བོད་ཡིག |
158b7 //de nas byang chub sems dpa' sems dpa' chen po rdo rje snying po la sogs pas yang mchod pa byas nas phyag 'tshal te 'di skad ces gsol to/ /thig ler
159a1 thig le dag gi don//gtan phab yang dag gsal gsungs na/ /bdag gi dbus su rang byung bas/ /des na rang byung brjod par bya/ /rang byung zhes bya 'byung chen gyi/ /don ni rjes su dpag bya'i phyir/ /'di ni rang byung bcom ldan 'das/ /
159a2 gcig pu nyid ni lhag pa'i lha/ /lhag pa'i lha zhes bya ba ni/ /gong du gsungs pa'i khams rnams so/ /de rnams dbus su phul byung che/ /zhes bya gtso bo'i gzugs kyis so/ /gsang ba mchog tu dgyes pa na/ /thams cad bdag nyid rtag tu bzhugs/ /
159a3 ji lta bur ni bcom ldan 'das/ /sangs rgyas kun dang mnyam sbyor ba/ /mkha' 'gro ma yi dra ba'i sdom/ /gzhan du ji ltar rnam pa 'dis/ /sdom pa mchog tu phan pa lags/ /gsang ba'i sgras ni yon tan can/ /gsang ba'ang yon tan du ni grags/ /
159a4 rdo rje can ni yon tan can/ /'jig rten mchog dgyes smod pa spangs/ /gsang ba'i sgra ni kla klo'i skad/ /phyi rol rjes su btsal bas kyang / /'di ni mngon sum shes par bya/ /rjes dpag yon tan can gyi sgras/ /gang tshe sems ni mi mthong ste/ /
159a5 sems zhes bya ba 'di yang ni/ /yon tan can dang yon tan gsungs/ /gsang ba mchog gi dgyes pa na/ /thams cad bdag nyid rtag tu bzhugs/ /gsang ba 'di la chos nyid gnas/ /de la thams cad bdag nyid ni/ /de ni thams cad rnam par gnas/ /
159a6 de gang stong pa'i rdo rje can/ /sdug dang lhan cig dga' ba'o/ /gang tshe sems kyi gzugs kyis ni/ /sngo sogs mig gis mi dmigs shing / /rna sogs thos par mi 'gyur ba/ /de tshe sems ni ji lta bur/ /de tshe rjes dpag ji ltar lags/ /'di ni sna yis
159a7 mi dmigs na//dri dbus su gnas sam ci/ /sems ni phyi rol mi dmigs shing / /de bzhin nye ba'i longs spyod med/ /ro ni mngar dang kha la min/ /de bzhin du ni reg bya nyid/ /gsang ba mchog gi dgyes pa na/ /thams cad bdag nyid rtag tu bzhugs/ /
159b1 gsang ba 'di ni ji lta bur/ /rjes su dpag pas bsam par bya/ /ji ltar yi ge'i dbyibs su ni/ /phyin pa yi ni ye shes nyid/ /gzhan du bcom ldan sgra ji ltar/ /lha zhes bya ba ji ltar lags/ /sangs rgyas kun gyi nges don ci/ /mnyam par sbyor ba ci
159b2 zhes bgyi//mkha' 'gro ma ni gang gi ming / /dra ba ji lta bu zhig lags/ /sdom pa zhes bya ci zhig bshad/ /de bzhin spyad par dka' ba nyid/ /khyod kyis 'dod chags med gsungs ci/ /chags bral med pa de bzhin gzhan/ /dbu ma zhes bya gang gi
159b3 ming //bud med kun gyi sgyu ma ci/ /stong nyid gzugs khams la sogs pa/ /ci zhig bshad cing mnyam nyid sbyor/ /dang po rnam pa drug 'gyur dang / /sna tshogs pad+mar bris sku dang / /A li kA li phyag rgya che/ /de nyid med sems rnal 'byor dang / /de nyid
159b4 bzang po ji ltar lags//rnal 'byor nyid la mnyam gzhag dang / /phyi rol drag kyang yang dag bshad/ /zla ba nyi ma rdzogs sangs rgyas/ /'byung ba ji lta bu zhig lags/ /bris pa dang ni ma bris pa'i/ /dkyil 'khor ji ltar gzhag par bgyi/ /de
159b5 bzhin sngags dang rgyud nyid dang //gsang ba'i gnas ni mi 'tshal zhing / /pad+ma bzhi ni khyad par du/ /bdag dang bdag gi ji ltar lags/ /de bzhin sems dang sems byung nyid/ /sems kyi ngo bo ye shes gsungs/ /de bzhin rnam par shes pa nyid/ /
159b6 rgyu dang 'bras bu'i dngos po dang / /de bzhin chos dang chos can nyid/ /chu bo'i rgyud ni ci zhes bshad/ /rgya mtsho yang ni khyad par du'o/ /sna tshogs nyid ni khyod gsungs na/ /mang po ji ltar 'thob mi 'gyur/ /rnam shes ye shes khyod kyis gsungs/ /de bzhin
159b7 bcud kyis len nyid dang //g.yon brkyang la sogs ci lags dang / /gzhu yis rnam rgyal de bzhin gzhan/ /gtso dang gtso min sgra ci lags/ /brtag pa yang ni ci zhig gsungs/ /byang chub chen po'i chos rnams ni/ /sum cu rtsa bdun nang gi dang / /
160a1 sku la sogs pa de bzhin gzhan/ /nyan thos rnams kyis khyod gsungs dang / /des kyang dgos pa ci zhig mchis/ /rdo rje sems dpa' bde ba che'i/ /rnam pa'i rnal 'byor gyis ni ci/ /tshangs pa dbang phyug khyab 'jug kyang / /de bzhin
160a2 gsol ba ci yi don//'dod pa'i lha ni chung mar bcas/ /lha mo dka' zlog gzungs ma/ /gong du skyabs su song ba nyid/ /gnyis gnyis sbyor ba 'dod mdzad pa/ /'di ltar sbyor ba'i 'thab mo dang / /de la gsang ba ji lta bu/ /rdo rje can gyis
160a3 rdzun pa yi//phyis ni tshig tu smra bar mdzad/ /sangs rgyas rdo rje sems dpa' yang / /tshangs pa khyab 'jug dbang phyug dang / /zla ba sngar gsungs gzhan du ni/ /thams cad bdag nyid rtag tu bzhugs/ /ji ltar rdo rje can zhi bas/ /khro bo'i gzugs
160a4 can ji ltar lags//chos kyi sku ni ji ltar lags/ /longs spyod rdzogs pa ci zhig lags/ /sprul pa rdo rje nyid 'byung dang / /he ru ka ni ji ltar gsungs/ /pad+ma gar dbang ji ltar lags/ /gshin rje'i gzugs su ji ltar 'gyur/ /de bzhin du ni rta
160a5 mchog nyid//ji ltar cho gas ci gsungs dang / /lha mo de bzhin khro bo nyid/ /kla klo khyod kyis bshad pa ni/ /des kyang dgos pa ci zhig mchis/ /re zhig lha mo rnams kyi tshig /btu bar byas pa ji ltar lags/ /sngags kyi smra pos 'di dag ni/ /ji ltar rdo
160a6 rje sems khyod kyis//thams cad yang dag rnam par shod/ /bcom ldan 'das kyis bka' stsal pa/ 'di skad bdag gis zhes bya ba la sogs pa nas gzung ste/ dang por brtsam par byas nas 'dir yang rjes su 'byung ste/ rigs kyi bu yang brjod par bya'o/ /
160a7 gsang ba'i sgras ni bdun gyi rnam pa ste bdun pa zhes bya ba'i don to/ /brgyad pa ni brjod du med pa'i mtshan nyid do/ /gsang ba zhes bya ba'i sgras ni sems dang sems las byung ba gnyis su med pa ste/ de bzhin gshegs pa nyid du gsungs so/ /de bzhin nyid du ro gcig
160b1 pa nyid ngo bo gcig pas der gsang bar byung ba'i phyir gsang ba ste/nam mkha' thams cad du khyab par 'gro ba ni bcom ldan 'das kyi tshad de/ dpal rdo rje sems dpa'i ye shes kyi phyag rgya la sogs pa dang / rdo rje'i lha mo dang ldan pa ni gnas so/ /kye bcom ldan
160b2 'das khyad par du 'phags pa'i gnas gang lags/bcom ldan 'das kyis bka' stsal pa/ mchog ces bya ba ni khyad par du 'phags pa ste ye shes dam pa'i yul lo/ /dgyes pa na zhes bya ba ni nyams dga' ba na ste/ dpe thams cad dang bral ba'o/ /spyan la
160b3 sogs pa dang yang dag par sbyor bas dga' bar byed pas nyams dga' bar byed pa'i phyir dgyes pa na'o//dpal rdo rje sems dpa'i sbyor ba dang / lha mo thams cad dang mnyam par 'gro bas nam mkha'i khams kyi mthas gtugs par lha mo thams cad kyi bde ba
160b4 chen por sbyor ba thams cad kyi bde ba dang ldan pa 'di las 'byung ba'i stobs ni gzhal du med de/phan tshun du rab tu rangs pas dga' bar byed cing / skyes bu rnams dang de rnams kyi dga' ba ni dgyes pa na'o/ /thams cad bdag nyid ces bya ba ni thams cad kyi bdag
160b5 nyid de/rigs kyi bu de ltar bcom ldan 'das kyis gnas gang sngar gsungs pa'o/ /de'i phyir de bzhin gshegs pa thams cad kyi bdag nyid du gsungs te/ thams cad bdag nyid kyis ni de gsungs so/ /de ltar gyur pas thams cad bdag nyid ces bya ba
160b6 'dis gnas phun sum tshogs pa gsungs so//ji ltar gsungs pa'i gnas su so so bskyed pa'i rang bzhin gyis ji snyed btsun mo'i 'khor gyi dbus su rtag tu bzhugs so zhes gsungs so/ /sangs rgyas dang kun 'dis sangs rgyas kun te/ 'jig rten gyi khams
160b7 thams cad kyi rdul phra rab dang mnyam pa'o//rtag pa la sogs pa de bzhin gshegs pa de rnams kyis byas pa'i phyir ram/ rang bzhin gyi phyir gnas ni sangs rgyas kun dngos zhes bya ste/ sgyu 'am rang bzhin la dngos po'o/ /sems dpa' ni sems can gyi
161a1 don la nus pa'i phyir ro//rdo rje ni thabs dang shes rab kyi ye shes kyi rang bzhin gyi phyir ro/ /sems dpa' ni rnam par rtog pa thams cad kyis mi bskyod pa'i phyir ro/ /bde ba ni sngar gsungs pa'i dga' ba'i sbyor ba las shin tu ldan par zhi ba'i yid
161a2 kyi rang bzhin gyi phyir ro//mchog ni khyad par du 'phags pa ste/ bde ba'i go 'phang 'di rnams kyi sems dpa' 'di rnams kyi don dam pa'i phun sum tshogs pa gsungs so/ /'on kyang sangs rgyas kun dang mnyam sbyor ba/ /mkha' 'gro ma yi dra ba'i sdom/ /zhes bya
161a3 ba mi 'dod pa'i phyir ro//'on kyang gzhan nyid du brjod par bya ba'i phyir dogs pa bsu nas bka' stsal pa 'di ni zhes bya ba ni gang de skad du rigs kyi bu de ni gsungs pa de nyid/ sangs rgyas thams cad mnyam sbyor ba/ /mkha' 'gro ma yi dra ba'i sdom/ /zhes bya ba'i
161a4 don to//lha mo thams cad kyis yongs su bskor cing / dpal rdo rje sems dpa'i bdag nyid kyi rnal 'byor rdzogs pa ni skal ba bzang po ste/ rang gi bdag nyid kyi sgrub ba shin tu sbyor ba de nyid mchog tu 'dod chags pa dang ldan pa'o/ /skyes bu med pa'i gar mkhan
161a5 rang gi btsun mo'i 'khor gyi nang du gnas pa'i phyir shin tu don la rnam par mi g.yeng bas lha mo rnams dang yang dag par sbyor ba'i bde ba myong bar bya'o//yang dag par sbyor ba ni rnal 'byor te zhes pa'o/ /brtan pa/ rtag pa/ mchog tu yang yid srub pa'o/ /yang
161a6 na brtan pa ni rnam par rtog pa'i rlung gis mi g.yo ba'i phyir ro//gzhan yang mtha'i mtha' ji srid gnas pa'i phyir rtag pa'o/ /mchog tu yid srub pa ni lha mo thams cad kyi bde ba rjes su myong ba'i phyir ro/ /brtan pa dang / rtag pa dang / mchog tu yid srub pa
161a7 'di ni brtan pa dang /rtag pa dang / mchog tu yid srub pa'o/ /sangs rgyas kun zhes bya ba ni gzugs dang / sgra dang / dri dang / ro dang / reg bya ste/ yul gyi rang bzhin rnams so/ /rang gi bsod nams kyi tshogs kyi rgyu mthun pas ci zhig byed ce na/ 'di ni rang
161b1 gi longs spyod dang /de rnams za bar byed do/ /gzhan du na ni tha dad pa'i dngos po la rang gis nye bar longs spyod pa nyid ma yin no/ /ye shes kyi rang bzhin so sor skyes pa ni rgyal ba rnams kyis kyang shin tu mi spong ste/ rnam pa sna tshogs pa'i rim pa'i sbyor ba 'dod
161b2 chags kyi spyod pa la sogs pa'i rang bzhin las gang zhig 'dod las gang zhig 'dod chags kyi spyod pa de rnams ni rdo rje sems dpa'i cho ga 'dod pa'o//gang zhig rang bzhin bzang po de rnams ni rnam par snang mdzad kyi dngos grub 'dod pa'o/ /de ltar zhe sdang dang / 'dod chags dang / ser
161b3 sna dang /le lo la spyod pa rnams kyis he ru ka dang / pad+ma gar gyi dbang phyug dang / rdo rje nyi ma dang / rta mchog gi cho ga 'dod par 'gyur ro/ /rigs kyi bu de lta de ltar 'dod chags la spyod pa la sogs pa mi mthun pa'i phyogs kyis ji ltar dpal rdo rje sems
161b4 dpa' la sogs pa skyed par 'gyur ba bskyed nas/tshogs kyi dkyil 'khor rnal 'byor las bskyed de/ rnal 'byor gyi gtam gyis slob ma 'dul bar byed do/ /gtam ni brjod pa'o/ /bcom ldan 'das gtam ji lta bu lags/ bcom ldan 'das kyis
161b5 bka' stsal pa/gsang ba zhes bya ba la sogs pa'i gtam brjod pa ste/ kun rdzob kyi bden pa'i rang bzhin du byas pa'o/ /dpal rdo rje sems dpa'i chos kyi sku'i rgyu mthun pa nyid kyis ngo bo nyid kyi sku'i rang bzhin la nye bar spyod pa'i phyir dpal rdo rje sems dpa'
161b6 la sogs pa bskyed pa'o//rang bzhin brjod par bya ste/ brtan pa zhes bya ba ni chos ri rab ltar brtan pa'o/ /dper na ri rab rlung gis bzlog par dka' zhing rab tu gtum pas kyang bskyod par mi nus so/ /de bzhin du bcom ldan 'das dpal rdo rje sems dpa'
161b7 'di ni 'dod chags la sogs pa'i nyon mongs pa dang /nye ba'i nyon mongs pa dang / mu stegs can ngan pa'i rgol ba rab tu gtum zhing rab tu 'joms pas rang lhag par 'gro zhing bskyod par mi nus so/ /dur khrod du bzhugs pas kyang sems can thams cad kyi rgyud
162a1 du rgyu zhing rnam par dag pa'i sems chos kyi sgo du mar rjes su 'khor zhing /lhan cig tu bcom ldan 'das 'khor bar bzhugs pa'o/ /brtan pa zhes bya ba ni gnas pa'i phyogs so/ /g.yo ba zhes bya ba ni sems can gyi rgyud las gzung ste/ de
162a2 rnams ni bcom ldan 'das kyis shes par bya'o//ji ltar rnam par dag pa'i bdag nyid de rnams nyid de gzhan dang rnam pa gcig pa'i ngo bo ste/ de nyid kyi phyir bcom ldan 'das 'di ni de bzhin gshegs pa thams cad kyi thugs rnams la bzhugs so/ /sems
162a3 can nyid kyang de bzhin gshegs pa thams cad de/dngos po'i don dam pa la gnas pas de bzhin gshegs pa zhes gsungs so/ /g.yo ba ni spre'u lta bu ste/ gang zhig sems can thams cad kyi sems brtan pa'i phyir sems dpa' zhes gsungs so/ /
162a4 'dzin pa'i phyir ting nge 'dzin te/ nges par 'byed pas rdo rje nyid du 'gyur ro/ /de'i phyir sems kho na g.yo ba nyid du gsungs shing phyi rol la sogs pas ma yin te/ de rnams ni gcig dang du mas dngos po med pa'i phyir ro/ /thams cad ces bya ba ni ma lus pa'o/ /
