdo rje nyid gyur cig /rgyud kyi rgyal po chen po 'di sngar bu ston rin chen grub kyis rang 'gyur du mdzad pa la/ rgyud kyi don la mkhas pa'i dam pa 'ga' zhig gis gzhung 'khrug pa dang 'gyur ma bde ba'i dogs gnas dpyad gzhir mdzad par brten/rgya dpe rnyed na 'gyur bcos byed dgos dpal rig pa 'dzin pa'i dbang phyug mchog gi bkas bskul te/ ne pA la'i yul nas rgya dpe btsal nas/ 'gyur rnying la rgya dper tshigs bcad yod pa tshig lhug tu byas pa 'ga' zhig dang / tshig mi bde ba ltar snang yang don la mi 'gal ba rnams rang sor bzhag cing /'khrug sdeb par 'os pa 'ga' zhig snang yang rgyud gnyen por gyur pas mchan bkod tsam las rngo ma thogs/ gzhan mi bcos su mi rung ba rnams blo nus dang ji ltar 'tsham par legs par bcos shing gtan la phab ste/thub bstan chos 'khor gyi dgon par chos smra ba bstan pa'i nyin byed kyis zhu chen bgyis pa tshul bzhin ma rtogs pa sogs kyis nongs pa mchis na 'jam pa'i rdo rje nyid la bshags shing / dge bas dpal ldan bla ma'i zhabs pad brtan cing /bdag kyang 'chi bdag gi bdud las rnam par rgyal zhing bstan pa'i bya ba mthar phyin pa dang / mthar thug dpal ldan dus dgra'i dbang po'i go 'phang myur du thob par gyur cig/ //

CLOSE WINDOW