Colophon ཅེས་པའི་སྐྱབས་གནས་ཀུན་འདུས་མཆོག་གསུམ་ངོ་བོ་རྩ་བའི་བླ་མའི་སྒྲུབ་པ་ལས། ལམ་གྲོལ་བར་བྱེད་པའི་དབང་བསྐུར་བདག་འཇུག་ལེན་པར་བྱེད་པ་ཀུན་བཟང་དགོངས་པའི་སྤྱོད་ཡུལ་ཀ་དག་ལག་འཆང་ཞེས་བྱ་བ་ཡང་། དཔལ་སྙ་ཆེན་མཆོག་གི་གར་རོལ་ཀུན་མཁྱེན་གྲུབ་པའི་དབང་པོ་སངས་རྒྱས་བསྟན་འཛིན་གྲགས་པའི་རྒྱལ་ཚབ། མཁས་པ་རིན་ཆེན་བློ་གསལ་གྱི་གར་རོལ་སྤྱང་བླ་རིན་པོ་ཆེ་མཉམ་མེད་ཚུལ་ཁྲིམས་དབང་གྲགས་མཆོག་གིས་བཀའ་གསུང་སྤྱི་བོར་ཕབ་པ་དང་། མ་ཟད་མཁས་པའི་ནོར་ལ་དབང་ཞིང་ལུང་རྟོགས་བོན་གྱི་གནས་ལྔས་ཕྱུག་པའི་བཀའ་སློབ་པ་ཚུལ་ཁྲིམས་བློ་གྲོས་ཀྱིས་རྟེན་འབྲེལ་ལེགས་མཚོན་སྤྱི་བླུགས་དང་ལྷ་རྫས་དར་དཀར་གྱིས་སྣ་དྲངས་ནས་བསྐུལ་བ་ལ་བརྟེན་ནས། སྙིགས་དུས་ཀྱི་ཁོ་བོ་ཚེ་དབང་བླ་མའི་རྗེས་འབྲེང་ཚེ་དབངབདེ་ཆེན་སྙིང་པོའམ་གསང་མིང་གཡུང་དྲུང་ཐོག་མེད་དུ་འབོད་པ་དེས་དཔལ་ལྡན་ནོར་བུ་གླིང་གི་རི་ཁྲོད་ཀུན་བཟང་བདེ་ཆེན་ཕོ་བྲང་དུ། མཆོག་གསུམ་ངོ་བོ་དྲིན་ཅན་བླ་མ་དེ་ཉིད་མདུན་དུ་བཞུགས་པར་བྱས་ཤིང་། མི་ཕྱེད་དད་པས་རྒྱུན་ཐག་བསྲིང་ནས་བྲིས་ཏེ་སྤེལ་བའོ། དགེ་དེས་ལུས་ཅན་འགྲོ་བ་ཐ་དག་བླ་མེད་རྫོགས་པ་ཆེན་པོའི་དོན་རྟོགས་ནས་སྐྱེ་མེད་སྤྲོས་པའི་མཐའ་བརྒྱད་དང་བྲལ་བའི་རྒྱུ་རུ་གྱུར་ཅིག། ces pa'i skyabs gnas kun 'dus mchog gsum ngo bo rtsa ba'i bla ma'i sgrub pa las/ lam grol bar byed pa'i dbang bskur bdag 'jug len par byed pa kun bzang dgongs pa'i spyod yul ka dag lag 'chang zhes bya ba yang / dpal snya chen mchog gi gar rol kun mkhyen grub pa'i dbang po sangs rgyas bstan 'dzin grags pa'i rgyal tshab/ mkhas pa rin chen blo gsal gyi gar rol spyang bla rin po che mnyam med tshul khrims dbang grags mchog gis bka' gsung spyi bor phab pa dang / ma zad mkhas pa'i nor la dbang zhing lung rtogs bon gyi gnas lngas phyug pa'i bka' slob pa tshul khrims blo gros kyis rten 'brel legs mtshon spyi blugs dang lha rdzas dar dkar gyis sna drangs nas bskul ba la brten nas/ snyigs dus kyi kho bo tshe dbang bla ma'i rjes 'breng tshe dbangabade chen snying po'am gsang ming g.yung drung thog med du 'bod pa des dpal ldan nor bu gling gi ri khrod kun bzang bde chen pho brang du/ mchog gsum ngo bo drin can bla ma de nyid mdun du bzhugs par byas shing / mi phyed dad pas rgyun thag bsring nas bris te spel ba'o/ dge des lus can 'gro ba tha dag bla med rdzogs pa chen po'i don rtogs nas skye med spros pa'i mtha' brgyad dang bral ba'i rgyu ru gyur cig/