162a5 dngos po zhes bya ba ni gnas kyi don to/ /srid pa zhes bya ba ni skye ba'o/ /brtan pa dang g.yo ba zhes bya ba ni brtan pa dang g.yo ba'o/ /dngos po dang thams cad 'di ni dngos po thams cad de/ de ni brtan pa dang g.yo ba thams cad dngos po dang srid pa'o/ /brtan pa
162a6 dang g.yo ba'i dngos po thams cad kyi rang bzhin ni gang gi thams cad kyi bdag nyid kyi rang bzhin 'di ni brtan pa dang g.yo ba'i dngos po thams cad kyi bdag nyid de/de nyid kyi phyir bcom ldan 'das rdo rje can gyis rdo rje 'dis bka' stsal to/ /rdo rje sems dpa'i
162a7 thugs kyi chos nyid kyis brtan pa dang /g.yo ba'i dngos po thams cad kyi bdag nyid de/ 'dis 'di dag brjod par 'gyur ba'i chos kyi dbyings rnam par dag pa dang / me long lta bu la sogs pas bsdus par 'gyur ba rtag pa dang / mi bskyod pa la sogs pa'i sangs
162b1 rgyas lnga po thams cad kyi phun sum tshogs pa bsdus par 'gyur ba'o//kun gyi sgras ni yongs su zhes bya bar gzung ngo / /mnyam par sbyor ba ni 'du ba'o/ /gang du zhe na/ gsang bar te/ thams cad kyi chos kyi 'byung gnas kyi bdag nyid du yin gyi gzhan du ni ma
162b2 yin no//gang dang lhan cig zhe na/ bcom ldan 'das rdo rje sems dpa' dang ste/ de dang yang dag pa'i rang gi ngo bos sprul pa la sogs pa'i yan lag dgu yis so/ /'on kyang longs spyod rdzogs pa can du mdzad pa'i sku gcig gis thams cad nas de'i bdag
162b3 nyid kyi chu dang 'o ma lta bur 'ong ba yongs su 'dzin to//de nas dkyil 'khor chen po'i rnal 'byor gyis phyi dang nang gi dngos po thams cad kyi nang du de kho na skad cig gis ji ltar sangs rgyas thams cad kyis mdzad pa ltar rtogs shing shes so/ /de bas na sangs rgyas
162b4 thams cad dang /de las gzhan pa rnams kyi lhan cig yang dag par sbyor ba ni sangs rgyas thams cad dang mnyam par sbyor ba'o/ /mnyam pa'i dus ni dbyer med pa'i dus te/ sbyor ba'i gnas kyis thams cad kyi des sems tsam du snyoms par zhugs pas gcig
162b5 tu gyur pa'i dngos pos phan tshun du bsdus pas dngos po thams cad kyi rang bzhin gyis thams cad du 'gro ba'i phyir sangs rgyas thams cad dang mnyam par sbyor ba zhes gsungs so//de bas na sangs rgyas thams cad dang mnyam par sbyor bas ni phyogs bcu'i nam
162b6 mkhar 'gro ba yang dag par mthong ba 'di ni sangs rgyas thams cad dang mnyam par sbyor ba'i mkha' 'gro mar gsungs so//dra ba'i sgras kyang sgyu ma'i rnam grangs su blta ste/ shing la sogs pa rnams las sgyu ma'i rnam par sprul pa'i glang po che la sogs pa ltar mi
162b7 bskyod pa la sogs pa'i de bzhin gshegs pa rnams lus med kyis 'dul ba'i sems can mi spong ba'i phyir ro//dkar mo la sogs pa'i rdo rje lha mo'i gzugs la reg pa'i phyir de nyid gyur pas sangs rgyas thams cad dang mnyam par sbyor ba'i sgyu ma'i mtshan nyid
163a1 gyis gang zhig zag pa med pa'i bde bas yid zhi ba'i de bzhin gshegs pa mang por 'gyur ro//de nas sdom pa'i sgras brjod par bya ste/ sa~M zhes bya ba ni bde ba'o/ /bar zhes bya ba ni khyad par du 'phags pa zhes bya ba'i don to/ /bud med kun ni gong du
163a2 gsungs so//sgyu ma ni ji skad du gsungs pa ste/ sgyu mas sgyu ma'i rang bzhin des zhes bya ba'i don to/ /de yang rang bzhin gyis grub ste grub pa rdzogs pa'o/ /ji ltar rang gi ngo bo yongs su gyur pa zhe na/ rang rnams dang de rnams kyi gzugs can ni rang gi
163a3 gzugs can te/kun gzhi dang / nyon mongs pa can dang / yid dang / mig dang / rna ba dang / sna dang / lce dang / lus kyi rnam par shes pa de rnams yongs su gyur pa ni rang gi ngo bos yongs su gyur pa'o/ /bdag med pa'i ting nge 'dzin gyi sgom pas me long lta
163a4 bu dang /mnyam pa nyid dang so sor rtog pa dang / bya ba nan tan gyi rang bzhin la gnas nas ldog par 'gyur ba zhes bya ba'i don to/ /gang gi phyir rang gi ngo bo yongs su gyur pas bud med thams cad kyi sgyu ma'i rang bzhin gyi dngos grub yin te/ de'i phyir rnyed pa kun
163a5 gyi bde spro bas//bud med thams cad 'grub par 'gyur/ /zhes bya ba yin no/ /sna tshogs dang sgyu ma ni sna tshogs sgyu ma ste/ kha dog dang dbyibs sna tshogs pa las lha mo thams cad la sogs pa'i gzugs so/ /de'i sna tshogs sgyu ma'i phyag rgya 'di bzung
163a6 nas blo la gzhag par byas nas 'di skad bka' stsal pa/mkha' 'gro ma bcom ldan 'das rdo rje sems dpa' nyid kyis btsun mo'i 'khor gyi nang du son pa'i phyogs bcu'i nam mkhar gang zhig 'gro ba 'di ni sgyu ma sna tshogs kyi phyag rgya zhes bya ba'i don to/ /'jig rten
163a7 dang 'jig rten las 'das pa thams cad kyi bstan bcos kyi nang du rab tu grags pa mi gsal ba'i skad kyis rang gi brdar byas pa zhes bya ba'i don to//mkha' 'gro ma la sogs pa 'di ni mdor bsdus nas gsungs pa yin no/ /gang gi phyir bud med thams cad ni bcom
163b1 ldan 'das kyi rdo rje lha mo'o//'khor bar byed pa'i kun gzhi rnam par shes pa la sogs pa rnam pa brgyad la gnas nas ldog pa'i mtshan nyid kyis me long lta bu dang / mnyam pa nyid dang / so sor rtog pa dang / bya ba nan tan gyi ye shes kyi sgyu ma'i rang bzhin gyis grub
163b2 pa'o//de'i me long lta bu'i ye shes la sogs pa ni sna tshogs sgyu ma'i rang gi ngo bo ste/ de rnams kyi sgyu mas nam mkhar 'gro ba'i bya ba ste/ de ni gzugs sna tshogs su 'gyur te/ de'i phyir sna tshogs sgyu ma'i phyag rgya 'di ni mkha' 'gro ma zhes bya bar brjod
163b3 par bya'o//kla klos de rnams kyi nam mkhar 'gro ba 'ba' zhig gis bya ba ni mkha' 'gro mar brjod pa ma yin te/ de skad du/ nam mkha' kun du spyod grub pa/ /mkha' 'gro ma zhes rab tu grags zhes de'i phyir bshad do/ /kun las zhes bya ba ni phyogs
163b4 bcu'o//sna tshogs dang de'i phyag rgya ni sna tshogs phyag rgya ste/ spyan la sogs pa'i phyag rgya'o/ /gzugs brnyan gyi rnal 'byor gyis sems can gyi khams la phyag rgyas 'debs pa'i phyir des na phyag rgya zhes brjod do/ /sna tshogs zhes bya ba ni thams
163b5 cad kyi rang bzhin nam/dpal rdo rje sems dpa' thams cad dang / phyag rgya ni sna tshogs kyi phyag rgya'o/ /kun las sna tshogs sdom pa yis/ /zhes bya ba ni rnam pa sna tshogs pa ste/ bde ba'i mchog gis nam mkha' kun tu 'gro ba'i ngo bo ni mkha' 'gro ma'o/ /sangs
163b6 rgyas skad dbyings zhes bya ba ni sangs rgyas dpal rnam par snang mdzad la gnas nas mngon par ldog pa ni rang bzhin gyi khams rnams te/de bzhin gshegs pa thams cad kyi sku dang / gsung dang / thugs kyi rang bzhin gyi khams rnams ni/ sangs rgyas kyi skad kyi
163b7 dbyings kyi sgras brjod de/ji ltar dpal rdo rje sems dpa' la gnas nas mngon par ldog pa'i rgyu rnams ni de'i rang bzhin khams rnams te mkha' 'gro ma'i sgras nam mkha' la 'gro ba'i rang bzhin du bstan to/ /de bzhin du rnam par snang mdzad dang / mi bskyod pa dang /
164a1 rin chen bdag po dang / 'od dpag tu med pa dang / don yod grub pa'i khams rnams su blta bar bya'o/ /sangs rgyas kun gyi mkha' 'gro ma zhes bya ba ni bcom ldan 'das rdo rje sems dpa' la spyan la sogs pas yongs su bskor ba'i nam mkha' la 'gro
164a2 ba thams cad rdo rje sems dpa'i bdag nyid kyi mkha' 'gro ma dang /de skad du dpal he ru ka la dkar mo la sogs pas yongs su bskor ba'i nam mkha' la 'gro ba thams cad he ru ka'i bdag nyid kyi mkha' 'gro ma dang / de skad du bdag med ma'i rnal 'byor dang ldan
164a3 pa la rdo rje ma la sogs pas yongs su bskor ba'i nam mkha' la 'gro ba thams cad dang /bdag med pa'i bdag nyid kyi mkha' 'gro ma dang / de skad du ye shes dang ldan pa la rdo rje mkha' 'gro ma la sogs pas yongs su bskor ba'i nam mkha' la 'gro ba thams
164a4 cad ye shes kyi bdag nyid can gyi mkha' 'gro ma dang /de ltar sgrol ma dang lhan cig pad+ma can dang / pad+ma'i 'khor lo dang / gshin rje'i rgyal po dang / de skad du rta mchog dang / de bzhin du 'jig rten gsum las rnam par rgyal ba nyid dang / gzhan yang yid
164a5 la 'dod pa yang rigs kyi rab tu dbye bas phye ba la mkha' 'gro mas de bzhin du yongs su bskor ba nyid du brjod do//de skad du sangs rgyas kun gyi mkha' 'gro rnams bstan nas/ sdom pa bshad par bya ba'i phyir bde ba zhes bya ba ni gang zhig bcom ldan 'das dpal rdo rje
164a6 sems dpa'i ye shes kyi phyag rgya dang lhan cig mnyam par sbyor bas gang zhig shin tu bde ba dang ldan par skyed par byed do//de las cir 'gyur zhe na/ mchog ni khyad par du 'phags pa ste/ bde ba thams cad kyi thabs phul du byung ba'i phyir ro/ /de nyid kyi phyir sgyu ma
164a7 thams cad kyi rab tu sbyor ba ste/de yang gzhan du nyan thos dang / rang sangs rgyas dang mnyam par sbyor bas ni ma yin no zhes bya ba'i don to/ /sangs rgyas thams cad dang mnyam par sbyor ba mkha' 'gro ma'i dra ba'i rab tu sbyor ba nyid kyis gang zhig bde ba bskyed pa de nyid
164b1 gang gi phyir sa~M gyi sgras brjod do//de'i phyir de'i rgyus gang zhig bde ba mchog khyad par du 'phags pa skyed par byed pa de nyan thos dang rang sangs rgyas kyi yongs su mya ngan las 'das pa de'i rnam par dag pa sgyu ma lta bu'i chos rnams thams cad rtogs pas snying rje chen
164b2 po skye'o//stong min zhes bya ba ni khams gsum dang / 'dod pa kun tu spyod pa'i yang dag pa ma yin par kun brtags pa'i dngos po yin pa'i phyir der yang dag pa ma yin par kun brtags pa'i stong pa ma yin pas dngos po yin pa'i phyir ro/ /stong pa min pa'ang
164b3 min zhes bya ba ni don dam par gzung ba dang 'dzin pa'i rnam par rtog pa'i dngos po med pa ste/gang gi ye shes kyis gzung ba dang 'dzin pa'i dngos po med pa'i mngon sum du byas pa de'i ye shes kyang rnam par rtog pa'i spyod yul ma yin pa'i phyir dmigs par mi 'gyur te/
164b4 de nyid kyi phyir de skad du yang dag pa'i ye shes kyi dbu mar rtogs par bya'o zhes bya ba'i don to/ /de yang shes rab pha rol phyin sbyor ba/ /zhes gsungs te/ de nyid kyi thabs te snying rje chen po dang ldan pa'i phyir ro/ /sangs rgyas bcom ldan 'das kyi snying rje'i bdag
164b5 nyid kyi dmigs pa ni snying rje'i rang bzhin te/de nas mdzes pa'i snying rje thabs zhes bya ba ni shin tu snying rje yang mdzes pa'i snying rje ste/ btang snyoms kyis dmigs pa med pa'i snying rje chen po'o/ /de nyid thabs te gang gi shin tu snying rje dang ldan pa'i thabs 'di ni
164b6 mi gnas pa'i mya ngan las 'das pa'i rang bzhin te/dpal rnam par snang mdzad do/ /cir gyur pas zhe na/ chos dag byung ba zhes bya bar sbyor ro/ /ji ltar shes rab kyi pha rol tu phyin par yang dag gsal zhe na/ shes rab ces bya ba ni chos rnams sgyu ma lta
164b7 bur rab tu rnam par 'byed pa'i rnam par brtag par bya ste/de nyid bdag gi phun sum tshogs pa'o/ /pha rol tu phyin pa zhes bya ba ni son pa ston pa ste/ shes rab pha rol phyin gsal ba/ /zhe'o/ /gang gis zhe na/ rnam rtog med par lhag mos bas zhes so/ ci mdzad
165a1 ce na/brtags par ni sngon du bdag po'i nus pa las zhes bya bar dgongs so/ /ci brtags zhe na/ brtags pa kun gyis zhes bya ba ni gzugs la sogs pa rang dbang du sgyu ma lta bu'i ngo bo'o/ /ci'i mtshan nyid rnams las zhen/ rnam rtog med
165a2 pa'i chos rnams la//sems can don ni yongs su brtags/ /zhes pa ni snying rje'i dbang gis sems can gyi don rgyur brtags pa'o/ /de brtags pas cir 'gyur zhe na/ sgra brnyan lta bur mnyam pa nyid/ /ces bya ba la sgra brnyan zhes bya ba ni brag ca'i sgra'o/ /des
165a3 dbyangs mchog dang mnyam zhing mnyam par dbyangs kyi rjes su 'gro ba dang sgra rnam par rtog pa'i ngo bo dang /shes rab kyi pha rol tu phyin pas de sgra brnyan lta bur mnyam zhing de de ltar gyur par rtog go/ /de ci zhe na/ de nas 'di ni chos ngag byung / /zhes bya ba ni de nas de'i phyir
165a4 chos las chos kyi don gyi nges pa'i tshig so sor snang ba so sor rig pa ni brtags pa'i ngo bo ste/de nyid kyi phyir 'di ni dpal rnam par snang mdzad la sogs pa'i dam tshig gsum gsal bar byed pa'o/ /ngag gi chos ni ngag gi dbyangs zhes bya ba'i don no/ /de de ltar
165a5 gyur ba ni ngag 'byed pa ste/ngag gi 'di ni de'i de bzhin du brjod do/ /de yang dag pa ma yin pa las grub pa ni chos ngag las grub pa'i phyir ro/ /theg pa dang chen po de ni theg pa chen po ste/ byang chub sems dpa'i lam 'bras bu dang bcas pa'o/ /chen po rnam pa bdun
165a6 du sbyor ba'i phyir shes rab kyi pha rol tu phyin pa la sogs pa'i mdo sde dag tu grub bo//de'i phyir ches khyad par du 'phags pa rdo rje'i theg pa theg pa chen po ni skye ba 'dir sangs rgyas la sogs pa rab tu bsgrub pa'i phyir de'i yon tan dam par gyur pa stobs dang mi 'jigs pa la sogs
