Colophon ཅེས་ཏེ་གསས་མཁར་རིན་པོ་ཆེ་སྤྱི་སྤུངས་ཀྱི་ནང་ནས་མན་ངག་གི་ཡང་ཁོལ་གསང་བའི་སྙིང་པོ་དོན་གྱི་བརྣག་པ་དྲ་བ་དམར་ནག་ཏིང་མུར་བསྙེན་སྒྲུབ་རྩ་བའི་རྒྱུད་འགྲེལ་བ་རྒྱུ་འཕྲུལ་དབང་དྲག་གནམ་ལྕགས་ངར་མ་ཐོག་ཆེན་འབར་བ་དྲག་ཏུ་འཁོར་ལོ་ཞེས་བྱ་བ་འདི་ནི། རྒྱལ་བའི་གདུང་འཛིན་དམ་པ་རྣམས་ཀྱི་ཞབས་རྡུལ་གཙུག་གི་ནོར་བུ་ལྟར་དུ་ཁུར་ཞིང་ཡོངས་འཛིན་མཁས་པ་དུ་མ་ཞིག་གི་བློ་གྲོས་ལས་ཅུང་ཟད་ཙམ་སྨིན་པར་བྱས་པ། བྲུ་ཡི་བཙུན་པ་ག་རི་གྱེར་ཤིན་གྱི་ངོར་སྡེ་སྣོད་འཛིན་ཅིང་རིགས་སྔགས་སྨྲ་བ། གཤེན་གྱི་དགེ་སྦྱོང་བསོད་ནམས་བློ་གྲོས་རིག་པ་ཐོག་འཕེན་ཅེས་བྱ་བ་ལ་ཤིན་དུ་དད་པའི་བློ་གྲོས་དང་ལྡན་ཅིང་ལུང་རིགས་སྨྲ་བའི་བཙུན་པ་དད་པ་རྒྱལ་མཚན་ཅེས་པས་ཡང་ནས་ཡང་དུ་བསྐུལ་བའི་ངོར། ཁ་བ་ཅན་གྱི་ལྗོངས། རུ་བཞིའི་མཐིལ་གཡས་རུའི་ཁྲོད་ཡར་ཆབ་ཀྱི་འགྲམ། གདན་ས་ཆེན་པོ་ཁམས་ལྷུང་དབེན་ས་ཁ་ཡི་གཙུག་ལག་ཁང་ཆེན་པོར་གསང་བ་སྔགས་ཀྱི་ལུས་ཡོངས་སུ་རྫོགས་པར་གཏན་ལ་ཕབ་སྟེ་སྦྱོར་བ་རེ་ཞིག་རྫོགས་སོ། གསང་རྒྱུད་འདི་ཡང་རྫོགས་པའི་སངས་རྒྱས་ཀྱི་བསྟན་པ་ཇི་སྲིད་གནས་ཀྱི་བར་དུ། འགྲོ་བ་དཔག་ཏུ་མེད་པའི་འབྱུང་དུག་ཕུང་པོ་ལྷ་སྐུ་རིག་སྟོབས་སུ་བསྒྱར་ཅིང*། ཏིག་རྣམ་ཀུན་གཟིགས་བསྟན་གསང་བ་སྔགས་ཀྱིས་ཡོངས་སུ་བཟུང་སྟེ་རབ་ཏུ་གནས་ནས་འོག་རིག་ཏུ་ཙུག་ནིང་གསས་མཁར་ཏིང་མུར་གཡུ་རྩེའི་རྒྱུད་འགྲེལ་འདི་ས་ཕྱོགས་གང་ལའང་དཔེ་དཀོན་གཤིས་གཤེན་བསྟན་སྨན་རིའི་སྡོམ་བརྩོན་དགེ་བསམ་གཏན་ཉི་མ་དང*། དགེ་བཟོད་པ་རྒྱལ་མཚན་ཁུ་དབང་ཟུང་ནས་བརྩོན་བསྐྱེད་ལྷུར་ལེན་གྱིས། སྨན་རིའི་སྒྲུབ་ཁང་དཔེ་ཁྲོད་ནས་ཞལ་བཤུས་པའོ།། ces te gsas mkhar rin po che spyi spungs kyi nang nas man ngag gi yang khol gsang ba'i snying po don gyi brnag pa dra ba dmar nag ting mur bsnyen sgrub rtsa ba'i rgyud 'grel ba rgyu 'phrul dbang drag gnam lcags ngar ma thog chen 'bar ba drag tu 'khor lo zhes bya ba 'di ni/ rgyal ba'i gdung 'dzin dam pa rnams kyi zhabs rdul gtsug gi nor bu ltar du khur zhing yongs 'dzin mkhas pa du ma zhig gi blo gros las cung zad tsam smin par byas pa/ bru yi btsun pa ga ri gyer shin gyi ngor sde snod 'dzin cing rigs sngags smra ba/ gshen gyi dge sbyong bsod nams blo gros rig pa thog 'phen ces bya ba la shin du dad pa'i blo gros dang ldan cing lung rigs smra ba'i btsun pa dad pa rgyal mtshan ces pas yang nas yang du bskul ba'i ngor/ kha ba can gyi ljongs/ ru bzhi'i mthil g.yas ru'i khrod yar chab kyi 'gram/ gdan sa chen po khams lhung dben sa kha yi gtsug lag khang chen por gsang ba sngags kyi lus yongs su rdzogs par gtan la phab ste sbyor ba re zhig rdzogs so/ gsang rgyud 'di yang rdzogs pa'i sangs rgyas kyi bstan pa ji srid gnas kyi bar du/ 'gro ba dpag tu med pa'i 'byung dug phung po lha sku rig stobs su bsgyar cing*/ tig rnam kun gzigs bstan gsang ba sngags kyis yongs su bzung ste rab tu gnas nas 'og rig tu tsug ning gsas mkhar ting mur g.yu rtse'i rgyud 'grel 'di sa phyogs gang la'ang dpe dkon gshis gshen bstan sman ri'i sdom brtson dge bsam gtan nyi ma dang*/ dge bzod pa rgyal mtshan khu dbang zung nas brtson bskyed lhur len gyis/ sman ri'i sgrub khang dpe khrod nas zhal bshus pa'o//
