Colophon ཅེས་སྟོང་ཐུན་ཐེག་པའི་གྲངས་ལྡན་ཚངས་དབྱངས་དགྱེས་པའི་གད་མོ་ཞེས་བྱ་བ་འདི་ནི། སངས་རྒྱས་གཡུང་དྲུང་བསྟན་པའི་སྙིང་པོ་བླ་མེད་གསང་བ་སྔགས་ཀྱི་རྩས་སུ། ཞལ་བཞེས་བདེ་ལྡན་གསང་སྔགས་གླིང་དུ་ལོ་བསྟར་ཆགས་སུ་བསྒྲུབ་ཆེན་སྨན་སྒྲུབ་སྦྲེལ་མ་འཛུག་པའི་ཆ་རྐྱེན་དུ། རང་གཞན་གྲུབ་མཐའ་ཕ་རོལ་དུ་སོན་པའི་བདག་ཉིད་ཆེན་པོ་ཀུ་ས་ཟླ་འོད་རྣམ་འཕྲུལ་ཀུན་མཁྱེན་འཇམ་དབྱངས་མཁྱེན་བརྩེའི་དབང་པོའམ་མི་ཤིག་གཡུང་དྲུང་འབྱུང་གནས་རྩལ་ཞེས་གྲགས་པ་འཁོར་ལོའི་དབང་ཕྱུག་ཆེན་པོའི་ཞལ་སྔ་ནས། གཡུང་དྲུང་བོན་གྱི་བཀའ་གཏེར་སྙན་གསུམ་བཤད་སྒྲབ་ཆེན་པོའི་བསྟན་པ་རིན་པོ་ཆེའི་གྱ་ནོམ་པའི་འབུལ་བཀུར་གྱི་རྟེན་འབྲེལ་ཤིན་ཏུ་ལེགས་པའི་རྒྱུ་ཅི་རིགས་པའི་ལྟས་ངོ་མཚར་དུ་མ་དང་། གཞན་ཡང་སྨན་རིའི་མཁན་ཆེན་ཉི་མ་བསྟན་འཛིན་དང་། མཆོག་ཆེན་པོ་རིག་འཛིན་ཀུན་སྒྲོལ་(གྲོལ)་བཞི་པ་བསྟན་འཛིན་ཚུལ་ཁྲིམས་གྲགས་པ་གཉིས་ནས། བསྟན་རྙིང་གསོ་ཞིང་གཏེར་གསར་གསར་སྤེལ་གྱི་ལེགས་མཛད་ཕྲ་མོ་ཡན་ཆད་སྙོམ་ལས་དང་བཏང་སྙོམས་སུ་མ་སོང་བར། ཅི་རྒྱས་སུ་སྤེལ་དགོས་ཞེས་ཡང་ཡང་བཀའ་གསར་ཕེབས་པས་དང*། ཉེ་བར་ཤྭཀ་རིགས་བླ་མ་འགྲོ་འདུལ་གྲགས་པ་དང་། རིགས་སྲས་ཚེ་དབང་བསོད་ནམས་བསྟན་འཛིན་རྒྱལ་མཚན་སོགས་ཀྱི་གསུང་གསང་གིས་རྗེས་སུ་གནང་བ་ལ་བརྟེན་ནས། རིག་འཛིན་ཀུན་གྲོལ་གསང་བ་རྩལ་གྱིས་བཤད་སྒྲབ་གཡུང་དྲུང་བསྟན་པའི་གཞལ་མེད་ཁང་ཆེན་པོ་འཆི་མེད་གཡུང་དྲུང་བཀོད་པའི་ཁང་བཟང་དུ་བྲིས་པ་དགེ་ལེགས་སུ་གྱུར་ཅིག། ces stong thun theg pa'i grangs ldan tshangs dbyangs dgyes pa'i gad mo zhes bya ba 'di ni/ sangs rgyas g.yung drung bstan pa'i snying po bla med gsang ba sngags kyi rtsas su/ zhal bzhes bde ldan gsang sngags gling du lo bstar chags su bsgrub chen sman sgrub sbrel ma 'dzug pa'i cha rkyen du/ rang gzhan grub mtha' pha rol du son pa'i bdag nyid chen po ku sa zla 'od rnam 'phrul kun mkhyen 'jam dbyangs mkhyen brtse'i dbang po'am mi shig g.yung drung 'byung gnas rtsal zhes grags pa 'khor lo'i dbang phyug chen po'i zhal snga nas/ g.yung drung bon gyi bka' gter snyan gsum bshad sgrab chen po'i bstan pa rin po che'i gya nom pa'i 'bul bkur gyi rten 'brel shin tu legs pa'i rgyu ci rigs pa'i ltas ngo mtshar du ma dang / gzhan yang sman ri'i mkhan chen nyi ma bstan 'dzin dang / mchog chen po rig 'dzin kun sgrol (grol) bzhi pa bstan 'dzin tshul khrims grags pa gnyis nas/ bstan rnying gso zhing gter gsar gsar spel gyi legs mdzad phra mo yan chad snyom las dang btang snyoms su ma song bar/ ci rgyas su spel dgos zhes yang yang bka' gsar phebs pas dang*/ nye bar shwaka rigs bla ma 'gro 'dul grags pa dang / rigs sras tshe dbang bsod nams bstan 'dzin rgyal mtshan sogs kyi gsung gsang gis rjes su gnang ba la brten nas/ rig 'dzin kun grol gsang ba rtsal gyis bshad sgrab g.yung drung bstan pa'i gzhal med khang chen po 'chi med g.yung drung bkod pa'i khang bzang du bris pa dge legs su gyur cig/