165a7 pa ste/de rnams kyi tshogs ni rgyas pa ste/ de rnams yon tan dam par gyur pas so/ /dus gsum ni 'das pa dang / ma 'ongs pa dang / da ltar ro/ /dam tshig gsum zhes bya ba ni sku dang gsung dang thugs kyi rang bzhin thams cad do/ /de bzhin gshegs pa thams
165b1 cad ni rnam par snang mdzad la sogs pa'o//bstod pa ji lta bu zhe na/ rnam par rtog pa med pa rnam par grol bas gzugs brnyan la sogs pa'i rigs pas de bzhin gshegs pa thams cad kyis bstod do/ /gang gi phyir brtan pa dang g.yo ba la sogs pa ma lus pa
165b2 la stong pa nyid kyi rang bzhin gyis khyab cing brtan pa dang g.yo ba la sogs pa des khyab pas khams gsum rnam par rig pa tsam ste/de'i phyir sdom pa la sogs pa rnams la lha'i rnal 'byor du gsungs so/ /bcom ldan 'das gal te ci'i slad du de'i rang bzhin thams
165b3 cad de'i rnam pas 'jig rten pas de rtogs par mi 'gyur ba lags/bcom ldan 'das kyis bka' stsal pa/ gang gi phyir zhes bya ba ni gtan tshigs so/ /thams cad bdag nyid ces bya ba ni thams cad kyi dngos pos so/ /bdag nyid kyi zhes bya ba ni rang gi'o/ /
165b4 rnam shes phung por zhes bya ba ni gang zhig rnam par shes pa'i lus la'o/ /gnas pa ni rang rig pa'i sems kyi ngo bo ste/ de'i phyir rmongs pa ni gti mug go/ /skyes bu tha ma ni rig pa can la sogs pa'o/ /rtogs mi nus zhes bya ba ni rmongs pa dang bcas pas
165b5 mi shes so//bcom ldan 'das gal te de mi 'tshal na ji ltar de rnams kyi de kho na 'tshal ba lags/ bka' stsal pa/ sems dang sems byung sems tshul bdag /ces bya ba ni sems can gyi sems kyi ngo bo'o/ /sems zhes bya ba ni thams cad du dngos po'i
165b6 rang bzhin dge ba'i phung po la sogs pa rig par byed pa'i bdag nyid can gyi 'tsho ba'o//ye shes kyi bdag nyid ces bya ba ni thams cad du 'gro ba ste/ de la khyab 'jug gi ye shes kyi bdag nyid skyes bu'o/ /shes bya'i rang bzhin can zhes bya ba ni shed bu dang / shed
165b7 las skyes dang /tshor ba po dang / byed pa po dang / gnas kyi don dang / rang gi ngo bo can dang byed pa po nyid do/ /dbang phyug tu smra ba rnams ni chos rnams kyi byed par dbang phyug 'dod do zhes zer ro/ /chos can dngos po nyid ces bya ba ni bdag nyid can de nyid grub
166a1 pa'i mtha' las bsod nams la sogs pa'i chos rnams kyi byed pa po'am/chos kyi ngo bor dbang phyug chen po dbang phyug chen po 'dod do/ /de rab tu bstan pa'i don du 'dis rjes su 'gro ba dang ldog par gsungs pa dang / gcig dang du ma dag dang bsgrub
166a2 par bya ba dag dang /chos can dag dang gtan tshigs dang / dpe dag bka' stsal pa/ chos rnams kyi zhes bya ba la sogs pa dang / du mas zhes bya ba ni gal te du ma nyid bsgrub par bya ba'i rgyur brjod na du ma nyid mi bskyed pa'i phyir ro/ /'dis gcig pa nyid bsgrub par bya
166a3 ba'i phyir brjod pas chu bo dang rgya mtsho'i gnas kyis gnyis kyi'ang dpe brjod do//'dis gcig dang du ma dag gis bsgrub pa'i phyir dper brjod par bya ste/ de la re zhig du ma'i chos kyi mthar brjod pa'i sems la sogs pa'i dngos po du ma ni mang po nyid de/ gang
166a4 gi phyir gcig las log pa rnam pa sna tshogs pa'i rim pa 'dis chos ni du mas ni zhes pa ni rgyus thams cad mu stegs pa'i sems la sogs pa'i rnam pa du mar 'dod do//ci bcom ldan 'das dmigs lags sam/ bka' stsal pa/ chu bo'i rgyun ni zhes bya
166a5 ba'i sgras ni nyan thos so//rgya mtsho zhes bya ba ni rol mtsho las phyi rol du ji ltar chu bo sI ta dang / sin+d+hu dang / gang gA la sogs pa'i chu bo'i rgyun 'bab cing rab tu 'khor ba 'di ni sin+d+hu'i chu bo'o/ /'di ni gang gA'i chu bo zhes sna tshogs nyid du dmigs par mi 'gyur ro/ /
166a6 de bzhin du zab cing gting dpag dka' ba'i chos kyi dbyings las phyi rol du gyur pa'i mu stegs can rnams kyi bdag dang 'tsho ba dang / skyes bu dang gang zag ces bya ba sna tshogs nyid du 'dod do/ /bcom ldan 'das ci 'dir de kho na nyid du ma'i rnam pa nyid lags sam/
166a7 bka' stsal pa/ ma yin no/ /gang zhig 'dir de kho na ni gcig tu mngon par 'dod de/ de kho na nyid de'i ngo bo gcig par gzung ba nyid do/ /gang gi phyir gcig dang mang po nyid ces bya ba la sogs pa las mang po nyid ces bya ba ni de rnams kyi sems la sogs pa gang
166b1 zhig du ma rnam pa sna tshogs pa de ni dam pas dmigs par mi 'gyur zhing rigs pas rtogs par mi 'gyur ro//gang gi phyir du ma nyid ni gcig la 'jug pa ste/ dper na chu bo rnams kyi du ma nyid rgya mtshor 'jug pa ltar/ sems dang bdag la sogs pa yod do
166b2 ces bya bar rigs pas rtogs par mi 'gyur zhing /rigs pa yod pa dang ldan du zin kyang sems la sogs pa gang gi tshe chos thams cad bdag med par zhugs pa de'i tshe'ang / de rnams kyi sna tshogs nyid mi 'dod do/ /dper na rgya mtsho la chu bo du ma nyid zhugs pa'i
166b3 so sor snang ba'i dngos po med do//de bzhin du du ma nyid kyi dngos po med pa'i phyir/ de kho na nyid gcig pa'i rnam pa nyid du rtogs pa'i phyir ro/ /de de lta bu'i rnam pas gang las de kho na nyid rnyed par 'gyur ba lags/ bka' stsal pa/ bla ma'i zhal las zhes bya
166b4 ba la bla ma ni sngags dang /rgyud dang man ngag can te/ gang zhig tshig gis man ngag rnyed par 'gyur ro/ /de'i man ngag nges par bstan pa bka' stsal pa/ nang gi zhes bya ba ni rtsa mdzes pa'i spyi bor ji lta bu'i gzugs kyis rnam par gnas pa dang / nam mkha' lnga
166b5 yis brgyan par byas pa'o//gsang ba'i pad+ma ni gsang ba'i gnas zhes gsungs te/ pad+ma'i lte bar rtsa mdzes pa'i spyi bo'i phyogs su khrag dang / khu ba dang gci ba 'dzin pa'i rtsa lnga yis mdzes pa'i phyir spyi bo'i nam mkha'i gnas su'o/ /yang na chu dang / me dang /
166b6 dbang chen dang / rlung dang / bsil ba dang / tsha ba dang / gnyis kyis tsha ba'i mtshan nyid dang / 'dod chags kyi dkyil 'khor gyi nang du zhugs pas nam mkha'i lnga po 'di rnams kyis brgyan par byas pa ste/ pad+ma 'ba' zhig gis brgyan pa ni ma yin no zhes bka'
166b7 stsal to//gsang ba zhes bya ba ni don rnam pa bdun te/ brgyad pa ni brjod du med pa'i mtshan nyid do/ /gsang ba zhes bya ba ni mi gsal ba'o/ /der gsang ba de nyid phyogs yin te/ de kho na nyid mdor bstan pa'o/ /gsang ba ni sa bon lnga'o/ /gsang ba ni dam
167a1 pa'i dngos po sbas pa'o//gsang ba ni gsang ba'i pad+ma'o/ /gsang ba ni lte ba'i dga' ba'o/ /gsang ba ni thams cad du 'gro ba'o/ /gsang ba ni bde ba thams cad mtha' yas pa ste/ rgyud kyi gzhung gis bshad do/ /gsang ba yang ni byang
167a2 chub sems//gnyis pa thabs dang shes rab nyid/ /gsum pa yang ni snying rje ste/ /bzhi pa snying po dam pa nyid/ /lnga pa mnyam pa nyid du gsungs/ /drug pa yang ni byams pa nyid/ /bdun pa chos nyid ye shes te/ /'di rnams gnas su kun tu bzhugs/ /
167a3 byang chub sems ni ma skyes pa/ /ting 'dzin rnam pa sna tshogs mchog /ming ni mdzes spyir rnam par bshad/ /rdo rje sems dpa'i dga' ma de/ /mang po'i gnas su gcig pu ste/ /de ni shes rab pha rol phyin/ /kun mkhyen kun 'gro thams cad pa/ /phra snying
167a4 gsang ba'i mkha' grong 'gro//sgyu ma'i gzugs brgya rig pa'i phyir/ /sangs rgyas kun gyis 'chad par byed/ /me long la sogs dngos po yis/ /sngags ni lnga po yang dag bshad/ /shes rab pha rol phyin par gsungs/ /yi ge dang po gcig gyur
167a5 pa//me long la sogs bde gshegs lnga/ /drug pa dpal ldan bde chen po/ /de yi yang ni ye shes gzhan/ /drug pa steng du grags pa med/ /rgyud ni 'bum phrag chad du ni/ /drug pa yod par ma gsungs so/ /rdo rje sems dpa' lta bu nyid/ /mi
167a6 yi 'jig rten yod ma yin//de phyir nga yis khyod la bshad/ /'di nyid kyi ni nang son pas/ /gnyis med mnyam pa nyid du gang / /sngon dang phyi mar bcom ldan 'das/ /dpal ldan rdo rje sems dpas gsungs/ /'di la slob dpon gyis thams cad du 'gro ba'i
167a7 ye shes ji lta bu lags/thams cad bdag nyid rtag tu bzhugs/ /gnas ni rnam pa bzhi ru gsungs/ /bzhi ni cha dang yang dag ldan/ /pad+ma bzhi la rnam par gnas/ /spyi bo med snying pad+mar gnas/ /kha yi pad+ma'i spyi bor gnas/ /lte ba'i pad+mar gnas
167b1 pa'i sgra//sgra mthar gsang ba'i pad+mar ni/ /'gro dang rjes su 'ong bar byed/ /thig le'i sbyor bas rab tu bskor/ /kha dog gnag dang dmar ba dang / /mdog dkar de bzhin ser ba nyid/ /cha ni bcom ldan thig le'i gzugs/ /cha ni shes rab cha zhes gsungs/ /
167b2 lha mo sgra ni rnam nges bstan/ /gang de rig ma sgyu ma che/ /sna tshogs gzugs can mtha' yas ma/ /'byin cing sdug dang 'jigs dang chags/ /thig le'i sgra ni yongs su bskor/ /chos kyi phung po brgyad khri dang / /bzhi stong gi ni cho gas ni/ /lus kyi
167b3 de nyid mi shes pas//de dag thams cad 'bras bu med/ /yig 'bru rnams kyi dang po a/ /brtan dang g.yo ba rnams la gnas/ snying rje chen po re ga byung / /kha ni 'og tu nam mkha' 'byed/ /thog ma tha ma med pa'i lha/ /de yi spyi bo nges par bstan/ /
167b4 mchog gi de nyid 'di dag ni/ /lha mo nga yis rab tu phye/ /'di nyid las ni thams cad 'byung / /chos kyi dbyings ni bru~M du brjod/ /skye gnas dbus su rnam par gnas/ /mthar ni swA hA zhes bya'i phyir/ /bsdus nas zhes ni rnam par brjod/ /rus pa rkang
167b5 dang khu ba nyid//pha las skyes pa gsum du gsungs/ /pags pa dag ni sha dang khrag /ma las skyes pa gsum zhes bsgrags/ /'di dag tsam du gsungs pa rnams/ /gong bu rnams ni bsdus pa nyid/ /gzugs dang tshor ba 'du shes dang / /'du byed
167b6 dang ni rnam shes nyid//sangs rgyas lnga yis gzungs brnyan dngos/ /phung po dag ces bsgrag par bya/ /gzugs dang sgra dang dri dang ni/ /ro dang yang ni reg bya nyid/ /chos kyi khams zhes rnam par bshad/ /khams rnams dang ni skye mched rnams/ /
167b7 'di rnams las ni byung ba yi/ /khu ba las ni gong bu skye/ /gong bu las ni mi rnams 'byung / /yid ni nam mkha'i khams kun du/ /skye mched dang ni khams rnams dang / /dbang po phung po 'byung ba dang / /khams rnams las ni byung ba yi/ /dkyil 'khor
168a1 lus su gsungs pa ste//dkyil 'khor b+ha gar brjod pa nyid/ /dkyil 'khor yang ni byang chub sems/ /dkyil 'khor gsum du brtag par bya/ /gang la gtso bo kun spyod pa/ /rtag pa du mar kun du gyur/ /phung po rnam pa gnyis su gsungs/ /
168a2 'byung ba rig par rtag tu brtag /myos byed dang ni lcags kyu nyid/ /zhags pa pad+ma gzhug byed dang / /bcing pa lcags sgrog dril bu yang / /nges par byed pa ru ni gsungs/ /bshang ba dkar po zhes byar gsungs/ /pad+ma zhes bya khrag tu gsungs/ /
168a3 sha zhes bya ba mar me nyid/ /khu ba nam mkha' nyid du brjod/ /thim pa'i phyir ni ling gar gsungs/ /me tog snying gi b+ha gar brjod/ /glu ni langs pa nyid kyi glu/ /gar ni mnyam par sbyor ba nyid/ /ro ni shi bar brjod pa nyid/ /kha ni zhal dang bug pa
168a4 nyid//snying po ro bsregs dur khrod do/ /me ni byin za gsal ba dang / /de bzhin du ni 'bar ba'o/ /bur ni gu gul du brjod pa'o/ /nag po'i 'byung po'i nyi ma ni/ mar gyi ngo'i bcu bzhi pa'o/ /gser shing ni d+ha ru ra'o/ /a la~M ka ni ldong ros so/ /ma du
168a5 lung gA ni sa bon gang ba'o//tsi tra ka ni tsi tra ka'o/ /ba tsa ni tshig nyid do/ /khyim bya'i sgo nga thams cad ni khyim bya'i sgo nga'i dum bu'o/ /skya bo ni dkar po'o/ /rta gsod pa ni ka ra bI ra'o/ /nyi ma'i ljon shing ni arka'i shing ngo / /pe chag pa ni chag pa dang sreg
168a6 chags zhes bya ba'i don to//sdig pa ni sbrul lo/ /a la~M ni rnga ma'o/ /ka la pa ni cha'o/ /nyin phyed kyi 'o mas byug cing zhes pa ni yang bsgos pa'o/ /bA na ri ni ka pi'o/ /yul ni kats+tsha ra brjod do/ /de'i bdag nyid ni thod lo skor dang spre'u dang / kha Ti
168a7 ka nyin phyed kyi 'o ma'i nang du nyi ma bdun du gzhag par bya'o//de dag dang nyin phyed kyi 'o ma dag dang sbyar bas mgo bo'i dbang po bri bar bya'o/ /dug sbyin par 'gyur ro zhes bya ba ni reg pa las skyed par byed pa'i don to/ /ma la ya las byung ba ni tsan+dan no/ /nA ga
168b1 ge sar ni nA ga'o//nad kyi dbang po ni ru rta'o/ /myos byed kyi 'bras bu ni tsher ma'i 'bras bu'o/ /dza gu'i yul ni myos byed kyi spro bar rtogs par bya'o/ /ta ka ra ni dri'i ta ka ra'o/ /ldan pa ni sbyor ba'o/ /'bras kyi chu ni ko sha'o/ /ji snyed pa'i dug sna
168b2 tshogs ni du ma'i rnam pa'o//'jig par byed do zhes bya ba ni zad par byed do zhes bya ba'i don to/ /de'i nyin par skyes pa ni/ de'i nyin par shi ba'o zhes bya ba'i don to/ /byis pa ni bu chung ngo / /ro tsa ni bshang ba'o/ /ta ga ra ni klu'i shing bu'o/ /snying po'i gnas
168b3 ni bcug par byas pa'o//sbal pa ni snying po can no/ /sprul mgo gnyis pa ni lto 'phye mgo gnyis pa'o/ /khrag dang tshil bu bskol ba ni snum du brjod do/ /ba ru ra'i shing ni de'i 'bras bu'o/ /lag pa ni phyag go/ /dug gis zin pa 'jig par byed do zhes bya
