210a3 @##/ /rgya gar skad du/ rA dza de sha nA
210a4 ma ma hA yA na sU tra/bod skad du/ rgyal po la gdams pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das grong khyer chen po bA rA Na sI na 'khor
210a5 rnams la chos ston pa na/bad sa la'i rgyal po 'char byed 'dul ba'i dus la bab par gzigs nas 'khor dang bcas pa bad sa la'i yul du gshegs pa dang / bad sa la'i rgyal po 'char byed grong khyer chen po gser can zhes bya ba gzhom pa'i phyir dmag bzhi dang chas pa dang phrad
210a6 pas rgyal po 'char byed khros te/'di 'dra ba'i bkra mi shis pa dang phrad pas bsad par rigs so zhes nas mda' ste'u kha nya rnga ma blangs te/ bcom ldan 'das la 'phangs so/ /de nas mda' de nam mkha' la 'khor zhing 'di skad ces grag go/ /zhe sdang gis ni sdug bsngal
210a7 skyed//'dir yang sha thang 'thab dang rtsod/ /phyi mar dmyal ba'i sdug bsngal 'byung / /des na zhe sdang 'thab rtsod spang / /zhes bya ba'i tshig de rgyal po 'char byed kyis thos par gyur pa dang / bcom ldan 'das la mos par gyur te phyag 'tshal nas phyogs gcig tu 'khod do/ /
210b1 bcom ldan 'das kyis bka' stsal pa/ rgyal po chen po 'thab rtsod ni 'dir sha thang la phyi mar ngan song du skye na ci'i phyir rtag tu 'thab rtsod 'ba' zhig byed/ rgyal pos gsol pa/ gauta ma bdag gis gang dang 'thabs kyang pham ma myong ste rgyal bas bdag ni dmag dang 'thab pa la
210b2 mos pa lags so//bcom ldan 'das kyis bka' stsal pa/ rgyal po chen po dgra 'di ni dgra chung ngu yin te/ rgyal po chen po 'di ma yin pa'i dgra chen po shar gnyer ba zhig yod do/ /rgyal pos gsol pa dgra de gang lags/ bcom ldan 'das kyis bka' stsal pa/
210b3 dgra chen po nyon mongs pa bdag tu 'dzin pa zhes bya ba zhig yod do/ /rgyal pos gsol pa dgra de ji lta bu lags bshad du gsol/ bcom ldan 'das kyis bka' stsal pa/ rnam rtog bdag tu 'dzin pa'i dgra chen po/ /'di ni rgyu bzhin dngos po med bzhin du/ /thog ma med nas
210b4 bdag la gnas nas ni//bdag gi chos sku yid bzhin rin chen de/ /gzod ma'i mu nas dgra yis brkus nas su/ /mtshan ma'i tshang tshing gseb tu sbas nas bdag /da rung 'ching zhing 'khor bar 'khyam du 'jug /'jig rten dgras ni bsad nas nor 'phrog tsam/ /
210b5 de la bzod byas bsod nams tshogs kyang rdzogs/ /dgra 'di zhi bde thar pa'i srog kyang gcod/ /de bsten bsod nams 'khor bar 'dam du 'ching / /rgyal pos gsol pa/ dgra chen po de dang ji ltar 'thab par bgyi/ bcom ldan 'das kyis bka' stsal pa/ rnam
210b6 rtog dgra la rgol ba'i shom ra yang //dad pas sbyin dang tshul khrims mkhar brtsigs te/ /dge ba'i dpung byas bzod pa'i go gyon la/ /brtson 'grus lcag thogs bsam gtan gzhu bdungs te/ /bdag med stong pa'i mda' yis bdag 'dzin bsad/ /rgyal pos
210b7 gsol pa bdag med pa zhes pa de bshad du gsol/bcom ldan 'das kyis bka' stsal pa/ gang zag bdag med rgyal po mnyan par gyis/ /gang zag lnga phung rgyun yin ci phyir na/ /rgyu ni las dang nyon mongs pas gang nas/ /'bras bu phung por zag ste de yi bdag /
211a1 bdag ni sems can so so'i lus 'di la/ /nga dang bdag tu bzung nas chags gyur te/ /bdag ni na dang shi bkres grang gis dogs/ /bstod na dga' zhing smad na mi dga' ste/ /de la dmigs nas mu stegs lnga rnams 'jug /nga 'am bdag de yod pa ma yin te/ /
211a2 phung po 'di la brtags nas 'khrul pa yin/ /ming ni bdag ma yin te btags pa tsam/ /lus ni bdag ma yin te sha rus rnams/ /'byung chen 'dus pa phyi rol rtsig pa 'dra/ /sems kyang bdag ma yin te dngos po med/ /chos la bdag med rgyal po mnyan par gyis/ /
211a3 chos ni gzugs sogs dngos po thams cad yin/ /byed pa med la mtshan nyid 'dzin phyir ro/ /de dag log rtog mtshan mar bcas pa dang / /lta mi 'thun pa yin te de med do/ /ci phyir zhe na phyi nang chos 'di la/ /dngos 'di spangs nas stong nyid mi btsal gyi/ /snang ba nyid na
211a4 stong pa nyid yin phyir//gzhig bcom mi rtag tsam la stong ming gdags/ /snang la rang bzhin med par cis mngon na/ /yod med dbus dang gsum du mi gnas te/ /yod par grags pa 'khor ba mya ngan 'das/ /'khor ba'i rang bzhin yul sems rnam gnyis te/ /yul 'di
211a5 dngos po med par 'di ltar brtag /rang snang rdul bshig rdul yang chas gzhig med/ /dngos snang thams cad sems yin rmi lam bzhin/ /sems kyang kha dog dbyibs sogs rnams dang bral/ /des na 'khor ba stong zhing bdag med do/ /'khor ba med pas mya ngan 'das pa'ang
211a6 med//yod pa ma grub pas na med pa'ang med/ /mtha' gnyis med phyir dbus kyang med pa yin/ /de ltar rgyal pos bdag med bsgom byas na/ /bdag 'dzin 'khor ba rtsad nas chod par 'gyur/ /rgyal pos gsol pa/ snga gong yan chad dgra ma yin pa la dgrar bzung ste bdag zhe sdang
211a7 gis mnar bar gyur to//da ni bdag gis yang dag pa'i dgra ngo shes pas dgra de dang 'thab pa'i phyir bdag med pa la mos par gyur lags so/ /bcom ldan 'das kyis bka' stsal pa/ rgyal po chen po legs so/ /bdag tu 'dzin pa'i dgra pham par byas so/ /bcom ldan 'das
211b1 kyis de skad ces bka' stsal pa dang /bad sa'i rgyal po 'char byed la sogs pa yi rangs te/ bcom ldan 'das kyis gsungs pa la mngon par bstod do/ /bad sa la'i rgyal po 'char byed la gdams pa zhes bya ba theg pa chen po'i mdo rdzogs so// //rgya gar gyi mkhan po dA na shI la dang /
ban de ye shes sdes bsgyur cing zhus te gtan la phab pa

CLOSE WINDOW