Colophon ཅེས་པ་འདི་ནི་ས་ཡོས་ལོར་སྒྲུབ་སྡེ་བྱང་ཆུབ་གླིང་དུ་བོན་སྡེ་ཅི་རིགས་ལ་འཆད་ཉན་བགྱིད་སྐབས། འཛིན་ཐ་བ་འགའ་ལ་ཉེར་མཁོའི་ཆེད་དུ་བསླབ་པ་དྲིས་ལན་ཞིག་བྲིས་ནས་ཚོགས་ལངས་སྐབས་ཀྱི་འཛིན་ཐོར་སྤེལ་མཚམས། སྡེ་དགེ་ནས་མདོ་ཁམས་བསྟན་པའི་བདག་པོ་འཇིགས་བྲལ་གྱི་སློབ་དཔོན་ཆེན་པོ་འཇམ་དབྱངས་མཁྱེན་བརྩེ་དབང་པོའི་ཡང་སྲིད་རིན་པོ་ཆེ་འཇམ་དབྱངས་ཆོས་ཀྱི་བློ་གྲོས་ཀྱི་ཞལ་སྔ་ནས། བོན་གྱི་བསྟན་པ་དང་བསྟན་འཛིན་བྱོན་ཚུལ་དང་འབྲེལ་བའི་ལྟ་སྒོམ་སྤྱོད་འབྲས་ཀྱི་རྣམ་བཞག་དང་གཞུང་ལུགས་གཙོ་ཆེ་བཞུགས་ཚུལ་རྣམས་གསལ་བའི་རྣམ་བཤད་ཅིག་གྱིས་ཤིག་པའི་བཀའ་བརྩལ་བཞིན་ཁོད་སྤུངས་ཀྱི་རུས་སུ་བྱུང་བའི་གཤེན་གྱི་དྲང་སྲོང་རིགས་པ་སྨྲ་བ་དབྲ་སྟོན་བསྐལ་(སྐལ)བཟང་བསྟན་རྒྱལ་ཞེས་འབོད་པས་སྐབས་ལྔ་པོ་རྫོགས་པར་སྦྱར་ནས་བཞེད་སྐོང་དུ་བགྱིས་པ་སྟེ་གཤེན་བསྟན་མཛེས་པའི་རྒྱན་དུ་གྱུར་ཅིག། ces pa 'di ni sa yos lor sgrub sde byang chub gling du bon sde ci rigs la 'chad nyan bgyid skabs/ 'dzin tha ba 'ga' la nyer mkho'i ched du bslab pa dris lan zhig bris nas tshogs langs skabs kyi 'dzin thor spel mtshams/ sde dge nas mdo khams bstan pa'i bdag po 'jigs bral gyi slob dpon chen po 'jam dbyangs mkhyen brtse dbang po'i yang srid rin po che 'jam dbyangs chos kyi blo gros kyi zhal snga nas/ bon gyi bstan pa dang bstan 'dzin byon tshul dang 'brel ba'i lta sgom spyod 'bras kyi rnam bzhag dang gzhung lugs gtso che bzhugs tshul rnams gsal ba'i rnam bshad cig gyis shig pa'i bka' brtsal bzhin khod spungs kyi rus su byung ba'i gshen gyi drang srong rigs pa smra ba dbra ston bskal (skal)bzang bstan rgyal zhes 'bod pas skabs lnga po rdzogs par sbyar nas bzhed skong du bgyis pa ste gshen bstan mdzes pa'i rgyan du gyur cig/