168b4 ba ni zin pa 'phrog par byed do zhes bya ba'i don to//ba lang gi mar ni ba'i mar ro/ /rdo rje can ni snu hi'i 'o ma'o/ /bar+hi ni rma bya'o/ /khrag ni rma skyes so/ /sbrul mgo gnyis pa'i sha ni sha'o/ /ba la ka'i rtsa ba cha bdun pa ni bdun gyi dum bu'o/ /oM badzra ka ra hU~M
168b5 phaT/'byung po 'dul ba'i sgras 'byung po mthar byed pa ni 'byung po nyid du rab tu grags so/ /lag pa g.yas par btags na gdon las thar bar byed de/ gzhan du ni ma yin no/ /lto 'phye'i dbang po ni sbrul gyi rgyal po 'o/ /shun pa ni bshus pa'o/ /lto 'phye'i
168b6 dgra ni rma bya ste de'i gshog pa'o//khwa gnyis ni khwa'o/ /nyin mo 'jigs pa ni 'ug pa'o/ /rta ni 'gro mgyogs so/ /rmig pa ni rkang pa'o/ /khung bu ni bug pa'o/ /gzhag pa ni bcug pa'o/ /sbrul ni lto 'phye'o/ /gnod sbyin ni khyi'o/ /thod pa ni rmod
168b7 byed do//phag ni phag pa'o/ /mgo skyes ni skra'o/ /mgrin ni rnga mo'o/ /dmar po ni khrag go/ /b+hal+la ta ka nyid dang / star bu ni a~Ml be ta nyid do/ /lag skyes ni sen mo'o/ /kha sbyor gyi me ni kha sbyar gyi 'tshed pa'o/ /bsregs pa ni thal bar byas pa'o/ /
169a1 a~M ko Ta ni ko Ta ni'i shing ngo / /dri zhim pa ni ba glang ngo / /a~M ko Ta'i sa bon btus pa'i mar khu des grub pa'i mig sman 'o ma dang bsres pa'i mig sman des mig byug par bya'o/ /rgyal ni skar ma rgyal lo/ /a~M ko Ta'i mar khu'i rtsigs ma dang / ta ka ra'i
169a2 'bras bu dang /a~M ko Ta'i sa bon gyi mar khu dang / gang zhig gnyis ka'i rtsigs ma dag gis mig byugs na lha'i gzugs su 'gyur ro/ /ta ka ra'i 'bras bu'i mig sman gyis byugs na sngar gyi rang bzhin du 'gyur te/ rang gi ngo bo nyid can du mthong ngo / /
169a3 ri bong can gyi chu ni se ba la'o/ /dza lu ka ni pad pa nyid do/ /sbal pa'i mar khu ni snying po can gyi mar khu'o/ /ba ta la'i rtsa ba dang lhan cig go/ /dge sbyong ni skra breg pa'o/ /zla ba las byung ba ni se ba las byung ba'o/ /dun d+hu b+ha ni sbrul gdong gnyis pa'o/ /khrag
169a4 ni gzugs 'dzin pa'o//gos kyi nang du gzhug par byas nas khar gzhug go/ /s+ye nA ka zhes bya ba'i shing ngo / /mar sar ni mar dkar nyid do/ /dmar po'i btsag ni gser gyi btsag go/ /dri ngan pa zhes bya ba ni sman no/ /mi na ni nya'o/ /srin bu ni shing gi
169a5 rjes su rgyu ba'i 'bu srin no//ko ki la ni sbrang bu'o/ /bu ram ni gu Da nyid do/ /a ran la ni sings po'o/ /skye ba gnyis pa ni bram ze'o/ /byi la ni rtug pa sbed pa'o/ /spre'u ni bA nA ra'o/ /rang 'tshed pa ni g.yung po'o/ /khwa'i dgra ni 'ug pa'o/ /na gu le
169a6 ni sre mong nyid do//tsa ra mo ni byi la'o/ /'di dag gi phye ma'o/ /ba glang tshe ni ce spyang ngo / /ma tu lung ga ni sa bon gang ba'o/ /phug ron ni ka po ta'o/ /zangs kyi gtsug pud can ni khyim bya'o/ /'di dag gi rtug pa bsdu bar bya'o/ /skra'i las kyi mtha' zhes
169a7 bya ba ni mgo reg go//pi tsu marda ni nim pa'o/ /gtor zan ni khwa'o/ /dga' ba dang bcas pa'i dkar mo ni khyi mo dkar mo'o/ /nus pa ni 'byar ba'o/ /mda'i rma ni sbrang bu'o/ /bsnun pa ni brdungs pa'o/ /rang gi sa bon ni bdag gi rdzas so/ /rgyal ni skar ma rgyal
169b1 lo//skyes ma ni bud med do/ /skal ba ngan pa gzung ba ni blangs pa'o/ /skyes pa'i shing ni a mra la sogs pa'o/ /shing gi yal ga ni 'dab ma'o/ /pi lu ni glang po'o/ /steng du 'dren pa ni lag pas 'dzin pa'o/ /skyes bu'i myos byed ni rdzas so/ /krAn ta ni
169b2 khyab 'jug gnon pa'o//sra ban ti ni ngu ba'o/ /a ba na ta dza ki kA ni thal mo sbyar ba'o/ /shi kha ni rma bya'i gtsug phud do/ /mkha' 'gro'i bdag po ni nam mkha' lding gi bdag po'o/ /lha'i bdag po sbas pa ni dbang po sbas pa'o/ /ba bla ni man shi la'o/ /ldong
169b3 ros ni ldong ros ljang gu'o//a grA ni ba tsA'o/ /bcad nas skyes pa ni dUr ba'o/ /bkra shis ni ro tsa na'o/ /ba~M sa zhes bya ba ni lte ba mngon par sar pa'o/ /dbang po'i nas ni ku ta dza'i sa bon te/ la la dag gi ku ta dza'i sa bon no/ /dpal thams cad ni mdzes pa
169b4 dang ldan pa'o//a ru NA ni tsan+dan dmar po'o/ /drang srong gi bu ni nam mkha' la 'gro ba dang / nam mkha' bskyed pa'o/ /ri'i snying po ni gzhan gyis mi thub pa'o/ /srod ni rna ba'i mig sman no/ /ri bong gis mtshan pa'i tsher ma ni se ba la'i tsher ma'o/ /
169b5 sbrang rtsi ni sbrang ma'i'o/ /sbrang rtsi ni yaSh+Ti'i sbrang rtsi'o/ /dang po'i me tog ni dang po'i zla mtshan gyi khrag go/ /lcags gsum zhes bya ba ni gser dang dngul dang zangs so/ /sngon po gnyis kyis nye bar mtshon cing sbyar ba'i a sho ka'i shing ni a sho ka sngon po'o/ /de
169b6 las byung ba'i myu gu ni a sho ka sngon po las byung ba'i myu gu'o//nyi ma ni zangs te shin tu dmar ba'o/ /zla ba ni dngul lo/ /me ni gser ro/ /ba glang gi gi wang ni ba glang gi gi wang ngo / /ing gu di'i shing gi me tog ni ing gu di'i ljon shing gi ku su sa ste/ ljon shing
169b7 gi me tog kun bsdus pa'o//'gegs pa ni skyes pa shi ba ste/ de'i mig dang spu rnams so/ /ka gnyis pa'i zos pa dang ldan pa ni khwas zos pa skyugs pa dang lhag ma ma zos pa'o/ /pha'i skyed mos tshal ni dur khrod do/ /der mnyes pa ni zla mtshan gyis myos pa'i bu mo'i rdzas
170a1 blangs pa'o//a sho ka yang yin pa sngon po yang yin pa de ni a sho ka sngon po'o/ /de'i byang phyogs kyi khwa'i tshang ni khwa'i gnas so/ /de las gang zhig byung ba'i myu gu de ni a sho ka sngon po'i byang phyogs kyi khwa'i tshang gi myu gu'o/ /phug ron gyi khong par sro
170a2 ta any+dza na bcug la/'on kyang tsi ta'i mes bsreg par bya ste/ de nas mig sman 'grub par 'gyur ro/ /byi la dkar po ma yin pas bsad pa ni byi la nag po'i khrag gis mi snang bar byas te sbed pa skyed par byed pa'o/ /tri Na'i myu gu sar pa'i tshogs de rnams ni tri Na'i myu gu
170a3 sar pa'i tshogs rnams so//des bteg pa'i sa ni tri Na'i myu gu sar pa'i tshogs kyis bteg pa'i sa'o/ /de'i steng du gnas pa'i sa dang / mda'i rma dang / ta la dang ldan pa'o/ /mda'i rma ni sbrang bu'o/ /ta la ni ldong ros so/ /de dag dang yang dag par ldan pa ni
170a4 bcas pa ste/sa rag+ha dang / ta la dang ldan pa'o/ /rgyal la zhes pa ni rgyal gyi nyi ma la'o/ /mig sman ni gong du gsungs pa'o/ /gang zhig sngags dang sman gyi sbyor bas legs par byas na de'i sbyor bas 'grub par 'gyur ro/ /'di dag ni rnal 'byor gyi rgyud las
170a5 'ongs pa ste/de nas b+ha ga'i dbus su bsgrub par bya'o zhes gsungs so/ /dang por phyag rgya byin gyis brlabs nas/ phyi nas mig sman gyi sgrub pa bcug cing sbyor bas ji srid dngos grub kyi mtshan ma ma skyes kyi bar du bsgom par bya'o/ /gang zhig sngags kyi sgrub pa dang
170a6 bral ba'i mig sman 'di 'ba' zhig gis zhi ba'i las la sogs pa'ang byed do zhes gsungs so//mig mig sman gyis byugs nas zhi ba la sogs pa'i lta stangs kyis bltas na zhi ba la sogs par 'gyur ro/ /mig mig sman gyis byugs nas rgyal po la bltas na rgyal po'i
170a7 mchod pa rnyed par 'gyur ro//mig mig sman gyis byugs nas khro bo'i lta bas dgra la bltas na dgra zad par 'gyur ro/ /de bzhin du bgegs thams cad la nges par bltas na gdon la sogs pa'i bgegs thams cad yang dag par skrod par byed do/ /'chad par
170b1 'gyur ba'i sngags kyis mngon par bsngags shing bzla bar bya'o zhes gsungs pa'o//bud med kyi b+ha gar gur gum bcug nas phyi nas rang gi sgrub pa gzhug par bya zhing mnyam par sbyor bas sngags bzlas te khyad par du yang bsgrub par bya'o/ /de'i sngags brjod pa bka'
170b2 stsal pa/oM pra san+na tA re/ a mr-i ta mu kha~M/ a mr-i ta lo tsa ne/ sar+b+bA r+tha sA d+ha ni/ sar+b+ba satwA ba sha~M ka ra hU~M phaT hU~M swA hA/ oM tr-i mu khe Sha D+D+hu dze/ de bi mA la ki rau dr-i rU pi Ni hriM hriM hU~M hU~M a~M a~M ha ha swA hA/ sngon gyi bsnyen pa 'bum phrag gcig bzlas nas/ phyi nas mig sman dang
170b3 gur gum yang bsgrub par bya'o zhes gsungs pa yin no//gur gum des dpral bar thig le bya'o zhes gsungs so/ /bud med skal ba bzang por byed pa bka' stsal pa/ b+ha ga tsan+dan gyis byugs pa'i steng du ba glang gi gi wang gis bru~M bris nas/ bdag po dang lhan cig
170b4 sbyor bas ji srid myos byed ma 'ongs kyi bar du'o//de nas bdag po de bran bzhin du 'gyur ro/ /nr-i pa ni bung ba'i rgyal po'o/ /tsi tri ni 'dab ma stong pa'o/ /mtshan mo ni yung ba'o/ /ba ku tsi ni a pa ku tsa'o/ /ut+pa la'i snying po ni ut+pal kha ma bye ba'o/ /lcags kyi dri ma
170b5 ni lcags kyi bshang ba'o//dri la sogs pa ni gu gul dang sardza ra sa'o/ /khrag sel ba ni las kyi kha dog go/ /gser gyi shing ni gser gyi ljon shing ngo / /Di D+ha pra ro ni bA lA'o/ /sin+hu pa ra ni nir guN+Da'o/ /sh+yA ma ni pri ya ku'o/ /ke sha ri ni nA ga ge sar ro/ /
170b6 rig pa 'dzin pa ni tsam pa ka'o/ /nA ga ni pu na na ga'o/ /'khor lo 'thag pa ni e Da tsi'o/ /mtshan mo spyod pa ni yung ba'o/ /shi khi ni rma bya'i gtsug pud do/ /pra ba na ni bal+la ka'o/ /'byung po'i dgra bo ni nir gun ti'o/ /ba ra hri da ni bal+la b+hi dang rkun ma'i me tog
170b7 tu brjod do//ka ran la ni ka ra ny+dza'o/ /man dza ri ni 'dul bar byed pa'o/ /gser gyi shing gi shun pa ni pags pa'o/ /g+ha na ni musta ka'o/ /mtshan mo'i shing ni skyer pa'i shing ngo / /nad kyi dbang po ni kun+da'o/ /srid pa'i rdul ni khyim gyi me tog go/ /rkun ma ni
171a1 rgan po gzhon par byed pa'o//keM su ni de'i yongs su smin pa'i 'bras bu'o/ /dkyil 'khor la sogs pa'i sgrub pa dang rab tu ldan pa la lha'i bu'i bdud la sogs pa kha cig 'byung ba tshar gcad pa'i phyir/ mtshon cha kun gyi phyag rgya che/ /'khrul 'khor
171a2 'phangs dang ma 'phangs dang //de bzhin lag pas 'phangs pa nyid/ /'phangs pa 'dzin par bcas pa dang / /lag pa'i 'thab mo lnga pa nyid/ /gzhu yi rig byed rang gyur pas/ /phyag rgya rab tu gnas par bya/ /de la sbyor 'phangs mda' la sogs/ /ma
171a3 'phangs ba ni ral gri sogs//lag pas grol ba 'khor lo sogs/ /'gro ba 'dzin bcas zhags pa sogs/ /mtshon cha thams cad yongs spangs nas/ /lag pa'i 'thab mos dgra 'dul sogs/ /de bzhin bcing ba yang dag ldan/ /dpal ldan rdo rje
171a4 sems dpa' yis//mtshon cha'i mchog ni sna tshogs pa'i/ /gnas dag dbyibs ni rab bshad bya/ /rnal 'byor sgrub thabs shin tu mdzes/ /sbyor dang myur bar gsor ba dang / /dgug pa dang ni 'dzin pa nyid/ /gsal ba ru ni gtong ba ste/ /sa la mnyam
171a5 stabs phyag rgyas btab//bai sha kha sar phyag rgyas gdab/ /dkyil 'khor de nyid phyag rgyas gdab/ /gnas ni gsum du g.yas brkyang bas/ /dbyibs kyi phyag rgya bka' stsal pa/ /mthe bo dang ni sor mo rnams/ /long bu'i nang du sbyar ba yin/ /gang zhig
171a6 brtan par sbyar ba ni//mnyam pa'i rkang stabs gnas su gsungs/ /rkang pa'i sor mo phyir bzhag nas/ /pus mo gnyis ni bsrang ste g.yo/ /sor mo nyi shu rtsa drug chad/ /gnas ni bai sha kha ru brjod/ /ngang pa'i gshog pa'i dbyibs su ni/ /pus mo gnyis
171a7 ni mnyam sbyar ba//bar du yang ni khru gnyis nyid/ /de ni dkyil 'khor rkang stabs gsungs/ /gang yang gshol gyi dbyibs mnyam par/ /pus mo brla yi g.yas bsrungs na/ /g.yon ni byol song 'gro ba yin/ /'khyud nas brla dang rje ngar gnas/ /mtho lnga rnam par rgyas
171b1 pa ni//g.yas brkyang bar ni de rab grags/ /de nyid rnam par bzlog pa ni/ /de ni g.yon brkyang ba ru brjod/ /lhod min pa dang mkhrang ba nyid/ /mnyen zhing yan lag brtan pa nyid/ /gang las skye mched rnam par dag /rang gi sku yi phyag rgya mdzes/ /rims kyi
171b2 nad dang dug gi nad//mkha' 'gro'i 'tshe ba gdon dag ni/ /'dis ni yan lag kun brgyan pa/ /thams cad du ni zil gyis gnon/ /gang ba'i skye mched kyi phyag rgya'o/ /rang snying 'gugs pa'i rnal 'byor gyis/ /shin tu mdzes pas gzhu nyid gzung / /
171b3 g.yas su rab tu bsgyur ba dang / /mda' ni bcug na 'grub par 'gyur/ /sngon du lag pa mnyam byas nas/ /rgyab tu bkug nas rim par ni/ /gang zhig dal gyis dgug bya zhing / /'gro ba thams cad dgug par bya/ /thams cad dgug pa'i phyag rgya'o/ /
171b4 rna ba'i skye mched dkyil 'khor du/ /bcug nas rim pa ji lta bar/ /oM ni ji srid rang gi khar/ /ji srid du na 'dzin pa'o/ /dus su oM ni zlos gyur pa/ /de srid dus su gzung bar bya/ /'dzin pa yi ni phyag rgya'o/ /rim pa ji ltar mnyam bkug nas/ /cho
171b5 ga ji bzhin gzung bar bya//de la cung zad drang bya zhing / /yongs su bkang na 'grub par 'gyur/ /dgang ba'i phyag rgya'o/ /'dzum zhing mig gis blta ba dang / /'ben la khu tshur gdab par bya/ /lta stangs khu tshur bcug nas ni/ /rab tu btang nas mchog 'grub
171b6 'gyur//gzhu yis rnam par rgyal ba'i phyag rgya'o/ /gru bzhi rnon po zlum po dang / /de bzhin mchog tu bskor ba nyid/ /gang du g.yas nas bskor bya zhing / /de bzhin 'og dang steng du 'gro/ /rim pas mnan cing drag mnan pas/ /cho ga bcus mchog phyag rgya
