331a2 @#//rgya gar skad du/
331a3 Ar+yA ba lo ki te shwa ra pa ri pr-its+tsha sap+ta d+har+m+ma ka nA ma ma hA yA na sU tra/ bod skad du/ 'phags pa spyan ras gzigs dbang phyug gis zhus pa chos bdun pa zhes bya ba theg pa chen po'i mdo/ bcom ldan 'das 'jam dpal gzhon nur gyur pa la phyag 'tshal lo/ /'di skad bdag gis
331a4 thos pa dus gcig na/bcom ldan 'das rgyal po'i khab bya rgod phung po'i ri la dge slong stong nyis brgya lnga bcu'i dge slong gi dge 'dun chen po dang / byang chub sems dpa' sems dpa' chen po rab tu mang po dang thabs cig tu zhugs te/ de nas byang chub sems dpa' sems
331a5 dpa' chen po 'phags pa spyan ras gzigs dbang phyug stan las langs te/bla gos phrag pa gcig tu gzar nas pus mo g.yas pa'i lha nga pad ma'i lte ba la btsugs te/ bcom ldan 'das ga la ba der thal mo sbyar ba btud de/ bcom ldan 'das la 'di skad ces
331a6 gsol to//bcom ldan 'das byang chub kyi sems bskyed ma thag pa'i byang chub sems dpas chos du zhig la bslab par bgyi/ de skad ces gsol pa dang / bcom ldan 'das kyis byang chub sems dpa' sems dpa' chen po 'phags pa spyan ras gzigs dbang phyug
331a7 la 'di skad ces bka' stsal to//rigs kyi bu byang chub tu sems bskyed ma thag pa'i byang chub sems dpas chos bdun la bslab par bya ste/ bdun gang zhe na/ 'di lta ste/ rnam par rtog pas kyang 'dod pa la sten par mi byed na dbang po gnyis kyis sbyor ba lta smos kyang ci
331b1 dgos/tha na rmi lam gyi nang du yang mi dge ba'i bshes gnyen sten par mi byed pa dang / bya dang 'dra ba'i sems kyis yongs su 'dzin pa med par bya ba dang / thabs dang shes rab la mkhas pas nga rgyal dang / ngar 'dzin pa med par bya ba dang / dngos po dang dngos po med pa spangs nas
331b2 stong pa nyid kyi rnam par thar pa brtan po dang ldan par bya ba dang /yang dag par bden pa ma yin pa'i kun du rtog pa'i shes pas sgyu ma dang / rmi lam dang 'dra bar 'khor ba las mngon par dga' bar bya ba ma yin pa dang / rgyu dang 'bras bu la skur pa gdab par mi bya ba ste/ rigs kyi bu byang chub
331b3 tu sems bskyed ma thag pa'i byang chub sems dpas chos bdun po de dag la bslab par bya'o//bcom ldan 'das kyis de skad ces bka' stsal nas/ byang chub sems dpa' 'phags pa spyan ras gzigs dbang phyug dang / dge slong de dag dang byang chub sems dpa' de dag yi rangs te
331b4 bcom ldan 'das kyis gsungs pa la mngon par bstod do//'phags pa spyan ras gzigs dbang phyug gis zhus pa chos bdun pa zhes bya ba theg pa chen po'i mdo rdzogs so// //rgya gar gyi mkhan po dI paM ka ra shrI dz+nyA na dang / lo ts+tsha ba dge slong dge ba'i
blo gros kyis bsgyur ba/

CLOSE WINDOW