171b7 yis//khams gsum rgyal po chen po dang / /rgyal ba'i bde ba nye bar spyod/ /dpal ldan 'jig rten gsum rgyal ni/ /phyag rgya bcug cing mnyam bcug dang / /de bzhin glog ltar bcug pa nyid/ /phyag rgya bkug pa'i ting 'dzin gyis/ /de bzhin glog ltar
172a1 bskor ba nyid//'og tu mnyam pa de bzhin du/ /steng gi phyogs su 'gro ba nyid/ de bzhin gshegs 'dzin phyag rgya ni/ /gnas gsum dag tu bsgom par bya/ /rgyan thams cad kyi phyag rgya'o/ /kun du kun nas thams cad dang / /rnam
172a2 kun dus kun rang gi ni//gzhu yi rig byed phyag rgya 'dzin/ /yi ge mchog ni 'grub par 'gyur/ /mtshon cha thams cad kyi phyag rgya'o/ /sangs rgyas rdo rje zhes bya ba ni rnam par snang mdzad de/ spyan gyi gzugs su gyur pa dang / rnam par snang mdzad kyi rnal 'byor
172a3 dang ldan pas sngags kyi yi ge las spyan phyung ste/zla ba gang ba dang / bum pa'i lag pa ma'i ma mo 'dod par bya ba dang / dbang bskur bar bsams na zhi ba skye bar byed pa yin te/ shi ba rnams la srog sbyin par byed cing / grub pa 'dod pa la dngos grub sbyin par byed do/ /
172a4 rdo rje zhes bya ba la sogs pa la rdo rje'i dam tshig la skul bar byed pa ni rdo rje'i dam tshig skul bar byed pa'o/ /thugs kyi rdo rje'i sku gsum 'bar ba'i mchog gi dam tshig ni mA ma kI'i mtshan nyid de/ gang du ting nge 'dzin la de ni de bzhin du brjod do/ /rdo rje'i rigs
172a5 kyi sngags kyi yi ge dkar po phyung nas/de'i tshe bsgrub bya'i lus la gang bar bsgom par byas na sdig pa 'jig par byed pa yin no/ /zhi ba la ma mo spyan dang ldan pa lta bur bya ba dang / rgyas pa la ni rin po che'i bum pa nas rin po che'i char pa 'byin par bsam par
172a6 bya'o//'dod chags chen po la 'od dpag tu med pa gang gi pad+mas gtses pa de'i gar gyis phye ba ste/ de ltar gyur pa'i kun byed pa ni rigs kun gyi bdag nyid can no/ /gang gi kun byed pa ni thams cad byed pa'o/ /'dis ni byas pa'i de'i dmigs pas ting nge
172a7 'dzin la rdo rje dmigs par de bzhin du brjod do//rdo rje ni rnam par snang mdzad do/ /pad+ma ni 'od dpag tu med pa ste/ sngags kyi yi ge gser gyi kha dog lta bu phyung nas sgrub pa po la mngon par dbang bskur bar byed na rgyas pa chen po skyed par byed do/ /de rnams kyi spro
172b1 ba dang sdud par byed pa dag sgom par byed na chos kyi mdzod 'phel bar byed do//rang gi snying ga'i pad+ma'i snying por nang du gnas pas bsgrub bya sngags kyi yi ge'i phreng bas byin gyis brlabs te/ sna tshogs rdo rje spyi bor byas nas ji lta ba bzhin du snyoms par 'jug
172b2 par byed na/bsrung ba chen po byed par 'gyur ro/ /thams cad dbang du gyur pas rnam par rtog pa med pa dang / dbang du gyur pa la sogs de rnams rtogs par byed pa dang / skyed par byed pa de ni don yod rdo rje can te/ de nyid rdo rje gsum mnyam pa nyid kyis dga'
172b3 bar byed pa'o//rdo rje ni mi phyed pa ste/ gang du ting nge 'dzin de la snyoms par zhugs pas sngags kyi yi ge dmar po phyung ste/ des bsgrub par bya ba dag par bya zhing bzlas pa byas na mngag gzhug par byed do/ /ye shes kyis kun sgrol bas sgrol ma zhes bya ba ni ye
172b4 shes 'jug par byed ma can no//de'i tshe dmigs pa'i phyir de de bzhin du gsungs so/ /ye shes sna tshogs ni 'jig rten las 'das pa'i ye shes sna tshogs te/ rdo rje gshin rje mthar byed la sogs pa'i khro bo rnams de dag nyid kyis gdug pa rnams 'dul ba'i don du ste/
172b5 de rnams ni gur nyid do/ /mdzes pa ni yan lag dang nying lag dman pa ma yin pa'o/ /srubs med pa ni dum bu gcig pa'o/ /srubs gnyis pa ni dum bu gnyis pa ste/ 'di dag nyid kyi skabs yin pa'i phyir ro/ /rkang pa'i rjes kyi sa rdul gyi cho ga zhes bya ba ni de brjod
172b6 pa yin te/gshin rje mthar byed kyi rnal 'byor pa lha mo bzhi'i rnal 'byor dang ldan zhing / de bzhin gshegs pa lngas byin gyis brlabs pas bsgrub par bya ba'i rkang rjes kyi rdul gyis de'i gzugs brnyan byas nas thod pa'i nang du gzhug par bya ste/ de nyid la gzhug pa dang
172b7 bcing ba byas nas rkang pa g.yon pas de mnan te/ji srid khugs par gyur pa de srid du bskul ba dang bcas par bzla bar bya'o/ /sku gsum mi phyed bsgom pa yis zhes bya bas ni rang gi lha'i nga rgyal brtan par bsgoms pas so/ /gti mug chen po'i mchog ni don yod rdo
173a1 rje can te/de'i ye shes ni rdo rje rtse mo las skyes pa'i byang chub kyi sems te/ de'i phyir rdo rje bdud rtsi'i khro bo ni gang du ting nge 'dzin la de de bzhin du brjod do/ /tshogs kyi bdag po'i rkang par bcug pa zhes bya ba ni bdud rtsi thab sbyor gyi rnal 'byor dang
173a2 ldan pas bsgrub par bya ba'i rkang rjes kyi rdul la de'i gzugs brnyan bong bu'i gcin gyis byas nas mi dge ba'i phyag rgyas byas nas rlung gi dkyil 'khor gyi 'dab ma las sA lu btags par byas pa dang /dur khrod kyi sol bas bsgrub bya'i ming gro ga'i nang du chud par mngon
173a3 par bris shing /gzugs brnyan lnga rgyab tu bzhag nas rdo rje log par 'dren pa bkug nas mchod de/ de'i rkang pa dag tu gzhug par bya'o/ /de bya'o zhes bya ba ni de srid du sngags kyi mthar hU~M brjod par bya'o/ /gang gi tshe rlung gis bar chad du gyur pa de'i tshe gong du
173a4 gsungs pa'i rim pas stong pa nyid dmigs nas bdag nyid dpal rnam par snang mdzad kyi gzugs su bskyed pa bka' stsal pa/rlung gi phyogs su dri nag pos dkyil 'khor gru bzhi par thig le bdun/ ya yig so so'i nang du byas pa ni de'i dbus su thig le bdun po
173a5 ste/thig le bdun po 'di rnams las rlung lha bdun la zhon zhing mdog nag po'o/ de la rang gi sa bon las byung ba ni des rang gi snying ga las bton pa ste/ 'phags pa mi g.yo mgon nam/ 'dod pa'i rgyal pos bkug nas zhags pas bcing bar bsam
173a6 par bya'o//de nas kham phor gyis zhes bya ba ni hU~M su~M hU~M zhes bya ba las ri rab kyi gzugs rwa brgyad dang ldan pa bskyed nas/ kha 'og tu phub nas gzhag pa ni rdo rje'i 'ching ba chen po yin no/ /rang gis sngags bzlas pa ni de'i thig le bdun sngags kyis sbas nas
173a7 dbugs kyis gnas par bya'o//de'i steng du yang la~M gyis dbang chen gyi dkyil 'khor gru bzhi pa kha dog ser po'o/ /der yang rtse lnga pa chen po las mtha' yas pa'i 'od zer las khro bo 'jigs par spro bar bya zhing / khro bo rdo rjes mnan par bsgom par bya'o/ /de'i steng du
173b1 rkang pa g.yon pa bzhag nas/'phags pa mi g.yo mgon gyi sngags brgya rtsa brgyad du bzla bar bya'o/ /rdo rje'i steng du bcom ldan 'das rnam par snang mdzad dang / 'phags pa mi g.yo mgon zhabs g.yas brkyang bas thams cad gnon cing bcom ldan 'das
173b2 kyi sngon du lag na ral gri dang /zhags pas rlung bsdigs par bsam par bya ste/ de skad du 'jig pa'i dus kyi rlung thams cad kyang bcing ba byas par 'gyur ro/ /char dbab pa'i don du stobs po che zhes bya ba la sogs pa ni pad+ma 'dab ma brgyad pa bris nas de'i
173b3 'dab ma brgyad la mtha' yas dang /rigs ldan dang / nor rgyas kyi bu dang / dung skyong dang / 'jog po dang / pad+ma chen po dang / stobs kyi rgyu dang / pad+ma zhes bya ba ni bdag nyid kyi rim pa las/ ser po dang dkar po'o/ /sha Sha sa ha sa~M swA~M swa~M swa rang gi sa bon
173b4 gyis byin gyis brlabs pa'i klu brgyad po rnams/snying po brgyad du gnas pa'i snga ma bkug nas mchod de/ 'dir bzhugs pa khro bo'i sku 'bar ba'i tshogs kyi bdag nyid hU~M na~M hU~M zhes mchog tu bzlas pas/ zhabs kyi 'og tu klu rnams gzer bar sgom par byed
173b5 na char mchog tu rab tu 'bebs par 'gyur ro//char bzlog pa'i don bka' stsal pa/ bdag nyid khro bo'i gzugs nyi ma'i mdog gi 'od ltar shin tu dmar bar bsams nas rang gi kha ru hU~M 'bar ba'i lce nam mkha'i tshad 'dis dral zhing yongs su gang ba las
173b6 sprin snying ga'i sbubs kyi dbugs kyis 'gugs shing dbugs 'byin pas ras bal gyi phur ma ltar gtor bar byed do//yang na rang gi phyag rgya'i tshogs 'bar bar bton pas dral zhing bcad nas hU~M gis mchog tu bsdigs par bya'o/ /de gzhig pa'i don bka'
173b7 stsal pa/me'i dkyil 'khor zhes bya ba la sogs pa ni rtag pa'i rnal 'byor dang ldan pas/ rang gi dpral ba nas 'phags pa mi g.yo mgon ra~M las byung ba bton nas me'i dkyil 'khor la gnas pa phyag drug pa g.yon k+ShiM las sdigs mdzub dang / hU~M las
174a1 zhags pa'i nang du bcug pa dang /d+ha~M las gzhu'o/ /g.yas pa na kha~M las ral gri dang ho las mda' dang / hU~M gis rdo rje 'dzin par bsams nas/ de nyid kyi 'od zer gyis khro bo dang lhan cig pas bgegs thams cad hU~M gi sgra bsgrags pas
174a2 'bar ba'i ral gri la sogs pas bsnun pa la sogs pa dang /mda' 'phangs nas phigs pas skyes pa'i bgegs gzhom par bya'o/ /skyes pa'i khrag chen po ces bya ba la sogs pa ni rkang rjes kyi rdul dang / skyes pa'i khrag gis bsgrub par bya ba'i gzugs
174a3 brnyan byas nas/skyes pa'i rus pa'i phur bu dag la 'od zer can gyi sngags nyi shus mngon par bsngags te/ mig la phur pas btab nas tshogs kyi bdag po'i khar gzhug go/ /oM sum+b+ha rdo rje gtun shing dang tho bas dang po kha dang gtun shing gis rgyab tu brdung bar
174a4 bsam par bya'o//'bar ba gzhom pa'i don du mig sman gyi kha dog ces bya ba la sogs pas ni nam mkha'i gnas su hU~M gaHhU~M zhes nang du gzhug par bya'o/ /phuH'i yig 'bru las skyes pa klu nag po stong phrag gis bskor ba'i nam mkha' lding gis bka' stsal par
174a5 bya'o//ji lta ba bzhin du bsgoms te/ oM badzra nA rA ya na zhes bya ba la sogs pa ni dang por bskul te/ des brgya byin yang yid kyis bskul bar bya'o/ /'di'ang de char gyi sprin la char gyi don du bka' stsal par bya ste/ bka' thos na yang char 'bebs pas sprin phyir bzlog
174a6 pa ni yid kyis bsam par byed na/nam mkha' lding gi gshog pas zlog par byed cing mchus bsnun pas chu bo'i mtshams byed do/ /rdo rje phyir bzlog pa'i don bka' stsal to/ /sbyin sreg ces bya ba la sogs pas ni dge ba byed pa'i phyir zhi ba dang / rgyas pa dang / dbang du
174a7 byed pa'i mtshan nyid la ni gtsubs pa las byung ba'i mes bya'o//mngon spyod la ni dur khrod kyi mes bya'o/ /thab khung zhes bya ba ni zlum po dang / gru bzhi dang / zla ba phyed pa dang / gru gsum mo/ /de ltar thab khung gi mtha' mar dkar po dang / ser po dang / dmar po
174b1 dang /nag por pad+ma rnams kyang gzhag par bya'o/ /de nas de'i mdog ltar gtsug tor dang / chu skyes dang / rin po che dang / rdo rje 'bar ba rnams bya'o zhes bya ba'i don to/ /las kun byed pa bzlas pas ni zhes bya ba ni hU~M gis mngon par bsngags pa'o/ /g.yon
174b2 pa'i rdo rjes zhes bya ba ni lag pa g.yon pa rdo rje rtse gsum pa can du byas pa'o//las kyi 'od kyis rnam par brgyan pa zhes bya ba ni zhi ba la sogs pa'i las kyis ci rigs par 'od kyis rnam par spras pa'o/ /'bar ba'i rnam pas yongs su thim par byas pa'o zhes bya ba la
174b3 'bar ba ni lha'am 'bar ba ni gtsigs pa'i gzugs kyis te/de bzhin du ye shes kyi rang bzhin gyi cho ga bsgom par bya zhing / oM dang po dang / mthar swA hA las mchog tu gnas nas zhi ba dang / rgyas pa dang / dbang la'o/ /mngon spyod la khro ba'i tshig gis hU~M dang
174b4 bcas pa'i phaT kyis sngags bzla bar bya'o/thog ma dang tha mar sreg blugs gang bar dbul lo/ kha dgang ba zhes bya ba'i tshig gis ni lha'i zhal gyi pad+mar sbyin sreg bya'o/ /bshang gci la sogs pa'i sreg blugs la sdig pa la sogs pa'i dogs pa mi bya ste/ gang
174b5 gi phyir don dam par rang bzhin gyis rnam par dag pa'i phyir thams cad rnam par rtog pa tsam mo//de nas dbang po gnyis snyoms par zhugs pas kyang lha'i nga rgyal sngon du bya ba dang / thabs dang shes rab ro gcig pa mngon du byed cing zag pa med pa'i ye shes skyed par
174b6 byed pa'o//sku la sogs pa yang dag par bstan par bya ba bka' stsal pa/ bud med dang ni skyes pa'i lus/ las ni du mas bskyed pa zhes bya ba la sogs pa rnam par bstan pa zhes bya bas ni dge ba dang mi dge ba'i las kyi mtshan nyid shes pa'i skyes bu'o/ /sha dang
174b7 rkang la sogs pa dag ni rnam par snang mdzad dang /mi bskyod pa la sogs pa'i rang bzhin te/ 'di'i phyir bsten par bya'o/ /gang yang 'dod chags zhe sdang zhes bya ba la sogs pa ni/ 'du byed 'phel ba bshang ba dang gci ba la sogs pa lnga yongs su 'dzag pa ni
175a1 sa la sogs pa 'byung ba bzhi'i rang bzhin rdzogs pa'o//bsgoms pa las zhes bya ni brtags pa dang bral ba'i blo gros kyis so/ /de nas mchog tu rab bshad bya/ /thams cad las ni sna tshogs mchog ces bya ba ni ji snyed du gru bzhi pa dang / sgo
175a2 bzhi pa dang /sgo skyong ba dang yang dag par ldan pa'o/ /tshogs kyi dkyil 'khor brtag par bya zhes bya ba ni phyi rol gyi dkyil 'khor zhes gsungs so/ /de ni nang gi dkyil 'khor bstan par bya ste/ kun las sna tshogs phyag rgya zhes bya ba la sogs pa ni dpal sangs
175a3 rgyas spyan la sogs pa'i lha mo rnams dang ldan pa'o//kun las sna tshogs 'khor lo can zhes bya ba ni dpal rdo rje sems dpa'i gong du gsungs pa'i gnas su bkod pas de'i rjes su mtshams bzhi po rnams su drag mo la sogs pa'i sngags dang phyag rgyas byin
175a4 gyis brlabs nas/seng ldeng gi phur pa sor brgyad pa dang / rdo rje tho bas de'i sngags bzlas nas brdung zhing lte ba dang / drag mo la sogs pa'i mtshams rnams su rim pas mtha' yas dang / rnam par rgyal ma zhes bya ba la sogs pa'i phur pas btab ste/ dkyil
175a5 'khor ba sta gon la gnas par bya'o//dri la sogs pas dkyil 'khor gyi gnas kyi lha thams cad kyi gnas su rang gi hU~M dang / de'i mtshan dang por bzlas nas mngon par gtor zhing / de nas sngon du tshogs kyi dkyil 'khor rang gi lha'i 'khor lo bton te/ gnas
175a6 ji lta bar bzhugs su gsol nas gsungs pa'i dgug pa la sogs pa'i byin gyis brlabs pa dang por bya ba dang /rang gi sngags dang phyag rgya dang lhan cig tu nye bar bltas nas dbang bskur ba dang / mchod pa dang / bstod pa dang / phyag 'tshal nas nyon mongs pa
175a7 can gyi yid zhi bar bya ba'i phyir sbyin sreg byas nas phyogs su gtor ma sbyin par bya'o//ji ltar re zhig rtsa ba'i bum pa la sogs pa'i lhag par gnas pa byas nas slob ma sta gon la gnas par bya'o/ /hU~M bzlas pa'i chus dang por snying gar gtor nas/ de nyid kyis
175b1 rdo rje dang bcas pa'i lag pa gzhag par bya zhing /snying gar rdo rje rtse lnga pa dang / ji srid spyi bor sna tshogs rdo rje bsam par bya'o/ /gsum la skyabs su 'gro ba la sogs pa byas te/ hU~M gis mngon par bsngags pa'i srad bus dpung ba bcings nas so shing la
175b2 sogs pa dang /dri la sogs pa sbyin par bya'o/ /de rnams la chos bstan cing dkyil 'khor gyi gnas su gzhug par bya ste/ de'i 'od zer rnams kyis gshegs su gsol bar bya'o/ /sngar bzhin yongs su gyur pas zhes bya ba ni mchod pa la sogs pa byed
175b3 pa ste/ji ltar 'di skad du lha'i 'khor lo bton pa de bzhin du lha'i 'khor lo der nang du bsgom par bya zhes bya ba ji snyed pa'o/ /gzhan yang dang por rtog pa'i rnal 'byor dang ldan pas mi bskyod pa la sogs pa thugs ka nas bton nas sngon po la sogs pa'i kha
175b4 dog dag gi srad bu lnga po de'i bdag nyid du byas te/hU~M dal gyis sgyur zhing hU~M de brgya rtsa brgyad bzlas par bya'o/ /de ltar rdul tshon yang ji ltar rnal 'byor 'di nyid du gzhug pa gsungs la/ sangs rgyas lngas byin gyis brlabs nas dkyil 'khor gyi phyogs ji lta bar thig
175b5 gdab ste/dang por slob dpon gyis rdul tshon bri bar bya zhing / phyis ni slob mas dkyil 'khor gyi phyi rol du sngon po dang / dmar po dang / dkar po dang / ljang gu dang / ser po'i rdul tshon rnam pa lnga'o/ /gnyis pa la ni sngon po dang / dmar po dang / dkar po dang
175b6 gsum mo//gsum po'i 'khor lo ni rdul tshon dkar pos so/ /'khor lo'i lte ba sna tshogs 'bar zhes bya ba ni/ sna tshogs pad+mar bzhugs pa'i rnam par snang mdzad chen po bzhugs par bya'o/ /shar la sogs pa'i re'u mig rnams su ni rtag pa la sogs pa ste
175b7 phyogs su'o//'khor lo'i shar la sogs pa'i mtshams rnams su spyan la sogs pa'o/ /'phar ma gnyis pa'i shar la sogs pa'i phyogs su drag mo la sogs pa'i rdo rje lha mo rnams so/ /'phar ma gsum pa'i shar la sogs pa'i snam bu la byang chub sems dpa'
176a1 byams pa la sogs pa bri bar bya'o//shar gyi sgor rdo rje lcags kyu ma la sogs pa'o/ /mtshams rnams su ni mur dza la sogs pa'o/ /de ltar dkyil 'khor bri bar bya'o/ /ji ltar re zhig bum pa legs par byas na brgya rtsa brgyad bzla bar bya'o/ /
176a2 rtsa ba'i bum pa la ni dkyil 'khor gyi bdag po'o/ /bzhi pa la ni spyan la sogs pa'i lha mo bzhi po rnams kyis so/ /lha thams cad kyi rigs kyi dbye bas ni bzhi'o/ /de nas bum pa sgor gnas pa la las thams cad pa bzlas pas bsang gtor bya'o/ /de rnams gos
176a3 la sogs pas brgyan par byas nas bdag po'i rnal 'byor dang ldan pas legs pa'i rnal 'byor gyis lha thams cad kyi 'khor lo rang gi bdag nyid kyi nang du bsgom par bya zhing de'i nga rgyal dang ldan par bya'o//mchod yon gyi nye bar spyod pa yongs su bzlas nas sgo mngon par phye
176a4 ste/gnas ji lta bar bum pa la sogs pa rnams bzhag la/ dkyil 'khor gyi lha rnams snga ma bzhin du phyung nas rang gi gnas su 'khor lo gzhug par bya'o/ /rang gi lha'i phyag rgya rnams kyis byin gyis brlab pa'i phyir/ rang gi phyag rgya rab tu bstan pas rang gi dbang
176a5 gis dbang bskur ba'i ting nge 'dzin la gnas par bsams nas/sgeg mo la sogs pa'i sngon gyi mchod pa rnams kyis mchod pa dang / rnga dang gling bu la sogs pa yid du 'ong ba'i rang gi mchod pa'i khyad par byin gyis brlabs pa'i rig ma rnams kyis thal mo sbyar bas
176a6 rdo rje'i glu legs par sbyar ba gsum du brjod pas phyag 'tshal te/tshim par bya ba'i don du gsungs pa'i sbyin sreg byas nas de nas bzod pa gsol bar bya'o/ /dngos grub thams cad kyi don du rang gis gsol ba btab nas dang po la sogs pa bskyed par bya ste/ slob
176a7 ma la sna tshogs pas brgyan par bya'o//o~M la sogs pas snying gar sku la sogs pa'i byin gyis brlab pa'i phyag rgyas byin gyis brlab par bya'o/ /thal mo sbyar ba sdigs mdzub dkris pa'i 'khor lo'i rnam pas hU~M brjod cing gnas lnga po thams cad du byas te/ gdong
176b1 gos kyis bkab nas rdo rje lha mo la sogs pa'i phyag rgyas bzung ba'i me tog dang /hU~M nyid kyis gzhug cing spyi bo'i tshogs thams cad bya'o/ /dpal rdo rje sems dpa'i rnal 'byor bas byin gyis brlabs nas/ dri dang me tog la sogs pas brgyan par bya ste/ ji lta
176b2 bar bum pa thams cad kyis dbang bskur bar bya'o//de bzhin gshegs pa rnams kyis mchod yon dang / phyag na bum pa bdud rtsi bzang pos bkang bas de rnams kyis dbang bskur bar blta bar bya'o/ /gzhan yang gos la sogs pa rnams kyis brgyan te/ rdo rje
176b3 la sogs pa rnams kyis dbang bskur bar gyur pa dang /mi bskyod pa la sogs pa du ma'i gzugs yongs su gyur nas nye bar thod pa dang / phreng ba dang / rdo rje dang / bdag po dang / rdo rje ming gis dbang bskur ba dang / gser la sogs pa'i thur mas mi shes pa'i
176b4 rab rib bsal ba dang /me long blangs te/ rdo rje sems dpa'i rang bzhin nyid ces bya ba la sogs pa'i tshigs bcad kyis mtshan nyid rnams bsgrag par bya'o/ /dbyangs kyi dang pos glegs bam dang / dang po'i rjes kyi dbyangs kyis rdo rje dril bu dang / bka'i gnang
176b5 ba sbyin pa'i don du rkang pa byin gyis brlab cing /lag pa g.yas par ral gri sbyin par bya ste/ deng nas bzung ste 'jig rten la chos kyi 'khor lo skor cig /skyob pa zhes bya ba la sogs pa yang dag par dmigs par bya'o/ /de ring nas bzung ste zhes bya ba la sogs
176b6 pas ni dam tshig nye bar bstan nas/bla mas yon blangs nas zhi ba'i sbyin sreg bya'o/ /mchod pa dang bstod pa la sogs pa byas nas hU~M zhes brjod par bya'o/ /sems dpa'i rdo rje can muHzhes bya bas lha'i 'khor lo gshegs su gsol bar bya'o/ /phur pa bton
176b7 nas de bzhin du gsang ba'i dkyil 'khor nyid gong du gsungs pa'i lag pa gnyis kyis gshegs su gsol bar bya'o//dzaHhU~M ba~M hoHzhes brjod pas rang gi gnas nyid du khyad par du 'phags pa nang du bsgom par bya'o/ /hU~M nyid kyis rdul tshon dbyi bar bya zhing bsdus nas
177a1 chu'i nang du blug par bya'o//khro bos khro ba 'dzin pa'i phyir dpal he ru ka 'byung ba bka' stsal pa/ de nyid bcom ldan rnal 'byor te zhes bya ba la sogs pa ni/ dpal rdo rje sems dpa' dang po'i rnal 'byor zhes bya bar rigs kyi bu bsgrags pa yin no/ /srog
177a2 gcod pa la sogs pa'i mi dge ba bcu la spyod pa dang /dam tshig nyams pa de rnams kyi rnam par dag pa brjod de/ rnam par dag pa zhes bya ba ni dag pa'o/ /sgeg cing zhes bya ba la sogs pa'i ro dang ldan pa dang / /zhal brgyad pa la zhabs bzhi pa/ /phyag ni bcu drug dag
177a3 gis brgyan//spyan ni nyi shu rtsa bzhi par/ bcom ldan 'das kyis gsungs so/ yang de ltar rim pa 'dis bcom ldan 'das zhal bzhi pa/ phyag bzhi yis ni rnam par spras pa'o/ de la zhal dang po ni drag po'o/ gnyis pa g.yas pa ni bde bas rab tu
177a4 myos shing 'jigs par mdzad pa'o//rgyab tu zhal gsum pa la ni rmad du byung ba'i bza' ba'o/ /g.yon du zhal sgeg pas 'o mdzad pa'o/ /de bzhin du steng ma'i zhal gtsigs pa zhes bya ba ni rnam par mdzad pa'i mchog go/ /zhal gsum ni stong pa nyid dang /
177a5 mtshan ma med pa dang / smon pa med pa'i ye shes so/ /mi bskyod pa'i gzugs can gyi rdo rje can ni de bzhin du phyag drug pa'o/ /rgyas par 'byung ba ni phyag gnyis pa la zhal gcig par yang bstan par bya zhing g.yon pa'i phrag par ni mchod phyir thogs dag pa'i sbyor bas
177a6 rdo rje dang dril bu dang bcas pas kha T+wA~M ga gnas pa'o//de'i phyag g.yas pa na ba dan rtse gsum pa dang ldan pa dang / /rdo rje su tsi ka dang / 'bar ba'i 'khor lo'o/ /phyag g.yon pa na thod pa snying rje chen pos gang ba yongs su 'dzin pa'o/ /phyag rgya chen po'i phyed krung
177a7 gis za ba zhes bya ba ni stan mthon po la 'dug pa ste/rkang pa g.yon pa sa la gzhag par bya ste/ de'i brla la g.yas pa'i rkang pas sems dpa'i skyil mo krung gi sbyor bas dgod do/ /de'i rkang pa'i mthil gyis yang g.yon pa'i brla mnyam par sbyor bar byed pa'i sbyor
177b1 bas mnan par bya'o//rigs kyi bu 'di ni bcom ldan 'das kyi drag po'i gdan la bzhugs pa'i skyil mo krung gi phyag rgya'i dkyil 'khor bsgrub par bya ba rab tu thob par 'gyur te/ g.yon pa'i brlar rkang pa'i dgod pas mnyam par sbyor bar byed pas phye mar byas nas rab tu
177b2 rgyas par khro bo'i sku de ni zhal steng du bsams nas/der bsgrub par bya ba btung bar bya'o/ /de nyid bcom ldan 'das kyi zhal steng du bsgom par bya zhing / zhabs g.yas pas de bzhin du rdo rje skyil mo krung gi sbyor bas bud med thams cad ji ltar 'dod pas blangs nas/
177b3 brla g.yon pa bskyod pas de rnams dang mnyam par sbyor bar bya'o/ /yang na zhal gyi phyag rgya bsgrag par bya ste/ shar gyi re'u mig la ni dkar mo'i gdong zhi ba'o/ /g.yas su chom rkun ma'i gdong ni drag mo'o/ /rgyab tu rab tu rmongs ma ni bde ba'i myos byed kyis rab tu
177b4 rmongs ma'i gdong ngo //g.yon du ro langs ma ni rengs ma'i gdong ma'o/ /me'i re'u mig la puk+ka sI ni gar gyi gdong ma'o/ /bden bral gyi re'u mig la ni gdol pa mo gzhan gyi srog 'phrog pa'i sbyor bas thams cad du gus pa dang bcas pa'i gdong ma'o/ /rlung du g+hasma rI'i shi
177b5 ba za ba sbyor ba'i gdong ma'o//dbang ldan du he ru ka lta bur bcom ldan 'das kyi gzugs can ma'o/ /dkar mo ni zhi ba'i lta stangs so/ /chom rkun ma ni drag mo'i lta stangs so/ /rab tu rmongs ma ni rab tu rmongs pa'i lta stangs so/ /ro langs ma ni shi ba slong ba'i lta stangs so/ /
177b6 puk+ka sI ni gar gyi lta stangs so/ /gdol pa mo ni steng du lta ba'o/ /g+hasmA rI ni 'og tu gdan la lta ba'o/ /me tog la dkar mo gzugs su bsams nas gang la byin pa de phyag rgyas 'debs par 'gyur ro/ /gdug pa la ni chom rkun ma'i gzugs so/ /chang la ni rab tu rmongs ma'i
177b7 gzugs so//chu la ni ro langs ma'i gzugs so/ /shing gi 'khril shing la ni puk+ka sI'o/ /ras la ni gtum mo'o/ /me la ni g+hasma rI ste rtse gcig ma'i mnyam par sbyor ba'i bsam gtan gyi sbyor bas kun tu gnas so/ /de nas dkar mo de'i bsam gtan gyis kyang phyag rgyas gdab
178a1 par bya'o zhes sbyar ro//de ltar bya ba chom rkun mas rnying gnas drangs pa'i bsam gtan gyis bsgrub bya'i lus la zhugs te snying nas drang ngo / /rab tu rmongs ma'i sbyor bas bde bas rmongs shing bsgrub bya rmongs par bsam par bya ste/ de ltar bde ba rab tu sbyin pas rab
178a2 tu rmongs par byed pa'o//ro langs ma'i bsam gtan gyis bdud rtsi chu yis gtor bas shi ba slong bar byed do/ /puk+ka sI'i rnal 'byor gyis se gol gtogs pas gar byed do/ /steng du shin tu dbugs kyi bsam gtan gyis lhan cig gcig tu gyur pas gdol pa mos gsod
178a3 par byed do//gdan gyi bza' bas g+hasma rI'i bsam gtan des bza' bar bya'o/ /dkar mos ni g.yon gyi lta stangs kyis bsgrub bya la bltas pas phyag rgyas 'debs par byed do/ /yid kyis bsgrub bya'i snying gar zhugs te/ de'i snying gi pad+ma lag pa g.yon pas
178a4 'don cing 'gugs par byed do//chom rkun mas ni snying nas 'dren par byed do/ /rab tu rmongs mas ni yid kyis sam mngon sum du'o byed pas bde bas rab tu rmongs pas rab tu rmongs par byed do/ /ro langs ma ni yid kyis sam/ dngos su 'khyud nas 'chi ba slong
178a5 bar byed do/puk+ka sI'i rnal 'byor gyis gar byed pa ni yid kyis bsgrub bya dang lhan cig gcig tu gyur pas rang gis gar byed do/ yid kyis bsgrub bya dang lhan cig gcig tu gyur pas bde bas rmongs pas steng gi lta stangs byas te/ gtum mo'i rnal 'byor gyis gsod
178a6 par byed do//g+hasma rI'i rnal 'byor gyis bsgrub bya khar bcug ste bca' zhing bza' bar bya'o/ /bza' bar bya zhes bya ba ni dgra bo thams cad shin tu rtag tu zos pa zhes bya bar 'gyur ro zhes bya ba'i don to/ /rdo rje hU~M mdzad la ni 'jig rten gsum sgrol ba zhes bya ba'i
178a7 ming rnyed par 'gyur te/de ni rdo rje sems dpa' ste 'jig rten gsum las rnam par rgyal ba yin no/ /de nas gzhan du zhes bya ba ni mdzes pa dang / snying rje'i stobs la sogs pa'i khro bo gzhan thams cad khro bo'i ro gcig par zhen pa'o/ /bcom ldan 'das
178b1 khro bo'i gzugs kyi mtshan nyid ci lags/gang gi don du gsungs/ lus la dam par lta ba dang / srog dang gang zag la sogs pa bdag tu 'dzin pas smras pa'i brtags pa thams cad kyi mthar byed pa gshin rje'i rgyal po ste/ gsum byed pa de rnams kyis brtags
178b2 pa'i 'khor lo las rgyal ba ni brtags pa thams cad kyi mchog dngos grub kyi dbang phyug yin no//khro bo'i rgyal po rdo rje 'jigs byed ces bya ba bshad par bya ste/ gang gi phyir khyab 'jug dang dbang phyug chen po la sogs pa nas bzung ste de thams cad rdo rje 'jigs byed kyis thal bar rlag
178b3 par mdzad do//'dod chags chen po zhes bya ba la/ 'dod chags chen po ni 'dod chags rdo rje ste de'i ngo bo can ni der brjod pa yin no/ /yang rdo rje sems dpar gyur nas 'dod chags can gyi rdo rjer 'gyur ba'i phyir dpyid lta bur me tog dri zhim po'i phreng ba dang / snying po la sogs pas brgyan
178b4 par bya ba'i phyir dang /me tog gi gzhu dang mda' dang ldan pa'i phyir nga ni 'dod pa'o/ /sku gsum gyi mda' ni rnam dgod pa zhes bya ba ni spang leb kyi phub kyi dbus su yu~M kha~M dang / o~M la sogs pa gsum dgod pa dang mda' dang lhan cig btsun mo'i spyi bor rdzas 'di rnams bsam
178b5 par bya zhing 'dzag pa'i don du pad+ma'i mthar gsungs so//gal te 'dod pa zhu ba ni 'dod pa zhu ba lta bu'o/ /pad+ma zhes bya ba ni snying po ste/ e ba~M lta bur dbang du gyur pas 'dzag pa'o/ /'di skad la sogs mtha' yas mchog /sangs rgyas kun gyi sdom pa mchog /ces bcom ldan
178b6 'das de bzhin gshegs pa thams cad kyi sku dang gsung dang thugs kyi rdo rje de bzhin gshegs pas bka' stsal to//de nas bcom ldan 'das rnams dang / byang chub sems dpa' sems dpa' chen po lag na rdo rjes bcom ldan 'das la 'di skad ces gsol to/ /nyid kyis
178b7 'byung ba yang dag par bka' stsal pa/da ni bdag la bshad du gsol/ sna tshogs bris sku bkab pa zhes bya ba ni gdan rnams su brjod de/ de rnams kyis yar 'jug pa ni de'i don gyi rnal 'byor te/ bris sku'i 'jug pa'i rnal 'byor ro/ /de bas na rang 'byung bar byed do/ /
179a1 yang dag par rab tu gsungs pa zhes bya ba ni bskyed do zhes bya ba'i don to/ /pad+ma'i snod ces bya ba 'di ni mi'i thod par shes par bya'o/ /da ni yang khyod la btsun mo'i dkyil 'khor gyi dbyibs bshad par bya ste/ de bzhin gshegs pa'i pho brang ni zlum po'o/ /he ru ka'i
179a2 zla ba phyed pa'i dbyibs zhes bya ba ni rlung gi dkyil 'khor gyi dbyibs zhes bya ba'i don to//pad+ma'i rnam pa dang / rin po che'i rnam par shes par bya'o/ /ji ltar 'dod pa zhes bya ba ni ji ltar 'dun pa'o/ /de ltar de bzhin gshegs pa dang / rdo rje dang / pad+ma dang / rin po che
179a3 dang /ral gri'i gdan gyi dbus su sgrub pa po gang 'dod pa de nyid de bzhin gshegs pa la sogs pa'i gzugs brnyan no/ /phyi nas rta mchog gi gzugs brnyan gzhug par bya ste/ rta mchog gi dkyil 'khor du gsungs pa yin no/ /ji ltar thob pa zhes bya ba ni ji ltar rnyed pa
179a4 zhes bya ba'i don to//gang nyid kyi dkyil 'khor gyi yo byad skyes pa de nyid kyi yo byad kyis bri bar bya'o/ /dus ji lta bar zhes bya ba ni zhi bar 'dod pas de bzhin gshegs pa'i dkyil 'khor gyi dbus su gdan de bri bar bya'o/ /rgyas pa'i don du rin po che'i dkyil 'khor la nyi ma
179a5 shar ba na bri bar bya'o//mngon spyod kyi las rnams la nyi ma phyed dang nam phyed na rdo rje'i dkyil 'khor la'o/ /gzhan pa'i las la pad+ma'i dkyil 'khor la nyi ma bsnyur na'o/ /ji ltar bde ba zhes bya ba ni dam tshig dang / dbang bskur ba la dus kyi nges pa yod pa ma yin no/ /
179a6 shar dang / lho dang / byang dang / nub kyi phyogs su thig bzhi btab pas dkyil 'khor brgyad du'o/ /yongs su gang ba'i dbang zhes bya ba ni slob dpon gyi dbang thams cad do/ /slob ma mchog 'bring tha ma kun/ /zhes bya ba ni tha ma la ni dkyil 'khor gyi dbang dang /
179a7 nyin par gyi thig le'o/ /'bring po la ni nya phyis kyis so/ /gang zhig mchog de rnams la ni sangs rgyas gcig pu'i bdag nyid kyis sbyin par bya'o/ /dum bu gcig pa'i mgo skyes bya ba ni dum bu gcig pa dang / mgo bo'i rdo rje ni dum bu gcig pa'i mgo skyes so/
179b1 dum bu gcig pa'i thod pa dum bu gcig pa'i bdag nyid kyis dbang yang bya'o/ /mgo skyes zhes bya ba ni pad+ma'i snod do/ /dum bu gcig pa ni dum bu gcig pa ste/ ma gas pa dang ma chag pa zhes bya ba ji snyed pa rtogs par bya'o/ /ka~M ni phung po skyong bar byed pa'i phyir
179b2 thod pa'o//de bzhin du gsungs pa/ sangs rgyas kun gyi bdag nyid 'grub/ /pad+ma gcig bdag de bzhin no/ /bcom ldan 'das rnam par snang mdzad kyi rdo rje'i rin po che'i dbang ngo / /dpal he ru ka ni rdo rje'i dbang ngo / /'od dpag tu med pa'i dbang ni nor bu'i dbang
179b3 dang /der bzlas par yang bya'o/ /rin po che'i phyed pa ni rdo rje'i dbang ngo / /sangs rgyas kun gyi sku ni nor bu'i dbang du shes par bya'o/ /rta mchog gi yang ngo / /rgyu dang 'bras bu'i rang bzhin gyis mi bskyod pa ni rdo rje sems dpar yang shes par bya'o/ /thod pa'i
179b4 gdan 'di'i 'bad pas bsgrub par bya ba gang zhe na/rang bzhin nyid de'i grub pa rab tu byung bas rang bzhin las rab tu 'byung ba'i nus pas gzung ba dang 'dzin pa'i rnam par rtog pa skabs med pa'i ngo bo'i phyir de nyid du gyur pa'i rab tu 'byung bas de ni rang bzhin gyis grub pa'o/ /
179b5 thod pa'i phreng ba'i dbu rgyan gyi gzugs kyi rang bzhin las zhes bya ba ni gnyis su med pa'i ye shes las de ltar gsungs pa yin no/ /dper na me ni tsha ba'i rang bzhin du grub pa ste/ de ltar de'i yang rab tu 'byung ba nyid las rang bzhin rnam par dag pa'i phyir/ de nyid
179b6 kyi bzang po'i bsam pa'i rnal 'byor byas nas ye shes sems dpa' dang lhan cig gcig pa'i dngos pos de ltar gyur pa'i rnal 'byor gyis de bzhin gshegs pa thams cad kyi rtogs par bya'o//rang gi snying ga'i zla bar hU~M blos bris nas de brjod par bya ste/ bdag
179b7 nyid nam mkha' dang mnyam par bsam par bya'o//de nyid kyi zla ba'i dkyil 'khor gyi rnam par yang zla ba'i dkyil 'khor nyid do/ /de'i steng du rdo rje rtse lnga par hU~M yang bsgom mo/ /der de bzhin gshegs pa thams cad bcug cing der yang rdo rje sems dpar
180a1 bskyed nas bkug ste/pad+ma'i gdan la bzhugs su gsol ba dang / ji ltar spyan la sogs pa'i sprul pa yang bzhugs par bya zhes bya ba'i don to/ /de ltar rnam par snang mdzad la sogs pa'i yang rang gi rigs kyi 'byung ba'i sbyor ba la blta bar bya
180a2 ste/'dis ni yang rab tu sbyor bas gang zhig de rnams skye ba de ni nyi ma dang zla ba 'byung ba lta bu'o/ /phyir rol dang nang gi bdag nyid las yi ge lngar 'gyur ba'i phyir lha mo thams cad gnyis las skyed pa dang rdzogs pa'o/ /las thams cad rab tu rgyas par 'byung ba'i cho ga'o/ /
180a3 la la zhes bya ba ni ma mthong ba'o/ /rang gi sems so sor rtog pa'i phyir byang chub kyi sems so/ /byang chub tu btab pa'i sems dpa' ni byang chub sems dpa'o/ /de'i spyod pa ni byang chub kyi spyod pa ste/ ji ltar sems dpa' yang dag par rnyed nas rjes su 'brang ba'i phyir rjes su 'gro
180a4 ba'o//rgyal bar byed pa dang / sbrang rtsir byed pa dang / don thams cad sgrub par byed pa'i ming po gsum gyi gzugs kyis gnas pa'i tshul gyis sems can gyi don byed de/ de nyid sna tshogs kyi rnam par 'gyur zhing / rdul dang / mun pa dang / snying stobs kyang sems can gyi
180a5 don du 'gyur te/gang zhig rnam par dag pa de ni kun tu bzang po'o/ /de bas na byang chub kyi spyod pa 'di ni ji ltar rjes su 'brang ba zhes bya ba ni gong ma bzhin no/ /khab nas gsal bar 'byung ba'am zhes bya ba ni sems can gyi don du skyes bu chen po'i mtshan sum cu rtsa gnyis
180a6 dang /dpe byad bzang po brgyad cu rdzogs pa ste/ bsod nams kyi phung po de'i nyi zer gyi rdul ni skyes bu chen po'i mtshan sum cu rtsa gnyis rnams so/ /de rnams kyi rdul ni dpe byad bzang po rnams so/ /gsal bar gyur pa de gang zhe na/ gsal ba ni khyad par du yon tan la
180a7 sogs pa 'dzin pa ste/byang chub chen po'i mchod pa ni de rnams kyi tshogs kyis yongs su bskor ba'o/ /bdud kyi gzugs kyis byang chub sems dpa' slu ba ni skyes pa'i bdud de/ nyan thos dang / rang sangs rgyas kyi sems gsod pa'i phyir bdud ni 'dod chags rdo rje'o/ /bdud
180b1 bzhi bcom pa dang ldan zhing bdud las rgyal bar kha cig tu shAkya thub par gyur pas mngon par rdzogs par sangs rgyas te/chos dang gang zag tu 'dzin pa tshar gcad pa'i phyir thar pa rnam par dag pa'o/ /'jig rten pa'i rnal 'byor pa'i gang zag tshar gcad pa'i phyir dang / nyan thos
180b2 dang /rang sangs rgyas kyi chos su 'dzin pa tshar gcad pa'i phyir/ de ltar chos dang gang zag la bdag med par rtogs nas ji ltar gyur pa yongs su shes pa'i phyir thar pa thams cad rnam par dag pa yin te/ 'di'i don du bcom ldan 'das rnam par snang mdzad chos kyi 'khor lo
180b3 skor bar mdzad pa'o//bdag tu lta ba rnam pa drug cu rtsa gnyis dang / 'dod chags rnam pa thams cad dang / de'i rnam par dag pa ste/ de kho na la bdag mi dmigs pas rang bzhin med pa'i phyir/ de'i don du spyan ras gzigs kyi dbang phyug gi rgyal po ni pad+ma gar gyi
180b4 dbang phyug yin no//dga' ldan gyi lha thams cad kyi mthar thug pa la 'khor lo dam pa'o/ /rdzu 'phrul gyi cho 'phrul sna tshogs pa'i mchog ni lha'i 'khor lo dam pa'o/ /'di lta ste yang ni rigs kyi bu sangs rgyas thams cad kyi 'dus pa zhes bya ba la 'dus pa ni/
180b5 tshogs pa'o/ /bde ba can zhes bya ba ni mchog gi dga' ldan te/ rigs kyi bu bde ba can gyi 'jig rten gyi khams lta bu'o/ /dper na bde ba can gyi 'jig rten gyi khams ni de bzhin gshegs pa thams cad 'dus pas brgyan pa'o/ /de bzhin du bcom ldan 'das pad+ma gar
180b6 gyi dbang phyug dang /dpal rnam par snang mdzad la sogs pa de bzhin gshegs pa gzhal du med pas kun tu bskor bas/ de ni bde ba can gyi 'jig rten gyi khams lta bu ste/ de'i don du pad+ma gar gyi dbang phyug sgrol ba po 'byung ba yin no/ /sbyin pa dang / sbyin pa po
180b7 dang /len pa po mi dmigs pa'i sbyin pas ser sna spang ba'i phyir don dam par rnam par dag pa de'i don du ser sna can gyi sems can rnams 'khor gsum yongs su dag pa'i ye shes kyis shin tu sbyin pa la sbyor ba yin no zhes bya ba'i don to/ /nyi ma lta bu'i phyag rgya chen po ni nyi
181a1 ma'i phyag rgya'o//nam mkha'i snying po zhes bya ba ni nam mkha' la mnyam pa nyid kyi ye shes las snying po bskyed pa'i phyir gang gi 'di ni de de bzhin du gsungs so/ /dngos grub thams cad kyi dbang phyug bsam pa thams cad yongs su skong bar byed pa ni sems can thams
181a2 cad kyi rnam pa thams cad du 'khor los sgyur ba la sogs par gsol ba 'debs pa de rnams kyi bsam pa de rab tu sbyin pas thams cad kyi bsam pa skong bar byed pa ste/de'i phyir bka' stsal pa/ nam mkha' la glang po la sogs pa rin po che sna bdun gyi rin po che thams cad kyi
181a3 char 'bebs pa zhes bya ba ni rin po che bdun gyi char 'bebs pa'o//de'i don du sgrol ma 'byung ba ni 'jig rten gsum las rnam par rgyal ba yin no/ /shin tu brtson 'grus dman pa zhes bya ba ni le lo la sogs pa'o/ /stobs kyi rnal 'byor ni grags pa'i rnal 'byor
181a4 ro//de bas na stobs kyi rnal 'byor gyis rnam par dag pa ni drag shul gyi rnal 'byor gyis rnam par dag pa'o/ /brtson 'grus kyi sbyor bas ni de'i don du stobs kyi rnal 'byor rnam par dag pas rta mchog 'byung ba yin te/ /rta mgrin yin no zhes bya ba'i don to/ /dpung
181a5 pa bzhi dang lag pa bzhi zhes bya ba 'di ni phyag brgyad pa lta bu'o//zhabs bzhi zhes bya ba ni g.yon brkyang ba'i sbyor ba'o/ /de nas g.yas pa'i zhabs gcig gis ni mi'i dngos grub kyi dpal mo mnan to/ /gnyis pas ni lha mo sha tsi dang dga' ma mnan pa'o/ /g.yon gyi dang
181a6 pos ni mig gsum pa dang khyab 'jug go//gnyis pas ni tshangs pa dang 'dod pa'i lha mnan nas bzhugs so/ /dngos grub thams cad kyi dbang phyug rta mchog gis ni 'jig rten gsum po lha chen po la sogs pa de rnams bsdus nas gsum la skyabs su 'gro ba la sogs pa
181a7 rnams kyis rnam par btul ba gang zhig rdo rje hU~M mdzad kyis 'jig rten gsum po thams cad bsgral nas/de'i dkyil 'khor du lha chen pos bla ma la dka' zlog ma yon du phul nas phyung ba ni rim pa ji lta bar gru bzhi sgo bzhi par thig gdab par bya zhing sgeg mo la sogs pas
181b1 yongs su gang ba'i dkyil 'khor zhes bya ba'i don to//dkyil 'khor gyi tshad gang gis thig gdab par bya zhe na/ nang du khru gang zhes bya ba ni dbus su khru gang ste dang / phyi rol du khru gang nyid dang / 'phar ma gsum pa khru gnyis pa zhes bya bar dgongs pa'o/ /zla ba'i
181b2 dkyil 'khor lta bu zhes bya ba ni dkyil 'khor gyi snying po zlum po yin no zhes bya bar bcom ldan 'das 'jig rten gsum po sgrol ba'i dkyil 'khor bka' stsal to//da ni mi mthun pa'i phyogs kyi sgom pa dang / byang chub kyi phyogs kyi sgom pa bshad par bya ste/ de la re zhig
181b3 dang por tshul bzhin ma yin pa'i yid la byed pa ni srid pa'i rgyu'i phyir ro//rmongs pa las bden pa bzhi la 'jug pa'i phyir ro/ /dran pa nye bar gzhag pa bsgom pa ni lus la tshul bzhin ma yin pa sgom pa ste/ de yongs su brtags pas gang zhig sdug bsngal gyi bden pa
181b4 la 'jug pa'o//de'i tshul bzhin ma yin pa yid la byed pa ni 'du byed kyi mtshan nyid kyi phyir tshul bzhin ma yin pa yid la byed pa ni 'du byed kyi sdug bsngal te/ de dang lhan cig zag pa med pa dang bcas pa'i gnas skabs kyi sdug bsngal gang zhig lta ba'i phyir/ tshor
181b5 ba ni sred pa'i rgyu'i phyir de yongs su brtags pas kun 'byung gi bden pa la 'jug go//bdag gi dngos po la mngon par zhen pa'i sems de yongs su brtags pa'i phyir 'gog pa'i bden pa la 'jug go/ /bdag tu lta ba gcod pas rtogs pa'i phyir chos la brtags
181b6 pas gang zhig kun nas nyon mongs pa dang /rnam par byang ba'i chos thams cad la rmongs pa med pa'i phyir lam gyi bden pa la 'jug go/ /de ltar dang por bden pa bzhi la 'jug pa'i phyir dran pa nye bar gzhag pa'i bsgom pa rnam par gzhag par bya ste/ de nas
181b7 yang dag par spong ba'i sgom pa yongs su shes la/gang gi phyir mthun pa'i phyogs dang / mi mthun pa'i phyogs kyi rnam pa thams cad du de rtogs na brtson 'grus rnam pa bzhi po 'di rab tu rtsom mo/ /dran pa nye bar gzhag pa bsgoms pas mthun pa'i phyogs dang
182a1 mi mthun pa'i phyogs kyi rnam pa thams cad yongs su shes nas mthun pa'i phyogs yongs su shes par bya ba'i phyir dang /mi mthun pa'i phyogs yongs su shes par bya ba'i phyir/ brtson 'grus rnam pa bzhi yang dag par rab tu rtsom ste/ sdig pa mi
182a2 dge ba'i chos skyes pa rnams spang ba'i phyir zhes rgyas par gong du gsungs so//las nyid la gnas pa zhes bya ba ni de la don thams cad yang dag par rtogs pa'i phyir/ skyon lnga spang ba dang / 'du byed brgyad bsten pa de'i phyir yongs su shes pas brtson 'grus kyi sgom
182a3 pas sems gnas pa'i las nyid do//rdzu 'phrul gyi rkang pa bzhi ni don thams cad yang dag par 'phel ba'i rgyu'i phyir gnas pa ni 'dir sems kyi ting nge 'dzin du rig par bya'o/ /de nas yang dag par spong ba'i mthar rdzu 'phrul gyi rkang pa de yang las nyid de/ skyon
182a4 lnga spang ba dang /'du byed brgyad bsgoms pas rig par bya'o/ /skyon lnga gang lags/ bcom ldan 'das kyis bka' stsal pa/ de la le lo dang / shes bzhin ma yin pa dang / rmugs pa dang / bying ba dang / rgod pa nyid de/ mngon par 'dus ma byas pa dang / de
182a5 nas mngon par 'du bya ba skyon lnga spang bar lnga po 'di rnams brjod do//de la bying ba dang / rgod pas skyon gcig byed de/ mngon par 'dus ma byas pa ni bying ba dang rgod pa 'jug pa'i dus su skyon no/ /mngon par 'du byas pas rab tu zhi ba la 'di rnams spang ba'i phyir ji
182a6 ltar spang zhing 'du byed brgyad rnam par gzhag ce na/bzhi yis le lo spang ba'i phyir 'dun pa dang / rtsol ba dang / dad pa dang / shin tu sbyangs pa de rnams yang rim pa ji lta bar rig par bya'o/ /gnas dang de nas gnas pa dang / de'i mtshan ma dang 'bras bu nyid de
182a7 gnas ni 'dun pa'o//gnas pa ni rtsol ba'o/ /de'i gnas 'dun pa'i mtshan ma ni dad pa ste/ yid ches pa dang / dad pa dang / 'dod pa'o/ /de'i gnas pa stsol pa'i 'bras bu ni shin tu sbyangs pa ste/ 'dun pa dang bcas pa'i brtson 'grus kyi ting nge 'dzin gyi
182b1 khyad par rtogs par bya'o//lhag ma spong ba'i 'du byed bzhi ni dran pa dang / shes bzhin dang / sems pa dang / btang snyoms te/ grangs ji lta bar skyon bzhi'i gnyen po'i phyogs so/ /de yang dran pa la sogs pa'i rim pa de bzhin du rig par bya ste/ dmigs
182b2 pa ni rmugs pa med pas bying ba dang /rgod pas rjes su rtogs par bya zhing / de gnyis kyi mngon par 'du byed pa zhi ba la shin tu sbyangs pas 'byung ngo / /dran pa ni dmigs pa na rmugs pa med pas shes bzhin te/ rmugs pa med par gyur na bying ba dang rgod pa rjes su rtogs
182b3 so//ma rtogs pa de rtogs par bya ba'i don to/ /mngon par 'du byed pa'i sems kyis bying ba dang / rgod pa zhi ba la dam pa'i shin tu sbyangs pa'i sems kyis btang snyoms so/ /rdzu 'phrul gyi rkang pa'i mthar dad pa la sogs pa'i dbang po lnga po de rnams kyi rnam par
182b4 gzhag pa ci ltar dgod ce na/thar pa'i cha dang ldan pa gang zhig 'dun pa'i rnal 'byor gyi bdag po dang / dmigs pa na rmugs pa med pas brjed pa med pa'i bdag po'o/ /bdag po zhes bya ba ni sgyur bar byed pa'o/ /rdzu 'phrul gyi rkang pa'i las ni sems kyi 'jug pa'o/ /
182b5 thar pa'i cha dang ldan pa ni gang zhig dge ba'i rtsa ba la 'dun pa'i bdag po dang / rab tu sbyor ba'i bdag po dang / dmigs pa ni rmugs pa med pa'i bdag po dang / brjed pa med pa'i bdag po dang / rnam par 'byed pa'i bdag po ste/ rim pa ji lta ba bzhin du dad pa
182b6 la sogs pa'i dbang po lnga po rnams rig par bya'o//de la za ba po dang / bza' bar bya ba stong pa bka' stsal pa/ nang gi skye mched rnams nas brtsams te/ phyi rol gyi bza' ba stong pa nyid dang / de'i lus kyi za ba po dang / bza' ba dag gang zhig byin gyis
182b7 brlabs pa'i lus de'i stong pa nyid la'ang lta zhing skyo bas 'du byed spong bar byed de/dge ba mi zad pa dang / gang yang khyad par du bltas pas nang dang phyi rol stong pa nyid du gsungs so/ /rab tu gnas pa'i dngos po snod kyi 'jig rten rgyas pa'i phyir de'i stong pa nyid
183a1 ni chen po stong pa nyid ces gsungs so//de yang nang gi skye mched rnams la sogs pa gang gis stong pa nyid mthong ba stong pa nyid kyi ye shes kyis de'i stong pa nyid ni stong pa nyid stong pa nyid do/ /ji ltar don dam pa'i rnam pas mthong ba de'i stong pa nyid ni
183a2 don dam pa stong pa nyid do//de'i don du yang byang chub sems dpas rab tu spyod do/ /de'i stong pa nyid kyi don ji ltar 'tshal bar bgyi/ bcom ldan 'das kyis bka' stsal pa/ dge ba gnyis 'thob pa'i don du dge ba'i 'dus byas dang / 'dus ma byas gnyis so/ /
183a3 rtag tu sems can la phan pa'i phyir dang / sems can la shin tu phan pa'i don du 'khor ba mi spang ba'i phyir/ de'i stong pa nyid ni thog ma dang tha ma med pa stong pa nyid do/ /rgyun mi 'chad par 'khor ba stong pa nyid du ma mthong bas skyo ste/ 'khor ba yongs su spong
183a4 bar byed kyang /gang yang dge ba mi zad pas na khyad par du lta bas mya ngan las 'das par yang mi byed cing de'i stong pa nyid spong bar yang mi byed de/ 'di ni blang ba dang dor ba med pa stong pa nyid do/ /rigs kyang rnam par dag pa'i phyir zhes bya ba la/ rigs ni rang bzhin te ngo bo nyid do/ /
183a5 mtshan dang dpe byad thob par bya ba'i phyir zhes bya ba la/ skyes bu chen po'i mtshan dang / dpe byad dang bcas par thob par bya ba'i phyir dang / dag par bya ba'i phyir sangs rgyas kyi chos rnams la byang chub sems dpa' rnams rab tu spyod de/ khyad par du stobs dang / mi 'jigs pa la sogs pa spyang
183a6 ba'i phyir/re zhig stong pa nyid bcu bzhir rnam par gzhag par rig par bya'o/ /yang 'dir stong pa nyid gang zhe na/ chos dang gang zag gi don dngos po med pa stong pa nyid de/ de'i phyir de las byung ba don dam pa'i dngos po ni der de stong pa nyid dang / pha rol gyi chos dang gang zag dngos po med pa stong pa
183a7 nyid las byung ba'i don dam pa'i dngos po'o/der ji skad gsungs pa'i zab po la sogs pa stong pa'i phyir stong pa nyid bcu drug tu mtshan nyid bshad pa'i don du gzhung gnyis kyi stong pa nyid rnam par gzhag par bya ste/ dngos po med pa stong pa nyid dang / dngos po med pa'i rang bzhin stong pa nyid de/ chos dang gang
183b1 zag la yang dag par 'jug pa de'i stong pa nyid ji snyed pa yongs su spang ba'i don du rim pa ji lta ba de ltar stong pa nyid kyi rab tu dbye ba shes bar bya'o//ji ltar sgrub pa rnam par shes par bya zhe na/ gal te 'di kun nas nyon mongs pa can du ma gyur na lus can thams cad grol bar 'gyur ro/ /
183b2 gal te 'di rnam par dag par ma gyur na brtsam pa 'bras bu med par 'gyur ro/ /gal te chos rnams kyi stong pa nyid blo bur gyi kun nas nyon mongs pa ma skyes pa'i phyir/ mi mthun pa'i phyogs kyis kun nas nyon mongs pa can du ma gyur na/ kun nas nyon mongs pa dngos po med pa'i phyir
183b3 'bad pa med pa nyid du sems can thams cad grol bar 'gyur ro//de nas ma skyes pa'i yang mi mthun pa'i phyogs kyis rnam par dag par ma gyur te/ thar pa'i don du rtsom pa 'bras bu med par 'gyur ro/ /de ltar byas na nyon mongs pa can ma yin pa dang / nyon mongs pa med pa
183b4 can ma yin pa dang /dag pa dang ma dag pa nyid sems kyi rang bzhin 'od gsal ba'i phyir de ji ltar na nyon mongs pa yang ma yin zhing ma dag pa yang ma yin no/ /nyon mongs pa blo bur gyi phyir/ ji ltar nyon mongs pa can ma yin pa'ang ma yin zhing / dag pa'ang ma yin no/ /de ltar stong
183b5 pa nyid kyi rab tu dbye bas gsungs so//de la stong pa nyid kyi mdor bsdus pa'i don bsgrubs pa yin no/ /yang gsungs pa/ 'dod chags kyi gnyen por mi sdug pa la sogs pa dang / zhe sdang gi gnyen por byams pa dang / gti mug gi gnyen por rten cing 'brel par 'byung ba'o/ /
183b6 de la ji ltar 'dod chags rnam par ldog ce na/ gal te de dang 'gal ba'i phyir ro zhe na/ yin mod kyi gang zhig de skad du 'dod chags kyi bdag nyid du byed pa na 'dod chags dang bral ba yin no/ /de bzhin du gsungs pa/ bcom ldan 'das kyis rigs kyi bu e ma ho/ /sangs rgyas
183b7 thams cad kyi 'dod chags kyi ye shes ni rnyog pa med pa ste/'dod chags kyis 'dod chags dang bral ba bcom nas bde ba thams cad sbyin par byed do/ /'dod chags la sogs pa ni rang bzhin gyis kha na ma tho ba med pa dang bcas pa ste/ gzhan du rgyun du zhugs pa'i 'dod chags rnyed pa
184a1 yin na de'i 'dod chags la sogs pa yongs su mi spong bar spyod na/'on te rim pa'i khyad par las yon tan gyi khyad par 'byung bar 'gyur ro/ /dper na ke ta ka'i me tog dri'i glang po ches zos na gla rtsi la sogs pa'i dngos por 'gyur ro/ /glang po che phal pas zos na
184a2 lci ba'i dngos por 'gyur ro//de bas na de la ke ta ka'i me tog gi skyon ma yin te/ de bzhin du 'dod chags la sogs pa yang rnam par dag pa'i rim pa la gnas pas bsam pa'i khyad par gyi sbyor ba las/ khyad par du 'phags pa nyid kyi 'bras bu smin par byed do/ /dper na 'o ma la
184a3 sbrul la sogs pas 'thungs na dug gi dngos por 'gyur ro//gzhan yang skyes bus 'thungs na bdud rtsi'i dngos por skye bar 'gyur ro/ /de ltar rigs kyi bu 'dod chags la sogs pa bsam pa'i khyad par gyi rang bzhin gyis kha na ma tho ba med pa'i phyir sbyor bas dngos po khyad
184a4 par can gyi 'bras bu 'byung bar 'gyur ro//gang dang gang khyad par du 'phags pa'i rgyun gyi dngos po dang ldan pa de dang de'i 'bras bu khyad par du 'phags pa 'byung ngo / /dper na ke ta ka la sogs pa de rnams kyi khyad par du 'phags pa'i rim pa la gnas pa 'dod
184a5 chags la sogs pa'i rang bzhin rnam par dag pa'o//rgyud kyi rgyal po chen po dpal yang dag par sbyor ba'i thig le zhes bya ba rdzogs so// //rgya gar gyi mkhan po kA yas+tha pa ga ya d+ha ra'i zhal snga nas dang / bod kyi lots+tsha ba
184a6 dge slong shAkya ye shes kyis bsgyur cing zhus te gtan la phab pa'o// /slad nas kyang bod kyi lots+tsha ba gzhan rnams gzhan gyis bsgyur ba la zur mi 'dra bar bcos nas/ rang gi ming bcug cing gzhan gyi ming 'phyi
184a7 ba de dag dang /mi shes pa de dag sun dbyung ba'i phyir/ slad nas kyang rgya gar gyi rgyud bzhi dang / dge slong shAkya ye shes de nyid kyis gtugs nas bcos te gtan la phab pa'o// //
CLOSE WINDOW